| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. д̇ад̇ияаваг̇г̇о
3. Tatiyavaggo
1. б̣алагат̇ааван̣н̣анаа
1. Balakathāvaṇṇanā
354. ид̣̇аани б̣алагат̇аа наама ход̇и. д̇ад̇т̇а язсам̣ ануруд̣̇д̇хасам̣яуд̇д̇з ‘‘имзсан̃жа банаахам̣, аавусо, жад̇уннам̣ сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаамий’’д̇иаад̣̇ийни (сам̣. ни. 5.913) д̣̇асасуд̇д̇аани аяонисо г̇ахзд̇ваа ‘‘д̇ат̇ааг̇ад̇аб̣алам̣ саавагасаад̇хааран̣а’’нд̇и лад̣̇д̇хи, сзяяат̇ааби зд̇арахи анд̇хагаанам̣; д̇з санд̇хааяа бужчаа сагаваад̣̇исса, лад̣̇д̇хияам̣ тад̇ваа бадин̃н̃аа бараваад̣̇исса. д̇ат̇ааг̇ад̇аб̣алан̃жа наамзд̇ам̣ саавагзхи саад̇хааран̣амби ад̇т̇и асаад̇хааран̣амби саад̇хааран̣аасаад̇хааран̣амби. д̇ад̇т̇а аасаваанам̣ каяз н̃аан̣ам̣ саад̇хааран̣ам̣. инд̣̇рияабаробарияад̇д̇ин̃аан̣ам̣ асаад̇хааран̣ам̣. сзсам̣ саад̇хааран̣ан̃жа асаад̇хааран̣ан̃жа. таанаадтаанаад̣̇ийни хи саавагаа бад̣̇зсзна ж̇аананд̇и, д̇ат̇ааг̇ад̇аа ниббад̣̇зсзна. ид̇и д̇аани уд̣̇д̣̇зсад̇о саад̇хааран̣аани, на нид̣̇д̣̇зсад̇о. аяам̣ бана ависзсзна саб̣б̣амби саад̇хааран̣анд̇и ааха. д̇амзнам̣ д̇ад̇о вивзжзд̇ум̣ д̇ат̇ааг̇ад̇аб̣алам̣ саавагаб̣аланд̇и буна ануяог̇о аарад̣̇д̇хо. д̇ад̇т̇а батамабан̃хз нид̣̇д̣̇зсад̇о саб̣б̣аагаарависаяад̇ам̣ санд̇хааяа бадигкибад̇и. д̣̇уд̇ияабан̃хз уд̣̇д̣̇зсад̇о таанаадтаанамад̇д̇аад̣̇иж̇аананавасзна бадиж̇аанаад̇и. д̇ан̃н̃зваад̇иаад̣̇ибан̃хзсу саб̣б̣аагаарзна ниннаанаагаран̣ад̇ааяа абхаавзна бадигкибад̇и. буб̣б̣аяог̇о жа буб̣б̣ажарияаа жа ад̇т̇ад̇о згам̣, д̇ат̇аа д̇хаммагкаанан̃жа д̇хаммад̣̇зсанаа жа.
