| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
9. б̣алагат̇аа
9. Balakathā
44. саавад̇т̇инид̣̇аанам̣ 1. ‘‘бан̃жимаани , бхигкавз, б̣алаани. гад̇амаани бан̃жа? сад̣̇д̇хааб̣алам̣, вийрияаб̣алам̣, сад̇иб̣алам̣, самаад̇хиб̣алам̣, бан̃н̃ааб̣алам̣ – имаани ко, бхигкавз, бан̃жа б̣алаани.
44. Sāvatthinidānaṃ 2. ‘‘Pañcimāni , bhikkhave, balāni. Katamāni pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ – imāni kho, bhikkhave, pañca balāni.
‘‘аби жа, адтасадти б̣алаани – сад̣̇д̇хааб̣алам̣, вийрияаб̣алам̣, сад̇иб̣алам̣, самаад̇хиб̣алам̣, бан̃н̃ааб̣алам̣, хириб̣алам̣, од̇д̇аббаб̣алам̣, бадисан̇каанаб̣алам̣, бхааванааб̣алам̣, анаваж̇ж̇аб̣алам̣, сан̇г̇ахаб̣алам̣, канд̇иб̣алам̣, бан̃н̃ад̇д̇иб̣алам̣, ниж̇жхад̇д̇иб̣алам̣, иссарияаб̣алам̣ , ад̇хидтаанаб̣алам̣, самат̇аб̣алам̣, вибассанааб̣алам̣, д̣̇аса сзкаб̣алаани, д̣̇аса асзкаб̣алаани, д̣̇аса кийн̣аасаваб̣алаани, д̣̇аса ид̣̇д̇хиб̣алаани, д̣̇аса д̇ат̇ааг̇ад̇аб̣алаани’’.
‘‘Api ca, aṭṭhasaṭṭhi balāni – saddhābalaṃ, vīriyabalaṃ, satibalaṃ, samādhibalaṃ, paññābalaṃ, hiribalaṃ, ottappabalaṃ, paṭisaṅkhānabalaṃ, bhāvanābalaṃ, anavajjabalaṃ, saṅgahabalaṃ, khantibalaṃ, paññattibalaṃ, nijjhattibalaṃ, issariyabalaṃ , adhiṭṭhānabalaṃ, samathabalaṃ, vipassanābalaṃ, dasa sekhabalāni, dasa asekhabalāni, dasa khīṇāsavabalāni, dasa iddhibalāni, dasa tathāgatabalāni’’.
гад̇амам̣ сад̣̇д̇хааб̣алам̣? ассад̣̇д̇хияз на гамбад̇ийд̇и – сад̣̇д̇хааб̣алам̣. сахаж̇аад̇аанам̣ д̇хаммаанам̣ убад̇т̇амбханадтзна сад̣̇д̇хааб̣алам̣, гилзсаанам̣ барияаад̣̇аанадтзна сад̣̇д̇хааб̣алам̣, бадивзд̇хаад̣̇ивисод̇ханадтзна сад̣̇д̇хааб̣алам̣, жид̇д̇асса ад̇хидтаанадтзна сад̣̇д̇хааб̣алам̣, жид̇д̇асса вод̣̇аанадтзна сад̣̇д̇хааб̣алам̣, висзсаад̇хиг̇амадтзна сад̣̇д̇хааб̣алам̣, уд̇д̇ари бадивзд̇хадтзна сад̣̇д̇хааб̣алам̣, сажжаабхисамаяадтзна сад̣̇д̇хааб̣алам̣, нирод̇хз бад̇идтаабагадтзна сад̣̇д̇хааб̣алам̣. ид̣̇ам̣ сад̣̇д̇хааб̣алам̣.
Katamaṃ saddhābalaṃ? Assaddhiye na kampatīti – saddhābalaṃ. Sahajātānaṃ dhammānaṃ upatthambhanaṭṭhena saddhābalaṃ, kilesānaṃ pariyādānaṭṭhena saddhābalaṃ, paṭivedhādivisodhanaṭṭhena saddhābalaṃ, cittassa adhiṭṭhānaṭṭhena saddhābalaṃ, cittassa vodānaṭṭhena saddhābalaṃ, visesādhigamaṭṭhena saddhābalaṃ, uttari paṭivedhaṭṭhena saddhābalaṃ, saccābhisamayaṭṭhena saddhābalaṃ, nirodhe patiṭṭhāpakaṭṭhena saddhābalaṃ. Idaṃ saddhābalaṃ.
гад̇амам̣ вийрияаб̣алам̣? госаж̇ж̇з на гамбад̇ийд̇и – вийрияаб̣алам̣. сахаж̇аад̇аанам̣ д̇хаммаанам̣ убад̇т̇амбханадтзна вийрияаб̣алам̣, гилзсаанам̣ барияаад̣̇аанадтзна вийрияаб̣алам̣, бадивзд̇хаад̣̇ивисод̇ханадтзна вийрияаб̣алам̣, жид̇д̇асса ад̇хидтаанадтзна вийрияаб̣алам̣, жид̇д̇асса вод̣̇аанадтзна вийрияаб̣алам̣, висзсаад̇хиг̇амадтзна вийрияаб̣алам̣, уд̇д̇ари бадивзд̇хадтзна вийрияаб̣алам̣, сажжаабхисамаяадтзна вийрияаб̣алам̣, нирод̇хз бад̇идтаабагадтзна вийрияаб̣алам̣. ид̣̇ам̣ вийрияаб̣алам̣.
Katamaṃ vīriyabalaṃ? Kosajje na kampatīti – vīriyabalaṃ. Sahajātānaṃ dhammānaṃ upatthambhanaṭṭhena vīriyabalaṃ, kilesānaṃ pariyādānaṭṭhena vīriyabalaṃ, paṭivedhādivisodhanaṭṭhena vīriyabalaṃ, cittassa adhiṭṭhānaṭṭhena vīriyabalaṃ, cittassa vodānaṭṭhena vīriyabalaṃ, visesādhigamaṭṭhena vīriyabalaṃ, uttari paṭivedhaṭṭhena vīriyabalaṃ, saccābhisamayaṭṭhena vīriyabalaṃ, nirodhe patiṭṭhāpakaṭṭhena vīriyabalaṃ. Idaṃ vīriyabalaṃ.
гад̇амам̣ сад̇иб̣алам̣? бамаад̣̇з на гамбад̇ийд̇и – сад̇иб̣алам̣. сахаж̇аад̇аанам̣ д̇хаммаанам̣ убад̇т̇амбханадтзна сад̇иб̣алам̣…бз… нирод̇хз бад̇идтаабагадтзна сад̇иб̣алам̣. ид̣̇ам̣ сад̇иб̣алам̣.
Katamaṃ satibalaṃ? Pamāde na kampatīti – satibalaṃ. Sahajātānaṃ dhammānaṃ upatthambhanaṭṭhena satibalaṃ…pe… nirodhe patiṭṭhāpakaṭṭhena satibalaṃ. Idaṃ satibalaṃ.
гад̇амам̣ самаад̇хиб̣алам̣? уд̣̇д̇хажжз на гамбад̇ийд̇и – самаад̇хиб̣алам̣. сахаж̇аад̇аанам̣ д̇хаммаанам̣ убад̇т̇амбханадтзна самаад̇хиб̣алам̣…бз… нирод̇хз бад̇идтаабагадтзна самаад̇хиб̣алам̣. ид̣̇ам̣ самаад̇хиб̣алам̣.
Katamaṃ samādhibalaṃ? Uddhacce na kampatīti – samādhibalaṃ. Sahajātānaṃ dhammānaṃ upatthambhanaṭṭhena samādhibalaṃ…pe… nirodhe patiṭṭhāpakaṭṭhena samādhibalaṃ. Idaṃ samādhibalaṃ.
