| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
6. б̣аагулад̇т̇зраабад̣̇аанам̣
6. Bākulattheraapadānaṃ
386.
386.
‘‘химаванд̇ассаавид̣̇уурз , собхид̇о наама баб̣б̣ад̇о;
‘‘Himavantassāvidūre , sobhito nāma pabbato;
ассамо сугад̇о маяхам̣, сагасиссзхи маабид̇о.
Assamo sukato mayhaṃ, sakasissehi māpito.
387.
387.
‘‘ман̣д̣абаа жа б̣ахуу д̇ад̇т̇а, бубпид̇аа синд̣̇уваарагаа;
‘‘Maṇḍapā ca bahū tattha, pupphitā sinduvārakā;
габид̇т̇аа жа б̣ахуу д̇ад̇т̇а, бубпид̇аа ж̇ийваж̇ийвагаа 1.
Kapitthā ca bahū tattha, pupphitā jīvajīvakā 2.
388.
388.
‘‘ниг̇г̇ун̣д̣ияо б̣ахуу д̇ад̇т̇а, б̣ад̣̇араамалагаани жа;
‘‘Nigguṇḍiyo bahū tattha, badarāmalakāni ca;
паарусагаа алааб̣уу жа, бун̣д̣арийгаа жа бубпид̇аа.
Phārusakā alābū ca, puṇḍarīkā ca pupphitā.
389.
389.
‘‘аал̣агаа 3 б̣злуваа д̇ад̇т̇а, гад̣̇алий маад̇улун̇г̇агаа;
‘‘Āḷakā 4 beluvā tattha, kadalī mātuluṅgakā;
махаанаамаа б̣ахуу д̇ад̇т̇а, аж̇ж̇унаа жа бияан̇г̇угаа.
Mahānāmā bahū tattha, ajjunā ca piyaṅgukā.
390.
390.
‘‘госамб̣аа сал̣алаа нимб̣аа 5, ниг̇род̇хаа жа габид̇т̇анаа;
‘‘Kosambā saḷalā nimbā 6, nigrodhā ca kapitthanā;
зд̣̇исо ассамо маяхам̣, сасиссохам̣ д̇ахим̣ васим̣.
Ediso assamo mayhaṃ, sasissohaṃ tahiṃ vasiṃ.
391.
391.
‘‘аномад̣̇ассий бхаг̇аваа, саяамбхуу логанааяаго;
‘‘Anomadassī bhagavā, sayambhū lokanāyako;
г̇авзсам̣ бадисаллаанам̣, мамассамамубааг̇ами.
Gavesaṃ paṭisallānaṃ, mamassamamupāgami.
392.
392.
‘‘убзд̇амхи махаавийрз, аномад̣̇ассимахааяасз;
‘‘Upetamhi mahāvīre, anomadassimahāyase;
кан̣зна логанаат̇асса, ваад̇ааб̣аад̇хо самудтахи.
Khaṇena lokanāthassa, vātābādho samuṭṭhahi.
393.
393.
‘‘вижаранд̇о аран̃н̃амхи, ад̣̇д̣̇асам̣ логанааяагам̣;
‘‘Vicaranto araññamhi, addasaṃ lokanāyakaṃ;
убаг̇анд̇ваана самб̣уд̣̇д̇хам̣, жагкуманд̇ам̣ махааяасам̣.
Upagantvāna sambuddhaṃ, cakkhumantaṃ mahāyasaṃ.
394.
394.
‘‘ирияан̃жааби д̣̇исваана, убалагкзсахам̣ д̇ад̣̇аа;
‘‘Iriyañcāpi disvāna, upalakkhesahaṃ tadā;
асам̣саяан̃хи б̣уд̣̇д̇хасса, б̣яаад̇хи но уд̣̇абаж̇ж̇ат̇а.
Asaṃsayañhi buddhassa, byādhi no udapajjatha.
395.
395.
‘‘киббам̣ ассамамааг̇ан̃чим̣, мама сиссаана санд̇игз;
‘‘Khippaṃ assamamāgañchiṃ, mama sissāna santike;
бхзсаж̇ж̇ам̣ гад̇д̇угаамохам̣, сиссз ааманд̇аяим̣ д̇ад̣̇аа.
