| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੯. ਬਲਕਥਾ
9. Balakathā
੪੪. ਸਾવਤ੍ਥਿਨਿਦਾਨਂ 1। ‘‘ਪਞ੍ਚਿਮਾਨਿ , ਭਿਕ੍ਖવੇ, ਬਲਾਨਿ। ਕਤਮਾਨਿ ਪਞ੍ਚ? ਸਦ੍ਧਾਬਲਂ, વੀਰਿਯਬਲਂ, ਸਤਿਬਲਂ, ਸਮਾਧਿਬਲਂ, ਪਞ੍ਞਾਬਲਂ – ਇਮਾਨਿ ਖੋ, ਭਿਕ੍ਖવੇ, ਪਞ੍ਚ ਬਲਾਨਿ।
44. Sāvatthinidānaṃ 2. ‘‘Pañcimāni , bhikkhave, balāni. Katamāni pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ – imāni kho, bhikkhave, pañca balāni.
‘‘ਅਪਿ ਚ, ਅਟ੍ਠਸਟ੍ਠਿ ਬਲਾਨਿ – ਸਦ੍ਧਾਬਲਂ, વੀਰਿਯਬਲਂ, ਸਤਿਬਲਂ, ਸਮਾਧਿਬਲਂ, ਪਞ੍ਞਾਬਲਂ, ਹਿਰਿਬਲਂ, ਓਤ੍ਤਪ੍ਪਬਲਂ, ਪਟਿਸਙ੍ਖਾਨਬਲਂ, ਭਾવਨਾਬਲਂ, ਅਨવਜ੍ਜਬਲਂ, ਸਙ੍ਗਹਬਲਂ, ਖਨ੍ਤਿਬਲਂ, ਪਞ੍ਞਤ੍ਤਿਬਲਂ, ਨਿਜ੍ਝਤ੍ਤਿਬਲਂ, ਇਸ੍ਸਰਿਯਬਲਂ , ਅਧਿਟ੍ਠਾਨਬਲਂ, ਸਮਥਬਲਂ, વਿਪਸ੍ਸਨਾਬਲਂ, ਦਸ ਸੇਖਬਲਾਨਿ, ਦਸ ਅਸੇਖਬਲਾਨਿ, ਦਸ ਖੀਣਾਸવਬਲਾਨਿ, ਦਸ ਇਦ੍ਧਿਬਲਾਨਿ, ਦਸ ਤਥਾਗਤਬਲਾਨਿ’’।
‘‘Api ca, aṭṭhasaṭṭhi balāni – saddhābalaṃ, vīriyabalaṃ, satibalaṃ, samādhibalaṃ, paññābalaṃ, hiribalaṃ, ottappabalaṃ, paṭisaṅkhānabalaṃ, bhāvanābalaṃ, anavajjabalaṃ, saṅgahabalaṃ, khantibalaṃ, paññattibalaṃ, nijjhattibalaṃ, issariyabalaṃ , adhiṭṭhānabalaṃ, samathabalaṃ, vipassanābalaṃ, dasa sekhabalāni, dasa asekhabalāni, dasa khīṇāsavabalāni, dasa iddhibalāni, dasa tathāgatabalāni’’.
ਕਤਮਂ ਸਦ੍ਧਾਬਲਂ? ਅਸ੍ਸਦ੍ਧਿਯੇ ਨ ਕਮ੍ਪਤੀਤਿ – ਸਦ੍ਧਾਬਲਂ। ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਟ੍ਠੇਨ ਸਦ੍ਧਾਬਲਂ, ਕਿਲੇਸਾਨਂ ਪਰਿਯਾਦਾਨਟ੍ਠੇਨ ਸਦ੍ਧਾਬਲਂ, ਪਟਿવੇਧਾਦਿવਿਸੋਧਨਟ੍ਠੇਨ ਸਦ੍ਧਾਬਲਂ, ਚਿਤ੍ਤਸ੍ਸ ਅਧਿਟ੍ਠਾਨਟ੍ਠੇਨ ਸਦ੍ਧਾਬਲਂ, ਚਿਤ੍ਤਸ੍ਸ વੋਦਾਨਟ੍ਠੇਨ ਸਦ੍ਧਾਬਲਂ, વਿਸੇਸਾਧਿਗਮਟ੍ਠੇਨ ਸਦ੍ਧਾਬਲਂ, ਉਤ੍ਤਰਿ ਪਟਿવੇਧਟ੍ਠੇਨ ਸਦ੍ਧਾਬਲਂ, ਸਚ੍ਚਾਭਿਸਮਯਟ੍ਠੇਨ ਸਦ੍ਧਾਬਲਂ, ਨਿਰੋਧੇ ਪਤਿਟ੍ਠਾਪਕਟ੍ਠੇਨ ਸਦ੍ਧਾਬਲਂ। ਇਦਂ ਸਦ੍ਧਾਬਲਂ।
Katamaṃ saddhābalaṃ? Assaddhiye na kampatīti – saddhābalaṃ. Sahajātānaṃ dhammānaṃ upatthambhanaṭṭhena saddhābalaṃ, kilesānaṃ pariyādānaṭṭhena saddhābalaṃ, paṭivedhādivisodhanaṭṭhena saddhābalaṃ, cittassa adhiṭṭhānaṭṭhena saddhābalaṃ, cittassa vodānaṭṭhena saddhābalaṃ, visesādhigamaṭṭhena saddhābalaṃ, uttari paṭivedhaṭṭhena saddhābalaṃ, saccābhisamayaṭṭhena saddhābalaṃ, nirodhe patiṭṭhāpakaṭṭhena saddhābalaṃ. Idaṃ saddhābalaṃ.
ਕਤਮਂ વੀਰਿਯਬਲਂ? ਕੋਸਜ੍ਜੇ ਨ ਕਮ੍ਪਤੀਤਿ – વੀਰਿਯਬਲਂ। ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਟ੍ਠੇਨ વੀਰਿਯਬਲਂ, ਕਿਲੇਸਾਨਂ ਪਰਿਯਾਦਾਨਟ੍ਠੇਨ વੀਰਿਯਬਲਂ, ਪਟਿવੇਧਾਦਿવਿਸੋਧਨਟ੍ਠੇਨ વੀਰਿਯਬਲਂ, ਚਿਤ੍ਤਸ੍ਸ ਅਧਿਟ੍ਠਾਨਟ੍ਠੇਨ વੀਰਿਯਬਲਂ, ਚਿਤ੍ਤਸ੍ਸ વੋਦਾਨਟ੍ਠੇਨ વੀਰਿਯਬਲਂ, વਿਸੇਸਾਧਿਗਮਟ੍ਠੇਨ વੀਰਿਯਬਲਂ, ਉਤ੍ਤਰਿ ਪਟਿવੇਧਟ੍ਠੇਨ વੀਰਿਯਬਲਂ, ਸਚ੍ਚਾਭਿਸਮਯਟ੍ਠੇਨ વੀਰਿਯਬਲਂ, ਨਿਰੋਧੇ ਪਤਿਟ੍ਠਾਪਕਟ੍ਠੇਨ વੀਰਿਯਬਲਂ। ਇਦਂ વੀਰਿਯਬਲਂ।
Katamaṃ vīriyabalaṃ? Kosajje na kampatīti – vīriyabalaṃ. Sahajātānaṃ dhammānaṃ upatthambhanaṭṭhena vīriyabalaṃ, kilesānaṃ pariyādānaṭṭhena vīriyabalaṃ, paṭivedhādivisodhanaṭṭhena vīriyabalaṃ, cittassa adhiṭṭhānaṭṭhena vīriyabalaṃ, cittassa vodānaṭṭhena vīriyabalaṃ, visesādhigamaṭṭhena vīriyabalaṃ, uttari paṭivedhaṭṭhena vīriyabalaṃ, saccābhisamayaṭṭhena vīriyabalaṃ, nirodhe patiṭṭhāpakaṭṭhena vīriyabalaṃ. Idaṃ vīriyabalaṃ.
ਕਤਮਂ ਸਤਿਬਲਂ? ਪਮਾਦੇ ਨ ਕਮ੍ਪਤੀਤਿ – ਸਤਿਬਲਂ। ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਟ੍ਠੇਨ ਸਤਿਬਲਂ…ਪੇ॰… ਨਿਰੋਧੇ ਪਤਿਟ੍ਠਾਪਕਟ੍ਠੇਨ ਸਤਿਬਲਂ। ਇਦਂ ਸਤਿਬਲਂ।
Katamaṃ satibalaṃ? Pamāde na kampatīti – satibalaṃ. Sahajātānaṃ dhammānaṃ upatthambhanaṭṭhena satibalaṃ…pe… nirodhe patiṭṭhāpakaṭṭhena satibalaṃ. Idaṃ satibalaṃ.
ਕਤਮਂ ਸਮਾਧਿਬਲਂ? ਉਦ੍ਧਚ੍ਚੇ ਨ ਕਮ੍ਪਤੀਤਿ – ਸਮਾਧਿਬਲਂ। ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਟ੍ਠੇਨ ਸਮਾਧਿਬਲਂ…ਪੇ॰… ਨਿਰੋਧੇ ਪਤਿਟ੍ਠਾਪਕਟ੍ਠੇਨ ਸਮਾਧਿਬਲਂ। ਇਦਂ ਸਮਾਧਿਬਲਂ।
Katamaṃ samādhibalaṃ? Uddhacce na kampatīti – samādhibalaṃ. Sahajātānaṃ dhammānaṃ upatthambhanaṭṭhena samādhibalaṃ…pe… nirodhe patiṭṭhāpakaṭṭhena samādhibalaṃ. Idaṃ samādhibalaṃ.
ਕਤਮਂ ਪਞ੍ਞਾਬਲਂ? ਅવਿਜ੍ਜਾਯ ਨ ਕਮ੍ਪਤੀਤਿ – ਪਞ੍ਞਾਬਲਂ। ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਟ੍ਠੇਨ ਪਞ੍ਞਾਬਲਂ…ਪੇ॰… ਨਿਰੋਧੇ ਪਤਿਟ੍ਠਾਪਕਟ੍ਠੇਨ ਪਞ੍ਞਾਬਲਂ। ਇਦਂ ਪਞ੍ਞਾਬਲਂ।
Katamaṃ paññābalaṃ? Avijjāya na kampatīti – paññābalaṃ. Sahajātānaṃ dhammānaṃ upatthambhanaṭṭhena paññābalaṃ…pe… nirodhe patiṭṭhāpakaṭṭhena paññābalaṃ. Idaṃ paññābalaṃ.
