| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. б̣аагуласуд̇д̇аван̣н̣анаа
4. Bākulasuttavaṇṇanā
209. звам̣ мз суд̇анд̇и б̣аагуласуд̇д̇ам̣. д̇ад̇т̇а б̣аагулод̇и яат̇аа д̣̇ваавийсад̇и д̣̇вад̇д̇им̣саад̇иаад̣̇имхи вад̇д̇аб̣б̣з б̣аавийсад̇и б̣аад̇д̇им̣саад̇иаад̣̇ийни вужжанд̇и, звамзва д̣̇вигулод̇и вад̇д̇аб̣б̣з б̣аагулод̇и вуд̇д̇ам̣. д̇асса хи т̇зрасса д̣̇вз гулаани ахзсум̣. со гира д̣̇звалого жавид̇ваа госамб̣инаг̇арз наама махаасздтигулз ниб̣б̣ад̇д̇о, д̇амзнам̣ бан̃жамз д̣̇ивасз сийсам̣ нхаабзд̇ваа г̇ан̇г̇аагийл̣ам̣ агам̣су. д̇хаад̇ияаа д̣̇аарагам̣ уд̣̇агз нимуж̇ж̇ануммуж̇ж̇анавасзна гийл̣аабзнд̇ияаа зго мажчо д̣̇аарагам̣ д̣̇исваа ‘‘бхагко мз аяа’’нд̇и ман̃н̃амаано мукам̣ виварид̇ваа убаг̇ад̇о. д̇хаад̇ий д̣̇аарагам̣ чад̣д̣зд̇ваа балаад̇аа. мажчо д̇ам̣ г̇или. бун̃н̃аваа сад̇д̇о д̣̇угкам̣ на баабун̣и, саяанаг̇аб̣бхам̣ бависид̇ваа нибанно вияа ахоси. мажчо д̣̇аарагасса д̇зж̇зна д̇ад̇д̇агабаллам̣ г̇илид̇ваа д̣̇аяхамаано вияа взг̇зна д̇им̣саяож̇анамаг̇г̇ам̣ г̇анд̇ваа б̣аараан̣асинаг̇араваасино мажчаб̣анд̇хасса ж̇аалам̣ баависи, махаамажчаа наама ж̇аалаб̣ад̣̇д̇хаа бахарияамаанаа маранд̇и. аяам̣ бана д̣̇аарагасса д̇зж̇зна ж̇аалад̇о нийхадамад̇д̇ова мад̇о. мажчаб̣анд̇хаа жа маханд̇ам̣ мажчам̣ лабхид̇ваа паалзд̇ваа виггин̣анд̇и. д̇ам̣ бана д̣̇аарагасса аанубхаавзна апаалзд̇ваа сагаламзва гааж̇зна харид̇ваа сахассзна д̣̇змаад̇и вад̣̇анд̇аа наг̇арз вижарим̣су. гожи на г̇ан̣хаад̇и.
209.Evaṃme sutanti bākulasuttaṃ. Tattha bākuloti yathā dvāvīsati dvattiṃsātiādimhi vattabbe bāvīsati bāttiṃsātiādīni vuccanti, evameva dvikuloti vattabbe bākuloti vuttaṃ. Tassa hi therassa dve kulāni ahesuṃ. So kira devaloko cavitvā kosambinagare nāma mahāseṭṭhikule nibbatto, tamenaṃ pañcame divase sīsaṃ nhāpetvā gaṅgākīḷaṃ akaṃsu. Dhātiyā dārakaṃ udake nimujjanummujjanavasena kīḷāpentiyā eko maccho dārakaṃ disvā ‘‘bhakkho me aya’’nti maññamāno mukhaṃ vivaritvā upagato. Dhātī dārakaṃ chaḍḍetvā palātā. Maccho taṃ gili. Puññavā satto dukkhaṃ na pāpuṇi, sayanagabbhaṃ pavisitvā nipanno viya ahosi. Maccho dārakassa tejena tattakapallaṃ gilitvā dayhamāno viya vegena tiṃsayojanamaggaṃ gantvā bārāṇasinagaravāsino macchabandhassa jālaṃ pāvisi, mahāmacchā nāma jālabaddhā pahariyamānā maranti. Ayaṃ pana dārakassa tejena jālato nīhaṭamattova mato. Macchabandhā ca mahantaṃ macchaṃ labhitvā phāletvā vikkiṇanti. Taṃ pana dārakassa ānubhāvena aphāletvā sakalameva kājena haritvā sahassena demāti vadantā nagare vicariṃsu. Koci na gaṇhāti.
