| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
б̣аалагалон̣агаг̇аманагат̇ааван̣н̣анаа
Bālakaloṇakagamanakathāvaṇṇanā
465. б̣аалагалон̣агаараг̇аамод̇и убаалиг̇ахабад̇исса звам̣наамаго бхог̇аг̇аамо. д̇знубасан̇гамийд̇и д̇хаммасзнаабад̇имахаамог̇г̇аллаанад̇т̇зрзсу ваа асийд̇имахаасаавагзсу ваа анд̇амасо д̇хаммабхан̣д̣ааг̇ааригам̣ аананд̣̇ад̇т̇зрамби ган̃жи анааманд̇зд̇ваа саяамзва бад̇д̇ажийварамаад̣̇ааяа анийганиссадо хад̇т̇ий вияа яуут̇аниссадо гаал̣асийхо вияа ваад̇ажчинно валаахаго вияа жа згагова убасан̇гами. гасмаа убасан̇гами? г̇ан̣з гирасса аад̣̇ийнавам̣ д̣̇исваа згавихаарим̣ бхигкум̣ бассид̇угаамад̇аа уд̣̇абаад̣̇и, д̇асмаа сийд̇аад̣̇ибийл̣ид̇о ун̣хаад̣̇им̣ бад̇т̇аяамаано вияа убасан̇гами. ат̇а ваа бхаг̇авад̇аа со аад̣̇ийнаво баг̇зва барин̃н̃аад̇о, на д̇зна сад̇т̇аа ниб̣б̣инно, д̇асмим̣ бана анд̇овассз гзжи б̣уд̣̇д̇хавзнзяяаа наахзсум̣, д̇зна ан̃н̃ад̇т̇а г̇аманам̣ д̇зсам̣ бхигкуунам̣ д̣̇аманубааяод̇и баалилзяяагам̣ уд̣̇д̣̇исса г̇ажчанд̇о згавихаарим̣ ааяасманд̇ам̣ бхаг̇ум̣ самбахам̣сзд̇ум̣ д̇ад̇т̇а г̇ад̇о. звам̣ г̇ад̇з жа сад̇т̇ари бан̃жасад̇аа бхигкуу ааяасманд̇ам̣ аананд̣̇ам̣ аахам̣су ‘‘аавусо аананд̣̇а сад̇т̇аа згагова г̇ад̇о, маяам̣ ануб̣анд̇хиссаамаа’’д̇и. ‘‘аавусо, яад̣̇аа бхаг̇аваа саамам̣ сзнаасанам̣ сам̣саамзд̇ваа бад̇д̇ажийварамаад̣̇ааяа анааманд̇зд̇ваа убадтаагз анабалогзд̇ваа бхигкусан̇гхам̣ ад̣̇уд̇ияо г̇ажчад̇и, д̇ад̣̇аа згажааригам̣ жарид̇ум̣ бхаг̇авад̇о аж̇жхаасаяо, саавагзна наама сад̇т̇у аж̇жхаасаяаануруубам̣ бадибаж̇ж̇ид̇аб̣б̣ам̣, д̇асмаа на имзсу д̣̇ивасзсу бхаг̇аваа ануг̇анд̇аб̣б̣о’’д̇и ниваарзси, саяамби наануг̇ан̃чи. д̇хаммияаа гат̇ааяаад̇и згийбхаавз аанисам̣сабадисам̣яуд̇д̇ааяа д̇хаммагат̇ааяа.
465.Bālakaloṇakāragāmoti upāligahapatissa evaṃnāmako bhogagāmo. Tenupasaṅkamīti dhammasenāpatimahāmoggallānattheresu vā asītimahāsāvakesu vā antamaso dhammabhaṇḍāgārikaṃ ānandattherampi kañci anāmantetvā sayameva pattacīvaramādāya anīkanissaṭo hatthī viya yūthanissaṭo kāḷasīho viya vātacchinno valāhako viya ca ekakova upasaṅkami. Kasmā upasaṅkami? Gaṇe kirassa ādīnavaṃ disvā ekavihāriṃ bhikkhuṃ passitukāmatā udapādi, tasmā sītādipīḷito uṇhādiṃ patthayamāno viya upasaṅkami. Atha vā bhagavatā so ādīnavo pageva pariññāto, na tena satthā nibbinno, tasmiṃ pana antovasse keci buddhaveneyyā nāhesuṃ, tena aññattha gamanaṃ tesaṃ bhikkhūnaṃ damanupāyoti pālileyyakaṃ uddissa gacchanto ekavihāriṃ āyasmantaṃ bhaguṃ sampahaṃsetuṃ tattha gato. Evaṃ gate ca satthari pañcasatā bhikkhū āyasmantaṃ ānandaṃ āhaṃsu ‘‘āvuso ānanda satthā ekakova gato, mayaṃ anubandhissāmā’’ti. ‘‘Āvuso, yadā bhagavā sāmaṃ senāsanaṃ saṃsāmetvā pattacīvaramādāya anāmantetvā upaṭṭhāke anapaloketvā bhikkhusaṅghaṃ adutiyo gacchati, tadā ekacārikaṃ carituṃ bhagavato ajjhāsayo, sāvakena nāma satthu ajjhāsayānurūpaṃ paṭipajjitabbaṃ, tasmā na imesu divasesu bhagavā anugantabbo’’ti nivāresi, sayampi nānugañchi. Dhammiyā kathāyāti ekībhāve ānisaṃsapaṭisaṃyuttāya dhammakathāya.
б̣аалагалон̣агаг̇аманагат̇ааван̣н̣анаа нидтид̇аа.
Bālakaloṇakagamanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 273. б̣аалагалон̣агаг̇аманагат̇аа • 273. Bālakaloṇakagamanakathā
