| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. б̣аагулад̇т̇зраг̇аат̇ааван̣н̣анаа
3. Bākulattheragāthāvaṇṇanā
яо буб̣б̣з гаран̣ийяаанийд̇и ааяасмад̇о б̣аагулад̇т̇зрасса г̇аат̇аа. гаа уббад̇д̇и? аяамби гира ад̇ийд̇з ид̇о габбасад̇асахассаад̇хигасса асан̇кязяяасса мад̇т̇агз аномад̣̇ассисса бхаг̇авад̇о уббад̇д̇ид̇о бурзд̇арамзва б̣раахман̣агулз ниб̣б̣ад̇д̇ид̇ваа ваяаббад̇д̇о д̇аяо взд̣̇з уг̇г̇ахзд̇ваа д̇ад̇т̇а саарам̣ абассанд̇о ‘‘самбарааяигад̇т̇ам̣ г̇авзсиссаамий’’д̇и исибаб̣б̣аж̇ж̇ам̣ баб̣б̣аж̇ид̇ваа баб̣б̣ад̇абаад̣̇з вихаранд̇о бан̃жаабхин̃н̃ааадтасамаабад̇д̇илаабхий худ̇ваа вихаранд̇о б̣уд̣̇д̇хуббаад̣̇ам̣ суд̇ваа сад̇т̇у санд̇игам̣ г̇анд̇ваа д̇хаммам̣ суд̇ваа саран̣зсу бад̇идтид̇о сад̇т̇у уд̣̇арааб̣аад̇хз уббаннз аран̃н̃ад̇о бхзсаж̇ж̇аани аахарид̇ваа д̇ам̣ вуубасамзд̇ваа д̇ад̇т̇а бун̃н̃ам̣ аарог̇яад̇т̇ааяа барин̣аамзд̇ваа д̇ад̇о жуд̇о б̣рахмалогз ниб̣б̣ад̇д̇ид̇ваа згам̣ асан̇кязяяам̣ д̣̇звамануссзсу сам̣саранд̇о бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз ниб̣б̣ад̇д̇о сад̇т̇аарам̣ згам̣ бхигкум̣ аббааб̣аад̇хаанам̣ аг̇г̇адтаанз табзнд̇ам̣ д̣̇исваа саяам̣ д̇ам̣ таананд̇арам̣ ааган̇канд̇о бан̣ид̇хаанам̣ гад̇ваа яааваж̇ийвам̣ гусалам̣ убажинид̇ваа суг̇ад̇ийсуязва сам̣саранд̇о вибассисса бхаг̇авад̇о ниб̣б̣ад̇д̇ид̇о бурзд̇арамзва б̣анд̇хумад̇ийнаг̇арз б̣раахман̣агулз ниб̣б̣ад̇д̇о буриманаязнзва исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃аалаабхий худ̇ваа баб̣б̣ад̇абаад̣̇з васанд̇о б̣уд̣̇д̇хуббаад̣̇ам̣ суд̇ваа сад̇т̇у санд̇игам̣ г̇анд̇ваа д̇хаммам̣ суд̇ваа саран̣зсу бад̇идтид̇о бхигкуунам̣ д̇ин̣абубпагарог̇з уббаннз д̇ам̣ вуубасамзд̇ваа д̇ад̇т̇а яаавад̇ааяугам̣ тад̇ваа д̇ад̇о жуд̇о б̣рахмалогз ниб̣б̣ад̇д̇ид̇ваа зганавуд̇игаббз д̣̇звамануссзсу сам̣саранд̇о гассабасса бхаг̇авад̇о гаалз б̣аараан̣асияам̣ гулаг̇зхз ниб̣б̣ад̇д̇ид̇ваа гхарааваасам̣ васанд̇о згам̣ ж̇ин̣н̣ам̣ винассамаанам̣ махаавихаарам̣ д̣̇исваа д̇ад̇т̇а убосат̇ааг̇аараад̣̇игам̣ саб̣б̣ам̣ аавасат̇ам̣ гаарзд̇ваа д̇ад̇т̇а бхигкусан̇гхасса саб̣б̣ам̣ бхзсаж̇ж̇ам̣ бадияаад̣̇зд̇ваа яааваж̇ийвам̣ гусалам̣ гад̇ваа згам̣ б̣уд̣̇д̇ханд̇арам̣ д̣̇звамануссзсу сам̣саранд̇о амхаагам̣ бхаг̇авад̇о уббад̇д̇ид̇о бурзд̇арамзва госамб̣ияам̣ сздтиг̇зхз ниб̣б̣ад̇д̇и. со арог̇абхаавааяа