| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. б̣аагуласуд̇д̇аван̣н̣анаа
4. Bākulasuttavaṇṇanā
209. яат̇аа ‘‘д̣̇вад̇д̇им̣саа’’д̇и вад̇д̇аб̣б̣з д̣̇ви-сад̣̇д̣̇асса б̣аа-аад̣̇зсам̣ гад̇ваа б̣аад̇д̇им̣саад̇и вужжад̇и, звам̣ зд̇т̇а б̣аа-гаараад̣̇зсам̣ гад̇ваа б̣аагулод̇и саман̃н̃аа ахоси, сааяам̣ д̇асса анвад̇т̇асан̃н̃аад̇и д̣̇ассзд̇ум̣, ‘‘д̇асса хий’’д̇иаад̣̇и вуд̇д̇ам̣. сийсам̣ нхаабзд̇ваад̇и ман̇г̇алад̇т̇ам̣ махааг̇ан̇г̇ааяа сийсам̣ нхаабзд̇ваа. нимуж̇ж̇анавасзнаад̇и ж̇ан̣н̣убамаан̣з уд̣̇агз т̇огам̣язва нимуж̇ж̇анавасзна. чад̣д̣зд̇ваа балаад̇аа маран̣абхаяад̇аж̇ж̇ид̇аа. бахарияамаанаа маранд̇и, на ж̇аалзна б̣анд̇хид̇амад̇д̇зна. д̣̇аарагасса д̇зж̇знаад̇и д̣̇аарагасса бун̃н̃ад̇зж̇зна. нийхадамад̇д̇ова мад̇о, д̇асса маран̣ад̇т̇ам̣ убаггамо на гад̇о, язна убаггамзна д̣̇аарагасса б̣аад̇хо сияаа. д̇анд̇и мажчам̣. сагаламзваад̇и барибун̣н̣ааваяавамзва.
209. Yathā ‘‘dvattiṃsā’’ti vattabbe dvi-saddassa bā-ādesaṃ katvā bāttiṃsāti vuccati, evaṃ ettha bā-kārādesaṃ katvā bākuloti samaññā ahosi, sāyaṃ tassa anvatthasaññāti dassetuṃ, ‘‘tassa hī’’tiādi vuttaṃ. Sīsaṃ nhāpetvāti maṅgalatthaṃ mahāgaṅgāya sīsaṃ nhāpetvā. Nimujjanavasenāti jaṇṇupamāṇe udake thokaṃyeva nimujjanavasena. Chaḍḍetvā palātā maraṇabhayatajjitā. Pahariyamānā maranti, na jālena bandhitamattena. Dārakassa tejenāti dārakassa puññatejena. Nīhaṭamattova mato, tassa maraṇatthaṃ upakkamo na kato, yena upakkamena dārakassa bādho siyā. Tanti macchaṃ. Sakalamevāti paripuṇṇāvayavameva.
на гзлааяад̇ийд̇и на мамааяад̇и гисмин̃жи на ман̃н̃ад̇и. д̣̇аарагасса бун̃н̃ад̇зж̇зна бидтид̇о паалзнд̇ий. д̣̇аарагам̣ лабхад̇ийд̇и уг̇гхосанавасзна бхзрим̣ жараабзд̇ваа. бавад̇д̇им̣ аажигки, ад̇д̇ано буд̇д̇абхаавам̣ гат̇зси. гужчияаа д̇хаарид̇ад̇д̇аа амаад̇аа гаад̇ум̣ на саггаа ж̇ананийбхаавад̇о. мажчам̣ г̇ан̣ханд̇аабийд̇и мажчам̣ гин̣ид̇ваа г̇ан̣ханд̇ааби. д̇ат̇аа г̇ан̣ханд̇аа жа д̇аббарияаабаннам̣ саб̣б̣ам̣ г̇ан̣хаад̇и наамаад̇и ааха – ‘‘ваггаяаганаад̣̇ийни б̣ахи гад̇ваа г̇ан̣ханд̇аа наама над̇т̇ий’’д̇и. аяамби амаад̇аа гаад̇ум̣ на саггаа саамигабхаавад̇о. д̣̇аараго убхиннамби гулаанам̣ д̣̇ааяаад̣̇о ход̇у д̣̇виннам̣ буд̇д̇абхаавад̇о.