Bhesajjaṃ kattukāmohaṃ, sisse āmantayiṃ tadā.
396.
396.
‘‘бадиссун̣ид̇ваана мз ваагяам̣, сиссаа саб̣б̣з саг̇аараваа;
‘‘Paṭissuṇitvāna me vākyaṃ, sissā sabbe sagāravā;
згаж̇жхам̣ саннибад̇им̣су, сад̇т̇уг̇ааравад̇аа мама.
Ekajjhaṃ sannipatiṃsu, satthugāravatā mama.
397.
397.
‘‘киббам̣ баб̣б̣ад̇амааруяха, саб̣б̣осад̇хамахаасахам̣ 7;
‘‘Khippaṃ pabbatamāruyha, sabbosadhamahāsahaṃ 8;
баанийяаяог̇ам̣ 9 гад̇ваана, б̣уд̣̇д̇хасздтассад̣̇аасахам̣.
Pānīyayogaṃ 10 katvāna, buddhaseṭṭhassadāsahaṃ.
398.
398.
‘‘барибхуд̇д̇з махаавийрз, саб̣б̣ан̃н̃улоганааяагз;
‘‘Paribhutte mahāvīre, sabbaññulokanāyake;
киббам̣ ваад̇о вуубасами, суг̇ад̇асса махзсино.
Khippaṃ vāto vūpasami, sugatassa mahesino.
399.
399.
‘‘бассад̣̇д̇хам̣ д̣̇арат̇ам̣ д̣̇исваа, аномад̣̇ассий махааяасо;
‘‘Passaddhaṃ darathaṃ disvā, anomadassī mahāyaso;
сагаасанз нисийд̣̇ид̇ваа, имаа г̇аат̇аа абхаасат̇а.
Sakāsane nisīditvā, imā gāthā abhāsatha.
400.
400.
‘‘‘яо мз баад̣̇ааси бхзсаж̇ж̇ам̣, б̣яаад̇хин̃жа самаяий мама;
‘‘‘Yo me pādāsi bhesajjaṃ, byādhiñca samayī mama;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
401.
401.
‘‘‘габбасад̇асахассаани, д̣̇звалогз рамиссад̇и;
‘‘‘Kappasatasahassāni, devaloke ramissati;
ваад̣̇ид̇з д̇уурияз д̇ад̇т̇а, мод̣̇иссад̇и сад̣̇аа аяам̣.
Vādite tūriye tattha, modissati sadā ayaṃ.
402.
402.
‘‘‘мануссалогамааг̇анд̇ваа, суггамуулзна жод̣̇ид̇о;
‘‘‘Manussalokamāgantvā, sukkamūlena codito;
сахассагкад̇д̇ум̣ рааж̇аа жа, жаггавад̇д̇ий бхависсад̇и.
Sahassakkhattuṃ rājā ca, cakkavattī bhavissati.
403.
403.
‘‘‘бан̃жабан̃н̃аасагаббамхи, аномо наама кад̇д̇ияо;
‘‘‘Pañcapaññāsakappamhi, anomo nāma khattiyo;
жаад̇уранд̇о виж̇ид̇аавий, ж̇амб̣уман̣д̣асса 11 иссаро.
Cāturanto vijitāvī, jambumaṇḍassa 12 issaro.
404.
404.
‘‘‘сад̇д̇арад̇анасамбанно, жаггавад̇д̇ий махаб̣б̣ало;
‘‘‘Sattaratanasampanno, cakkavattī mahabbalo;
д̇аавад̇им̣сзби кобхзд̇ваа, иссарам̣ гаараяиссад̇и.
Tāvatiṃsepi khobhetvā, issaraṃ kārayissati.
405.
405.
‘‘‘д̣̇звабхууд̇о мануссо ваа, аббааб̣аад̇хо бхависсад̇и;
‘‘‘Devabhūto manusso vā, appābādho bhavissati;
бариг̇г̇ахам̣ виваж̇ж̇зд̇ваа, б̣яаад̇хим̣ логз д̇ариссад̇и.
Pariggahaṃ vivajjetvā, byādhiṃ loke tarissati.
406.
406.
