| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. б̣агаб̣рахмасуд̇д̇аван̣н̣анаа
4. Bakabrahmasuttavaṇṇanā
175. жад̇уд̇т̇з баабагам̣ д̣̇идтиг̇ад̇анд̇и лаамигаа сассад̇ад̣̇идти. ид̣̇ам̣ нижжанд̇и ид̣̇ам̣ саха гааязна б̣рахмадтаанам̣ анижжам̣ ‘‘нижжа’’нд̇и вад̣̇ад̇и. д̇хуваад̣̇ийни д̇ассзва взважанаани. д̇ад̇т̇а д̇хуванд̇и т̇ирам̣. сассад̇анд̇и сад̣̇аа виж̇ж̇амаанам̣. гзваланд̇и акан̣д̣ам̣ сагалам̣. ажаванад̇хамманд̇и ажаванасабхаавам̣. ид̣̇ам̣ хи на ж̇ааяад̇ийд̇иаад̣̇ийсу имасмим̣ таанз гожи ж̇ааяанаго ваа ж̇ийяанаго ваа мийяанаго ваа жаванаго ваа убабаж̇ж̇анаго ваа над̇т̇и, д̇ам̣ санд̇хааяа вад̣̇ад̇и. ид̇о жа банан̃н̃анд̇и ид̇о сахагааяаа б̣рахмадтаанаа уд̇д̇ари ан̃н̃ам̣ ниссаран̣ам̣ наама над̇т̇ийд̇и. звамасса т̇аамаг̇ад̇аа сассад̇ад̣̇идти уббаннаа ход̇и. звам̣ваад̣̇ий жа бана со убари д̇иссо жхаанабхуумияо жад̇д̇ааро маг̇г̇з жад̇д̇аари палаани ниб̣б̣аананд̇и саб̣б̣ам̣ бадиб̣аахад̇и. гад̣̇аа банасса саа д̣̇идти уббаннаад̇и? батамаж̇жхаанабхуумияам̣ ниб̣б̣ад̇д̇агаалз. д̣̇уд̇ияаж̇жхаанабхуумияанд̇и згз.
175. Catutthe pāpakaṃ diṭṭhigatanti lāmikā sassatadiṭṭhi. Idaṃ niccanti idaṃ saha kāyena brahmaṭṭhānaṃ aniccaṃ ‘‘nicca’’nti vadati. Dhuvādīni tasseva vevacanāni. Tattha dhuvanti thiraṃ. Sassatanti sadā vijjamānaṃ. Kevalanti akhaṇḍaṃ sakalaṃ. Acavanadhammanti acavanasabhāvaṃ. Idaṃ hi na jāyatītiādīsu imasmiṃ ṭhāne koci jāyanako vā jīyanako vā mīyanako vā cavanako vā upapajjanako vā natthi, taṃ sandhāya vadati. Ito ca panaññanti ito sahakāyā brahmaṭṭhānā uttari aññaṃ nissaraṇaṃ nāma natthīti. Evamassa thāmagatā sassatadiṭṭhi uppannā hoti. Evaṃvādī ca pana so upari tisso jhānabhūmiyo cattāro magge cattāri phalāni nibbānanti sabbaṃ paṭibāhati. Kadā panassa sā diṭṭhi uppannāti? Paṭhamajjhānabhūmiyaṃ nibbattakāle. Dutiyajjhānabhūmiyanti eke.