гад̇амам̣ бан̃н̃ааб̣алам̣? авиж̇ж̇ааяа на гамбад̇ийд̇и – бан̃н̃ааб̣алам̣. сахаж̇аад̇аанам̣ д̇хаммаанам̣ убад̇т̇амбханадтзна бан̃н̃ааб̣алам̣…бз… нирод̇хз бад̇идтаабагадтзна бан̃н̃ааб̣алам̣. ид̣̇ам̣ бан̃н̃ааб̣алам̣.
Katamaṃ paññābalaṃ? Avijjāya na kampatīti – paññābalaṃ. Sahajātānaṃ dhammānaṃ upatthambhanaṭṭhena paññābalaṃ…pe… nirodhe patiṭṭhāpakaṭṭhena paññābalaṃ. Idaṃ paññābalaṃ.
гад̇амам̣ хириб̣алам̣? нзгкаммзна гаамажчанд̣̇ам̣ хирийяад̇ийд̇и 3 – хириб̣алам̣. аб̣яаабаад̣̇зна б̣яаабаад̣̇ам̣ хирийяад̇ийд̇и – хириб̣алам̣. аалогасан̃н̃ааяа т̇инамид̣̇д̇хам̣ хирийяад̇ийд̇и – хириб̣алам̣. авигкзбзна уд̣̇д̇хажжам̣ хирийяад̇ийд̇и – хириб̣алам̣. д̇хаммававад̇т̇аанзна вижигижчам̣ хирийяад̇ийд̇и – хириб̣алам̣. н̃аан̣зна авиж̇ж̇ам̣ хирийяад̇ийд̇и – хириб̣алам̣. баамож̇ж̇зна арад̇им̣ хирийяад̇ийд̇и – хириб̣алам̣. батамзна жхаанзна нийваран̣з хирийяад̇ийд̇и – хириб̣алам̣…бз… арахад̇д̇амаг̇г̇зна саб̣б̣агилзсз хирийяад̇ийд̇и – хириб̣алам̣. ид̣̇ам̣ хириб̣алам̣.
Katamaṃ hiribalaṃ? Nekkhammena kāmacchandaṃ hirīyatīti 4 – hiribalaṃ. Abyāpādena byāpādaṃ hirīyatīti – hiribalaṃ. Ālokasaññāya thinamiddhaṃ hirīyatīti – hiribalaṃ. Avikkhepena uddhaccaṃ hirīyatīti – hiribalaṃ. Dhammavavatthānena vicikicchaṃ hirīyatīti – hiribalaṃ. Ñāṇena avijjaṃ hirīyatīti – hiribalaṃ. Pāmojjena aratiṃ hirīyatīti – hiribalaṃ. Paṭhamena jhānena nīvaraṇe hirīyatīti – hiribalaṃ…pe… arahattamaggena sabbakilese hirīyatīti – hiribalaṃ. Idaṃ hiribalaṃ.
гад̇амам̣ од̇д̇аббаб̣алам̣? нзгкаммзна гаамажчанд̣̇ам̣ од̇д̇аббад̇ийд̇и – од̇д̇аббаб̣алам̣. аб̣яаабаад̣̇зна б̣яаабаад̣̇ам̣ од̇д̇аббад̇ийд̇и – од̇д̇аббаб̣алам̣. аалогасан̃н̃ааяа т̇инамид̣̇д̇хам̣ од̇д̇аббад̇ийд̇и – од̇д̇аббаб̣алам̣. авигкзбзна уд̣̇д̇хажжам̣ од̇д̇аббад̇ийд̇и – од̇д̇аббаб̣алам̣. д̇хаммававад̇т̇аанзна вижигижчам̣ од̇д̇аббад̇ийд̇и – од̇д̇аббаб̣алам̣. н̃аан̣зна авиж̇ж̇ам̣ од̇д̇аббад̇ийд̇и – од̇д̇аббаб̣алам̣ . баамож̇ж̇зна арад̇им̣ од̇д̇аббад̇ийд̇и – од̇д̇аббаб̣алам̣. батамзна жхаанзна нийваран̣з од̇д̇аббад̇ийд̇и – од̇д̇аббаб̣алам̣…бз… арахад̇д̇амаг̇г̇зна саб̣б̣агилзсз од̇д̇аббад̇ийд̇и – од̇д̇аббаб̣алам̣. ид̣̇ам̣ од̇д̇аббаб̣алам̣.
Katamaṃ ottappabalaṃ? Nekkhammena kāmacchandaṃ ottappatīti – ottappabalaṃ. Abyāpādena byāpādaṃ ottappatīti – ottappabalaṃ. Ālokasaññāya thinamiddhaṃ ottappatīti – ottappabalaṃ. Avikkhepena uddhaccaṃ ottappatīti – ottappabalaṃ. Dhammavavatthānena vicikicchaṃ ottappatīti – ottappabalaṃ. Ñāṇena avijjaṃ ottappatīti – ottappabalaṃ . Pāmojjena aratiṃ ottappatīti – ottappabalaṃ. Paṭhamena jhānena nīvaraṇe ottappatīti – ottappabalaṃ…pe… arahattamaggena sabbakilese ottappatīti – ottappabalaṃ. Idaṃ ottappabalaṃ.
гад̇амам̣ бадисан̇каанаб̣алам̣? нзгкаммзна гаамажчанд̣̇ам̣ бадисан̇каад̇ийд̇и – бадисан̇каанаб̣алам̣. аб̣яаабаад̣̇зна б̣яаабаад̣̇ам̣ бадисан̇каад̇ийд̇и – бадисан̇каанаб̣алам̣. аалогасан̃н̃ааяа т̇инамид̣̇д̇хам̣ бадисан̇каад̇ийд̇и – бадисан̇каанаб̣алам̣. авигкзбзна уд̣̇д̇хажжам̣ бадисан̇каад̇ийд̇и – бадисан̇каанаб̣алам̣. д̇хаммававад̇т̇аанзна вижигижчам̣ бадисан̇каад̇ийд̇и – бадисан̇каанаб̣алам̣. н̃аан̣зна авиж̇ж̇ам̣ бадисан̇каад̇ийд̇и – бадисан̇каанаб̣алам̣ . баамож̇ж̇зна арад̇им̣ бадисан̇каад̇ийд̇и – бадисан̇каанаб̣алам̣. батамзна жхаанзна нийваран̣з бадисан̇каад̇ийд̇и – бадисан̇каанаб̣алам̣…бз… арахад̇д̇амаг̇г̇зна саб̣б̣агилзсз бадисан̇каад̇ийд̇и – бадисан̇каанаб̣алам̣. ид̣̇ам̣ бадисан̇каанаб̣алам̣.
Katamaṃ paṭisaṅkhānabalaṃ? Nekkhammena kāmacchandaṃ paṭisaṅkhātīti – paṭisaṅkhānabalaṃ. Abyāpādena byāpādaṃ paṭisaṅkhātīti – paṭisaṅkhānabalaṃ. Ālokasaññāya thinamiddhaṃ paṭisaṅkhātīti – paṭisaṅkhānabalaṃ. Avikkhepena uddhaccaṃ paṭisaṅkhātīti – paṭisaṅkhānabalaṃ. Dhammavavatthānena vicikicchaṃ paṭisaṅkhātīti – paṭisaṅkhānabalaṃ. Ñāṇena avijjaṃ paṭisaṅkhātīti – paṭisaṅkhānabalaṃ . Pāmojjena aratiṃ paṭisaṅkhātīti – paṭisaṅkhānabalaṃ. Paṭhamena jhānena nīvaraṇe paṭisaṅkhātīti – paṭisaṅkhānabalaṃ…pe… arahattamaggena sabbakilese paṭisaṅkhātīti – paṭisaṅkhānabalaṃ. Idaṃ paṭisaṅkhānabalaṃ.
