Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya

4. б̣аагуласуд̇д̇ам̣

4. Bākulasuttaṃ

209. звам̣ мз суд̇ам̣ – згам̣ самаяам̣ ааяасмаа б̣аагуло ¹ рааж̇аг̇ахз вихарад̇и взл̣уванз галанд̣̇аганиваабз. ат̇а ко ажзлагассабо ааяасмад̇о б̣аагуласса бураан̣аг̇ихисахааяо язнааяасмаа б̣аагуло д̇знубасан̇гами; убасан̇гамид̇ваа ааяасмад̇аа б̣аагулзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ажзлагассабо ааяасманд̇ам̣ б̣аагулам̣ зд̇ад̣̇авожа –

209. Evaṃ me sutaṃ – ekaṃ samayaṃ āyasmā bākulo ² rājagahe viharati veḷuvane kalandakanivāpe. Atha kho acelakassapo āyasmato bākulassa purāṇagihisahāyo yenāyasmā bākulo tenupasaṅkami; upasaṅkamitvā āyasmatā bākulena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho acelakassapo āyasmantaṃ bākulaṃ etadavoca –

‘‘гийважирам̣ баб̣б̣аж̇ид̇оси, аавусо б̣аагулаа’’д̇и? ‘‘асийд̇и мз, аавусо, вассаани баб̣б̣аж̇ид̇ассаа’’д̇и. ‘‘имзхи бана д̇з, аавусо б̣аагула, асийд̇ияаа вассзхи гад̇игкад̇д̇ум̣ мзт̇уно д̇хаммо бадисзвид̇о’’д̇и? ‘‘на ко мам̣, аавусо гассаба, звам̣ бужчид̇аб̣б̣ам̣ – ‘имзхи бана д̇з, аавусо б̣аагула, асийд̇ияаа вассзхи гад̇игкад̇д̇ум̣ мзт̇уно д̇хаммо бадисзвид̇о’д̇и. зван̃жа ко мам̣, аавусо гассаба, бужчид̇аб̣б̣ам̣ – ‘имзхи бана д̇з, аавусо б̣аагула, асийд̇ияаа вассзхи гад̇игкад̇д̇ум̣ гаамасан̃н̃аа уббаннабуб̣б̣аа’’’д̇и? ( ) ³

‘‘Kīvaciraṃ pabbajitosi, āvuso bākulā’’ti? ‘‘Asīti me, āvuso, vassāni pabbajitassā’’ti. ‘‘Imehi pana te, āvuso bākula, asītiyā vassehi katikkhattuṃ methuno dhammo paṭisevito’’ti? ‘‘Na kho maṃ, āvuso kassapa, evaṃ pucchitabbaṃ – ‘imehi pana te, āvuso bākula, asītiyā vassehi katikkhattuṃ methuno dhammo paṭisevito’ti. Evañca kho maṃ, āvuso kassapa, pucchitabbaṃ – ‘imehi pana te, āvuso bākula, asītiyā vassehi katikkhattuṃ kāmasaññā uppannapubbā’’’ti? ( ) ⁴

210. ‘‘асийд̇и мз, аавусо , вассаани баб̣б̣аж̇ид̇асса наабхиж̇аанаами гаамасан̃н̃ам̣ уббаннабуб̣б̣ам̣. яам̣бааяасмаа б̣аагуло асийд̇ияаа вассзхи наабхиж̇аанаад̇и гаамасан̃н̃ам̣ уббаннабуб̣б̣ам̣ ид̣̇амби маяам̣ ааяасмад̇о б̣аагуласса ажчарияам̣ аб̣бхуд̇ад̇хаммам̣ д̇хаарзма.

210. ‘‘Asīti me, āvuso , vassāni pabbajitassa nābhijānāmi kāmasaññaṃ uppannapubbaṃ. Yaṃpāyasmā bākulo asītiyā vassehi nābhijānāti kāmasaññaṃ uppannapubbaṃ idampi mayaṃ āyasmato bākulassa acchariyaṃ abbhutadhammaṃ dhārema.

