| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[38] 8. б̣агаж̇аад̇агаван̣н̣анаа
[38] 8. Bakajātakavaṇṇanā
наажжанд̇ам̣ нигад̇иббан̃н̃од̇и ид̣̇ам̣ сад̇т̇аа ж̇зд̇аванз вихаранд̇о жийваравад̣дхагам̣ бхигку аараб̣бха гат̇зси. зго гира ж̇зд̇аванаваасиго бхигку яам̣гин̃жи жийварз гад̇д̇аб̣б̣ам̣ чзд̣̇анагхадданавижааран̣асиб̣б̣анаад̣̇игам̣ гаммам̣, д̇ад̇т̇а сугусало. со д̇ааяа гусалад̇ааяа жийварам̣ вад̣дхзд̇и, д̇асмаа ‘‘жийваравад̣дхаго’’ д̇взва бан̃н̃ааяид̇т̇а. гим̣ банзса гарод̇ийд̇и? ж̇ин̣н̣абилод̇игаасу хад̇т̇агаммам̣ д̣̇ассзд̇ваа супассигам̣ манаабам̣ жийварам̣ гад̇ваа раж̇анабарияосаанз бидтод̣̇агзна раж̇ид̇ваа сан̇кзна гхам̣сид̇ваа уж̇ж̇алам̣ манун̃н̃ам̣ гад̇ваа нигкибад̇и. жийварагаммам̣ гаад̇ум̣ аж̇аананд̇аа бхигкуу ахад̇з саадагз г̇ахзд̇ваа д̇асса санд̇игам̣ ааг̇анд̇ваа ‘‘маяам̣ жийварам̣ гаад̇ум̣ на ж̇аанаама, жийварам̣ но гад̇ваа д̣̇зт̇аа’’д̇и вад̣̇анд̇и. со ‘‘жийварам̣ аавусо гарияамаанам̣ жирзна нидтаад̇и, маяаа гад̇ажийварамзва ад̇т̇и, имз саадагз табзд̇ваа д̇ам̣ г̇ан̣хид̇ваа г̇ажчат̇аа’’д̇и нийхарид̇ваа д̣̇ассзд̇и. д̇з д̇асса ван̣н̣асамбад̇д̇имзва д̣̇исваа анд̇арам̣ аж̇аананд̇аа ‘‘т̇ира’’нд̇и сан̃н̃ааяа ахад̇асаадагз жийваравад̣дхагасса д̣̇ад̇ваа д̇ам̣ г̇ан̣хид̇ваа г̇ажчанд̇и. д̇ам̣ д̇зхи т̇огам̣ гилидтагаалз ун̣ход̣̇агзна д̇ховияамаанам̣ ад̇д̇ано багад̇им̣ д̣̇ассзд̇и, д̇ад̇т̇а д̇ад̇т̇а ж̇ин̣н̣адтаанам̣ бан̃н̃ааяад̇и, д̇з виббадисаарино хонд̇и. звам̣ ааг̇ад̇ааг̇ад̇з билод̇игаахи ван̃жзнд̇о со бхигку саб̣б̣ад̇т̇а баагадо ж̇аад̇о.
