| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
6. பா³குலத்தே²ரஅபதா³னவண்ணனா
6. Bākulattheraapadānavaṇṇanā
ச²ட்டா²பதா³னே ஹிமவந்தஸ்ஸாவிதூ³ரேதிஆதி³கங் பா³குலத்தே²ரஸ்ஸ அபதா³னங். அயங் கிர தே²ரோ அதீதே இதோ கப்பஸதஸஹஸ்ஸாதி⁴கஸ்ஸ அஸங்க்²யெய்யஸ்ஸ மத்த²கே அனோமத³ஸ்ஸிஸ்ஸ ப⁴க³வதோ உப்பத்திதோ புரேதரமேவ ப்³ராஹ்மணகுலே நிப்³ப³த்தித்வா வயப்பத்தோ தயோ வேதே³ உக்³க³ண்ஹித்வா தத்த² ஸாரங் அபஸ்ஸந்தோ ‘‘ஸம்பராயிகத்த²ங் க³வேஸிஸ்ஸாமீ’’தி இஸிபப்³ப³ஜ்ஜங் பப்³ப³ஜித்வா பப்³ப³தபாதே³ விஹரந்தோ பஞ்சாபி⁴ஞ்ஞாஅட்ட²ஸமாபத்தீனங் லாபீ⁴ ஹுத்வா விஹரந்தோ பு³த்³து⁴ப்பாத³ங் ஸுத்வா ஸத்து² ஸந்திகங் க³ந்த்வா த⁴ம்மங் ஸுத்வா ஸரணேஸு பதிட்டி²தோ ஸத்து² வாதாபா³தே⁴ உப்பன்னே அரஞ்ஞதோ பே⁴ஸஜ்ஜானி ஆனெத்வா தங் வூபஸமெத்வா தங் புஞ்ஞங் ஆரொக்³யத்தா²ய பரிணாமெத்வா ததோ சுதோ ப்³ரஹ்மலோகே நிப்³ப³த்தோ ஏகங் அஸங்க்²யெய்யங் தே³வமனுஸ்ஸேஸு ஸங்ஸரந்தோ பது³முத்தரபு³த்³த⁴காலே ஹங்ஸவதீனக³ரே ஏகஸ்மிங் குலே நிப்³ப³த்தோ விஞ்ஞுதங் பத்வா ஸத்து² த⁴ம்மதே³ஸனங் ஸுத்வா ஸத்தா²ரங் ஏகங் பி⁴க்கு²ங் அப்பாபா³தா⁴னங் அக்³க³ட்டா²னே ட²பெந்தங் தி³ஸ்வா ஸயங் தங் டா²னந்தரங் ஆகங்க²ந்தோ பணிதா⁴னங் கத்வா யாவஜீவங் குஸலகம்மங் உபசினித்வா ஸுக³தீஸுயேவ ஸங்ஸரந்தோ விபஸ்ஸிஸ்ஸ ப⁴க³வதோ உப்பத்திதோ புரேதரமேவ ப³ந்து⁴மதீனக³ரே ப்³ராஹ்மணகுலே நிப்³ப³த்தோ ஸப்³ப³ஸிப்பேஸு நிப்ப²த்திங் பத்தோ தத்த² ஸாரங் அபஸ்ஸந்தோ இஸிபப்³ப³ஜ்ஜங் பப்³ப³ஜித்வா ஜா²னாபி⁴ஞ்ஞாலாபீ⁴ ஹுத்வா பப்³ப³தபாதே³ வஸந்தோ பு³த்³து⁴ப்பாத³ங் ஸுத்வா ஸத்து² ஸந்திகங் க³ந்த்வா ஸரணேஸு பதிட்டா²ய பி⁴க்கூ²னங் திணபுப்ப²கரோகே³ உப்பன்னே தங் வூபஸமெத்வா தத்த² யாவதாயுகங் ட²த்வா ததோ சுதோ ப்³ரஹ்மலோகே நிப்³ப³த்தித்வா ததோ ஏகனவுதிகப்பே தே³வமனுஸ்ஸேஸு ஸங்ஸரந்தோ கஸ்ஸபஸ்ஸ ப⁴க³வதோ காலே பா³ராணஸியங் குலகே³ஹே நிப்³ப³த்தித்வா க⁴ராவாஸங் வஸந்தோ ஏகங் ஜிண்ணங் வினஸ்ஸமானங் மஹாவிஹாரங் தி³ஸ்வா தத்த² உபோஸதா²கா³ராதி³கங் ஸப்³ப³ங் ஆவஸத²ங் காராபெத்வா தத்த² பி⁴க்கு²ஸங்க⁴ஸ்ஸ ஸப்³ப³ங் பே⁴ஸஜ்ஜங் படியாதெ³த்வா யாவஜீவங் குஸலங் கத்வா ஏகங் பு³த்³த⁴ந்தரங் தே³வமனுஸ்ஸேஸு ஸங்ஸரந்தோ அம்ஹாகங் ப⁴க³வதோ உப்பத்திதோ புரேதரமேவ கோஸம்பி³யங் ஸெட்டி²குலே நிப்³ப³த்தி.