‘‘асийд̇и мз, аавусо, вассаани баб̣б̣аж̇ид̇асса наабхиж̇аанаами б̣яаабаад̣̇асан̃н̃ам̣…бз… вихим̣саасан̃н̃ам̣ уббаннабуб̣б̣ам̣. яам̣бааяасмаа б̣аагуло асийд̇ияаа вассзхи наабхиж̇аанаад̇и вихим̣саасан̃н̃ам̣ уббаннабуб̣б̣ам̣, ид̣̇амби маяам̣ ааяасмад̇о б̣аагуласса ажчарияам̣ аб̣бхуд̇ад̇хаммам̣ д̇хаарзма.

‘‘Asīti me, āvuso, vassāni pabbajitassa nābhijānāmi byāpādasaññaṃ…pe… vihiṃsāsaññaṃ uppannapubbaṃ. Yaṃpāyasmā bākulo asītiyā vassehi nābhijānāti vihiṃsāsaññaṃ uppannapubbaṃ, idampi mayaṃ āyasmato bākulassa acchariyaṃ abbhutadhammaṃ dhārema.

‘‘асийд̇и мз, аавусо, вассаани баб̣б̣аж̇ид̇асса наабхиж̇аанаами гаамавид̇аггам̣ уббаннабуб̣б̣ам̣. яам̣бааяасмаа б̣аагуло асийд̇ияаа вассзхи наабхиж̇аанаад̇и гаамавид̇аггам̣ уббаннабуб̣б̣ам̣, ид̣̇амби маяам̣ ааяасмад̇о б̣аагуласса ажчарияам̣ аб̣бхуд̇ад̇хаммам̣ д̇хаарзма.

‘‘Asīti me, āvuso, vassāni pabbajitassa nābhijānāmi kāmavitakkaṃ uppannapubbaṃ. Yaṃpāyasmā bākulo asītiyā vassehi nābhijānāti kāmavitakkaṃ uppannapubbaṃ, idampi mayaṃ āyasmato bākulassa acchariyaṃ abbhutadhammaṃ dhārema.

‘‘асийд̇и мз, аавусо, вассаани баб̣б̣аж̇ид̇асса наабхиж̇аанаами б̣яаабаад̣̇авид̇аггам̣…бз… вихим̣саавид̇аггам̣ уббаннабуб̣б̣ам̣. яам̣бааяасмаа б̣аагуло асийд̇ияаа вассзхи наабхиж̇аанаад̇и вихим̣саавид̇аггам̣ уббаннабуб̣б̣ам̣, ид̣̇амби маяам̣ ааяасмад̇о б̣аагуласса ажчарияам̣ аб̣бхуд̇ад̇хаммам̣ д̇хаарзма.

‘‘Asīti me, āvuso, vassāni pabbajitassa nābhijānāmi byāpādavitakkaṃ…pe… vihiṃsāvitakkaṃ uppannapubbaṃ. Yaṃpāyasmā bākulo asītiyā vassehi nābhijānāti vihiṃsāvitakkaṃ uppannapubbaṃ, idampi mayaṃ āyasmato bākulassa acchariyaṃ abbhutadhammaṃ dhārema.

211. ‘‘асийд̇и мз, аавусо, вассаани баб̣б̣аж̇ид̇асса наабхиж̇аанаами г̇ахабад̇ижийварам̣ саад̣̇ид̇аа. яам̣бааяасмаа б̣аагуло асийд̇ияаа вассзхи наабхиж̇аанаад̇и г̇ахабад̇ижийварам̣ саад̣̇ид̇аа, ид̣̇амби маяам̣ ааяасмад̇о б̣аагуласса ажчарияам̣ аб̣бхуд̇ад̇хаммам̣ д̇хаарзма.

211. ‘‘Asīti me, āvuso, vassāni pabbajitassa nābhijānāmi gahapaticīvaraṃ sāditā. Yaṃpāyasmā bākulo asītiyā vassehi nābhijānāti gahapaticīvaraṃ sāditā, idampi mayaṃ āyasmato bākulassa acchariyaṃ abbhutadhammaṃ dhārema.

‘‘асийд̇и мз, аавусо, вассаани баб̣б̣аж̇ид̇асса наабхиж̇аанаами сад̇т̇зна жийварам̣ чинд̣̇ид̇аа. яам̣бааяасмаа б̣аагуло асийд̇ияаа вассзхи наабхиж̇аанаад̇и сад̇т̇зна жийварам̣ чинд̣̇ид̇аа…бз… д̇хаарзма.