д̇асмим̣ бана наг̇арз абуд̇д̇агам̣ асийд̇игодивибхавам̣ сздтигулам̣ ад̇т̇и, д̇асса д̣̇ваарамуулам̣ бад̇ваа ‘‘гим̣ г̇ахзд̇ваа д̣̇зт̇аа’’д̇и вуд̇д̇аа гахаабан̣анд̇и аахам̣су. д̇зхи гахаабан̣ам̣ д̣̇ад̇ваа г̇ахид̇о. сздтибхарияааби ан̃н̃зсу д̣̇ивасзсу мажчз на гзлааяад̇и, д̇ам̣ д̣̇ивасам̣ бана мажчам̣ палагз табзд̇ваа саяамзва паалзси. мажчан̃жа наама гужчид̇о паалзнд̇и, саа бана бидтид̇о паалзнд̇ий мажчагужчияам̣ суван̣н̣аван̣н̣ам̣ д̣̇аарагам̣ д̣̇исваа – ‘‘мажчагужчияам̣ мз буд̇д̇о лад̣̇д̇хо’’д̇и наад̣̇ам̣ над̣̇ид̇ваа д̣̇аарагам̣ аад̣̇ааяа саамигасса санд̇игам̣ аг̇амааси. сздти д̇аавад̣̇зва бхзрим̣ жараабзд̇ваа д̣̇аарагам̣ аад̣̇ааяа ран̃н̃о санд̇игам̣ г̇анд̇ваа – ‘‘мажчагужчияам̣ мз д̣̇зва д̣̇аараго лад̣̇д̇хо, гим̣ гаромий’’д̇и ааха. бун̃н̃аваа зса, яо мажчагужчияам̣ арог̇о васи, босзхи нанд̇и.
Tasmiṃ pana nagare aputtakaṃ asītikoṭivibhavaṃ seṭṭhikulaṃ atthi, tassa dvāramūlaṃ patvā ‘‘kiṃ gahetvā dethā’’ti vuttā kahāpaṇanti āhaṃsu. Tehi kahāpaṇaṃ datvā gahito. Seṭṭhibhariyāpi aññesu divasesu macche na kelāyati, taṃ divasaṃ pana macchaṃ phalake ṭhapetvā sayameva phālesi. Macchañca nāma kucchito phālenti, sā pana piṭṭhito phālentī macchakucchiyaṃ suvaṇṇavaṇṇaṃ dārakaṃ disvā – ‘‘macchakucchiyaṃ me putto laddho’’ti nādaṃ naditvā dārakaṃ ādāya sāmikassa santikaṃ agamāsi. Seṭṭhi tāvadeva bheriṃ carāpetvā dārakaṃ ādāya rañño santikaṃ gantvā – ‘‘macchakucchiyaṃ me deva dārako laddho, kiṃ karomī’’ti āha. Puññavā esa, yo macchakucchiyaṃ arogo vasi, posehi nanti.