д̇ад̇рааяам̣ анубуб̣б̣игат̇аа – хздтубабад̇д̇иго гирзса б̣рахмаа ануббаннз б̣уд̣̇д̇хуббаад̣̇з исибаб̣б̣аж̇ж̇ам̣ баб̣б̣аж̇ид̇ваа гасин̣абаригаммам̣ гад̇ваа самаабад̇д̇ияо ниб̣б̣ад̇д̇зд̇ваа абарихийнаж̇жхаано гаалам̣ гад̇ваа жад̇уд̇т̇аж̇жхаанабхуумияам̣ взхабпалаб̣рахмалогз бан̃жагаббасад̇игам̣ ааяум̣ г̇ахзд̇ваа ниб̣б̣ад̇д̇и. д̇ад̇т̇а яаавад̇ааяугам̣ тад̇ваа хздтубабад̇д̇игам̣ гад̇ваа д̇ад̇ияаж̇жхаанам̣ бан̣ийд̇ам̣ бхаавзд̇ваа субхагин̣хаб̣рахмалогз жад̇усадтигаббам̣ ааяум̣ г̇ахзд̇ваа ниб̣б̣ад̇д̇и. д̇ад̇т̇а д̣̇уд̇ияаж̇жхаанам̣ бхаавзд̇ваа аабхассарз адта габбз ааяум̣ г̇ахзд̇ваа ниб̣б̣ад̇д̇и. д̇ад̇т̇а батамаж̇жхаанам̣ бхаавзд̇ваа, батамаж̇жхаанабхуумияам̣ габбааяуго худ̇ваа ниб̣б̣ад̇д̇и . со батамагаалз ад̇д̇анаа гад̇агамман̃жа ниб̣б̣ад̇д̇адтаанан̃жа ан̃н̃ааси, гаалз бана г̇ажчанд̇з г̇ажчанд̇з убхаяам̣ бамуссид̇ваа сассад̇ад̣̇идтим̣ уббаад̣̇зси.
Tatrāyaṃ anupubbikathā – heṭṭhupapattiko kiresa brahmā anuppanne buddhuppāde isipabbajjaṃ pabbajitvā kasiṇaparikammaṃ katvā samāpattiyo nibbattetvā aparihīnajjhāno kālaṃ katvā catutthajjhānabhūmiyaṃ vehapphalabrahmaloke pañcakappasatikaṃ āyuṃ gahetvā nibbatti. Tattha yāvatāyukaṃ ṭhatvā heṭṭhupapattikaṃ katvā tatiyajjhānaṃ paṇītaṃ bhāvetvā subhakiṇhabrahmaloke catusaṭṭhikappaṃ āyuṃ gahetvā nibbatti. Tattha dutiyajjhānaṃ bhāvetvā ābhassare aṭṭha kappe āyuṃ gahetvā nibbatti. Tattha paṭhamajjhānaṃ bhāvetvā, paṭhamajjhānabhūmiyaṃ kappāyuko hutvā nibbatti . So paṭhamakāle attanā katakammañca nibbattaṭṭhānañca aññāsi, kāle pana gacchante gacchante ubhayaṃ pamussitvā sassatadiṭṭhiṃ uppādesi.
авиж̇ж̇ааг̇ад̇од̇и авиж̇ж̇ааяа г̇ад̇о саманнааг̇ад̇о ан̃н̃аан̣ий анд̇хийбхууд̇о. яад̇ра хи наамаад̇и яо наама. вагкад̇ийд̇и бхан̣ад̇и. ‘‘яад̇раа’’д̇и нибаад̇аяог̇зна бана анааг̇ад̇аважанам̣ гад̇ам̣.
Avijjāgatoti avijjāya gato samannāgato aññāṇī andhībhūto. Yatra hi nāmāti yo nāma. Vakkhatīti bhaṇati. ‘‘Yatrā’’ti nipātayogena pana anāgatavacanaṃ kataṃ.
