| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਬਹੁਕਾਰਸੁਤ੍ਤવਣ੍ਣਨਾ
4. Bahukārasuttavaṇṇanā
੨੪. ਚਤੁਤ੍ਥੇ ਤਯੋਮੇ, ਭਿਕ੍ਖવੇ, ਪੁਗ੍ਗਲਾਤਿ ਤਯੋ ਆਚਰਿਯਪੁਗ੍ਗਲਾ। ਪੁਗ੍ਗਲਸ੍ਸ ਬਹੁਕਾਰਾਤਿ ਅਨ੍ਤੇવਾਸਿਕਪੁਗ੍ਗਲਸ੍ਸ ਬਹੂਪਕਾਰਾ। ਬੁਦ੍ਧਨ੍ਤਿ ਸਬ੍ਬਞ੍ਞੁਬੁਦ੍ਧਂ। ਸਰਣਂ ਗਤੋ ਹੋਤੀਤਿ ਅવਸ੍ਸਯਂ ਗਤੋ ਹੋਤਿ। ਧਮ੍ਮਨ੍ਤਿ ਸਤਨ੍ਤਿਕਂ ਨવਲੋਕੁਤ੍ਤਰਧਮ੍ਮਂ। ਸਙ੍ਘਨ੍ਤਿ ਅਟ੍ਠਅਰਿਯਪੁਗ੍ਗਲਸਮੂਹਂ। ਇਦਞ੍ਚ ਪਨ ਸਰਣਗਮਨਂ ਅਗ੍ਗਹਿਤਸਰਣਪੁਬ੍ਬਸ੍ਸ ਅਕਤਾਭਿਨਿવੇਸਸ੍ਸ વਸੇਨ વੁਤ੍ਤਂ। ਇਤਿ ਇਮਸ੍ਮਿਂ ਸੁਤ੍ਤੇ ਸਰਣਦਾਯਕੋ ਸੋਤਾਪਤ੍ਤਿਮਗ੍ਗਸਮ੍ਪਾਪਕੋ ਅਰਹਤ੍ਤਮਗ੍ਗਸਮ੍ਪਾਪਕੋਤਿ ਤਯੋ ਆਚਰਿਯਾ ਬਹੁਕਾਰਾਤਿ ਆਗਤਾ, ਪਬ੍ਬਜ੍ਜਾਦਾਯਕੋ ਬੁਦ੍ਧવਚਨਦਾਯਕੋ ਕਮ੍ਮવਾਚਾਚਰਿਯੋ ਸਕਦਾਗਾਮਿਮਗ੍ਗਸਮ੍ਪਾਪਕੋ ਅਨਾਗਾਮਿਮਗ੍ਗਸਮ੍ਪਾਪਕੋਤਿ ਇਮੇ ਆਚਰਿਯਾ ਨ ਆਗਤਾ, ਕਿਂ ਏਤੇ ਨ ਬਹੁਕਾਰਾਤਿ? ਨੋ, ਨ ਬਹੁਕਾਰਾ। ਅਯਂ ਪਨ ਦੇਸਨਾ ਦੁવਿਧੇਨ ਪਰਿਚ੍ਛਿਨ੍ਨਾ। ਤਸ੍ਮਾ ਸਬ੍ਬੇਪੇਤੇ ਬਹੁਕਾਰਾ। ਤੇਸੁ ਸਰਣਗਮਨਸ੍ਮਿਂਯੇવ ਅਕਤਾਭਿਨਿવੇਸੋ વਟ੍ਟਤਿ, ਚਤੁਪਾਰਿਸੁਦ੍ਧਿਸੀਲਕਸਿਣਪਰਿਕਮ੍ਮવਿਪਸ੍ਸਨਾਞਾਣਾਨਿ ਪਨ ਪਠਮਮਗ੍ਗਸਨ੍ਨਿਸ੍ਸਿਤਾਨਿ ਹੋਨ੍ਤਿ, ਉਪਰਿ ਦ੍વੇ ਮਗ੍ਗਾ ਚ ਫਲਾਨਿ ਚ ਅਰਹਤ੍ਤਮਗ੍ਗਸਨ੍ਨਿਸ੍ਸਿਤਾਨੀਤਿ વੇਦਿਤਬ੍ਬਾਨਿ।
24. Catutthe tayome, bhikkhave, puggalāti tayo ācariyapuggalā. Puggalassabahukārāti antevāsikapuggalassa bahūpakārā. Buddhanti sabbaññubuddhaṃ. Saraṇaṃ gato hotīti avassayaṃ gato hoti. Dhammanti satantikaṃ navalokuttaradhammaṃ. Saṅghanti aṭṭhaariyapuggalasamūhaṃ. Idañca pana saraṇagamanaṃ aggahitasaraṇapubbassa akatābhinivesassa vasena vuttaṃ. Iti imasmiṃ sutte saraṇadāyako sotāpattimaggasampāpako arahattamaggasampāpakoti tayo ācariyā bahukārāti āgatā, pabbajjādāyako buddhavacanadāyako kammavācācariyo sakadāgāmimaggasampāpako anāgāmimaggasampāpakoti ime ācariyā na āgatā, kiṃ ete na bahukārāti? No, na bahukārā. Ayaṃ pana desanā duvidhena paricchinnā. Tasmā sabbepete bahukārā. Tesu saraṇagamanasmiṃyeva akatābhiniveso vaṭṭati, catupārisuddhisīlakasiṇaparikammavipassanāñāṇāni pana paṭhamamaggasannissitāni honti, upari dve maggā ca phalāni ca arahattamaggasannissitānīti veditabbāni.