Nāccantaṃnikatippaññoti idaṃ satthā jetavane viharanto cīvaravaḍḍhakaṃ bhikkhu ārabbha kathesi. Eko kira jetavanavāsiko bhikkhu yaṃkiñci cīvare kattabbaṃ chedanaghaṭṭanavicāraṇasibbanādikaṃ kammaṃ, tattha sukusalo. So tāya kusalatāya cīvaraṃ vaḍḍheti, tasmā ‘‘cīvaravaḍḍhako’’ tveva paññāyittha. Kiṃ panesa karotīti? Jiṇṇapilotikāsu hatthakammaṃ dassetvā suphassikaṃ manāpaṃ cīvaraṃ katvā rajanapariyosāne piṭṭhodakena rajitvā saṅkhena ghaṃsitvā ujjalaṃ manuññaṃ katvā nikkhipati. Cīvarakammaṃ kātuṃ ajānantā bhikkhū ahate sāṭake gahetvā tassa santikaṃ āgantvā ‘‘mayaṃ cīvaraṃ kātuṃ na jānāma, cīvaraṃ no katvā dethā’’ti vadanti. So ‘‘cīvaraṃ āvuso kariyamānaṃ cirena niṭṭhāti, mayā katacīvarameva atthi, ime sāṭake ṭhapetvā taṃ gaṇhitvā gacchathā’’ti nīharitvā dasseti. Te tassa vaṇṇasampattimeva disvā antaraṃ ajānantā ‘‘thira’’nti saññāya ahatasāṭake cīvaravaḍḍhakassa datvā taṃ gaṇhitvā gacchanti. Taṃ tehi thokaṃ kiliṭṭhakāle uṇhodakena dhoviyamānaṃ attano pakatiṃ dasseti, tattha tattha jiṇṇaṭṭhānaṃ paññāyati, te vippaṭisārino honti. Evaṃ āgatāgate pilotikāhi vañcento so bhikkhu sabbattha pākaṭo jāto.
яат̇аа жзса ж̇зд̇аванз, д̇ат̇аа ан̃н̃ад̇арасмим̣ г̇аамагзби зго жийваравад̣дхаго логам̣ ван̃жзд̇и. д̇асса самбхад̇д̇аа бхигкуу ‘‘бханд̇з, ж̇зд̇аванз гира зго жийваравад̣дхаго звам̣ логам̣ ван̃жзд̇ий’’д̇и аарожзсум̣. ат̇асса зд̇ад̣̇ахоси ‘‘ханд̣̇аахам̣, д̇ам̣ наг̇араваасигам̣ ван̃жзмий’’д̇и билод̇игажийварам̣ ад̇иманаабам̣ гад̇ваа сурад̇д̇ам̣ раж̇ид̇ваа д̇ам̣ баарубид̇ваа ж̇зд̇аванам̣ аг̇амааси. ид̇аро д̇ам̣ д̣̇исваава лобхам̣ уббаад̣̇зд̇ваа ‘‘бханд̇з, имам̣ жийварам̣ д̇умхзхи гад̇а’’нд̇и бужчи. ‘‘аамаавусо’’д̇и. ‘‘бханд̇з, имам̣ жийварам̣ маяхам̣ д̣̇зт̇а, д̇умхз ан̃н̃ам̣ лабхиссат̇аа’’д̇и? ‘‘аавусо, маяам̣ г̇аамаваасигаа д̣̇уллабхабажжаяаа, имаахам̣ д̇уяхам̣ д̣̇ад̇ваа ад̇д̇анаа гим̣ баарубиссаамий’’д̇и? ‘‘бханд̇з, мама санд̇игз ахад̇асаадагаа ад̇т̇и, д̇з г̇ахзд̇ваа д̇умхаагам̣ жийварам̣ гарот̇аа’’д̇и. ‘‘аавусо, маяаа зд̇т̇а хад̇т̇агаммам̣ д̣̇ассид̇ам̣, д̇аяи бана звам̣ вад̣̇анд̇з гим̣ саггаа гаад̇ум̣, г̇ан̣хаахи на’’нд̇и д̇асса билод̇игажийварам̣ д̣̇ад̇ваа ахад̇асаадагз аад̣̇ааяа д̇ам̣ ван̃жзд̇ваа баггаами. ж̇зд̇аванаваасигоби д̇ам̣ жийварам̣ баарубид̇ваа гад̇ибаахажжаязна ун̣ход̣̇агзна д̇хованд̇о ж̇ин̣н̣абилод̇игабхаавам̣ д̣̇исваа лаж̇ж̇ид̇о ‘‘г̇аамаваасижийваравад̣дхагзна гира ж̇зд̇аванаваасиго ван̃жид̇о’’д̇и д̇асса ван̃жид̇абхааво сан̇гхамаж̇жхз баагадо ж̇аад̇о.