Chaṭṭhāpadāne himavantassāvidūretiādikaṃ bākulattherassa apadānaṃ. Ayaṃ kira thero atīte ito kappasatasahassādhikassa asaṅkhyeyyassa matthake anomadassissa bhagavato uppattito puretarameva brāhmaṇakule nibbattitvā vayappatto tayo vede uggaṇhitvā tattha sāraṃ apassanto ‘‘samparāyikatthaṃ gavesissāmī’’ti isipabbajjaṃ pabbajitvā pabbatapāde viharanto pañcābhiññāaṭṭhasamāpattīnaṃ lābhī hutvā viharanto buddhuppādaṃ sutvā satthu santikaṃ gantvā dhammaṃ sutvā saraṇesu patiṭṭhito satthu vātābādhe uppanne araññato bhesajjāni ānetvā taṃ vūpasametvā taṃ puññaṃ ārogyatthāya pariṇāmetvā tato cuto brahmaloke nibbatto ekaṃ asaṅkhyeyyaṃ devamanussesu saṃsaranto padumuttarabuddhakāle haṃsavatīnagare ekasmiṃ kule nibbatto viññutaṃ patvā satthu dhammadesanaṃ sutvā satthāraṃ ekaṃ bhikkhuṃ appābādhānaṃ aggaṭṭhāne ṭhapentaṃ disvā sayaṃ taṃ ṭhānantaraṃ ākaṅkhanto paṇidhānaṃ katvā yāvajīvaṃ kusalakammaṃ upacinitvā sugatīsuyeva saṃsaranto vipassissa bhagavato uppattito puretarameva bandhumatīnagare brāhmaṇakule nibbatto sabbasippesu nipphattiṃ patto tattha sāraṃ apassanto isipabbajjaṃ pabbajitvā jhānābhiññālābhī hutvā pabbatapāde vasanto buddhuppādaṃ sutvā satthu santikaṃ gantvā saraṇesu patiṭṭhāya bhikkhūnaṃ tiṇapupphakaroge uppanne taṃ vūpasametvā tattha yāvatāyukaṃ ṭhatvā tato cuto brahmaloke nibbattitvā tato ekanavutikappe devamanussesu saṃsaranto kassapassa bhagavato kāle bārāṇasiyaṃ kulagehe nibbattitvā gharāvāsaṃ vasanto ekaṃ jiṇṇaṃ vinassamānaṃ mahāvihāraṃ disvā tattha uposathāgārādikaṃ sabbaṃ āvasathaṃ kārāpetvā tattha bhikkhusaṅghassa sabbaṃ bhesajjaṃ paṭiyādetvā yāvajīvaṃ kusalaṃ katvā ekaṃ buddhantaraṃ devamanussesu saṃsaranto amhākaṃ bhagavato uppattito puretarameva kosambiyaṃ seṭṭhikule nibbatti.
ஸோ மாதுகுச்சி²தோ நிக்க²மித்வா தா⁴தீஹி அரோக³பா⁴வாய யமுனாயங் ந்ஹாபியமானோ தாஸங் ஹத்த²தோ முச்சித்வா மச்சே²ன கி³லிதோ அஹோஸி. கேவட்டா தங் மச்ச²ங் ஜாலாய க³ஹெத்வா பா³ராணஸியங் ஸெட்டி²ப⁴ரியாய விக்கிணிங்ஸு. ஸா தங் க³ஹெத்வா பா²லயமானா புப்³பே³ கதபுஞ்ஞப²லேன அரோக³ங் தா³ரகங் தி³ஸ்வா ‘‘புத்தோ மே லத்³தோ⁴’’தி க³ஹெத்வா போஸேஸி. ஸோ ஜனகேஹி மாதாபிதூஹி தங் பவத்திங் ஸுத்வா ஆக³ந்த்வா ‘‘அயங் அம்ஹாகங் புத்தோ, தே³த² நோ புத்த’’ந்தி அனுயோகே³ கதே ரஞ்ஞா ‘‘உப⁴யேஸம்பி ஸாதா⁴ரணோ ஹோதூ’’தி த்³வின்னங் குலானங் தா³யாத³பா⁴வேன வினிச்ச²யங் கத்வா ட²பிதத்தா பா³குலோதி லத்³த⁴னாமோ வயப்பத்தோ மஹாஸம்பத்திங் அனுப⁴வந்தோ த்³வீஸு ஸெட்டி²குலேஸு ஏகேகஸ்மிங் ச²மாஸங் ச²மாஸங் வஸதி. தே அத்தனோ வாரே ஸம்பத்தே நாவாஸங்கா⁴டங் ப³ந்தி⁴த்வா தத்ரூபரி ரதனமண்ட³பங் காரெத்வா பஞ்சங்கி³கதூரியே நிப்பா²தெ³த்வா குமாரங் தத்த² நிஸீதா³பெத்வா உப⁴யனக³ரமஜ்ஜ²ட்டா²னங் க³ங்கா³ய ஆக³ச்ச²ந்தி, அபரஸெட்டி²மனுஸ்ஸாபி ஏவமேவ ஸஜ்ஜெத்வா தங் டா²னங் க³ந்த்வா குமாரங் தத்த² ஆரோபெத்வா க³ச்ச²ந்தி. ஸோ ஏவங் வட்³ட⁴மானோ ஆஸீதிகோ ஹுத்வா உப⁴யஸெட்டி²புத்தோதி பாகடோ. ஸத்து² ஸந்திகங் க³ந்த்வா த⁴ம்மங் ஸுத்வா படிலத்³த⁴ஸத்³தோ⁴ பப்³ப³ஜித்வா ஸத்தாஹங் வாயமந்தோ அட்ட²மே தி³வஸே ஸஹ படிஸம்பி⁴தா³ய அரஹத்தங் பாபுணி.
So mātukucchito nikkhamitvā dhātīhi arogabhāvāya yamunāyaṃ nhāpiyamāno tāsaṃ hatthato muccitvā macchena gilito ahosi. Kevaṭṭā taṃ macchaṃ jālāya gahetvā bārāṇasiyaṃ seṭṭhibhariyāya vikkiṇiṃsu. Sā taṃ gahetvā phālayamānā pubbe katapuññaphalena arogaṃ dārakaṃ disvā ‘‘putto me laddho’’ti gahetvā posesi. So janakehi mātāpitūhi taṃ pavattiṃ sutvā āgantvā ‘‘ayaṃ amhākaṃ putto, detha no putta’’nti anuyoge kate raññā ‘‘ubhayesampi sādhāraṇo hotū’’ti dvinnaṃ kulānaṃ dāyādabhāvena vinicchayaṃ katvā ṭhapitattā bākuloti laddhanāmo vayappatto mahāsampattiṃ anubhavanto dvīsu seṭṭhikulesu ekekasmiṃ chamāsaṃ chamāsaṃ vasati. Te attano vāre sampatte nāvāsaṅghāṭaṃ bandhitvā tatrūpari ratanamaṇḍapaṃ kāretvā pañcaṅgikatūriye nipphādetvā kumāraṃ tattha nisīdāpetvā ubhayanagaramajjhaṭṭhānaṃ gaṅgāya āgacchanti, aparaseṭṭhimanussāpi evameva sajjetvā taṃ ṭhānaṃ gantvā kumāraṃ tattha āropetvā gacchanti. So evaṃ vaḍḍhamāno āsītiko hutvā ubhayaseṭṭhiputtoti pākaṭo. Satthu santikaṃ gantvā dhammaṃ sutvā paṭiladdhasaddho pabbajitvā sattāhaṃ vāyamanto aṭṭhame divase saha paṭisambhidāya arahattaṃ pāpuṇi.
386. ஸோ அரஹா ஹுத்வா அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ ஹிமவந்தஸ்ஸாவிதூ³ரேதிஆதி³மாஹ. தஸ்ஸத்தோ² ஹெட்டா² வுத்தோவ. அபதா³னபாளிஅத்தோ²பி ஸுவிஞ்ஞெய்யோவ. ஸோ அரஹத்தங் பத்வா விமுத்திஸுகே²ன விஹரந்தோ ஸட்டி²வஸ்ஸஸதாயுகோ ஹுத்வா பரினிப்³பா³யீதி.
386. So arahā hutvā attano pubbakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Tassattho heṭṭhā vuttova. Apadānapāḷiatthopi suviññeyyova. So arahattaṃ patvā vimuttisukhena viharanto saṭṭhivassasatāyuko hutvā parinibbāyīti.
பா³குலத்தே²ரஅபதா³னவண்ணனா ஸமத்தா.
Bākulattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 6. பா³குலத்தே²ரஅபதா³னங் • 6. Bākulattheraapadānaṃ
