| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
5. б̣ахуж̇анахид̇асуд̇д̇аван̣н̣анаа
5. Bahujanahitasuttavaṇṇanā
84. бан̃жамз логзд̇и зд̇т̇а д̇аяо логаа – сад̇д̇алого, сан̇кааралого, огаасалогод̇и. д̇зсу инд̣̇рияаб̣ад̣̇д̇хаанам̣ руубад̇хаммаанам̣ аруубад̇хаммаанам̣ руубааруубад̇хаммаанан̃жа санд̇аанавасзна вад̇д̇амаанаанам̣ самуухо сад̇д̇алого, бат̇авийбаб̣б̣ад̇аад̣̇ибхзд̣̇о огаасалого, убхаязби канд̇хаа сан̇кааралого. д̇зсу сад̇д̇алого ид̇ха ад̇хиббзд̇о. д̇асмаа логзд̇и сад̇д̇алогз. д̇ад̇т̇ааби на д̣̇звалогз, на б̣рахмалогз, мануссалогз. мануссалогзби на ан̃н̃асмим̣ жаггаваал̣з, имасмим̣язва жаггаваал̣з. д̇ад̇рааби на саб̣б̣адтаанзсу, ‘‘бурад̇т̇имааяа д̣̇исааяа г̇аж̇ан̇г̇алам̣ наама ниг̇амо, д̇асса абарзна махаасаалаа, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз; бурад̇т̇имад̣̇агкин̣ааяа д̣̇исааяа саллавад̇ий наама над̣̇ий, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз; д̣̇агкин̣ааяа д̣̇исааяа сзд̇аган̣н̣игам̣ наама ниг̇амо, д̇ад̇о барам̣ бажжанд̇имаа ж̇анабад̣̇аа , орад̇о маж̇жхз; бажчимааяа д̣̇исааяа т̇уун̣ам̣ наама б̣раахман̣аг̇аамо, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз; уд̇д̇арааяа д̣̇исааяа усирад̣̇д̇хаж̇о наама баб̣б̣ад̇о, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз’’д̇и (махаава. 259) звам̣ барижчиннз ааяаамад̇о д̇ияож̇анасад̇з вид̇т̇аарад̇о ад̣дхад̇зяяаяож̇анасад̇з баригкзбад̇о наваяож̇анасад̇з маж̇жхимад̣̇зсз уббаж̇ж̇ад̇и д̇ат̇ааг̇ад̇о. на гзвалан̃жа д̇ат̇ааг̇ад̇ова бажжзгаб̣уд̣̇д̇хаа аг̇г̇асаавагаа асийд̇имахаат̇зраа б̣уд̣̇д̇хамаад̇аа б̣уд̣̇д̇хабид̇аа жаггавад̇д̇ирааж̇аа ан̃н̃з жа саараббад̇д̇аа б̣раахман̣аг̇ахабад̇игаа зд̇т̇зва уббаж̇ж̇анд̇и. ид̇ха бана д̇ат̇ааг̇ад̇аваарзязва саб̣б̣ад̇т̇агавасзна аяам̣ наяо лаб̣бхад̇и, ид̇арзсу згад̣̇зсавасзна.
84. Pañcame loketi ettha tayo lokā – sattaloko, saṅkhāraloko, okāsalokoti. Tesu indriyabaddhānaṃ rūpadhammānaṃ arūpadhammānaṃ rūpārūpadhammānañca santānavasena vattamānānaṃ samūho sattaloko, pathavīpabbatādibhedo okāsaloko, ubhayepi khandhā saṅkhāraloko. Tesu sattaloko idha adhippeto. Tasmā loketi sattaloke. Tatthāpi na devaloke, na brahmaloke, manussaloke. Manussalokepi na aññasmiṃ cakkavāḷe, imasmiṃyeva cakkavāḷe. Tatrāpi na sabbaṭṭhānesu, ‘‘puratthimāya disāya gajaṅgalaṃ nāma nigamo, tassa aparena mahāsālā, tato paraṃ paccantimā janapadā, orato majjhe; puratthimadakkhiṇāya disāya sallavatī nāma nadī, tato paraṃ paccantimā janapadā, orato majjhe; dakkhiṇāya disāya setakaṇṇikaṃ nāma nigamo, tato paraṃ paccantimā janapadā , orato majjhe; pacchimāya disāya thūṇaṃ nāma brāhmaṇagāmo, tato paraṃ paccantimā janapadā, orato majjhe; uttarāya disāya usiraddhajo nāma pabbato, tato paraṃ paccantimā janapadā, orato majjhe’’ti (mahāva. 259) evaṃ paricchinne āyāmato tiyojanasate vitthārato aḍḍhateyyayojanasate parikkhepato navayojanasate majjhimadese uppajjati tathāgato. Na kevalañca tathāgatova paccekabuddhā aggasāvakā asītimahātherā buddhamātā buddhapitā cakkavattirājā aññe ca sārappattā brāhmaṇagahapatikā ettheva uppajjanti. Idha pana tathāgatavāreyeva sabbatthakavasena ayaṃ nayo labbhati, itaresu ekadesavasena.