ਇਮਿਨਾ ਪੁਗ੍ਗਲੇਨਾਤਿ ਇਮਿਨਾ ਅਨ੍ਤੇવਾਸਿਕਪੁਗ੍ਗਲੇਨ। ਨ ਸੁਪ੍ਪਤਿਕਾਰਂ વਦਾਮੀਤਿ ਪਤਿਕਾਰਂ ਕਾਤੁਂ ਨ ਸੁਕਰਨ੍ਤਿ વਦਾਮਿ। ਅਭਿવਾਦਨਾਦੀਸੁ ਅਨੇਕਸਤવਾਰਂ ਅਨੇਕਸਹਸ੍ਸવਾਰਮ੍ਪਿ ਹਿ ਪਞ੍ਚਪਤਿਟ੍ਠਿਤੇਨ ਨਿਪਤਿਤ੍વਾ વਨ੍ਦਨ੍ਤੋ ਆਸਨਾ વੁਟ੍ਠਾਯ ਪਚ੍ਚੁਗ੍ਗਚ੍ਛਨ੍ਤੋ ਦਿਟ੍ਠਦਿਟ੍ਠਕ੍ਖਣੇ ਅਞ੍ਜਲਿਂ ਪਗ੍ਗਣ੍ਹਨ੍ਤੋ ਅਨੁਚ੍ਛવਿਕਂ ਸਾਮੀਚਿਕਮ੍ਮਂ ਕਰੋਨ੍ਤੋ ਦਿવਸੇ ਦਿવਸੇ ਚੀવਰਸਤਂ ਚੀવਰਸਹਸ੍ਸਂ ਪਿਣ੍ਡਪਾਤਸਤਂ ਪਿਣ੍ਡਪਾਤਸਹਸ੍ਸਂ ਦਦਮਾਨੋ ਚਕ੍ਕવਾਲ਼ਪਰਿਯਨ੍ਤੇਨ ਸਬ੍ਬਰਤਨਮਯਂ ਆવਾਸਂ ਕਰੋਨ੍ਤੋ ਸਪ੍ਪਿਨવਨੀਤਾਦਿਨਾਨਪ੍ਪਕਾਰਂ ਭੇਸਜ੍ਜਂ ਅਨੁਪ੍ਪਦਜ੍ਜਮਾਨੋ ਨੇવ ਸਕ੍ਕੋਤਿ ਆਚਰਿਯੇਨ ਕਤਸ੍ਸ ਪਤਿਕਾਰਂ ਨਾਮ ਕਾਤੁਨ੍ਤਿ ਏવਮਤ੍ਥੋ વੇਦਿਤਬ੍ਬੋ।
Iminā puggalenāti iminā antevāsikapuggalena. Na suppatikāraṃ vadāmīti patikāraṃ kātuṃ na sukaranti vadāmi. Abhivādanādīsu anekasatavāraṃ anekasahassavārampi hi pañcapatiṭṭhitena nipatitvā vandanto āsanā vuṭṭhāya paccuggacchanto diṭṭhadiṭṭhakkhaṇe añjaliṃ paggaṇhanto anucchavikaṃ sāmīcikammaṃ karonto divase divase cīvarasataṃ cīvarasahassaṃ piṇḍapātasataṃ piṇḍapātasahassaṃ dadamāno cakkavāḷapariyantena sabbaratanamayaṃ āvāsaṃ karonto sappinavanītādinānappakāraṃ bhesajjaṃ anuppadajjamāno neva sakkoti ācariyena katassa patikāraṃ nāma kātunti evamattho veditabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਬਹੁਕਾਰਸੁਤ੍ਤਂ • 4. Bahukārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਬਹੁਕਾਰਸੁਤ੍ਤવਣ੍ਣਨਾ • 4. Bahukārasuttavaṇṇanā
