| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਬਕਬ੍ਰਹ੍ਮਸੁਤ੍ਤવਣ੍ਣਨਾ
4. Bakabrahmasuttavaṇṇanā
੧੭੫. ‘‘ਸਸ੍ਸਤੋ ਅਤ੍ਤਾ ਚ ਲੋਕੋ ਚਾ’’ਤਿ ਏવਂ ਪવਤ੍ਤਾ ਦਿਟ੍ਠਿ ਸਸ੍ਸਤਦਿਟ੍ਠਿ। ਸਹ ਕਾਯੇਨਾਤਿ ਸਹ ਤੇਨ ਬ੍ਰਹ੍ਮਤ੍ਤਭਾવੇਨ। ਬ੍ਰਹ੍ਮਟ੍ਠਾਨਨ੍ਤਿ ਅਤ੍ਤਨੋ ਬ੍ਰਹ੍ਮવਤ੍ਥੁਂ। ਅਨਿਚ੍ਚਂ ‘‘ਨਿਚ੍ਚ’’ਨ੍ਤਿ વਦਤਿ ਅਨਿਚ੍ਚਤਾਯ ਅਤ੍ਤਨੋ ਅਪਞ੍ਞਾਯਮਾਨਤ੍ਤਾ। ਥਿਰਨ੍ਤਿ ਦਲ਼੍ਹਂ, વਿਨਾਸਾਭਾવਤੋ ਸਾਰਭੂਤਨ੍ਤਿ ਅਤ੍ਥੋ। ਉਪ੍ਪਾਦવਿਪਰਿਣਾਮਾਭਾવਤੋ ਸਦਾ વਿਜ੍ਜਮਾਨਂ। ਕੇવਲਨ੍ਤਿ ਪਰਿਪੁਣ੍ਣਂ। ਤੇਨਾਹ ‘‘ਅਖਣ੍ਡ’’ਨ੍ਤਿ। ਕੇવਲਨ੍ਤਿ વਾ ਜਾਤਿਆਦੀਹਿ ਅਸਮ੍ਮਿਸ੍ਸਂ, વਿਰਹਿਤਨ੍ਤਿ ਅਧਿਪ੍ਪਾਯੋ। ਉਪ੍ਪਾਦਾਦੀਨਂ ਅਭਾવਤੋ ਏવ ਅਚવਨਧਮ੍ਮਂ। ਕੋਚਿ ਜਾਯਨਕੋ…ਪੇ॰… ਉਪਪਜ੍ਜਨਕੋ વਾ ਨਤ੍ਥਿ ਨਿਚ੍ਚਭਾવਤੋ ਠਾਨੇਨ ਸਦ੍ਧਿਂ ਤਨ੍ਨਿવਾਸੀਨਂ। ਨਿਚ੍ਚਭਾવਞ੍ਹਿ ਸੋ ਪਟਿਜਾਨਾਤਿ। ਤਿਸ੍ਸੋ ਝਾਨਭੂਮਿਯੋਤਿ ਦੁਤਿਯਤਤਿਯਚਤੁਤ੍ਥਜ੍ਝਾਨਭੂਮਿਯੋ। ਚਤੁਤ੍ਥਜ੍ਝਾਨਭੂਮਿવਿਸੇਸਾ ਹਿ ਅਸਞ੍ਞਸੁਦ੍ਧਾવਾਸਾਰੁਪ੍ਪਭવਾ। ਨਿਬ੍ਬਾਨਨ੍ਤਿ વਾ ਏਤ੍ਥ ਇਤਿ-ਸਦ੍ਦੋ ਆਦਿਅਤ੍ਥੋ, ਨ ਪਰਿਸਮਾਪਨਤ੍ਥੋ, ਤਸ੍ਮਾ ‘‘ਸਬ੍ਬ’’ਨ੍ਤਿ ਇਮਿਨਾ ‘‘ਅਸਞ੍ਞ…ਪੇ॰… ਭવਾ’’ਤਿ વੁਤ੍ਤਂ ਸਙ੍ਗਣ੍ਹਾਤਿ। ਪਟਿਬਾਹਤੀਤਿ ਸਨ੍ਤਂਯੇવ ਸਮਾਨਂ ਅਜਾਨਨ੍ਤੋવ ‘‘ਨਤ੍ਥੀ’’ਤਿ ਪਟਿਕ੍ਖਿਪਤਿ। ਏਕੇ ਉਤ੍ਤਰવਿਹਾਰવਾਸਿਨੋ।
175. ‘‘Sassato attā ca loko cā’’ti evaṃ pavattā diṭṭhi sassatadiṭṭhi. Saha kāyenāti saha tena brahmattabhāvena. Brahmaṭṭhānanti attano brahmavatthuṃ. Aniccaṃ ‘‘nicca’’nti vadati aniccatāya attano apaññāyamānattā. Thiranti daḷhaṃ, vināsābhāvato sārabhūtanti attho. Uppādavipariṇāmābhāvato sadā vijjamānaṃ. Kevalanti paripuṇṇaṃ. Tenāha ‘‘akhaṇḍa’’nti. Kevalanti vā jātiādīhi