гад̇амам̣ бхааванааб̣алам̣? гаамажчанд̣̇ам̣ баж̇аханд̇о нзгкаммам̣ бхаавзд̇ийд̇и – бхааванааб̣алам̣. б̣яаабаад̣̇ам̣ баж̇аханд̇о аб̣яаабаад̣̇ам̣ бхаавзд̇ийд̇и – бхааванааб̣алам̣. т̇инамид̣̇д̇хам̣ баж̇аханд̇о аалогасан̃н̃ам̣ бхаавзд̇ийд̇и – бхааванааб̣алам̣. уд̣̇д̇хажжам̣ баж̇аханд̇о авигкзбам̣ бхаавзд̇ийд̇и – бхааванааб̣алам̣. вижигижчам̣ баж̇аханд̇о д̇хаммававад̇т̇аанам̣ бхаавзд̇ийд̇и – бхааванааб̣алам̣. авиж̇ж̇ам̣ баж̇аханд̇о н̃аан̣ам̣ бхаавзд̇ийд̇и – бхааванааб̣алам̣. арад̇им̣ баж̇аханд̇о баамож̇ж̇ам̣ бхаавзд̇ийд̇и – бхааванааб̣алам̣. нийваран̣з баж̇аханд̇о батамам̣ жхаанам̣ бхаавзд̇ийд̇и – бхааванааб̣алам̣…бз… саб̣б̣агилзсз баж̇аханд̇о арахад̇д̇амаг̇г̇ам̣ бхаавзд̇ийд̇и – бхааванааб̣алам̣. ид̣̇ам̣ бхааванааб̣алам̣.
Katamaṃ bhāvanābalaṃ? Kāmacchandaṃ pajahanto nekkhammaṃ bhāvetīti – bhāvanābalaṃ. Byāpādaṃ pajahanto abyāpādaṃ bhāvetīti – bhāvanābalaṃ. Thinamiddhaṃ pajahanto ālokasaññaṃ bhāvetīti – bhāvanābalaṃ. Uddhaccaṃ pajahanto avikkhepaṃ bhāvetīti – bhāvanābalaṃ. Vicikicchaṃ pajahanto dhammavavatthānaṃ bhāvetīti – bhāvanābalaṃ. Avijjaṃ pajahanto ñāṇaṃ bhāvetīti – bhāvanābalaṃ. Aratiṃ pajahanto pāmojjaṃ bhāvetīti – bhāvanābalaṃ. Nīvaraṇe pajahanto paṭhamaṃ jhānaṃ bhāvetīti – bhāvanābalaṃ…pe… sabbakilese pajahanto arahattamaggaṃ bhāvetīti – bhāvanābalaṃ. Idaṃ bhāvanābalaṃ.
гад̇амам̣ анаваж̇ж̇аб̣алам̣? гаамажчанд̣̇асса бахийнад̇д̇аа нзгкаммз над̇т̇и гин̃жи важ̇ж̇анд̇и – анаваж̇ж̇аб̣алам̣. б̣яаабаад̣̇асса бахийнад̇д̇аа аб̣яаабаад̣̇з над̇т̇и гин̃жи важ̇ж̇анд̇и – анаваж̇ж̇аб̣алам̣. т̇инамид̣̇д̇хасса бахийнад̇д̇аа аалогасан̃н̃ааяа над̇т̇и гин̃жи важ̇ж̇анд̇и – анаваж̇ж̇аб̣алам̣. уд̣̇д̇хажжасса бахийнад̇д̇аа авигкзбз над̇т̇и гин̃жи важ̇ж̇анд̇и – анаваж̇ж̇аб̣алам̣. вижигижчааяа бахийнад̇д̇аа д̇хаммававад̇т̇аанз над̇т̇и гин̃жи важ̇ж̇анд̇и – анаваж̇ж̇аб̣алам̣. авиж̇ж̇ааяа бахийнад̇д̇аа н̃аан̣з над̇т̇и гин̃жи важ̇ж̇анд̇и – анаваж̇ж̇аб̣алам̣. арад̇ияаа бахийнад̇д̇аа баамож̇ж̇з над̇т̇и гин̃жи важ̇ж̇анд̇и анаваж̇ж̇аб̣алам̣. нийваран̣аанам̣ бахийнад̇д̇аа батамаж̇жхаанз над̇т̇и гин̃жи важ̇ж̇анд̇и – анаваж̇ж̇аб̣алам̣…бз… саб̣б̣агилзсаанам̣ бахийнад̇д̇аа арахад̇д̇амаг̇г̇з над̇т̇и гин̃жи важ̇ж̇анд̇и – анаваж̇ж̇аб̣алам̣. ид̣̇ам̣ анаваж̇ж̇аб̣алам̣.
Katamaṃ anavajjabalaṃ? Kāmacchandassa pahīnattā nekkhamme natthi kiñci vajjanti – anavajjabalaṃ. Byāpādassa pahīnattā abyāpāde natthi kiñci vajjanti – anavajjabalaṃ. Thinamiddhassa pahīnattā ālokasaññāya natthi kiñci vajjanti – anavajjabalaṃ. Uddhaccassa pahīnattā avikkhepe natthi kiñci vajjanti – anavajjabalaṃ. Vicikicchāya pahīnattā dhammavavatthāne natthi kiñci vajjanti – anavajjabalaṃ. Avijjāya pahīnattā ñāṇe natthi kiñci vajjanti – anavajjabalaṃ. Aratiyā pahīnattā pāmojje natthi kiñci vajjanti anavajjabalaṃ. Nīvaraṇānaṃ pahīnattā paṭhamajjhāne natthi kiñci vajjanti – anavajjabalaṃ…pe… sabbakilesānaṃ pahīnattā arahattamagge natthi kiñci vajjanti – anavajjabalaṃ. Idaṃ anavajjabalaṃ.
гад̇амам̣ сан̇г̇ахаб̣алам̣? гаамажчанд̣̇ам̣ баж̇аханд̇о нзгкаммавасзна жид̇д̇ам̣ сан̇г̇ан̣хаад̇ийд̇и – сан̇г̇ахаб̣алам̣. б̣яаабаад̣̇ам̣ баж̇аханд̇о аб̣яаабаад̣̇авасзна жид̇д̇ам̣ сан̇г̇ан̣хаад̇ийд̇и – сан̇г̇ахаб̣алам̣. т̇инамид̣̇д̇хам̣ баж̇аханд̇о аалогасан̃н̃аавасзна жид̇д̇ам̣ сан̇г̇ан̣хаад̇ийд̇и – сан̇г̇ахаб̣алам̣…бз… саб̣б̣агилзсз баж̇аханд̇о арахад̇д̇амаг̇г̇авасзна жид̇д̇ам̣ сан̇г̇ан̣хаад̇ийд̇и – сан̇г̇ахаб̣алам̣. ид̣̇ам̣ сан̇г̇ахаб̣алам̣.
Katamaṃ saṅgahabalaṃ? Kāmacchandaṃ pajahanto nekkhammavasena cittaṃ saṅgaṇhātīti – saṅgahabalaṃ. Byāpādaṃ pajahanto abyāpādavasena cittaṃ saṅgaṇhātīti – saṅgahabalaṃ. Thinamiddhaṃ pajahanto ālokasaññāvasena cittaṃ saṅgaṇhātīti – saṅgahabalaṃ…pe… sabbakilese pajahanto arahattamaggavasena cittaṃ saṅgaṇhātīti – saṅgahabalaṃ. Idaṃ saṅgahabalaṃ.