звам̣ вуд̇д̇з со б̣рахмаа яат̇аа наама маг̇г̇ажоро д̣̇вз д̇аяо бахаарз ад̇хиваасзнд̇о сахааяз анаажигкид̇вааби уд̇д̇арим̣ бахаарам̣ бахарияамаано ‘‘асуго жа асуго жа маяхам̣ сахааяо’’д̇и аажигкад̇и, звамзва бхаг̇авад̇аа санд̇аж̇ж̇ияамаано сад̇им̣ лабхид̇ваа, ‘‘бхаг̇аваа маяхам̣ бад̣̇аанубад̣̇ам̣ бзгканд̇о мам̣ ниббийл̣ид̇угаамо’’д̇и бхийд̇о ад̇д̇ано сахааяз аажигканд̇о д̣̇ваасад̇д̇ад̇ийд̇иаад̣̇имааха. д̇ассад̇т̇о – бхо г̇од̇ама, маяам̣ д̣̇ваасад̇д̇ад̇и ж̇анаа бун̃н̃агаммаа д̇зна бун̃н̃агаммзна ид̇ха ниб̣б̣ад̇д̇аа. васавад̇д̇ино саяам̣ ан̃н̃зсам̣ васз авад̇д̇ид̇ваа барз ад̇д̇ано васз вад̇д̇зма, ж̇аад̇ин̃жа ж̇аран̃жа ад̇ийд̇аа, аяам̣ но взд̣̇зхи г̇ад̇ад̇д̇аа ‘‘взд̣̇аг̇уу’’д̇и сан̇кам̣ г̇ад̇аа бхаг̇аваа анд̇имаа б̣рахмубабад̇д̇и. асмаабхиж̇аббанд̇и ж̇анаа анзгаад̇и анзгаж̇анаа амхз абхиж̇аббанд̇и. ‘‘аяам̣ ко бхавам̣ б̣рахмаа, махааб̣рахмаа, абхибхуу, анабхибхууд̇о, ан̃н̃ад̣̇ад̇т̇уд̣̇асо, васавад̇д̇ий, иссаро, гад̇д̇аа, ниммаад̇аа, сздто, саж̇ид̇аа, васий, бид̇аа бхууд̇абхаб̣яаана’’нд̇и звам̣ бад̇т̇знд̇и бихзнд̇ийд̇и.
Evaṃ vutte so brahmā yathā nāma maggacoro dve tayo pahāre adhivāsento sahāye anācikkhitvāpi uttariṃ pahāraṃ pahariyamāno ‘‘asuko ca asuko ca mayhaṃ sahāyo’’ti ācikkhati, evameva bhagavatā santajjiyamāno satiṃ labhitvā, ‘‘bhagavā mayhaṃ padānupadaṃ pekkhanto maṃ nippīḷitukāmo’’ti bhīto attano sahāye ācikkhanto dvāsattatītiādimāha. Tassattho – bho gotama, mayaṃ dvāsattati janā puññakammā tena puññakammena idha nibbattā. Vasavattino sayaṃ aññesaṃ vase avattitvā pare attano vase vattema, jātiñca jarañca atītā, ayaṃ no vedehi gatattā ‘‘vedagū’’ti saṅkhaṃ gatā bhagavā antimā brahmupapatti. Asmābhijappanti janā anekāti anekajanā amhe abhijappanti. ‘‘Ayaṃ kho bhavaṃ brahmā, mahābrahmā, abhibhū, anabhibhūto, aññadatthudaso, vasavattī, issaro, kattā, nimmātā, seṭṭho, sajitā, vasī, pitā bhūtabhabyāna’’nti evaṃ patthenti pihentīti.
ат̇а нам̣ бхаг̇аваа аббам̣ хи зд̇анд̇иаад̣̇имааха. д̇ад̇т̇а зд̇анд̇и яам̣ д̇вам̣ ид̇ха д̇ава ааяум̣ ‘‘д̣̇ийгха’’нд̇и ман̃н̃аси, зд̇ам̣ аббам̣ барид̇д̇агам̣. сад̇ам̣ сахассаанам̣ нираб̣б̣уд̣̇аананд̇и нираб̣б̣уд̣̇аг̇ан̣анааяа сад̇асахассанираб̣б̣уд̣̇аанам̣. ааяум̣ баж̇аанаамийд̇и, ‘‘ид̣̇аани д̇ава авасидтам̣ зд̇д̇агам̣ ааяуу’’д̇и ахам̣ ж̇аанаами. ананд̇ад̣̇ассий бхаг̇аваа хамасмийд̇и, бхаг̇аваа, д̇умхз ‘‘ахам̣ ананд̇ад̣̇ассий ж̇аад̇иаад̣̇ийни убаад̇ивад̇д̇о’’д̇и вад̣̇ат̇а. гим̣ мз бураан̣анд̇и, яад̣̇и д̇вам̣ ананд̇ад̣̇ассий, звам̣ санд̇з ид̣̇ам̣ мз аажигка, гим̣ маяхам̣ бураан̣ам̣? вад̇асийлавад̇д̇анд̇и сийламзва вужжад̇и. яамахам̣ виж̇ан̃н̃аад̇и яам̣ ахам̣ д̇аяаа гат̇ид̇ам̣ ж̇аанзяяам̣, д̇ам̣ мз аажигкаад̇и вад̣̇ад̇и.