ਕਤਮਂ ਹਿਰਿਬਲਂ? ਨੇਕ੍ਖਮ੍ਮੇਨ ਕਾਮਚ੍ਛਨ੍ਦਂ ਹਿਰੀਯਤੀਤਿ 3 – ਹਿਰਿਬਲਂ। ਅਬ੍ਯਾਪਾਦੇਨ ਬ੍ਯਾਪਾਦਂ ਹਿਰੀਯਤੀਤਿ – ਹਿਰਿਬਲਂ। ਆਲੋਕਸਞ੍ਞਾਯ ਥਿਨਮਿਦ੍ਧਂ ਹਿਰੀਯਤੀਤਿ – ਹਿਰਿਬਲਂ। ਅવਿਕ੍ਖੇਪੇਨ ਉਦ੍ਧਚ੍ਚਂ ਹਿਰੀਯਤੀਤਿ – ਹਿਰਿਬਲਂ। ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਂ ਹਿਰੀਯਤੀਤਿ – ਹਿਰਿਬਲਂ। ਞਾਣੇਨ ਅવਿਜ੍ਜਂ ਹਿਰੀਯਤੀਤਿ – ਹਿਰਿਬਲਂ। ਪਾਮੋਜ੍ਜੇਨ ਅਰਤਿਂ ਹਿਰੀਯਤੀਤਿ – ਹਿਰਿਬਲਂ। ਪਠਮੇਨ ਝਾਨੇਨ ਨੀવਰਣੇ ਹਿਰੀਯਤੀਤਿ – ਹਿਰਿਬਲਂ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸੇ ਹਿਰੀਯਤੀਤਿ – ਹਿਰਿਬਲਂ। ਇਦਂ ਹਿਰਿਬਲਂ।
Katamaṃ hiribalaṃ? Nekkhammena kāmacchandaṃ hirīyatīti 4 – hiribalaṃ. Abyāpādena byāpādaṃ hirīyatīti – hiribalaṃ. Ālokasaññāya thinamiddhaṃ hirīyatīti – hiribalaṃ. Avikkhepena uddhaccaṃ hirīyatīti – hiribalaṃ. Dhammavavatthānena vicikicchaṃ hirīyatīti – hiribalaṃ. Ñāṇena avijjaṃ hirīyatīti – hiribalaṃ. Pāmojjena aratiṃ hirīyatīti – hiribalaṃ. Paṭhamena jhānena nīvaraṇe hirīyatīti – hiribalaṃ…pe… arahattamaggena sabbakilese hirīyatīti – hiribalaṃ. Idaṃ hiribalaṃ.
ਕਤਮਂ ਓਤ੍ਤਪ੍ਪਬਲਂ? ਨੇਕ੍ਖਮ੍ਮੇਨ ਕਾਮਚ੍ਛਨ੍ਦਂ ਓਤ੍ਤਪ੍ਪਤੀਤਿ – ਓਤ੍ਤਪ੍ਪਬਲਂ। ਅਬ੍ਯਾਪਾਦੇਨ ਬ੍ਯਾਪਾਦਂ ਓਤ੍ਤਪ੍ਪਤੀਤਿ – ਓਤ੍ਤਪ੍ਪਬਲਂ। ਆਲੋਕਸਞ੍ਞਾਯ ਥਿਨਮਿਦ੍ਧਂ ਓਤ੍ਤਪ੍ਪਤੀਤਿ – ਓਤ੍ਤਪ੍ਪਬਲਂ। ਅવਿਕ੍ਖੇਪੇਨ ਉਦ੍ਧਚ੍ਚਂ ਓਤ੍ਤਪ੍ਪਤੀਤਿ – ਓਤ੍ਤਪ੍ਪਬਲਂ। ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਂ ਓਤ੍ਤਪ੍ਪਤੀਤਿ – ਓਤ੍ਤਪ੍ਪਬਲਂ। ਞਾਣੇਨ ਅવਿਜ੍ਜਂ ਓਤ੍ਤਪ੍ਪਤੀਤਿ – ਓਤ੍ਤਪ੍ਪਬਲਂ । ਪਾਮੋਜ੍ਜੇਨ ਅਰਤਿਂ ਓਤ੍ਤਪ੍ਪਤੀਤਿ – ਓਤ੍ਤਪ੍ਪਬਲਂ। ਪਠਮੇਨ ਝਾਨੇਨ ਨੀવਰਣੇ ਓਤ੍ਤਪ੍ਪਤੀਤਿ – ਓਤ੍ਤਪ੍ਪਬਲਂ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸੇ ਓਤ੍ਤਪ੍ਪਤੀਤਿ – ਓਤ੍ਤਪ੍ਪਬਲਂ। ਇਦਂ ਓਤ੍ਤਪ੍ਪਬਲਂ।
Katamaṃ ottappabalaṃ? Nekkhammena kāmacchandaṃ ottappatīti – ottappabalaṃ. Abyāpādena byāpādaṃ ottappatīti – ottappabalaṃ. Ālokasaññāya thinamiddhaṃ ottappatīti – ottappabalaṃ. Avikkhepena uddhaccaṃ ottappatīti – ottappabalaṃ. Dhammavavatthānena vicikicchaṃ ottappatīti – ottappabalaṃ. Ñāṇena avijjaṃ ottappatīti – ottappabalaṃ . Pāmojjena aratiṃ ottappatīti – ottappabalaṃ. Paṭhamena jhānena nīvaraṇe ottappatīti – ottappabalaṃ…pe… arahattamaggena sabbakilese ottappatīti – ottappabalaṃ. Idaṃ ottappabalaṃ.
ਕਤਮਂ ਪਟਿਸਙ੍ਖਾਨਬਲਂ? ਨੇਕ੍ਖਮ੍ਮੇਨ ਕਾਮਚ੍ਛਨ੍ਦਂ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ। ਅਬ੍ਯਾਪਾਦੇਨ ਬ੍ਯਾਪਾਦਂ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ। ਆਲੋਕਸਞ੍ਞਾਯ ਥਿਨਮਿਦ੍ਧਂ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ। ਅવਿਕ੍ਖੇਪੇਨ ਉਦ੍ਧਚ੍ਚਂ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ। ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਂ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ। ਞਾਣੇਨ ਅવਿਜ੍ਜਂ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ । ਪਾਮੋਜ੍ਜੇਨ ਅਰਤਿਂ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ। ਪਠਮੇਨ ਝਾਨੇਨ ਨੀવਰਣੇ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸੇ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ। ਇਦਂ ਪਟਿਸਙ੍ਖਾਨਬਲਂ।
Katamaṃ paṭisaṅkhānabalaṃ? Nekkhammena kāmacchandaṃ paṭisaṅkhātīti – paṭisaṅkhānabalaṃ. Abyāpādena byāpādaṃ paṭisaṅkhātīti – paṭisaṅkhānabalaṃ. Ālokasaññāya thinamiddhaṃ paṭisaṅkhātīti – paṭisaṅkhānabalaṃ. Avikkhepena uddhaccaṃ paṭisaṅkhātīti – paṭisaṅkhānabalaṃ. Dhammavavatthānena vicikicchaṃ paṭisaṅkhātīti – paṭisaṅkhānabalaṃ. Ñāṇena avijjaṃ paṭisaṅkhātīti – paṭisaṅkhānabalaṃ . Pāmojjena aratiṃ paṭisaṅkhātīti – paṭisaṅkhānabalaṃ. Paṭhamena jhānena nīvaraṇe paṭisaṅkhātīti – paṭisaṅkhānabalaṃ…pe… arahattamaggena sabbakilese paṭisaṅkhātīti – paṭisaṅkhānabalaṃ. Idaṃ paṭisaṅkhānabalaṃ.
ਕਤਮਂ ਭਾવਨਾਬਲਂ? ਕਾਮਚ੍ਛਨ੍ਦਂ ਪਜਹਨ੍ਤੋ ਨੇਕ੍ਖਮ੍ਮਂ ਭਾવੇਤੀਤਿ – ਭਾવਨਾਬਲਂ। ਬ੍ਯਾਪਾਦਂ ਪਜਹਨ੍ਤੋ ਅਬ੍ਯਾਪਾਦਂ ਭਾવੇਤੀਤਿ – ਭਾવਨਾਬਲਂ। ਥਿਨਮਿਦ੍ਧਂ ਪਜਹਨ੍ਤੋ ਆਲੋਕਸਞ੍ਞਂ ਭਾવੇਤੀਤਿ – ਭਾવਨਾਬਲਂ। ਉਦ੍ਧਚ੍ਚਂ ਪਜਹਨ੍ਤੋ ਅવਿਕ੍ਖੇਪਂ ਭਾવੇਤੀਤਿ – ਭਾવਨਾਬਲਂ। વਿਚਿਕਿਚ੍ਛਂ ਪਜਹਨ੍ਤੋ ਧਮ੍ਮવવਤ੍ਥਾਨਂ ਭਾવੇਤੀਤਿ – ਭਾવਨਾਬਲਂ। ਅવਿਜ੍ਜਂ ਪਜਹਨ੍ਤੋ ਞਾਣਂ ਭਾવੇਤੀਤਿ – ਭਾવਨਾਬਲਂ। ਅਰਤਿਂ ਪਜਹਨ੍ਤੋ ਪਾਮੋਜ੍ਜਂ ਭਾવੇਤੀਤਿ – ਭਾવਨਾਬਲਂ। ਨੀવਰਣੇ ਪਜਹਨ੍ਤੋ ਪਠਮਂ ਝਾਨਂ ਭਾવੇਤੀਤਿ – ਭਾવਨਾਬਲਂ…ਪੇ॰… ਸਬ੍ਬਕਿਲੇਸੇ ਪਜਹਨ੍ਤੋ ਅਰਹਤ੍ਤਮਗ੍ਗਂ ਭਾવੇਤੀਤਿ – ਭਾવਨਾਬਲਂ। ਇਦਂ ਭਾવਨਾਬਲਂ।
Katamaṃ bhāvanābalaṃ? Kāmacchandaṃ pajahanto nekkhammaṃ bhāvetīti – bhāvanābalaṃ. Byāpādaṃ pajahanto abyāpādaṃ bhāvetīti – bhāvanābalaṃ. Thinamiddhaṃ pajahanto ālokasaññaṃ bhāvetīti – bhāvanābalaṃ. Uddhaccaṃ pajahanto avikkhepaṃ bhāvetīti – bhāvanābalaṃ. Vicikicchaṃ pajahanto dhammavavatthānaṃ bhāvetīti – bhāvanābalaṃ. Avijjaṃ pajahanto ñāṇaṃ bhāvetīti – bhāvanābalaṃ. Aratiṃ pajahanto pāmojjaṃ bhāvetīti – bhāvanābalaṃ. Nīvaraṇe pajahanto paṭhamaṃ jhānaṃ bhāvetīti – bhāvanābalaṃ…pe… sabbakilese pajahanto arahattamaggaṃ bhāvetīti – bhāvanābalaṃ. Idaṃ bhāvanābalaṃ.