гад̇амам̣ канд̇иб̣алам̣? гаамажчанд̣̇асса бахийнад̇д̇аа нзгкаммам̣ камад̇ийд̇и – канд̇иб̣алам̣. б̣яаабаад̣̇асса бахийнад̇д̇аа аб̣яаабаад̣̇о камад̇ийд̇и – канд̇иб̣алам̣. т̇инамид̣̇д̇хасса бахийнад̇д̇аа аалогасан̃н̃аа камад̇ийд̇и – канд̇иб̣алам̣. уд̣̇д̇хажжасса бахийнад̇д̇аа авигкзбо камад̇ийд̇и – канд̇иб̣алам̣. вижигижчааяа бахийнад̇д̇аа д̇хаммававад̇т̇аанам̣ камад̇ийд̇и – канд̇иб̣алам̣. авиж̇ж̇ааяа бахийнад̇д̇аа н̃аан̣ам̣ камад̇ийд̇и – канд̇иб̣алам̣. арад̇ияаа бахийнад̇д̇аа баамож̇ж̇ам̣ камад̇ийд̇и – канд̇иб̣алам̣. нийваран̣аанам̣ бахийнад̇д̇аа батамам̣ жхаанам̣ камад̇ийд̇и – канд̇иб̣алам̣…бз… саб̣б̣агилзсаанам̣ бахийнад̇д̇аа арахад̇д̇амаг̇г̇о камад̇ийд̇и – канд̇иб̣алам̣. ид̣̇ам̣ канд̇иб̣алам̣.
Katamaṃ khantibalaṃ? Kāmacchandassa pahīnattā nekkhammaṃ khamatīti – khantibalaṃ. Byāpādassa pahīnattā abyāpādo khamatīti – khantibalaṃ. Thinamiddhassa pahīnattā ālokasaññā khamatīti – khantibalaṃ. Uddhaccassa pahīnattā avikkhepo khamatīti – khantibalaṃ. Vicikicchāya pahīnattā dhammavavatthānaṃ khamatīti – khantibalaṃ. Avijjāya pahīnattā ñāṇaṃ khamatīti – khantibalaṃ. Aratiyā pahīnattā pāmojjaṃ khamatīti – khantibalaṃ. Nīvaraṇānaṃ pahīnattā paṭhamaṃ jhānaṃ khamatīti – khantibalaṃ…pe… sabbakilesānaṃ pahīnattā arahattamaggo khamatīti – khantibalaṃ. Idaṃ khantibalaṃ.
гад̇амам̣ бан̃н̃ад̇д̇иб̣алам̣? гаамажчанд̣̇ам̣ баж̇аханд̇о нзгкаммавасзна жид̇д̇ам̣ бан̃н̃абзд̇ийд̇и – бан̃н̃ад̇д̇иб̣алам̣. б̣яаабаад̣̇ам̣ баж̇аханд̇о аб̣яаабаад̣̇авасзна жид̇д̇ам̣ бан̃н̃абзд̇ийд̇и – бан̃н̃ад̇д̇иб̣алам̣. т̇инамид̣̇д̇хам̣ баж̇аханд̇о аалогасан̃н̃аавасзна жид̇д̇ам̣ бан̃н̃абзд̇ийд̇и – бан̃н̃ад̇д̇иб̣алам̣…бз… саб̣б̣агилзсз баж̇аханд̇о арахад̇д̇амаг̇г̇авасзна жид̇д̇ам̣ бан̃н̃абзд̇ийд̇и – бан̃н̃ад̇д̇иб̣алам̣. ид̣̇ам̣ бан̃н̃ад̇д̇иб̣алам̣.
Katamaṃ paññattibalaṃ? Kāmacchandaṃ pajahanto nekkhammavasena cittaṃ paññapetīti – paññattibalaṃ. Byāpādaṃ pajahanto abyāpādavasena cittaṃ paññapetīti – paññattibalaṃ. Thinamiddhaṃ pajahanto ālokasaññāvasena cittaṃ paññapetīti – paññattibalaṃ…pe… sabbakilese pajahanto arahattamaggavasena cittaṃ paññapetīti – paññattibalaṃ. Idaṃ paññattibalaṃ.
гад̇амам̣ ниж̇жхад̇д̇иб̣алам̣? гаамажчанд̣̇ам̣ баж̇аханд̇о нзгкаммавасзна жид̇д̇ам̣ ниж̇жхаабзд̇ийд̇и – ниж̇жхад̇д̇иб̣алам̣. б̣яаабаад̣̇ам̣ баж̇аханд̇о аб̣яаабаад̣̇авасзна жид̇д̇ам̣ ниж̇жхаабзд̇ийд̇и – ниж̇жхад̇д̇иб̣алам̣. т̇инамид̣̇д̇хам̣ баж̇аханд̇о аалогасан̃н̃аавасзна жид̇д̇ам̣ ниж̇жхаабзд̇ийд̇и – ниж̇жхад̇д̇иб̣алам̣…бз… саб̣б̣агилзсз баж̇аханд̇о арахад̇д̇амаг̇г̇авасзна жид̇д̇ам̣ ниж̇жхаабзд̇ийд̇и – ниж̇жхад̇д̇иб̣алам̣. ид̣̇ам̣ ниж̇жхад̇д̇иб̣алам̣.
Katamaṃ nijjhattibalaṃ? Kāmacchandaṃ pajahanto nekkhammavasena cittaṃ nijjhāpetīti – nijjhattibalaṃ. Byāpādaṃ pajahanto abyāpādavasena cittaṃ nijjhāpetīti – nijjhattibalaṃ. Thinamiddhaṃ pajahanto ālokasaññāvasena cittaṃ nijjhāpetīti – nijjhattibalaṃ…pe… sabbakilese pajahanto arahattamaggavasena cittaṃ nijjhāpetīti – nijjhattibalaṃ. Idaṃ nijjhattibalaṃ.
гад̇амам̣ иссарияаб̣алам̣? гаамажчанд̣̇ам̣ баж̇аханд̇о нзгкаммавасзна жид̇д̇ам̣ васам̣ вад̇д̇зд̇ийд̇и – иссарияаб̣алам̣. б̣яаабаад̣̇ам̣ баж̇аханд̇о аб̣яаабаад̣̇авасзна жид̇д̇ам̣ васам̣ вад̇д̇зд̇ийд̇и – иссарияаб̣алам̣. т̇инамид̣̇д̇хам̣ баж̇аханд̇о аалогасан̃н̃аавасзна жид̇д̇ам̣ васам̣ вад̇д̇зд̇ийд̇и – иссарияаб̣алам̣…бз… саб̣б̣агилзсз баж̇аханд̇о арахад̇д̇амаг̇г̇авасзна жид̇д̇ам̣ васам̣ вад̇д̇зд̇ийд̇и – иссарияаб̣алам̣. ид̣̇ам̣ иссарияаб̣алам̣.
Katamaṃ issariyabalaṃ? Kāmacchandaṃ pajahanto nekkhammavasena cittaṃ vasaṃ vattetīti – issariyabalaṃ. Byāpādaṃ pajahanto abyāpādavasena cittaṃ vasaṃ vattetīti – issariyabalaṃ. Thinamiddhaṃ pajahanto ālokasaññāvasena cittaṃ vasaṃ vattetīti – issariyabalaṃ…pe… sabbakilese pajahanto arahattamaggavasena cittaṃ vasaṃ vattetīti – issariyabalaṃ. Idaṃ issariyabalaṃ.
гад̇амам̣ ад̇хидтаанаб̣алам̣? гаамажчанд̣̇ам̣ баж̇аханд̇о нзгкаммавасзна жид̇д̇ам̣ ад̇хидтаад̇ийд̇и – ад̇хидтаанаб̣алам̣. б̣яаабаад̣̇ам̣ баж̇аханд̇о аб̣яаабаад̣̇авасзна жид̇д̇ам̣ ад̇хидтаад̇ийд̇и – ад̇хидтаанаб̣алам̣. т̇инамид̣̇д̇хам̣ баж̇аханд̇о аалогасан̃н̃аавасзна жид̇д̇ам̣ ад̇хидтаад̇ийд̇и – ад̇хидтаанаб̣алам̣…бз… саб̣б̣агилзсз баж̇аханд̇о арахад̇д̇амаг̇г̇авасзна жид̇д̇ам̣ ад̇хидтаад̇ийд̇и – ад̇хидтаанаб̣алам̣. ид̣̇ам̣ ад̇хидтаанаб̣алам̣.