уббаж̇ж̇амаанаа уббаж̇ж̇анд̇ийд̇и ид̣̇ам̣ бана убхаяамби виббагад̇аважанамзва, уббаж̇ж̇анд̇аа б̣ахуж̇анахид̇ад̇т̇ааяа уббаж̇ж̇анд̇и, на ан̃н̃зна гааран̣знаад̇и звамзд̇т̇а ад̇т̇о взд̣̇ид̇аб̣б̣о. зваруубан̃хзд̇т̇а сад̣̇д̣̇алагкан̣ам̣ на саггаа ан̃н̃зна сад̣̇д̣̇алагкан̣зна бадиб̣аахид̇ум̣.
Uppajjamānāuppajjantīti idaṃ pana ubhayampi vippakatavacanameva, uppajjantā bahujanahitatthāya uppajjanti, na aññena kāraṇenāti evamettha attho veditabbo. Evarūpañhettha saddalakkhaṇaṃ na sakkā aññena saddalakkhaṇena paṭibāhituṃ.
абижа уббаж̇ж̇амаано наама уббаж̇ж̇ад̇и наама уббанно наамаад̇и аяам̣ бабхзд̣̇о взд̣̇ид̇аб̣б̣о. д̇ат̇ааг̇ад̇о хи махаабхинийхаарам̣ гаронд̇о, б̣уд̣̇д̇хагарз д̇хаммз бариязсанд̇о, баарамияо буурзнд̇о, бан̃жа махаабарижжааг̇з барижжаж̇анд̇о, н̃аад̇ад̇т̇ажарияам̣ жаранд̇о, логад̇т̇ажарияам̣, б̣уд̣̇д̇хад̇т̇ажарияам̣ годим̣ баабзнд̇о, баарамияо буурзд̇ваа д̇усид̇абхаванз д̇идтанд̇о, д̇ад̇о од̇арид̇ваа жаримабхавз бадисанд̇хим̣ г̇ан̣ханд̇о, аг̇аарамаж̇жхз васанд̇о, абхинигкаманд̇о, махаабад̇хаанам̣ бад̣̇аханд̇о, барибагган̃аан̣о б̣од̇химан̣д̣ам̣ ааруяха маараб̣алам̣ вид̇хамзнд̇о батамаяаамз буб̣б̣зниваасам̣ ануссаранд̇о, маж̇жхимаяаамз д̣̇иб̣б̣ажагкум̣ висод̇хзнд̇о, бажчимаяаамз бадижжасамуббаад̣̇з н̃аан̣ам̣ од̇аарзд̇ваа анзгаагаарам̣ саб̣б̣асан̇каарз саммасид̇ваа сод̇аабад̇д̇имаг̇г̇ам̣ бадивиж̇жханд̇о яаава анааг̇аамипалам̣ сажчигаронд̇оби уббаж̇ж̇амаано зва наама, арахад̇д̇амаг̇г̇агкан̣з уббаж̇ж̇ад̇и наама, арахад̇д̇апалагкан̣з бана уббанно наама. б̣уд̣̇д̇хаанан̃хи саавагаанам̣ вияа на бадибаадияаа ид̣̇д̇хивид̇хан̃аан̣аад̣̇ийнам̣ уббаад̣̇анагижжам̣ ад̇т̇и, сахзва бана арахад̇д̇амаг̇г̇зна сагалоби б̣уд̣̇д̇хаг̇ун̣арааси ааг̇ад̇ова наама ход̇и. д̇асмаа д̇з ниб̣б̣ад̇д̇асаб̣б̣агижжад̇д̇аа арахад̇д̇апалагкан̣з уббаннаа наама хонд̇и. ид̇ха арахад̇д̇апалагкан̣ам̣ санд̇хааяа ‘‘уббаж̇ж̇ад̇ий’’д̇и вуд̇д̇о. уббанно ход̇ийд̇и аяан̃хзд̇т̇а ад̇т̇о.
Apica uppajjamāno nāma uppajjati nāma uppanno nāmāti ayaṃ pabhedo veditabbo. Tathāgato hi mahābhinīhāraṃ karonto, buddhakare dhamme pariyesanto, pāramiyo pūrento, pañca mahāpariccāge pariccajanto, ñātatthacariyaṃ caranto, lokatthacariyaṃ, buddhatthacariyaṃ koṭiṃ pāpento, pāramiyo pūretvā tusitabhavane tiṭṭhanto, tato otaritvā carimabhave paṭisandhiṃ gaṇhanto, agāramajjhe vasanto, abhinikkhamanto, mahāpadhānaṃ padahanto, paripakkañāṇo bodhimaṇḍaṃ āruyha mārabalaṃ vidhamento paṭhamayāme pubbenivāsaṃ anussaranto, majjhimayāme dibbacakkhuṃ visodhento, pacchimayāme paṭiccasamuppāde ñāṇaṃ otāretvā anekākāraṃ sabbasaṅkhāre sammasitvā sotāpattimaggaṃ paṭivijjhanto yāva anāgāmiphalaṃ sacchikarontopi uppajjamāno eva nāma, arahattamaggakkhaṇe uppajjati nāma, arahattaphalakkhaṇe pana uppanno nāma. Buddhānañhi sāvakānaṃ viya na paṭipāṭiyā iddhividhañāṇādīnaṃ uppādanakiccaṃ atthi, saheva pana arahattamaggena sakalopi buddhaguṇarāsi āgatova nāma hoti. Tasmā te nibbattasabbakiccattā arahattaphalakkhaṇe uppannā nāma honti. Idha arahattaphalakkhaṇaṃ sandhāya ‘‘uppajjatī’’ti vutto. Uppanno hotīti ayañhettha attho.