махааяамунааяа нхаабияамаано д̇хаад̇ияаа хад̇т̇ад̇о мажчзна г̇илид̇о мажчз гзваддахад̇т̇аг̇ад̇з б̣аараан̣асисздтибхарияааяа виггин̣ид̇ваа г̇ахид̇з паалияамаанзби бун̃н̃аб̣алзна арог̇оязва худ̇ваа д̇ааяа буд̇д̇од̇и г̇ахзд̇ваа босияамаано д̇ам̣ бавад̇д̇им̣ суд̇ваа ж̇анагзхи маад̇аабид̇уухи ‘‘аяам̣ амхаагам̣ буд̇д̇о, д̣̇зт̇а но буд̇д̇а’’нд̇и ануяог̇з гад̇з ран̃н̃аа ‘‘убхаязсамби саад̇хааран̣о ход̇уу’’д̇и д̣̇виннам̣ гулаанам̣ д̣̇ааяаад̣̇абхаавзна винижчаяам̣ гад̇ваа табид̇ад̇д̇аа б̣аагулод̇и лад̣̇д̇ханаамо ваяаббад̇д̇о худ̇ваа махад̇им̣ самбад̇д̇им̣ анубхаванд̇о аасийд̇иго худ̇ваа сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа сад̇д̇аахамзва бут̇уж̇ж̇ано ахоси, адтамз арун̣з саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.40.386-411) –
Yopubbe karaṇīyānīti āyasmato bākulattherassa gāthā. Kā uppatti? Ayampi kira atīte ito kappasatasahassādhikassa asaṅkhyeyyassa matthake anomadassissa bhagavato uppattito puretarameva brāhmaṇakule nibbattitvā vayappatto tayo vede uggahetvā tattha sāraṃ apassanto ‘‘samparāyikatthaṃ gavesissāmī’’ti isipabbajjaṃ pabbajitvā pabbatapāde viharanto pañcābhiññāaṭṭhasamāpattilābhī hutvā viharanto buddhuppādaṃ sutvā satthu santikaṃ gantvā dhammaṃ sutvā saraṇesu patiṭṭhito satthu udarābādhe uppanne araññato bhesajjāni āharitvā taṃ vūpasametvā tattha puññaṃ ārogyatthāya pariṇāmetvā tato cuto brahmaloke nibbattitvā ekaṃ asaṅkhyeyyaṃ devamanussesu saṃsaranto padumuttarabuddhakāle haṃsavatīnagare kulagehe nibbatto satthāraṃ ekaṃ bhikkhuṃ appābādhānaṃ aggaṭṭhāne ṭhapentaṃ disvā sayaṃ taṃ ṭhānantaraṃ ākaṅkhanto paṇidhānaṃ katvā yāvajīvaṃ kusalaṃ upacinitvā sugatīsuyeva saṃsaranto vipassissa bhagavato nibbattito puretarameva bandhumatīnagare brāhmaṇakule nibbatto purimanayeneva isipabbajjaṃ pabbajitvā jhānābhiññālābhī hutvā pabbatapāde vasanto buddhuppādaṃ sutvā satthu santikaṃ gantvā dhammaṃ sutvā saraṇesu patiṭṭhito bhikkhūnaṃ tiṇapupphakaroge uppanne taṃ vūpasametvā tattha yāvatāyukaṃ ṭhatvā tato cuto brahmaloke nibbattitvā ekanavutikappe devamanussesu saṃsaranto kassapassa bhagavato kāle bārāṇasiyaṃ kulagehe nibbattitvā gharāvāsaṃ vasanto ekaṃ jiṇṇaṃ vinassamānaṃ mahāvihāraṃ disvā tattha uposathāgārādikaṃ sabbaṃ āvasathaṃ kāretvā