ассоси ко ид̇арам̣ гулам̣ – ‘‘б̣аараан̣асияам̣ гира згам̣ сздтигулам̣ мажчагужчияам̣ д̣̇аарагам̣ лабхад̇ий’’д̇и, д̇з д̇ад̇т̇а аг̇амам̣су. ат̇асса маад̇аа д̣̇аарагам̣ алан̇гарид̇ваа гийл̣аабияамаанам̣ д̣̇исваава ‘‘манаабо вад̇ааяам̣ д̣̇аараго’’д̇и г̇анд̇ваа бавад̇им̣ аажигки. ид̇араа маяхам̣ буд̇д̇од̇иаад̣̇имааха. гахам̣ д̇з лад̣̇д̇ход̇и? мажчагужчияанд̇и. но д̇уяхам̣ буд̇д̇о, маяхам̣ буд̇д̇од̇и. гахам̣ д̇з лад̣̇д̇ход̇и? маяаа д̣̇асамаасз гужчияаа д̇хаарид̇о, ат̇а нам̣ над̣̇ияаа гийл̣аабияамаанам̣ мажчо г̇илийд̇и. д̇уяхам̣ буд̇д̇о ан̃н̃зна мажчзна г̇илид̇о бхависсад̇и, аяам̣ бана маяаа мажчагужчияам̣ лад̣̇д̇ход̇и, убхоби рааж̇агулам̣ аг̇амам̣су. рааж̇аа ааха – ‘‘аяам̣ д̣̇аса маасз гужчияаа д̇хаарид̇ад̇д̇аа амаад̇аа гаад̇ум̣ на саггаа, мажчам̣ г̇ан̣ханд̇ааби ваггаяаганаад̣̇ийни б̣ахи гад̇ваа г̇ан̣ханд̇аа наама над̇т̇ийд̇и мажчагужчияам̣ лад̣̇д̇хад̇д̇аа аяамби амаад̇аа гаад̇ум̣ на саггаа, д̣̇аараго убхиннамби гулаанам̣ д̣̇ааяаад̣̇о ход̇у, убхоби нам̣ ж̇аг̇г̇ат̇аа’’д̇и убхоби ж̇аг̇г̇им̣су.
Assosi kho itaraṃ kulaṃ – ‘‘bārāṇasiyaṃ kira ekaṃ seṭṭhikulaṃ macchakucchiyaṃ dārakaṃ labhatī’’ti, te tattha agamaṃsu. Athassa mātā dārakaṃ alaṅkaritvā kīḷāpiyamānaṃ disvāva ‘‘manāpo vatāyaṃ dārako’’ti gantvā pavatiṃ ācikkhi. Itarā mayhaṃ puttotiādimāha. Kahaṃ te laddhoti? Macchakucchiyanti. No tuyhaṃ putto, mayhaṃ puttoti. Kahaṃ te laddhoti? Mayā dasamāse kucchiyā dhārito, atha naṃ nadiyā kīḷāpiyamānaṃ maccho gilīti. Tuyhaṃ putto aññena macchena gilito bhavissati, ayaṃ pana mayā macchakucchiyaṃ laddhoti, ubhopi rājakulaṃ agamaṃsu. Rājā āha – ‘‘ayaṃ dasa māse kucchiyā dhāritattā amātā kātuṃ na sakkā, macchaṃ gaṇhantāpi vakkayakanādīni bahi katvā gaṇhantā nāma natthīti macchakucchiyaṃ laddhattā ayampi amātā kātuṃ na sakkā, dārako ubhinnampi kulānaṃ dāyādo hotu, ubhopi naṃ jaggathā’’ti ubhopi jaggiṃsu.
вин̃н̃уд̇ам̣ бад̇д̇асса д̣̇вийсуби наг̇арзсу баасаад̣̇ам̣ гаарзд̇ваа наадагаани бажжубадтаабзсум̣. згзгасмим̣ наг̇арз жад̇д̇ааро жад̇д̇ааро маасз васад̇и, згасмим̣ наг̇арз жад̇д̇ааро маасз вудтасса сан̇гхааданаавааяа ман̣д̣абам̣ гаарзд̇ваа д̇ад̇т̇а нам̣ сад̣̇д̇хим̣ наадагаахи ааробзнд̇и. со самбад̇д̇им̣ анубхавамаано ид̇арам̣ наг̇арам̣ г̇ажчад̇и. д̇ам̣наг̇араваасино наадагаани убад̣дхамаг̇г̇ам̣ аг̇амам̣су. д̇з бажжуг̇г̇анд̇ваа д̇ам̣ бариваарзд̇ваа ад̇д̇ано баасаад̣̇ам̣ наяанд̇и. ид̇араани наадагаани нивад̇д̇ид̇ваа ад̇д̇ано наг̇арамзва г̇ажчанд̇и. д̇ад̇т̇а жад̇д̇ааро маасз васид̇ваа д̇знзва нияаамзна буна ид̇арам̣ наг̇арам̣ г̇ажчад̇и. звамасса самбад̇д̇им̣ анубхаванд̇асса асийд̇и вассаани барибун̣н̣аани.