ਕਤਮਂ ਅਨવਜ੍ਜਬਲਂ? ਕਾਮਚ੍ਛਨ੍ਦਸ੍ਸ ਪਹੀਨਤ੍ਤਾ ਨੇਕ੍ਖਮ੍ਮੇ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ – ਅਨવਜ੍ਜਬਲਂ। ਬ੍ਯਾਪਾਦਸ੍ਸ ਪਹੀਨਤ੍ਤਾ ਅਬ੍ਯਾਪਾਦੇ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ – ਅਨવਜ੍ਜਬਲਂ। ਥਿਨਮਿਦ੍ਧਸ੍ਸ ਪਹੀਨਤ੍ਤਾ ਆਲੋਕਸਞ੍ਞਾਯ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ – ਅਨવਜ੍ਜਬਲਂ। ਉਦ੍ਧਚ੍ਚਸ੍ਸ ਪਹੀਨਤ੍ਤਾ ਅવਿਕ੍ਖੇਪੇ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ – ਅਨવਜ੍ਜਬਲਂ। વਿਚਿਕਿਚ੍ਛਾਯ ਪਹੀਨਤ੍ਤਾ ਧਮ੍ਮવવਤ੍ਥਾਨੇ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ – ਅਨવਜ੍ਜਬਲਂ। ਅવਿਜ੍ਜਾਯ ਪਹੀਨਤ੍ਤਾ ਞਾਣੇ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ – ਅਨવਜ੍ਜਬਲਂ। ਅਰਤਿਯਾ ਪਹੀਨਤ੍ਤਾ ਪਾਮੋਜ੍ਜੇ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ ਅਨવਜ੍ਜਬਲਂ। ਨੀવਰਣਾਨਂ ਪਹੀਨਤ੍ਤਾ ਪਠਮਜ੍ਝਾਨੇ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ – ਅਨવਜ੍ਜਬਲਂ…ਪੇ॰… ਸਬ੍ਬਕਿਲੇਸਾਨਂ ਪਹੀਨਤ੍ਤਾ ਅਰਹਤ੍ਤਮਗ੍ਗੇ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ – ਅਨવਜ੍ਜਬਲਂ। ਇਦਂ ਅਨવਜ੍ਜਬਲਂ।
Katamaṃ anavajjabalaṃ? Kāmacchandassa pahīnattā nekkhamme natthi kiñci vajjanti – anavajjabalaṃ. Byāpādassa pahīnattā abyāpāde natthi kiñci vajjanti – anavajjabalaṃ. Thinamiddhassa pahīnattā ālokasaññāya natthi kiñci vajjanti – anavajjabalaṃ. Uddhaccassa pahīnattā avikkhepe natthi kiñci vajjanti – anavajjabalaṃ. Vicikicchāya pahīnattā dhammavavatthāne natthi kiñci vajjanti – anavajjabalaṃ. Avijjāya pahīnattā ñāṇe natthi kiñci vajjanti – anavajjabalaṃ. Aratiyā pahīnattā pāmojje natthi kiñci vajjanti anavajjabalaṃ. Nīvaraṇānaṃ pahīnattā paṭhamajjhāne natthi kiñci vajjanti – anavajjabalaṃ…pe… sabbakilesānaṃ pahīnattā arahattamagge natthi kiñci vajjanti – anavajjabalaṃ. Idaṃ anavajjabalaṃ.
ਕਤਮਂ ਸਙ੍ਗਹਬਲਂ? ਕਾਮਚ੍ਛਨ੍ਦਂ ਪਜਹਨ੍ਤੋ ਨੇਕ੍ਖਮ੍ਮવਸੇਨ ਚਿਤ੍ਤਂ ਸਙ੍ਗਣ੍ਹਾਤੀਤਿ – ਸਙ੍ਗਹਬਲਂ। ਬ੍ਯਾਪਾਦਂ ਪਜਹਨ੍ਤੋ ਅਬ੍ਯਾਪਾਦવਸੇਨ ਚਿਤ੍ਤਂ ਸਙ੍ਗਣ੍ਹਾਤੀਤਿ – ਸਙ੍ਗਹਬਲਂ। ਥਿਨਮਿਦ੍ਧਂ ਪਜਹਨ੍ਤੋ ਆਲੋਕਸਞ੍ਞਾવਸੇਨ ਚਿਤ੍ਤਂ ਸਙ੍ਗਣ੍ਹਾਤੀਤਿ – ਸਙ੍ਗਹਬਲਂ…ਪੇ॰… ਸਬ੍ਬਕਿਲੇਸੇ ਪਜਹਨ੍ਤੋ ਅਰਹਤ੍ਤਮਗ੍ਗવਸੇਨ ਚਿਤ੍ਤਂ ਸਙ੍ਗਣ੍ਹਾਤੀਤਿ – ਸਙ੍ਗਹਬਲਂ। ਇਦਂ ਸਙ੍ਗਹਬਲਂ।
Katamaṃ saṅgahabalaṃ? Kāmacchandaṃ pajahanto nekkhammavasena cittaṃ saṅgaṇhātīti – saṅgahabalaṃ. Byāpādaṃ pajahanto abyāpādavasena cittaṃ saṅgaṇhātīti – saṅgahabalaṃ. Thinamiddhaṃ pajahanto ālokasaññāvasena cittaṃ saṅgaṇhātīti – saṅgahabalaṃ…pe… sabbakilese pajahanto arahattamaggavasena cittaṃ saṅgaṇhātīti – saṅgahabalaṃ. Idaṃ saṅgahabalaṃ.
ਕਤਮਂ ਖਨ੍ਤਿਬਲਂ? ਕਾਮਚ੍ਛਨ੍ਦਸ੍ਸ ਪਹੀਨਤ੍ਤਾ ਨੇਕ੍ਖਮ੍ਮਂ ਖਮਤੀਤਿ – ਖਨ੍ਤਿਬਲਂ। ਬ੍ਯਾਪਾਦਸ੍ਸ ਪਹੀਨਤ੍ਤਾ ਅਬ੍ਯਾਪਾਦੋ ਖਮਤੀਤਿ – ਖਨ੍ਤਿਬਲਂ। ਥਿਨਮਿਦ੍ਧਸ੍ਸ ਪਹੀਨਤ੍ਤਾ ਆਲੋਕਸਞ੍ਞਾ ਖਮਤੀਤਿ – ਖਨ੍ਤਿਬਲਂ। ਉਦ੍ਧਚ੍ਚਸ੍ਸ ਪਹੀਨਤ੍ਤਾ ਅવਿਕ੍ਖੇਪੋ ਖਮਤੀਤਿ – ਖਨ੍ਤਿਬਲਂ। વਿਚਿਕਿਚ੍ਛਾਯ ਪਹੀਨਤ੍ਤਾ ਧਮ੍ਮવવਤ੍ਥਾਨਂ ਖਮਤੀਤਿ – ਖਨ੍ਤਿਬਲਂ। ਅવਿਜ੍ਜਾਯ ਪਹੀਨਤ੍ਤਾ ਞਾਣਂ ਖਮਤੀਤਿ – ਖਨ੍ਤਿਬਲਂ। ਅਰਤਿਯਾ ਪਹੀਨਤ੍ਤਾ ਪਾਮੋਜ੍ਜਂ ਖਮਤੀਤਿ – ਖਨ੍ਤਿਬਲਂ। ਨੀવਰਣਾਨਂ ਪਹੀਨਤ੍ਤਾ ਪਠਮਂ ਝਾਨਂ ਖਮਤੀਤਿ – ਖਨ੍ਤਿਬਲਂ…ਪੇ॰… ਸਬ੍ਬਕਿਲੇਸਾਨਂ ਪਹੀਨਤ੍ਤਾ ਅਰਹਤ੍ਤਮਗ੍ਗੋ ਖਮਤੀਤਿ – ਖਨ੍ਤਿਬਲਂ। ਇਦਂ ਖਨ੍ਤਿਬਲਂ।
Katamaṃ khantibalaṃ? Kāmacchandassa pahīnattā nekkhammaṃ khamatīti – khantibalaṃ. Byāpādassa pahīnattā abyāpādo khamatīti – khantibalaṃ. Thinamiddhassa pahīnattā ālokasaññā khamatīti – khantibalaṃ. Uddhaccassa pahīnattā avikkhepo khamatīti – khantibalaṃ. Vicikicchāya pahīnattā dhammavavatthānaṃ khamatīti – khantibalaṃ. Avijjāya pahīnattā ñāṇaṃ khamatīti – khantibalaṃ. Aratiyā pahīnattā pāmojjaṃ khamatīti – khantibalaṃ. Nīvaraṇānaṃ pahīnattā paṭhamaṃ jhānaṃ khamatīti – khantibalaṃ…pe… sabbakilesānaṃ pahīnattā arahattamaggo khamatīti – khantibalaṃ. Idaṃ khantibalaṃ.
