| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. б̣ахувзд̣̇анияасуд̇д̇аван̣н̣анаа
9. Bahuvedaniyasuttavaṇṇanā
88. бан̃жаган̇г̇од̇и вад̣дхагийгижжасаад̇ханз ваасиаад̣̇ибан̃жагам̣ ан̇г̇ам̣ сам̣д̇ханам̣ зд̇асминд̇и бан̃жаган̇г̇о. т̇амбхаад̣̇ивад̇т̇уунам̣ т̇абанадтзна т̇абад̇и. бан̣д̣ид̇ауд̣̇ааяид̇т̇зро, на гаал̣уд̣̇ааяий т̇зро.
88.Pañcakaṅgoti vaḍḍhakīkiccasādhane vāsiādipañcakaṃ aṅgaṃ saṃdhanaṃ etasminti pañcakaṅgo. Thambhādivatthūnaṃ thapanaṭṭhena thapati. Paṇḍitaudāyitthero, na kāḷudāyī thero.
89. барияааяад̇и ад̇д̇ано палам̣ вад̇д̇зд̇ийд̇и барияааяо, гааран̣ам̣. взд̣̇анаасанниссид̇о жа гааяигажзд̇асигабхааво гааран̣ам̣. д̇знааха – ‘‘гааяигажзд̇асигавасзна д̣̇вз взд̣̇ид̇аб̣б̣аа’’д̇и. д̇ад̇т̇а басаад̣̇агааяасанниссид̇аа гааяигаа, жзд̇осанниссид̇аа жзд̇асигаа. сукаад̣̇ивасзна д̇иссод̇и зд̇т̇а суканад̣̇угканубзгканаани сукаад̣̇ивзд̣̇анааяа гааран̣ам̣. д̇аани хи бавад̇д̇инимид̇д̇аани гад̇ваа д̇ад̇т̇а сукаад̣̇исад̣̇д̣̇аббавад̇д̇и, иминаа наязна сзсзсуби яат̇аарахам̣ гааран̣ам̣ нид̣̇д̇хаарзд̇ваа вад̇д̇аб̣б̣ам̣. убавижааравасзнаад̇и аарамман̣ам̣ убзжжа сависзсабавад̇д̇ивасзна. яасмин̃хи аарамман̣з соманассавзд̣̇анаа бавад̇д̇ад̇и, аарамман̣ад̇ааяа д̇ам̣ убаг̇анд̇ваа ид̇аравзд̣̇анаахи висидтад̇ааяа сависзсам̣ д̇ад̇т̇а бавад̇д̇и. д̇знааха ‘‘соманассадтаанияам̣ руубам̣ убавижарад̇ий’’д̇и. зса наяо сзсавзд̣̇анаасу г̇зхассид̇аанийд̇и г̇зханиссид̇аани.
89. Pariyāyati attano phalaṃ vattetīti pariyāyo, kāraṇaṃ. Vedanāsannissito ca kāyikacetasikabhāvo kāraṇaṃ. Tenāha – ‘‘kāyikacetasikavasena dve veditabbā’’ti. Tattha pasādakāyasannissitā kāyikā, cetosannissitā cetasikā. Sukhādivasena tissoti ettha sukhanadukkhanupekkhanāni sukhādivedanāya kāraṇaṃ. Tāni hi pavattinimittāni katvā tattha sukhādisaddappavatti, iminā nayena sesesupi yathārahaṃ kāraṇaṃ niddhāretvā vattabbaṃ. Upavicāravasenāti ārammaṇaṃ upecca savisesapavattivasena. Yasmiñhi ārammaṇe somanassavedanā pavattati, ārammaṇatāya taṃ upagantvā itaravedanāhi visiṭṭhatāya savisesaṃ tattha pavatti. Tenāha ‘‘somanassaṭṭhāniyaṃ rūpaṃ upavicaratī’’ti. Esa nayo sesavedanāsu gehassitānīti gehanissitāni.
90. барияааязнаад̇и ‘‘ид̣̇амзд̇т̇а д̣̇угкасминд̇и вад̣̇аамий’’д̇и вуд̇д̇адтаанам̣ санд̇хааяа вад̣̇ад̇и. д̇ам̣ д̣̇ассзнд̇од̇и гааман̃жзд̇т̇а суд̇д̇з – ‘‘д̣̇взбаананд̣̇а, взд̣̇анаа вуд̇д̇аа’’д̇и д̣̇вз аад̣̇им̣ гад̇ваа взд̣̇анаа д̣̇ассид̇аа, згааби бана д̣̇ассид̇аа зваад̇и д̣̇ассзнд̇о. убад̇т̇амбхзд̇унд̇и згааби взд̣̇анаа вуд̇д̇аа маяаа барияааязна, звам̣ сад̇и д̣̇взби вад̇д̇аб̣б̣аад̇и звам̣ д̇асса ваад̣̇ам̣ убад̇т̇амбхзд̇ум̣. гат̇ам̣ бана згаа взд̣̇анаа вуд̇д̇аад̇и? яам̣ гин̃жи взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа, ид̣̇амзд̇т̇а д̣̇угкасминд̇и вад̣̇аамийд̇и. яам̣ банзд̇т̇а вад̇д̇аб̣б̣ам̣, д̇ам̣ ид̇ивуд̇д̇агаван̣н̣анааяам̣ (ид̇иву. адта. 52 аад̣̇аяо) барамад̇т̇ад̣̇ийбанияам̣ вуд̇д̇анаязна взд̣̇ид̇аб̣б̣ам̣.
90.Pariyāyenāti ‘‘idamettha dukkhasminti vadāmī’’ti vuttaṭṭhānaṃ sandhāya vadati. Taṃ dassentoti kāmañcettha sutte – ‘‘dvepānanda, vedanā vuttā’’ti dve ādiṃ katvā vedanā dassitā, ekāpi pana dassitā evāti dassento. Upatthambhetunti ekāpi vedanā vuttā mayā pariyāyena, evaṃ sati dvepi vattabbāti evaṃ tassa vādaṃ upatthambhetuṃ. Kathaṃ pana ekā vedanā vuttāti? Yaṃ kiñci vedayitaṃ sukhaṃ vā dukkhaṃ vā adukkhamasukhaṃ vā, idamettha dukkhasminti vadāmīti. Yaṃ panettha vattabbaṃ, taṃ itivuttakavaṇṇanāyaṃ (itivu. aṭṭha. 52 ādayo) paramatthadīpaniyaṃ vuttanayena veditabbaṃ.
гат̇ам̣ банзд̇т̇а руубааважаражад̇уд̇т̇з аруубзсу сан̃н̃аавзд̣̇аяид̇анирод̇хз сукам̣ уд̣̇д̇хад̇анд̇и ааха ‘‘зд̇т̇а жаа’’д̇иаад̣̇и. санд̇адтзнаад̇и бадибагкад̇хаммаанам̣ вуубасанд̇абхаавзна. бан̣ийд̇адтзнаад̇и бхааванаависзсависидтзна ад̇аббагабхаавзнзва сздтабхаавзна жа, бажжаяависзсзна бад̇хаанабхаавам̣ нийд̇анд̇иби бан̣ийд̇ам̣. взд̣̇аяид̇асукам̣ наама взд̣̇анаабхууд̇ам̣ суканд̇и гад̇ваа. авзд̣̇аяид̇асукам̣ наама яаавад̇аа нид̣̇д̣̇угкад̇аа, д̇аавад̇аа суканд̇и вужжад̇ийд̇и.ат̇а ваа нирод̇хо судту каад̣̇ад̇и канад̇и гааяигажзд̇асигааб̣аад̇ханд̇и вад̇д̇аб̣б̣ад̇ам̣ арахад̇и сад̇д̇аахамби д̇ад̇т̇а д̣̇угкасса нируж̇жханад̇о. д̇знааха ‘‘нид̣̇д̣̇угкабхаавасан̇каад̇зна сукадтзнаа’’д̇и.
Kathaṃ panettha rūpāvacaracatutthe arūpesu saññāvedayitanirodhe sukhaṃ uddhatanti āha ‘‘ettha cā’’tiādi. Santaṭṭhenāti paṭipakkhadhammānaṃ vūpasantabhāvena. Paṇītaṭṭhenāti bhāvanāvisesavisiṭṭhena atappakabhāveneva seṭṭhabhāvena ca, paccayavisesena padhānabhāvaṃ nītantipi paṇītaṃ. Vedayitasukhaṃ nāma vedanābhūtaṃ sukhanti katvā. Avedayitasukhaṃ nāma yāvatā niddukkhatā, tāvatā sukhanti vuccatīti.Atha vā nirodho suṭṭhu khādati khanati kāyikacetasikābādhanti vattabbataṃ arahati sattāhampi tattha dukkhassa nirujjhanato. Tenāha ‘‘niddukkhabhāvasaṅkhātena sukhaṭṭhenā’’ti.
91. яасмим̣ яасмим̣ бхавз, жид̇д̇уббаад̣̇з, авад̇т̇ааяа ваа нид̣̇д̣̇угкабхааво, д̣̇угкасса бадибагкад̇аа анубалаб̣бханзна д̣̇угкавивид̇д̇ам̣, д̇ам̣ сукасмим̣язва бан̃н̃абзд̇и. сзсам̣ сувин̃н̃зяяамзва.
91.Yasmiṃ yasmiṃ bhave, cittuppāde, avatthāya vā niddukkhabhāvo, dukkhassa paṭipakkhatā anupalabbhanena dukkhavivittaṃ, taṃ sukhasmiṃyeva paññapeti. Sesaṃ suviññeyyameva.
б̣ахувзд̣̇анийяасуд̇д̇аван̣н̣анааяа лийнад̇т̇аббагаасанаа самад̇д̇аа.
Bahuvedanīyasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. б̣ахувзд̣̇анийяасуд̇д̇ам̣ • 9. Bahuvedanīyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. б̣ахувзд̣̇анийяасуд̇д̇аван̣н̣анаа • 9. Bahuvedanīyasuttavaṇṇanā