Viññutaṃ pattassa dvīsupi nagaresu pāsādaṃ kāretvā nāṭakāni paccupaṭṭhāpesuṃ. Ekekasmiṃ nagare cattāro cattāro māse vasati, ekasmiṃ nagare cattāro māse vuṭṭhassa saṅghāṭanāvāya maṇḍapaṃ kāretvā tattha naṃ saddhiṃ nāṭakāhi āropenti. So sampattiṃ anubhavamāno itaraṃ nagaraṃ gacchati. Taṃnagaravāsino nāṭakāni upaḍḍhamaggaṃ agamaṃsu. Te paccuggantvā taṃ parivāretvā attano pāsādaṃ nayanti. Itarāni nāṭakāni nivattitvā attano nagarameva gacchanti. Tattha cattāro māse vasitvā teneva niyāmena puna itaraṃ nagaraṃ gacchati. Evamassa sampattiṃ anubhavantassa asīti vassāni paripuṇṇāni.
ат̇а бхаг̇аваа жааригам̣ жарамаано б̣аараан̣асим̣ бад̇д̇о. со бхаг̇авад̇о санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇о. баб̣б̣аж̇ид̇ваа сад̇д̇аахамзва бут̇уж̇ж̇ано ахоси, адтамз бана со саха бадисамбхид̣̇аахи арахад̇д̇ам̣ баабун̣ийд̇и звамасса д̣̇вз гулаани ахзсум̣. д̇асмаа б̣аагулод̇и сан̇кам̣ аг̇амаасийд̇и.
Atha bhagavā cārikaṃ caramāno bārāṇasiṃ patto. So bhagavato santike dhammaṃ sutvā paṭiladdhasaddho pabbajito. Pabbajitvā sattāhameva puthujjano ahosi, aṭṭhame pana so saha paṭisambhidāhi arahattaṃ pāpuṇīti evamassa dve kulāni ahesuṃ. Tasmā bākuloti saṅkhaṃ agamāsīti.
бураан̣аг̇ихисахааяод̇и буб̣б̣з г̇ихигаалз сахааяо. аяамби д̣̇ийгхааяугова т̇зрам̣ баб̣б̣аж̇ид̇ам̣ бассид̇ум̣ г̇ажчанд̇о асийд̇имз вассз г̇ад̇о. мзт̇уно д̇хаммод̇и б̣аало наг̇г̇асаман̣аго б̣аалабужчам̣ бужчад̇и, на саасанаважанам̣, ид̣̇аани т̇зрзна д̣̇иннанаяз тид̇о имзхи бана д̇зд̇и бужчи.
Purāṇagihisahāyoti pubbe gihikāle sahāyo. Ayampi dīghāyukova theraṃ pabbajitaṃ passituṃ gacchanto asītime vasse gato. Methuno dhammoti bālo naggasamaṇako bālapucchaṃ pucchati, na sāsanavacanaṃ, idāni therena dinnanaye ṭhito imehi pana teti pucchi.
210. яам̣бааяасмаад̇иаад̣̇ийни бад̣̇аани саб̣б̣аваарзсу д̇хаммасан̇г̇аахагад̇т̇зрзхи нияамзд̇ваа табид̇аани. д̇ад̇т̇а сан̃н̃аа уббаннамад̇д̇аава, вид̇агго гаммабат̇абхзд̣̇агод̇и . т̇зро банааха – ‘‘гасмаа висум̣ гарот̇а, убхаяамбзд̇ам̣ гаммабат̇абхзд̣̇агамзваа’’д̇и.
210.Yaṃpāyasmātiādīni padāni sabbavāresu dhammasaṅgāhakattherehi niyametvā ṭhapitāni. Tattha saññā uppannamattāva, vitakko kammapathabhedakoti . Thero panāha – ‘‘kasmā visuṃ karotha, ubhayampetaṃ kammapathabhedakamevā’’ti.