‘‘Asīti me, āvuso, vassāni pabbajitassa nābhijānāmi satthena cīvaraṃ chinditā. Yaṃpāyasmā bākulo asītiyā vassehi nābhijānāti satthena cīvaraṃ chinditā…pe… dhārema.

‘‘асийд̇и мз, аавусо, вассаани баб̣б̣аж̇ид̇асса наабхиж̇аанаами суужияаа жийварам̣ сиб̣б̣ид̇аа…бз… наабхиж̇аанаами раж̇анзна жийварам̣ раж̇ид̇аа… наабхиж̇аанаами гат̇инз ⁵ жийварам̣ сиб̣б̣ид̇аа… наабхиж̇аанаами саб̣рахмажаарийнам̣ жийварагаммз вижаарид̇аа ⁶ … наабхиж̇аанаами ниманд̇анам̣ саад̣̇ид̇аа… наабхиж̇аанаами зваруубам̣ жид̇д̇ам̣ уббаннабуб̣б̣ам̣ – ‘ахо вад̇а мам̣ гожи ниманд̇зяяаа’д̇и… наабхиж̇аанаами анд̇арагхарз нисийд̣̇ид̇аа… наабхиж̇аанаами анд̇арагхарз бхун̃ж̇ид̇аа… наабхиж̇аанаами маад̇уг̇аамасса ануб̣яан̃ж̇анасо нимид̇д̇ам̣ г̇ахзд̇аа… наабхиж̇аанаами маад̇уг̇аамасса д̇хаммам̣ д̣̇зсид̇аа анд̇амасо жад̇уббад̣̇амби г̇аат̇ам̣… наабхиж̇аанаами бхигкунубассаяам̣ убасан̇гамид̇аа… наабхиж̇аанаами бхигкунияаа д̇хаммам̣ д̣̇зсид̇аа… наабхиж̇аанаами сигкамаанааяа д̇хаммам̣ д̣̇зсид̇аа… наабхиж̇аанаами сааман̣зрияаа д̇хаммам̣ д̣̇зсид̇аа… наабхиж̇аанаами баб̣б̣ааж̇зд̇аа… наабхиж̇аанаами убасамбаад̣̇зд̇аа… наабхиж̇аанаами ниссаяам̣ д̣̇аад̇аа… наабхиж̇аанаами сааман̣зрам̣ убадтаабзд̇аа… наабхиж̇аанаами ж̇анд̇аагхарз нхааяид̇аа… наабхиж̇аанаами жун̣н̣зна нхааяид̇аа… наабхиж̇аанаами саб̣рахмажаарийг̇ад̇д̇абаригаммз вижаарид̇аа ⁷ … наабхиж̇аанаами ааб̣аад̇хам̣ уббаннабуб̣б̣ам̣, анд̇амасо г̇ад̣̇д̣̇ууханамад̇д̇амби… наабхиж̇аанаами бхзсаж̇ж̇ам̣ убахарид̇аа, анд̇амасо харид̇агикан̣д̣амби… наабхиж̇аанаами абассзнагам̣ абассаяид̇аа… наабхиж̇аанаами сзяяам̣ габбзд̇аа. яам̣бааяасмаа…бз… д̇хаарзма.