Yathā cesa jetavane, tathā aññatarasmiṃ gāmakepi eko cīvaravaḍḍhako lokaṃ vañceti. Tassa sambhattā bhikkhū ‘‘bhante, jetavane kira eko cīvaravaḍḍhako evaṃ lokaṃ vañcetī’’ti ārocesuṃ. Athassa etadahosi ‘‘handāhaṃ, taṃ nagaravāsikaṃ vañcemī’’ti pilotikacīvaraṃ atimanāpaṃ katvā surattaṃ rajitvā taṃ pārupitvā jetavanaṃ agamāsi. Itaro taṃ disvāva lobhaṃ uppādetvā ‘‘bhante, imaṃ cīvaraṃ tumhehi kata’’nti pucchi. ‘‘Āmāvuso’’ti. ‘‘Bhante, imaṃ cīvaraṃ mayhaṃ detha, tumhe aññaṃ labhissathā’’ti? ‘‘Āvuso, mayaṃ gāmavāsikā dullabhapaccayā, imāhaṃ tuyhaṃ datvā attanā kiṃ pārupissāmī’’ti? ‘‘Bhante, mama santike ahatasāṭakā atthi, te gahetvā tumhākaṃ cīvaraṃ karothā’’ti. ‘‘Āvuso, mayā ettha hatthakammaṃ dassitaṃ, tayi pana evaṃ vadante kiṃ sakkā kātuṃ, gaṇhāhi na’’nti tassa pilotikacīvaraṃ datvā ahatasāṭake ādāya taṃ vañcetvā pakkāmi. Jetavanavāsikopi taṃ cīvaraṃ pārupitvā katipāhaccayena uṇhodakena dhovanto jiṇṇapilotikabhāvaṃ disvā lajjito ‘‘gāmavāsicīvaravaḍḍhakena kira jetavanavāsiko vañcito’’ti tassa vañcitabhāvo saṅghamajjhe pākaṭo jāto.
ат̇згад̣̇ивасам̣ бхигкуу д̇хаммасабхааяам̣ д̇ам̣ гат̇ам̣ гат̇знд̇аа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчи. д̇з д̇амад̇т̇ам̣ аарожзсум̣. сад̇т̇аа ‘‘на, бхигкавз, ж̇зд̇аванаваасий жийваравад̣дхаго ид̣̇аанзва ан̃н̃з ван̃жзд̇и, буб̣б̣зби ван̃жзсиязва. на г̇аамаваасигзнааби ид̣̇аанзва зса ж̇зд̇аванаваасий жийваравад̣дхаго ван̃жид̇о, буб̣б̣зби ван̃жид̇оязваа’’д̇и вад̇ваа ад̇ийд̇ам̣ аахари.
Athekadivasaṃ bhikkhū dhammasabhāyaṃ taṃ kathaṃ kathentā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchi. Te tamatthaṃ ārocesuṃ. Satthā ‘‘na, bhikkhave, jetavanavāsī cīvaravaḍḍhako idāneva aññe vañceti, pubbepi vañcesiyeva. Na gāmavāsikenāpi idāneva esa jetavanavāsī cīvaravaḍḍhako vañcito, pubbepi vañcitoyevā’’ti vatvā atītaṃ āhari.