‘‘‘аббаримзяяз ид̇о габбз, оггаагагуласамбхаво;
‘‘‘Apparimeyye ito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
407.
407.
‘‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘‘Tassa dhammesu dāyādo, oraso dhammanimmito;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
408.
408.
‘‘‘гилзсз жхаабаяид̇ваана, д̇ан̣хаасод̇ам̣ д̇ариссад̇и;
‘‘‘Kilese jhāpayitvāna, taṇhāsotaṃ tarissati;
409.
409.
‘‘‘ид̣̇ам̣ саб̣б̣ам̣ абхин̃н̃ааяа, г̇од̇амо сагяабун̇г̇аво;
‘‘‘Idaṃ sabbaṃ abhiññāya, gotamo sakyapuṅgavo;
бхигкусан̇гхз нисийд̣̇ид̇ваа, зд̇ад̣̇аг̇г̇з табзссад̇и’.
Bhikkhusaṅghe nisīditvā, etadagge ṭhapessati’.
410.
410.
‘‘аномад̣̇ассий бхаг̇аваа, саяамбхуу логанааяаго;
‘‘Anomadassī bhagavā, sayambhū lokanāyako;
вивзгаанувилогзнд̇о, мамассамамубааг̇ами.
Vivekānuvilokento, mamassamamupāgami.
411.
411.
‘‘убааг̇ад̇ам̣ махаавийрам̣, саб̣б̣ан̃н̃ум̣ логанааяагам̣;
‘‘Upāgataṃ mahāvīraṃ, sabbaññuṃ lokanāyakaṃ;
саб̣б̣осад̇хзна д̇аббзсим̣, басанно сзхи баан̣ибхи.
Sabbosadhena tappesiṃ, pasanno sehi pāṇibhi.
412.
412.
‘‘д̇асса мз сугад̇ам̣ гаммам̣, сукзд̇д̇з б̣ийж̇асамбад̣̇аа;
‘‘Tassa me sukataṃ kammaṃ, sukhette bījasampadā;
кзбзд̇ум̣ нзва саггоми, д̇ад̣̇аа хи сугад̇ам̣ мама.
Khepetuṃ neva sakkomi, tadā hi sukataṃ mama.
413.
413.
‘‘лаабхаа мама сулад̣̇д̇хам̣ мз, яохам̣ ад̣̇д̣̇агки нааяагам̣;
‘‘Lābhā mama suladdhaṃ me, yohaṃ addakkhi nāyakaṃ;
д̇зна гаммаавасзсзна, бад̇д̇омхи ажалам̣ бад̣̇ам̣.
Tena kammāvasesena, pattomhi acalaṃ padaṃ.
414.
414.
‘‘саб̣б̣амзд̇ам̣ абхин̃н̃ааяа, г̇од̇амо сагяабун̇г̇аво;
‘‘Sabbametaṃ abhiññāya, gotamo sakyapuṅgavo;
бхигкусан̇гхз нисийд̣̇ид̇ваа, зд̇ад̣̇аг̇г̇з табзси мам̣.
Bhikkhusaṅghe nisīditvā, etadagge ṭhapesi maṃ.
415.
415.
‘‘абаримзяяз ид̇о габбз, яам̣ гаммамагарим̣ д̇ад̣̇аа;
‘‘Aparimeyye ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, бхзсаж̇ж̇асса ид̣̇ам̣ палам̣.
Duggatiṃ nābhijānāmi, bhesajjassa idaṃ phalaṃ.
416.
416.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
саб̣б̣аасаваа баригкийн̣аа, над̇т̇и д̣̇аани бунаб̣бхаво.
Sabbāsavā parikkhīṇā, natthi dāni punabbhavo.
417.
417.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
418.
418.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа б̣аагуло 15 т̇зро имаа г̇аат̇ааяо абхаасид̇т̇аад̇и;
Itthaṃ sudaṃ āyasmā bākulo 16 thero imā gāthāyo abhāsitthāti;
б̣аагулад̇т̇зрассаабад̣̇аанам̣ чадтам̣.
Bākulattherassāpadānaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 6. б̣аагулад̇т̇зраабад̣̇аанаван̣н̣анаа • 6. Bākulattheraapadānavaṇṇanā