‘‘Asīti me, āvuso, vassāni pabbajitassa nābhijānāmi sūciyā cīvaraṃ sibbitā…pe… nābhijānāmi rajanena cīvaraṃ rajitā… nābhijānāmi kathine ⁸ cīvaraṃ sibbitā… nābhijānāmi sabrahmacārīnaṃ cīvarakamme vicāritā ⁹ … nābhijānāmi nimantanaṃ sāditā… nābhijānāmi evarūpaṃ cittaṃ uppannapubbaṃ – ‘aho vata maṃ koci nimanteyyā’ti… nābhijānāmi antaraghare nisīditā… nābhijānāmi antaraghare bhuñjitā… nābhijānāmi mātugāmassa anubyañjanaso nimittaṃ gahetā… nābhijānāmi mātugāmassa dhammaṃ desitā antamaso catuppadampi gāthaṃ… nābhijānāmi bhikkhunupassayaṃ upasaṅkamitā… nābhijānāmi bhikkhuniyā dhammaṃ desitā… nābhijānāmi sikkhamānāya dhammaṃ desitā… nābhijānāmi sāmaṇeriyā dhammaṃ desitā… nābhijānāmi pabbājetā… nābhijānāmi upasampādetā… nābhijānāmi nissayaṃ dātā… nābhijānāmi sāmaṇeraṃ upaṭṭhāpetā… nābhijānāmi jantāghare nhāyitā… nābhijānāmi cuṇṇena nhāyitā… nābhijānāmi sabrahmacārīgattaparikamme vicāritā ¹⁰ … nābhijānāmi ābādhaṃ uppannapubbaṃ, antamaso gaddūhanamattampi… nābhijānāmi bhesajjaṃ upaharitā, antamaso haritakikhaṇḍampi… nābhijānāmi apassenakaṃ apassayitā… nābhijānāmi seyyaṃ kappetā. Yaṃpāyasmā…pe… dhārema.

‘‘асийд̇и мз, аавусо, вассаани баб̣б̣аж̇ид̇асса наабхиж̇аанаами г̇ааманд̇асзнаасанз вассам̣ убаг̇анд̇аа . яам̣бааяасмаа б̣аагуло асийд̇ияаа вассзхи наабхиж̇аанаад̇и г̇ааманд̇асзнаасанз вассам̣ убаг̇анд̇аа, ид̣̇амби маяам̣ ааяасмад̇о б̣аагуласса ажчарияам̣ аб̣бхуд̇ад̇хаммам̣ д̇хаарзма.

‘‘Asīti me, āvuso, vassāni pabbajitassa nābhijānāmi gāmantasenāsane vassaṃ upagantā . Yaṃpāyasmā bākulo asītiyā vassehi nābhijānāti gāmantasenāsane vassaṃ upagantā, idampi mayaṃ āyasmato bākulassa acchariyaṃ abbhutadhammaṃ dhārema.

‘‘сад̇д̇аахамзва ко ахам̣, аавусо, саран̣о радтабин̣д̣ам̣ бхун̃ж̇им̣; ат̇а адтамияам̣ ан̃н̃аа уд̣̇абаад̣̇и. яам̣бааяасмаа б̣аагуло сад̇д̇аахамзва саран̣о радтабин̣д̣ам̣ бхун̃ж̇и; ат̇а адтамияам̣ ан̃н̃аа уд̣̇абаад̣̇и ид̣̇амби маяам̣ ааяасмад̇о б̣аагуласса ажчарияам̣ аб̣бхуд̇ад̇хаммам̣ д̇хаарзма.

‘‘Sattāhameva kho ahaṃ, āvuso, saraṇo raṭṭhapiṇḍaṃ bhuñjiṃ; atha aṭṭhamiyaṃ aññā udapādi. Yaṃpāyasmā bākulo sattāhameva saraṇo raṭṭhapiṇḍaṃ bhuñji; atha aṭṭhamiyaṃ aññā udapādi idampi mayaṃ āyasmato bākulassa acchariyaṃ abbhutadhammaṃ dhārema.

212. ‘‘лабхзяяаахам̣, аавусо б̣аагула, имасмим̣ д̇хаммавинаяз баб̣б̣аж̇ж̇ам̣, лабхзяяам̣ убасамбад̣̇а’’нд̇и. алад̇т̇а ко ажзлагассабо имасмим̣ д̇хаммавинаяз баб̣б̣аж̇ж̇ам̣, алад̇т̇а убасамбад̣̇ам̣. ажируубасамбанно банааяасмаа гассабо зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃ааси. ан̃н̃ад̇аро ко банааяасмаа гассабо арахад̇ам̣ ахоси.

212. ‘‘Labheyyāhaṃ, āvuso bākula, imasmiṃ dhammavinaye pabbajjaṃ, labheyyaṃ upasampada’’nti. Alattha kho acelakassapo imasmiṃ dhammavinaye pabbajjaṃ, alattha upasampadaṃ. Acirūpasampanno panāyasmā kassapo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsi. Aññataro kho panāyasmā kassapo arahataṃ ahosi.