ਕਤਮਂ ਪਞ੍ਞਤ੍ਤਿਬਲਂ? ਕਾਮਚ੍ਛਨ੍ਦਂ ਪਜਹਨ੍ਤੋ ਨੇਕ੍ਖਮ੍ਮવਸੇਨ ਚਿਤ੍ਤਂ ਪਞ੍ਞਪੇਤੀਤਿ – ਪਞ੍ਞਤ੍ਤਿਬਲਂ। ਬ੍ਯਾਪਾਦਂ ਪਜਹਨ੍ਤੋ ਅਬ੍ਯਾਪਾਦવਸੇਨ ਚਿਤ੍ਤਂ ਪਞ੍ਞਪੇਤੀਤਿ – ਪਞ੍ਞਤ੍ਤਿਬਲਂ। ਥਿਨਮਿਦ੍ਧਂ ਪਜਹਨ੍ਤੋ ਆਲੋਕਸਞ੍ਞਾવਸੇਨ ਚਿਤ੍ਤਂ ਪਞ੍ਞਪੇਤੀਤਿ – ਪਞ੍ਞਤ੍ਤਿਬਲਂ…ਪੇ॰… ਸਬ੍ਬਕਿਲੇਸੇ ਪਜਹਨ੍ਤੋ ਅਰਹਤ੍ਤਮਗ੍ਗવਸੇਨ ਚਿਤ੍ਤਂ ਪਞ੍ਞਪੇਤੀਤਿ – ਪਞ੍ਞਤ੍ਤਿਬਲਂ। ਇਦਂ ਪਞ੍ਞਤ੍ਤਿਬਲਂ।
Katamaṃ paññattibalaṃ? Kāmacchandaṃ pajahanto nekkhammavasena cittaṃ paññapetīti – paññattibalaṃ. Byāpādaṃ pajahanto abyāpādavasena cittaṃ paññapetīti – paññattibalaṃ. Thinamiddhaṃ pajahanto ālokasaññāvasena cittaṃ paññapetīti – paññattibalaṃ…pe… sabbakilese pajahanto arahattamaggavasena cittaṃ paññapetīti – paññattibalaṃ. Idaṃ paññattibalaṃ.
ਕਤਮਂ ਨਿਜ੍ਝਤ੍ਤਿਬਲਂ? ਕਾਮਚ੍ਛਨ੍ਦਂ ਪਜਹਨ੍ਤੋ ਨੇਕ੍ਖਮ੍ਮવਸੇਨ ਚਿਤ੍ਤਂ ਨਿਜ੍ਝਾਪੇਤੀਤਿ – ਨਿਜ੍ਝਤ੍ਤਿਬਲਂ। ਬ੍ਯਾਪਾਦਂ ਪਜਹਨ੍ਤੋ ਅਬ੍ਯਾਪਾਦવਸੇਨ ਚਿਤ੍ਤਂ ਨਿਜ੍ਝਾਪੇਤੀਤਿ – ਨਿਜ੍ਝਤ੍ਤਿਬਲਂ। ਥਿਨਮਿਦ੍ਧਂ ਪਜਹਨ੍ਤੋ ਆਲੋਕਸਞ੍ਞਾવਸੇਨ ਚਿਤ੍ਤਂ ਨਿਜ੍ਝਾਪੇਤੀਤਿ – ਨਿਜ੍ਝਤ੍ਤਿਬਲਂ…ਪੇ॰… ਸਬ੍ਬਕਿਲੇਸੇ ਪਜਹਨ੍ਤੋ ਅਰਹਤ੍ਤਮਗ੍ਗવਸੇਨ ਚਿਤ੍ਤਂ ਨਿਜ੍ਝਾਪੇਤੀਤਿ – ਨਿਜ੍ਝਤ੍ਤਿਬਲਂ। ਇਦਂ ਨਿਜ੍ਝਤ੍ਤਿਬਲਂ।
Katamaṃ nijjhattibalaṃ? Kāmacchandaṃ pajahanto nekkhammavasena cittaṃ nijjhāpetīti – nijjhattibalaṃ. Byāpādaṃ pajahanto abyāpādavasena cittaṃ nijjhāpetīti – nijjhattibalaṃ. Thinamiddhaṃ pajahanto ālokasaññāvasena cittaṃ nijjhāpetīti – nijjhattibalaṃ…pe… sabbakilese pajahanto arahattamaggavasena cittaṃ nijjhāpetīti – nijjhattibalaṃ. Idaṃ nijjhattibalaṃ.
ਕਤਮਂ ਇਸ੍ਸਰਿਯਬਲਂ? ਕਾਮਚ੍ਛਨ੍ਦਂ ਪਜਹਨ੍ਤੋ ਨੇਕ੍ਖਮ੍ਮવਸੇਨ ਚਿਤ੍ਤਂ વਸਂ વਤ੍ਤੇਤੀਤਿ – ਇਸ੍ਸਰਿਯਬਲਂ। ਬ੍ਯਾਪਾਦਂ ਪਜਹਨ੍ਤੋ ਅਬ੍ਯਾਪਾਦવਸੇਨ ਚਿਤ੍ਤਂ વਸਂ વਤ੍ਤੇਤੀਤਿ – ਇਸ੍ਸਰਿਯਬਲਂ। ਥਿਨਮਿਦ੍ਧਂ ਪਜਹਨ੍ਤੋ ਆਲੋਕਸਞ੍ਞਾવਸੇਨ ਚਿਤ੍ਤਂ વਸਂ વਤ੍ਤੇਤੀਤਿ – ਇਸ੍ਸਰਿਯਬਲਂ…ਪੇ॰… ਸਬ੍ਬਕਿਲੇਸੇ ਪਜਹਨ੍ਤੋ ਅਰਹਤ੍ਤਮਗ੍ਗવਸੇਨ ਚਿਤ੍ਤਂ વਸਂ વਤ੍ਤੇਤੀਤਿ – ਇਸ੍ਸਰਿਯਬਲਂ। ਇਦਂ ਇਸ੍ਸਰਿਯਬਲਂ।
Katamaṃ issariyabalaṃ? Kāmacchandaṃ pajahanto nekkhammavasena cittaṃ vasaṃ vattetīti – issariyabalaṃ. Byāpādaṃ pajahanto abyāpādavasena cittaṃ vasaṃ vattetīti – issariyabalaṃ. Thinamiddhaṃ pajahanto ālokasaññāvasena cittaṃ vasaṃ vattetīti – issariyabalaṃ…pe… sabbakilese pajahanto arahattamaggavasena cittaṃ vasaṃ vattetīti – issariyabalaṃ. Idaṃ issariyabalaṃ.
ਕਤਮਂ ਅਧਿਟ੍ਠਾਨਬਲਂ? ਕਾਮਚ੍ਛਨ੍ਦਂ ਪਜਹਨ੍ਤੋ ਨੇਕ੍ਖਮ੍ਮવਸੇਨ ਚਿਤ੍ਤਂ ਅਧਿਟ੍ਠਾਤੀਤਿ – ਅਧਿਟ੍ਠਾਨਬਲਂ। ਬ੍ਯਾਪਾਦਂ ਪਜਹਨ੍ਤੋ ਅਬ੍ਯਾਪਾਦવਸੇਨ ਚਿਤ੍ਤਂ ਅਧਿਟ੍ਠਾਤੀਤਿ – ਅਧਿਟ੍ਠਾਨਬਲਂ। ਥਿਨਮਿਦ੍ਧਂ ਪਜਹਨ੍ਤੋ ਆਲੋਕਸਞ੍ਞਾવਸੇਨ ਚਿਤ੍ਤਂ ਅਧਿਟ੍ਠਾਤੀਤਿ – ਅਧਿਟ੍ਠਾਨਬਲਂ…ਪੇ॰… ਸਬ੍ਬਕਿਲੇਸੇ ਪਜਹਨ੍ਤੋ ਅਰਹਤ੍ਤਮਗ੍ਗવਸੇਨ ਚਿਤ੍ਤਂ ਅਧਿਟ੍ਠਾਤੀਤਿ – ਅਧਿਟ੍ਠਾਨਬਲਂ। ਇਦਂ ਅਧਿਟ੍ਠਾਨਬਲਂ।
Katamaṃ adhiṭṭhānabalaṃ? Kāmacchandaṃ pajahanto nekkhammavasena cittaṃ adhiṭṭhātīti – adhiṭṭhānabalaṃ. Byāpādaṃ pajahanto abyāpādavasena cittaṃ adhiṭṭhātīti – adhiṭṭhānabalaṃ. Thinamiddhaṃ pajahanto ālokasaññāvasena cittaṃ adhiṭṭhātīti – adhiṭṭhānabalaṃ…pe… sabbakilese pajahanto arahattamaggavasena cittaṃ adhiṭṭhātīti – adhiṭṭhānabalaṃ. Idaṃ adhiṭṭhānabalaṃ.
ਕਤਮਂ ਸਮਥਬਲਂ? ਨੇਕ੍ਖਮ੍ਮવਸੇਨ ਚਿਤ੍ਤਸ੍ਸ ਏਕਗ੍ਗਤਾ ਅવਿਕ੍ਖੇਪੋ ਸਮਥਬਲਂ, ਅਬ੍ਯਾਪਾਦવਸੇਨ ਚਿਤ੍ਤਸ੍ਸ ਏਕਗ੍ਗਤਾ ਅવਿਕ੍ਖੇਪੋ ਸਮਥਬਲਂ, ਆਲੋਕਸਞ੍ਞਾવਸੇਨ ਚਿਤ੍ਤਸ੍ਸ ਏਕਗ੍ਗਤਾ ਅવਿਕ੍ਖੇਪੋ ਸਮਥਬਲਂ…ਪੇ॰… ਪਟਿਨਿਸ੍ਸਗ੍ਗਾਨੁਪਸ੍ਸੀ ਅਸ੍ਸਾਸવਸੇਨ ਚਿਤ੍ਤਸ੍ਸ ਏਕਗ੍ਗਤਾ ਅવਿਕ੍ਖੇਪੋ ਸਮਥਬਲਂ, ਪਟਿਨਿਸ੍ਸਗ੍ਗਾਨੁਪਸ੍ਸੀ ਪਸ੍ਸਾਸવਸੇਨ ਚਿਤ੍ਤਸ੍ਸ ਏਕਗ੍ਗਤਾ ਅવਿਕ੍ਖੇਪੋ ਸਮਥਬਲਂ।
Katamaṃ samathabalaṃ? Nekkhammavasena cittassa ekaggatā avikkhepo samathabalaṃ, abyāpādavasena cittassa ekaggatā avikkhepo samathabalaṃ, ālokasaññāvasena cittassa ekaggatā avikkhepo samathabalaṃ…pe… paṭinissaggānupassī assāsavasena cittassa ekaggatā avikkhepo samathabalaṃ, paṭinissaggānupassī passāsavasena cittassa ekaggatā avikkhepo samathabalaṃ.