tattha bhikkhusaṅghassa sabbaṃ bhesajjaṃ paṭiyādetvā yāvajīvaṃ kusalaṃ katvā ekaṃ buddhantaraṃ devamanussesu saṃsaranto amhākaṃ bhagavato uppattito puretarameva kosambiyaṃ seṭṭhigehe nibbatti. So arogabhāvāya mahāyamunāya nhāpiyamāno dhātiyā hatthato macchena gilito macche kevaṭṭahatthagate bārāṇasiseṭṭhibhariyāya vikkiṇitvā gahite phāliyamānepi puññabalena arogoyeva hutvā tāya puttoti gahetvā posiyamāno taṃ pavattiṃ sutvā janakehi mātāpitūhi ‘‘ayaṃ amhākaṃ putto, detha no putta’’nti anuyoge kate raññā ‘‘ubhayesampi sādhāraṇo hotū’’ti dvinnaṃ kulānaṃ dāyādabhāvena vinicchayaṃ katvā ṭhapitattā bākuloti laddhanāmo vayappatto hutvā mahatiṃ sampattiṃ anubhavanto āsītiko hutvā satthu santike dhammaṃ sutvā paṭiladdhasaddho pabbajitvā sattāhameva puthujjano ahosi, aṭṭhame aruṇe saha paṭisambhidāhi arahattaṃ pāpuṇi. Tena vuttaṃ apadāne (apa. thera 1.40.386-411) –
‘‘химаванд̇ассаавид̣̇уурз , собхид̇о наама баб̣б̣ад̇о;
‘‘Himavantassāvidūre , sobhito nāma pabbato;
ассамо сугад̇о маяхам̣, сагасиссзхи маабид̇о.
Assamo sukato mayhaṃ, sakasissehi māpito.
‘‘ман̣д̣абаа жа б̣ахуу д̇ад̇т̇а, бубпид̇аа синд̇хуваарагаа;
‘‘Maṇḍapā ca bahū tattha, pupphitā sindhuvārakā;
габид̇т̇аа жа б̣ахуу д̇ад̇т̇а, бубпид̇аа ж̇ийваж̇ийвагаа.
Kapitthā ca bahū tattha, pupphitā jīvajīvakā.
‘‘ниг̇г̇ун̣д̣ияо б̣ахуу д̇ад̇т̇а, б̣ад̣̇араамалагаани жа;
‘‘Nigguṇḍiyo bahū tattha, badarāmalakāni ca;
паарусагаа алааб̣уу жа, бун̣д̣арийгаа жа бубпид̇аа.
Phārusakā alābū ca, puṇḍarīkā ca pupphitā.
‘‘аал̣агаа б̣злуваа д̇ад̇т̇а, гад̣̇алий маад̇улун̇г̇агаа;
‘‘Āḷakā beluvā tattha, kadalī mātuluṅgakā;
махаанаамаа б̣ахуу д̇ад̇т̇а, аж̇ж̇унаа жа бияан̇г̇угаа.
Mahānāmā bahū tattha, ajjunā ca piyaṅgukā.
‘‘госамб̣аа сал̣алаа нимб̣аа, ниг̇род̇хаа жа габид̇т̇анаа;
‘‘Kosambā saḷalā nimbā, nigrodhā ca kapitthanā;
зд̣̇исо ассамо маяхам̣, сасиссохам̣ д̇ахим̣ васим̣.
Ediso assamo mayhaṃ, sasissohaṃ tahiṃ vasiṃ.
‘‘аномад̣̇ассий бхаг̇аваа, саяамбхуу логанааяаго;
‘‘Anomadassī bhagavā, sayambhū lokanāyako;
г̇авзсам̣ бадисаллаанам̣, мамассамамубааг̇ами.
Gavesaṃ paṭisallānaṃ, mamassamamupāgami.
‘‘убзд̇амхи махаавийрз, аномад̣̇ассимахааяасз;
‘‘Upetamhi mahāvīre, anomadassimahāyase;
кан̣зна логанаат̇асса, ваад̇ааб̣аад̇хо самудтахи.