Atha naṃ bhagavā appaṃ hi etantiādimāha. Tattha etanti yaṃ tvaṃ idha tava āyuṃ ‘‘dīgha’’nti maññasi, etaṃ appaṃ parittakaṃ. Sataṃ sahassānaṃ nirabbudānanti nirabbudagaṇanāya satasahassanirabbudānaṃ. Āyuṃ pajānāmīti, ‘‘idāni tava avasiṭṭhaṃ ettakaṃ āyū’’ti ahaṃ jānāmi. Anantadassī bhagavā hamasmīti, bhagavā, tumhe ‘‘ahaṃ anantadassī jātiādīni upātivatto’’ti vadatha. Kiṃ me purāṇanti, yadi tvaṃ anantadassī, evaṃ sante idaṃ me ācikkha, kiṃ mayhaṃ purāṇaṃ? Vatasīlavattanti sīlameva vuccati. Yamahaṃ vijaññāti yaṃ ahaṃ tayā kathitaṃ jāneyyaṃ, taṃ me ācikkhāti vadati.
ид̣̇аанисса аажигканд̇о бхаг̇аваа яам̣ д̇вам̣ абааязсийд̇иаад̣̇имааха. д̇ад̇рааяам̣ ад̇хиббааяо – буб̣б̣з гирзса гулагхарз ниб̣б̣ад̇д̇ид̇ваа гаамзсу аад̣̇ийнавам̣ д̣̇исваа – ‘‘ж̇аад̇иж̇араамаран̣асса анд̇ам̣ гариссаамий’’д̇и нигкамма исибаб̣б̣аж̇ж̇ам̣ баб̣б̣аж̇ид̇ваа самаабад̇д̇ияо ниб̣б̣ад̇д̇зд̇ваа абхин̃н̃аабаад̣̇агаж̇жхаанасса лаабхий худ̇ваа г̇ан̇г̇аад̇ийрз бан̣н̣асаалам̣ гаарзд̇ваа жхаанарад̇ияаа вийд̇инаамзд̇и. д̇ад̣̇аа жа гаалзнагаалам̣ сад̇т̇аваахаа бан̃жахи сагадасад̇зхи маруганд̇аарам̣ бадибаж̇ж̇анд̇и. маруганд̇аарз бана д̣̇иваа на саггаа г̇анд̇ум̣, рад̇д̇им̣ г̇аманам̣ ход̇и. ат̇а буримасагадасса аг̇г̇аяуг̇з яуд̇д̇аб̣алиб̣ад̣̇д̣̇аа г̇ажчанд̇аа г̇ажчанд̇аа нивад̇д̇ид̇ваа ааг̇ад̇амаг̇г̇аабхимукаа ахзсум̣, саб̣б̣асагадаани д̇ат̇зва нивад̇д̇ид̇ваа арун̣з уг̇г̇ад̇з нивад̇д̇ид̇абхаавам̣ ж̇ааним̣су. д̇зсан̃жа д̇ад̣̇аа ганд̇аарам̣ ад̇иггаманад̣̇ивасо ахоси. саб̣б̣ам̣ д̣̇ааруд̣̇агам̣ баригкийн̣ам̣ – д̇асмаа ‘‘над̇т̇и д̣̇аани амхаагам̣ ж̇ийвид̇а’’нд̇и жинд̇зд̇ваа, г̇он̣з жаггзсу б̣анд̇хид̇ваа, мануссаа сагадажчааяам̣ бависид̇ваа нибаж̇ж̇им̣су.