Na kelāyatīti na mamāyati kismiñci na maññati. Dārakassa puññatejena piṭṭhito phālentī. Dārakaṃ labhatīti ugghosanavasena bheriṃ carāpetvā. Pavattiṃ ācikkhi, attano puttabhāvaṃ kathesi. Kucchiyā dhāritattā amātā kātuṃ na sakkā jananībhāvato. Macchaṃ gaṇhantāpīti macchaṃ kiṇitvā gaṇhantāpi. Tathā gaṇhantā ca tappariyāpannaṃ sabbaṃ gaṇhāti nāmāti āha – ‘‘vakkayakanādīni bahi katvā gaṇhantā nāma natthī’’ti. Ayampi amātā kātuṃ na sakkā sāmikabhāvato. Dārako ubhinnampi kulānaṃ dāyādo hotu dvinnaṃ puttabhāvato.
асийд̇имзд̇и ж̇аад̇ияаа асийд̇имз вассз. баб̣б̣аж̇ж̇аамад̇д̇зна гилзсаанам̣ асамужчиж̇ж̇анад̇о вийд̇иггамид̇ум̣ гаамасан̃н̃аа уббаннабуб̣б̣аад̇и бужчаа бана бужчид̇аб̣б̣аа. д̇знааха – ‘‘зван̃жа ко мам̣, аавусо гассаба, бужчид̇аб̣б̣а’’нд̇и.
Asītimeti jātiyā asītime vasse. Pabbajjāmattena kilesānaṃ asamucchijjanato vītikkamituṃ kāmasaññā uppannapubbāti pucchā pana pucchitabbā. Tenāha – ‘‘evañca kho maṃ, āvuso kassapa, pucchitabba’’nti.
210. нияамзд̇ваад̇и д̇ам̣ д̇ам̣ваарз сзсаваарзна нияамзд̇ваа. гаммабат̇абхзд̣̇агод̇и гаммабат̇ависзсагаро. д̇ад̇т̇а гаамавид̇агго яат̇аа гааяаважийд̣̇ваарзсу жобанаббад̇д̇о гаммабат̇аббад̇д̇о наама ход̇и; манод̣̇ваарз барабхан̣д̣асса ад̇д̇ано барин̣ааманавасзна бавад̇д̇аабхиж̇жхаасахаг̇ад̇о; звам̣ гаамасан̃н̃аад̇и, д̇ат̇аа б̣яаабаад̣̇авихим̣саавид̇аггасан̃н̃аад̇и т̇зро, ‘‘убхаяамбзд̇ам̣ гаммабат̇абхзд̣̇агамзваа’’д̇и ааха. гаммабат̇ам̣ аббад̇д̇ам̣ сан̃н̃ам̣ санд̇хааяа, ‘‘сан̃н̃аа уббаннамад̇д̇ааваа’’д̇и вужжамаанз вид̇аггид̇амби самаанам̣ гаммабат̇ам̣ аббад̇д̇амзва, убхаяасса бана васзна суд̇д̇абад̣̇ам̣ бавад̇д̇анд̇и т̇зрасса ад̇хиббааяо.
210.Niyametvāti taṃ taṃvāre sesavārena niyametvā. Kammapathabhedakoti kammapathavisesakaro. Tattha kāmavitakko yathā kāyavacīdvāresu copanappatto kammapathappatto nāma hoti; manodvāre parabhaṇḍassa attano pariṇāmanavasena pavattaabhijjhāsahagato; evaṃ kāmasaññāti, tathā byāpādavihiṃsāvitakkasaññāti thero, ‘‘ubhayampetaṃ kammapathabhedakamevā’’ti āha. Kammapathaṃ appattaṃ saññaṃ sandhāya, ‘‘saññā uppannamattāvā’’ti vuccamāne vitakkitampi samānaṃ kammapathaṃ appattameva, ubhayassa pana vasena suttapadaṃ pavattanti therassa adhippāyo.