Khaṇena lokanāthassa, vātābādho samuṭṭhahi.
‘‘вижаранд̇о аран̃н̃амхи, ад̣̇д̣̇асам̣ логанааяагам̣;
‘‘Vicaranto araññamhi, addasaṃ lokanāyakaṃ;
убаг̇анд̇ваана самб̣уд̣̇д̇хам̣, жагкуманд̇ам̣ махааяасам̣.
Upagantvāna sambuddhaṃ, cakkhumantaṃ mahāyasaṃ.
‘‘ирияан̃жааби д̣̇исваана, убалагкзсахам̣ д̇ад̣̇аа;
‘‘Iriyañcāpi disvāna, upalakkhesahaṃ tadā;
асам̣саяан̃хи б̣уд̣̇д̇хасса, б̣яаад̇хи но уд̣̇абаж̇ж̇ат̇а.
Asaṃsayañhi buddhassa, byādhi no udapajjatha.
‘‘киббам̣ ассамамааг̇ан̃чим̣, мама сиссаана санд̇игз;
‘‘Khippaṃ assamamāgañchiṃ, mama sissāna santike;
бхзсаж̇ж̇ам̣ гад̇д̇угаамохам̣, сиссз ааманд̇аяим̣ д̇ад̣̇аа.
Bhesajjaṃ kattukāmohaṃ, sisse āmantayiṃ tadā.
‘‘бадиссун̣ид̇ваана мз ваагяам̣, сиссаа саб̣б̣з саг̇аараваа;
‘‘Paṭissuṇitvāna me vākyaṃ, sissā sabbe sagāravā;
згаж̇жхам̣ саннибад̇им̣су, сад̇т̇уг̇ааравад̇аа мама.
Ekajjhaṃ sannipatiṃsu, satthugāravatā mama.
‘‘киббам̣ баб̣б̣ад̇амааруяха, саб̣б̣осад̇хамахаасахам̣;
‘‘Khippaṃ pabbatamāruyha, sabbosadhamahāsahaṃ;
баанийяаяог̇ам̣ гад̇ваана, б̣уд̣̇д̇хасздтассад̣̇аасахам̣.
Pānīyayogaṃ katvāna, buddhaseṭṭhassadāsahaṃ.
‘‘барибхуд̇д̇з махаавийрз, саб̣б̣ан̃н̃улоганааяагз;
‘‘Paribhutte mahāvīre, sabbaññulokanāyake;
киббам̣ ваад̇о вуубасами, суг̇ад̇асса махзсино.
Khippaṃ vāto vūpasami, sugatassa mahesino.
‘‘бассад̣̇д̇хам̣ д̣̇арат̇ам̣ д̣̇исваа, аномад̣̇ассий махааяасо;
‘‘Passaddhaṃ darathaṃ disvā, anomadassī mahāyaso;
сагаасанз нисийд̣̇ид̇ваа, имаа г̇аат̇аа абхаасат̇а.
Sakāsane nisīditvā, imā gāthā abhāsatha.
‘‘яо мз баад̣̇ааси бхзсаж̇ж̇ам̣, б̣яаад̇хин̃жа самаяий мама;
‘‘Yo me pādāsi bhesajjaṃ, byādhiñca samayī mama;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘габбасад̇асахассаани, д̣̇звалогз рамиссад̇и;
‘‘Kappasatasahassāni, devaloke ramissati;
ваад̣̇ид̇з д̇уурияз д̇ад̇т̇а, мод̣̇иссад̇и сад̣̇аа аяам̣.
Vādite tūriye tattha, modissati sadā ayaṃ.
‘‘мануссалогамааг̇анд̇ваа , суггамуулзна жод̣̇ид̇о;
‘‘Manussalokamāgantvā , sukkamūlena codito;
сахассагкад̇д̇ум̣ рааж̇аа жа, жаггавад̇д̇ий бхависсад̇и.
Sahassakkhattuṃ rājā ca, cakkavattī bhavissati.