211. г̇ахабад̇ижийваранд̇и вассааваасигам̣ жийварам̣. сад̇т̇знаад̇и бибпалагзна. суужияаад̇и суужим̣ г̇ахзд̇ваа сиб̣б̣ид̇абхаавам̣ на сараамийд̇и ад̇т̇о. гат̇инз жийваранд̇и гат̇инажийварам̣, гат̇инажийварамби хи вассааваасигаг̇ад̇игамзва. д̇асмаа д̇ад̇т̇а ‘‘сиб̣б̣ид̇аа наабхиж̇аанаамий’’д̇и ааха.
211.Gahapaticīvaranti vassāvāsikaṃ cīvaraṃ. Satthenāti pipphalakena. Sūciyāti sūciṃ gahetvā sibbitabhāvaṃ na sarāmīti attho. Kathine cīvaranti kathinacīvaraṃ, kathinacīvarampi hi vassāvāsikagatikameva. Tasmā tattha ‘‘sibbitā nābhijānāmī’’ti āha.
зд̇д̇агам̣ банасса гаалам̣ г̇ахабад̇ижийварам̣ асаад̣̇ияанд̇асса чинд̣̇анасиб̣б̣анаад̣̇ийни агаронд̇асса гуд̇о жийварам̣ уббаж̇ж̇ад̇ийд̇и. д̣̇вийхи наг̇арзхи. т̇зро хи махааяасассий, д̇асса буд̇д̇ад̇хийд̇аро над̇д̇абанад̇д̇агаа сукумасаадагзхи жийвараани гаарзд̇ваа раж̇аабзд̇ваа самуг̇г̇з багкибид̇ваа бахин̣анд̇и. т̇зрасса нхаанагаалз нхаанагодтагз табзнд̇и. т̇зро д̇аани ниваасзд̇и жзва баарубад̇и жа, бураан̣ажийвараани самбад̇д̇абаб̣б̣аж̇ид̇аанам̣ д̣̇зд̇и. т̇зро д̇аани ниваасзд̇ваа жа баарубид̇ваа жа навагаммам̣ на гарод̇и, гин̃жи ааяууханагаммам̣ над̇т̇и. паласамаабад̇д̇им̣ аббзд̇ваа аббзд̇ваа нисийд̣̇ад̇и. жад̇уусу маасзсу бад̇д̇зсу ломагилидтаани хонд̇и, ат̇асса буна д̇знзва нияаамзна бахин̣ид̇ваа д̣̇знд̇и. ад̣дхамаасз ад̣дхамаасз баривад̇д̇ад̇ийд̇иби вад̣̇анд̇иязва.
Ettakaṃ panassa kālaṃ gahapaticīvaraṃ asādiyantassa chindanasibbanādīni akarontassa kuto cīvaraṃ uppajjatīti. Dvīhi nagarehi. Thero hi mahāyasassī, tassa puttadhītaro nattapanattakā sukhumasāṭakehi cīvarāni kāretvā rajāpetvā samugge pakkhipitvā pahiṇanti. Therassa nhānakāle nhānakoṭṭhake ṭhapenti. Thero tāni nivāseti ceva pārupati ca, purāṇacīvarāni sampattapabbajitānaṃ deti. Thero tāni nivāsetvā ca pārupitvā ca navakammaṃ na karoti, kiñci āyūhanakammaṃ natthi. Phalasamāpattiṃ appetvā appetvā nisīdati. Catūsu māsesu pattesu lomakiliṭṭhāni honti, athassa puna teneva niyāmena pahiṇitvā denti. Aḍḍhamāse aḍḍhamāse parivattatītipi vadantiyeva.
