| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
21. б̣аалааб̣яад̇д̇авад̇т̇у
21. Bālaabyattavatthu
82. д̇зна ко бана самаязна бхигкуу, д̣̇асавассамхаа д̣̇асавассамхаад̇и, б̣аалаа аб̣яад̇д̇аа ниссаяам̣ д̣̇знд̇и. д̣̇иссанд̇и аажарияаа б̣аалаа, анд̇зваасигаа бан̣д̣ид̇аа . д̣̇иссанд̇и аажарияаа аб̣яад̇д̇аа, анд̇зваасигаа б̣яад̇д̇аа. д̣̇иссанд̇и аажарияаа аббассуд̇аа, анд̇зваасигаа б̣ахуссуд̇аа. д̣̇иссанд̇и аажарияаа д̣̇уббан̃н̃аа, анд̇зваасигаа бан̃н̃аванд̇о. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу, д̣̇асавассамхаа д̣̇асавассамхаад̇и, б̣аалаа аб̣яад̇д̇аа ниссаяам̣ д̣̇ассанд̇и. д̣̇иссанд̇и аажарияаа б̣аалаа анд̇зваасигаа бан̣д̣ид̇аа, д̣̇иссанд̇и аажарияаа аб̣яад̇д̇аа анд̇зваасигаа б̣яад̇д̇аа, д̣̇иссанд̇и аажарияаа аббассуд̇аа анд̇зваасигаа б̣ахуссуд̇аа, д̣̇иссанд̇и аажарияаа д̣̇уббан̃н̃аа анд̇зваасигаа бан̃н̃аванд̇о’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз, бхигкуу, д̣̇асавассамхаа д̣̇асавассамхаад̇и, б̣аалаа аб̣яад̇д̇аа ниссаяам̣ д̣̇знд̇и…бз… сажжам̣, бхаг̇аваад̇и. виг̇арахи б̣уд̣̇д̇хо бхаг̇аваа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, б̣аалзна аб̣яад̇д̇зна ниссаяо д̣̇аад̇аб̣б̣о. яо д̣̇ад̣̇зяяа, аабад̇д̇и д̣̇уггадасса. ануж̇аанаами, бхигкавз, б̣яад̇д̇зна бхигкунаа бадиб̣алзна д̣̇асавассзна ваа ад̇ирзгад̣̇асавассзна ваа ниссаяам̣ д̣̇аад̇у’’нд̇и.
82. Tena kho pana samayena bhikkhū, dasavassamhā dasavassamhāti, bālā abyattā nissayaṃ denti. Dissanti ācariyā bālā, antevāsikā paṇḍitā . Dissanti ācariyā abyattā, antevāsikā byattā. Dissanti ācariyā appassutā, antevāsikā bahussutā. Dissanti ācariyā duppaññā, antevāsikā paññavanto. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū, dasavassamhā dasavassamhāti, bālā abyattā nissayaṃ dassanti. Dissanti ācariyā bālā antevāsikā paṇḍitā, dissanti ācariyā abyattā antevāsikā byattā, dissanti ācariyā appassutā antevāsikā bahussutā, dissanti ācariyā duppaññā antevāsikā paññavanto’’ti. Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave, bhikkhū, dasavassamhā dasavassamhāti, bālā abyattā nissayaṃ denti…pe… saccaṃ, bhagavāti. Vigarahi buddho bhagavā…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, bālena abyattena nissayo dātabbo. Yo dadeyya, āpatti dukkaṭassa. Anujānāmi, bhikkhave, byattena bhikkhunā paṭibalena dasavassena vā atirekadasavassena vā nissayaṃ dātu’’nti.
б̣аалааб̣яад̇д̇авад̇т̇у нидтид̇ам̣.
Bālaabyattavatthu niṭṭhitaṃ.