354. Idāni balakathā nāma hoti. Tattha yesaṃ anuruddhasaṃyutte ‘‘imesañca panāhaṃ, āvuso, catunnaṃ satipaṭṭhānānaṃ bhāvitattā bahulīkatattā ṭhānañca ṭhānato aṭṭhānañca aṭṭhānato yathābhūtaṃ pajānāmī’’tiādīni (saṃ. ni. 5.913) dasasuttāni ayoniso gahetvā ‘‘tathāgatabalaṃ sāvakasādhāraṇa’’nti laddhi, seyyathāpi etarahi andhakānaṃ; te sandhāya pucchā sakavādissa, laddhiyaṃ ṭhatvā paṭiññā paravādissa. Tathāgatabalañca nāmetaṃ sāvakehi sādhāraṇampi atthi asādhāraṇampi sādhāraṇāsādhāraṇampi. Tattha āsavānaṃ khaye ñāṇaṃ sādhāraṇaṃ. Indriyaparopariyattiñāṇaṃ asādhāraṇaṃ. Sesaṃ sādhāraṇañca asādhāraṇañca. Ṭhānāṭṭhānādīni hi sāvakā padesena jānanti, tathāgatā nippadesena. Iti tāni uddesato sādhāraṇāni, na niddesato. Ayaṃ pana avisesena sabbampi sādhāraṇanti āha. Tamenaṃ tato vivecetuṃ tathāgatabalaṃ sāvakabalanti puna anuyogo āraddho. Tattha paṭhamapañhe niddesato sabbākāravisayataṃ sandhāya paṭikkhipati. Dutiyapañhe uddesato ṭhānāṭṭhānamattādijānanavasena paṭijānāti. Taññevātiādipañhesu sabbākārena ninnānākaraṇatāya abhāvena paṭikkhipati. Pubbayogo ca pubbacariyā ca atthato ekaṃ, tathā dhammakkhānañca dhammadesanā ca.
инд̣̇рияабаробарияад̇д̇ибан̃хз згад̣̇зсзна саад̇хааран̣ад̇ам̣ санд̇хааяа саавагависаяз бадиж̇аанаад̇и.
Indriyaparopariyattipañhe ekadesena sādhāraṇataṃ sandhāya sāvakavisaye paṭijānāti.
355. ид̣̇аани яасмаа уд̣̇д̣̇зсад̇о таанаадтаанаад̣̇ийни сааваго ж̇аанаад̇и, д̇асмаа саавагасса д̇ат̇аа ж̇аананам̣ багаасзд̇ваа д̇зна ж̇аананамад̇д̇асааман̃н̃зна д̇зсам̣ саавагасаад̇хааран̣ад̇д̇ам̣ бад̇идтаабзд̇ум̣ сааваго таанаадтаанам̣ ж̇аанаад̇ийд̇иаад̣̇аяо бараваад̣̇ибан̃хаа хонд̇и. д̇ад̇т̇а инд̣̇рияабаробарияад̇д̇ин̃аан̣ам̣ чаннам̣ асаад̇хааран̣ан̃аан̣аанам̣ ан̃н̃ад̇аранд̇и на г̇ахид̇ам̣. аасавагкаязна ваа аасавагкаяанд̇и яам̣ д̇ат̇ааг̇ад̇асса аасавагкаязна сад̣̇д̇хим̣ саавагасса аасавагкаяам̣ бадижжа вад̇д̇аб̣б̣ам̣ сияаа наанаагаран̣ам̣, д̇ам̣ над̇т̇и. вимуд̇д̇ияаа ваа вимуд̇д̇инд̇и бад̣̇зби зсзва наяо. сзсамзд̇т̇а уд̇д̇аанад̇т̇амзва.
355. Idāni yasmā uddesato ṭhānāṭṭhānādīni sāvako jānāti, tasmā sāvakassa tathā jānanaṃ pakāsetvā tena jānanamattasāmaññena tesaṃ sāvakasādhāraṇattaṃ patiṭṭhāpetuṃ sāvako ṭhānāṭṭhānaṃjānātītiādayo paravādipañhā honti. Tattha indriyaparopariyattiñāṇaṃ channaṃ asādhāraṇañāṇānaṃ aññataranti na gahitaṃ. Āsavakkhayena vā āsavakkhayanti yaṃ tathāgatassa āsavakkhayena saddhiṃ sāvakassa āsavakkhayaṃ paṭicca vattabbaṃ siyā nānākaraṇaṃ, taṃ natthi. Vimuttiyā vā vimuttinti padepi eseva nayo. Sesamettha uttānatthameva.