саавагоби кийн̣аасаво саавагаб̣од̇хияаа хзд̇убхууд̇з бун̃н̃асамбхаарз самбхаранд̇о буб̣б̣аяог̇ам̣ буб̣б̣ажарияам̣ г̇ад̇абажжааг̇ад̇авад̇д̇ам̣ буурзнд̇о жаримабхавз ниб̣б̣ад̇д̇анд̇о ануггамзна вин̃н̃уд̇ам̣ бад̇ваа сам̣саарз аад̣̇ийнавам̣ д̣̇исваа баб̣б̣аж̇ж̇ааяа жзд̇аяамаано баб̣б̣аж̇ж̇ам̣ мад̇т̇агам̣ баабзд̇ваа сийлаад̣̇ийни барибуурзнд̇о д̇худ̇ад̇хаммз самаад̣̇ааяа вад̇д̇амаано ж̇ааг̇арияам̣ ануяун̃ж̇анд̇о н̃аан̣аани ниб̣б̣ад̇д̇знд̇о вибассанам̣ бадтабзд̇ваа хздтимамаг̇г̇з ад̇хиг̇ажчанд̇оби уббаж̇ж̇амаано зва наама, арахад̇д̇амаг̇г̇агкан̣з уббаж̇ж̇ад̇и наама, арахад̇д̇апалагкан̣з бана уббанно наама. сзгко бана буб̣б̣уубаниссаяад̇о бадтааяа яаава г̇од̇рабхун̃аан̣аа уббаж̇ж̇амаано наама, батамамаг̇г̇агкан̣з уббаж̇ж̇ад̇и наама, батамапалагкан̣ад̇о бадтааяа уббанно наама. зд̇д̇аавад̇аа ‘‘д̇аяомз, бхигкавз, буг̇г̇алаа логз уббаж̇ж̇амаанаа уббаж̇ж̇анд̇ий’’д̇и бад̣̇аанам̣ ад̇т̇о вуд̇д̇о ход̇и.
Sāvakopi khīṇāsavo sāvakabodhiyā hetubhūte puññasambhāre sambharanto pubbayogaṃ pubbacariyaṃ gatapaccāgatavattaṃ pūrento carimabhave nibbattanto anukkamena viññutaṃ patvā saṃsāre ādīnavaṃ disvā pabbajjāya cetayamāno pabbajjaṃ matthakaṃ pāpetvā sīlādīni paripūrento dhutadhamme samādāya vattamāno jāgariyaṃ anuyuñjanto ñāṇāni nibbattento vipassanaṃ paṭṭhapetvā heṭṭhimamagge adhigacchantopi uppajjamāno eva nāma, arahattamaggakkhaṇe uppajjati nāma, arahattaphalakkhaṇe pana uppanno nāma. Sekkho pana pubbūpanissayato paṭṭhāya yāva gotrabhuñāṇā uppajjamāno nāma, paṭhamamaggakkhaṇe uppajjati nāma, paṭhamaphalakkhaṇato paṭṭhāya uppanno nāma. Ettāvatā ‘‘tayome, bhikkhave, puggalā loke uppajjamānā uppajjantī’’ti padānaṃ attho vutto hoti.
ид̣̇аани б̣ахуж̇анахид̇ааяаад̇иаад̣̇ийсу б̣ахуж̇анахид̇ааяаад̇и махааж̇анасса хид̇ад̇т̇ааяа. б̣ахуж̇анасукааяаад̇и махааж̇анасса сукад̇т̇ааяа. логаанугамбааяаад̇и сад̇д̇алогасса анугамбам̣ бадижжа. гад̇арасад̇д̇алогассаад̇и ? яо д̇ат̇ааг̇ад̇асса д̇хаммад̣̇зсанам̣ суд̇ваа д̇хаммам̣ бадивиж̇жхад̇и, амад̇абаанам̣ бивад̇и, д̇асса. бхаг̇авад̇о хи д̇хаммажаггаббавад̇д̇анасуд̇д̇анд̇ад̣̇зсанааяа ан̃н̃аад̇агон̣д̣ан̃н̃аббамукаа адтаараса б̣рахмагодияо д̇хаммам̣ бадивиж̇жхим̣су. звам̣ яаава субхад̣̇д̣̇абариб̣б̣ааж̇агавинаяанаа д̇хаммам̣ бадивид̣̇д̇хасад̇д̇аанам̣ г̇ан̣анаа над̇т̇и, махаасамаяасуд̇д̇анд̇ад̣̇зсанааяам̣ ман̇г̇аласуд̇д̇ам̣, жуул̣араахуловаад̣̇ам̣, самажид̇д̇ад̣̇зсанааяанд̇и имзсу жад̇уусу таанзсу абхисамаяам̣ бад̇д̇асад̇д̇аанам̣ барижчзд̣̇о над̇т̇и. звамзд̇асса абаримаан̣асса сад̇д̇алогасса анугамбааяа. саавагасса бана арахад̇о сзгкасса жа логаанугамбааяа уббад̇д̇и д̇хаммасзнаабад̇иаад̣̇ийхи д̇хаммабхан̣д̣ааг̇ааригаад̣̇ийхи жа д̣̇зсид̇ад̣̇зсанааяа бадивзд̇хаббад̇д̇асад̇д̇аанам̣ васзна, абарабхааг̇з жа махаамахинд̣̇ад̇т̇зраад̣̇ийхи д̣̇зсид̇ад̣̇зсанааяа бадивид̣̇д̇хасажжаанам̣ васзна, яааваж̇ж̇ад̇анаа ид̇о барам̣ анааг̇ад̇з жа саасанам̣ ниссааяа саг̇г̇амогкамаг̇г̇зсу бад̇идтаханд̇аанам̣ васзнаби аяамад̇т̇о вибхаавзд̇аб̣б̣о.
