| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
4. බහුකාරසුත්‌තවණ්‌ණනා
4. Bahukārasuttavaṇṇanā
24. චතුත්‌ථෙ අවස්‌සයං ගතොති වට්‌ටදුක්‌ඛපරිමුත්‌තියා අවස්‌සයො මය්‌හන්‌ති සරණගමනක්‌කමෙන උපගතො හොති. සතන්‌තිකන්‌ති සපරියත්‌තිධම්‌මං. අග්‌ගහිතසරණපුබ්‌බස්‌සාති අග්‌ගහිතපුබ්‌බසරණස්‌ස. අකතාභිනිවෙසස්‌ස වසෙන වුත්‌තන්‌ති තස්‌මිං අත්‌තභාවෙ න කතො සරණගමනාභිනිවෙසො යෙනාති අකතාභිනිවෙසො, තස්‌ස වසෙන වුත්‌තං. කාමං පුබ්‌බෙපි සරණදායකො ආචරියො වුත්‌තො, පබ්‌බජ්‌ජාදායකොපි සරණදායකොව. පුබ්‌බෙ පන උපාසකභාවාපාදකවසෙන සරණදායකො අධිප්‌පෙතො. ඉදං පන ගහිතපබ්‌බජ්‌ජස්‌ස සරණගමනං. පබ්‌බජා හි සවිසෙසං සරණගමනන්‌ති පබ්‌බජ්‌ජාදායකො පුන වුත්‌තො. එතෙති පබ්‌බජ්‌ජාදායකාදයො. දුවිධෙන පරිච්‌ඡින්‌නාති ලොකියධම්‌මසම්‌පාපකො ලොකුත්‌තරධම්‌මසම්‌පාපකොති ද්‌විප්‌පකාරෙන පරිච්‌ඡින්‌නා, කතාභිනිවෙසඅකතාභිනිවෙසවසෙන වා. උපරීති පඨමමග්‌ගතො උපරි. නෙව සක්‌කොතීති ආචරියෙන කතස්‌ස උපකාරස්‌ස මහානුභාවත්‌තා තස්‌ස පතිකාරං නාම කාතුං න සක්‌කොති.
24. Catutthe avassayaṃ gatoti vaṭṭadukkhaparimuttiyā avassayo mayhanti saraṇagamanakkamena upagato hoti. Satantikanti sapariyattidhammaṃ. Aggahitasaraṇapubbassāti aggahitapubbasaraṇassa. Akatābhinivesassa vasena vuttanti tasmiṃ attabhāve na kato saraṇagamanābhiniveso yenāti akatābhiniveso, tassa vasena vuttaṃ. Kāmaṃ pubbepi saraṇadāyako ācariyo vutto, pabbajjādāyakopi saraṇadāyakova. Pubbe pana upāsakabhāvāpādakavasena saraṇadāyako adhippeto. Idaṃ pana gahitapabbajjassa saraṇagamanaṃ. Pabbajā hi savisesaṃ saraṇagamananti pabbajjādāyako puna vutto. Eteti pabbajjādāyakādayo. Duvidhena paricchinnāti lokiyadhammasampāpako lokuttaradhammasampāpakoti dvippakārena paricchinnā, katābhinivesaakatābhinivesavasena vā. Uparīti paṭhamamaggato upari. Neva sakkotīti ācariyena katassa upakārassa mahānubhāvattā tassa patikāraṃ nāma kātuṃ na sakkoti.
බහුකාරසුත්‌තවණ්‌ණනා නිට්‌ඨිතා.
Bahukārasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 4. බහුකාරසුත්‌තං • 4. Bahukārasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 4. බහුකාරසුත්‌තවණ්‌ණනා • 4. Bahukārasuttavaṇṇanā