356. ид̣̇аани яам̣ сагаваад̣̇инаа ‘‘аасаваанам̣ каяз н̃аан̣ам̣ саад̇хааран̣а’’нд̇и анун̃н̃аад̇ам̣, д̇зна сад̣̇д̇хим̣ сам̣санд̣̇ид̇ваа сзсаанамби саад̇хааран̣абхаавам̣ бужчид̇ум̣ буна аасаваанам̣ каязд̇иаад̣̇аяо бараваад̣̇ибан̃хаава хонд̇и. д̇зсам̣ виссаж̇ж̇анз сагаваад̣̇инаа аасавагкаяз висзсаабхаавзна д̇ам̣ н̃аан̣ам̣ саад̇хааран̣анд̇и анун̃н̃аад̇ам̣. ид̇арзсуби висзсаабхаавзна саад̇хааран̣ад̇аа бадигкид̇д̇аа. буна таанаадтаанаад̣̇ийнам̣ аасавагкаязнзва сад̣̇д̇хим̣ сам̣санд̣̇ид̇ваа асаад̇хааран̣абужчаа бараваад̣̇иссзва. д̇ад̇т̇а аасавагкаяан̃аан̣з бадигкзбо, сзсзсу жа бадин̃н̃аа сагаваад̣̇исса. д̇ад̇о инд̣̇рияабаробарияад̇д̇зна сад̣̇д̇хим̣ сам̣санд̣̇ид̇ваа асаад̇хааран̣абужчаа бараваад̣̇исса. саа сан̇кибид̇ваа д̣̇ассид̇аа. д̇ат̇ааби инд̣̇рияабаробарияад̇д̇з бадин̃н̃аа, сзсзсу жа бадигкзбо сагаваад̣̇исса. д̇ад̇о таанаадтаанаад̣̇ийхи сад̣̇д̇хим̣ сам̣санд̣̇ид̇ваа инд̣̇рияабаробарияад̇д̇асса саад̇хааран̣абужчаа бараваад̣̇исса. сааби сан̇кибид̇ваава д̣̇ассид̇аа. д̇ад̇т̇а инд̣̇рияабаробарияад̇д̇з бадигкзбо. сзсзсу жа бадин̃н̃аа сагаваад̣̇иссаад̇и.
356. Idāni yaṃ sakavādinā ‘‘āsavānaṃ khaye ñāṇaṃ sādhāraṇa’’nti anuññātaṃ, tena saddhiṃ saṃsanditvā sesānampi sādhāraṇabhāvaṃ pucchituṃ puna āsavānaṃ khayetiādayo paravādipañhāva honti. Tesaṃ vissajjane sakavādinā āsavakkhaye visesābhāvena taṃ ñāṇaṃ sādhāraṇanti anuññātaṃ. Itaresupi visesābhāvena sādhāraṇatā paṭikkhittā. Puna ṭhānāṭṭhānādīnaṃ āsavakkhayeneva saddhiṃ saṃsanditvā asādhāraṇapucchā paravādisseva. Tattha āsavakkhayañāṇe paṭikkhepo, sesesu ca paṭiññā sakavādissa. Tato indriyaparopariyattena saddhiṃ saṃsanditvā asādhāraṇapucchā paravādissa. Sā saṅkhipitvā dassitā. Tathāpi indriyaparopariyatte paṭiññā, sesesu ca paṭikkhepo sakavādissa. Tato ṭhānāṭṭhānādīhi saddhiṃ saṃsanditvā indriyaparopariyattassa sādhāraṇapucchā paravādissa. Sāpi saṅkhipitvāva dassitā. Tattha indriyaparopariyatte paṭikkhepo. Sesesu ca paṭiññā sakavādissāti.
б̣алагат̇ааван̣н̣анаа.
Balakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (21) 1. б̣алагат̇аа • (21) 1. Balakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. б̣алагат̇ааван̣н̣анаа • 1. Balakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. б̣алагат̇ааван̣н̣анаа • 1. Balakathāvaṇṇanā