Idāni bahujanahitāyātiādīsu bahujanahitāyāti mahājanassa hitatthāya. Bahujanasukhāyāti mahājanassa sukhatthāya. Lokānukampāyāti sattalokassa anukampaṃ paṭicca. Katarasattalokassāti ? Yo tathāgatassa dhammadesanaṃ sutvā dhammaṃ paṭivijjhati, amatapānaṃ pivati, tassa. Bhagavato hi dhammacakkappavattanasuttantadesanāya aññātakoṇḍaññappamukhā aṭṭhārasa brahmakoṭiyo dhammaṃ paṭivijjhiṃsu. Evaṃ yāva subhaddaparibbājakavinayanā dhammaṃ paṭividdhasattānaṃ gaṇanā natthi, mahāsamayasuttantadesanāyaṃ maṅgalasuttaṃ, cūḷarāhulovādaṃ, samacittadesanāyanti imesu catūsu ṭhānesu abhisamayaṃ pattasattānaṃ paricchedo natthi. Evametassa aparimāṇassa sattalokassa anukampāya. Sāvakassa pana arahato sekkhassa ca lokānukampāya uppatti dhammasenāpatiādīhi dhammabhaṇḍāgārikādīhi ca desitadesanāya paṭivedhappattasattānaṃ vasena, aparabhāge ca mahāmahindattherādīhi desitadesanāya paṭividdhasaccānaṃ vasena, yāvajjatanā ito paraṃ anāgate ca sāsanaṃ nissāya saggamokkhamaggesu patiṭṭhahantānaṃ vasenapi ayamattho vibhāvetabbo.
абижа б̣ахуж̇анахид̇ааяаад̇и б̣ахуж̇анасса хид̇ад̇т̇ааяа, нзсам̣ бан̃н̃аасамбад̇д̇ияаа д̣̇идтад̇хаммигасамбарааяигахид̇уубад̣̇зсагод̇и. б̣ахуж̇анасукааяаад̇и б̣ахуж̇анасса сукад̇т̇ааяа, жааг̇асамбад̇д̇ияаа убагаран̣асукасамбад̣̇ааяагод̇и. логаанугамбааяаад̇и логасса анугамбанад̇т̇ааяа, мзд̇д̇аагарун̣аасамбад̇д̇ияаа маад̇аабид̇аро вияа логасса рагкид̇аа г̇обид̇аад̇и. ад̇т̇ааяа хид̇ааяа сукааяа д̣̇звамануссаананд̇и ид̇ха д̣̇звамануссаг̇г̇ахан̣зна бхаб̣б̣абуг̇г̇алз взнзяяасад̇д̇з зва г̇ахзд̇ваа д̇зсам̣ ниб̣б̣аанамаг̇г̇апалаад̇хиг̇амааяа д̇ат̇ааг̇ад̇асса уббад̇д̇и д̣̇ассид̇аа батамаваарз, д̣̇уд̇ияад̇ад̇ияаваарзсу бана арахад̇о сзгкасса жа васзна яож̇зд̇аб̣б̣ам̣. д̇ад̇т̇а ад̇т̇ааяаад̇и иминаа барамад̇т̇ааяа, ниб̣б̣аанааяаад̇и вуд̇д̇ам̣ ход̇и. хид̇ааяаад̇и д̇ам̣самбаабагамаг̇г̇ад̇т̇ааяаад̇и вуд̇д̇ам̣ ход̇и. ниб̣б̣аанасамбаабагамаг̇г̇ад̇о хи уд̇д̇арим̣ хид̇ам̣ наама над̇т̇и. сукааяаад̇и паласамаабад̇д̇исукад̇т̇ааяаад̇и вуд̇д̇ам̣ ход̇и, д̇ад̇о уд̇д̇ари сукаабхаавад̇о. вуд̇д̇ан̃хзд̇ам̣ ‘‘аяам̣ самаад̇хи бажжуббаннасуко жзва ааяад̇ин̃жа сукавибааго’’д̇и (д̣̇ий. ни. 3.355; а. ни. 5.27; вибха. 804).