‘‘бан̃жабан̃н̃аасагаббамхи, аномо наама кад̇д̇ияо;
‘‘Pañcapaññāsakappamhi, anomo nāma khattiyo;
жаад̇уранд̇о виж̇ид̇аавий, ж̇амб̣уман̣д̣асса иссаро.
Cāturanto vijitāvī, jambumaṇḍassa issaro.
‘‘сад̇д̇арад̇анасамбанно, жаггавад̇д̇ий махаб̣б̣ало;
‘‘Sattaratanasampanno, cakkavattī mahabbalo;
д̇аавад̇им̣сзби кобхзд̇ваа, иссарам̣ гаараяиссад̇и.
Tāvatiṃsepi khobhetvā, issaraṃ kārayissati.
‘‘д̣̇звабхууд̇о мануссо ваа, аббааб̣аад̇хо бхависсад̇и;
‘‘Devabhūto manusso vā, appābādho bhavissati;
бариг̇г̇ахам̣ виваж̇ж̇зд̇ваа, б̣яаад̇хим̣ логз д̇ариссад̇и.
Pariggahaṃ vivajjetvā, byādhiṃ loke tarissati.
‘‘абаримзяяз ид̇о габбз, оггаагагуласамбхаво;
‘‘Aparimeyye ito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
‘‘гилзсз жхаабаяид̇ваана, д̇ан̣хаасод̇ам̣ д̇ариссад̇и;
‘‘Kilese jhāpayitvāna, taṇhāsotaṃ tarissati;
б̣аагуло наама наамзна, хзссад̇и сад̇т̇у сааваго.
Bākulo nāma nāmena, hessati satthu sāvako.
‘‘ид̣̇ам̣ саб̣б̣ам̣ абхин̃н̃ааяа, г̇од̇амо сагяабун̇г̇аво;
‘‘Idaṃ sabbaṃ abhiññāya, gotamo sakyapuṅgavo;
бхигкусан̇гхз нисийд̣̇ид̇ваа, зд̇ад̣̇аг̇г̇з табзссад̇и.
Bhikkhusaṅghe nisīditvā, etadagge ṭhapessati.
‘‘аномад̣̇ассий бхаг̇аваа, саяамбхуу логанааяаго;
‘‘Anomadassī bhagavā, sayambhū lokanāyako;
вивзгаанувилогзнд̇о, мамассамамубааг̇ами.
Vivekānuvilokento, mamassamamupāgami.
‘‘убааг̇ад̇ам̣ махаавийрам̣, саб̣б̣ан̃н̃ум̣ логанааяагам̣;
‘‘Upāgataṃ mahāvīraṃ, sabbaññuṃ lokanāyakaṃ;
саб̣б̣осад̇хзна д̇аббзсим̣, басанно сзхи баан̣ибхи.
Sabbosadhena tappesiṃ, pasanno sehi pāṇibhi.
‘‘д̇асса мз сугад̇ам̣ гаммам̣, сукзд̇д̇з б̣ийж̇асамбад̣̇аа;
‘‘Tassa me sukataṃ kammaṃ, sukhette bījasampadā;
кзбзд̇ум̣ нзва саггоми, д̇ад̣̇аа хи сугад̇ам̣ мама.
Khepetuṃ neva sakkomi, tadā hi sukataṃ mama.
‘‘лаабхаа мама сулад̣̇д̇хам̣ мз, яохам̣ ад̣̇д̣̇агки нааяагам̣;
‘‘Lābhā mama suladdhaṃ me, yohaṃ addakkhi nāyakaṃ;
д̇зна гаммаавасзсзна, бад̇д̇омхи ажалам̣ бад̣̇ам̣.
Tena kammāvasesena, pattomhi acalaṃ padaṃ.
‘‘саб̣б̣амзд̇ам̣ абхин̃н̃ааяа, г̇од̇амо сагяабун̇г̇аво;
‘‘Sabbametaṃ abhiññāya, gotamo sakyapuṅgavo;
бхигкусан̇гхз нисийд̣̇ид̇ваа, зд̇ад̣̇аг̇г̇з табзси мам̣.
Bhikkhusaṅghe nisīditvā, etadagge ṭhapesi maṃ.
