| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. б̣ахугаарасуд̇д̇аван̣н̣анаа
4. Bahukārasuttavaṇṇanā
24. жад̇уд̇т̇з д̇аяомз, бхигкавз, буг̇г̇алаад̇и д̇аяо аажарияабуг̇г̇алаа. буг̇г̇аласса б̣ахугаараад̇и анд̇зваасигабуг̇г̇аласса б̣ахуубагаараа. б̣уд̣̇д̇ханд̇и саб̣б̣ан̃н̃уб̣уд̣̇д̇хам̣. саран̣ам̣ г̇ад̇о ход̇ийд̇и авассаяам̣ г̇ад̇о ход̇и. д̇хамманд̇и сад̇анд̇игам̣ навалогуд̇д̇арад̇хаммам̣. сан̇гханд̇и адтаарияабуг̇г̇аласамуухам̣. ид̣̇ан̃жа бана саран̣аг̇аманам̣ аг̇г̇ахид̇асаран̣абуб̣б̣асса агад̇аабхинивзсасса васзна вуд̇д̇ам̣. ид̇и имасмим̣ суд̇д̇з саран̣ад̣̇ааяаго сод̇аабад̇д̇имаг̇г̇асамбаабаго арахад̇д̇амаг̇г̇асамбаабагод̇и д̇аяо аажарияаа б̣ахугаараад̇и ааг̇ад̇аа, баб̣б̣аж̇ж̇аад̣̇ааяаго б̣уд̣̇д̇хаважанад̣̇ааяаго гаммаваажаажарияо сагад̣̇ааг̇аамимаг̇г̇асамбаабаго анааг̇аамимаг̇г̇асамбаабагод̇и имз аажарияаа на ааг̇ад̇аа, гим̣ зд̇з на б̣ахугаараад̇и? но, на б̣ахугаараа. аяам̣ бана д̣̇зсанаа д̣̇увид̇хзна барижчиннаа. д̇асмаа саб̣б̣збзд̇з б̣ахугаараа. д̇зсу саран̣аг̇аманасмим̣язва агад̇аабхинивзсо ваддад̇и, жад̇убаарисуд̣̇д̇хисийлагасин̣абаригаммавибассанаан̃аан̣аани бана батамамаг̇г̇асанниссид̇аани хонд̇и, убари д̣̇вз маг̇г̇аа жа палаани жа арахад̇д̇амаг̇г̇асанниссид̇аанийд̇и взд̣̇ид̇аб̣б̣аани.
24. Catutthe tayome, bhikkhave, puggalāti tayo ācariyapuggalā. Puggalassabahukārāti antevāsikapuggalassa bahūpakārā. Buddhanti sabbaññubuddhaṃ. Saraṇaṃ gato hotīti avassayaṃ gato hoti. Dhammanti satantikaṃ navalokuttaradhammaṃ. Saṅghanti aṭṭhaariyapuggalasamūhaṃ. Idañca pana saraṇagamanaṃ aggahitasaraṇapubbassa akatābhinivesassa vasena vuttaṃ. Iti imasmiṃ sutte saraṇadāyako sotāpattimaggasampāpako arahattamaggasampāpakoti tayo ācariyā bahukārāti āgatā, pabbajjādāyako buddhavacanadāyako kammavācācariyo sakadāgāmimaggasampāpako anāgāmimaggasampāpakoti ime ācariyā na āgatā, kiṃ ete na bahukārāti? No, na bahukārā. Ayaṃ pana desanā duvidhena paricchinnā. Tasmā sabbepete bahukārā. Tesu saraṇagamanasmiṃyeva akatābhiniveso vaṭṭati, catupārisuddhisīlakasiṇaparikammavipassanāñāṇāni pana paṭhamamaggasannissitāni honti, upari dve maggā ca phalāni ca arahattamaggasannissitānīti veditabbāni.
иминаа буг̇г̇алзнаад̇и иминаа анд̇зваасигабуг̇г̇алзна. на суббад̇игаарам̣ вад̣̇аамийд̇и бад̇игаарам̣ гаад̇ум̣ на сугаранд̇и вад̣̇аами. абхиваад̣̇анаад̣̇ийсу анзгасад̇аваарам̣ анзгасахассаваарамби хи бан̃жабад̇идтид̇зна нибад̇ид̇ваа ванд̣̇анд̇о аасанаа вудтааяа бажжуг̇г̇ажчанд̇о д̣̇идтад̣̇идтагкан̣з ан̃ж̇алим̣ баг̇г̇ан̣ханд̇о анужчавигам̣ саамийжигаммам̣ гаронд̇о д̣̇ивасз д̣̇ивасз жийварасад̇ам̣ жийварасахассам̣ бин̣д̣абаад̇асад̇ам̣ бин̣д̣абаад̇асахассам̣ д̣̇ад̣̇амаано жаггаваал̣абарияанд̇зна саб̣б̣арад̇анамаяам̣ ааваасам̣ гаронд̇о саббинаванийд̇аад̣̇инаанаббагаарам̣ бхзсаж̇ж̇ам̣ ануббад̣̇аж̇ж̇амаано нзва саггод̇и аажариязна гад̇асса бад̇игаарам̣ наама гаад̇унд̇и звамад̇т̇о взд̣̇ид̇аб̣б̣о.
Iminā puggalenāti iminā antevāsikapuggalena. Na suppatikāraṃ vadāmīti patikāraṃ kātuṃ na sukaranti vadāmi. Abhivādanādīsu anekasatavāraṃ anekasahassavārampi hi pañcapatiṭṭhitena nipatitvā vandanto āsanā vuṭṭhāya paccuggacchanto diṭṭhadiṭṭhakkhaṇe añjaliṃ paggaṇhanto anucchavikaṃ sāmīcikammaṃ karonto divase divase cīvarasataṃ cīvarasahassaṃ piṇḍapātasataṃ piṇḍapātasahassaṃ dadamāno cakkavāḷapariyantena sabbaratanamayaṃ āvāsaṃ karonto sappinavanītādinānappakāraṃ bhesajjaṃ anuppadajjamāno neva sakkoti ācariyena katassa patikāraṃ nāma kātunti evamattho veditabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. б̣ахугаарасуд̇д̇ам̣ • 4. Bahukārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. б̣ахугаарасуд̇д̇аван̣н̣анаа • 4. Bahukārasuttavaṇṇanā