Apica bahujanahitāyāti bahujanassa hitatthāya, nesaṃ paññāsampattiyā diṭṭhadhammikasamparāyikahitūpadesakoti. Bahujanasukhāyāti bahujanassa sukhatthāya, cāgasampattiyā upakaraṇasukhasampadāyakoti. Lokānukampāyāti lokassa anukampanatthāya, mettākaruṇāsampattiyā mātāpitaro viya lokassa rakkhitā gopitāti. Atthāya hitāya sukhāya devamanussānanti idha devamanussaggahaṇena bhabbapuggale veneyyasatte eva gahetvā tesaṃ nibbānamaggaphalādhigamāya tathāgatassa uppatti dassitā paṭhamavāre, dutiyatatiyavāresu pana arahato sekkhassa ca vasena yojetabbaṃ. Tattha atthāyāti iminā paramatthāya, nibbānāyāti vuttaṃ hoti. Hitāyāti taṃsampāpakamaggatthāyāti vuttaṃ hoti. Nibbānasampāpakamaggato hi uttariṃ hitaṃ nāma natthi. Sukhāyāti phalasamāpattisukhatthāyāti vuttaṃ hoti, tato uttari sukhābhāvato. Vuttañhetaṃ ‘‘ayaṃ samādhi paccuppannasukho ceva āyatiñca sukhavipāko’’ti (dī. ni. 3.355; a. ni. 5.27; vibha. 804).
д̇ат̇ааг̇ад̇од̇иаад̣̇ийнам̣ бад̣̇аанам̣ ад̇т̇о хздтаа вуд̇д̇о. виж̇ж̇аажаран̣асамбаннод̇иаад̣̇ийсу д̇иссоби виж̇ж̇аа бхаяабхзравз (ма. ни. 1.34 аад̣̇аяо) ааг̇ад̇анаязна, чаби виж̇ж̇аа чал̣абхин̃н̃аавасзна, адтаби виж̇ж̇аа амб̣адтасуд̇д̇з ааг̇ад̇аад̇и виж̇ж̇аахи, сийласам̣вараад̣̇ийхи, баннарасахи жаран̣ад̇хаммзхи жа, анан̃н̃асаад̇хааран̣зхи самбанно саманнааг̇ад̇од̇и виж̇ж̇аажаран̣асамбанно. собханаг̇аманад̇д̇аа, сунд̣̇арам̣ таанам̣ г̇ад̇ад̇д̇аа, саммаа г̇ад̇ад̇д̇аа, саммаа г̇ад̣̇ад̇д̇аа жа суг̇ад̇о. саб̣б̣ат̇аа вид̣̇ид̇алогад̇д̇аа логавид̣̇уу. над̇т̇и зд̇асса уд̇д̇арод̇и ануд̇д̇аро. бурисад̣̇аммз бурисавзнзяяз саарзд̇и винзд̇ийд̇и бурисад̣̇аммасаарат̇и. д̣̇идтад̇хаммигасамбарааяигабарамад̇т̇зхи яат̇аарахам̣ анусаасад̇ийд̇и сад̇т̇аа. саб̣б̣ассааби нзяяасса саб̣б̣аббагаарзна саяамбхун̃аан̣зна б̣уд̣̇д̇хад̇д̇аа б̣уд̣̇д̇ход̇и аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇ад̇о (висуд̣̇д̇хи. 1.132-133) г̇ахзд̇аб̣б̣о.
Tathāgatotiādīnaṃ padānaṃ attho heṭṭhā vutto. Vijjācaraṇasampannotiādīsu tissopi vijjā bhayabherave (ma. ni. 1.34 ādayo) āgatanayena, chapi vijjā chaḷabhiññāvasena, aṭṭhapi vijjā ambaṭṭhasutte āgatāti vijjāhi, sīlasaṃvarādīhi, pannarasahi caraṇadhammehi ca, anaññasādhāraṇehi sampanno samannāgatoti vijjācaraṇasampanno. Sobhanagamanattā, sundaraṃ ṭhānaṃ gatattā, sammā gatattā, sammā gadattā ca sugato. Sabbathā viditalokattā lokavidū. Natthi etassa uttaroti anuttaro. Purisadamme purisaveneyye sāreti vinetīti purisadammasārathi. Diṭṭhadhammikasamparāyikaparamatthehi yathārahaṃ anusāsatīti satthā. Sabbassāpi neyyassa sabbappakārena sayambhuñāṇena buddhattā buddhoti ayamettha saṅkhepo, vitthāro pana visuddhimaggato (visuddhi. 1.132-133) gahetabbo.