Katamaṃ adhiṭṭhānabalaṃ? Kāmacchandaṃ pajahanto nekkhammavasena cittaṃ adhiṭṭhātīti – adhiṭṭhānabalaṃ. Byāpādaṃ pajahanto abyāpādavasena cittaṃ adhiṭṭhātīti – adhiṭṭhānabalaṃ. Thinamiddhaṃ pajahanto ālokasaññāvasena cittaṃ adhiṭṭhātīti – adhiṭṭhānabalaṃ…pe… sabbakilese pajahanto arahattamaggavasena cittaṃ adhiṭṭhātīti – adhiṭṭhānabalaṃ. Idaṃ adhiṭṭhānabalaṃ.
гад̇амам̣ самат̇аб̣алам̣? нзгкаммавасзна жид̇д̇асса згаг̇г̇ад̇аа авигкзбо самат̇аб̣алам̣, аб̣яаабаад̣̇авасзна жид̇д̇асса згаг̇г̇ад̇аа авигкзбо самат̇аб̣алам̣, аалогасан̃н̃аавасзна жид̇д̇асса згаг̇г̇ад̇аа авигкзбо самат̇аб̣алам̣…бз… бадиниссаг̇г̇аанубассий ассаасавасзна жид̇д̇асса згаг̇г̇ад̇аа авигкзбо самат̇аб̣алам̣, бадиниссаг̇г̇аанубассий бассаасавасзна жид̇д̇асса згаг̇г̇ад̇аа авигкзбо самат̇аб̣алам̣.
Katamaṃ samathabalaṃ? Nekkhammavasena cittassa ekaggatā avikkhepo samathabalaṃ, abyāpādavasena cittassa ekaggatā avikkhepo samathabalaṃ, ālokasaññāvasena cittassa ekaggatā avikkhepo samathabalaṃ…pe… paṭinissaggānupassī assāsavasena cittassa ekaggatā avikkhepo samathabalaṃ, paṭinissaggānupassī passāsavasena cittassa ekaggatā avikkhepo samathabalaṃ.
самат̇аб̣аланд̇и гзнадтзна самат̇аб̣алам̣? батамзна жхаанзна нийваран̣з на гамбад̇ийд̇и – самат̇аб̣алам̣. д̣̇уд̇иязна жхаанзна вид̇аггавижаарз на гамбад̇ийд̇и – самат̇аб̣алам̣. д̇ад̇иязна жхаанзна бийд̇ияаа на гамбад̇ийд̇и – самат̇аб̣алам̣. жад̇уд̇т̇зна жхаанзна сукад̣̇угкз на гамбад̇ийд̇и – самат̇аб̣алам̣. аагаасаанан̃жааяад̇анасамаабад̇д̇ияаа руубасан̃н̃ааяа бадигхасан̃н̃ааяа наанад̇д̇асан̃н̃ааяа на гамбад̇ийд̇и – самат̇аб̣алам̣ . вин̃н̃аан̣ан̃жааяад̇анасамаабад̇д̇ияаа аагаасаанан̃жааяад̇анасан̃н̃ааяа на гамбад̇ийд̇и – самат̇аб̣алам̣. аагин̃жан̃н̃ааяад̇анасамаабад̇д̇ияаа вин̃н̃аан̣ан̃жааяад̇анасан̃н̃ааяа на гамбад̇ийд̇и – самат̇аб̣алам̣. нзвасан̃н̃аанаасан̃н̃ааяад̇анасамаабад̇д̇ияаа аагин̃жан̃н̃ааяад̇анасан̃н̃ааяа на гамбад̇ийд̇и – самат̇аб̣алам̣. уд̣̇д̇хажжз жа уд̣̇д̇хажжасахаг̇ад̇агилзсз жа канд̇хз жа на гамбад̇ий на жалад̇и на взд̇хад̇ийд̇и – самат̇аб̣алам̣. ид̣̇ам̣ самат̇аб̣алам̣.
Samathabalanti kenaṭṭhena samathabalaṃ? Paṭhamena jhānena nīvaraṇe na kampatīti – samathabalaṃ. Dutiyena jhānena vitakkavicāre na kampatīti – samathabalaṃ. Tatiyena jhānena pītiyā na kampatīti – samathabalaṃ. Catutthena jhānena sukhadukkhe na kampatīti – samathabalaṃ. Ākāsānañcāyatanasamāpattiyā rūpasaññāya paṭighasaññāya nānattasaññāya na kampatīti – samathabalaṃ . Viññāṇañcāyatanasamāpattiyā ākāsānañcāyatanasaññāya na kampatīti – samathabalaṃ. Ākiñcaññāyatanasamāpattiyā viññāṇañcāyatanasaññāya na kampatīti – samathabalaṃ. Nevasaññānāsaññāyatanasamāpattiyā ākiñcaññāyatanasaññāya na kampatīti – samathabalaṃ. Uddhacce ca uddhaccasahagatakilese ca khandhe ca na kampatī na calati na vedhatīti – samathabalaṃ. Idaṃ samathabalaṃ.
гад̇амам̣ вибассанааб̣алам̣? анижжаанубассанаа вибассанааб̣алам̣, д̣̇угкаанубассанаа вибассанааб̣алам̣…бз… бадиниссаг̇г̇аанубассанаа вибассанааб̣алам̣, руубз анижжаанубассанаа вибассанааб̣алам̣, руубз д̣̇угкаанубассанаа вибассанааб̣алам̣…бз… руубз бадинассаг̇г̇аанубассанаа вибассанааб̣алам̣, взд̣̇анааяа…бз… сан̃н̃ааяа… сан̇каарзсу… вин̃н̃аан̣з… жагкусмим̣…бз… ж̇араамаран̣з анижжаанубассанаа вибассанааб̣алам̣, ж̇араамаран̣з д̣̇угкаанубассанаа вибассанааб̣алам̣…бз… ж̇араамаран̣з бадиниссаг̇г̇аанубассанаа вибассанааб̣алам̣. вибассанааб̣аланд̇и гзнадтзна вибассанааб̣алам̣? анижжаанубассанааяа нижжасан̃н̃ааяа на гамбад̇ийд̇и – вибассанааб̣алам̣. д̣̇угкаанубассанааяа сукасан̃н̃ааяа на гамбад̇ийд̇и – вибассанааб̣алам̣. анад̇д̇аанубассанааяа ад̇д̇асан̃н̃ааяа гамбад̇ийд̇и – вибассанааб̣алам̣. ниб̣б̣ид̣̇аанубассанааяа нанд̣̇ияаа на гамбад̇ийд̇и – вибассанааб̣алам̣. вирааг̇аанубассанааяа рааг̇з на гамбад̇ийд̇и – вибассанааб̣алам̣. нирод̇хаанубассанаа самуд̣̇аяз на гамбад̇ийд̇и – вибассанааб̣алам̣ . бадиниссаг̇г̇аанубассанааяа аад̣̇аанз на гамбад̇ийд̇и – вибассанааб̣алам̣. авиж̇ж̇ааяа авиж̇ж̇аасахаг̇ад̇агилзсз жа канд̇хз жа на гамбад̇и на жалад̇и на взд̇хад̇ийд̇и – вибассанааб̣алам̣. ид̣̇ам̣ вибассанааб̣алам̣.
Katamaṃ vipassanābalaṃ? Aniccānupassanā vipassanābalaṃ, dukkhānupassanā vipassanābalaṃ…pe… paṭinissaggānupassanā vipassanābalaṃ, rūpe aniccānupassanā vipassanābalaṃ, rūpe dukkhānupassanā vipassanābalaṃ…pe… rūpe paṭinassaggānupassanā vipassanābalaṃ, vedanāya…pe… saññāya… saṅkhāresu… viññāṇe… cakkhusmiṃ…pe… jarāmaraṇe aniccānupassanā vipassanābalaṃ, jarāmaraṇe dukkhānupassanā vipassanābalaṃ…pe… jarāmaraṇe paṭinissaggānupassanā vipassanābalaṃ. Vipassanābalanti kenaṭṭhena vipassanābalaṃ? Aniccānupassanāya niccasaññāya na kampatīti – vipassanābalaṃ. Dukkhānupassanāya sukhasaññāya na kampatīti – vipassanābalaṃ. Anattānupassanāya attasaññāya kampatīti – vipassanābalaṃ. Nibbidānupassanāya nandiyā na kampatīti – vipassanābalaṃ. Virāgānupassanāya rāge na kampatīti – vipassanābalaṃ. Nirodhānupassanā samudaye na kampatīti – vipassanābalaṃ . Paṭinissaggānupassanāya ādāne na kampatīti – vipassanābalaṃ. Avijjāya avijjāsahagatakilese ca khandhe ca na kampati na calati na vedhatīti – vipassanābalaṃ. Idaṃ vipassanābalaṃ.
