| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
273. බාලකලොණකගමනකථා
273. Bālakaloṇakagamanakathā
465. අථ ඛො භගවා සඞ්‌ඝමජ්‌ඣෙ ඨිතකොව ඉමා ගාථායො භාසිත්‌වා යෙන බාලකලොණකගාමො 1 තෙනුපසඞ්‌කමි. තෙන ඛො පන සමයෙන ආයස්‌මා භගු බාලකලොණකගාමෙ විහරති. අද්‌දසා ඛො ආයස්‌මා භගු භගවන්‌තං දූරතොව ආගච්‌ඡන්‌තං, දිස්‌වාන ආසනං පඤ්‌ඤපෙසි, පාදොදකං පාදපීඨං පාදකථලිකං උපනික්‌ඛිපි, පච්‌චුග්‌ගන්‌ත්‌වා පත්‌තචීවරං පටිග්‌ගහෙසි. නිසීදි භගවා පඤ්‌ඤත්‌තෙ ආසනෙ, නිසජ්‌ජ ඛො භගවා පාදෙ පක්‌ඛාලෙසි. ආයස්‌මාපි ඛො භගු භගවන්‌තං අභිවාදෙත්‌වා එකමන්‌තං නිසීදි. එකමන්‌තං නිසින්‌නං ඛො ආයස්‌මන්‌තං භගුං භගවා එතදවොච – ‘‘කච්‌චි, භික්‌ඛු, ඛමනීයං; කච්‌චි යාපනීයං, කච්‌චි පිණ්‌ඩකෙන න කිලමසී’’ති? ‘‘ඛමනීයං, භගවා, යාපනීයං, භගවා; න චාහං, භන්‌තෙ, පිණ්‌ඩකෙන කිලමාමී’’ති. අථ ඛො භගවා ආයස්‌මන්‌තං භගුං ධම්‌මියා කථාය සන්‌දස්‌සෙත්‌වා සමාදපෙත්‌වා සමුත්‌තෙජෙත්‌වා සම්‌පහංසෙත්‌වා උට්‌ඨායාසනා යෙන පාචීනවංසදායො තෙනුපසඞ්‌කමි.
465. Atha kho bhagavā saṅghamajjhe ṭhitakova imā gāthāyo bhāsitvā yena bālakaloṇakagāmo 2 tenupasaṅkami. Tena kho pana samayena āyasmā bhagu bālakaloṇakagāme viharati. Addasā kho āyasmā bhagu bhagavantaṃ dūratova āgacchantaṃ, disvāna āsanaṃ paññapesi, pādodakaṃ pādapīṭhaṃ pādakathalikaṃ upanikkhipi, paccuggantvā pattacīvaraṃ paṭiggahesi. Nisīdi bhagavā paññatte āsane, nisajja kho bhagavā pāde pakkhālesi. Āyasmāpi kho bhagu bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ bhaguṃ bhagavā etadavoca – ‘‘kacci, bhikkhu, khamanīyaṃ; kacci yāpanīyaṃ, kacci piṇḍakena na kilamasī’’ti? ‘‘Khamanīyaṃ, bhagavā, yāpanīyaṃ, bhagavā; na cāhaṃ, bhante, piṇḍakena kilamāmī’’ti. Atha kho bhagavā āyasmantaṃ bhaguṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā yena pācīnavaṃsadāyo tenupasaṅkami.
බාලකලොණකගමනකථා නිට්‌ඨිතා.
Bālakaloṇakagamanakathā niṭṭhitā.
Footnotes:
Related texts:
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / බාලකලොණකගමනකථාවණ්‌ණනා • Bālakaloṇakagamanakathāvaṇṇanā