со д̇хаммам̣ д̣̇зсзд̇и аад̣̇и…бз… барияосаанагаляаан̣анд̇и со бхаг̇аваа сад̇д̇зсу гаарун̃н̃ам̣ бадижжа хид̇вааби ануд̇д̇арам̣ вивзгасукам̣ д̇хаммам̣ д̣̇зсзд̇и. д̇ан̃жа ко аббам̣ ваа б̣ахум̣ ваа д̣̇зсзнд̇о аад̣̇игаляаан̣аад̣̇иббагаарамзва д̣̇зсзд̇и. гат̇ам̣? згаг̇аат̇ааби хи саманд̇абхад̣̇д̣̇агад̇д̇аа д̇хаммасса батамабаад̣̇зна аад̣̇игаляаан̣аа, д̣̇уд̇ияад̇ад̇иязхи маж̇жхзгаляаан̣аа, бажчимзна барияосаанагаляаан̣аа. згаанусанд̇хигам̣ суд̇д̇ам̣ нид̣̇аанзна аад̣̇игаляаан̣ам̣, ниг̇аманзна барияосаанагаляаан̣ам̣, сзсзна маж̇жхзгаляаан̣ам̣. наанаанусанд̇хигам̣ суд̇д̇ам̣ батамзна анусанд̇хинаа аад̣̇игаляаан̣ам̣, бажчимзна барияосаанагаляаан̣ам̣, сзсзхи маж̇жхзгаляаан̣ам̣. сагалоби ваа саасанад̇хаммо ад̇д̇ано ад̇т̇абхууд̇зна сийлзна аад̣̇игаляаан̣о, самат̇авибассанаамаг̇г̇апалзхи маж̇жхзгаляаан̣о, ниб̣б̣аанзна барияосаанагаляаан̣о. сийласамаад̇хийхи ваа аад̣̇игаляаан̣о, вибассанаамаг̇г̇зхи маж̇жхзгаляаан̣о, паланиб̣б̣аанзхи барияосаанагаляаан̣о. б̣уд̣̇д̇хасуб̣уд̣̇д̇хад̇ааяа ваа аад̣̇игаляаан̣о, д̇хаммасуд̇хаммад̇ааяа маж̇жхзгаляаан̣о, сан̇гхасуббадибад̇д̇ияаа барияосаанагаляаан̣о. д̇ам̣ суд̇ваа д̇ат̇ад̇д̇ааяа бадибаннзна ад̇хиг̇анд̇аб̣б̣ааяа абхисамб̣од̇хияаа ваа аад̣̇игаляаан̣о, бажжзгаб̣од̇хияаа маж̇жхзгаляаан̣о, саавагаб̣од̇хияаа барияосаанагаляаан̣о. суяяамаано жзса нийваран̣авигкамбханад̇о саванзнаби галяаан̣амзва аавахад̇ийд̇и аад̣̇игаляаан̣о, бадибаж̇ж̇ияамаано самат̇авибассанаасукааваханад̇о бадибад̇д̇ияааби сукамзва аавахад̇ийд̇и маж̇жхзгаляаан̣о, д̇ат̇аабадибанно жа бадибад̇д̇ипалз нидтид̇з д̇аад̣̇ибхаавааваханад̇о бадибад̇д̇ипалзнаби галяаан̣амзва аавахад̇ийд̇и барияосаанагаляаан̣о. наат̇аббабхавад̇д̇аа жа бабхавасуд̣̇д̇хияаа аад̣̇игаляаан̣о, ад̇т̇асуд̣̇д̇хияаа маж̇жхзгаляаан̣о, гижжасуд̣̇д̇хияаа барияосаанагаляаан̣о. д̇зна вуд̇д̇ам̣ ‘‘со д̇хаммам̣ д̣̇зсзд̇и аад̣̇и…бз… барияосаанагаляаан̣а’’нд̇и.
So dhammaṃ deseti ādi…pe… pariyosānakalyāṇanti so bhagavā sattesu kāruññaṃ paṭicca hitvāpi anuttaraṃ vivekasukhaṃ dhammaṃ deseti. Tañca kho appaṃ vā bahuṃ vā desento ādikalyāṇādippakārameva deseti. Kathaṃ? Ekagāthāpi hi samantabhaddakattā dhammassa paṭhamapādena ādikalyāṇā, dutiyatatiyehi majjhekalyāṇā, pacchimena pariyosānakalyāṇā. Ekānusandhikaṃ suttaṃ nidānena ādikalyāṇaṃ, nigamanena pariyosānakalyāṇaṃ, sesena majjhekalyāṇaṃ. Nānānusandhikaṃ suttaṃ paṭhamena anusandhinā ādikalyāṇaṃ, pacchimena pariyosānakalyāṇaṃ, sesehi majjhekalyāṇaṃ. Sakalopi vā sāsanadhammo attano atthabhūtena sīlena ādikalyāṇo, samathavipassanāmaggaphalehi majjhekalyāṇo, nibbānena pariyosānakalyāṇo. Sīlasamādhīhi vā ādikalyāṇo, vipassanāmaggehi majjhekalyāṇo, phalanibbānehi pariyosānakalyāṇo. Buddhasubuddhatāya vā ādikalyāṇo, dhammasudhammatāya majjhekalyāṇo, saṅghasuppaṭipattiyā pariyosānakalyāṇo. Taṃ sutvā tathattāya paṭipannena adhigantabbāya abhisambodhiyā vā ādikalyāṇo, paccekabodhiyā majjhekalyāṇo, sāvakabodhiyā pariyosānakalyāṇo. Suyyamāno cesa nīvaraṇavikkhambhanato savanenapi kalyāṇameva āvahatīti ādikalyāṇo, paṭipajjiyamāno samathavipassanāsukhāvahanato paṭipattiyāpi sukhameva āvahatīti majjhekalyāṇo, tathāpaṭipanno ca paṭipattiphale niṭṭhite tādibhāvāvahanato paṭipattiphalenapi kalyāṇameva āvahatīti pariyosānakalyāṇo. Nāthappabhavattā ca pabhavasuddhiyā ādikalyāṇo, atthasuddhiyā majjhekalyāṇo, kiccasuddhiyā pariyosānakalyāṇo. Tena vuttaṃ ‘‘so dhammaṃ deseti ādi…pe… pariyosānakalyāṇa’’nti.
яам̣ бана бхаг̇аваа д̇хаммам̣ д̣̇зсзнд̇о саасанаб̣рахмажарияам̣ маг̇г̇аб̣рахмажарияан̃жа багаасзд̇и, наанаанаязхи д̣̇ийбзд̇и, д̇ам̣ яат̇аануруубам̣ ад̇т̇асамбад̇д̇ияаа саад̇т̇ам̣, б̣яан̃ж̇анасамбад̇д̇ияаа саб̣яан̃ж̇анам̣. сан̇гаасана, багаасана, виваран̣а, вибхаж̇ана, уд̇д̇аанийгаран̣а бан̃н̃ад̇д̇иад̇т̇абад̣̇асамааяог̇ад̇о саад̇т̇ам̣, агкарабад̣̇аб̣яан̃ж̇анаагааранируд̇д̇инид̣̇д̣̇зсасамбад̇д̇ияаа саб̣яан̃ж̇анам̣, ад̇т̇аг̇амбхийрад̇аабадивзд̇хаг̇амбхийрад̇аахи ваа саад̇т̇ам̣, д̇хаммаг̇амбхийрад̇аад̣̇зсанааг̇амбхийрад̇аахи саб̣яан̃ж̇анам̣. ад̇т̇абадибхаанабадисамбхид̣̇аависаяад̇о ваа саад̇т̇ам̣, д̇хамманируд̇д̇ибадисамбхид̣̇аависаяад̇о саб̣яан̃ж̇анам̣. бан̣д̣ид̇авзд̣̇анийяад̇о баригкагаж̇анаббасаад̣̇аганд̇и саад̇т̇ам̣, сад̣̇д̇хзяяад̇о логияаж̇анаббасаад̣̇аганд̇и саб̣яан̃ж̇анам̣. г̇амбхийраад̇хиббааяад̇о саад̇т̇ам̣, уд̇д̇аанабад̣̇ад̇о саб̣яан̃ж̇анам̣. убанзд̇аб̣б̣асса абхаавад̇о сагалабарибун̣н̣абхаавзна гзвалабарибун̣н̣ам̣, абанзд̇аб̣б̣асса абхаавад̇о нид̣̇д̣̇осабхаавзна барисуд̣̇д̇хам̣, абижа бадибад̇д̇ияаа ад̇хиг̇амаб̣яад̇д̇ид̇о саад̇т̇ам̣, барияад̇д̇ияаа ааг̇амаб̣яад̇д̇ид̇о саб̣яан̃ж̇анам̣, сийлаад̣̇ибан̃жад̇хаммагканд̇хабаарибуурияаа барибун̣н̣ам̣, нирубаггилзсад̇о нид̇т̇аран̣ад̇т̇ааяа бавад̇д̇ид̇о логаамисанирабзгкад̇о жа барисуд̣̇д̇хам̣, сигкад̇д̇аяабариг̇г̇ахид̇ад̇д̇аа б̣рахмабхууд̇зхи сздтзхи жарид̇аб̣б̣ад̇о д̇зсам̣ жарияабхаавад̇о жа б̣рахмажарияам̣. д̇асмаа ‘‘саад̇т̇ам̣ саб̣яан̃ж̇анам̣…бз… багаасзд̇ий’’д̇и вужжад̇и. батамод̇и г̇ан̣анаанубуб̣б̣ад̇о саб̣б̣алогуд̇д̇амабхаавад̇о жа батамо буг̇г̇ало.
Yaṃ pana bhagavā dhammaṃ desento sāsanabrahmacariyaṃ maggabrahmacariyañca pakāseti, nānānayehi dīpeti, taṃ yathānurūpaṃ atthasampattiyā sātthaṃ, byañjanasampattiyā sabyañjanaṃ. Saṅkāsana, pakāsana, vivaraṇa, vibhajana, uttānīkaraṇa paññattiatthapadasamāyogato sātthaṃ, akkharapadabyañjanākāraniruttiniddesasampattiyā sabyañjanaṃ, atthagambhīratāpaṭivedhagambhīratāhi vā sātthaṃ, dhammagambhīratādesanāgambhīratāhi sabyañjanaṃ. Atthapaṭibhānapaṭisambhidāvisayato vā sātthaṃ, dhammaniruttipaṭisambhidāvisayato sabyañjanaṃ. Paṇḍitavedanīyato parikkhakajanappasādakanti sātthaṃ, saddheyyato lokiyajanappasādakanti sabyañjanaṃ. Gambhīrādhippāyato sātthaṃ, uttānapadato sabyañjanaṃ. Upanetabbassa abhāvato sakalaparipuṇṇabhāvena kevalaparipuṇṇaṃ, apanetabbassa abhāvato niddosabhāvena parisuddhaṃ, apica paṭipattiyā adhigamabyattito sātthaṃ, pariyattiyā āgamabyattito sabyañjanaṃ, sīlādipañcadhammakkhandhapāripūriyā paripuṇṇaṃ, nirupakkilesato nittharaṇatthāya pavattito lokāmisanirapekkhato ca parisuddhaṃ, sikkhattayapariggahitattā brahmabhūtehi seṭṭhehi caritabbato tesaṃ cariyabhāvato ca brahmacariyaṃ. Tasmā ‘‘sātthaṃ sabyañjanaṃ…pe… pakāsetī’’ti vuccati. Paṭhamoti gaṇanānupubbato sabbalokuttamabhāvato ca paṭhamo puggalo.
д̇ассзва сад̇т̇у саавагод̇и д̇ассзва яат̇аавуд̇д̇аг̇ун̣асса сад̇т̇у саммаасамб̣уд̣̇д̇хасса д̇хаммад̣̇зсанааяа савананд̇з ж̇аад̇о д̇хаммасзнаабад̇исад̣̇исо сааваго, на бууран̣аад̣̇и вияа бадин̃н̃аамад̇д̇зна сад̇т̇у сааваго. баадибад̣̇од̇и бадибад̣̇аасан̇каад̇зна арияамаг̇г̇зна арияааяа ж̇аад̇ияаа ж̇аад̇о бхавод̇и баадибад̣̇о, анидтид̇абадибад̇д̇игижжо бадибаж̇ж̇амаанод̇и ад̇т̇о. суд̇д̇аг̇зяяаад̣̇и барияад̇д̇ид̇хаммо б̣ахум̣ суд̇о зд̇знаад̇и б̣ахуссуд̇о. баад̇имогкасам̣вараад̣̇исийлзна жзва ааран̃н̃иган̇г̇аад̣̇ид̇худ̇ан̇г̇авад̇зхи жа убабанно самбанно саманнааг̇ад̇од̇и сийлавад̇уубабанно. ид̇и бхаг̇аваа ‘‘логаанугамбаа наама хид̇аж̇жхаасаязна д̇хаммад̣̇зсанаа, саа жа имзсу зва д̇ийсу буг̇г̇алзсу бадиб̣ад̣̇д̇хаа’’д̇и д̣̇ассзд̇и. сзсам̣ сувин̃н̃зяяамзва.
Tasseva satthu sāvakoti tasseva yathāvuttaguṇassa satthu sammāsambuddhassa dhammadesanāya savanante jāto dhammasenāpatisadiso sāvako, na pūraṇādi viya paṭiññāmattena satthu sāvako. Pāṭipadoti paṭipadāsaṅkhātena ariyamaggena ariyāya jātiyā jāto bhavoti pāṭipado, aniṭṭhitapaṭipattikicco paṭipajjamānoti attho. Suttageyyādi pariyattidhammo bahuṃ suto etenāti bahussuto. Pātimokkhasaṃvarādisīlena ceva āraññikaṅgādidhutaṅgavatehi ca upapanno sampanno samannāgatoti sīlavatūpapanno. Iti bhagavā ‘‘lokānukampā nāma hitajjhāsayena dhammadesanā, sā ca imesu eva tīsu puggalesu paṭibaddhā’’ti dasseti. Sesaṃ suviññeyyameva.
г̇аат̇аасу д̇ассанваяод̇и д̇ассзва сад̇т̇у бадибад̇д̇ияаа д̇хаммад̣̇зсанааяа жа ануг̇аманзна д̇ассанваяо ануж̇аад̇о. авиж̇ж̇анд̇хагаарам̣ вид̇хамид̇ваа сабарасанд̇аанзсу д̇хаммаалогасан̇каад̇ааяа бабхааяа гаран̣ад̇о бабхан̇гараа. д̇хаммамуд̣̇ийраяанд̇аад̇и жад̇усажжад̇хаммам̣ гат̇знд̇аа. абаабуранд̇ийд̇и уг̇гхаадзнд̇и. амад̇асса ниб̣б̣аанасса. д̣̇ваарам̣ арияамаг̇г̇ам̣. яог̇аад̇и гаамаяог̇аад̣̇ид̇о. сад̇т̇аваахзнаад̇и взнзяяасад̇т̇авааханад̇о бхаваганд̇ааранид̇т̇аран̣ад̇о сад̇т̇аваахо, бхаг̇аваа, д̇зна сад̇т̇аваахзна. суд̣̇зсид̇ам̣ маг̇г̇амануггаманд̇ийд̇и д̇зна саммаа д̣̇зсид̇ам̣ арияамаг̇г̇ам̣ д̇асса д̣̇зсанаанусаарзна ануг̇ажчанд̇и бадибаж̇ж̇анд̇и. ид̇хзваад̇и имасмим̣язва ад̇д̇абхаавз. сзсам̣ уд̇д̇аанамзва.
Gāthāsu tassanvayoti tasseva satthu paṭipattiyā dhammadesanāya ca anugamanena tassanvayo anujāto. Avijjandhakāraṃ vidhamitvā saparasantānesu dhammālokasaṅkhātāya pabhāya karaṇato pabhaṅkarā. Dhammamudīrayantāti catusaccadhammaṃ kathentā. Apāpurantīti ugghāṭenti. Amatassa nibbānassa. Dvāraṃ ariyamaggaṃ. Yogāti kāmayogādito. Satthavāhenāti veneyyasatthavāhanato bhavakantāranittharaṇato satthavāho, bhagavā, tena satthavāhena. Sudesitaṃ maggamanukkamantīti tena sammā desitaṃ ariyamaggaṃ tassa desanānusārena anugacchanti paṭipajjanti. Idhevāti imasmiṃyeva attabhāve. Sesaṃ uttānameva.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 5. б̣ахуж̇анахид̇асуд̇д̇ам̣ • 5. Bahujanahitasuttaṃ