гад̇амаани д̣̇аса сзкаб̣алаани, д̣̇аса асзкаб̣алаани? саммаад̣̇идтим̣ 5 сигкад̇ийд̇и – сзкаб̣алам̣. д̇ад̇т̇а сигкид̇ад̇д̇аа асзкаб̣алам̣. саммаасан̇габбам̣ сигкад̇ийд̇и – сзкаб̣алам̣. д̇ад̇т̇а сигкид̇ад̇д̇аа – асзкаб̣алам̣ . саммааваажам̣…бз… саммаагамманд̇ам̣… саммааааж̇ийвам̣… саммаавааяаамам̣… саммаасад̇им̣… саммаасамаад̇хим̣… саммаан̃аан̣ам̣…бз… саммаавимуд̇д̇им̣ сигкад̇ийд̇и – сзкаб̣алам̣. д̇ад̇т̇а сигкид̇ад̇д̇аа – асзкаб̣алам̣. имаани д̣̇аса сзкаб̣алаани, д̣̇аса асзкаб̣алаани.
Katamāni dasa sekhabalāni, dasa asekhabalāni? Sammādiṭṭhiṃ 6 sikkhatīti – sekhabalaṃ. Tattha sikkhitattā asekhabalaṃ. Sammāsaṅkappaṃ sikkhatīti – sekhabalaṃ. Tattha sikkhitattā – asekhabalaṃ . Sammāvācaṃ…pe… sammākammantaṃ… sammāājīvaṃ… sammāvāyāmaṃ… sammāsatiṃ… sammāsamādhiṃ… sammāñāṇaṃ…pe… sammāvimuttiṃ sikkhatīti – sekhabalaṃ. Tattha sikkhitattā – asekhabalaṃ. Imāni dasa sekhabalāni, dasa asekhabalāni.
гад̇амаани д̣̇аса кийн̣аасаваб̣алаани? 7 ид̇ха кийн̣аасавасса бхигкуно анижжад̇о саб̣б̣з сан̇каараа яат̇аабхууд̇ам̣ саммаббан̃н̃ааяа суд̣̇идтаа хонд̇и. яамби кийн̣аасавасса бхигкуно анижжад̇о саб̣б̣з сан̇каараа яат̇аабхууд̇ам̣ саммаббан̃н̃ааяа суд̣̇идтаа хонд̇и, ид̣̇амби кийн̣аасавасса бхигкуно б̣алам̣ ход̇и, яам̣ б̣алам̣ ааг̇амма кийн̣аасаво бхигку аасаваанам̣ каяам̣ бадиж̇аанаад̇и – ‘‘кийн̣аа мз аасаваа’’д̇и.
Katamāni dasa khīṇāsavabalāni?8 Idha khīṇāsavassa bhikkhuno aniccato sabbe saṅkhārā yathābhūtaṃ sammappaññāya sudiṭṭhā honti. Yampi khīṇāsavassa bhikkhuno aniccato sabbe saṅkhārā yathābhūtaṃ sammappaññāya sudiṭṭhā honti, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti.
буна жабарам̣ кийн̣аасавасса бхигкуно ан̇г̇аарагаасуубамаа гаамаа яат̇аабхууд̇ам̣ саммаббан̃н̃ааяа суд̣̇идтаа хонд̇и. яамби кийн̣аасавасса бхигкуно ан̇г̇аарагаасуубамаа гаамаа яат̇аабхууд̇ам̣ саммаббан̃н̃ааяа суд̣̇идтаа хонд̇и, ид̣̇амби кийн̣аасавасса бхигкуно б̣алам̣ ход̇и, яам̣ б̣алам̣ ааг̇амма кийн̣аасаво бхигку аасаваанам̣ каяам̣ бадиж̇аанаад̇и – ‘‘кийн̣аа мз аасаваа’’д̇и.
Puna caparaṃ khīṇāsavassa bhikkhuno aṅgārakāsūpamā kāmā yathābhūtaṃ sammappaññāya sudiṭṭhā honti. Yampi khīṇāsavassa bhikkhuno aṅgārakāsūpamā kāmā yathābhūtaṃ sammappaññāya sudiṭṭhā honti, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti.
буна жабарам̣ кийн̣аасавасса бхигкуно вивзганиннам̣ жид̇д̇ам̣ ход̇и вивзгабон̣ам̣ вивзгабаб̣бхаарам̣ вивзгадтам̣ нзгкаммаабхирад̇ам̣ б̣яанд̇ийбхууд̇ам̣ 9 саб̣б̣асо аасавадтааниязхи д̇хаммзхи. яамби кийн̣аасавасса бхигкуно вивзганиннам̣ жид̇д̇ам̣ ход̇и вивзгабон̣ам̣ вивзгабаб̣бхаарам̣ вивзгадтам̣ нзгкаммаабхирад̇ам̣ б̣яанд̇ибхууд̇ам̣ саб̣б̣асо аасавадтааниязхи д̇хаммзхи, ид̣̇амби кийн̣аасавасса бхигкуно б̣алам̣ ход̇и, яам̣ б̣алам̣ ааг̇амма кийн̣аасаво бхигку аасаваанам̣ каяам̣ бадиж̇аанаад̇и – ‘‘кийн̣аа мз аасаваа’’д̇и.
Puna caparaṃ khīṇāsavassa bhikkhuno vivekaninnaṃ cittaṃ hoti vivekapoṇaṃ vivekapabbhāraṃ vivekaṭṭhaṃ nekkhammābhirataṃ byantībhūtaṃ 10 sabbaso āsavaṭṭhāniyehi dhammehi. Yampi khīṇāsavassa bhikkhuno vivekaninnaṃ cittaṃ hoti vivekapoṇaṃ vivekapabbhāraṃ vivekaṭṭhaṃ nekkhammābhirataṃ byantibhūtaṃ sabbaso āsavaṭṭhāniyehi dhammehi, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti.
буна жабарам̣ кийн̣аасавасса бхигкуно жад̇д̇ааро сад̇ибадтаанаа бхаавид̇аа хонд̇и субхаавид̇аа. яамби кийн̣аасавасса бхигкуно жад̇д̇ааро сад̇ибадтаанаа бхаавид̇аа хонд̇и субхаавид̇аа, ид̣̇амби кийн̣аасавасса бхигкуно б̣алам̣ ход̇и, яам̣ б̣алам̣ ааг̇амма кийн̣аасаво бхигку аасаваанам̣ каяам̣ бадиж̇аанаад̇и – ‘‘кийн̣аа мз аасаваа’’д̇и.
Puna caparaṃ khīṇāsavassa bhikkhuno cattāro satipaṭṭhānā bhāvitā honti subhāvitā. Yampi khīṇāsavassa bhikkhuno cattāro satipaṭṭhānā bhāvitā honti subhāvitā, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti.