анажчарияан̃жзд̇ам̣ т̇зрасса махаабун̃н̃асса махаабхин̃н̃асса сад̇асахассагаббз буурид̇абаарамисса, асогад̇хаммаран̃н̃о гулуубаго ниг̇род̇хад̇т̇зро д̣̇ивасасса нигкад̇д̇ум̣ жийварам̣ баривад̇д̇зси. д̇асса хи д̇ижийварам̣ хад̇т̇игканд̇хз табзд̇ваа бан̃жахи жа г̇анд̇хасамуг̇г̇асад̇зхи бан̃жахи жа маалаасамуг̇г̇асад̇зхи сад̣̇д̇хим̣ баад̇ова аахарияид̇т̇а, д̇ат̇аа д̣̇иваа жзва сааяан̃жа. рааж̇аа гира д̣̇ивасасса нигкад̇д̇ум̣ саадагз баривад̇д̇знд̇о ‘‘т̇зрасса жийварам̣ нийд̇а’’нд̇и бужчид̇ваа ‘‘аама нийд̇а’’нд̇и суд̇ваава баривад̇д̇зси. т̇зроби на бхан̣д̣игам̣ б̣анд̇хид̇ваа табзси, самбад̇д̇асаб̣рахмажаарийнам̣ ад̣̇ааси. д̇ад̣̇аа гира ж̇амб̣уд̣̇ийбз бхигкусан̇гхасса язбхуяязна ниг̇род̇хассзва санд̇агам̣ жийварам̣ ахоси.
Anacchariyañcetaṃ therassa mahāpuññassa mahābhiññassa satasahassakappe pūritapāramissa, asokadhammarañño kulūpako nigrodhatthero divasassa nikkhattuṃ cīvaraṃ parivattesi. Tassa hi ticīvaraṃ hatthikkhandhe ṭhapetvā pañcahi ca gandhasamuggasatehi pañcahi ca mālāsamuggasatehi saddhiṃ pātova āhariyittha, tathā divā ceva sāyañca. Rājā kira divasassa nikkhattuṃ sāṭake parivattento ‘‘therassa cīvaraṃ nīta’’nti pucchitvā ‘‘āma nīta’’nti sutvāva parivattesi. Theropi na bhaṇḍikaṃ bandhitvā ṭhapesi, sampattasabrahmacārīnaṃ adāsi. Tadā kira jambudīpe bhikkhusaṅghassa yebhuyyena nigrodhasseva santakaṃ cīvaraṃ ahosi.
ахо вад̇а мам̣ гожи ниманд̇зяяаад̇и гим̣ бана жид̇д̇асса ануббаад̣̇анам̣ бхаарияам̣, уббаннасса бахаананд̇и. жид̇д̇ам̣ наама лахугабаривад̇д̇ам̣, д̇асмаа ануббаад̣̇анам̣ бхаарияам̣ , уббаннасса бахаанамби бхаарияамзва . анд̇арагхарзд̇и махаасагулуд̣̇ааяисуд̇д̇з (ма. ни. 2.237) инд̣̇акийлад̇о бадтааяа анд̇арагхарам̣ наама ид̇ха нимб̣од̣̇агабад̇анадтаанам̣ ад̇хиббзд̇ам̣. гуд̇о банасса бхигкаа уббаж̇ж̇ид̇т̇аад̇и. т̇зро д̣̇вийсу наг̇арзсу абхин̃н̃аад̇о, г̇зхад̣̇ваарам̣ ааг̇ад̇ассзвасса бад̇д̇ам̣ г̇ахзд̇ваа наанаарасабхож̇анасса буурзд̇ваа д̣̇знд̇и. со лад̣̇д̇хадтаанад̇о нивад̇д̇ад̇и, бхад̇д̇агижжагаран̣адтаанам̣ банасса ниб̣ад̣̇д̇хамзва ахоси. ануб̣яан̃ж̇анасод̇и т̇зрзна гира руубз нимид̇д̇ам̣ г̇ахзд̇ваа маад̇уг̇аамо на ологид̇абуб̣б̣о. маад̇уг̇аамасса д̇хамманд̇и маад̇уг̇аамасса чаббан̃жаваажаахи д̇хаммам̣ д̣̇зсзд̇ум̣ ваддад̇и, бан̃хам̣ будтзна г̇аат̇аасахассамби вад̇д̇ум̣ ваддад̇иязва. т̇зро бана габбияамзва на агааси. язбхуяязна хи гулуубагат̇зраанамзд̇ам̣ гаммам̣ ход̇и. бхигкунубассаяанд̇и бхигкуниубассаяам̣. д̇ам̣ бана г̇илаанабужчагзна г̇анд̇ум̣ ваддад̇и, т̇зро бана габбияамзва на агааси. зса наяо саб̣б̣ад̇т̇а. жун̣н̣знаад̇и госамб̣ажун̣н̣аад̣̇инаа. г̇ад̇д̇абаригаммзд̇и сарийрасамб̣ааханагаммз. вижаарид̇аад̇и баяож̇аяид̇аа. г̇ад̣̇д̣̇ууханамад̇д̇анд̇и г̇аавим̣ т̇анз г̇ахзд̇ваа згам̣ кийраб̣инд̣̇ум̣ д̣̇ууханагааламад̇д̇амби.