‘‘абаримзяяз ид̇о габбз, яам̣ гаммамагарим̣ д̇ад̣̇аа;
‘‘Aparimeyye ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, бхзсаж̇ж̇асса ид̣̇ам̣ палам̣.
Duggatiṃ nābhijānāmi, bhesajjassa idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа згад̣̇ивасам̣ сад̇т̇аараа ад̇д̇ано саавагз бадибаадияаа таананд̇арз табзнд̇зна аббааб̣аад̇хаанам̣ аг̇г̇адтаанз табид̇о со бариниб̣б̣аанасамаяз сан̇гхамаж̇жхз бхигкуунам̣ оваад̣̇амукзна ан̃н̃ам̣ б̣яаагаронд̇о –
Arahattaṃ pana patvā ekadivasaṃ satthārā attano sāvake paṭipāṭiyā ṭhānantare ṭhapentena appābādhānaṃ aggaṭṭhāne ṭhapito so parinibbānasamaye saṅghamajjhe bhikkhūnaṃ ovādamukhena aññaṃ byākaronto –
225.
225.
‘‘яо буб̣б̣з гаран̣ийяаани, бажчаа со гаад̇умижчад̇и;
‘‘Yo pubbe karaṇīyāni, pacchā so kātumicchati;
сукаа со д̇хам̣сад̇з таанаа, бажчаа жа мануд̇аббад̇и.
Sukhā so dhaṃsate ṭhānā, pacchā ca manutappati.
226.
226.
‘‘яан̃хи гаяираа д̇ан̃хи вад̣̇з, яам̣ на гаяираа на д̇ам̣ вад̣̇з;
‘‘Yañhi kayirā tañhi vade, yaṃ na kayirā na taṃ vade;
агаронд̇ам̣ бхаасамаанам̣, бариж̇аананд̇и бан̣д̣ид̇аа.
Akarontaṃ bhāsamānaṃ, parijānanti paṇḍitā.
227.
227.
‘‘сусукам̣ вад̇а ниб̣б̣аанам̣, саммаасамб̣уд̣̇д̇хад̣̇зсид̇ам̣;
‘‘Susukhaṃ vata nibbānaṃ, sammāsambuddhadesitaṃ;
асогам̣ вираж̇ам̣ кзмам̣, яад̇т̇а д̣̇угкам̣ нируж̇жхад̇ий’’д̇и. – г̇аат̇аад̇д̇аяамабхааси;
Asokaṃ virajaṃ khemaṃ, yattha dukkhaṃ nirujjhatī’’ti. – gāthāttayamabhāsi;
д̇ад̇т̇а яо буб̣б̣з гаран̣ийяаани, бажчаа со гаад̇умижчад̇ийд̇и яо буг̇г̇ало буб̣б̣з бурзд̇арам̣ ж̇араарог̇аад̣̇ийхи анабхибхууд̇агаалзязва гаад̇аб̣б̣аани ад̇д̇ано хид̇асукаавахаани гаммаани бамаад̣̇авасзна агад̇ваа бажчаа со гаад̇аб̣б̣агаалам̣ ад̇иггамид̇ваа гаад̇ум̣ ижчад̇и. сод̇и жа нибаад̇амад̇д̇ам̣. д̇ад̣̇аа бана ж̇араарог̇аад̣̇ийхи абхибхууд̇ад̇д̇аа гаад̇ум̣ на саггод̇и, асаггонд̇о жа сукаа со д̇хам̣сад̇з таанаа, бажчаа жа мануд̇аббад̇ийд̇и со буг̇г̇ало сукаа таанаа саг̇г̇ад̇о ниб̣б̣аанад̇о жа д̇ад̣̇убааяасса ануббаад̣̇ид̇ад̇д̇аа барихааяанд̇о ‘‘агад̇ам̣ мз галяаан̣а’’нд̇иаад̣̇инаа (ма. ни. 3.248; нзд̇д̇и. 120) бажчаа жа ануд̇аббад̇и виббадисаарам̣ аабаж̇ж̇ад̇и. ма-гааро бад̣̇асанд̇хигаро. ахам̣ бана гаран̣ийяам̣ гад̇ваа зва д̇умхз звам̣ вад̣̇аамийд̇и д̣̇ассзнд̇о ‘‘яан̃хи гаяираа’’д̇и д̣̇уд̇ияам̣ г̇аат̇амааха.