211. ааяууханагамманд̇и ад̇д̇анаа ааяуухид̇аб̣б̣агаммам̣. ломагилидтаанийд̇и гилидталомаани, гилидтам̣суунийд̇и ад̇т̇о. гимзвам̣ бхог̇зсу бараниммид̇абхавз васавад̇д̇ид̣̇зваанам̣ вияа саб̣б̣асо ааяууханагаммзна винаа ан̃н̃ассаби баб̣б̣аж̇ид̇асса бажжаяалаабхо д̣̇идтабуб̣б̣о суд̇абуб̣б̣од̇и ааха ‘‘анажчарияан̃жзд̇а’’нд̇и. гулуубагат̇зраанамзд̇ам̣ гаммам̣, т̇зро бана гад̣̇аажиби гулуубаго наахоси.
211.Āyūhanakammanti attanā āyūhitabbakammaṃ. Lomakiliṭṭhānīti kiliṭṭhalomāni, kiliṭṭhaṃsūnīti attho. Kimevaṃ bhogesu paranimmitabhave vasavattidevānaṃ viya sabbaso āyūhanakammena vinā aññassapi pabbajitassa paccayalābho diṭṭhapubbo sutapubboti āha ‘‘anacchariyañceta’’nti. Kulūpakatherānametaṃ kammaṃ, thero pana kadācipi kulūpako nāhosi.
г̇ад̣̇д̣̇уханамад̇д̇анд̇и г̇од̣̇уханамад̇д̇агаалам̣. ид̇ха бана сагало г̇од̣̇ухано ад̇хиббзд̇од̇и д̣̇ассзнд̇о, ‘‘г̇аавим̣…бз… гааламад̇д̇амбий’’д̇и ааха. ниб̣анд̇хийд̇и ниб̣ад̣̇д̇хад̣̇аад̇аб̣б̣ам̣ гад̇ваа табзси.
Gadduhanamattanti goduhanamattakālaṃ. Idha pana sakalo goduhano adhippetoti dassento, ‘‘gāviṃ…pe… kālamattampī’’ti āha. Nibandhīti nibaddhadātabbaṃ katvā ṭhapesi.
сагилзсабуг̇г̇аласса асзрибхаавагаран̣зна ран̣зна сад̣̇исад̇ааяа ран̣о, сам̣гилзсо. ан̃н̃аа уд̣̇абаад̣̇ийд̇и банааха, д̇асмаа арахад̇д̇ам̣ на бадин̃н̃аад̇анд̇и д̣̇ассзд̇и. нану д̇ат̇аа важанам̣ бадиж̇аананам̣ вияа ход̇ийд̇и ааха ‘‘абижаа’’д̇иаад̣̇и.
Sakilesapuggalassa aseribhāvakaraṇena raṇena sadisatāya raṇo, saṃkileso. Aññā udapādīti panāha, tasmā arahattaṃ na paṭiññātanti dasseti. Nanu tathā vacanaṃ paṭijānanaṃ viya hotīti āha ‘‘apicā’’tiādi.
212. аваабурад̇и д̣̇ваарам̣ зд̇знаад̇и аваабуран̣ам̣. батамасан̇г̇ахад̇о бажчаа д̣̇зсид̇ад̇д̇аа д̣̇уд̇ияасан̇г̇ахз сан̇г̇ид̇ам̣. сзсам̣ сувин̃н̃зяяамзва.
212. Avāpurati dvāraṃ etenāti avāpuraṇaṃ. Paṭhamasaṅgahato pacchā desitattā dutiyasaṅgahe saṅgitaṃ. Sesaṃ suviññeyyameva.
б̣аагуласуд̇д̇аван̣н̣анааяа лийнад̇т̇аббагаасанаа самад̇д̇аа.
Bākulasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. б̣аагуласуд̇д̇ам̣ • 4. Bākulasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. б̣аагуласуд̇д̇аван̣н̣анаа • 4. Bākulasuttavaṇṇanā