Idānissa ācikkhanto bhagavā yaṃ tvaṃ apāyesītiādimāha. Tatrāyaṃ adhippāyo – pubbe kiresa kulaghare nibbattitvā kāmesu ādīnavaṃ disvā – ‘‘jātijarāmaraṇassa antaṃ karissāmī’’ti nikkhamma isipabbajjaṃ pabbajitvā samāpattiyo nibbattetvā abhiññāpādakajjhānassa lābhī hutvā gaṅgātīre paṇṇasālaṃ kāretvā jhānaratiyā vītināmeti. Tadā ca kālenakālaṃ satthavāhā pañcahi sakaṭasatehi marukantāraṃ paṭipajjanti. Marukantāre pana divā na sakkā gantuṃ, rattiṃ gamanaṃ hoti. Atha purimasakaṭassa aggayuge yuttabalibaddā gacchantā gacchantā nivattitvā āgatamaggābhimukhā ahesuṃ, sabbasakaṭāni tatheva nivattitvā aruṇe uggate nivattitabhāvaṃ jāniṃsu. Tesañca tadā kantāraṃ atikkamanadivaso ahosi. Sabbaṃ dārudakaṃ parikkhīṇaṃ – tasmā ‘‘natthi dāni amhākaṃ jīvita’’nti cintetvā, goṇe cakkesu bandhitvā, manussā sakaṭacchāyaṃ pavisitvā nipajjiṃsu.
д̇аабасоби гаалассзва бан̣н̣асаалад̇о нигкамид̇ваа бан̣н̣асаалад̣̇ваарз нисинно г̇ан̇г̇ам̣ ологаяамаано ад̣̇д̣̇аса г̇ан̇г̇ам̣ махад̇аа уд̣̇агогхзна буурияамаанам̣ бавад̇д̇ид̇аман̣игканд̇хам̣ вияа ааг̇ажчанд̇ам̣, д̣̇исваа жинд̇зси – ‘‘ад̇т̇и ну ко имасмим̣ логз зваруубасса мад̇хурод̣̇агасса алаабхзна гилиссамаанаа сад̇д̇аа’’д̇и? со звам̣ ааваж̇ж̇знд̇о маруганд̇аарз д̇ам̣ сад̇т̇ам̣ д̣̇исваа ‘имз сад̇д̇аа маа нассанд̇уу’д̇и ‘‘ид̇о жид̇о жа махаауд̣̇агагканд̇хо чиж̇ж̇ид̇ваа маруганд̇аарз сад̇т̇аабхимуко г̇ажчад̇уу’’д̇и абхин̃н̃аажид̇д̇зна ад̇хидтааси. саха жид̇д̇уббаад̣̇зна маад̇игаарул̣хам̣ вияа уд̣̇агам̣ д̇ад̇т̇а аг̇амааси. мануссаа уд̣̇агасад̣̇д̣̇зна вудтааяа уд̣̇агам̣ д̣̇исваа хадтад̇удтаа нхааяид̇ваа бивид̇ваа г̇он̣зби бааязд̇ваа сод̇т̇инаа ижчид̇адтаанам̣ аг̇амам̣су. сад̇т̇аа д̇ам̣ б̣рахмуно буб̣б̣агаммам̣ д̣̇ассзнд̇о батамам̣ г̇аат̇амааха. д̇ад̇т̇а абааязсийд̇и бааязси. а-гааро нибаад̇амад̇д̇ам̣. г̇амманийд̇и г̇имхз. самбарзд̇зд̇и г̇имхаад̇абзна пудтз ануг̇ад̇з.
Tāpasopi kālasseva paṇṇasālato nikkhamitvā paṇṇasāladvāre nisinno gaṅgaṃ olokayamāno addasa gaṅgaṃ mahatā udakoghena pūriyamānaṃ pavattitamaṇikkhandhaṃ viya āgacchantaṃ, disvā cintesi – ‘‘atthi nu kho imasmiṃ loke evarūpassa madhurodakassa alābhena kilissamānā sattā’’ti? So evaṃ āvajjento marukantāre taṃ satthaṃ disvā ‘ime sattā mā nassantū’ti ‘‘ito cito ca mahāudakakkhandho chijjitvā marukantāre satthābhimukho gacchatū’’ti abhiññācittena adhiṭṭhāsi. Saha cittuppādena mātikāruḷhaṃ viya udakaṃ tattha agamāsi. Manussā udakasaddena vuṭṭhāya udakaṃ disvā haṭṭhatuṭṭhā nhāyitvā pivitvā goṇepi pāyetvā sotthinā icchitaṭṭhānaṃ agamaṃsu. Satthā taṃ brahmuno pubbakammaṃ dassento paṭhamaṃ gāthamāha. Tattha apāyesīti pāyesi. A-kāro nipātamattaṃ. Gammanīti gimhe. Sampareteti gimhātapena phuṭṭhe anugate.
