| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๘. พหุการสุตฺตํ
8. Bahukārasuttaṃ
๑๐๗. วุตฺตเญฺหตํ ภควตา, วุตฺตมรหตาติ เม สุตํ –
107. Vuttañhetaṃ bhagavatā, vuttamarahatāti me sutaṃ –
‘‘พหุการา 1, ภิกฺขเว, พฺราหฺมณคหปติกา ตุมฺหากํ เย โว 2 ปจฺจุปฎฺฐิตา จีวรปิณฺฑปาตเสนาสนคิลานปจฺจยเภสชฺชปริกฺขาเรหิฯ ตุเมฺหปิ, ภิกฺขเว, พหุการา พฺราหฺมณคหปติกานํ ยํ 3 เนสํ ธมฺมํ เทเสถ อาทิกลฺยาณํ มเชฺฌกลฺยาณํ ปริโยสานกลฺยาณํ สาตฺถํ สพฺยญฺชนํ, เกวลปริปุณฺณํ ปริสุทฺธํ พฺรหฺมจริยํ ปกาเสถฯ เอวมิทํ, ภิกฺขเว, อญฺญมญฺญํ นิสฺสาย พฺรหฺมจริยํ วุสฺสติ โอฆสฺส นิตฺถรณตฺถาย สมฺมา ทุกฺขสฺส อนฺตกิริยายา’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Bahukārā 4, bhikkhave, brāhmaṇagahapatikā tumhākaṃ ye vo 5 paccupaṭṭhitā cīvarapiṇḍapātasenāsanagilānapaccayabhesajjaparikkhārehi. Tumhepi, bhikkhave, bahukārā brāhmaṇagahapatikānaṃ yaṃ 6 nesaṃ dhammaṃ desetha ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsetha. Evamidaṃ, bhikkhave, aññamaññaṃ nissāya brahmacariyaṃ vussati oghassa nittharaṇatthāya sammā dukkhassa antakiriyāyā’’ti. Etamatthaṃ bhagavā avoca. Tatthetaṃ iti vuccati –
‘‘สาคารา อนคารา จ, อุโภ อโญฺญญฺญนิสฺสิตา;
‘‘Sāgārā anagārā ca, ubho aññoññanissitā;
อาราธยนฺติ สทฺธมฺมํ, โยคเกฺขมํ อนุตฺตรํฯ
Ārādhayanti saddhammaṃ, yogakkhemaṃ anuttaraṃ.
‘‘สาคาเรสุ จ จีวรํ, ปจฺจยํ สยนาสนํ;
‘‘Sāgāresu ca cīvaraṃ, paccayaṃ sayanāsanaṃ;
อนคารา ปฎิจฺฉนฺติ, ปริสฺสยวิโนทนํฯ
Anagārā paṭicchanti, parissayavinodanaṃ.
สทฺทหานา อรหตํ, อริยปญฺญาย ฌายิโนฯ
Saddahānā arahataṃ, ariyapaññāya jhāyino.
‘‘อิธ ธมฺมํ จริตฺวาน, มคฺคํ สุคติคามินํ;
‘‘Idha dhammaṃ caritvāna, maggaṃ sugatigāminaṃ;
นนฺทิโน เทวโลกสฺมิํ, โมทนฺติ กามกามิโน’’ติฯ
Nandino devalokasmiṃ, modanti kāmakāmino’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ อฎฺฐมํฯ
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๘. พหุการสุตฺตวณฺณนา • 8. Bahukārasuttavaṇṇanā