ਸਮਥਬਲਨ੍ਤਿ ਕੇਨਟ੍ਠੇਨ ਸਮਥਬਲਂ? ਪਠਮੇਨ ਝਾਨੇਨ ਨੀવਰਣੇ ਨ ਕਮ੍ਪਤੀਤਿ – ਸਮਥਬਲਂ। ਦੁਤਿਯੇਨ ਝਾਨੇਨ વਿਤਕ੍ਕવਿਚਾਰੇ ਨ ਕਮ੍ਪਤੀਤਿ – ਸਮਥਬਲਂ। ਤਤਿਯੇਨ ਝਾਨੇਨ ਪੀਤਿਯਾ ਨ ਕਮ੍ਪਤੀਤਿ – ਸਮਥਬਲਂ। ਚਤੁਤ੍ਥੇਨ ਝਾਨੇਨ ਸੁਖਦੁਕ੍ਖੇ ਨ ਕਮ੍ਪਤੀਤਿ – ਸਮਥਬਲਂ। ਆਕਾਸਾਨਞ੍ਚਾਯਤਨਸਮਾਪਤ੍ਤਿਯਾ ਰੂਪਸਞ੍ਞਾਯ ਪਟਿਘਸਞ੍ਞਾਯ ਨਾਨਤ੍ਤਸਞ੍ਞਾਯ ਨ ਕਮ੍ਪਤੀਤਿ – ਸਮਥਬਲਂ । વਿਞ੍ਞਾਣਞ੍ਚਾਯਤਨਸਮਾਪਤ੍ਤਿਯਾ ਆਕਾਸਾਨਞ੍ਚਾਯਤਨਸਞ੍ਞਾਯ ਨ ਕਮ੍ਪਤੀਤਿ – ਸਮਥਬਲਂ। ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਯਾ વਿਞ੍ਞਾਣਞ੍ਚਾਯਤਨਸਞ੍ਞਾਯ ਨ ਕਮ੍ਪਤੀਤਿ – ਸਮਥਬਲਂ। ਨੇવਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਆਕਿਞ੍ਚਞ੍ਞਾਯਤਨਸਞ੍ਞਾਯ ਨ ਕਮ੍ਪਤੀਤਿ – ਸਮਥਬਲਂ। ਉਦ੍ਧਚ੍ਚੇ ਚ ਉਦ੍ਧਚ੍ਚਸਹਗਤਕਿਲੇਸੇ ਚ ਖਨ੍ਧੇ ਚ ਨ ਕਮ੍ਪਤੀ ਨ ਚਲਤਿ ਨ વੇਧਤੀਤਿ – ਸਮਥਬਲਂ। ਇਦਂ ਸਮਥਬਲਂ।
Samathabalanti kenaṭṭhena samathabalaṃ? Paṭhamena jhānena nīvaraṇe na kampatīti – samathabalaṃ. Dutiyena jhānena vitakkavicāre na kampatīti – samathabalaṃ. Tatiyena jhānena pītiyā na kampatīti – samathabalaṃ. Catutthena jhānena sukhadukkhe na kampatīti – samathabalaṃ. Ākāsānañcāyatanasamāpattiyā rūpasaññāya paṭighasaññāya nānattasaññāya na kampatīti – samathabalaṃ . Viññāṇañcāyatanasamāpattiyā ākāsānañcāyatanasaññāya na kampatīti – samathabalaṃ. Ākiñcaññāyatanasamāpattiyā viññāṇañcāyatanasaññāya na kampatīti – samathabalaṃ. Nevasaññānāsaññāyatanasamāpattiyā ākiñcaññāyatanasaññāya na kampatīti – samathabalaṃ. Uddhacce ca uddhaccasahagatakilese ca khandhe ca na kampatī na calati na vedhatīti – samathabalaṃ. Idaṃ samathabalaṃ.
ਕਤਮਂ વਿਪਸ੍ਸਨਾਬਲਂ? ਅਨਿਚ੍ਚਾਨੁਪਸ੍ਸਨਾ વਿਪਸ੍ਸਨਾਬਲਂ, ਦੁਕ੍ਖਾਨੁਪਸ੍ਸਨਾ વਿਪਸ੍ਸਨਾਬਲਂ…ਪੇ॰… ਪਟਿਨਿਸ੍ਸਗ੍ਗਾਨੁਪਸ੍ਸਨਾ વਿਪਸ੍ਸਨਾਬਲਂ, ਰੂਪੇ ਅਨਿਚ੍ਚਾਨੁਪਸ੍ਸਨਾ વਿਪਸ੍ਸਨਾਬਲਂ, ਰੂਪੇ ਦੁਕ੍ਖਾਨੁਪਸ੍ਸਨਾ વਿਪਸ੍ਸਨਾਬਲਂ…ਪੇ॰… ਰੂਪੇ ਪਟਿਨਸ੍ਸਗ੍ਗਾਨੁਪਸ੍ਸਨਾ વਿਪਸ੍ਸਨਾਬਲਂ, વੇਦਨਾਯ…ਪੇ॰… ਸਞ੍ਞਾਯ… ਸਙ੍ਖਾਰੇਸੁ… વਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ॰… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾ વਿਪਸ੍ਸਨਾਬਲਂ, ਜਰਾਮਰਣੇ ਦੁਕ੍ਖਾਨੁਪਸ੍ਸਨਾ વਿਪਸ੍ਸਨਾਬਲਂ…ਪੇ॰… ਜਰਾਮਰਣੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ વਿਪਸ੍ਸਨਾਬਲਂ। વਿਪਸ੍ਸਨਾਬਲਨ੍ਤਿ ਕੇਨਟ੍ਠੇਨ વਿਪਸ੍ਸਨਾਬਲਂ? ਅਨਿਚ੍ਚਾਨੁਪਸ੍ਸਨਾਯ ਨਿਚ੍ਚਸਞ੍ਞਾਯ ਨ ਕਮ੍ਪਤੀਤਿ – વਿਪਸ੍ਸਨਾਬਲਂ। ਦੁਕ੍ਖਾਨੁਪਸ੍ਸਨਾਯ ਸੁਖਸਞ੍ਞਾਯ ਨ ਕਮ੍ਪਤੀਤਿ – વਿਪਸ੍ਸਨਾਬਲਂ। ਅਨਤ੍ਤਾਨੁਪਸ੍ਸਨਾਯ ਅਤ੍ਤਸਞ੍ਞਾਯ ਕਮ੍ਪਤੀਤਿ – વਿਪਸ੍ਸਨਾਬਲਂ। ਨਿਬ੍ਬਿਦਾਨੁਪਸ੍ਸਨਾਯ ਨਨ੍ਦਿਯਾ ਨ ਕਮ੍ਪਤੀਤਿ – વਿਪਸ੍ਸਨਾਬਲਂ। વਿਰਾਗਾਨੁਪਸ੍ਸਨਾਯ ਰਾਗੇ ਨ ਕਮ੍ਪਤੀਤਿ – વਿਪਸ੍ਸਨਾਬਲਂ। ਨਿਰੋਧਾਨੁਪਸ੍ਸਨਾ ਸਮੁਦਯੇ ਨ ਕਮ੍ਪਤੀਤਿ – વਿਪਸ੍ਸਨਾਬਲਂ । ਪਟਿਨਿਸ੍ਸਗ੍ਗਾਨੁਪਸ੍ਸਨਾਯ ਆਦਾਨੇ ਨ ਕਮ੍ਪਤੀਤਿ – વਿਪਸ੍ਸਨਾਬਲਂ। ਅવਿਜ੍ਜਾਯ ਅવਿਜ੍ਜਾਸਹਗਤਕਿਲੇਸੇ ਚ ਖਨ੍ਧੇ ਚ ਨ ਕਮ੍ਪਤਿ ਨ ਚਲਤਿ ਨ વੇਧਤੀਤਿ – વਿਪਸ੍ਸਨਾਬਲਂ। ਇਦਂ વਿਪਸ੍ਸਨਾਬਲਂ।
Katamaṃ vipassanābalaṃ? Aniccānupassanā vipassanābalaṃ, dukkhānupassanā vipassanābalaṃ…pe… paṭinissaggānupassanā vipassanābalaṃ, rūpe aniccānupassanā vipassanābalaṃ, rūpe dukkhānupassanā vipassanābalaṃ…pe… rūpe paṭinassaggānupassanā vipassanābalaṃ, vedanāya…pe… saññāya… saṅkhāresu… viññāṇe… cakkhusmiṃ…pe… jarāmaraṇe aniccānupassanā vipassanābalaṃ, jarāmaraṇe dukkhānupassanā vipassanābalaṃ…pe… jarāmaraṇe paṭinissaggānupassanā vipassanābalaṃ. Vipassanābalanti kenaṭṭhena vipassanābalaṃ? Aniccānupassanāya niccasaññāya na kampatīti – vipassanābalaṃ. Dukkhānupassanāya sukhasaññāya na kampatīti – vipassanābalaṃ. Anattānupassanāya attasaññāya kampatīti – vipassanābalaṃ. Nibbidānupassanāya nandiyā na kampatīti – vipassanābalaṃ. Virāgānupassanāya rāge na kampatīti – vipassanābalaṃ. Nirodhānupassanā samudaye na kampatīti – vipassanābalaṃ . Paṭinissaggānupassanāya ādāne na kampatīti – vipassanābalaṃ. Avijjāya avijjāsahagatakilese ca khandhe ca na kampati na calati na vedhatīti – vipassanābalaṃ. Idaṃ vipassanābalaṃ.