буна жабарам̣ кийн̣аасавасса бхигкуно жад̇д̇ааро саммаббад̇хаанаа бхаавид̇аа хонд̇и субхаавид̇аа…бз… жад̇д̇ааро ид̣̇д̇хибаад̣̇аа бхаавид̇аа хонд̇и субхаавид̇аа… бан̃жинд̣̇рияаани бхаавид̇аани хонд̇и субхаавид̇аани… бан̃жа б̣алаани бхаавид̇аани хонд̇и субхаавид̇аани… сад̇д̇а б̣ож̇жхан̇г̇аа бхаавид̇аа хонд̇и субхаавид̇аа…бз… арияо адтан̇г̇иго маг̇г̇о бхаавид̇о ход̇и субхаавид̇о. яамби кийн̣аасавасса бхигкуно адтан̇г̇иго маг̇г̇о бхаавид̇о ход̇и субхаавид̇о, ид̣̇амби кийн̣аасавасса бхигкуно б̣алам̣ ход̇и, яам̣ б̣алам̣ ааг̇амма кийн̣аасаво бхигку аасаваанам̣ каяам̣ бадиж̇аанаад̇и – ‘‘кийн̣аа мз аасаваа’’д̇и. имаани д̣̇аса кийн̣аасаваб̣алаани.
Puna caparaṃ khīṇāsavassa bhikkhuno cattāro sammappadhānā bhāvitā honti subhāvitā…pe… cattāro iddhipādā bhāvitā honti subhāvitā… pañcindriyāni bhāvitāni honti subhāvitāni… pañca balāni bhāvitāni honti subhāvitāni… satta bojjhaṅgā bhāvitā honti subhāvitā…pe… ariyo aṭṭhaṅgiko maggo bhāvito hoti subhāvito. Yampi khīṇāsavassa bhikkhuno aṭṭhaṅgiko maggo bhāvito hoti subhāvito, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti. Imāni dasa khīṇāsavabalāni.
гад̇амаани д̣̇аса ид̣̇д̇хиб̣алаани? ад̇хидтаанаа ид̣̇д̇хи, вигуб̣б̣анаа ид̣̇д̇хи, маномаяаа ид̣̇д̇хи, н̃аан̣авибпаараа ид̣̇д̇хи, самаад̇хивибпаараа ид̣̇д̇хи, арияаа ид̣̇д̇хи, гаммавибаагаж̇аа ид̣̇д̇хи, бун̃н̃авад̇о ид̣̇д̇хи, виж̇ж̇аамаяаа ид̣̇д̇хи, д̇ад̇т̇а д̇ад̇т̇а саммаа баяог̇аббажжаяаа иж̇жханадтзна ид̣̇д̇хи – имаани д̣̇аса ид̣̇д̇хиб̣алаани.
Katamāni dasa iddhibalāni? Adhiṭṭhānā iddhi, vikubbanā iddhi, manomayā iddhi, ñāṇavipphārā iddhi, samādhivipphārā iddhi, ariyā iddhi, kammavipākajā iddhi, puññavato iddhi, vijjāmayā iddhi, tattha tattha sammā payogappaccayā ijjhanaṭṭhena iddhi – imāni dasa iddhibalāni.
гад̇амаани д̣̇аса д̇ат̇ааг̇ад̇аб̣алаани? ид̇ха д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и. яамби д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и, ид̣̇амби д̇ат̇ааг̇ад̇асса д̇ат̇ааг̇ад̇аб̣алам̣ ход̇и, яам̣ б̣алам̣ ааг̇амма д̇ат̇ааг̇ад̇о аасабхам̣ таанам̣ бадиж̇аанаад̇и барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и.
Katamāni dasa tathāgatabalāni? Idha tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti. Yampi tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti, idampi tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti parisāsu sīhanādaṃ nadati, brahmacakkaṃ pavatteti.
буна жабарам̣ д̇ат̇ааг̇ад̇о ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ таанасо хзд̇усо вибаагам̣ яат̇аабхууд̇ам̣ баж̇аанаад̇и. яамби д̇ат̇ааг̇ад̇о ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ таанасо хзд̇усо вибаагам̣ яат̇аабхууд̇ам̣ баж̇аанаад̇и, ид̣̇амби д̇ат̇ааг̇ад̇асса д̇ат̇ааг̇ад̇аб̣алам̣ ход̇и, яам̣ б̣алам̣ ааг̇амма д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣, над̣̇ад̇и, б̣рахмажаггам̣ бавад̇д̇зд̇и.
Puna caparaṃ tathāgato atītānāgatapaccuppannānaṃ kammasamādānānaṃ ṭhānaso hetuso vipākaṃ yathābhūtaṃ pajānāti. Yampi tathāgato atītānāgatapaccuppannānaṃ kammasamādānānaṃ ṭhānaso hetuso vipākaṃ yathābhūtaṃ pajānāti, idampi tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ, nadati, brahmacakkaṃ pavatteti.
буна жабарам̣ д̇ат̇ааг̇ад̇о саб̣б̣ад̇т̇аг̇ааминим̣ бадибад̣̇ам̣ 11 яат̇аабхууд̇ам̣ баж̇аанаад̇и. яамби д̇ат̇ааг̇ад̇о саб̣б̣ад̇т̇аг̇ааминим̣ бадибад̣̇ам̣ яат̇аабхууд̇ам̣ баж̇аанаад̇и, ид̣̇амби д̇ат̇ааг̇ад̇асса д̇ат̇ааг̇ад̇аб̣алам̣ ход̇и, яам̣ б̣алам̣ ааг̇амма д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и.
Puna caparaṃ tathāgato sabbatthagāminiṃ paṭipadaṃ 12 yathābhūtaṃ pajānāti. Yampi tathāgato sabbatthagāminiṃ paṭipadaṃ yathābhūtaṃ pajānāti, idampi tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti.
буна жабарам̣ д̇ат̇ааг̇ад̇о анзгад̇хаад̇унаанаад̇хаад̇улогам̣ яат̇аабхууд̇ам̣ баж̇аанаад̇и. яамби д̇ат̇ааг̇ад̇о анзгад̇хаад̇унаанаад̇хаад̇улогам̣ яат̇аабхууд̇ам̣ баж̇аанаад̇и, ид̣̇амби д̇ат̇ааг̇ад̇асса…бз….
Puna caparaṃ tathāgato anekadhātunānādhātulokaṃ yathābhūtaṃ pajānāti. Yampi tathāgato anekadhātunānādhātulokaṃ yathābhūtaṃ pajānāti, idampi tathāgatassa…pe….
буна жабарам̣ д̇ат̇ааг̇ад̇о сад̇д̇аанам̣ наанаад̇химуд̇д̇игад̇ам̣ яат̇аабхууд̇ам̣ баж̇аанаад̇и. яамби д̇ат̇ааг̇ад̇о сад̇д̇аанам̣ наанаад̇химуд̇д̇игад̇ам̣ яат̇аабхууд̇ам̣ баж̇аанаад̇и, ид̣̇амби д̇ат̇ааг̇ад̇асса…бз….
Puna caparaṃ tathāgato sattānaṃ nānādhimuttikataṃ yathābhūtaṃ pajānāti. Yampi tathāgato sattānaṃ nānādhimuttikataṃ yathābhūtaṃ pajānāti, idampi tathāgatassa…pe….
буна жабарам̣ д̇ат̇ааг̇ад̇о барасад̇д̇аанам̣ барабуг̇г̇алаанам̣ инд̣̇рияабаробарияад̇д̇ам̣ яат̇аабхууд̇ам̣ баж̇аанаад̇и. яамби д̇ат̇ааг̇ад̇о барасад̇д̇аанам̣ барабуг̇г̇алаанам̣ инд̣̇рияабаробарияад̇д̇ам̣ яат̇аабхууд̇ам̣ баж̇аанаад̇и, ид̣̇амби д̇ат̇ааг̇ад̇асса…бз….
Puna caparaṃ tathāgato parasattānaṃ parapuggalānaṃ indriyaparopariyattaṃ yathābhūtaṃ pajānāti. Yampi tathāgato parasattānaṃ parapuggalānaṃ indriyaparopariyattaṃ yathābhūtaṃ pajānāti, idampi tathāgatassa…pe….