ад̇ийд̇з згасмим̣ аран̃н̃ааяад̇анз б̣од̇хисад̇д̇о ан̃н̃ад̇арам̣ бад̣̇умасарам̣ ниссааяа тид̇з варан̣аругкз ругкад̣̇звад̇аа худ̇ваа ниб̣б̣ад̇д̇и. д̇ад̣̇аа ан̃н̃ад̇арасмим̣ наад̇имаханд̇з сарз нид̣̇аагхасамаяз уд̣̇агам̣ манд̣̇ам̣ ахоси, б̣ахуу жзд̇т̇а мажчаа хонд̇и. ат̇зго б̣аго д̇з мажчз д̣̇исваа ‘‘згзна убааязна имз мажчз ван̃жзд̇ваа каад̣̇иссаамий’’д̇и г̇анд̇ваа уд̣̇агабарияанд̇з жинд̇знд̇о нисийд̣̇и. ат̇а нам̣ мажчаа д̣̇исваа ‘‘гим̣, аяяа, жинд̇знд̇о нисинносий’’д̇и бужчим̣су. ‘‘д̇умхаагам̣ жинд̇знд̇о нисинномхий’’д̇и. ‘‘гим̣ амхаагам̣ жинд̇зси, аяяаа’’д̇и? ‘‘‘имасмим̣ сарз уд̣̇агам̣ барид̇д̇ам̣, г̇ожаро манд̣̇о, нид̣̇аагхо жа маханд̇о, ид̣̇аанимз мажчаа гим̣ наама гариссанд̇ий’д̇и д̇умхаагам̣ жинд̇знд̇о нисинномхий’’д̇и. ‘‘ат̇а гим̣ гарома, аяяаа’’д̇и? ‘‘д̇умхз сажз маяхам̣ важанам̣ гарзяяаат̇а , ахам̣ во згзгам̣ мукад̇ун̣д̣агзна г̇ахзд̇ваа згам̣ бан̃жаван̣н̣абад̣̇умасан̃чаннам̣ махаасарам̣ нзд̇ваа виссаж̇ж̇зяяа’’нд̇и. ‘‘аяяа, батамагаббигад̇о бадтааяа мажчаанам̣ жинд̇анагаб̣аго наама над̇т̇и, д̇вам̣ амхзсу згзгам̣ каад̣̇ид̇угаамосий’’д̇и. ‘‘наахам̣ д̇умхз маяхам̣ сад̣̇д̣̇аханд̇з каад̣̇иссаами’’. ‘‘сажз бана сарасса ад̇т̇ибхаавам̣ маяхам̣ на сад̣̇д̣̇ахат̇а, згам̣ мажчам̣ маяаа сад̣̇д̇хим̣ сарам̣ бассид̇ум̣ бзсзт̇аа’’д̇и. мажчаа д̇асса сад̣̇д̣̇ахид̇ваа ‘‘аяам̣ ж̇алзби т̇алзби самад̇т̇о’’д̇и згам̣ гаал̣амахаамажчам̣ ад̣̇ам̣су ‘‘имам̣ г̇ахзд̇ваа г̇ажчат̇аа’’д̇и. со д̇ам̣ г̇ахзд̇ваа нзд̇ваа сарз виссаж̇ж̇зд̇ваа саб̣б̣ам̣ сарам̣ д̣̇ассзд̇ваа буна аанзд̇ваа д̇зсам̣ мажчаанам̣ санд̇игз виссаж̇ж̇зси. со д̇зсам̣ мажчаанам̣ сарасса самбад̇д̇им̣ ван̣н̣зси. д̇з д̇асса гат̇ам̣ суд̇ваа г̇анд̇угаамаа худ̇ваа ‘‘саад̇ху, аяяа, амхз г̇ан̣хид̇ваа г̇ажчаахий’’д̇и аахам̣су.
Atīte ekasmiṃ araññāyatane bodhisatto aññataraṃ padumasaraṃ nissāya ṭhite varaṇarukkhe rukkhadevatā hutvā nibbatti. Tadā aññatarasmiṃ nātimahante sare nidāghasamaye udakaṃ mandaṃ ahosi, bahū cettha macchā honti. Atheko bako te macche disvā ‘‘ekena upāyena ime macche vañcetvā khādissāmī’’ti gantvā udakapariyante cintento nisīdi. Atha naṃ macchā disvā ‘‘kiṃ, ayya, cintento nisinnosī’’ti pucchiṃsu. ‘‘Tumhākaṃ cintento