ਕਤਮਾਨਿ ਦਸ ਸੇਖਬਲਾਨਿ, ਦਸ ਅਸੇਖਬਲਾਨਿ? ਸਮ੍ਮਾਦਿਟ੍ਠਿਂ 5 ਸਿਕ੍ਖਤੀਤਿ – ਸੇਖਬਲਂ। ਤਤ੍ਥ ਸਿਕ੍ਖਿਤਤ੍ਤਾ ਅਸੇਖਬਲਂ। ਸਮ੍ਮਾਸਙ੍ਕਪ੍ਪਂ ਸਿਕ੍ਖਤੀਤਿ – ਸੇਖਬਲਂ। ਤਤ੍ਥ ਸਿਕ੍ਖਿਤਤ੍ਤਾ – ਅਸੇਖਬਲਂ । ਸਮ੍ਮਾવਾਚਂ…ਪੇ॰… ਸਮ੍ਮਾਕਮ੍ਮਨ੍ਤਂ… ਸਮ੍ਮਾਆਜੀવਂ… ਸਮ੍ਮਾવਾਯਾਮਂ… ਸਮ੍ਮਾਸਤਿਂ… ਸਮ੍ਮਾਸਮਾਧਿਂ… ਸਮ੍ਮਾਞਾਣਂ…ਪੇ॰… ਸਮ੍ਮਾવਿਮੁਤ੍ਤਿਂ ਸਿਕ੍ਖਤੀਤਿ – ਸੇਖਬਲਂ। ਤਤ੍ਥ ਸਿਕ੍ਖਿਤਤ੍ਤਾ – ਅਸੇਖਬਲਂ। ਇਮਾਨਿ ਦਸ ਸੇਖਬਲਾਨਿ, ਦਸ ਅਸੇਖਬਲਾਨਿ।
Katamāni dasa sekhabalāni, dasa asekhabalāni? Sammādiṭṭhiṃ 6 sikkhatīti – sekhabalaṃ. Tattha sikkhitattā asekhabalaṃ. Sammāsaṅkappaṃ sikkhatīti – sekhabalaṃ. Tattha sikkhitattā – asekhabalaṃ . Sammāvācaṃ…pe… sammākammantaṃ… sammāājīvaṃ… sammāvāyāmaṃ… sammāsatiṃ… sammāsamādhiṃ… sammāñāṇaṃ…pe… sammāvimuttiṃ sikkhatīti – sekhabalaṃ. Tattha sikkhitattā – asekhabalaṃ. Imāni dasa sekhabalāni, dasa asekhabalāni.
ਕਤਮਾਨਿ ਦਸ ਖੀਣਾਸવਬਲਾਨਿ? 7 ਇਧ ਖੀਣਾਸવਸ੍ਸ ਭਿਕ੍ਖੁਨੋ ਅਨਿਚ੍ਚਤੋ ਸਬ੍ਬੇ ਸਙ੍ਖਾਰਾ ਯਥਾਭੂਤਂ ਸਮ੍ਮਪ੍ਪਞ੍ਞਾਯ ਸੁਦਿਟ੍ਠਾ ਹੋਨ੍ਤਿ। ਯਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ ਅਨਿਚ੍ਚਤੋ ਸਬ੍ਬੇ ਸਙ੍ਖਾਰਾ ਯਥਾਭੂਤਂ ਸਮ੍ਮਪ੍ਪਞ੍ਞਾਯ ਸੁਦਿਟ੍ਠਾ ਹੋਨ੍ਤਿ, ਇਦਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ ਬਲਂ ਹੋਤਿ, ਯਂ ਬਲਂ ਆਗਮ੍ਮ ਖੀਣਾਸવੋ ਭਿਕ੍ਖੁ ਆਸવਾਨਂ ਖਯਂ ਪਟਿਜਾਨਾਤਿ – ‘‘ਖੀਣਾ ਮੇ ਆਸવਾ’’ਤਿ।
Katamāni dasa khīṇāsavabalāni?8 Idha khīṇāsavassa bhikkhuno aniccato sabbe saṅkhārā yathābhūtaṃ sammappaññāya sudiṭṭhā honti. Yampi khīṇāsavassa bhikkhuno aniccato sabbe saṅkhārā yathābhūtaṃ sammappaññāya sudiṭṭhā honti, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti.
ਪੁਨ ਚਪਰਂ ਖੀਣਾਸવਸ੍ਸ ਭਿਕ੍ਖੁਨੋ ਅਙ੍ਗਾਰਕਾਸੂਪਮਾ ਕਾਮਾ ਯਥਾਭੂਤਂ ਸਮ੍ਮਪ੍ਪਞ੍ਞਾਯ ਸੁਦਿਟ੍ਠਾ ਹੋਨ੍ਤਿ। ਯਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ ਅਙ੍ਗਾਰਕਾਸੂਪਮਾ ਕਾਮਾ ਯਥਾਭੂਤਂ ਸਮ੍ਮਪ੍ਪਞ੍ਞਾਯ ਸੁਦਿਟ੍ਠਾ ਹੋਨ੍ਤਿ, ਇਦਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ ਬਲਂ ਹੋਤਿ, ਯਂ ਬਲਂ ਆਗਮ੍ਮ ਖੀਣਾਸવੋ ਭਿਕ੍ਖੁ ਆਸવਾਨਂ ਖਯਂ ਪਟਿਜਾਨਾਤਿ – ‘‘ਖੀਣਾ ਮੇ ਆਸવਾ’’ਤਿ।
Puna caparaṃ khīṇāsavassa bhikkhuno aṅgārakāsūpamā kāmā yathābhūtaṃ sammappaññāya sudiṭṭhā honti. Yampi khīṇāsavassa bhikkhuno aṅgārakāsūpamā kāmā yathābhūtaṃ sammappaññāya sudiṭṭhā honti, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti.
ਪੁਨ ਚਪਰਂ ਖੀਣਾਸવਸ੍ਸ ਭਿਕ੍ਖੁਨੋ વਿવੇਕਨਿਨ੍ਨਂ ਚਿਤ੍ਤਂ ਹੋਤਿ વਿવੇਕਪੋਣਂ વਿવੇਕਪਬ੍ਭਾਰਂ વਿવੇਕਟ੍ਠਂ ਨੇਕ੍ਖਮ੍ਮਾਭਿਰਤਂ ਬ੍ਯਨ੍ਤੀਭੂਤਂ 9 ਸਬ੍ਬਸੋ ਆਸવਟ੍ਠਾਨਿਯੇਹਿ ਧਮ੍ਮੇਹਿ। ਯਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ વਿવੇਕਨਿਨ੍ਨਂ ਚਿਤ੍ਤਂ ਹੋਤਿ વਿવੇਕਪੋਣਂ વਿવੇਕਪਬ੍ਭਾਰਂ વਿવੇਕਟ੍ਠਂ ਨੇਕ੍ਖਮ੍ਮਾਭਿਰਤਂ ਬ੍ਯਨ੍ਤਿਭੂਤਂ ਸਬ੍ਬਸੋ ਆਸવਟ੍ਠਾਨਿਯੇਹਿ ਧਮ੍ਮੇਹਿ, ਇਦਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ ਬਲਂ ਹੋਤਿ, ਯਂ ਬਲਂ ਆਗਮ੍ਮ ਖੀਣਾਸવੋ ਭਿਕ੍ਖੁ ਆਸવਾਨਂ ਖਯਂ ਪਟਿਜਾਨਾਤਿ – ‘‘ਖੀਣਾ ਮੇ ਆਸવਾ’’ਤਿ।
Puna caparaṃ khīṇāsavassa bhikkhuno vivekaninnaṃ cittaṃ hoti vivekapoṇaṃ vivekapabbhāraṃ vivekaṭṭhaṃ nekkhammābhirataṃ byantībhūtaṃ 10 sabbaso āsavaṭṭhāniyehi dhammehi. Yampi khīṇāsavassa bhikkhuno vivekaninnaṃ cittaṃ hoti vivekapoṇaṃ vivekapabbhāraṃ vivekaṭṭhaṃ nekkhammābhirataṃ byantibhūtaṃ sabbaso āsavaṭṭhāniyehi dhammehi, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti.
ਪੁਨ ਚਪਰਂ ਖੀਣਾਸવਸ੍ਸ ਭਿਕ੍ਖੁਨੋ ਚਤ੍ਤਾਰੋ ਸਤਿਪਟ੍ਠਾਨਾ ਭਾવਿਤਾ ਹੋਨ੍ਤਿ ਸੁਭਾવਿਤਾ। ਯਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ ਚਤ੍ਤਾਰੋ ਸਤਿਪਟ੍ਠਾਨਾ ਭਾવਿਤਾ ਹੋਨ੍ਤਿ ਸੁਭਾવਿਤਾ, ਇਦਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ ਬਲਂ ਹੋਤਿ, ਯਂ ਬਲਂ ਆਗਮ੍ਮ ਖੀਣਾਸવੋ ਭਿਕ੍ਖੁ ਆਸવਾਨਂ ਖਯਂ ਪਟਿਜਾਨਾਤਿ – ‘‘ਖੀਣਾ ਮੇ ਆਸવਾ’’ਤਿ।
Puna caparaṃ khīṇāsavassa bhikkhuno cattāro satipaṭṭhānā bhāvitā honti subhāvitā. Yampi khīṇāsavassa bhikkhuno cattāro satipaṭṭhānā bhāvitā honti subhāvitā, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti.
ਪੁਨ ਚਪਰਂ ਖੀਣਾਸવਸ੍ਸ ਭਿਕ੍ਖੁਨੋ ਚਤ੍ਤਾਰੋ ਸਮ੍ਮਪ੍ਪਧਾਨਾ ਭਾવਿਤਾ ਹੋਨ੍ਤਿ ਸੁਭਾવਿਤਾ…ਪੇ॰… ਚਤ੍ਤਾਰੋ ਇਦ੍ਧਿਪਾਦਾ ਭਾવਿਤਾ ਹੋਨ੍ਤਿ ਸੁਭਾવਿਤਾ… ਪਞ੍ਚਿਨ੍ਦ੍ਰਿਯਾਨਿ ਭਾવਿਤਾਨਿ ਹੋਨ੍ਤਿ ਸੁਭਾવਿਤਾਨਿ… ਪਞ੍ਚ ਬਲਾਨਿ ਭਾવਿਤਾਨਿ ਹੋਨ੍ਤਿ ਸੁਭਾવਿਤਾਨਿ… ਸਤ੍ਤ ਬੋਜ੍ਝਙ੍ਗਾ ਭਾવਿਤਾ ਹੋਨ੍ਤਿ ਸੁਭਾવਿਤਾ…ਪੇ॰… ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਭਾવਿਤੋ ਹੋਤਿ ਸੁਭਾવਿਤੋ। ਯਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ ਅਟ੍ਠਙ੍ਗਿਕੋ ਮਗ੍ਗੋ ਭਾવਿਤੋ ਹੋਤਿ ਸੁਭਾવਿਤੋ, ਇਦਮ੍ਪਿ ਖੀਣਾਸવਸ੍ਸ ਭਿਕ੍ਖੁਨੋ ਬਲਂ ਹੋਤਿ, ਯਂ ਬਲਂ ਆਗਮ੍ਮ ਖੀਣਾਸવੋ ਭਿਕ੍ਖੁ ਆਸવਾਨਂ ਖਯਂ ਪਟਿਜਾਨਾਤਿ – ‘‘ਖੀਣਾ ਮੇ ਆਸવਾ’’ਤਿ। ਇਮਾਨਿ ਦਸ ਖੀਣਾਸવਬਲਾਨਿ।
Puna caparaṃ khīṇāsavassa bhikkhuno cattāro sammappadhānā bhāvitā honti subhāvitā…pe… cattāro iddhipādā bhāvitā honti subhāvitā… pañcindriyāni bhāvitāni honti subhāvitāni… pañca balāni bhāvitāni honti subhāvitāni… satta bojjhaṅgā bhāvitā honti subhāvitā…pe… ariyo aṭṭhaṅgiko maggo bhāvito hoti subhāvito. Yampi khīṇāsavassa bhikkhuno aṭṭhaṅgiko maggo bhāvito hoti subhāvito, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti – ‘‘khīṇā me āsavā’’ti. Imāni dasa khīṇāsavabalāni.
