| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৪. বহুকারসুত্তৰণ্ণনা
4. Bahukārasuttavaṇṇanā
২৪. চতুত্থে অৰস্সযং গতোতি ৰট্টদুক্খপরিমুত্তিযা অৰস্সযো ময্হন্তি সরণগমনক্কমেন উপগতো হোতি। সতন্তিকন্তি সপরিযত্তিধম্মং। অগ্গহিতসরণপুব্বস্সাতি অগ্গহিতপুব্বসরণস্স। অকতাভিনিৰেসস্স ৰসেন ৰুত্তন্তি তস্মিং অত্তভাৰে ন কতো সরণগমনাভিনিৰেসো যেনাতি অকতাভিনিৰেসো, তস্স ৰসেন ৰুত্তং। কামং পুব্বেপি সরণদাযকো আচরিযো ৰুত্তো, পব্বজ্জাদাযকোপি সরণদাযকোৰ। পুব্বে পন উপাসকভাৰাপাদকৰসেন সরণদাযকো অধিপ্পেতো। ইদং পন গহিতপব্বজ্জস্স সরণগমনং। পব্বজা হি সৰিসেসং সরণগমনন্তি পব্বজ্জাদাযকো পুন ৰুত্তো। এতেতি পব্বজ্জাদাযকাদযো। দুৰিধেন পরিচ্ছিন্নাতি লোকিযধম্মসম্পাপকো লোকুত্তরধম্মসম্পাপকোতি দ্ৰিপ্পকারেন পরিচ্ছিন্না, কতাভিনিৰেসঅকতাভিনিৰেসৰসেন ৰা। উপরীতি পঠমমগ্গতো উপরি। নেৰ সক্কোতীতি আচরিযেন কতস্স উপকারস্স মহানুভাৰত্তা তস্স পতিকারং নাম কাতুং ন সক্কোতি।
24. Catutthe avassayaṃ gatoti vaṭṭadukkhaparimuttiyā avassayo mayhanti saraṇagamanakkamena upagato hoti. Satantikanti sapariyattidhammaṃ. Aggahitasaraṇapubbassāti aggahitapubbasaraṇassa. Akatābhinivesassa vasena vuttanti tasmiṃ attabhāve na kato saraṇagamanābhiniveso yenāti akatābhiniveso, tassa vasena vuttaṃ. Kāmaṃ pubbepi saraṇadāyako ācariyo vutto, pabbajjādāyakopi saraṇadāyakova. Pubbe pana upāsakabhāvāpādakavasena saraṇadāyako adhippeto. Idaṃ pana gahitapabbajjassa saraṇagamanaṃ. Pabbajā hi savisesaṃ saraṇagamananti pabbajjādāyako puna vutto. Eteti pabbajjādāyakādayo. Duvidhena paricchinnāti lokiyadhammasampāpako lokuttaradhammasampāpakoti dvippakārena paricchinnā, katābhinivesaakatābhinivesavasena vā. Uparīti paṭhamamaggato upari. Neva sakkotīti ācariyena katassa upakārassa mahānubhāvattā tassa patikāraṃ nāma kātuṃ na sakkoti.
বহুকারসুত্তৰণ্ণনা নিট্ঠিতা।
Bahukārasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৪. বহুকারসুত্তং • 4. Bahukārasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. বহুকারসুত্তৰণ্ণনা • 4. Bahukārasuttavaṇṇanā