nisinnomhī’’ti. ‘‘Kiṃ amhākaṃ cintesi, ayyā’’ti? ‘‘‘Imasmiṃ sare udakaṃ parittaṃ, gocaro mando, nidāgho ca mahanto, idānime macchā kiṃ nāma karissantī’ti tumhākaṃ cintento nisinnomhī’’ti. ‘‘Atha kiṃ karoma, ayyā’’ti? ‘‘Tumhe sace mayhaṃ vacanaṃ kareyyātha , ahaṃ vo ekekaṃ mukhatuṇḍakena gahetvā ekaṃ pañcavaṇṇapadumasañchannaṃ mahāsaraṃ netvā vissajjeyya’’nti. ‘‘Ayya, paṭhamakappikato paṭṭhāya macchānaṃ cintanakabako nāma natthi, tvaṃ amhesu ekekaṃ khāditukāmosī’’ti. ‘‘Nāhaṃ tumhe mayhaṃ saddahante khādissāmi’’. ‘‘Sace pana sarassa atthibhāvaṃ mayhaṃ na saddahatha, ekaṃ macchaṃ mayā saddhiṃ saraṃ passituṃ pesethā’’ti. Macchā tassa saddahitvā ‘‘ayaṃ jalepi thalepi samattho’’ti ekaṃ kāḷamahāmacchaṃ adaṃsu ‘‘imaṃ gahetvā gacchathā’’ti. So taṃ gahetvā netvā sare vissajjetvā sabbaṃ saraṃ dassetvā puna ānetvā tesaṃ macchānaṃ santike vissajjesi. So tesaṃ macchānaṃ sarassa sampattiṃ vaṇṇesi. Te tassa kathaṃ sutvā gantukāmā hutvā ‘‘sādhu, ayya, amhe gaṇhitvā gacchāhī’’ti āhaṃsu.
б̣аго батамам̣ д̇ам̣ гаал̣амахаамажчамзва г̇ахзд̇ваа сарад̇ийрам̣ нзд̇ваа сарам̣ д̣̇ассзд̇ваа сарад̇ийрз ж̇аад̇з варан̣аругкз нилийяид̇ваа д̇ам̣ видабанд̇арз багкибид̇ваа д̇ун̣д̣зна виж̇жханд̇о ж̇ийвид̇агкаяам̣ баабзд̇ваа мам̣сам̣ каад̣̇ид̇ваа ган̣дагз ругкамуулз баад̇зд̇ваа буна г̇анд̇ваа ‘‘виссадто, мз со мажчо, ан̃н̃о ааг̇ажчад̇уу’’д̇и зд̇знубааязна згзгам̣ г̇ахзд̇ваа саб̣б̣з мажчз каад̣̇ид̇ваа буна ааг̇ад̇о згам̣ мажчамби наад̣̇д̣̇аса. зго банзд̇т̇а гаггадаго авасидто. б̣аго д̇амби каад̣̇ид̇угаамо худ̇ваа ‘‘бхо, гаггадага, маяаа саб̣б̣зд̇з мажчаа нзд̇ваа бад̣̇умасан̃чаннз махаасарз виссаж̇ж̇ид̇аа, зхи д̇амби нзссаамий’’д̇и. ‘‘мам̣ г̇ахзд̇ваа г̇ажчанд̇о гат̇ам̣ г̇ан̣хиссасий’’д̇и? ‘‘д̣ам̣сид̇ваа г̇ан̣хиссаамий’’д̇и. ‘‘д̇вам̣ звам̣ г̇ахзд̇ваа г̇ажчанд̇о мам̣ баад̇зссаси, наахам̣ д̇аяаа сад̣̇д̇хим̣ г̇амиссаамий’’д̇и. ‘‘маа бхааяи, ахам̣ д̇ам̣ суг̇г̇ахид̇ам̣ г̇ахзд̇ваа г̇амиссаамий’’д̇и. гаггадаго жинд̇зси ‘‘имасса мажчз нзд̇ваа сарз виссаж̇ж̇анам̣ наама над̇т̇и. сажз бана мам̣ сарз виссаж̇ж̇зссад̇и, ижжзд̇ам̣ гусалам̣. но жз виссаж̇ж̇зссад̇и, г̇ийвамасса чинд̣̇ид̇ваа ж̇ийвид̇ам̣ хариссаамий’’д̇и.
