| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౪. బహూపకారసుత్తం
4. Bahūpakārasuttaṃ
౨౩౪. ‘‘పఞ్చహి , భిక్ఖవే, ధమ్మేహి సమన్నాగతో ఆవాసికో భిక్ఖు ఆవాసస్స బహూపకారో హోతి. కతమేహి పఞ్చహి? సీలవా హోతి…పే॰… సమాదాయ సిక్ఖతి సిక్ఖాపదేసు; బహుస్సుతో హోతి…పే॰… దిట్ఠియా సుప్పటివిద్ధా; ఖణ్డఫుల్లం పటిసఙ్ఖరోతి; మహా ఖో పన భిక్ఖుసఙ్ఘో అభిక్కన్తో నానావేరజ్జకా భిక్ఖూ గిహీనం ఉపసఙ్కమిత్వా ఆరోచేతి – ‘మహా ఖో, ఆవుసో, భిక్ఖుసఙ్ఘో అభిక్కన్తో నానావేరజ్జకా భిక్ఖూ, కరోథ పుఞ్ఞాని, సమయో పుఞ్ఞాని కాతు’న్తి; చతున్నం ఝానానం ఆభిచేతసికానం దిట్ఠధమ్మసుఖవిహారానం నికామలాభీ హోతి అకిచ్ఛలాభీ అకసిరలాభీ. ఇమేహి ఖో, భిక్ఖవే, పఞ్చహి ధమ్మేహి సమన్నాగతో ఆవాసికో భిక్ఖు ఆవాసస్స బహూపకారో హోతీ’’తి. చతుత్థం.
234. ‘‘Pañcahi , bhikkhave, dhammehi samannāgato āvāsiko bhikkhu āvāsassa bahūpakāro hoti. Katamehi pañcahi? Sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; khaṇḍaphullaṃ paṭisaṅkharoti; mahā kho pana bhikkhusaṅgho abhikkanto nānāverajjakā bhikkhū gihīnaṃ upasaṅkamitvā āroceti – ‘mahā kho, āvuso, bhikkhusaṅgho abhikkanto nānāverajjakā bhikkhū, karotha puññāni, samayo puññāni kātu’nti; catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī. Imehi kho, bhikkhave, pañcahi dhammehi samannāgato āvāsiko bhikkhu āvāsassa bahūpakāro hotī’’ti. Catutthaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౪. బహూపకారసుత్తవణ్ణనా • 4. Bahūpakārasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. పఠమదీఘచారికసుత్తాదివణ్ణనా • 1-10. Paṭhamadīghacārikasuttādivaṇṇanā