ਕਤਮਾਨਿ ਦਸ ਇਦ੍ਧਿਬਲਾਨਿ? ਅਧਿਟ੍ਠਾਨਾ ਇਦ੍ਧਿ, વਿਕੁਬ੍ਬਨਾ ਇਦ੍ਧਿ, ਮਨੋਮਯਾ ਇਦ੍ਧਿ, ਞਾਣવਿਪ੍ਫਾਰਾ ਇਦ੍ਧਿ, ਸਮਾਧਿવਿਪ੍ਫਾਰਾ ਇਦ੍ਧਿ, ਅਰਿਯਾ ਇਦ੍ਧਿ, ਕਮ੍ਮવਿਪਾਕਜਾ ਇਦ੍ਧਿ, ਪੁਞ੍ਞવਤੋ ਇਦ੍ਧਿ, વਿਜ੍ਜਾਮਯਾ ਇਦ੍ਧਿ, ਤਤ੍ਥ ਤਤ੍ਥ ਸਮ੍ਮਾ ਪਯੋਗਪ੍ਪਚ੍ਚਯਾ ਇਜ੍ਝਨਟ੍ਠੇਨ ਇਦ੍ਧਿ – ਇਮਾਨਿ ਦਸ ਇਦ੍ਧਿਬਲਾਨਿ।
Katamāni dasa iddhibalāni? Adhiṭṭhānā iddhi, vikubbanā iddhi, manomayā iddhi, ñāṇavipphārā iddhi, samādhivipphārā iddhi, ariyā iddhi, kammavipākajā iddhi, puññavato iddhi, vijjāmayā iddhi, tattha tattha sammā payogappaccayā ijjhanaṭṭhena iddhi – imāni dasa iddhibalāni.
ਕਤਮਾਨਿ ਦਸ ਤਥਾਗਤਬਲਾਨਿ? ਇਧ ਤਥਾਗਤੋ ਠਾਨਞ੍ਚ ਠਾਨਤੋ ਅਟ੍ਠਾਨਞ੍ਚ ਅਟ੍ਠਾਨਤੋ ਯਥਾਭੂਤਂ ਪਜਾਨਾਤਿ। ਯਮ੍ਪਿ ਤਥਾਗਤੋ ਠਾਨਞ੍ਚ ਠਾਨਤੋ ਅਟ੍ਠਾਨਞ੍ਚ ਅਟ੍ਠਾਨਤੋ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ, ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪવਤ੍ਤੇਤਿ।
Katamāni dasa tathāgatabalāni? Idha tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti. Yampi tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti, idampi tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti parisāsu sīhanādaṃ nadati, brahmacakkaṃ pavatteti.
ਪੁਨ ਚਪਰਂ ਤਥਾਗਤੋ ਅਤੀਤਾਨਾਗਤਪਚ੍ਚੁਪ੍ਪਨ੍ਨਾਨਂ ਕਮ੍ਮਸਮਾਦਾਨਾਨਂ ਠਾਨਸੋ ਹੇਤੁਸੋ વਿਪਾਕਂ ਯਥਾਭੂਤਂ ਪਜਾਨਾਤਿ। ਯਮ੍ਪਿ ਤਥਾਗਤੋ ਅਤੀਤਾਨਾਗਤਪਚ੍ਚੁਪ੍ਪਨ੍ਨਾਨਂ ਕਮ੍ਮਸਮਾਦਾਨਾਨਂ ਠਾਨਸੋ ਹੇਤੁਸੋ વਿਪਾਕਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ, ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ, ਨਦਤਿ, ਬ੍ਰਹ੍ਮਚਕ੍ਕਂ ਪવਤ੍ਤੇਤਿ।
Puna caparaṃ tathāgato atītānāgatapaccuppannānaṃ kammasamādānānaṃ ṭhānaso hetuso vipākaṃ yathābhūtaṃ pajānāti. Yampi tathāgato atītānāgatapaccuppannānaṃ kammasamādānānaṃ ṭhānaso hetuso vipākaṃ yathābhūtaṃ pajānāti, idampi tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ, nadati, brahmacakkaṃ pavatteti.
ਪੁਨ ਚਪਰਂ ਤਥਾਗਤੋ ਸਬ੍ਬਤ੍ਥਗਾਮਿਨਿਂ ਪਟਿਪਦਂ 11 ਯਥਾਭੂਤਂ ਪਜਾਨਾਤਿ। ਯਮ੍ਪਿ ਤਥਾਗਤੋ ਸਬ੍ਬਤ੍ਥਗਾਮਿਨਿਂ ਪਟਿਪਦਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ, ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪવਤ੍ਤੇਤਿ।
Puna caparaṃ tathāgato sabbatthagāminiṃ paṭipadaṃ 12 yathābhūtaṃ pajānāti. Yampi tathāgato sabbatthagāminiṃ paṭipadaṃ yathābhūtaṃ pajānāti, idampi tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti.
ਪੁਨ ਚਪਰਂ ਤਥਾਗਤੋ ਅਨੇਕਧਾਤੁਨਾਨਾਧਾਤੁਲੋਕਂ ਯਥਾਭੂਤਂ ਪਜਾਨਾਤਿ। ਯਮ੍ਪਿ ਤਥਾਗਤੋ ਅਨੇਕਧਾਤੁਨਾਨਾਧਾਤੁਲੋਕਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ…ਪੇ॰…।
Puna caparaṃ tathāgato anekadhātunānādhātulokaṃ yathābhūtaṃ pajānāti. Yampi tathāgato anekadhātunānādhātulokaṃ yathābhūtaṃ pajānāti, idampi tathāgatassa…pe….
ਪੁਨ ਚਪਰਂ ਤਥਾਗਤੋ ਸਤ੍ਤਾਨਂ ਨਾਨਾਧਿਮੁਤ੍ਤਿਕਤਂ ਯਥਾਭੂਤਂ ਪਜਾਨਾਤਿ। ਯਮ੍ਪਿ ਤਥਾਗਤੋ ਸਤ੍ਤਾਨਂ ਨਾਨਾਧਿਮੁਤ੍ਤਿਕਤਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ…ਪੇ॰…।
Puna caparaṃ tathāgato sattānaṃ nānādhimuttikataṃ yathābhūtaṃ pajānāti. Yampi tathāgato sattānaṃ nānādhimuttikataṃ yathābhūtaṃ pajānāti, idampi tathāgatassa…pe….
ਪੁਨ ਚਪਰਂ ਤਥਾਗਤੋ ਪਰਸਤ੍ਤਾਨਂ ਪਰਪੁਗ੍ਗਲਾਨਂ ਇਨ੍ਦ੍ਰਿਯਪਰੋਪਰਿਯਤ੍ਤਂ ਯਥਾਭੂਤਂ ਪਜਾਨਾਤਿ। ਯਮ੍ਪਿ ਤਥਾਗਤੋ ਪਰਸਤ੍ਤਾਨਂ ਪਰਪੁਗ੍ਗਲਾਨਂ ਇਨ੍ਦ੍ਰਿਯਪਰੋਪਰਿਯਤ੍ਤਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ…ਪੇ॰…।
Puna caparaṃ tathāgato parasattānaṃ parapuggalānaṃ indriyaparopariyattaṃ yathābhūtaṃ pajānāti. Yampi tathāgato parasattānaṃ parapuggalānaṃ indriyaparopariyattaṃ yathābhūtaṃ pajānāti, idampi tathāgatassa…pe….
ਪੁਨ ਚਪਰਂ ਤਥਾਗਤੋ ਝਾਨવਿਮੋਕ੍ਖਸਮਾਧਿਸਮਾਪਤ੍ਤੀਨਂ ਸਂਕਿਲੇਸਂ વੋਦਾਨਂ વੁਟ੍ਠਾਨਂ ਯਥਾਭੂਤਂ ਪਜਾਨਾਤਿ। ਯਮ੍ਪਿ ਤਥਾਗਤੋ ਝਾਨવਿਮੋਕ੍ਖਸਮਾਧਿਸਮਾਪਤ੍ਤੀਨਂ ਸਂਕਿਲੇਸਂ વੋਦਾਨਂ વੁਟ੍ਠਾਨਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ…ਪੇ॰…।
Puna caparaṃ tathāgato jhānavimokkhasamādhisamāpattīnaṃ saṃkilesaṃ vodānaṃ vuṭṭhānaṃ yathābhūtaṃ pajānāti. Yampi tathāgato jhānavimokkhasamādhisamāpattīnaṃ saṃkilesaṃ vodānaṃ vuṭṭhānaṃ yathābhūtaṃ pajānāti, idampi tathāgatassa…pe….
ਪੁਨ ਚਪਰਂ ਤਥਾਗਤੋ ਅਨੇਕવਿਹਿਤਂ ਪੁਬ੍ਬੇਨਿવਾਸਂ ਅਨੁਸ੍ਸਰਤਿ, ਸੇਯ੍ਯਥਿਦਂ – ਏਕਮ੍ਪਿ ਜਾਤਿਂ ਦ੍વੇਪਿ ਜਾਤਿਯੋ…ਪੇ॰… ਇਤਿ ਸਾਕਾਰਂ ਸਉਦ੍ਦੇਸਂ ਅਨੇਕવਿਹਿਤਂ ਪੁਬ੍ਬੇਨਿવਾਸਂ ਅਨੁਸ੍ਸਰਤਿ। ਯਮ੍ਪਿ ਤਥਾਗਤੋ ਅਨੇਕવਿਹਿਤਂ ਪੁਬ੍ਬੇਨਿવਾਸਂ ਅਨੁਸ੍ਸਰਤਿ। ਸੇਯ੍ਯਥਿਦਂ – ਏਕਮ੍ਪਿ ਜਾਤਿਂ ਦ੍વੇਪਿ ਜਾਤਿਯੋ…ਪੇ॰… ਇਦਮ੍ਪਿ ਤਥਾਗਤਸ੍ਸ…ਪੇ॰…।
Puna caparaṃ tathāgato anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati. Yampi tathāgato anekavihitaṃ pubbenivāsaṃ anussarati. Seyyathidaṃ – ekampi jātiṃ dvepi jātiyo…pe… idampi tathāgatassa…pe….