Bako paṭhamaṃ taṃ kāḷamahāmacchameva gahetvā saratīraṃ netvā saraṃ dassetvā saratīre jāte varaṇarukkhe nilīyitvā taṃ viṭapantare pakkhipitvā tuṇḍena vijjhanto jīvitakkhayaṃ pāpetvā maṃsaṃ khāditvā kaṇṭake rukkhamūle pātetvā puna gantvā ‘‘vissaṭṭho, me so maccho, añño āgacchatū’’ti etenupāyena ekekaṃ gahetvā sabbe macche khāditvā puna āgato ekaṃ macchampi nāddasa. Eko panettha kakkaṭako avasiṭṭho. Bako tampi khāditukāmo hutvā ‘‘bho, kakkaṭaka, mayā sabbete macchā netvā padumasañchanne mahāsare vissajjitā, ehi tampi nessāmī’’ti. ‘‘Maṃ gahetvā gacchanto kathaṃ gaṇhissasī’’ti? ‘‘Ḍaṃsitvā gaṇhissāmī’’ti. ‘‘Tvaṃ evaṃ gahetvā gacchanto maṃ pātessasi, nāhaṃ tayā saddhiṃ gamissāmī’’ti. ‘‘Mā bhāyi, ahaṃ taṃ suggahitaṃ gahetvā gamissāmī’’ti. Kakkaṭako cintesi ‘‘imassa macche netvā sare vissajjanaṃ nāma natthi. Sace pana maṃ sare vissajjessati, iccetaṃ kusalaṃ. No ce vissajjessati, gīvamassa chinditvā jīvitaṃ harissāmī’’ti.
ат̇а нам̣ звамааха ‘‘самма б̣ага, на ко д̇вам̣ суг̇г̇ахид̇ам̣ г̇ахзд̇ум̣ сагкиссаси, амхаагам̣ бана г̇ахан̣ам̣ суг̇г̇ахан̣ам̣ , сажаахам̣ ал̣зхи д̇ава г̇ийвам̣ г̇ахзд̇ум̣ лабхиссаами, д̇ава г̇ийвам̣ суг̇г̇ахид̇ам̣ гад̇ваа д̇аяаа сад̣̇д̇хим̣ г̇амиссаамий’’д̇и. со д̇ам̣ ‘‘ван̃жзд̇угаамо зса ма’’нд̇и аж̇аананд̇о ‘‘саад̇хуу’’д̇и самбадижчи. гаггадаго ад̇д̇ано ал̣зхи гаммаарасан̣д̣аасзна вияа д̇асса г̇ийвам̣ суг̇г̇ахид̇ам̣ гад̇ваа ‘‘ид̣̇аани г̇ажчаа’’д̇и ааха. со д̇ам̣ нзд̇ваа сарам̣ д̣̇ассзд̇ваа варан̣аругкаабхимуко бааяааси. гаггадаго ааха ‘‘маад̇ула, аяам̣ саро зд̇д̇о, д̇вам̣ бана ид̇о гим̣ нзсий’’д̇и? б̣аго ‘‘на д̇з маад̇уло ахам̣, на бхаг̇инибуд̇д̇оси вад̇а мз д̇ва’’нд̇и вад̇ваа ‘‘д̇вам̣ ‘зса мам̣ угкибид̇ваа вижаранд̇о маяхам̣ д̣̇аасо’д̇и сан̃н̃ам̣ гароси ман̃н̃з, бассзд̇ам̣ варан̣аругкасса муулз ган̣дагараасим̣, яат̇аа мз д̇з саб̣б̣з мажчаа каад̣̇ид̇аа, д̇амби д̇ат̇зва каад̣̇иссаамий’’д̇и ааха. гаггадаго ‘‘зд̇з мажчаа ад̇д̇ано б̣аалад̇ааяа д̇аяаа каад̣̇ид̇аа, ахам̣ бана д̇з мам̣ каад̣̇ид̇ум̣ на д̣̇ассаами, д̇ан̃н̃зва бана винаасам̣ баабзссаами. д̇ван̃хи б̣аалад̇ааяа маяаа ван̃жид̇абхаавам̣ на ж̇аанааси, маранд̇аа убхоби мариссаама, ахам̣ д̇з сийсам̣ чинд̣̇ид̇ваа бхуумияам̣ кибиссаамий’’д̇и вад̇ваа гаммаарасан̣д̣аасзна вияа ал̣зхи д̇асса г̇ийвам̣ ниббийл̣зси. со вивадзна мукзна агкийхи ассунаа баг̇гхаранд̇зна маран̣абхаяад̇аж̇ж̇ид̇о ‘‘саами, ахам̣ д̇ам̣ на каад̣̇иссаами, ж̇ийвид̇ам̣ мз д̣̇зхий’’д̇и ааха. ‘‘яад̣̇и звам̣ од̇арид̇ваа мам̣ сарасмим̣ виссаж̇ж̇зхий’’д̇и. со нивад̇д̇ид̇ваа сарамзва од̇арид̇ваа гаггадагам̣ сарабарияанд̇з бан̇габидтз табзси, гаггадаго гад̇д̇аригааяа гумуд̣̇анаал̣ам̣ габбзнд̇о вияа д̇асса г̇ийвам̣ габбзд̇ваа уд̣̇агам̣ баависи.
