| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੯. ਬਹੁવੇਦਨੀਯਸੁਤ੍ਤવਣ੍ਣਨਾ
9. Bahuvedanīyasuttavaṇṇanā
੮੮. ਏવਂ ਮੇ ਸੁਤਨ੍ਤਿ ਬਹੁવੇਦਨੀਯਸੁਤ੍ਤਂ। ਤਤ੍ਥ ਪਞ੍ਚਕਙ੍ਗੋ ਥਪਤੀਤਿ ਪਞ੍ਚਕਙ੍ਗੋਤਿ ਤਸ੍ਸ ਨਾਮਂ। વਾਸਿਫਰਸੁਨਿਖਾਦਨਦਣ੍ਡਮੁਗ੍ਗਰਕਾਲ਼ਸੁਤ੍ਤਨਾਲ਼ਿਸਙ੍ਖਾਤੇਹਿ વਾ ਅਙ੍ਗੇਹਿ ਸਮਨ੍ਨਾਗਤਤ੍ਤਾ ਸੋ ਪਞ੍ਚਙ੍ਗੋਤਿ ਪਞ੍ਞਾਤੋ। ਥਪਤੀਤਿ વਡ੍ਢਕੀਜੇਟ੍ਠਕੋ। ਉਦਾਯੀਤਿ ਪਣ੍ਡਿਤਉਦਾਯਿਤ੍ਥੇਰੋ।
88.Evaṃme sutanti bahuvedanīyasuttaṃ. Tattha pañcakaṅgo thapatīti pañcakaṅgoti tassa nāmaṃ. Vāsipharasunikhādanadaṇḍamuggarakāḷasuttanāḷisaṅkhātehi vā aṅgehi samannāgatattā so pañcaṅgoti paññāto. Thapatīti vaḍḍhakījeṭṭhako. Udāyīti paṇḍitaudāyitthero.
੮੯. ਪਰਿਯਾਯਨ੍ਤਿ ਕਾਰਣਂ। ਦ੍વੇਪਾਨਨ੍ਦਾਤਿ ਦ੍વੇਪਿ, ਆਨਨ੍ਦ। ਪਰਿਯਾਯੇਨਾਤਿ ਕਾਰਣੇਨ। ਏਤ੍ਥ ਚ ਕਾਯਿਕਚੇਤਸਿਕવਸੇਨ ਦ੍વੇ વੇਦਿਤਬ੍ਬਾ। ਸੁਖਾਦਿવਸੇਨ ਤਿਸ੍ਸੋ, ਇਨ੍ਦ੍ਰਿਯવਸੇਨ ਸੁਖਿਨ੍ਦ੍ਰਿਯਾਦਿਕਾ ਪਞ੍ਚ, ਦ੍વਾਰવਸੇਨ ਚਕ੍ਖੁਸਮ੍ਫਸ੍ਸਜਾਦਿਕਾ ਛ, ਉਪવਿਚਾਰવਸੇਨ ‘‘ਚਕ੍ਖੁਨਾ ਰੂਪਂ ਦਿਸ੍વਾ ਸੋਮਨਸ੍ਸਟ੍ਠਾਨਿਯਂ ਰੂਪਂ ਉਪવਿਚਰਤੀ’’ਤਿਆਦਿਕਾ ਅਟ੍ਠਾਰਸ, ਛ ਗੇਹਸ੍ਸਿਤਾਨਿ ਸੋਮਨਸ੍ਸਾਨਿ, ਛ ਨੇਕ੍ਖਮ੍ਮਸਿਤਾਨਿ ਸੋਮਨਸ੍ਸਾਨਿ, ਛ ਗੇਹਸ੍ਸਿਤਾਨਿ ਦੋਮਨਸ੍ਸਾਨਿ, ਛ ਨੇਕ੍ਖਮ੍ਮਸਿਤਾਨਿ ਦੋਮਨਸ੍ਸਾਨਿ, ਛ ਗੇਹਸ੍ਸਿਤਾ ਉਪੇਕ੍ਖਾ, ਛ ਨੇਕ੍ਖਮ੍ਮਸਿਤਾਤਿ ਏવਂ ਛਤ੍ਤਿਂਸ, ਤਾ ਅਤੀਤੇ ਛਤ੍ਤਿਂਸ, ਅਨਾਗਤੇ ਛਤ੍ਤਿਂਸ, ਪਚ੍ਚੁਪ੍ਪਨ੍ਨੇ ਛਤ੍ਤਿਂਸਾਤਿ ਏવਂ ਅਟ੍ਠવੇਦਨਾਸਤਂ વੇਦਿਤਬ੍ਬਂ।