asammissaṃ, virahitanti adhippāyo. Uppādādīnaṃ abhāvato eva acavanadhammaṃ. Koci jāyanako…pe… upapajjanako vā natthi niccabhāvato ṭhānena saddhiṃ tannivāsīnaṃ. Niccabhāvañhi so paṭijānāti. Tisso jhānabhūmiyoti dutiyatatiyacatutthajjhānabhūmiyo. Catutthajjhānabhūmivisesā hi asaññasuddhāvāsāruppabhavā. Nibbānanti vā ettha iti-saddo ādiattho, na parisamāpanattho, tasmā ‘‘sabba’’nti iminā ‘‘asañña…pe… bhavā’’ti vuttaṃ saṅgaṇhāti. Paṭibāhatīti santaṃyeva samānaṃ ajānantova ‘‘natthī’’ti paṭikkhipati. Eke uttaravihāravāsino.
ਹੇਟ੍ਠੂਪਪਤ੍ਤਿਕੋਤਿ ਹੇਟ੍ਠਾ ਭੂਮੀਸੁ ਉਪ੍ਪਨ੍ਨਉਪਪਤ੍ਤਿਕੋ। ਇਦਾਨਿ ਤਮਤ੍ਥਂ વਿવਰਿਤੁਂ ‘‘ਅਨੁਪ੍ਪਨ੍ਨੇ’’ਤਿਆਦਿ વੁਤ੍ਤਂ। ਹੇਟ੍ਠੁਪਪਤ੍ਤਿਕਂ ਕਤ੍વਾਤਿ ਯਥਾਠਿਤਭੂਮਿਤੋ ਹੇਟ੍ਠਾ ਤਤਿਯਜ੍ਝਾਨਭੂਮਿਯਂ ਉਪਪਤ੍ਤਿਝਾਨਂ ਕਤ੍વਾ, ਨ ਉਪਰਿਝਾਨਸ੍ਸ વਿਯ ਪਤ੍ਥਨਾਮਤ੍ਤਨ੍ਤਿ ਅਧਿਪ੍ਪਾਯੋ। ਪਠਮਕਾਲੇਤਿ ਤਸ੍ਮਿਂ ਭવੇ ਪਠਮਕਾਲੇ। ਅਞ੍ਞਾਸਿ ਆਸਨ੍ਨਭਾવਤੋ। ਉਭਯਨ੍ਤਿ ਤਂ ਤਂ ਅਤ੍ਤਨਾ ਕਤਕਮ੍ਮਞ੍ਚੇવ ਨਿਬ੍ਬਤ੍ਤਟ੍ਠਾਨਞ੍ਚਾਤਿ ਉਭਯਂ। ਪਮੁਸ੍ਸਿਤ੍વਾ ਨਿਬ੍ਬਤ੍ਤਿਂ ਅਨੁਪਧਾਰੇਨ੍ਤੋ।
Heṭṭhūpapattikoti heṭṭhā bhūmīsu uppannaupapattiko. Idāni tamatthaṃ vivarituṃ ‘‘anuppanne’’tiādi vuttaṃ. Heṭṭhupapattikaṃ katvāti yathāṭhitabhūmito heṭṭhā tatiyajjhānabhūmiyaṃ upapattijhānaṃ katvā, na uparijhānassa viya patthanāmattanti adhippāyo. Paṭhamakāleti tasmiṃ bhave paṭhamakāle. Aññāsi āsannabhāvato. Ubhayanti taṃ taṃ attanā katakammañceva nibbattaṭṭhānañcāti ubhayaṃ. Pamussitvā nibbattiṃ anupadhārento.