абарасмимби самаяз д̇аабасо г̇ан̇г̇аад̇ийрз бан̣н̣асаалам̣ маабзд̇ваа аран̃н̃аг̇аамагам̣ ниссааяа васад̇и. д̇зна жа самаязна жораа д̇ам̣ г̇аамам̣ бахарид̇ваа хад̇т̇асаарам̣ г̇ахзд̇ваа г̇аавияо жа гарамарз жа г̇ахзд̇ваа г̇ажчанд̇и. г̇аавоби сунакааби мануссааби махаавиравам̣ вираванд̇и. д̇аабасо д̇ам̣ сад̣̇д̣̇ам̣ суд̇ваа ‘‘гинну ко зд̇а’’нд̇и? ааваж̇ж̇знд̇о ‘‘мануссаанам̣ бхаяам̣ уббанна’’нд̇и н̃ад̇ваа ‘‘маяи бассанд̇з имз сад̇д̇аа маа нассанд̇уу’’д̇и абхин̃н̃аабаад̣̇агаж̇жхаанам̣ самаабаж̇ж̇ид̇ваа вудтааяа абхин̃н̃аажид̇д̇зна жораанам̣ бадибат̇з жад̇уран̇г̇иним̣ сзнам̣ маабзси. гаммасаж̇ж̇аа ааг̇ажчанд̇аа жораа д̣̇исваа, ‘‘рааж̇аа ман̃н̃з ааг̇ад̇о’’д̇и вилобам̣ чад̣д̣зд̇ваа баггамим̣су. д̇аабасо ‘‘яам̣ яасса санд̇агам̣, д̇ам̣ д̇ассзва ход̇уу’’д̇и ад̇хидтааси, д̇ам̣ д̇ат̇зва ахоси. махааж̇ано сод̇т̇ибхаавам̣ баабун̣и. сад̇т̇аа ид̣̇амби д̇асса буб̣б̣агаммам̣ д̣̇ассзнд̇о д̣̇уд̇ияам̣ г̇аат̇амааха. д̇ад̇т̇а зн̣игууласминд̇и г̇ан̇г̇аад̇ийрз. г̇аяхагам̣ нийяамаананд̇и г̇ахзд̇ваа нийяамаанам̣, гарамарам̣ нийяамаананд̇иби ад̇т̇о.
Aparasmimpi samaye tāpaso gaṅgātīre paṇṇasālaṃ māpetvā araññagāmakaṃ nissāya vasati. Tena ca samayena corā taṃ gāmaṃ paharitvā hatthasāraṃ gahetvā gāviyo ca karamare ca gahetvā gacchanti. Gāvopi sunakhāpi manussāpi mahāviravaṃ viravanti. Tāpaso taṃ saddaṃ sutvā ‘‘kinnu kho eta’’nti? Āvajjento ‘‘manussānaṃ bhayaṃ uppanna’’nti ñatvā ‘‘mayi passante ime sattā mā nassantū’’ti abhiññāpādakajjhānaṃ samāpajjitvā vuṭṭhāya abhiññācittena corānaṃ paṭipathe caturaṅginiṃ senaṃ māpesi. Kammasajjā āgacchantā corā disvā, ‘‘rājā maññe āgato’’ti vilopaṃ chaḍḍetvā pakkamiṃsu. Tāpaso ‘‘yaṃ yassa santakaṃ, taṃ tasseva hotū’’ti adhiṭṭhāsi, taṃ tatheva ahosi. Mahājano sotthibhāvaṃ pāpuṇi. Satthā idampi tassa pubbakammaṃ dassento dutiyaṃ gāthamāha. Tattha eṇikūlasminti gaṅgātīre. Gayhakaṃ nīyamānanti gahetvā nīyamānaṃ, karamaraṃ nīyamānantipi attho.
