| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
273. பா³லகலோணகக³மனகதா²
273. Bālakaloṇakagamanakathā
465. அத² கோ² ப⁴க³வா ஸங்க⁴மஜ்ஜே² டி²தகோவ இமா கா³தா²யோ பா⁴ஸித்வா யேன பா³லகலோணககா³மோ 1 தேனுபஸங்கமி. தேன கோ² பன ஸமயேன ஆயஸ்மா ப⁴கு³ பா³லகலோணககா³மே விஹரதி. அத்³த³ஸா கோ² ஆயஸ்மா ப⁴கு³ ப⁴க³வந்தங் தூ³ரதோவ ஆக³ச்ச²ந்தங், தி³ஸ்வான ஆஸனங் பஞ்ஞபேஸி, பாதோ³த³கங் பாத³பீட²ங் பாத³கத²லிகங் உபனிக்கி²பி, பச்சுக்³க³ந்த்வா பத்தசீவரங் படிக்³க³ஹேஸி. நிஸீதி³ ப⁴க³வா பஞ்ஞத்தே ஆஸனே, நிஸஜ்ஜ கோ² ப⁴க³வா பாதே³ பக்கா²லேஸி. ஆயஸ்மாபி கோ² ப⁴கு³ ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² ஆயஸ்மந்தங் ப⁴கு³ங் ப⁴க³வா ஏதத³வோச – ‘‘கச்சி, பி⁴க்கு², க²மனீயங்; கச்சி யாபனீயங், கச்சி பிண்ட³கேன ந கிலமஸீ’’தி? ‘‘க²மனீயங், ப⁴க³வா, யாபனீயங், ப⁴க³வா; ந சாஹங், ப⁴ந்தே, பிண்ட³கேன கிலமாமீ’’தி. அத² கோ² ப⁴க³வா ஆயஸ்மந்தங் ப⁴கு³ங் த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா யேன பாசீனவங்ஸதா³யோ தேனுபஸங்கமி.
465. Atha kho bhagavā saṅghamajjhe ṭhitakova imā gāthāyo bhāsitvā yena bālakaloṇakagāmo 2 tenupasaṅkami. Tena kho pana samayena āyasmā bhagu bālakaloṇakagāme viharati. Addasā kho āyasmā bhagu bhagavantaṃ dūratova āgacchantaṃ, disvāna āsanaṃ paññapesi, pādodakaṃ pādapīṭhaṃ pādakathalikaṃ upanikkhipi, paccuggantvā pattacīvaraṃ paṭiggahesi. Nisīdi bhagavā paññatte āsane, nisajja kho bhagavā pāde pakkhālesi. Āyasmāpi kho bhagu bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ bhaguṃ bhagavā etadavoca – ‘‘kacci, bhikkhu, khamanīyaṃ; kacci yāpanīyaṃ, kacci piṇḍakena na kilamasī’’ti? ‘‘Khamanīyaṃ, bhagavā, yāpanīyaṃ, bhagavā; na cāhaṃ, bhante, piṇḍakena kilamāmī’’ti. Atha kho bhagavā āyasmantaṃ bhaguṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā yena pācīnavaṃsadāyo tenupasaṅkami.
பா³லகலோணகக³மனகதா² நிட்டி²தா.
Bālakaloṇakagamanakathā niṭṭhitā.
Footnotes:
Related texts:
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பா³லகலோணகக³மனகதா²வண்ணனா • Bālakaloṇakagamanakathāvaṇṇanā