ਅવਿਜ੍ਜਾਯ ਗਤੋਤਿ ਅવਿਜ੍ਜਾਯ ਸਹ ਪવਤ੍ਤੋ। ਸਹਯੋਗੇ ਹਿ ਇਦਂ ਕਰਣવਚਨਂ। ਤੇਨਾਹ ‘‘ਸਮਨ੍ਨਾਗਤੋ’’ਤਿ। ਅਞ੍ਞਾਣੀਤਿ ਅવਿਦ੍વਾ। ਪਞ੍ਞਾਚਕ੍ਖੁવਿਰਹਤੋ ਅਨ੍ਧੀਭੂਤੋ, ਅਨ੍ਧਭਾવਂ ਆਪਨ੍ਨੋਤਿ ਅਤ੍ਥੋ। ਅਨਾਗਤੇ ਸਦ੍ਦੋ ਹੋਤਾਯਂ ‘‘વਕ੍ਖਤੀ’’ਤਿ ਯਤ੍ਰਸਦ੍ਦਪਯੋਗੇਨ, ਅਤ੍ਥੋ ਪਨ વਤ੍ਤਮਾਨਕਾਲਿਕੋ। ਤੇਨਾਹ ‘‘ਭਣਤੀ’’ਤਿ। ਤੇਨਾਹ ‘‘ਯਤ੍ਰਾ’’ਤਿਆਦਿ।
Avijjāya gatoti avijjāya saha pavatto. Sahayoge hi idaṃ karaṇavacanaṃ. Tenāha ‘‘samannāgato’’ti. Aññāṇīti avidvā. Paññācakkhuvirahato andhībhūto, andhabhāvaṃ āpannoti attho. Anāgate saddo hotāyaṃ ‘‘vakkhatī’’ti yatrasaddapayogena, attho pana vattamānakāliko. Tenāha ‘‘bhaṇatī’’ti. Tenāha ‘‘yatrā’’tiādi.
ਮਗ੍ਗਚੋਰੋਤਿ ਮਗ੍ਗਪਰਿਬੁਨ੍ਧਕਚੋਰੋ। ਸਨ੍ਤਜ੍ਜਿਯਮਾਨੋਤਿ ‘‘ਅવਿਜ੍ਜਾਗਤੋ વਤ, ਭੋ, ਬਕੋ ਬ੍ਰਹ੍ਮਾ’’ਤਿਆਦਿਨਾ ਸਨ੍ਤਜ੍ਜਿਯਮਾਨੋ। ਸਤਿਂ ਲਭਿਤ੍વਾਤਿ ਤੇਨੇવ ਸਨ੍ਤਜ੍ਜਨੇਨ ਯੋਨਿਸੋ ਉਮ੍ਮੁਜ੍ਜਿਤ੍વਾ ਪੁਰਿਮਜਾਤਿવਿਸਯਂ ਸਤਿਂ ਲਭਿਤ੍વਾ। ਨਿਪ੍ਪੀਲ਼ਿਤੁਕਾਮੋਤਿ ਘਂਸੇਤੁਕਾਮੋ ਦੋਸਂ ਦਸ੍ਸੇਤੁਕਾਮੋ ‘‘ਇਦਂ ਪਸ੍ਸ ਯਾવਞ੍ਚ ਤੇ ਅਪਰਦ੍ਧ’’ਨ੍ਤਿ। ਪੁਞ੍ਞਕਮ੍ਮਾਤਿ ਪੁਞ੍ਞਕਾਰਿਨੋ। વੇਦੇਹਿ ਞਾਣੇਹਿ ਗਤਤ੍ਤਾ ਪવਤ੍ਤਤ੍ਤਾ। ਅਨ੍ਤਿਮਾ ਬ੍ਰਹ੍ਮੁਪਪਤ੍ਤੀਤਿ ਸਬ੍ਬਪਚ੍ਛਿਮਾ ਬ੍ਰਹ੍ਮਭਾવਪ੍ਪਤ੍ਤਿ। ਅਸ੍ਮਾਭਿਜਪ੍ਪਨ੍ਤੀਤਿ ਅਸ੍ਮੇ ਅਭਿਜਪ੍ਪਨ੍ਤਿ। ਆਯੁવਣ੍ਣਾਦਿવਸੇਨ ਬ੍ਰੂਹਿਤਗੁਣਤ੍ਤਾ ਬ੍ਰਹ੍ਮਾ। ਅਞ੍ਞੇਹਿ ਮਹਨ੍ਤਾ ਬ੍ਰਹ੍ਮਾ ਮਹਾਬ੍ਰਹ੍ਮਾ। ਅਭਿਭੂਤਿ ਤਂ ਬ੍ਰਹ੍ਮਲੋਕਂ ਜੇਟ੍ਠਕਭਾવੇਨ ਅਭਿਭવਿਤ੍વਾ ਠਿਤੋ। ਅਨਭਿਭੂਤੋਤਿ ਅਞ੍ਞੇਹਿ ਨ ਅਭਿਭੂਤੋ। ਅਞ੍ਞਦਤ੍ਥੂਤਿ ਏਕਂਸવਚਨਮੇਤਂ। ਦਸ੍ਸਨવਸੇਨ ਦਸੋ, ਸਬ੍ਬਂ ਪਸ੍ਸਤੀਤਿ ਅਧਿਪ੍ਪਾਯੋ। વਸવਤ੍ਤੀਤਿ ਸਬ੍ਬਜਨਂ વਸੇ વਤ੍ਤੇਤਿ। ਇਸ੍ਸਰੋਤਿ ਲੋਕੇ ਇਸ੍ਸਰੋ। ਕਤ੍ਤਾ ਨਿਮ੍ਮਾਤਾਤਿ ਲੋਕਸ੍ਸ ਕਤ੍ਤਾ ਨਿਮ੍ਮਾਤਾ। ਸੇਟ੍ਠੋ ਸਜਿਤਾਤਿ ਅਯਂ ਲੋਕਸ੍ਸ ਉਤ੍ਤਮੋ ਸਂવਿਭਜਿਤਾ ਚ। વਸੀ ਪਿਤਾ ਭੂਤਭਬ੍ਯਾਨਨ੍ਤਿ ਆਚਿਣ੍ਣવਸਿਤ੍ਤਾ વਸੀ, ਅਯਂ ਪਿਤਾ ਭੂਤਾਨਂ ਨਿਬ੍ਬਤ੍ਤਾਨਂ ਭਬ੍ਯਾਨਂ ਸਮ੍ਭવੇਸੀਨਨ੍ਤਿ ਪਤ੍ਥੇਨ੍ਤਿ વਿਕਤ੍ਥੇਨ੍ਤਿ ਪਿਹੇਨ੍ਤਿ ਮਾਨੇਨ੍ਤਿ।
Maggacoroti maggaparibundhakacoro. Santajjiyamānoti ‘‘avijjāgato vata, bho, bako brahmā’’tiādinā santajjiyamāno. Satiṃ labhitvāti teneva santajjanena yoniso ummujjitvā purimajātivisayaṃ satiṃ labhitvā. Nippīḷitukāmoti ghaṃsetukāmo dosaṃ dassetukāmo ‘‘idaṃ passa yāvañca te aparaddha’’nti. Puññakammāti puññakārino. Vedehi ñāṇehi gatattā pavattattā. Antimā brahmupapattīti sabbapacchimā brahmabhāvappatti. Asmābhijappantīti asme abhijappanti. Āyuvaṇṇādivasena brūhitaguṇattā brahmā. Aññehi mahantā brahmā mahābrahmā. Abhibhūti taṃ brahmalokaṃ jeṭṭhakabhāvena abhibhavitvā ṭhito. Anabhibhūtoti aññehi na abhibhūto. Aññadatthūti ekaṃsavacanametaṃ. Dassanavasena daso, sabbaṃ passatīti adhippāyo. Vasavattīti sabbajanaṃ vase vatteti. Issaroti loke issaro. Kattā nimmātāti lokassa kattā nimmātā. Seṭṭho sajitāti ayaṃ lokassa uttamo saṃvibhajitā ca. Vasī pitā bhūtabhabyānanti āciṇṇavasittā vasī, ayaṃ pitā bhūtānaṃ nibbattānaṃ bhabyānaṃ sambhavesīnanti patthenti vikatthenti pihenti mānenti.