ਪੁਨ ਚਪਰਂ ਤਥਾਗਤੋ ਦਿਬ੍ਬੇਨ ਚਕ੍ਖੁਨਾ વਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਤ੍ਤੇ ਪਸ੍ਸਤਿ ਚવਮਾਨੇ ਉਪਪਜ੍ਜਮਾਨੇ…ਪੇ॰… ਯਮ੍ਪਿ ਤਥਾਗਤੋ ਦਿਬ੍ਬੇਨ ਚਕ੍ਖੁਨਾ વਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਤ੍ਤੇ ਪਸ੍ਸਤਿ ਚવਮਾਨੇ ਉਪਪਜ੍ਜਮਾਨੇ…ਪੇ॰… ਇਦਮ੍ਪਿ ਤਥਾਗਤਸ੍ਸ…ਪੇ॰…।
Puna caparaṃ tathāgato dibbena cakkhunā visuddhena atikkantamānusakena satte passati cavamāne upapajjamāne…pe… yampi tathāgato dibbena cakkhunā visuddhena atikkantamānusakena satte passati cavamāne upapajjamāne…pe… idampi tathāgatassa…pe….
ਪੁਨ ਚਪਰਂ ਤਥਾਗਤੋ ਆਸવਾਨਂ ਖਯਾ ਅਨਾਸવਂ ਚੇਤੋવਿਮੁਤ੍ਤਿਂ ਪਞ੍ਞਾવਿਮੁਤ੍ਤਿਂ ਦਿਟ੍ਠੇવ ਧਮ੍ਮੇ ਸਯਂ ਅਭਿਞ੍ਞਾ ਸਚ੍ਛਿਕਤ੍વਾ ਉਪਸਮ੍ਪਜ੍ਜ વਿਹਰਤਿ। ਯਮ੍ਪਿ ਤਥਾਗਤੋ ਆਸવਾਨਂ ਖਯਾ ਅਨਾਸવਂ ਚੇਤੋવਿਮੁਤ੍ਤਿਂ ਪਞ੍ਞਾવਿਮੁਤ੍ਤਿਂ ਦਿਟ੍ਠੇવ ਧਮ੍ਮੇ ਸਯਂ ਅਭਿਞ੍ਞਾ ਸਚ੍ਛਿਕਤ੍વਾ ਉਪਸਮ੍ਪਜ੍ਜ વਿਹਰਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ, ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪવਤ੍ਤੇਤਿ। ਇਮਾਨਿ ਦਸ ਤਥਾਗਤਬਲਾਨਿ।
Puna caparaṃ tathāgato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Yampi tathāgato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati, idampi tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti. Imāni dasa tathāgatabalāni.
੪੫. ਕੇਨਟ੍ਠੇਨ ਸਦ੍ਧਾਬਲਂ? ਕੇਨਟ੍ਠੇਨ વੀਰਿਯਬਲਂ? ਕੇਨਟ੍ਠੇਨ ਸਤਿਬਲਂ? ਕੇਨਟ੍ਠੇਨ ਸਮਾਧਿਬਲਂ? ਕੇਨਟ੍ਠੇਨ ਪਞ੍ਞਾਬਲਂ? ਕੇਨਟ੍ਠੇਨ ਹਿਰਿਬਲਂ? ਕੇਨਟ੍ਠੇਨ ਓਤ੍ਤਪ੍ਪਬਲਂ? ਕੇਨਟ੍ਠੇਨ ਪਟਿਸਙ੍ਖਾਨਬਲਂ…ਪੇ॰… ਕੇਨਟ੍ਠੇਨ ਤਥਾਗਤਬਲਂ?
45. Kenaṭṭhena saddhābalaṃ? Kenaṭṭhena vīriyabalaṃ? Kenaṭṭhena satibalaṃ? Kenaṭṭhena samādhibalaṃ? Kenaṭṭhena paññābalaṃ? Kenaṭṭhena hiribalaṃ? Kenaṭṭhena ottappabalaṃ? Kenaṭṭhena paṭisaṅkhānabalaṃ…pe… kenaṭṭhena tathāgatabalaṃ?
ਅਸ੍ਸਦ੍ਧਿਯੇ ਅਕਮ੍ਪਿਯਟ੍ਠੇਨ ਸਦ੍ਧਾਬਲਂ। ਕੋਸਜ੍ਜੇ ਅਕਮ੍ਪਿਯਟ੍ਠੇਨ વੀਰਿਯਬਲਂ। ਪਮਾਦੇ ਅਕਮ੍ਪਿਯਟ੍ਠੇਨ ਸਤਿਬਲਂ। ਉਦ੍ਧਚ੍ਚੇ ਅਕਮ੍ਪਿਯਟ੍ਠੇਨ ਸਮਾਧਿਬਲਂ। ਅવਿਜ੍ਜਾਯ ਅਕਮ੍ਪਿਯਟ੍ਠੇਨ ਪਞ੍ਞਾਬਲਂ । ਹਿਰੀਯਤਿ ਪਾਪਕੇ ਅਕੁਸਲੇ ਧਮ੍ਮੇਤਿ – ਹਿਰਿਬਲਂ। ਓਤ੍ਤਪ੍ਪਤਿ ਪਾਪਕੇ ਅਕੁਸਲੇ ਧਮ੍ਮੇਤਿ – ਓਤ੍ਤਪ੍ਪਬਲਂ। ਞਾਣੇਨ ਕਿਲੇਸੇ ਪਟਿਸਙ੍ਖਾਤੀਤਿ – ਪਟਿਸਙ੍ਖਾਨਬਲਂ। ਤਤ੍ਥ ਜਾਤਾ ਧਮ੍ਮਾ ਏਕਰਸਾ ਹੋਨ੍ਤੀਤਿ – ਭਾવਨਾਬਲਂ। ਤਤ੍ਥ ਨਤ੍ਥਿ ਕਿਞ੍ਚਿ વਜ੍ਜਨ੍ਤਿ – ਅਨવਜ੍ਜਬਲਂ। ਤੇਨ ਚਿਤ੍ਤਂ ਸਙ੍ਗਣ੍ਹਾਤੀਤਿ – ਸਙ੍ਗਹਬਲਂ। ਤਂ ਤਸ੍ਸ ਖਮਤੀਤਿ – 13 ਖਨ੍ਤਿਬਲਂ। ਤੇਨ ਚਿਤ੍ਤਂ ਪਞ੍ਞਪੇਤੀਤਿ – ਪਞ੍ਞਤ੍ਤਿਬਲਂ। ਤੇਨ ਚਿਤ੍ਤਂ ਨਿਜ੍ਝਾਪੇਤੀਤਿ – ਨਿਜ੍ਝਤ੍ਤਿਬਲਂ। ਤੇਨ ਚਿਤ੍ਤਂ વਸਂ વਤ੍ਤੇਤੀਤਿ – ਇਸ੍ਸਰਿਯਬਲਂ। ਤੇਨ ਚਿਤ੍ਤਂ ਅਧਿਟ੍ਠਾਤੀਤਿ – ਅਧਿਟ੍ਠਾਨਬਲਂ। ਤੇਨ ਚਿਤ੍ਤਂ ਏਕਗ੍ਗਨ੍ਤਿ – ਸਮਥਬਲਂ। ਤਤ੍ਥ ਜਾਤੇ ਧਮ੍ਮੇ ਅਨੁਪਸ੍ਸਤੀਤਿ – વਿਪਸ੍ਸਨਾਬਲਂ। ਤਤ੍ਥ ਸਿਕ੍ਖਤੀਤਿ – ਸੇਖਬਲਂ। ਤਤ੍ਥ ਸਿਕ੍ਖਿਤਤ੍ਤਾ – ਅਸੇਖਬਲਂ। ਤੇਨ ਆਸવਾ ਖੀਣਾਤਿ – ਖੀਣਾਸવਬਲਂ। ਤਸ੍ਸ ਇਜ੍ਝਤੀਤਿ – ਇਦ੍ਧਿਬਲਂ। ਅਪ੍ਪਮੇਯ੍ਯਟ੍ਠੇਨ ਤਥਾਗਤਬਲਨ੍ਤਿ।
Assaddhiye akampiyaṭṭhena saddhābalaṃ. Kosajje akampiyaṭṭhena vīriyabalaṃ. Pamāde akampiyaṭṭhena satibalaṃ. Uddhacce akampiyaṭṭhena samādhibalaṃ. Avijjāya akampiyaṭṭhena paññābalaṃ . Hirīyati pāpake akusale dhammeti – hiribalaṃ. Ottappati pāpake akusale dhammeti – ottappabalaṃ. Ñāṇena kilese paṭisaṅkhātīti – paṭisaṅkhānabalaṃ. Tattha jātā dhammā ekarasā hontīti – bhāvanābalaṃ. Tattha natthi kiñci vajjanti – anavajjabalaṃ. Tena cittaṃ saṅgaṇhātīti – saṅgahabalaṃ. Taṃ tassa khamatīti – 14 khantibalaṃ. Tena cittaṃ paññapetīti – paññattibalaṃ. Tena cittaṃ nijjhāpetīti – nijjhattibalaṃ. Tena cittaṃ vasaṃ vattetīti – issariyabalaṃ. Tena cittaṃ adhiṭṭhātīti – adhiṭṭhānabalaṃ. Tena cittaṃ ekagganti – samathabalaṃ. Tattha jāte dhamme anupassatīti – vipassanābalaṃ. Tattha sikkhatīti – sekhabalaṃ. Tattha sikkhitattā – asekhabalaṃ. Tena āsavā khīṇāti – khīṇāsavabalaṃ. Tassa ijjhatīti – iddhibalaṃ. Appameyyaṭṭhena tathāgatabalanti.
ਬਲਕਥਾ ਨਿਟ੍ਠਿਤਾ।
Balakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ਬਲਕਥਾવਣ੍ਣਨਾ • Balakathāvaṇṇanā