буна згасмим̣ самаяз убариг̇ан̇г̇ааваасигам̣ згам̣ гулам̣ хздтааг̇ан̇г̇ааваасигзна гулзна сад̣̇д̇хим̣ мид̇д̇асант̇авам̣ гад̇ваа, нааваасан̇гхаадам̣ б̣анд̇хид̇ваа, б̣ахум̣ каад̣̇анийяан̃жзва бхож̇анийяан̃жа г̇анд̇хамаалаад̣̇ийни жа ааробзд̇ваа г̇ан̇г̇аасод̇зна ааг̇ажчад̇и. мануссаа каад̣̇амаанаа бхун̃ж̇амаанаа нажжанд̇аа г̇ааяанд̇аа д̣̇звавимаанзна г̇ажчанд̇аа вияа б̣алавасоманассаа ахзсум̣. г̇ан̇г̇зяяаго нааг̇о д̣̇исваа губид̇о ‘‘имз маяи сан̃н̃амби на гаронд̇и. ид̣̇аани нз самуд̣̇д̣̇амзва баабзссаамий’’д̇и маханд̇ам̣ ад̇д̇абхаавам̣ маабзд̇ваа уд̣̇агам̣ д̣̇вид̇хаа бхинд̣̇ид̇ваа удтааяа пан̣ам̣ гад̇ваа, сусугаарам̣ гаронд̇о адтааси. махааж̇ано д̣̇исваа бхийд̇о виссарамагааси. д̇аабасо бан̣н̣асаалааяам̣ нисинно суд̇ваа, ‘‘имз г̇ааяанд̇аа нажжанд̇аа соманассаж̇аад̇аа ааг̇ажчанд̇и. ид̣̇аани бана бхаяаравам̣ равим̣су, гинну ко’’д̇и? ааваж̇ж̇знд̇о нааг̇арааж̇ам̣ д̣̇исваа, ‘‘маяи бассанд̇з сад̇д̇аа маа нассанд̇уу’’д̇и абхин̃н̃аабаад̣̇агаж̇жхаанам̣ самаабаж̇ж̇ид̇ваа ад̇д̇абхаавам̣ баж̇ахид̇ваа субан̣н̣аван̣н̣ам̣ маабзд̇ваа нааг̇арааж̇асса д̣̇ассзси. нааг̇арааж̇аа бхийд̇о пан̣ам̣ сам̣харид̇ваа уд̣̇агам̣ бавидто, махааж̇ано сод̇т̇ибхаавам̣ баабун̣и. сад̇т̇аа ид̣̇амби д̇асса буб̣б̣агаммам̣ д̣̇ассзнд̇о д̇ад̇ияам̣ г̇аат̇амааха. д̇ад̇т̇а луд̣̇д̣̇знаад̇и д̣̇аарун̣зна. мануссагамяаад̇и мануссагаамад̇ааяа, мануссз вихзтзд̇угаамад̇ааяаад̇и ад̇т̇о.
Puna ekasmiṃ samaye uparigaṅgāvāsikaṃ ekaṃ kulaṃ heṭṭhāgaṅgāvāsikena kulena saddhiṃ mittasanthavaṃ katvā, nāvāsaṅghāṭaṃ bandhitvā, bahuṃ khādanīyañceva bhojanīyañca gandhamālādīni ca āropetvā gaṅgāsotena āgacchati. Manussā khādamānā bhuñjamānā naccantā gāyantā devavimānena gacchantā viya balavasomanassā ahesuṃ. Gaṅgeyyako nāgo disvā kupito ‘‘ime mayi saññampi na karonti. Idāni ne samuddameva pāpessāmī’’ti mahantaṃ attabhāvaṃ māpetvā udakaṃ dvidhā bhinditvā uṭṭhāya phaṇaṃ katvā, susukāraṃ karonto aṭṭhāsi. Mahājano disvā bhīto vissaramakāsi. Tāpaso paṇṇasālāyaṃ nisinno sutvā, ‘‘ime gāyantā naccantā somanassajātā āgacchanti. Idāni pana bhayaravaṃ raviṃsu, kinnu kho’’ti? Āvajjento nāgarājaṃ disvā, ‘‘mayi passante sattā mā nassantū’’ti abhiññāpādakajjhānaṃ samāpajjitvā attabhāvaṃ pajahitvā supaṇṇavaṇṇaṃ māpetvā nāgarājassa dassesi. Nāgarājā bhīto phaṇaṃ saṃharitvā udakaṃ paviṭṭho, mahājano sotthibhāvaṃ pāpuṇi. Satthā idampi tassa pubbakammaṃ dassento tatiyaṃ gāthamāha. Tattha luddenāti dāruṇena. Manussakamyāti manussakāmatāya, manusse viheṭhetukāmatāyāti attho.