ਏਤਨ੍ਤਿ વਿਪਰੀਤਸਞ੍ਞਾવਸੇਨ ‘‘ਇਦਂ ਨਿਚ੍ਚਂ ਇਦਂ ਧੁવਂ ਇਦਂ ਸਸ੍ਸਤ’’ਨ੍ਤਿਆਦਿਨਾ વੁਤ੍ਤਂ ਏਤਂ ਅਪ੍ਪਂ ਪਰਿਤ੍ਤਕਨ੍ਤਿ ਤਂ ਭਗવਾ ਪਰਿਚ੍ਛਿਨ੍ਦਿਤ੍વਾ ਦਸ੍ਸੇਤਿ। ਤਂ ਪਨ ‘‘ਏਕਸ੍ਮਿਂ ਕੋਸਲਕੇ ਤਿਲવਾਹੇ વਸ੍ਸਸਤੇ વਸ੍ਸਸਤੇ ਏਕੇਕਤਿਲੁਦ੍ਧਾਰੇ ਕਯਿਰਮਾਨੇ ਤਿਲਾਨਿ ਪਰਿਕ੍ਖਯਂ ਗਚ੍ਛਨ੍ਤਿ, ਨ ਤ੍વੇવ ਅਬ੍ਬੁਦੇ ਆਯੂ’’ਤਿ ਏવਂ વੁਤ੍ਤੋ ਅਬ੍ਬੁਦੋ, ਤਂવਸੇਨ વੀਸਤਿਗੁਣਂ ਨਿਰਬ੍ਬੁਦੋ, ਤੇਸਂ ਨਿਰਬ੍ਬੁਦਾਨਂ વਸੇਨ ਨਿਰਬ੍ਬੁਦਸਤਸਹਸ੍ਸਂ। ਅਯਮੇਤ੍ਥ ਸਙ੍ਖੇਪੋ, વਿਤ੍ਥਾਰਤੋ ਪਨ ਪਦੁਮੇ ਆਯੁਨੋ વਸ੍ਸਗਣਨਾ ਇਮਸ੍ਮਿਂਯੇવ ਸਂਯੁਤ੍ਤੇ ਪਰਤੋ ਆਗਮਿਸ੍ਸਤਿ। ਅਨਨ੍ਤਦਸ੍ਸੀਤਿ ਅਨਨ੍ਤਸ੍ਸ ਞੇਯ੍ਯਸ੍ਸ ਅਨવਸੇਸਤੋ ਦਸ੍ਸੀ। વਤਸੀਲવਤ੍ਤਨ੍ਤਿ ਸਮਾਦਾਨવਸੇਨ વਤਭੂਤਂ ਚਾਰਿਤ੍ਤਸੀਲવਸੇਨ ਸਮਾਚਿਣ੍ਣਤ੍ਤਾ ਸੀਲવਤ੍ਤਂ। ਤਂ ਪਨ ਏਕਮੇવਾਤਿ ਆਹ ‘‘ਸੀਲਮੇવਾ’’ਤਿ।
Etanti viparītasaññāvasena ‘‘idaṃ niccaṃ idaṃ dhuvaṃ idaṃ sassata’’ntiādinā vuttaṃ etaṃ appaṃ parittakanti taṃ bhagavā paricchinditvā dasseti. Taṃ pana ‘‘ekasmiṃ kosalake tilavāhe vassasate vassasate ekekatiluddhāre kayiramāne tilāni parikkhayaṃ gacchanti, na tveva abbude āyū’’ti evaṃ vutto abbudo, taṃvasena vīsatiguṇaṃ nirabbudo, tesaṃ nirabbudānaṃ vasena nirabbudasatasahassaṃ. Ayamettha saṅkhepo, vitthārato pana padume āyuno vassagaṇanā imasmiṃyeva saṃyutte parato āgamissati. Anantadassīti anantassa ñeyyassa anavasesato dassī. Vatasīlavattanti samādānavasena vatabhūtaṃ cārittasīlavasena samāciṇṇattā sīlavattaṃ. Taṃ pana ekamevāti āha ‘‘sīlamevā’’ti.
ਅਪਾਯੇਸੀਤਿ ਏਤ੍ਥ ਯਦਾ ਸੋ ਪਿਪਾਸਿਤੇ ਮਨੁਸ੍ਸੇ ਪਾਨੀਯਂ ਪਾਯੇਸਿ, ਤਂ ਸਮੁਦਾਗਮਤੋ ਪਟ੍ਠਾਯ ਦਸ੍ਸੇਤੁਂ ‘‘ਤਤ੍ਰਾ’’ਤਿਆਦਿ ਆਰਦ੍ਧਂ। ਪੁਬ੍ਬੇਤਿ ਪੁਰਿਮਜਾਤਿਯਂ। ਏਸ ਬ੍ਰਹ੍ਮਾ ‘‘ਜਰਾਮਰਣਸ੍ਸ ਅਨ੍ਤਂ ਕਰਿਸ੍ਸਾਮੀ’’ਤਿ ਅਜ੍ਝਾਸਯવਸੇਨ ਝਾਨਂ ਨਿਬ੍ਬਤ੍ਤੇਤ੍વਾ ਬ੍ਰਹ੍ਮਲੋਕੇ ਨਿਬ੍ਬਤ੍ਤਿ, ਸੋ ਤਤ੍ਥ ਨਿਬ੍ਬਾਨਸਞ੍ਞੀ ਅਹੋਸਿ। ਝਾਨਰਤਿਯਾ વੀਤਿਨਾਮੇਤੀਤਿ ਤਦਾ ਤਸ੍ਸਾ ਕਿਰਿਯਾਯ ਅવਿਚ੍ਛੇਦਤੋ ਪવਤ੍ਤਿਂ ਉਪਾਦਾਯ વਤ੍ਤਮਾਨਪਯੋਗੋ। ਰਤ੍ਤਨ੍ਧਕਾਰੇ ਪੁਰਤੋ ਪੁਰਤੋ ਗਚ੍ਛਨ੍ਤਸ੍ਸ ਸਕਟਸ੍ਸ ਅਨੁਸ੍ਸਰਣવਸੇਨ ਗਚ੍ਛਨ੍ਤਾਨਂ ਸਕਟਾਨਂ ਨਿવਤ੍ਤਨਂ ਹੋਤੀਤਿ ‘‘ਸਬ੍ਬਸਕਟਾਨਿ ਤਥੇવ ਨਿવਤ੍ਤਿਤ੍વਾ’’ਤਿ વੁਤ੍ਤਂ।
Apāyesīti ettha yadā so pipāsite manusse pānīyaṃ pāyesi, taṃ samudāgamato paṭṭhāya dassetuṃ ‘‘tatrā’’tiādi āraddhaṃ. Pubbeti purimajātiyaṃ. Esa brahmā ‘‘jarāmaraṇassa antaṃ karissāmī’’ti ajjhāsayavasena jhānaṃ nibbattetvā brahmaloke nibbatti, so tattha nibbānasaññī ahosi. Jhānaratiyā vītināmetīti tadā tassā kiriyāya avicchedato pavattiṃ upādāya vattamānapayogo. Rattandhakāre purato purato gacchantassa sakaṭassa anussaraṇavasena gacchantānaṃ sakaṭānaṃ nivattanaṃ hotīti ‘‘sabbasakaṭāni tatheva nivattitvā’’ti vuttaṃ.
ਕਮ੍ਮਸਜ੍ਜਾਤਿ ਯੁਦ੍ਧਸਜ੍ਜਾ। વਿਲੋਪਨ੍ਤਿ વਿਲੁਤ੍ਤਭਣ੍ਡਂ। ਏਣਿਕੂਲਸ੍ਮਿਨ੍ਤਿ ਏਤ੍ਥ ‘‘ਪਨਿਹਤਾਯ ਨਿਚ੍ਚਗਙ੍ਗਾਯ ਨਾਮ’’ਨ੍ਤਿ ਕੇਚਿ। ‘‘ਏਣਿਮਿਗਬਹੁਲਤਾਯ ਸੋ ਗਙ੍ਗਾਯ ਤੀਰਪ੍ਪਦੇਸੋ ਏਣਿਕੂਲਨ੍ਤਿ વੁਤ੍ਤ’’ਨ੍ਤਿ ਅਪਰੇ। ਗਙ੍ਗੇਯ੍ਯਕੋਤਿ ਗਙ੍ਗਾਸਨ੍ਨਿવਾਸੀ।
Kammasajjāti yuddhasajjā. Vilopanti viluttabhaṇḍaṃ. Eṇikūlasminti ettha ‘‘panihatāya niccagaṅgāya nāma’’nti keci. ‘‘Eṇimigabahulatāya so gaṅgāya tīrappadeso eṇikūlanti vutta’’nti apare. Gaṅgeyyakoti gaṅgāsannivāsī.
ਬਦ੍ਧਚਰੋਤਿ ਪਟਿਬਦ੍ਧਚਰਿਯੋ। ਤੇਨਾਹ ‘‘ਅਨ੍ਤੇવਾਸਿਕੋ’’ਤਿ। ਯਸ੍ਮਾ ਬੁਦ੍ਧੋ ਸਬ੍ਬਞ੍ਞੂ, ਤਸ੍ਮਾ ਅਞ੍ਞਾਸਿ, ਇਧ ਮਯ੍ਹਂ ਪਮੁਟ੍ਠਞ੍ਚ ਸਬ੍ਬਂ ਜਾਨਾਸੀਤਿ ਅਧਿਪ੍ਪਾਯੋ। ਸਬ੍ਬਂ ਬ੍ਰਹ੍ਮਲੋਕਂ ਓਭਾਸਯਨ੍ਤੋ ਸਬ੍ਬਮ੍ਪਿਮਂ ਬ੍ਰਹ੍ਮਲੋਕਂ ਭਗવਾ ਓਭਾਸਂ ਅਭਿਭવਿਤ੍વਾ ਅਨਞ੍ਞਸਾਧਾਰਣਂ ਅਤ੍ਤਨੋ ਓਭਾਸਂ ਓਭਾਸੇਨ੍ਤੋ ਤਿਟ੍ਠਤਿ।
Baddhacaroti paṭibaddhacariyo. Tenāha ‘‘antevāsiko’’ti. Yasmā buddho sabbaññū, tasmā aññāsi, idha mayhaṃ pamuṭṭhañca sabbaṃ jānāsīti adhippāyo. Sabbaṃ brahmalokaṃ obhāsayanto sabbampimaṃ brahmalokaṃ bhagavā obhāsaṃ abhibhavitvā anaññasādhāraṇaṃ attano obhāsaṃ obhāsento tiṭṭhati.
ਬਕਬ੍ਰਹ੍ਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bakabrahmasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਬਕਬ੍ਰਹ੍ਮਸੁਤ੍ਤਂ • 4. Bakabrahmasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਬਕਬ੍ਰਹ੍ਮਸੁਤ੍ਤવਣ੍ਣਨਾ • 4. Bakabrahmasuttavaṇṇanā