Atha naṃ evamāha ‘‘samma baka, na kho tvaṃ suggahitaṃ gahetuṃ sakkhissasi, amhākaṃ pana gahaṇaṃ suggahaṇaṃ , sacāhaṃ aḷehi tava gīvaṃ gahetuṃ labhissāmi, tava gīvaṃ suggahitaṃ katvā tayā saddhiṃ gamissāmī’’ti. So taṃ ‘‘vañcetukāmo esa ma’’nti ajānanto ‘‘sādhū’’ti sampaṭicchi. Kakkaṭako attano aḷehi kammārasaṇḍāsena viya tassa gīvaṃ suggahitaṃ katvā ‘‘idāni gacchā’’ti āha. So taṃ netvā saraṃ dassetvā varaṇarukkhābhimukho pāyāsi. Kakkaṭako āha ‘‘mātula, ayaṃ saro etto, tvaṃ pana ito kiṃ nesī’’ti? Bako ‘‘na te mātulo ahaṃ, na bhaginiputtosi vata me tva’’nti vatvā ‘‘tvaṃ ‘esa maṃ ukkhipitvā vicaranto mayhaṃ dāso’ti saññaṃ karosi maññe, passetaṃ varaṇarukkhassa mūle kaṇṭakarāsiṃ, yathā me te sabbe macchā khāditā, tampi tatheva khādissāmī’’ti āha. Kakkaṭako ‘‘ete macchā attano bālatāya tayā khāditā, ahaṃ pana te maṃ khādituṃ na dassāmi, taññeva pana vināsaṃ pāpessāmi. Tvañhi bālatāya mayā vañcitabhāvaṃ na jānāsi, marantā ubhopi marissāma, ahaṃ te sīsaṃ chinditvā bhūmiyaṃ khipissāmī’’ti vatvā kammārasaṇḍāsena viya aḷehi tassa gīvaṃ nippīḷesi. So vivaṭena mukhena akkhīhi assunā paggharantena maraṇabhayatajjito ‘‘sāmi, ahaṃ taṃ na khādissāmi, jīvitaṃ me dehī’’ti āha. ‘‘Yadi evaṃ otaritvā maṃ sarasmiṃ vissajjehī’’ti. So nivattitvā sarameva otaritvā kakkaṭakaṃ sarapariyante paṅkapiṭṭhe ṭhapesi, kakkaṭako kattarikāya kumudanāḷaṃ kappento viya tassa gīvaṃ kappetvā udakaṃ pāvisi.
д̇ам̣ ажчарияам̣ д̣̇исваа варан̣аругкз ад̇хивад̇т̇аа д̣̇звад̇аа саад̇хугаарам̣ д̣̇ад̣̇амаанаа ванам̣ уннаад̣̇аяамаанаа мад̇хурассарзна имам̣ г̇аат̇амааха –
Taṃ acchariyaṃ disvā varaṇarukkhe adhivatthā devatā sādhukāraṃ dadamānā vanaṃ unnādayamānā madhurassarena imaṃ gāthamāha –
38.
38.