Tattha yo pubbe karaṇīyāni, pacchā so kātumicchatīti yo puggalo pubbe puretaraṃ jarārogādīhi anabhibhūtakāleyeva kātabbāni attano hitasukhāvahāni kammāni pamādavasena akatvā pacchā so kātabbakālaṃ atikkamitvā kātuṃ icchati. Soti ca nipātamattaṃ. Tadā pana jarārogādīhi abhibhūtattā kātuṃ na sakkoti, asakkonto ca sukhā so dhaṃsate ṭhānā, pacchā ca manutappatīti so puggalo sukhā ṭhānā saggato nibbānato ca tadupāyassa anuppāditattā parihāyanto ‘‘akataṃ me kalyāṇa’’ntiādinā (ma. ni. 3.248; netti. 120) pacchā ca anutappati vippaṭisāraṃ āpajjati. Ma-kāro padasandhikaro. Ahaṃ pana karaṇīyaṃ katvā eva tumhe evaṃ vadāmīti dassento ‘‘yañhi kayirā’’ti dutiyaṃ gāthamāha.
д̇ад̇т̇а бариж̇аананд̇ийд̇и ‘‘зд̇д̇аго аяа’’нд̇и барижчиж̇ж̇а ж̇аананд̇и на б̣ахум̣ ман̃н̃анд̇ийд̇и ад̇т̇о. саммаабадибад̇д̇ивасзна хи яат̇ааваад̣̇ий д̇ат̇аагаарий зва собхад̇и, на д̇ад̇о ан̃н̃ат̇аа. гаран̣ийяабарияааязна саад̇хааран̣ад̇о вуд̇д̇амад̇т̇ам̣ ид̣̇аани саруубад̇о д̣̇ассзд̇ум̣ ‘‘сусукам̣ вад̇аа’’д̇иаад̣̇инаа д̇ад̇ияам̣ г̇аат̇амааха. д̇ассад̇т̇о – саммаа саамам̣ саб̣б̣ад̇хаммаанам̣ б̣уд̣̇д̇хад̇д̇аа саммаасамб̣уд̣̇д̇хзна бхаг̇авад̇аа д̣̇зсид̇ам̣ саб̣б̣асо согахзд̇уунам̣ абхаавад̇о асогам̣ виг̇ад̇арааг̇аад̣̇ираж̇ад̇д̇аа вираж̇ам̣ жад̇уухи яог̇зхи анубад̣̇д̣̇уд̇ад̇д̇аа кзмам̣ ниб̣б̣аанам̣ судту сукам̣ вад̇а, гасмаа? яад̇т̇а яасмим̣ ниб̣б̣аанз сагалам̣ ваддад̣̇угкам̣ нируж̇жхад̇и ажжанд̇амзва вуубасамад̇ийд̇и.
Tattha parijānantīti ‘‘ettako aya’’nti paricchijja jānanti na bahuṃ maññantīti attho. Sammāpaṭipattivasena hi yathāvādī tathākārī eva sobhati, na tato aññathā. Karaṇīyapariyāyena sādhāraṇato vuttamatthaṃ idāni sarūpato dassetuṃ ‘‘susukhaṃ vatā’’tiādinā tatiyaṃ gāthamāha. Tassattho – sammā sāmaṃ sabbadhammānaṃ buddhattā sammāsambuddhena bhagavatā desitaṃ sabbaso sokahetūnaṃ abhāvato asokaṃ vigatarāgādirajattā virajaṃ catūhi yogehi anupaddutattā khemaṃ nibbānaṃ suṭṭhu sukhaṃ vata, kasmā? Yattha yasmiṃ nibbāne sakalaṃ vaṭṭadukkhaṃ nirujjhati accantameva vūpasamatīti.
б̣аагулад̇т̇зраг̇аат̇ааван̣н̣анаа нидтид̇аа.
Bākulattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. б̣аагулад̇т̇зраг̇аат̇аа • 3. Bākulattheragāthā