89.Pariyāyanti kāraṇaṃ. Dvepānandāti dvepi, ānanda. Pariyāyenāti kāraṇena. Ettha ca kāyikacetasikavasena dve veditabbā. Sukhādivasena tisso, indriyavasena sukhindriyādikā pañca, dvāravasena cakkhusamphassajādikā cha, upavicāravasena ‘‘cakkhunā rūpaṃ disvā somanassaṭṭhāniyaṃ rūpaṃ upavicaratī’’tiādikā aṭṭhārasa, cha gehassitāni somanassāni, cha nekkhammasitāni somanassāni, cha gehassitāni domanassāni, cha nekkhammasitāni domanassāni, cha gehassitā upekkhā, cha nekkhammasitāti evaṃ chattiṃsa, tā atīte chattiṃsa, anāgate chattiṃsa, paccuppanne chattiṃsāti evaṃ aṭṭhavedanāsataṃ veditabbaṃ.
੯੦. ਪਞ੍ਚ ਖੋ ਇਮੇ, ਆਨਨ੍ਦ, ਕਾਮਗੁਣਾਤਿ ਅਯਂ ਪਾਟਿਏਕ੍ਕੋ ਅਨੁਸਨ੍ਧਿ। ਨ ਕੇવਲਮ੍ਪਿ ਦ੍વੇ ਆਦਿਂ ਕਤ੍વਾ વੇਦਨਾ ਭਗવਤਾ ਪਞ੍ਞਤ੍ਤਾ, ਪਰਿਯਾਯੇਨ ਏਕਾਪਿ વੇਦਨਾ ਕਥਿਤਾ। ਤਂ ਦਸ੍ਸੇਨ੍ਤੋ ਪਞ੍ਚਕਙ੍ਗਸ੍ਸ ਥਪਤਿਨੋ વਾਦਂ ਉਪਤ੍ਥਮ੍ਭੇਤੁਂ ਇਮਂ ਦੇਸਨਂ ਆਰਭਿ।
90.Pañca kho ime, ānanda, kāmaguṇāti ayaṃ pāṭiekko anusandhi. Na kevalampi dve ādiṃ katvā vedanā bhagavatā paññattā, pariyāyena ekāpi vedanā kathitā. Taṃ dassento pañcakaṅgassa thapatino vādaṃ upatthambhetuṃ imaṃ desanaṃ ārabhi.
ਅਭਿਕ੍ਕਨ੍ਤਤਰਨ੍ਤਿ ਸੁਨ੍ਦਰਤਰਂ। ਪਣੀਤਤਰਨ੍ਤਿ ਅਤਪ੍ਪਕਤਰਂ। ਏਤ੍ਥ ਚ ਚਤੁਤ੍ਥਜ੍ਝਾਨਤੋ ਪਟ੍ਠਾਯ ਅਦੁਕ੍ਖਮਸੁਖਾ વੇਦਨਾ, ਸਾਪਿ ਸਨ੍ਤਟ੍ਠੇਨ ਪਣੀਤਟ੍ਠੇਨ ਚ ਸੁਖਨ੍ਤਿ વੁਤ੍ਤਾ। ਛ ਗੇਹਸ੍ਸਿਤਾਨਿ ਸੁਖਨ੍ਤਿ વੁਤ੍ਤਾਨਿ। ਨਿਰੋਧੋ ਅવੇਦਯਿਤਸੁਖવਸੇਨ ਸੁਖਂ ਨਾਮ ਜਾਤੋ। ਪਞ੍ਚਕਾਮਗੁਣવਸੇਨ ਹਿ ਅਟ੍ਠਸਮਾਪਤ੍ਤਿવਸੇਨ ਚ ਉਪ੍ਪਨ੍ਨਂ વੇਦਯਿਤਸੁਖਂ ਨਾਮ। ਨਿਰੋਧੋ ਅવੇਦਯਿਤਸੁਖਂ ਨਾਮ। ਇਤਿ વੇਦਯਿਤਸੁਖਂ વਾ ਹੋਤੁ ਅવੇਦਯਿਤਸੁਖਂ વਾ, ਤਂ ਨਿਦ੍ਦੁਕ੍ਖਭਾવਸਙ੍ਖਾਤੇਨ ਸੁਖਟ੍ਠੇਨ ਏਕਨ੍ਤਸੁਖਮੇવ ਜਾਤਂ।
Abhikkantataranti sundarataraṃ. Paṇītataranti atappakataraṃ. Ettha ca catutthajjhānato paṭṭhāya adukkhamasukhā vedanā, sāpi santaṭṭhena paṇītaṭṭhena ca sukhanti vuttā. Cha gehassitāni sukhanti vuttāni. Nirodho avedayitasukhavasena sukhaṃ nāma jāto. Pañcakāmaguṇavasena hi aṭṭhasamāpattivasena ca uppannaṃ vedayitasukhaṃ nāma. Nirodho avedayitasukhaṃ nāma. Iti vedayitasukhaṃ vā hotu avedayitasukhaṃ vā, taṃ niddukkhabhāvasaṅkhātena sukhaṭṭhena ekantasukhameva jātaṃ.
੯੧. ਯਤ੍ਥ ਯਤ੍ਥਾਤਿ ਯਸ੍ਮਿਂ ਯਸ੍ਮਿਂ ਠਾਨੇ। ਸੁਖਂ ਉਪਲਬ੍ਭਤੀਤਿ વੇਦਯਿਤਸੁਖਂ વਾ ਅવੇਦਯਿਤਸੁਖਂ વਾ ਉਪਲਬ੍ਭਤਿ। ਤਂ ਤਂ ਤਥਾਗਤੋ ਸੁਖਸ੍ਮਿਂ ਪਞ੍ਞਪੇਤੀਤਿ ਤਂ ਸਬ੍ਬਂ ਤਥਾਗਤੋ ਨਿਦ੍ਦੁਕ੍ਖਭਾવਂ ਸੁਖਸ੍ਮਿਂਯੇવ ਪਞ੍ਞਪੇਤੀਤਿ। ਇਧ ਭਗવਾ ਨਿਰੋਧਸਮਾਪਤ੍ਤਿਂ ਸੀਸਂ ਕਤ੍વਾ ਨੇਯ੍ਯਪੁਗ੍ਗਲવਸੇਨ ਅਰਹਤ੍ਤਨਿਕੂਟੇਨੇવ ਦੇਸਨਂ ਨਿਟ੍ਠਾਪੇਸੀਤਿ।
91.Yatthayatthāti yasmiṃ yasmiṃ ṭhāne. Sukhaṃ upalabbhatīti vedayitasukhaṃ vā avedayitasukhaṃ vā upalabbhati. Taṃ taṃ tathāgato sukhasmiṃ paññapetīti taṃ sabbaṃ tathāgato niddukkhabhāvaṃ sukhasmiṃyeva paññapetīti. Idha bhagavā nirodhasamāpattiṃ sīsaṃ katvā neyyapuggalavasena arahattanikūṭeneva desanaṃ niṭṭhāpesīti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਬਹੁવੇਦਨੀਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bahuvedanīyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੯. ਬਹੁવੇਦਨੀਯਸੁਤ੍ਤਂ • 9. Bahuvedanīyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੯. ਬਹੁવੇਦਨਿਯਸੁਤ੍ਤવਣ੍ਣਨਾ • 9. Bahuvedaniyasuttavaṇṇanā