‘‘наажжанд̇ам̣ нигад̇иббан̃н̃о, нигад̇яаа сукамзд̇хад̇и;
‘‘Nāccantaṃ nikatippañño, nikatyā sukhamedhati;
аараад̇хзд̇и нигад̇иббан̃н̃о, б̣аго гаггадагаамиваа’’д̇и.
Ārādheti nikatippañño, bako kakkaṭakāmivā’’ti.
д̇ад̇т̇а наажжанд̇ам̣ нигад̇иббан̃н̃о, нигад̇яаа сукамзд̇хад̇ийд̇и нигад̇и вужжад̇и ван̃жанаа, нигад̇иббан̃н̃о ван̃жанабан̃н̃о буг̇г̇ало д̇ааяа нигад̇яаа нигад̇ияаа ван̃жанааяа на ажжанд̇ам̣ сукамзд̇хад̇и, нижжагаалз сукасмим̣язва бад̇идтаад̇ум̣ на саггод̇и, згам̣сзна бана винаасам̣ баабун̣аад̇иязваад̇и ад̇т̇о. аараад̇хзд̇ийд̇и бадилабхад̇и. нигад̇иббан̃н̃од̇и гзраадигабхаавам̣ сигкид̇абан̃н̃о баабабуг̇г̇ало ад̇д̇анаа гад̇асса баабасса палам̣ аараад̇хзд̇и бадилабхад̇и винд̣̇ад̇ийд̇и ад̇т̇о. гат̇ам̣? б̣аго гаггадагаамива, яат̇аа б̣аго гаггадагаа г̇ийважчзд̣̇ам̣ баабун̣аад̇и, звам̣ баабабуг̇г̇ало ад̇д̇анаа гад̇абаабад̇о д̣̇идтад̇хаммз ваа самбарааяз ваа бхаяам̣ аараад̇хзд̇и бадилабхад̇ийд̇и имамад̇т̇ам̣ багаасзнд̇о махаасад̇д̇о ванам̣ уннаад̣̇знд̇о д̇хаммам̣ д̣̇зсзси.
Tattha nāccantaṃ nikatippañño, nikatyā sukhamedhatīti nikati vuccati vañcanā, nikatippañño vañcanapañño puggalo tāya nikatyā nikatiyā vañcanāya na accantaṃ sukhamedhati, niccakāle sukhasmiṃyeva patiṭṭhātuṃ na sakkoti, ekaṃsena pana vināsaṃ pāpuṇātiyevāti attho. Ārādhetīti paṭilabhati. Nikatippaññoti kerāṭikabhāvaṃ sikkhitapañño pāpapuggalo attanā katassa pāpassa phalaṃ ārādheti paṭilabhati vindatīti attho. Kathaṃ? Bako kakkaṭakāmiva, yathā bako kakkaṭakā gīvacchedaṃ pāpuṇāti, evaṃ pāpapuggalo attanā katapāpato diṭṭhadhamme vā samparāye vā bhayaṃ ārādheti paṭilabhatīti imamatthaṃ pakāsento mahāsatto vanaṃ unnādento dhammaṃ desesi.
сад̇т̇аа ‘‘на, бхигкавз, ид̣̇аанзва г̇аамаваасижийваравад̣дхагзнзса ван̃жид̇о, ад̇ийд̇зби ван̃жид̇оязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа со б̣аго ж̇зд̇аванаваасий жийваравад̣дхаго ахоси, гаггадаго г̇аамаваасий жийваравад̣дхаго, ругкад̣̇звад̇аа бана ахамзва ахоси’’нд̇и.
Satthā ‘‘na, bhikkhave, idāneva gāmavāsicīvaravaḍḍhakenesa vañcito, atītepi vañcitoyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā so bako jetavanavāsī cīvaravaḍḍhako ahosi, kakkaṭako gāmavāsī cīvaravaḍḍhako, rukkhadevatā pana ahameva ahosi’’nti.
б̣агаж̇аад̇агаван̣н̣анаа адтамаа.
Bakajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 38. б̣агаж̇аад̇агам̣ • 38. Bakajātakaṃ