Aho vata maṃ koci nimanteyyāti kiṃ pana cittassa anuppādanaṃ bhāriyaṃ, uppannassa pahānanti. Cittaṃ nāma lahukaparivattaṃ, tasmā anuppādanaṃ bhāriyaṃ , uppannassa pahānampi bhāriyameva . Antaraghareti mahāsakuludāyisutte (ma. ni. 2.237) indakhīlato paṭṭhāya antaragharaṃ nāma idha nimbodakapatanaṭṭhānaṃ adhippetaṃ. Kuto panassa bhikkhā uppajjitthāti. Thero dvīsu nagaresu abhiññāto, gehadvāraṃ āgatassevassa pattaṃ gahetvā nānārasabhojanassa pūretvā denti. So laddhaṭṭhānato nivattati, bhattakiccakaraṇaṭṭhānaṃ panassa nibaddhameva ahosi. Anubyañjanasoti therena kira rūpe nimittaṃ gahetvā mātugāmo na olokitapubbo. Mātugāmassa dhammanti mātugāmassa chappañcavācāhi dhammaṃ desetuṃ vaṭṭati, pañhaṃ puṭṭhena gāthāsahassampi vattuṃ vaṭṭatiyeva. Thero pana kappiyameva na akāsi. Yebhuyyena hi kulūpakatherānametaṃ kammaṃ hoti. Bhikkhunupassayanti bhikkhuniupassayaṃ. Taṃ pana gilānapucchakena gantuṃ vaṭṭati, thero pana kappiyameva na akāsi. Esa nayo sabbattha. Cuṇṇenāti kosambacuṇṇādinā. Gattaparikammeti sarīrasambāhanakamme. Vicāritāti payojayitā. Gaddūhanamattanti gāviṃ thane gahetvā ekaṃ khīrabinduṃ dūhanakālamattampi.
гзна бана гааран̣зна т̇зро нирааб̣аад̇хо ахоси. бад̣̇умуд̇д̇арз гира бхаг̇авад̇и сад̇асахассабхигкубариваарз жааригам̣ жарамаанз химавад̇и висаругкаа бубпим̣су. бхигкусад̇асахассаанамби д̇ин̣абубпагарог̇о уббаж̇ж̇ад̇и. т̇зро д̇асмим̣ самаяз ид̣̇д̇химаа д̇аабасо ход̇и, со аагаасзна г̇ажчанд̇о бхигкусан̇гхам̣ д̣̇исваа од̇арид̇ваа рог̇ам̣ бужчид̇ваа химаванд̇ад̇о осад̇хам̣ аахарид̇ваа ад̣̇ааси. убасин̇гханамад̇д̇знзва рог̇о вуубасами. гассабасаммаасамб̣уд̣̇д̇хагаалзби батамаваббад̣̇ивасз ваббам̣ табзд̇ваа бхигкусан̇гхасса барибхог̇ам̣ аг̇г̇исаалан̃жзва важжагудин̃жа гаарзд̇ваа бхигкусан̇гхасса бхзсаж̇ж̇авад̇д̇ам̣ ниб̣анд̇хи, иминаа гаммзна нирааб̣аад̇хо ахоси. уггадтанзсаж̇ж̇иго банзса уггадтааран̃н̃аго жа д̇асмаа ‘‘наабхиж̇аанаами абассзнагам̣ абассаяид̇аа’’д̇иаад̣̇имааха.