абарасмимби самаяз зса исибаб̣б̣аж̇ж̇ам̣ баб̣б̣аж̇ид̇ваа гзсаво наама д̇аабасо ахоси. д̇зна самаязна амхаагам̣ б̣од̇хисад̇д̇о габбо наама маан̣аво гзсавасса б̣ад̣̇д̇хажаро анд̇зваасиго худ̇ваа аажарияасса гим̣гаарабадиссаавий манаабажаарий б̣уд̣̇д̇хисамбанно ад̇т̇ажаро ахоси. гзсаво д̇зна винаа васид̇ум̣ на саггод̇и, д̇ам̣ ниссааязва ж̇ийвигам̣ габбзси. сад̇т̇аа ид̣̇амби д̇асса буб̣б̣агаммам̣ д̣̇ассзнд̇о жад̇уд̇т̇ам̣ г̇аат̇амааха.
Aparasmimpi samaye esa isipabbajjaṃ pabbajitvā kesavo nāma tāpaso ahosi. Tena samayena amhākaṃ bodhisatto kappo nāma māṇavo kesavassa baddhacaro antevāsiko hutvā ācariyassa kiṃkārapaṭissāvī manāpacārī buddhisampanno atthacaro ahosi. Kesavo tena vinā vasituṃ na sakkoti, taṃ nissāyeva jīvikaṃ kappesi. Satthā idampi tassa pubbakammaṃ dassento catutthaṃ gāthamāha.
д̇ад̇т̇а б̣ад̣̇д̇хажарод̇и анд̇зваасиго, со бана ж̇здтанд̇зваасиго ахоси. самб̣уд̣̇д̇химанд̇ам̣ вад̇инам̣ аман̃н̃ийд̇и, ‘‘саммаа б̣уд̣̇д̇химаа вад̇асамбанно аяа’’нд̇и звам̣ ман̃н̃амаано габбо д̇ава анд̇зваасиго ахосим̣ ахам̣ со д̇зна самаязнаад̇и д̣̇ассзд̇и. ан̃н̃зби ж̇аанаасийд̇и на гзвалам̣ маяхам̣ ааяумзва, ан̃н̃зби д̇вам̣ ж̇аанаасиязва. д̇ат̇аа хи б̣уд̣̇д̇ход̇и д̇ат̇аа хи д̇вам̣ б̣уд̣̇д̇хо, яасмаа б̣уд̣̇д̇хо, д̇асмаа ж̇аанаасийд̇и ад̇т̇о. д̇ат̇аа хи д̇яааяам̣ ж̇алид̇аанубхаавод̇и яасмаа жа д̇вам̣ б̣уд̣̇д̇хо, д̇асмаа д̇з аяам̣ ж̇алид̇о аанубхааво. обхаасаяам̣ д̇идтад̇ийд̇и саб̣б̣ам̣ б̣рахмалогам̣ обхаасаяанд̇о д̇идтад̇и. жад̇уд̇т̇ам̣.
Tattha baddhacaroti antevāsiko, so pana jeṭṭhantevāsiko ahosi. Sambuddhimantaṃ vatinaṃ amaññīti, ‘‘sammā buddhimā vatasampanno aya’’nti evaṃ maññamāno kappo tava antevāsiko ahosiṃ ahaṃ so tena samayenāti dasseti. Aññepi jānāsīti na kevalaṃ mayhaṃ āyumeva, aññepi tvaṃ jānāsiyeva. Tathā hi buddhoti tathā hi tvaṃ buddho, yasmā buddho, tasmā jānāsīti attho. Tathā hi tyāyaṃ jalitānubhāvoti yasmā ca tvaṃ buddho, tasmā te ayaṃ jalito ānubhāvo. Obhāsayaṃ tiṭṭhatīti sabbaṃ brahmalokaṃ obhāsayanto tiṭṭhati. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. б̣агаб̣рахмасуд̇д̇ам̣ • 4. Bakabrahmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. б̣агаб̣рахмасуд̇д̇аван̣н̣анаа • 4. Bakabrahmasuttavaṇṇanā
