| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
8. б̣ахугаарасуд̇д̇аван̣н̣анаа
8. Bahukārasuttavaṇṇanā
107. адтамз б̣раахман̣аг̇ахабад̇игаад̇и б̣раахман̣аа жзва г̇ахабад̇игаа жа. табзд̇ваа б̣раахман̣з яз гзжи аг̇аарам̣ аж̇жхаавасанд̇аа ид̇ха г̇ахабад̇игаад̇и взд̣̇ид̇аб̣б̣аа . язд̇и анияамад̇о нид̣̇д̣̇идтабараамасанам̣. вод̇и убаяог̇аб̣ахуважанам̣. аяан̃хзд̇т̇а сан̇кзбад̇т̇о – бхигкавз, д̇умхаагам̣ б̣ахуубагаараа б̣раахман̣аг̇ахабад̇игаа, яз б̣раахман̣аа жзва сзсааг̇ааригаа жа ‘‘д̇умхз зва амхаагам̣ бун̃н̃агкзд̇д̇ам̣, яад̇т̇а маяам̣ уд̣̇д̇хаг̇г̇игам̣ д̣̇агкин̣ам̣ бад̇идтаабзма соваг̇г̇игам̣ сукавибаагам̣ саг̇г̇асам̣вад̇д̇анига’’нд̇и жийвараад̣̇ийхи бажжаязхи бад̇иубадтид̇аад̇и.
107. Aṭṭhame brāhmaṇagahapatikāti brāhmaṇā ceva gahapatikā ca. Ṭhapetvā brāhmaṇe ye keci agāraṃ ajjhāvasantā idha gahapatikāti veditabbā . Yeti aniyamato niddiṭṭhaparāmasanaṃ. Voti upayogabahuvacanaṃ. Ayañhettha saṅkhepattho – bhikkhave, tumhākaṃ bahūpakārā brāhmaṇagahapatikā, ye brāhmaṇā ceva sesaagārikā ca ‘‘tumhe eva amhākaṃ puññakkhettaṃ, yattha mayaṃ uddhaggikaṃ dakkhiṇaṃ patiṭṭhāpema sovaggikaṃ sukhavipākaṃ saggasaṃvattanika’’nti cīvarādīhi paccayehi patiupaṭṭhitāti.
звам̣ ‘‘аамисад̣̇аанзна аамисасам̣вибхааг̇зна аамисаануг̇г̇ахзна г̇ахадтаа бхигкуунам̣ убагаараванд̇о’’д̇и д̣̇ассзд̇ваа ид̣̇аани д̇хаммад̣̇аанзна д̇хаммасам̣вибхааг̇зна д̇хаммаануг̇г̇ахзна бхигкуунамби д̇зсам̣ убагаараванд̇ад̇ам̣ д̣̇ассзд̇ум̣ ‘‘д̇умхзби, бхигкавз,’’д̇иаад̣̇и вуд̇д̇ам̣, д̇ам̣ вуд̇д̇анаяамзва.
Evaṃ ‘‘āmisadānena āmisasaṃvibhāgena āmisānuggahena gahaṭṭhā bhikkhūnaṃ upakāravanto’’ti dassetvā idāni dhammadānena dhammasaṃvibhāgena dhammānuggahena bhikkhūnampi tesaṃ upakāravantataṃ dassetuṃ ‘‘tumhepi, bhikkhave,’’tiādi vuttaṃ, taṃ vuttanayameva.
иминаа гим̣ гат̇ид̇ам̣? бин̣д̣аабажааяанам̣ наама гат̇ид̇ам̣. аяан̃хзд̇т̇а ад̇хиббааяо – бхигкавз, яасмаа имз б̣раахман̣аг̇ахабад̇игаа нзва д̇умхаагам̣ н̃аад̇агаа, на мид̇д̇аа, на ин̣ам̣ ваа д̇хаарзнд̇и, ат̇а ко ‘‘имз саман̣аа саммаг̇г̇ад̇аа саммаа бадибаннаа, зд̇т̇а но гаараа махабпалаа бхависсанд̇и махаанисам̣саа’’д̇и палависзсам̣ ааган̇канд̇аа д̇умхз жийвараад̣̇ийхи убадтаханд̇и. д̇асмаа д̇ам̣ д̇зсам̣ ад̇хиббааяам̣ барибуурзнд̇аа аббамаад̣̇зна самбаад̣̇зт̇а, д̇хаммад̣̇зсанааби во гаарагаанам̣язва собхад̇и, аад̣̇зяяаа жа ход̇и, на ид̇арзсанд̇и звам̣ саммаабадибад̇д̇ияам̣ аббамаад̣̇о гаран̣ийяод̇и.
Iminā kiṃ kathitaṃ? Piṇḍāpacāyanaṃ nāma kathitaṃ. Ayañhettha adhippāyo – bhikkhave, yasmā ime brāhmaṇagahapatikā neva tumhākaṃ ñātakā, na mittā, na iṇaṃ vā dhārenti, atha kho ‘‘ime samaṇā sammaggatā sammā paṭipannā, ettha no kārā mahapphalā bhavissanti mahānisaṃsā’’ti phalavisesaṃ ākaṅkhantā tumhe cīvarādīhi upaṭṭhahanti. Tasmā taṃ tesaṃ adhippāyaṃ paripūrentā appamādena sampādetha, dhammadesanāpi vo kārakānaṃyeva sobhati, ādeyyā ca hoti, na itaresanti evaṃ sammāpaṭipattiyaṃ appamādo karaṇīyoti.
звамид̣̇ам̣, бхигкавзд̇иаад̣̇ийсу аяам̣ сан̇кзбад̇т̇о – бхигкавз, звам̣ иминаа вуд̇д̇аббагаарзна г̇ахадтабаб̣б̣аж̇ид̇зхи аамисад̣̇аанад̇хаммад̣̇аанавасзна ан̃н̃аман̃н̃ам̣ санниссааяа гаамаад̣̇ивасзна жад̇уб̣б̣ид̇хассаби огхасса нид̇т̇аран̣ад̇т̇ааяа сагалассаби ваддад̣̇угкасса саммад̣̇зва барияосаанагаран̣ааяа убосат̇асийланияамаад̣̇ивасзна жад̇убаарисуд̣̇д̇хисийлаад̣̇ивасзна ваа ид̣̇ам̣ саасанаб̣рахмажарияам̣ маг̇г̇аб̣рахмажарияан̃жа вуссад̇и жарийяад̇ийд̇и.
Evamidaṃ, bhikkhavetiādīsu ayaṃ saṅkhepattho – bhikkhave, evaṃ iminā vuttappakārena gahaṭṭhapabbajitehi āmisadānadhammadānavasena aññamaññaṃ sannissāya kāmādivasena catubbidhassapi oghassa nittharaṇatthāya sakalassapi vaṭṭadukkhassa sammadeva pariyosānakaraṇāya uposathasīlaniyamādivasena catupārisuddhisīlādivasena vā idaṃ sāsanabrahmacariyaṃ maggabrahmacariyañca vussati carīyatīti.
г̇аат̇аасу сааг̇аараад̇и г̇ахадтаа. анаг̇аараад̇и барижжад̇д̇ааг̇аараа баб̣б̣аж̇ид̇аа. убхо ан̃н̃он̃н̃аниссид̇аад̇и д̇з убхоби ан̃н̃аман̃н̃асанниссид̇аа. сааг̇аараа хи анаг̇аараанам̣ д̇хаммад̣̇аанасанниссид̇аа, анаг̇аараа жа сааг̇аараанам̣ бажжаяад̣̇аанасанниссид̇аа. аараад̇хаяанд̇ийд̇и саад̇хзнд̇и самбаад̣̇знд̇и. сад̣̇д̇хамманд̇и бадибад̇д̇исад̣̇д̇хаммам̣ бадивзд̇хасад̣̇д̇хамман̃жа. д̇ад̇т̇а яам̣ уд̇д̇амам̣, д̇ам̣ д̣̇ассзнд̇о ааха ‘‘яог̇агкзмам̣ ануд̇д̇ара’’нд̇и арахад̇д̇ам̣ ниб̣б̣аанан̃жа. сааг̇аарзсууд̇и сааг̇аарзхи, ниссаггз ид̣̇ам̣ бхуммаважанам̣, сааг̇аараанам̣ ваа санд̇игз. бажжаяанд̇и вуд̇д̇аавасзсам̣ д̣̇увид̇хам̣ бажжаяам̣ бин̣д̣абаад̇ам̣ бхзсаж̇ж̇ан̃жа. бариссаяавинод̣̇ананд̇и уд̇убариссаяаад̣̇ибариссаяахаран̣ам̣ вихаараад̣̇иаавасат̇ам̣. суг̇ад̇анд̇и саммаа бадибаннам̣ галяаан̣абут̇уж̇ж̇анзна сад̣̇д̇хим̣ адтавид̇хам̣ арияабуг̇г̇алам̣. сааваго хи ид̇ха суг̇ад̇од̇и ад̇хиббзд̇о. гхарамзсинод̇и гхарам̣ зсино, г̇зхз тад̇ваа гхарааваасам̣ васанд̇аа бхог̇уубагаран̣аани жзва г̇ахадтасийлаад̣̇ийни жа зсанасийлаад̇и ад̇т̇о. сад̣̇д̣̇ахаано арахад̇анд̇и араханд̇аанам̣ арияаанам̣ важанам̣, д̇зсам̣ ваа саммаабадибад̇д̇им̣ сад̣̇д̣̇аханд̇аа. ‘‘ад̣̇д̇хаа имз саммаа бадибаннаа, яат̇аа имз гат̇знд̇и, д̇ат̇аа бадибаж̇ж̇анд̇аанам̣ саа бадибад̇д̇и саг̇г̇амогкасамбад̇д̇ияаа сам̣вад̇д̇ад̇ий’’д̇и абхисад̣̇д̣̇аханд̇аад̇и ад̇т̇о. ‘‘сад̣̇д̣̇аханд̇аа’’д̇иби баато. арияабан̃н̃ааяаад̇и сувисуд̣̇д̇хабан̃н̃ааяа. жхааяинод̇и аарамман̣алагкан̣уубаниж̇жхаанавасзна д̣̇увид̇хзнаби жхаанзна жхааяино.
Gāthāsu sāgārāti gahaṭṭhā. Anagārāti pariccattaagārā pabbajitā. Ubho aññoññanissitāti te ubhopi aññamaññasannissitā. Sāgārā hi anagārānaṃ dhammadānasannissitā, anagārā ca sāgārānaṃ paccayadānasannissitā. Ārādhayantīti sādhenti sampādenti. Saddhammanti paṭipattisaddhammaṃ paṭivedhasaddhammañca. Tattha yaṃ uttamaṃ, taṃ dassento āha ‘‘yogakkhemaṃanuttara’’nti arahattaṃ nibbānañca. Sāgāresūti sāgārehi, nissakke idaṃ bhummavacanaṃ, sāgārānaṃ vā santike. Paccayanti vuttāvasesaṃ duvidhaṃ paccayaṃ piṇḍapātaṃ bhesajjañca. Parissayavinodananti utuparissayādiparissayaharaṇaṃ vihārādiāvasathaṃ. Sugatanti sammā paṭipannaṃ kalyāṇaputhujjanena saddhiṃ aṭṭhavidhaṃ ariyapuggalaṃ. Sāvako hi idha sugatoti adhippeto. Gharamesinoti gharaṃ esino, gehe ṭhatvā gharāvāsaṃ vasantā bhogūpakaraṇāni ceva gahaṭṭhasīlādīni ca esanasīlāti attho. Saddahāno arahatanti arahantānaṃ ariyānaṃ vacanaṃ, tesaṃ vā sammāpaṭipattiṃ saddahantā. ‘‘Addhā ime sammā paṭipannā, yathā ime kathenti, tathā paṭipajjantānaṃ sā paṭipatti saggamokkhasampattiyā saṃvattatī’’ti abhisaddahantāti attho. ‘‘Saddahantā’’tipi pāṭho. Ariyapaññāyāti suvisuddhapaññāya. Jhāyinoti ārammaṇalakkhaṇūpanijjhānavasena duvidhenapi jhānena jhāyino.
ид̇ха д̇хаммам̣ жарид̇ваанаад̇и имасмим̣ ад̇д̇абхаавз, имасмим̣ ваа саасанз логияалогуд̇д̇арасукасса маг̇г̇абхууд̇ам̣ сийлаад̣̇ид̇хаммам̣ бадибаж̇ж̇ид̇ваа яаава бариниб̣б̣аанам̣ на баабун̣анд̇и, д̇аавад̣̇зва суг̇ад̇иг̇аамино. нанд̣̇инод̇и бийд̇исоманассаяог̇зна нанд̣̇анасийлаа. гзжи бана ‘‘д̇хаммам̣ жарид̇ваана маг̇г̇анд̇и сод̇аабад̇д̇имаг̇г̇ам̣ баабун̣ид̇ваа’’д̇и вад̣̇анд̇и. д̣̇звалогасминд̇и чаб̣б̣ид̇хзби гаамааважарад̣̇звалогз. мод̣̇анд̇и гаамагааминод̇и яат̇ижчид̇авад̇т̇унибпад̇д̇ид̇о гаамагаамино гаамаванд̇о худ̇ваа бамод̣̇анд̇ийд̇и.
Idha dhammaṃ caritvānāti imasmiṃ attabhāve, imasmiṃ vā sāsane lokiyalokuttarasukhassa maggabhūtaṃ sīlādidhammaṃ paṭipajjitvā yāva parinibbānaṃ na pāpuṇanti, tāvadeva sugatigāmino. Nandinoti pītisomanassayogena nandanasīlā. Keci pana ‘‘dhammaṃ caritvāna magganti sotāpattimaggaṃ pāpuṇitvā’’ti vadanti. Devalokasminti chabbidhepi kāmāvacaradevaloke. Modanti kāmakāminoti yathicchitavatthunipphattito kāmakāmino kāmavanto hutvā pamodantīti.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 8. б̣ахугаарасуд̇д̇ам̣ • 8. Bahukārasuttaṃ