Kena pana kāraṇena thero nirābādho ahosi. Padumuttare kira bhagavati satasahassabhikkhuparivāre cārikaṃ caramāne himavati visarukkhā pupphiṃsu. Bhikkhusatasahassānampi tiṇapupphakarogo uppajjati. Thero tasmiṃ samaye iddhimā tāpaso hoti, so ākāsena gacchanto bhikkhusaṅghaṃ disvā otaritvā rogaṃ pucchitvā himavantato osadhaṃ āharitvā adāsi. Upasiṅghanamatteneva rogo vūpasami. Kassapasammāsambuddhakālepi paṭhamavappadivase vappaṃ ṭhapetvā bhikkhusaṅghassa paribhogaṃ aggisālañceva vaccakuṭiñca kāretvā bhikkhusaṅghassa bhesajjavattaṃ nibandhi, iminā kammena nirābādho ahosi. Ukkaṭṭhanesajjiko panesa ukkaṭṭhāraññako ca tasmā ‘‘nābhijānāmi apassenakaṃ apassayitā’’tiādimāha.
саран̣од̇и сагилзсо. ан̃н̃аа уд̣̇абаад̣̇ийд̇и анубасамбаннасса ан̃н̃ам̣ б̣яаагаад̇ум̣ на ваддад̇и. т̇зро гасмаа б̣яаагааси? на т̇зро ахам̣ арахаад̇и ааха, ан̃н̃аа уд̣̇абаад̣̇ийд̇и банааха. абижа т̇зро арахаад̇и баагадо, д̇асмаа звамааха.
Saraṇoti sakileso. Aññā udapādīti anupasampannassa aññaṃ byākātuṃ na vaṭṭati. Thero kasmā byākāsi? Na thero ahaṃ arahāti āha, aññā udapādīti panāha. Apica thero arahāti pākaṭo, tasmā evamāha.
212. баб̣б̣аж̇ж̇анд̇и т̇зро саяам̣ нзва баб̣б̣ааж̇зси, на убасамбаад̣̇зси ан̃н̃зхи бана бхигкуухи звам̣ гаараабзси. аваабуран̣ам̣ аад̣̇ааяаад̇и гун̃жигам̣ г̇ахзд̇ваа.
212.Pabbajjanti thero sayaṃ neva pabbājesi, na upasampādesi aññehi pana bhikkhūhi evaṃ kārāpesi. Avāpuraṇaṃ ādāyāti kuñcikaṃ gahetvā.
нисиннагова бариниб̣б̣ааяийд̇и ахам̣ д̇харамааноби на ан̃н̃асса бхигкусса бхааро ахосим̣, бариниб̣б̣уд̇ассааби мз сарийрам̣ бхигкусан̇гхасса балиб̣од̇хо маа ахосийд̇и д̇зж̇од̇хаад̇ум̣ самаабаж̇ж̇ид̇ваа бариниб̣б̣ааяи. сарийрад̇о ж̇аалаа удтахи, чавимам̣салохид̇ам̣ сабби вияа жхааяамаанам̣ баригкаяам̣ г̇ад̇ам̣, суманамагуласад̣̇исаа д̇хаад̇уяова авасзсим̣су. сзсам̣ саб̣б̣ад̇т̇а баагадамзва. ид̣̇ам̣ бана суд̇д̇ам̣ д̣̇уд̇ияасан̇г̇ахз сан̇г̇ийд̇анд̇и.
Nisinnakovaparinibbāyīti ahaṃ dharamānopi na aññassa bhikkhussa bhāro ahosiṃ, parinibbutassāpi me sarīraṃ bhikkhusaṅghassa palibodho mā ahosīti tejodhātuṃ samāpajjitvā parinibbāyi. Sarīrato jālā uṭṭhahi, chavimaṃsalohitaṃ sappi viya jhāyamānaṃ parikkhayaṃ gataṃ, sumanamakulasadisā dhātuyova avasesiṃsu. Sesaṃ sabbattha pākaṭameva. Idaṃ pana suttaṃ dutiyasaṅgahe saṅgītanti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
б̣аагуласуд̇д̇аван̣н̣анаа нидтид̇аа.
Bākulasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. б̣аагуласуд̇д̇ам̣ • 4. Bākulasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. б̣аагуласуд̇д̇аван̣н̣анаа • 4. Bākulasuttavaṇṇanā
