| Library / Tipiṭaka / तिपिटक • Tipiṭaka / जातकपाळि • Jātakapāḷi |
४०५. बकजातकं (७-१-१०)
405. Bakajātakaṃ (7-1-10)
६८.
68.
द्वासत्तति गोतम 1 पुञ्ञकम्मा, वसवत्तिनो जातिजरं अतीता।
Dvāsattati gotama 2 puññakammā, vasavattino jātijaraṃ atītā;
६९.
69.
अप्पञ्हि एतं 7 न हि दीघमायु, यं त्वं बक मञ्ञसि दीघमायुं।
Appañhi etaṃ 8 na hi dīghamāyu, yaṃ tvaṃ baka maññasi dīghamāyuṃ;
सतं सहस्सानि 9 निरब्बुदानं, आयुं पजानामि तवाह ब्रह्मे॥
Sataṃ sahassāni 10 nirabbudānaṃ, āyuṃ pajānāmi tavāha brahme.
७०.
70.
अनन्तदस्सी भगवाहमस्मि, जातिज्जरं सोकमुपातिवत्तो।
Anantadassī bhagavāhamasmi, jātijjaraṃ sokamupātivatto;
किं मे पुराणं वतसीलवत्तं 11, आचिक्ख मे तं यमहं विजञ्ञं॥
Kiṃ me purāṇaṃ vatasīlavattaṃ 12, ācikkha me taṃ yamahaṃ vijaññaṃ.
७१.
71.
यं त्वं अपायेसि बहू मनुस्से, पिपासिते घम्मनि सम्परेते।
Yaṃ tvaṃ apāyesi bahū manusse, pipāsite ghammani samparete;
तं ते पुराणं वतसीलवत्तं, सुत्तप्पबुद्धोव अनुस्सरामि॥
Taṃ te purāṇaṃ vatasīlavattaṃ, suttappabuddhova anussarāmi.
७२.
72.
यं एणिकूलस्मि जनं गहीतं, अमोचयी गय्हक निय्यमानं।
Yaṃ eṇikūlasmi janaṃ gahītaṃ, amocayī gayhaka niyyamānaṃ;
तं ते पुराणं वतसीलवत्तं, सुत्तप्पबुद्धोव अनुस्सरामि॥
Taṃ te purāṇaṃ vatasīlavattaṃ, suttappabuddhova anussarāmi.
७३.
73.
गङ्गाय सोतस्मिं गहीतनावं, लुद्देन नागेन मनुस्सकप्पा।
Gaṅgāya sotasmiṃ gahītanāvaṃ, luddena nāgena manussakappā;
अमोचयि त्वं बलसा पसय्ह, तं ते पुराणं वतसीलवत्तं।
Amocayi tvaṃ balasā pasayha, taṃ te purāṇaṃ vatasīlavattaṃ;
सुत्तप्पबुद्धोव अनुस्सरामि॥
Suttappabuddhova anussarāmi.
७४.
74.
तं ते पुराणं वतसीलवत्तं, सुत्तप्पबुद्धोव अनुस्सरामि॥
Taṃ te purāṇaṃ vatasīlavattaṃ, suttappabuddhova anussarāmi.
७५.
75.
अद्धा पजानासि ममेतमायुं, अञ्ञम्पि जानासि तथा हि बुद्धो।
Addhā pajānāsi mametamāyuṃ, aññampi jānāsi tathā hi buddho;
तथा हि तायं 19 जलितानुभावो, ओभासयं तिट्ठति ब्रह्मलोकन्ति॥
Tathā hi tāyaṃ 20 jalitānubhāvo, obhāsayaṃ tiṭṭhati brahmalokanti.
बकजातकं दसमं।
Bakajātakaṃ dasamaṃ.
कुक्कुवग्गो पठमो।
Kukkuvaggo paṭhamo.
तस्सुद्दानं –
Tassuddānaṃ –
वरकण्णिक चापवरो सुतनो, अथ गिज्झ सरोहितमच्छवरो।
Varakaṇṇika cāpavaro sutano, atha gijjha sarohitamacchavaro;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४०५] १०. बकजातकवण्णना • [405] 10. Bakajātakavaṇṇanā