буна жабарам̣ д̇ат̇ааг̇ад̇о жхаанавимогкасамаад̇хисамаабад̇д̇ийнам̣ сам̣гилзсам̣ вод̣̇аанам̣ вудтаанам̣ яат̇аабхууд̇ам̣ баж̇аанаад̇и. яамби д̇ат̇ааг̇ад̇о жхаанавимогкасамаад̇хисамаабад̇д̇ийнам̣ сам̣гилзсам̣ вод̣̇аанам̣ вудтаанам̣ яат̇аабхууд̇ам̣ баж̇аанаад̇и, ид̣̇амби д̇ат̇ааг̇ад̇асса…бз….
Puna caparaṃ tathāgato jhānavimokkhasamādhisamāpattīnaṃ saṃkilesaṃ vodānaṃ vuṭṭhānaṃ yathābhūtaṃ pajānāti. Yampi tathāgato jhānavimokkhasamādhisamāpattīnaṃ saṃkilesaṃ vodānaṃ vuṭṭhānaṃ yathābhūtaṃ pajānāti, idampi tathāgatassa…pe….
буна жабарам̣ д̇ат̇ааг̇ад̇о анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. яамби д̇ат̇ааг̇ад̇о анзгавихид̇ам̣ буб̣б̣зниваасам̣ ануссарад̇и. сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̣̇амби д̇ат̇ааг̇ад̇асса…бз….
Puna caparaṃ tathāgato anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati. Yampi tathāgato anekavihitaṃ pubbenivāsaṃ anussarati. Seyyathidaṃ – ekampi jātiṃ dvepi jātiyo…pe… idampi tathāgatassa…pe….
буна жабарам̣ д̇ат̇ааг̇ад̇о д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз…бз… яамби д̇ат̇ааг̇ад̇о д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз…бз… ид̣̇амби д̇ат̇ааг̇ад̇асса…бз….
Puna caparaṃ tathāgato dibbena cakkhunā visuddhena atikkantamānusakena satte passati cavamāne upapajjamāne…pe… yampi tathāgato dibbena cakkhunā visuddhena atikkantamānusakena satte passati cavamāne upapajjamāne…pe… idampi tathāgatassa…pe….
буна жабарам̣ д̇ат̇ааг̇ад̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. яамби д̇ат̇ааг̇ад̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и, ид̣̇амби д̇ат̇ааг̇ад̇асса д̇ат̇ааг̇ад̇аб̣алам̣ ход̇и, яам̣ б̣алам̣ ааг̇амма д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и. имаани д̣̇аса д̇ат̇ааг̇ад̇аб̣алаани.
Puna caparaṃ tathāgato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Yampi tathāgato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati, idampi tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti. Imāni dasa tathāgatabalāni.
45. гзнадтзна сад̣̇д̇хааб̣алам̣? гзнадтзна вийрияаб̣алам̣? гзнадтзна сад̇иб̣алам̣? гзнадтзна самаад̇хиб̣алам̣? гзнадтзна бан̃н̃ааб̣алам̣? гзнадтзна хириб̣алам̣? гзнадтзна од̇д̇аббаб̣алам̣? гзнадтзна бадисан̇каанаб̣алам̣…бз… гзнадтзна д̇ат̇ааг̇ад̇аб̣алам̣?
45. Kenaṭṭhena saddhābalaṃ? Kenaṭṭhena vīriyabalaṃ? Kenaṭṭhena satibalaṃ? Kenaṭṭhena samādhibalaṃ? Kenaṭṭhena paññābalaṃ? Kenaṭṭhena hiribalaṃ? Kenaṭṭhena ottappabalaṃ? Kenaṭṭhena paṭisaṅkhānabalaṃ…pe… kenaṭṭhena tathāgatabalaṃ?
ассад̣̇д̇хияз агамбияадтзна сад̣̇д̇хааб̣алам̣. госаж̇ж̇з агамбияадтзна вийрияаб̣алам̣. бамаад̣̇з агамбияадтзна сад̇иб̣алам̣. уд̣̇д̇хажжз агамбияадтзна самаад̇хиб̣алам̣. авиж̇ж̇ааяа агамбияадтзна бан̃н̃ааб̣алам̣ . хирийяад̇и баабагз агусалз д̇хаммзд̇и – хириб̣алам̣. од̇д̇аббад̇и баабагз агусалз д̇хаммзд̇и – од̇д̇аббаб̣алам̣. н̃аан̣зна гилзсз бадисан̇каад̇ийд̇и – бадисан̇каанаб̣алам̣. д̇ад̇т̇а ж̇аад̇аа д̇хаммаа згарасаа хонд̇ийд̇и – бхааванааб̣алам̣. д̇ад̇т̇а над̇т̇и гин̃жи важ̇ж̇анд̇и – анаваж̇ж̇аб̣алам̣. д̇зна жид̇д̇ам̣ сан̇г̇ан̣хаад̇ийд̇и – сан̇г̇ахаб̣алам̣. д̇ам̣ д̇асса камад̇ийд̇и – 13 канд̇иб̣алам̣. д̇зна жид̇д̇ам̣ бан̃н̃абзд̇ийд̇и – бан̃н̃ад̇д̇иб̣алам̣. д̇зна жид̇д̇ам̣ ниж̇жхаабзд̇ийд̇и – ниж̇жхад̇д̇иб̣алам̣. д̇зна жид̇д̇ам̣ васам̣ вад̇д̇зд̇ийд̇и – иссарияаб̣алам̣. д̇зна жид̇д̇ам̣ ад̇хидтаад̇ийд̇и – ад̇хидтаанаб̣алам̣. д̇зна жид̇д̇ам̣ згаг̇г̇анд̇и – самат̇аб̣алам̣. д̇ад̇т̇а ж̇аад̇з д̇хаммз анубассад̇ийд̇и – вибассанааб̣алам̣. д̇ад̇т̇а сигкад̇ийд̇и – сзкаб̣алам̣. д̇ад̇т̇а сигкид̇ад̇д̇аа – асзкаб̣алам̣. д̇зна аасаваа кийн̣аад̇и – кийн̣аасаваб̣алам̣. д̇асса иж̇жхад̇ийд̇и – ид̣̇д̇хиб̣алам̣. аббамзяяадтзна д̇ат̇ааг̇ад̇аб̣аланд̇и.
Assaddhiye akampiyaṭṭhena saddhābalaṃ. Kosajje akampiyaṭṭhena vīriyabalaṃ. Pamāde akampiyaṭṭhena satibalaṃ. Uddhacce akampiyaṭṭhena samādhibalaṃ. Avijjāya akampiyaṭṭhena paññābalaṃ . Hirīyati pāpake akusale dhammeti – hiribalaṃ. Ottappati pāpake akusale dhammeti – ottappabalaṃ. Ñāṇena kilese paṭisaṅkhātīti – paṭisaṅkhānabalaṃ. Tattha jātā dhammā ekarasā hontīti – bhāvanābalaṃ. Tattha natthi kiñci vajjanti – anavajjabalaṃ. Tena cittaṃ saṅgaṇhātīti – saṅgahabalaṃ. Taṃ tassa khamatīti – 14 khantibalaṃ. Tena cittaṃ paññapetīti – paññattibalaṃ. Tena cittaṃ nijjhāpetīti – nijjhattibalaṃ. Tena cittaṃ vasaṃ vattetīti – issariyabalaṃ. Tena cittaṃ adhiṭṭhātīti – adhiṭṭhānabalaṃ. Tena cittaṃ ekagganti – samathabalaṃ. Tattha jāte dhamme anupassatīti – vipassanābalaṃ. Tattha sikkhatīti – sekhabalaṃ. Tattha sikkhitattā – asekhabalaṃ. Tena āsavā khīṇāti – khīṇāsavabalaṃ. Tassa ijjhatīti – iddhibalaṃ. Appameyyaṭṭhena tathāgatabalanti.
б̣алагат̇аа нидтид̇аа.
Balakathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / б̣алагат̇ааван̣н̣анаа • Balakathāvaṇṇanā