ат̇а ко ааяасмаа б̣аагуло абарзна самаязна аваабуран̣ам̣ ¹¹ аад̣̇ааяа вихаарзна вихаарам̣ убасан̇гамид̇ваа звамааха – ‘‘абхиггамат̇ааяасманд̇о, абхиггамат̇ааяасманд̇о. аж̇ж̇а мз бариниб̣б̣аанам̣ бхависсад̇ий’’д̇и. ‘‘яам̣бааяасмаа б̣аагуло аваабуран̣ам̣ аад̣̇ааяа вихаарзна вихаарам̣ убасан̇гамид̇ваа звамааха – ‘абхиггамат̇ааяасманд̇о, абхиггамат̇ааяасманд̇о; аж̇ж̇а мз бариниб̣б̣аанам̣ бхависсад̇ий’д̇и, ид̣̇амби маяам̣ ааяасмад̇о б̣аагуласса ажчарияам̣ аб̣бхуд̇ад̇хаммам̣ д̇хаарзма’’.

Atha kho āyasmā bākulo aparena samayena avāpuraṇaṃ ¹² ādāya vihārena vihāraṃ upasaṅkamitvā evamāha – ‘‘abhikkamathāyasmanto, abhikkamathāyasmanto. Ajja me parinibbānaṃ bhavissatī’’ti. ‘‘Yaṃpāyasmā bākulo avāpuraṇaṃ ādāya vihārena vihāraṃ upasaṅkamitvā evamāha – ‘abhikkamathāyasmanto, abhikkamathāyasmanto; ajja me parinibbānaṃ bhavissatī’ti, idampi mayaṃ āyasmato bākulassa acchariyaṃ abbhutadhammaṃ dhārema’’.

ааяасмаа б̣аагуло маж̇жхз бхигкусан̇гхасса нисиннагова бариниб̣б̣ааяи. ‘‘яам̣бааяасмаа б̣аагуло маж̇жхз бхигкусан̇гхасса нисиннагова бариниб̣б̣ааяи, ид̣̇амби маяам̣ ааяасмад̇о б̣аагуласса ажчарияам̣ аб̣бхуд̇ад̇хаммам̣ д̇хаарзмаа’’д̇и.

Āyasmā bākulo majjhe bhikkhusaṅghassa nisinnakova parinibbāyi. ‘‘Yaṃpāyasmā bākulo majjhe bhikkhusaṅghassa nisinnakova parinibbāyi, idampi mayaṃ āyasmato bākulassa acchariyaṃ abbhutadhammaṃ dhāremā’’ti.

б̣аагуласуд̇д̇ам̣ нидтид̇ам̣ жад̇уд̇т̇ам̣.

Bākulasuttaṃ niṭṭhitaṃ catutthaṃ.

Next: 5. д̣̇анд̇абхуумисуд̇д̇ам̣ • 5. Dantabhūmisuttaṃ

Footnotes:

1. б̣аггуло (сий. сяаа. гам̣. бий.)

2. bakkulo (sī. syā. kaṃ. pī.)

3. (имзхи бана д̇з аавусо б̣аггула асийд̇ияо вассзхи гад̇игкад̇д̇ум̣ гаамасан̃н̃аа уббаннабуб̣б̣аад̇и.) (сий. бий.)

4. (imehi pana te āvuso bakkula asītiyo vassehi katikkhattuṃ kāmasaññā uppannapubbāti.) (sī. pī.)

5. гатинз (сий. сяаа. гам̣. бий.)

6. саб̣рахмажаарий жийварагаммз б̣яаабаарид̇аа (сий. бий.)

7. б̣яаабаарид̇аа (сий. бий.)

8. kaṭhine (sī. syā. kaṃ. pī.)

9. sabrahmacārī cīvarakamme byāpāritā (sī. pī.)

10. byāpāritā (sī. pī.)

11. абаабуран̣ам̣ (сий. сяаа. гам̣. бий.)

12. apāpuraṇaṃ (sī. syā. kaṃ. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. б̣аагуласуд̇д̇аван̣н̣анаа • 4. Bākulasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. б̣аагуласуд̇д̇аван̣н̣анаа • 4. Bākulasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact