Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya

    ੪. ਬਾਕੁਲਸੁਤ੍ਤਂ

    4. Bākulasuttaṃ

    ੨੦੯. ਏવਂ ਮੇ ਸੁਤਂ – ਏਕਂ ਸਮਯਂ ਆਯਸ੍ਮਾ ਬਾਕੁਲੋ 1 ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਅਥ ਖੋ ਅਚੇਲਕਸ੍ਸਪੋ ਆਯਸ੍ਮਤੋ ਬਾਕੁਲਸ੍ਸ ਪੁਰਾਣਗਿਹਿਸਹਾਯੋ ਯੇਨਾਯਸ੍ਮਾ ਬਾਕੁਲੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਤਾ ਬਾਕੁਲੇਨ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਅਚੇਲਕਸ੍ਸਪੋ ਆਯਸ੍ਮਨ੍ਤਂ ਬਾਕੁਲਂ ਏਤਦવੋਚ –

    209. Evaṃ me sutaṃ – ekaṃ samayaṃ āyasmā bākulo 2 rājagahe viharati veḷuvane kalandakanivāpe. Atha kho acelakassapo āyasmato bākulassa purāṇagihisahāyo yenāyasmā bākulo tenupasaṅkami; upasaṅkamitvā āyasmatā bākulena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho acelakassapo āyasmantaṃ bākulaṃ etadavoca –

    ‘‘ਕੀવਚਿਰਂ ਪਬ੍ਬਜਿਤੋਸਿ, ਆવੁਸੋ ਬਾਕੁਲਾ’’ਤਿ? ‘‘ਅਸੀਤਿ ਮੇ, ਆવੁਸੋ, વਸ੍ਸਾਨਿ ਪਬ੍ਬਜਿਤਸ੍ਸਾ’’ਤਿ। ‘‘ਇਮੇਹਿ ਪਨ ਤੇ, ਆવੁਸੋ ਬਾਕੁਲ, ਅਸੀਤਿਯਾ વਸ੍ਸੇਹਿ ਕਤਿਕ੍ਖਤ੍ਤੁਂ ਮੇਥੁਨੋ ਧਮ੍ਮੋ ਪਟਿਸੇવਿਤੋ’’ਤਿ? ‘‘ਨ ਖੋ ਮਂ, ਆવੁਸੋ ਕਸ੍ਸਪ, ਏવਂ ਪੁਚ੍ਛਿਤਬ੍ਬਂ – ‘ਇਮੇਹਿ ਪਨ ਤੇ, ਆવੁਸੋ ਬਾਕੁਲ, ਅਸੀਤਿਯਾ વਸ੍ਸੇਹਿ ਕਤਿਕ੍ਖਤ੍ਤੁਂ ਮੇਥੁਨੋ ਧਮ੍ਮੋ ਪਟਿਸੇવਿਤੋ’ਤਿ। ਏવਞ੍ਚ ਖੋ ਮਂ, ਆવੁਸੋ ਕਸ੍ਸਪ, ਪੁਚ੍ਛਿਤਬ੍ਬਂ – ‘ਇਮੇਹਿ ਪਨ ਤੇ, ਆવੁਸੋ ਬਾਕੁਲ, ਅਸੀਤਿਯਾ વਸ੍ਸੇਹਿ ਕਤਿਕ੍ਖਤ੍ਤੁਂ ਕਾਮਸਞ੍ਞਾ ਉਪ੍ਪਨ੍ਨਪੁਬ੍ਬਾ’’’ਤਿ? ( ) 3

    ‘‘Kīvaciraṃ pabbajitosi, āvuso bākulā’’ti? ‘‘Asīti me, āvuso, vassāni pabbajitassā’’ti. ‘‘Imehi pana te, āvuso bākula, asītiyā vassehi katikkhattuṃ methuno dhammo paṭisevito’’ti? ‘‘Na kho maṃ, āvuso kassapa, evaṃ pucchitabbaṃ – ‘imehi pana te, āvuso bākula, asītiyā vassehi katikkhattuṃ methuno dhammo paṭisevito’ti. Evañca kho maṃ, āvuso kassapa, pucchitabbaṃ – ‘imehi pana te, āvuso bākula, asītiyā vassehi katikkhattuṃ kāmasaññā uppannapubbā’’’ti? ( ) 4

    ੨੧੦. ‘‘ਅਸੀਤਿ ਮੇ, ਆવੁਸੋ , વਸ੍ਸਾਨਿ ਪਬ੍ਬਜਿਤਸ੍ਸ ਨਾਭਿਜਾਨਾਮਿ ਕਾਮਸਞ੍ਞਂ ਉਪ੍ਪਨ੍ਨਪੁਬ੍ਬਂ। ਯਂਪਾਯਸ੍ਮਾ ਬਾਕੁਲੋ ਅਸੀਤਿਯਾ વਸ੍ਸੇਹਿ ਨਾਭਿਜਾਨਾਤਿ ਕਾਮਸਞ੍ਞਂ ਉਪ੍ਪਨ੍ਨਪੁਬ੍ਬਂ ਇਦਮ੍ਪਿ ਮਯਂ ਆਯਸ੍ਮਤੋ ਬਾਕੁਲਸ੍ਸ ਅਚ੍ਛਰਿਯਂ ਅਬ੍ਭੁਤਧਮ੍ਮਂ ਧਾਰੇਮ।

    210. ‘‘Asīti me, āvuso , vassāni pabbajitassa nābhijānāmi kāmasaññaṃ uppannapubbaṃ. Yaṃpāyasmā bākulo asītiyā vassehi nābhijānāti kāmasaññaṃ uppannapubbaṃ idampi mayaṃ āyasmato bākulassa acchariyaṃ abbhutadhammaṃ dhārema.

    ‘‘ਅਸੀਤਿ ਮੇ, ਆવੁਸੋ, વਸ੍ਸਾਨਿ ਪਬ੍ਬਜਿਤਸ੍ਸ ਨਾਭਿਜਾਨਾਮਿ ਬ੍ਯਾਪਾਦਸਞ੍ਞਂ…ਪੇ॰… વਿਹਿਂਸਾਸਞ੍ਞਂ ਉਪ੍ਪਨ੍ਨਪੁਬ੍ਬਂ। ਯਂਪਾਯਸ੍ਮਾ ਬਾਕੁਲੋ ਅਸੀਤਿਯਾ વਸ੍ਸੇਹਿ ਨਾਭਿਜਾਨਾਤਿ વਿਹਿਂਸਾਸਞ੍ਞਂ ਉਪ੍ਪਨ੍ਨਪੁਬ੍ਬਂ, ਇਦਮ੍ਪਿ ਮਯਂ ਆਯਸ੍ਮਤੋ ਬਾਕੁਲਸ੍ਸ ਅਚ੍ਛਰਿਯਂ ਅਬ੍ਭੁਤਧਮ੍ਮਂ ਧਾਰੇਮ।

    ‘‘Asīti me, āvuso, vassāni pabbajitassa nābhijānāmi byāpādasaññaṃ…pe… vihiṃsāsaññaṃ uppannapubbaṃ. Yaṃpāyasmā bākulo asītiyā vassehi nābhijānāti vihiṃsāsaññaṃ uppannapubbaṃ, idampi mayaṃ āyasmato bākulassa acchariyaṃ abbhutadhammaṃ dhārema.

    ‘‘ਅਸੀਤਿ ਮੇ, ਆવੁਸੋ, વਸ੍ਸਾਨਿ ਪਬ੍ਬਜਿਤਸ੍ਸ ਨਾਭਿਜਾਨਾਮਿ ਕਾਮવਿਤਕ੍ਕਂ ਉਪ੍ਪਨ੍ਨਪੁਬ੍ਬਂ। ਯਂਪਾਯਸ੍ਮਾ ਬਾਕੁਲੋ ਅਸੀਤਿਯਾ વਸ੍ਸੇਹਿ ਨਾਭਿਜਾਨਾਤਿ ਕਾਮવਿਤਕ੍ਕਂ ਉਪ੍ਪਨ੍ਨਪੁਬ੍ਬਂ, ਇਦਮ੍ਪਿ ਮਯਂ ਆਯਸ੍ਮਤੋ ਬਾਕੁਲਸ੍ਸ ਅਚ੍ਛਰਿਯਂ ਅਬ੍ਭੁਤਧਮ੍ਮਂ ਧਾਰੇਮ।

    ‘‘Asīti me, āvuso, vassāni pabbajitassa nābhijānāmi kāmavitakkaṃ uppannapubbaṃ. Yaṃpāyasmā bākulo asītiyā vassehi nābhijānāti kāmavitakkaṃ uppannapubbaṃ, idampi mayaṃ āyasmato bākulassa acchariyaṃ abbhutadhammaṃ dhārema.

    ‘‘ਅਸੀਤਿ ਮੇ, ਆવੁਸੋ, વਸ੍ਸਾਨਿ ਪਬ੍ਬਜਿਤਸ੍ਸ ਨਾਭਿਜਾਨਾਮਿ ਬ੍ਯਾਪਾਦવਿਤਕ੍ਕਂ…ਪੇ॰… વਿਹਿਂਸਾવਿਤਕ੍ਕਂ ਉਪ੍ਪਨ੍ਨਪੁਬ੍ਬਂ। ਯਂਪਾਯਸ੍ਮਾ ਬਾਕੁਲੋ ਅਸੀਤਿਯਾ વਸ੍ਸੇਹਿ ਨਾਭਿਜਾਨਾਤਿ વਿਹਿਂਸਾવਿਤਕ੍ਕਂ ਉਪ੍ਪਨ੍ਨਪੁਬ੍ਬਂ, ਇਦਮ੍ਪਿ ਮਯਂ ਆਯਸ੍ਮਤੋ ਬਾਕੁਲਸ੍ਸ ਅਚ੍ਛਰਿਯਂ ਅਬ੍ਭੁਤਧਮ੍ਮਂ ਧਾਰੇਮ।

    ‘‘Asīti me, āvuso, vassāni pabbajitassa nābhijānāmi byāpādavitakkaṃ…pe… vihiṃsāvitakkaṃ uppannapubbaṃ. Yaṃpāyasmā bākulo asītiyā vassehi nābhijānāti vihiṃsāvitakkaṃ uppannapubbaṃ, idampi mayaṃ āyasmato bākulassa acchariyaṃ abbhutadhammaṃ dhārema.

    ੨੧੧. ‘‘ਅਸੀਤਿ ਮੇ, ਆવੁਸੋ, વਸ੍ਸਾਨਿ ਪਬ੍ਬਜਿਤਸ੍ਸ ਨਾਭਿਜਾਨਾਮਿ ਗਹਪਤਿਚੀવਰਂ ਸਾਦਿਤਾ। ਯਂਪਾਯਸ੍ਮਾ ਬਾਕੁਲੋ ਅਸੀਤਿਯਾ વਸ੍ਸੇਹਿ ਨਾਭਿਜਾਨਾਤਿ ਗਹਪਤਿਚੀવਰਂ ਸਾਦਿਤਾ, ਇਦਮ੍ਪਿ ਮਯਂ ਆਯਸ੍ਮਤੋ ਬਾਕੁਲਸ੍ਸ ਅਚ੍ਛਰਿਯਂ ਅਬ੍ਭੁਤਧਮ੍ਮਂ ਧਾਰੇਮ।

    211. ‘‘Asīti me, āvuso, vassāni pabbajitassa nābhijānāmi gahapaticīvaraṃ sāditā. Yaṃpāyasmā bākulo asītiyā vassehi nābhijānāti gahapaticīvaraṃ sāditā, idampi mayaṃ āyasmato bākulassa acchariyaṃ abbhutadhammaṃ dhārema.

    ‘‘ਅਸੀਤਿ ਮੇ, ਆવੁਸੋ, વਸ੍ਸਾਨਿ ਪਬ੍ਬਜਿਤਸ੍ਸ ਨਾਭਿਜਾਨਾਮਿ ਸਤ੍ਥੇਨ ਚੀવਰਂ ਛਿਨ੍ਦਿਤਾ। ਯਂਪਾਯਸ੍ਮਾ ਬਾਕੁਲੋ ਅਸੀਤਿਯਾ વਸ੍ਸੇਹਿ ਨਾਭਿਜਾਨਾਤਿ ਸਤ੍ਥੇਨ ਚੀવਰਂ ਛਿਨ੍ਦਿਤਾ…ਪੇ॰… ਧਾਰੇਮ।

    ‘‘Asīti me, āvuso, vassāni pabbajitassa nābhijānāmi satthena cīvaraṃ chinditā. Yaṃpāyasmā bākulo asītiyā vassehi nābhijānāti satthena cīvaraṃ chinditā…pe… dhārema.

    ‘‘ਅਸੀਤਿ ਮੇ, ਆવੁਸੋ, વਸ੍ਸਾਨਿ ਪਬ੍ਬਜਿਤਸ੍ਸ ਨਾਭਿਜਾਨਾਮਿ ਸੂਚਿਯਾ ਚੀવਰਂ ਸਿਬ੍ਬਿਤਾ…ਪੇ॰… ਨਾਭਿਜਾਨਾਮਿ ਰਜਨੇਨ ਚੀવਰਂ ਰਜਿਤਾ… ਨਾਭਿਜਾਨਾਮਿ ਕਥਿਨੇ 5 ਚੀવਰਂ ਸਿਬ੍ਬਿਤਾ… ਨਾਭਿਜਾਨਾਮਿ ਸਬ੍ਰਹ੍ਮਚਾਰੀਨਂ ਚੀવਰਕਮ੍ਮੇ વਿਚਾਰਿਤਾ 6 … ਨਾਭਿਜਾਨਾਮਿ ਨਿਮਨ੍ਤਨਂ ਸਾਦਿਤਾ… ਨਾਭਿਜਾਨਾਮਿ ਏવਰੂਪਂ ਚਿਤ੍ਤਂ ਉਪ੍ਪਨ੍ਨਪੁਬ੍ਬਂ – ‘ਅਹੋ વਤ ਮਂ ਕੋਚਿ ਨਿਮਨ੍ਤੇਯ੍ਯਾ’ਤਿ… ਨਾਭਿਜਾਨਾਮਿ ਅਨ੍ਤਰਘਰੇ ਨਿਸੀਦਿਤਾ… ਨਾਭਿਜਾਨਾਮਿ ਅਨ੍ਤਰਘਰੇ ਭੁਞ੍ਜਿਤਾ… ਨਾਭਿਜਾਨਾਮਿ ਮਾਤੁਗਾਮਸ੍ਸ ਅਨੁਬ੍ਯਞ੍ਜਨਸੋ ਨਿਮਿਤ੍ਤਂ ਗਹੇਤਾ… ਨਾਭਿਜਾਨਾਮਿ ਮਾਤੁਗਾਮਸ੍ਸ ਧਮ੍ਮਂ ਦੇਸਿਤਾ ਅਨ੍ਤਮਸੋ ਚਤੁਪ੍ਪਦਮ੍ਪਿ ਗਾਥਂ… ਨਾਭਿਜਾਨਾਮਿ ਭਿਕ੍ਖੁਨੁਪਸ੍ਸਯਂ ਉਪਸਙ੍ਕਮਿਤਾ… ਨਾਭਿਜਾਨਾਮਿ ਭਿਕ੍ਖੁਨਿਯਾ ਧਮ੍ਮਂ ਦੇਸਿਤਾ… ਨਾਭਿਜਾਨਾਮਿ ਸਿਕ੍ਖਮਾਨਾਯ ਧਮ੍ਮਂ ਦੇਸਿਤਾ… ਨਾਭਿਜਾਨਾਮਿ ਸਾਮਣੇਰਿਯਾ ਧਮ੍ਮਂ ਦੇਸਿਤਾ… ਨਾਭਿਜਾਨਾਮਿ ਪਬ੍ਬਾਜੇਤਾ… ਨਾਭਿਜਾਨਾਮਿ ਉਪਸਮ੍ਪਾਦੇਤਾ… ਨਾਭਿਜਾਨਾਮਿ ਨਿਸ੍ਸਯਂ ਦਾਤਾ… ਨਾਭਿਜਾਨਾਮਿ ਸਾਮਣੇਰਂ ਉਪਟ੍ਠਾਪੇਤਾ… ਨਾਭਿਜਾਨਾਮਿ ਜਨ੍ਤਾਘਰੇ ਨ੍ਹਾਯਿਤਾ… ਨਾਭਿਜਾਨਾਮਿ ਚੁਣ੍ਣੇਨ ਨ੍ਹਾਯਿਤਾ… ਨਾਭਿਜਾਨਾਮਿ ਸਬ੍ਰਹ੍ਮਚਾਰੀਗਤ੍ਤਪਰਿਕਮ੍ਮੇ વਿਚਾਰਿਤਾ 7 … ਨਾਭਿਜਾਨਾਮਿ ਆਬਾਧਂ ਉਪ੍ਪਨ੍ਨਪੁਬ੍ਬਂ, ਅਨ੍ਤਮਸੋ ਗਦ੍ਦੂਹਨਮਤ੍ਤਮ੍ਪਿ… ਨਾਭਿਜਾਨਾਮਿ ਭੇਸਜ੍ਜਂ ਉਪਹਰਿਤਾ, ਅਨ੍ਤਮਸੋ ਹਰਿਤਕਿਖਣ੍ਡਮ੍ਪਿ… ਨਾਭਿਜਾਨਾਮਿ ਅਪਸ੍ਸੇਨਕਂ ਅਪਸ੍ਸਯਿਤਾ… ਨਾਭਿਜਾਨਾਮਿ ਸੇਯ੍ਯਂ ਕਪ੍ਪੇਤਾ। ਯਂਪਾਯਸ੍ਮਾ…ਪੇ॰… ਧਾਰੇਮ।

    ‘‘Asīti me, āvuso, vassāni pabbajitassa nābhijānāmi sūciyā cīvaraṃ sibbitā…pe… nābhijānāmi rajanena cīvaraṃ rajitā… nābhijānāmi kathine 8 cīvaraṃ sibbitā… nābhijānāmi sabrahmacārīnaṃ cīvarakamme vicāritā 9 … nābhijānāmi nimantanaṃ sāditā… nābhijānāmi evarūpaṃ cittaṃ uppannapubbaṃ – ‘aho vata maṃ koci nimanteyyā’ti… nābhijānāmi antaraghare nisīditā… nābhijānāmi antaraghare bhuñjitā… nābhijānāmi mātugāmassa anubyañjanaso nimittaṃ gahetā… nābhijānāmi mātugāmassa dhammaṃ desitā antamaso catuppadampi gāthaṃ… nābhijānāmi bhikkhunupassayaṃ upasaṅkamitā… nābhijānāmi bhikkhuniyā dhammaṃ desitā… nābhijānāmi sikkhamānāya dhammaṃ desitā… nābhijānāmi sāmaṇeriyā dhammaṃ desitā… nābhijānāmi pabbājetā… nābhijānāmi upasampādetā… nābhijānāmi nissayaṃ dātā… nābhijānāmi sāmaṇeraṃ upaṭṭhāpetā… nābhijānāmi jantāghare nhāyitā… nābhijānāmi cuṇṇena nhāyitā… nābhijānāmi sabrahmacārīgattaparikamme vicāritā 10 … nābhijānāmi ābādhaṃ uppannapubbaṃ, antamaso gaddūhanamattampi… nābhijānāmi bhesajjaṃ upaharitā, antamaso haritakikhaṇḍampi… nābhijānāmi apassenakaṃ apassayitā… nābhijānāmi seyyaṃ kappetā. Yaṃpāyasmā…pe… dhārema.

    ‘‘ਅਸੀਤਿ ਮੇ, ਆવੁਸੋ, વਸ੍ਸਾਨਿ ਪਬ੍ਬਜਿਤਸ੍ਸ ਨਾਭਿਜਾਨਾਮਿ ਗਾਮਨ੍ਤਸੇਨਾਸਨੇ વਸ੍ਸਂ ਉਪਗਨ੍ਤਾ । ਯਂਪਾਯਸ੍ਮਾ ਬਾਕੁਲੋ ਅਸੀਤਿਯਾ વਸ੍ਸੇਹਿ ਨਾਭਿਜਾਨਾਤਿ ਗਾਮਨ੍ਤਸੇਨਾਸਨੇ વਸ੍ਸਂ ਉਪਗਨ੍ਤਾ, ਇਦਮ੍ਪਿ ਮਯਂ ਆਯਸ੍ਮਤੋ ਬਾਕੁਲਸ੍ਸ ਅਚ੍ਛਰਿਯਂ ਅਬ੍ਭੁਤਧਮ੍ਮਂ ਧਾਰੇਮ।

    ‘‘Asīti me, āvuso, vassāni pabbajitassa nābhijānāmi gāmantasenāsane vassaṃ upagantā . Yaṃpāyasmā bākulo asītiyā vassehi nābhijānāti gāmantasenāsane vassaṃ upagantā, idampi mayaṃ āyasmato bākulassa acchariyaṃ abbhutadhammaṃ dhārema.

    ‘‘ਸਤ੍ਤਾਹਮੇવ ਖੋ ਅਹਂ, ਆવੁਸੋ, ਸਰਣੋ ਰਟ੍ਠਪਿਣ੍ਡਂ ਭੁਞ੍ਜਿਂ; ਅਥ ਅਟ੍ਠਮਿਯਂ ਅਞ੍ਞਾ ਉਦਪਾਦਿ। ਯਂਪਾਯਸ੍ਮਾ ਬਾਕੁਲੋ ਸਤ੍ਤਾਹਮੇવ ਸਰਣੋ ਰਟ੍ਠਪਿਣ੍ਡਂ ਭੁਞ੍ਜਿ; ਅਥ ਅਟ੍ਠਮਿਯਂ ਅਞ੍ਞਾ ਉਦਪਾਦਿ ਇਦਮ੍ਪਿ ਮਯਂ ਆਯਸ੍ਮਤੋ ਬਾਕੁਲਸ੍ਸ ਅਚ੍ਛਰਿਯਂ ਅਬ੍ਭੁਤਧਮ੍ਮਂ ਧਾਰੇਮ।

    ‘‘Sattāhameva kho ahaṃ, āvuso, saraṇo raṭṭhapiṇḍaṃ bhuñjiṃ; atha aṭṭhamiyaṃ aññā udapādi. Yaṃpāyasmā bākulo sattāhameva saraṇo raṭṭhapiṇḍaṃ bhuñji; atha aṭṭhamiyaṃ aññā udapādi idampi mayaṃ āyasmato bākulassa acchariyaṃ abbhutadhammaṃ dhārema.

    ੨੧੨. ‘‘ਲਭੇਯ੍ਯਾਹਂ, ਆવੁਸੋ ਬਾਕੁਲ, ਇਮਸ੍ਮਿਂ ਧਮ੍ਮવਿਨਯੇ ਪਬ੍ਬਜ੍ਜਂ, ਲਭੇਯ੍ਯਂ ਉਪਸਮ੍ਪਦ’’ਨ੍ਤਿ। ਅਲਤ੍ਥ ਖੋ ਅਚੇਲਕਸ੍ਸਪੋ ਇਮਸ੍ਮਿਂ ਧਮ੍ਮવਿਨਯੇ ਪਬ੍ਬਜ੍ਜਂ, ਅਲਤ੍ਥ ਉਪਸਮ੍ਪਦਂ। ਅਚਿਰੂਪਸਮ੍ਪਨ੍ਨੋ ਪਨਾਯਸ੍ਮਾ ਕਸ੍ਸਪੋ ਏਕੋ વੂਪਕਟ੍ਠੋ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਨਚਿਰਸ੍ਸੇવ – ਯਸ੍ਸਤ੍ਥਾਯ ਕੁਲਪੁਤ੍ਤਾ ਸਮ੍ਮਦੇવ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਨ੍ਤਿ ਤਦਨੁਤ੍ਤਰਂ – ਬ੍ਰਹ੍ਮਚਰਿਯਪਰਿਯੋਸਾਨਂ ਦਿਟ੍ਠੇવ ਧਮ੍ਮੇ ਸਯਂ ਅਭਿਞ੍ਞਾ ਸਚ੍ਛਿਕਤ੍વਾ ਉਪਸਮ੍ਪਜ੍ਜ વਿਹਾਸਿ। ‘ਖੀਣਾ ਜਾਤਿ, વੁਸਿਤਂ ਬ੍ਰਹ੍ਮਚਰਿਯਂ, ਕਤਂ ਕਰਣੀਯਂ, ਨਾਪਰਂ ਇਤ੍ਥਤ੍ਤਾਯਾ’ਤਿ ਅਬ੍ਭਞ੍ਞਾਸਿ। ਅਞ੍ਞਤਰੋ ਖੋ ਪਨਾਯਸ੍ਮਾ ਕਸ੍ਸਪੋ ਅਰਹਤਂ ਅਹੋਸਿ।

    212. ‘‘Labheyyāhaṃ, āvuso bākula, imasmiṃ dhammavinaye pabbajjaṃ, labheyyaṃ upasampada’’nti. Alattha kho acelakassapo imasmiṃ dhammavinaye pabbajjaṃ, alattha upasampadaṃ. Acirūpasampanno panāyasmā kassapo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsi. Aññataro kho panāyasmā kassapo arahataṃ ahosi.

    ਅਥ ਖੋ ਆਯਸ੍ਮਾ ਬਾਕੁਲੋ ਅਪਰੇਨ ਸਮਯੇਨ ਅવਾਪੁਰਣਂ 11 ਆਦਾਯ વਿਹਾਰੇਨ વਿਹਾਰਂ ਉਪਸਙ੍ਕਮਿਤ੍વਾ ਏવਮਾਹ – ‘‘ਅਭਿਕ੍ਕਮਥਾਯਸ੍ਮਨ੍ਤੋ, ਅਭਿਕ੍ਕਮਥਾਯਸ੍ਮਨ੍ਤੋ। ਅਜ੍ਜ ਮੇ ਪਰਿਨਿਬ੍ਬਾਨਂ ਭવਿਸ੍ਸਤੀ’’ਤਿ। ‘‘ਯਂਪਾਯਸ੍ਮਾ ਬਾਕੁਲੋ ਅવਾਪੁਰਣਂ ਆਦਾਯ વਿਹਾਰੇਨ વਿਹਾਰਂ ਉਪਸਙ੍ਕਮਿਤ੍વਾ ਏવਮਾਹ – ‘ਅਭਿਕ੍ਕਮਥਾਯਸ੍ਮਨ੍ਤੋ, ਅਭਿਕ੍ਕਮਥਾਯਸ੍ਮਨ੍ਤੋ; ਅਜ੍ਜ ਮੇ ਪਰਿਨਿਬ੍ਬਾਨਂ ਭવਿਸ੍ਸਤੀ’ਤਿ, ਇਦਮ੍ਪਿ ਮਯਂ ਆਯਸ੍ਮਤੋ ਬਾਕੁਲਸ੍ਸ ਅਚ੍ਛਰਿਯਂ ਅਬ੍ਭੁਤਧਮ੍ਮਂ ਧਾਰੇਮ’’।

    Atha kho āyasmā bākulo aparena samayena avāpuraṇaṃ 12 ādāya vihārena vihāraṃ upasaṅkamitvā evamāha – ‘‘abhikkamathāyasmanto, abhikkamathāyasmanto. Ajja me parinibbānaṃ bhavissatī’’ti. ‘‘Yaṃpāyasmā bākulo avāpuraṇaṃ ādāya vihārena vihāraṃ upasaṅkamitvā evamāha – ‘abhikkamathāyasmanto, abhikkamathāyasmanto; ajja me parinibbānaṃ bhavissatī’ti, idampi mayaṃ āyasmato bākulassa acchariyaṃ abbhutadhammaṃ dhārema’’.

    ਆਯਸ੍ਮਾ ਬਾਕੁਲੋ ਮਜ੍ਝੇ ਭਿਕ੍ਖੁਸਙ੍ਘਸ੍ਸ ਨਿਸਿਨ੍ਨਕੋવ ਪਰਿਨਿਬ੍ਬਾਯਿ। ‘‘ਯਂਪਾਯਸ੍ਮਾ ਬਾਕੁਲੋ ਮਜ੍ਝੇ ਭਿਕ੍ਖੁਸਙ੍ਘਸ੍ਸ ਨਿਸਿਨ੍ਨਕੋવ ਪਰਿਨਿਬ੍ਬਾਯਿ, ਇਦਮ੍ਪਿ ਮਯਂ ਆਯਸ੍ਮਤੋ ਬਾਕੁਲਸ੍ਸ ਅਚ੍ਛਰਿਯਂ ਅਬ੍ਭੁਤਧਮ੍ਮਂ ਧਾਰੇਮਾ’’ਤਿ।

    Āyasmā bākulo majjhe bhikkhusaṅghassa nisinnakova parinibbāyi. ‘‘Yaṃpāyasmā bākulo majjhe bhikkhusaṅghassa nisinnakova parinibbāyi, idampi mayaṃ āyasmato bākulassa acchariyaṃ abbhutadhammaṃ dhāremā’’ti.

    ਬਾਕੁਲਸੁਤ੍ਤਂ ਨਿਟ੍ਠਿਤਂ ਚਤੁਤ੍ਥਂ।

    Bākulasuttaṃ niṭṭhitaṃ catutthaṃ.




    Next: ੫. ਦਨ੍ਤਭੂਮਿਸੁਤ੍ਤਂ • 5. Dantabhūmisuttaṃ




    Footnotes:
    1. ਬਕ੍ਕੁਲੋ (ਸੀ॰ ਸ੍ਯਾ॰ ਕਂ॰ ਪੀ॰)
    2. bakkulo (sī. syā. kaṃ. pī.)
    3. (ਇਮੇਹਿ ਪਨ ਤੇ ਆવੁਸੋ ਬਕ੍ਕੁਲ ਅਸੀਤਿਯੋ વਸ੍ਸੇਹਿ ਕਤਿਕ੍ਖਤ੍ਤੁਂ ਕਾਮਸਞ੍ਞਾ ਉਪ੍ਪਨ੍ਨਪੁਬ੍ਬਾਤਿ।) (ਸੀ॰ ਪੀ॰)
    4. (imehi pana te āvuso bakkula asītiyo vassehi katikkhattuṃ kāmasaññā uppannapubbāti.) (sī. pī.)
    5. ਕਠਿਨੇ (ਸੀ॰ ਸ੍ਯਾ॰ ਕਂ॰ ਪੀ॰)
    6. ਸਬ੍ਰਹ੍ਮਚਾਰੀ ਚੀવਰਕਮ੍ਮੇ ਬ੍ਯਾਪਾਰਿਤਾ (ਸੀ॰ ਪੀ॰)
    7. ਬ੍ਯਾਪਾਰਿਤਾ (ਸੀ॰ ਪੀ॰)
    8. kaṭhine (sī. syā. kaṃ. pī.)
    9. sabrahmacārī cīvarakamme byāpāritā (sī. pī.)
    10. byāpāritā (sī. pī.)
    11. ਅਪਾਪੁਰਣਂ (ਸੀ॰ ਸ੍ਯਾ॰ ਕਂ॰ ਪੀ॰)
    12. apāpuraṇaṃ (sī. syā. kaṃ. pī.)



    Related texts:



    ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੪. ਬਾਕੁਲਸੁਤ੍ਤવਣ੍ਣਨਾ • 4. Bākulasuttavaṇṇanā

    ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੪. ਬਾਕੁਲਸੁਤ੍ਤવਣ੍ਣਨਾ • 4. Bākulasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact