| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
9. б̣алагат̇аа
9. Balakathā
б̣алагат̇ааван̣н̣анаа
Balakathāvaṇṇanā
44. ид̣̇аани логуд̇д̇арагат̇ааяа ананд̇арам̣ гат̇ид̇ааяа логуд̇д̇арагат̇аавад̇ияаа суд̇д̇анд̇абуб̣б̣ан̇г̇амааяа б̣алагат̇ааяа абуб̣б̣ад̇т̇аануван̣н̣анаа. д̇ад̇т̇а аад̣̇ид̇о суд̇д̇анд̇авасзна бан̃жа б̣алаани д̣̇ассзд̇ваа д̇ад̣̇ан̃н̃ааниби б̣алаани д̣̇ассзд̇угаамо абижа адтасадти б̣алаанийд̇иаад̣̇имааха. саб̣б̣ааниби д̇ам̣д̇ам̣бадибагкзхи агамбияадтзна б̣алаани наама хонд̇и. хириб̣аланд̇иаад̣̇ийсу баабад̇о хирийяанд̇и зд̇ааяаад̇и хирий, лаж̇ж̇ааязд̇ам̣ наамам̣. баабад̇о од̇д̇аббанд̇и зд̇знаад̇и од̇д̇аббам̣, баабад̇о уб̣б̣зг̇ассзд̇ам̣ наамам̣. аж̇жхад̇д̇асамудтаанаа хирий, б̣ахид̣̇д̇хаасамудтаанам̣ од̇д̇аббам̣. ад̇д̇аад̇хибад̇и хирий, логаад̇хибад̇и од̇д̇аббам̣ . лаж̇ж̇аасабхаавасан̣тид̇аа хирий, бхаяасабхаавасан̣тид̇ам̣ од̇д̇аббам̣. саббад̇иссавалагкан̣аа хирий, важ̇ж̇абхийругабхаяад̣̇ассаавилагкан̣ам̣ од̇д̇аббам̣. саа зва хирий ахиригзна на гамбад̇ийд̇и хириб̣алам̣. д̇ад̣̇зва од̇д̇аббам̣ анод̇д̇аббзна на гамбад̇ийд̇и од̇д̇аббаб̣алам̣. аббадисан̇каанзна на гамбад̇ийд̇и бадисан̇каанаб̣алам̣. убабаригкан̣абан̃н̃ааязд̇ам̣ наамам̣. вийрияасийсзна сад̇д̇а б̣ож̇жхан̇г̇з бхаавзнд̇асса уббаннаб̣алам̣ бхааванааб̣алам̣. д̇ат̇аабавад̇д̇аанам̣ жад̇уннам̣ канд̇хаанамзд̇ам̣ наамам̣. барисуд̣̇д̇хаани сийлаад̣̇ийни анаваж̇ж̇аб̣алам̣. жад̇д̇аари сан̇г̇ахавад̇т̇ууни сан̇г̇ахаб̣алам̣. сан̇г̇ахз б̣аланд̇иби баато. д̣̇угкамаанам̣ ад̇хиваасанам̣ канд̇иб̣алам̣. д̇хаммагат̇ааяа барзсам̣ д̇осанам̣ бан̃н̃ад̇д̇иб̣алам̣. ад̇хид̇асса ад̇т̇асса ад̇хиг̇амаабанам̣ ниж̇жхад̇д̇иб̣алам̣. гусалзсу б̣ахубхааво иссарияаб̣алам̣. гусалзсу яат̇ааружи бад̇идтаанам̣ ад̇хидтаанаб̣алам̣. хириб̣алаад̣̇ийнам̣ ад̇т̇о маад̇игаабад̣̇зсу б̣яан̃ж̇анавасзна висзсад̇о яуж̇ж̇амаанам̣ г̇ахзд̇ваа вуд̇д̇о. самат̇аб̣алам̣ вибассанааб̣аланд̇и б̣алаббад̇д̇аа самат̇авибассанаа зва.
44. Idāni lokuttarakathāya anantaraṃ kathitāya lokuttarakathāvatiyā suttantapubbaṅgamāya balakathāya apubbatthānuvaṇṇanā. Tattha ādito suttantavasena pañca balāni dassetvā tadaññānipi balāni dassetukāmo apica aṭṭhasaṭṭhi balānītiādimāha. Sabbānipi taṃtaṃpaṭipakkhehi akampiyaṭṭhena balāni nāma honti. Hiribalantiādīsu pāpato hirīyanti etāyāti hirī, lajjāyetaṃ nāmaṃ. Pāpato ottappanti etenāti ottappaṃ, pāpato ubbegassetaṃ nāmaṃ. Ajjhattasamuṭṭhānā hirī, bahiddhāsamuṭṭhānaṃ ottappaṃ. Attādhipati hirī, lokādhipati ottappaṃ . Lajjāsabhāvasaṇṭhitā hirī, bhayasabhāvasaṇṭhitaṃ ottappaṃ. Sappatissavalakkhaṇā hirī, vajjabhīrukabhayadassāvilakkhaṇaṃ ottappaṃ. Sā eva hirī ahirikena na kampatīti hiribalaṃ. Tadeva ottappaṃ anottappena na kampatīti ottappabalaṃ. Appaṭisaṅkhānena na kampatīti paṭisaṅkhānabalaṃ. Upaparikkhaṇapaññāyetaṃ nāmaṃ. Vīriyasīsena satta bojjhaṅge bhāventassa uppannabalaṃ bhāvanābalaṃ. Tathāpavattānaṃ catunnaṃ khandhānametaṃ nāmaṃ. Parisuddhāni sīlādīni anavajjabalaṃ. Cattāri saṅgahavatthūni saṅgahabalaṃ. Saṅgahe balantipi pāṭho. Dukkhamānaṃ adhivāsanaṃ khantibalaṃ. Dhammakathāya paresaṃ tosanaṃ paññattibalaṃ. Adhitassa atthassa adhigamāpanaṃ nijjhattibalaṃ. Kusalesu bahubhāvo issariyabalaṃ. Kusalesu yathāruci patiṭṭhānaṃ adhiṭṭhānabalaṃ. Hiribalādīnaṃ attho mātikāpadesu byañjanavasena visesato yujjamānaṃ gahetvā vutto. Samathabalaṃ vipassanābalanti balappattā samathavipassanā eva.
маад̇игаанид̣̇д̣̇зсз ассад̣̇д̇хияз на гамбад̇ийд̇и сад̣̇д̇хааб̣аланд̇и муулаб̣аладтам̣ вад̇ваа д̇амзва абарзхи навахи барияааязхи висзсзд̇ваа д̣̇ассзси. яо хи д̇хаммо агамбияо б̣алаббад̇д̇о ход̇и, со сахаж̇аад̇з убад̇т̇амбхзд̇и, ад̇д̇ано бадибагкз гилзсз барияаад̣̇ияад̇и, бадивзд̇хасса аад̣̇ибхууд̇ам̣ сийлам̣ д̣̇идтин̃жа висод̇хзд̇и, жид̇д̇ам̣ аарамман̣з бад̇идтаабзд̇и, жид̇д̇ам̣ бабхассарам̣ гаронд̇о вод̣̇аабзд̇и, васим̣ баабзнд̇о висзсам̣ ад̇хиг̇амаабзд̇и, д̇ад̇о уд̇д̇арим̣ баабзнд̇о уд̇д̇арибадивзд̇хам̣ гаарзд̇и, гамзна арияамаг̇г̇ам̣ баабзд̇ваа сажжаабхисамаяам̣ гаарзд̇и, палаббад̇д̇ияаа нирод̇хз бад̇идтаабзд̇и. д̇асмаа навад̇хаа б̣аладто висзсид̇о. зса наяо вийрияаб̣алаад̣̇ийсу жад̇уусу.
Mātikāniddese assaddhiye na kampatīti saddhābalanti mūlabalaṭṭhaṃ vatvā tameva aparehi navahi pariyāyehi visesetvā dassesi. Yo hi dhammo akampiyo balappatto hoti, so sahajāte upatthambheti, attano paṭipakkhe kilese pariyādiyati, paṭivedhassa ādibhūtaṃ sīlaṃ diṭṭhiñca visodheti, cittaṃ ārammaṇe patiṭṭhāpeti, cittaṃ pabhassaraṃ karonto vodāpeti, vasiṃ pāpento visesaṃ adhigamāpeti, tato uttariṃ pāpento uttaripaṭivedhaṃ kāreti, kamena ariyamaggaṃ pāpetvā saccābhisamayaṃ kāreti, phalappattiyā nirodhe patiṭṭhāpeti. Tasmā navadhā balaṭṭho visesito. Esa nayo vīriyabalādīsu catūsu.
гаамажчанд̣̇ам̣ хирийяад̇ийд̇и нзгкаммаяуд̇д̇о яог̇ий нзгкаммзна гаамажчанд̣̇ад̇о хирийяад̇и. од̇д̇аббзби зсзва наяо. зд̇зхи саб̣б̣аагусалзхиби хирийяанаа од̇д̇аббанаа вуд̇д̇ааязва хонд̇и. б̣яаабаад̣̇анд̇иаад̣̇ийнамби иминаава наязна ад̇т̇о взд̣̇ид̇аб̣б̣о. бадисан̇каад̇ийд̇и асаммохавасзна аад̣̇ийнавад̇о убабаригкад̇и. бхаавзд̇ийд̇и вад̣дхзд̇и. важ̇ж̇анд̇и рааг̇аад̣̇иваж̇ж̇ам̣. сан̇г̇ан̣хаад̇ийд̇и б̣анд̇хад̇и. камад̇ийд̇и д̇асса яог̇исса камад̇и ружжад̇и. бан̃н̃аабзд̇ийд̇и д̇осзд̇и. ниж̇жхаабзд̇ийд̇и жинд̇аабзд̇и. васам̣ вад̇д̇зд̇ийд̇и жид̇д̇з баху худ̇ваа жид̇д̇ам̣ ад̇д̇ано васам̣ гад̇ваа бавад̇д̇зд̇и. ад̇хидтаад̇ийд̇и вид̣̇ахад̇и. бхааванааб̣алаад̣̇ийни саб̣б̣ааниби нзгкаммаад̣̇ийниязва. маад̇игааван̣н̣анааяа ан̃н̃ат̇аа вуд̇д̇о, ад̇т̇о бана б̣яан̃ж̇анавасзнзва баагадад̇д̇аа ид̇ха на вуд̇д̇од̇и взд̣̇ид̇аб̣б̣ам̣. самат̇аб̣алам̣ вибассанааб̣алан̃жа вид̇т̇аарад̇о нид̣̇д̣̇исид̇ваа авасаанз уд̣̇д̇хажжасахаг̇ад̇агилзсз жа канд̇хз жа на гамбад̇ийд̇иаад̣̇и жа авиж̇ж̇аасахаг̇ад̇агилзсз жа канд̇хз жа на гамбад̇ийд̇иаад̣̇и жа самат̇аб̣алавибассанааб̣алаанам̣ лагкан̣ад̣̇ассанад̇т̇ам̣ вуд̇д̇ам̣.
Kāmacchandaṃ hirīyatīti nekkhammayutto yogī nekkhammena kāmacchandato hirīyati. Ottappepi eseva nayo. Etehi sabbākusalehipi hirīyanā ottappanā vuttāyeva honti. Byāpādantiādīnampi imināva nayena attho veditabbo. Paṭisaṅkhātīti asammohavasena ādīnavato upaparikkhati. Bhāvetīti vaḍḍheti. Vajjanti rāgādivajjaṃ. Saṅgaṇhātīti bandhati. Khamatīti tassa yogissa khamati ruccati. Paññāpetīti toseti. Nijjhāpetīti cintāpeti. Vasaṃ vattetīti citte pahu hutvā cittaṃ attano vasaṃ katvā pavatteti. Adhiṭṭhātīti vidahati. Bhāvanābalādīni sabbānipi nekkhammādīniyeva. Mātikāvaṇṇanāya aññathā vutto, attho pana byañjanavaseneva pākaṭattā idha na vuttoti veditabbaṃ. Samathabalaṃ vipassanābalañca vitthārato niddisitvā avasāne uddhaccasahagatakilese ca khandhe ca na kampatītiādi ca avijjāsahagatakilese ca khandhe ca na kampatītiādi ca samathabalavipassanābalānaṃ lakkhaṇadassanatthaṃ vuttaṃ.
сзкаасзкаб̣алзсу саммаад̣̇идтим̣ сигкад̇ийд̇и сзкаб̣аланд̇и сзкабуг̇г̇ало саммаад̣̇идтим̣ сигкад̇ийд̇и сзко, саа саммаад̣̇идти д̇асса сзкасса б̣аланд̇и сзкаб̣аланд̇и ад̇т̇о. д̇ад̇т̇а сигкид̇ад̇д̇аа асзкаб̣аланд̇и асзкабуг̇г̇ало д̇ад̇т̇а саммаад̣̇идтияаа сигкид̇ад̇д̇аа на сигкад̇ийд̇и асзко, сааязва саммаад̣̇идти д̇асса асзкасса б̣аланд̇и асзкаб̣алам̣. зсзва наяо саммаасан̇габбаад̣̇ийсу. саммаан̃аан̣анд̇и бажжавзгкан̣ан̃аан̣ам̣. д̇амби хи логигамби хонд̇ам̣ сзкасса бавад̇д̇ад̇д̇аа сзкаб̣алам̣, асзкасса бавад̇д̇ад̇д̇аа асзкаб̣аланд̇и вуд̇д̇ам̣. саммаавимуд̇д̇ийд̇и адта маг̇г̇ан̇г̇аани табзд̇ваа сзсаа паласамбаяуд̇д̇аа д̇хаммаа . гзжи бана ‘‘табзд̇ваа логуд̇д̇аравимуд̇д̇им̣ авасзсаа вимуд̇д̇ияо саммаавимуд̇д̇ий’’д̇и вад̣̇анд̇и. д̇асса сзкаасзкаб̣алад̇д̇ам̣ вуд̇д̇анаяамзва.
Sekhāsekhabalesu sammādiṭṭhiṃ sikkhatīti sekhabalanti sekhapuggalo sammādiṭṭhiṃ sikkhatīti sekho, sā sammādiṭṭhi tassa sekhassa balanti sekhabalanti attho. Tattha sikkhitattā asekhabalanti asekhapuggalo tattha sammādiṭṭhiyā sikkhitattā na sikkhatīti asekho, sāyeva sammādiṭṭhi tassa asekhassa balanti asekhabalaṃ. Eseva nayo sammāsaṅkappādīsu. Sammāñāṇanti paccavekkhaṇañāṇaṃ. Tampi hi lokikampi hontaṃ sekhassa pavattattā sekhabalaṃ, asekhassa pavattattā asekhabalanti vuttaṃ. Sammāvimuttīti aṭṭha maggaṅgāni ṭhapetvā sesā phalasampayuttā dhammā . Keci pana ‘‘ṭhapetvā lokuttaravimuttiṃ avasesā vimuttiyo sammāvimuttī’’ti vadanti. Tassa sekhāsekhabalattaṃ vuttanayameva.
кийн̣аасаваб̣алзсу саб̣б̣ааниби н̃аан̣аб̣алаани. кийн̣аасавасса бхигкунод̇и гаран̣ад̇т̇з саамиважанам̣, кийн̣аасавзна бхигкунаад̇и ад̇т̇о. анижжад̇од̇и худ̇ваа абхааваагаарзна анижжад̇о. яат̇аабхууд̇анд̇и яат̇аасабхаавад̇о. бан̃н̃ааяаад̇и сахавибассанааяа маг̇г̇абан̃н̃ааяа. анижжад̇о суд̣̇идтаа д̣̇угкад̇о анад̇д̇ад̇о суд̣̇идтаа хонд̇и д̇аммуулагад̇д̇аа. яанд̇и бхааванабум̣сагаважанам̣, язна гааран̣знаад̇и ваа ад̇т̇о. ааг̇аммаад̇и бадижжа. бадиж̇аанаад̇ийд̇и самбадижчад̇и бадин̃н̃ам̣ гарод̇и. ан̇г̇аарагаасуубамаад̇и махаабхид̇аабадтзна ан̇г̇аарагаасуяаа убамид̇аа. гаамаад̇и вад̇т̇угаамаа жа гилзсагаамаа жа.
Khīṇāsavabalesu sabbānipi ñāṇabalāni. Khīṇāsavassa bhikkhunoti karaṇatthe sāmivacanaṃ, khīṇāsavena bhikkhunāti attho. Aniccatoti hutvā abhāvākārena aniccato. Yathābhūtanti yathāsabhāvato. Paññāyāti sahavipassanāya maggapaññāya. Aniccato sudiṭṭhā dukkhato anattato sudiṭṭhā honti tammūlakattā. Yanti bhāvanapuṃsakavacanaṃ, yena kāraṇenāti vā attho. Āgammāti paṭicca. Paṭijānātīti sampaṭicchati paṭiññaṃ karoti. Aṅgārakāsūpamāti mahābhitāpaṭṭhena aṅgārakāsuyā upamitā. Kāmāti vatthukāmā ca kilesakāmā ca.
вивзганиннанд̇и паласамаабад̇д̇ивасзна убад̇хививзгасан̇каад̇аниб̣б̣аананиннам̣. д̇аяо хи вивзгаа – гааяавивзго жид̇д̇авивзго убад̇хививзгод̇и. гааяавивзго жа вивзгадтагааяаанам̣ нзгкаммаабхирад̇аанам̣. жид̇д̇авивзго жа ад̇хижид̇д̇амануяуд̇д̇аанам̣. убад̇хививзго жа нирубад̇хийнам̣ буг̇г̇алаанам̣ висан̇каараг̇ад̇аанам̣, ниссаран̣авивзгасан̇каад̇аниб̣б̣аананиннам̣ ваа. бан̃жа хи вивзгаа – вигкамбханавивзго д̇ад̣̇ан̇г̇авивзго самужчзд̣̇авивзго бадиббассад̣̇д̇хививзго ниссаран̣авивзгод̇и. вивзганиннанд̇и вивзгз ниннам̣. вивзгабон̣анд̇и вивзгз над̇ам̣. вивзгабаб̣бхааранд̇и вивзгасийсабхаарам̣. д̣̇взби буримассзва взважанаани. вивзгадтанд̇и гилзсзхи важ̇ж̇ид̇ам̣, д̣̇уурийбхууд̇ам̣ ваа. нзгкаммаабхирад̇анд̇и ниб̣б̣аанз абхирад̇ам̣, баб̣б̣аж̇ж̇ааяа абхирад̇ам̣ ваа. б̣яанд̇ийбхууд̇анд̇и виг̇ад̇анд̇ийбхууд̇ам̣, згад̣̇зсзнааби аналлийнам̣ виббамуд̇д̇ам̣ висам̣садтам̣. саб̣б̣асод̇и саб̣б̣ат̇аа. аасавадтааниязхи д̇хаммзхийд̇и сам̣яог̇авасзна аасаваанам̣ гааран̣абхууд̇зхи гилзсад̇хаммзхийд̇и ад̇т̇о. ат̇а ваа б̣яанд̇ийбхууд̇анд̇и виг̇ад̇аниганд̇ибхууд̇ам̣, нид̇д̇ан̣ханд̇и ад̇т̇о. гуд̇о? саб̣б̣асо аасавадтааниязхи д̇хаммзхи саб̣б̣зхи д̇збхуумагад̇хаммзхийд̇и ад̇т̇о. ид̇ха д̣̇асахи кийн̣аасаваб̣алзхи кийн̣аасавасса логияалогуд̇д̇аро маг̇г̇о гат̇ид̇о. ‘‘анижжад̇о саб̣б̣з сан̇каараа’’д̇и д̣̇угкабарин̃н̃ааб̣алам̣, ‘‘ан̇г̇аарагаасуубамаа гаамаа’’д̇и самуд̣̇аяабахаанаб̣алам̣, ‘‘вивзганиннам̣ жид̇д̇ам̣ ход̇ий’’д̇и нирод̇хасажчигирияааб̣алам̣, ‘‘жад̇д̇ааро сад̇ибадтаанаа’’д̇иаад̣̇и сад̇д̇авид̇хам̣ маг̇г̇абхааванааб̣аланд̇иби вад̣̇анд̇и. д̣̇аса ид̣̇д̇хиб̣алаани ид̣̇д̇хигат̇ааяа аави бхависсанд̇и.
Vivekaninnanti phalasamāpattivasena upadhivivekasaṅkhātanibbānaninnaṃ. Tayo hi vivekā – kāyaviveko cittaviveko upadhivivekoti. Kāyaviveko ca vivekaṭṭhakāyānaṃ nekkhammābhiratānaṃ. Cittaviveko ca adhicittamanuyuttānaṃ. Upadhiviveko ca nirupadhīnaṃ puggalānaṃ visaṅkhāragatānaṃ, nissaraṇavivekasaṅkhātanibbānaninnaṃ vā. Pañca hi vivekā – vikkhambhanaviveko tadaṅgaviveko samucchedaviveko paṭippassaddhiviveko nissaraṇavivekoti. Vivekaninnanti viveke ninnaṃ. Vivekapoṇanti viveke nataṃ. Vivekapabbhāranti vivekasīsabhāraṃ. Dvepi purimasseva vevacanāni. Vivekaṭṭhanti kilesehi vajjitaṃ, dūrībhūtaṃ vā. Nekkhammābhiratanti nibbāne abhirataṃ, pabbajjāya abhirataṃ vā. Byantībhūtanti vigatantībhūtaṃ, ekadesenāpi anallīnaṃ vippamuttaṃ visaṃsaṭṭhaṃ. Sabbasoti sabbathā. Āsavaṭṭhāniyehi dhammehīti saṃyogavasena āsavānaṃ kāraṇabhūtehi kilesadhammehīti attho. Atha vā byantībhūtanti vigatanikantibhūtaṃ, nittaṇhanti attho. Kuto? Sabbaso āsavaṭṭhāniyehi dhammehi sabbehi tebhūmakadhammehīti attho. Idha dasahi khīṇāsavabalehi khīṇāsavassa lokiyalokuttaro maggo kathito. ‘‘Aniccato sabbe saṅkhārā’’ti dukkhapariññābalaṃ, ‘‘aṅgārakāsūpamā kāmā’’ti samudayapahānabalaṃ, ‘‘vivekaninnaṃ cittaṃ hotī’’ti nirodhasacchikiriyābalaṃ, ‘‘cattāro satipaṭṭhānā’’tiādi sattavidhaṃ maggabhāvanābalantipi vadanti. Dasa iddhibalāni iddhikathāya āvi bhavissanti.
д̇ат̇ааг̇ад̇аб̣аланид̣̇д̣̇зсз д̇ат̇ааг̇ад̇аб̣алаанийд̇и ан̃н̃зхи асаад̇хааран̣аани д̇ат̇ааг̇ад̇ассзва б̣алаани. яат̇аа ваа буб̣б̣аб̣уд̣̇д̇хаанам̣ б̣алаани бун̃н̃уссаяасамбад̇д̇ияаа ааг̇ад̇аани, д̇ат̇аа ааг̇ад̇аб̣алаанийд̇иби ад̇т̇о. д̇ад̇т̇а д̣̇увид̇хам̣ д̇ат̇ааг̇ад̇аб̣алам̣ – гааяаб̣алам̣ н̃аан̣аб̣алан̃жа. д̇зсу гааяаб̣алам̣ хад̇т̇игулаанусаарзна взд̣̇ид̇аб̣б̣ам̣. вуд̇д̇ан̃хзд̇ам̣ бораан̣зхи –
Tathāgatabalaniddese tathāgatabalānīti aññehi asādhāraṇāni tathāgatasseva balāni. Yathā vā pubbabuddhānaṃ balāni puññussayasampattiyā āgatāni, tathā āgatabalānītipi attho. Tattha duvidhaṃ tathāgatabalaṃ – kāyabalaṃ ñāṇabalañca. Tesu kāyabalaṃ hatthikulānusārena veditabbaṃ. Vuttañhetaṃ porāṇehi –
‘‘гаал̣ааваган̃жа г̇ан̇г̇зяяам̣, бан̣д̣арам̣ д̇амб̣абин̇г̇алам̣;
‘‘Kāḷāvakañca gaṅgeyyaṃ, paṇḍaraṃ tambapiṅgalaṃ;
г̇анд̇хаман̇г̇алахзман̃жа, убосат̇ачад̣̇д̣̇анд̇имз д̣̇асаа’’д̇и. (вибха. адта. 760; ма. ни. адта. 1.148; сам̣. ни. адта. 2.2.22);
Gandhamaṅgalahemañca, uposathachaddantime dasā’’ti. (vibha. aṭṭha. 760; ma. ni. aṭṭha. 1.148; saṃ. ni. aṭṭha. 2.2.22);
имаани д̣̇аса хад̇т̇игулаани. д̇ад̇т̇а гаал̣ааваганд̇и багад̇ихад̇т̇игулам̣ д̣̇адтаб̣б̣ам̣. яам̣ д̣̇асаннам̣ бурисаанам̣ гааяаб̣алам̣, д̇ам̣ згасса гаал̣аавагасса хад̇т̇ино б̣алам̣. яам̣ д̣̇асаннам̣ гаал̣аавагаанам̣ б̣алам̣, д̇ам̣ згасса г̇ан̇г̇зяяасса б̣алам̣. яам̣ д̣̇асаннам̣ г̇ан̇г̇зяяаанам̣, д̇ам̣ згасса бан̣д̣арасса. яам̣ д̣̇асаннам̣ бан̣д̣араанам̣ , д̇ам̣ згасса д̇амб̣асса. яам̣ д̣̇асаннам̣ д̇амб̣аанам̣, д̇ам̣ згасса бин̇г̇аласса. яам̣ д̣̇асаннам̣ бин̇г̇алаанам̣, д̇ам̣ згасса г̇анд̇хахад̇т̇ино. яам̣ д̣̇асаннам̣ г̇анд̇хахад̇т̇ийнам̣, д̇ам̣ згасса ман̇г̇алахад̇т̇ино. яам̣ д̣̇асаннам̣ ман̇г̇алахад̇т̇ийнам̣, д̇ам̣ згасса хзмавад̇асса. яам̣ д̣̇асаннам̣ хзмавад̇аанам̣, д̇ам̣ згасса убосат̇асса. яам̣ д̣̇асаннам̣ убосат̇аанам̣, д̇ам̣ згасса чад̣̇д̣̇анд̇асса. яам̣ д̣̇асаннам̣ чад̣̇д̣̇анд̇аанам̣, д̇ам̣ згасса д̇ат̇ааг̇ад̇асса б̣алам̣. наарааяанасан̇гхаад̇аб̣аланд̇иби ид̣̇амзва вужжад̇и. д̇ад̣̇зд̇ам̣ багад̇ихад̇т̇ино г̇ан̣анааяа хад̇т̇ийнам̣ годисахассасса, бурисаг̇ан̣анааяа д̣̇асаннам̣ бурисагодисахассаанам̣ б̣алам̣ ход̇и. ид̣̇ам̣ д̇аава д̇ат̇ааг̇ад̇асса гааяаб̣алам̣.
Imāni dasa hatthikulāni. Tattha kāḷāvakanti pakatihatthikulaṃ daṭṭhabbaṃ. Yaṃ dasannaṃ purisānaṃ kāyabalaṃ, taṃ ekassa kāḷāvakassa hatthino balaṃ. Yaṃ dasannaṃ kāḷāvakānaṃ balaṃ, taṃ ekassa gaṅgeyyassa balaṃ. Yaṃ dasannaṃ gaṅgeyyānaṃ, taṃ ekassa paṇḍarassa. Yaṃ dasannaṃ paṇḍarānaṃ , taṃ ekassa tambassa. Yaṃ dasannaṃ tambānaṃ, taṃ ekassa piṅgalassa. Yaṃ dasannaṃ piṅgalānaṃ, taṃ ekassa gandhahatthino. Yaṃ dasannaṃ gandhahatthīnaṃ, taṃ ekassa maṅgalahatthino. Yaṃ dasannaṃ maṅgalahatthīnaṃ, taṃ ekassa hemavatassa. Yaṃ dasannaṃ hemavatānaṃ, taṃ ekassa uposathassa. Yaṃ dasannaṃ uposathānaṃ, taṃ ekassa chaddantassa. Yaṃ dasannaṃ chaddantānaṃ, taṃ ekassa tathāgatassa balaṃ. Nārāyanasaṅghātabalantipi idameva vuccati. Tadetaṃ pakatihatthino gaṇanāya hatthīnaṃ koṭisahassassa, purisagaṇanāya dasannaṃ purisakoṭisahassānaṃ balaṃ hoti. Idaṃ tāva tathāgatassa kāyabalaṃ.
н̃аан̣аб̣алам̣ бана ид̇ха д̇аава ан̃н̃ад̇т̇а жа баал̣ияам̣ ааг̇ад̇амзва д̣̇асаб̣алан̃аан̣ам̣, маж̇жхимз (ма. ни. 1.150) ааг̇ад̇ам̣ жад̇увзсаараж̇ж̇ан̃аан̣ам̣, адтасу барисаасу агамбанан̃аан̣ам̣, жад̇уяонибарижчзд̣̇аган̃аан̣ам̣, бан̃жаг̇ад̇ибарижчзд̣̇аган̃аан̣ам̣, сам̣яуд̇д̇агз (сам̣. ни. 2.33-34) ааг̇ад̇аани д̇зсад̇д̇ад̇и н̃аан̣аани, сад̇д̇асад̇д̇ад̇и н̃аан̣аанийд̇и зваман̃н̃ааниби анзгаани н̃аан̣асахассаани. зд̇ам̣ н̃аан̣аб̣алам̣ наама. ид̇хааби н̃аан̣аб̣аламзва ад̇хиббзд̇ам̣. н̃аан̣ан̃хи агамбияадтзна убад̇т̇амбханадтзна жа б̣аланд̇и вуд̇д̇ам̣.
Ñāṇabalaṃ pana idha tāva aññattha ca pāḷiyaṃ āgatameva dasabalañāṇaṃ, majjhime (ma. ni. 1.150) āgataṃ catuvesārajjañāṇaṃ, aṭṭhasu parisāsu akampanañāṇaṃ, catuyoniparicchedakañāṇaṃ, pañcagatiparicchedakañāṇaṃ, saṃyuttake (saṃ. ni. 2.33-34) āgatāni tesattati ñāṇāni, sattasattati ñāṇānīti evamaññānipi anekāni ñāṇasahassāni. Etaṃ ñāṇabalaṃ nāma. Idhāpi ñāṇabalameva adhippetaṃ. Ñāṇañhi akampiyaṭṭhena upatthambhanaṭṭhena ca balanti vuttaṃ.
таанан̃жа таанад̇од̇и гааран̣ан̃жа гааран̣ад̇о. гааран̣ан̃хи яасмаа д̇ад̇т̇а палам̣ д̇идтад̇и д̇ад̣̇ааяад̇д̇авуд̇д̇ид̇ааяа уббаж̇ж̇ад̇и жзва бавад̇д̇ад̇и жа, д̇асмаа таананд̇и вужжад̇и. д̇ам̣ бхаг̇аваа яз яз д̇хаммаа язсам̣ язсам̣ д̇хаммаанам̣ хзд̇уу бажжаяаа уббаад̣̇ааяа, д̇ам̣ д̇ам̣ таананд̇и, яз яз д̇хаммаа язсам̣ язсам̣ д̇хаммаанам̣ на хзд̇уу на бажжаяаа уббаад̣̇ааяа, д̇ам̣ д̇ам̣ адтаананд̇и баж̇аананд̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и. яамбийд̇и язна н̃аан̣зна. ид̣̇амбийд̇и ид̣̇амби таанаадтаанан̃аан̣ам̣, д̇ат̇ааг̇ад̇асса д̇ат̇ааг̇ад̇аб̣алам̣ наама ход̇ийд̇и ад̇т̇о. звам̣ сзсабад̣̇зсуби яож̇анаа взд̣̇ид̇аб̣б̣аа.
Ṭhānañca ṭhānatoti kāraṇañca kāraṇato. Kāraṇañhi yasmā tattha phalaṃ tiṭṭhati tadāyattavuttitāya uppajjati ceva pavattati ca, tasmā ṭhānanti vuccati. Taṃ bhagavā ye ye dhammā yesaṃ yesaṃ dhammānaṃ hetū paccayā uppādāya, taṃ taṃ ṭhānanti, ye ye dhammā yesaṃ yesaṃ dhammānaṃ na hetū na paccayā uppādāya, taṃ taṃ aṭṭhānanti pajānanto ṭhānañca ṭhānato aṭṭhānañca aṭṭhānato yathābhūtaṃ pajānāti. Yampīti yena ñāṇena. Idampīti idampi ṭhānāṭṭhānañāṇaṃ, tathāgatassa tathāgatabalaṃ nāma hotīti attho. Evaṃ sesapadesupi yojanā veditabbā.
аасабхам̣ таананд̇и сздтадтаанам̣ уд̇д̇амадтаанам̣, аасабхаа ваа буб̣б̣аб̣уд̣̇д̇хаа, д̇зсам̣ таананд̇и ад̇т̇о. абижа г̇авасад̇аж̇здтаго усабхо, г̇авасахассаж̇здтаго васабхо, важ̇асад̇аж̇здтаго ваа усабхо, важ̇асахассаж̇здтаго васабхо, саб̣б̣аг̇авасздто саб̣б̣абариссаяасахо сзд̇о баасаад̣̇иго махаабхааравахо асанисад̇асад̣̇д̣̇зхиби асанд̇асанийяо нисабхо, со ид̇ха усабход̇и ад̇хиббзд̇о. ид̣̇амби хи д̇асса барияааяаважанам̣. усабхасса ид̣̇анд̇и аасабхам̣. таананд̇и жад̇уухи баад̣̇зхи бат̇авим̣ уббийл̣зд̇ваа авадтаанам̣. ид̣̇ам̣ бана аасабхам̣ вияаад̇и аасабхам̣ яат̇зва хи нисабхасан̇каад̇о усабхо усабхаб̣алзна саманнааг̇ад̇о жад̇уухи баад̣̇зхи бат̇авим̣ уббийл̣зд̇ваа ажаладтаанзна д̇идтад̇и, звам̣ д̇ат̇ааг̇ад̇оби д̣̇асахи д̇ат̇ааг̇ад̇аб̣алзхи саманнааг̇ад̇о жад̇уухи взсаараж̇ж̇абаад̣̇зхи адтабарисабат̇авим̣ уббийл̣зд̇ваа сад̣̇звагз логз гзнажи бажжад̇т̇игзна бажжаамид̇д̇зна агамбияо ажаладтаанзна д̇идтад̇и, звам̣ д̇идтамаано жа д̇ам̣ аасабхам̣ таанам̣ бадиж̇аанаад̇и убаг̇ажчад̇и на бажжагкаад̇и, ад̇д̇ани ааробзд̇и. д̇зна вуд̇д̇ам̣ – ‘‘аасабхам̣ таанам̣ бадиж̇аанаад̇ий’’д̇и (сам̣. ни. адта. 2.2.22; ма. ни. адта. 1.148).
Āsabhaṃṭhānanti seṭṭhaṭṭhānaṃ uttamaṭṭhānaṃ, āsabhā vā pubbabuddhā, tesaṃ ṭhānanti attho. Apica gavasatajeṭṭhako usabho, gavasahassajeṭṭhako vasabho, vajasatajeṭṭhako vā usabho, vajasahassajeṭṭhako vasabho, sabbagavaseṭṭho sabbaparissayasaho seto pāsādiko mahābhāravaho asanisatasaddehipi asantasanīyo nisabho, so idha usabhoti adhippeto. Idampi hi tassa pariyāyavacanaṃ. Usabhassa idanti āsabhaṃ. Ṭhānanti catūhi pādehi pathaviṃ uppīḷetvā avaṭṭhānaṃ. Idaṃ pana āsabhaṃ viyāti āsabhaṃ yatheva hi nisabhasaṅkhāto usabho usabhabalena samannāgato catūhi pādehi pathaviṃ uppīḷetvā acalaṭṭhānena tiṭṭhati, evaṃ tathāgatopi dasahi tathāgatabalehi samannāgato catūhi vesārajjapādehi aṭṭhaparisapathaviṃ uppīḷetvā sadevake loke kenaci paccatthikena paccāmittena akampiyo acalaṭṭhānena tiṭṭhati, evaṃ tiṭṭhamāno ca taṃ āsabhaṃ ṭhānaṃ paṭijānāti upagacchati na paccakkhāti, attani āropeti. Tena vuttaṃ – ‘‘āsabhaṃ ṭhānaṃ paṭijānātī’’ti (saṃ. ni. aṭṭha. 2.2.22; ma. ni. aṭṭha. 1.148).
барисаасууд̇и кад̇д̇ияаб̣раахман̣аг̇ахабад̇исаман̣ажаад̇умахаарааж̇игад̇аавад̇им̣самаараб̣рахмаанам̣ васзна адтасу барисаасу. сийханаад̣̇ам̣ над̣̇ад̇ийд̇и сздтанаад̣̇ам̣ ачамбхид̇анаад̣̇ам̣ над̣̇ад̇и, сийханаад̣̇асад̣̇исам̣ ваа наад̣̇ам̣ над̣̇ад̇и. аяамад̇т̇о сийханаад̣̇асуд̇д̇зна (ма. ни. 1.146 аад̣̇аяо; д̣̇ий. ни. 1.381 аад̣̇аяо) д̣̇ийбзд̇аб̣б̣о. яат̇аа ваа сийхо саханад̇о хананад̇о жа сийход̇и вужжад̇и, звам̣ д̇ат̇ааг̇ад̇о логад̇хаммаанам̣ саханад̇о бараббаваад̣̇аанам̣ хананад̇о сийход̇и вужжад̇и. звам̣ вуд̇д̇асса сийхасса наад̣̇ам̣ сийханаад̣̇ам̣. д̇ад̇т̇а яат̇аа сийхо сийхаб̣алзна саманнааг̇ад̇о саб̣б̣ад̇т̇а висаарад̣̇о виг̇ад̇аломахам̣со сийханаад̣̇ам̣ над̣̇ад̇и, звам̣ д̇ат̇ааг̇ад̇асийхоби д̇ат̇ааг̇ад̇аб̣алзхи саманнааг̇ад̇о адтасу барисаасу висаарад̣̇о виг̇ад̇аломахам̣со ‘‘ид̇и рууба’’нд̇иаад̣̇инаа (сам̣. ни. 3.78) наязна наанаавид̇хад̣̇зсанаавилаасасамбаннам̣ сийханаад̣̇ам̣ над̣̇ад̇и. д̇зна вуд̇д̇ам̣ – ‘‘барисаасу сийханаад̣̇ам̣ над̣̇ад̇ий’’д̇и.
Parisāsūti khattiyabrāhmaṇagahapatisamaṇacātumahārājikatāvatiṃsamārabrahmānaṃ vasena aṭṭhasu parisāsu. Sīhanādaṃ nadatīti seṭṭhanādaṃ achambhitanādaṃ nadati, sīhanādasadisaṃ vā nādaṃ nadati. Ayamattho sīhanādasuttena (ma. ni. 1.146 ādayo; dī. ni. 1.381 ādayo) dīpetabbo. Yathā vā sīho sahanato hananato ca sīhoti vuccati, evaṃ tathāgato lokadhammānaṃ sahanato parappavādānaṃ hananato sīhoti vuccati. Evaṃ vuttassa sīhassa nādaṃ sīhanādaṃ. Tattha yathā sīho sīhabalena samannāgato sabbattha visārado vigatalomahaṃso sīhanādaṃ nadati, evaṃ tathāgatasīhopi tathāgatabalehi samannāgato aṭṭhasu parisāsu visārado vigatalomahaṃso ‘‘iti rūpa’’ntiādinā (saṃ. ni. 3.78) nayena nānāvidhadesanāvilāsasampannaṃ sīhanādaṃ nadati. Tena vuttaṃ – ‘‘parisāsu sīhanādaṃ nadatī’’ti.
б̣рахмажаггам̣ бавад̇д̇зд̇ийд̇и зд̇т̇а б̣рахманд̇и сздтам̣ уд̇д̇амам̣ висуд̣̇д̇хам̣. жаггасад̣̇д̣̇о банааяам̣ –
Brahmacakkaṃ pavattetīti ettha brahmanti seṭṭhaṃ uttamaṃ visuddhaṃ. Cakkasaddo panāyaṃ –
самбад̇д̇ияам̣ лагкан̣з жа, рат̇ан̇г̇з ирияаабат̇з;
Sampattiyaṃ lakkhaṇe ca, rathaṅge iriyāpathe;
д̣̇аанз рад̇анад̇хаммуура, жаггаад̣̇ийсу жа д̣̇иссад̇и;
Dāne ratanadhammūra, cakkādīsu ca dissati;
д̇хаммажаггз ид̇ха мад̇о, д̇амби д̣̇взд̇хаа вибхааваяз.
Dhammacakke idha mato, tampi dvedhā vibhāvaye.
‘‘жад̇д̇ааримаани , бхигкавз, жаггаани, язхи саманнааг̇ад̇аанам̣ д̣̇звамануссаана’’нд̇иаад̣̇ийсу (а. ни. 4.31) хи аяам̣ самбад̇д̇ияам̣ д̣̇иссад̇и. ‘‘хздтаа баад̣̇ад̇алзсу жаггаани ж̇аад̇аани хонд̇ий’’д̇и (д̣̇ий. ни. 2.35) зд̇т̇а лагкан̣з. ‘‘жаггам̣ва вахад̇о бад̣̇а’’нд̇и (д̇ха. ба. 1) зд̇т̇а рат̇ан̇г̇з. ‘‘жад̇ужаггам̣ навад̣̇ваара’’нд̇и (сам̣. ни. 1.29) зд̇т̇а ирияаабат̇з. ‘‘д̣̇ад̣̇ам̣ бхун̃ж̇а маа жа бамаад̣̇о , жаггам̣ вад̇д̇аяа госалаад̇хибаа’’д̇и (ж̇аа. 1.7.149) зд̇т̇а д̣̇аанз. ‘‘д̣̇иб̣б̣ам̣ жаггарад̇анам̣ баад̇урахосий’’д̇и (д̣̇ий. ни. 2.243) зд̇т̇а рад̇анажаггз. ‘‘маяаа бавад̇д̇ид̇ам̣ жагга’’нд̇и (су. ни. 562) зд̇т̇а д̇хаммажаггз. ‘‘ижчаахад̇асса босасса, жаггам̣ бхамад̇и мад̇т̇агз’’д̇и (ж̇аа. 1.1.104; 1.5.103) зд̇т̇а уражаггз. ‘‘курабарияанд̇зна жзби жаггзнаа’’д̇и (д̣̇ий. ни. 1.166) зд̇т̇а бахаран̣ажаггз. ‘‘асанивижагга’’нд̇и (д̣̇ий. ни. 3.61; сам̣. ни. 2.162) зд̇т̇а асаниман̣д̣алз. ид̇ха банааяам̣ д̇хаммажаггз мад̇о.
‘‘Cattārimāni , bhikkhave, cakkāni, yehi samannāgatānaṃ devamanussāna’’ntiādīsu (a. ni. 4.31) hi ayaṃ sampattiyaṃ dissati. ‘‘Heṭṭhā pādatalesu cakkāni jātāni hontī’’ti (dī. ni. 2.35) ettha lakkhaṇe. ‘‘Cakkaṃva vahato pada’’nti (dha. pa. 1) ettha rathaṅge. ‘‘Catucakkaṃ navadvāra’’nti (saṃ. ni. 1.29) ettha iriyāpathe. ‘‘Dadaṃ bhuñja mā ca pamādo , cakkaṃ vattaya kosalādhipā’’ti (jā. 1.7.149) ettha dāne. ‘‘Dibbaṃ cakkaratanaṃ pāturahosī’’ti (dī. ni. 2.243) ettha ratanacakke. ‘‘Mayā pavattitaṃ cakka’’nti (su. ni. 562) ettha dhammacakke. ‘‘Icchāhatassa posassa, cakkaṃ bhamati matthake’’ti (jā. 1.1.104; 1.5.103) ettha uracakke. ‘‘Khurapariyantena cepi cakkenā’’ti (dī. ni. 1.166) ettha paharaṇacakke. ‘‘Asanivicakka’’nti (dī. ni. 3.61; saṃ. ni. 2.162) ettha asanimaṇḍale. Idha panāyaṃ dhammacakke mato.
д̇ам̣ банзд̇ам̣ д̇хаммажаггам̣ д̣̇увид̇хам̣ ход̇и бадивзд̇хан̃аан̣ан̃жа д̣̇зсанаан̃аан̣ан̃жа. д̇ад̇т̇а бан̃н̃аабабхаавид̇ам̣ ад̇д̇ано арияапалаавахам̣ бадивзд̇хан̃аан̣ам̣, гарун̣аабабхаавид̇ам̣ саавагаанам̣ арияапалаавахам̣ д̣̇зсанаан̃аан̣ам̣. д̇ад̇т̇а бадивзд̇хан̃аан̣ам̣ уббаж̇ж̇амаанам̣ уббаннанд̇и д̣̇увид̇хам̣. д̇ан̃хи абхинигкаманад̇о яаава арахад̇д̇амаг̇г̇аа уббаж̇ж̇амаанам̣ наама, палагкан̣з уббаннам̣ наама. д̇усид̇абхаванад̇о ваа яаава б̣од̇хибаллан̇гз арахад̇д̇амаг̇г̇аа уббаж̇ж̇амаанам̣ наама, палагкан̣з уббаннам̣ наама. д̣̇ийбан̇гарад̣̇асаб̣алад̇о ваа бадтааяа яаава арахад̇д̇амаг̇г̇аа уббаж̇ж̇амаанам̣ наама, палагкан̣з уббаннам̣ наама. д̣̇зсанаан̃аан̣амби бавад̇д̇амаанам̣ бавад̇д̇анд̇и д̣̇увид̇хам̣. д̇ан̃хи яаава ан̃н̃аад̇агон̣д̣ан̃н̃ад̇т̇зрасса арахад̇д̇амаг̇г̇аа бавад̇д̇амаанам̣ наама, палагкан̣з бавад̇д̇ам̣ наама. д̇ад̇т̇а бадивзд̇хан̃аан̣ам̣ логуд̇д̇арам̣, д̣̇зсанаан̃аан̣ам̣ логияам̣. убхаяамби банзд̇ам̣ ан̃н̃зхи асаад̇хааран̣ам̣, б̣уд̣̇д̇хаанам̣язва орасан̃аан̣ам̣. д̇зна вуд̇д̇ам̣ – ‘‘б̣рахмажаггам̣ бавад̇д̇зд̇ий’’д̇и.
Taṃ panetaṃ dhammacakkaṃ duvidhaṃ hoti paṭivedhañāṇañca desanāñāṇañca. Tattha paññāpabhāvitaṃ attano ariyaphalāvahaṃ paṭivedhañāṇaṃ, karuṇāpabhāvitaṃ sāvakānaṃ ariyaphalāvahaṃ desanāñāṇaṃ. Tattha paṭivedhañāṇaṃ uppajjamānaṃ uppannanti duvidhaṃ. Tañhi abhinikkhamanato yāva arahattamaggā uppajjamānaṃ nāma, phalakkhaṇe uppannaṃ nāma. Tusitabhavanato vā yāva bodhipallaṅke arahattamaggā uppajjamānaṃ nāma, phalakkhaṇe uppannaṃ nāma. Dīpaṅkaradasabalato vā paṭṭhāya yāva arahattamaggā uppajjamānaṃ nāma, phalakkhaṇe uppannaṃ nāma. Desanāñāṇampi pavattamānaṃ pavattanti duvidhaṃ. Tañhi yāva aññātakoṇḍaññattherassa arahattamaggā pavattamānaṃ nāma, phalakkhaṇe pavattaṃ nāma. Tattha paṭivedhañāṇaṃ lokuttaraṃ, desanāñāṇaṃ lokiyaṃ. Ubhayampi panetaṃ aññehi asādhāraṇaṃ, buddhānaṃyeva orasañāṇaṃ. Tena vuttaṃ – ‘‘brahmacakkaṃ pavattetī’’ti.
гаммасамаад̣̇аанаананд̇и самаад̣̇ияид̇ваа гад̇аанам̣ гусалаагусалагаммаанам̣, гаммамзва ваа гаммасамаад̣̇аанам̣. таанасо хзд̇усод̇и бажжаяад̇о жзва хзд̇уд̇о жа. д̇ад̇т̇а г̇ад̇иубад̇хигаалабаяог̇аа вибаагасса таанам̣. гаммам̣ хзд̇у.
Kammasamādānānanti samādiyitvā katānaṃ kusalākusalakammānaṃ, kammameva vā kammasamādānaṃ. Ṭhānaso hetusoti paccayato ceva hetuto ca. Tattha gatiupadhikālapayogā vipākassa ṭhānaṃ. Kammaṃ hetu.
саб̣б̣ад̇т̇аг̇аамининд̇и саб̣б̣аг̇ад̇иг̇ааминин̃жа аг̇ад̇иг̇ааминин̃жа. бадибад̣̇анд̇и маг̇г̇ам̣. яат̇аабхууд̇ам̣ баж̇аанаад̇ийд̇и б̣ахуусуби мануссзсу згамзва баан̣ам̣ гхаад̇знд̇зсу имасса жзд̇анаа нираяаг̇ааминий бхависсад̇и, имасса д̇иражчаанаяониг̇ааминийд̇и иминаа наязна згавад̇т̇усмимби гусалаагусалажзд̇анаасан̇каад̇аанам̣ бадибад̇д̇ийнам̣ авибарийд̇ад̇о сабхаавам̣ ж̇аанаад̇и.
Sabbatthagāmininti sabbagatigāminiñca agatigāminiñca. Paṭipadanti maggaṃ. Yathābhūtaṃ pajānātīti bahūsupi manussesu ekameva pāṇaṃ ghātentesu imassa cetanā nirayagāminī bhavissati, imassa tiracchānayonigāminīti iminā nayena ekavatthusmimpi kusalākusalacetanāsaṅkhātānaṃ paṭipattīnaṃ aviparītato sabhāvaṃ jānāti.
анзгад̇хаад̇унд̇и жагкуд̇хаад̇уаад̣̇ийхи, гаамад̇хаад̇уаад̣̇ийхи ваа д̇хаад̇уухи б̣ахуд̇хаад̇ум̣. наанаад̇хаад̇унд̇и д̇аасам̣язва д̇хаад̇уунам̣ вилагкан̣ад̇д̇аа наанаббагаарад̇хаад̇ум̣ . логанд̇и канд̇хааяад̇анад̇хаад̇улогам̣. яат̇аабхууд̇ам̣ баж̇аанаад̇ийд̇и д̇аасам̣ д̇аасам̣ д̇хаад̇уунам̣ авибарийд̇ад̇о сабхаавам̣ бадивиж̇жхад̇и.
Anekadhātunti cakkhudhātuādīhi, kāmadhātuādīhi vā dhātūhi bahudhātuṃ. Nānādhātunti tāsaṃyeva dhātūnaṃ vilakkhaṇattā nānappakāradhātuṃ . Lokanti khandhāyatanadhātulokaṃ. Yathābhūtaṃ pajānātīti tāsaṃ tāsaṃ dhātūnaṃ aviparītato sabhāvaṃ paṭivijjhati.
наанаад̇химуд̇д̇игад̇анд̇и хийнабан̣ийд̇аад̣̇иад̇химуд̇д̇ийхи наанаад̇химуд̇д̇игабхаавам̣.
Nānādhimuttikatanti hīnapaṇītādiadhimuttīhi nānādhimuttikabhāvaṃ.
барасад̇д̇аананд̇и бад̇хаанасад̇д̇аанам̣. барабуг̇г̇алаананд̇и д̇ад̇о барзсам̣ хийнасад̇д̇аанам̣. згад̇т̇амзва ваа зд̇ам̣ бад̣̇ад̣̇ваяам̣ взнзяяавасзна бхаг̇авад̇аа д̣̇взд̇хаа вуд̇д̇ам̣. ид̇хааби бхаг̇авад̇аа вуд̇д̇анаязнзва вуд̇д̇ам̣. инд̣̇рияабаробарияад̇д̇анд̇и сад̣̇д̇хаад̣̇ийнам̣ инд̣̇рияаанам̣ барабхааван̃жа абарабхааван̃жа, вуд̣̇д̇хин̃жа хаанин̃жаад̇и ад̇т̇о.
Parasattānanti padhānasattānaṃ. Parapuggalānanti tato paresaṃ hīnasattānaṃ. Ekatthameva vā etaṃ padadvayaṃ veneyyavasena bhagavatā dvedhā vuttaṃ. Idhāpi bhagavatā vuttanayeneva vuttaṃ. Indriyaparopariyattanti saddhādīnaṃ indriyānaṃ parabhāvañca aparabhāvañca, vuddhiñca hāniñcāti attho.
жхаанавимогкасамаад̇хисамаабад̇д̇ийнанд̇и батамаад̣̇ийнам̣ жад̇уннам̣ жхаанаанам̣, ‘‘руубий руубаани бассад̇ий’’д̇иаад̣̇ийнам̣ (бади. ма. 1.209) адтаннам̣ вимогкаанам̣, савид̇аггасавижаараад̣̇ийнам̣ д̇ин̣н̣ам̣ самаад̇хийнам̣, батамаж̇жхаанасамаабад̇д̇иаад̣̇ийнан̃жа наваннам̣ анубуб̣б̣асамаабад̇д̇ийнам̣. сам̣гилзсанд̇и хаанабхааг̇ияад̇хаммам̣. вод̣̇аананд̇и висзсабхааг̇ияад̇хаммам̣. вудтаананд̇и язна гааран̣зна жхаанаад̣̇ийхи вудтаханд̇и, д̇ам̣ гааран̣ам̣. д̇ам̣ бана ‘‘вод̣̇аанамби вудтаанам̣, д̇амхаа д̇амхаа самаад̇химхаа вудтаанамби вудтаана’’нд̇и (вибха. 828) звам̣ вуд̇д̇ам̣ баг̇ун̣аж̇жхаанан̃жзва бхаван̇г̇апаласамаабад̇д̇ияо жа. хздтимам̣ хздтиман̃хи баг̇ун̣аж̇жхаанам̣ убаримасса убаримасса бад̣̇адтаанам̣ ход̇и, д̇асмаа ‘‘вод̣̇аанамби вудтаана’’нд̇и вуд̇д̇ам̣. бхаван̇г̇зна бана саб̣б̣аж̇жхаанзхи вудтаанам̣ ход̇и, нирод̇хасамаабад̇д̇ид̇о паласамаабад̇д̇ияаа вудтаанам̣ ход̇и. д̇ам̣ санд̇хааяа ‘‘д̇амхаа д̇амхаа самаад̇химхаа вудтаанамби вудтаана’’нд̇и вуд̇д̇ам̣.
Jhānavimokkhasamādhisamāpattīnanti paṭhamādīnaṃ catunnaṃ jhānānaṃ, ‘‘rūpī rūpāni passatī’’tiādīnaṃ (paṭi. ma. 1.209) aṭṭhannaṃ vimokkhānaṃ, savitakkasavicārādīnaṃ tiṇṇaṃ samādhīnaṃ, paṭhamajjhānasamāpattiādīnañca navannaṃ anupubbasamāpattīnaṃ. Saṃkilesanti hānabhāgiyadhammaṃ. Vodānanti visesabhāgiyadhammaṃ. Vuṭṭhānanti yena kāraṇena jhānādīhi vuṭṭhahanti, taṃ kāraṇaṃ. Taṃ pana ‘‘vodānampi vuṭṭhānaṃ, tamhā tamhā samādhimhā vuṭṭhānampi vuṭṭhāna’’nti (vibha. 828) evaṃ vuttaṃ paguṇajjhānañceva bhavaṅgaphalasamāpattiyo ca. Heṭṭhimaṃ heṭṭhimañhi paguṇajjhānaṃ uparimassa uparimassa padaṭṭhānaṃ hoti, tasmā ‘‘vodānampi vuṭṭhāna’’nti vuttaṃ. Bhavaṅgena pana sabbajjhānehi vuṭṭhānaṃ hoti, nirodhasamāpattito phalasamāpattiyā vuṭṭhānaṃ hoti. Taṃ sandhāya ‘‘tamhā tamhā samādhimhā vuṭṭhānampi vuṭṭhāna’’nti vuttaṃ.
буб̣б̣зниваасад̣̇иб̣б̣ажагкуаасавагкаяан̃аан̣аани хздтаа багаасид̇аанзва.
Pubbenivāsadibbacakkhuāsavakkhayañāṇāni heṭṭhā pakāsitāneva.
д̇ад̇т̇а аасаваанам̣ каяаад̇и арахад̇д̇амаг̇г̇зна саб̣б̣агилзсаанам̣ каяаа. анаасаванд̇и аасававирахид̇ам̣. жзд̇овимуд̇д̇им̣ бан̃н̃аавимуд̇д̇инд̇и зд̇т̇а жзд̇оважанзна арахад̇д̇апаласамбаяуд̇д̇о самаад̇хи, бан̃н̃ааважанзна д̇ам̣самбаяуд̇д̇аа жа бан̃н̃аа вуд̇д̇аа. д̇ад̇т̇а жа самаад̇хи рааг̇ад̇о вимуд̇д̇ад̇д̇аа жзд̇овимуд̇д̇и, бан̃н̃аа авиж̇ж̇ааяа вимуд̇д̇ад̇д̇аа бан̃н̃аавимуд̇д̇ийд̇и взд̣̇ид̇аб̣б̣аа. вуд̇д̇ан̃хзд̇ам̣ бхаг̇авад̇аа – ‘‘яо хисса, бхигкавз, самаад̇хи, д̇ад̣̇асса самаад̇хинд̣̇рияам̣. яаа хисса, бхигкавз, бан̃н̃аа, д̇ад̣̇асса бан̃н̃инд̣̇рияам̣. ид̇и ко, бхигкавз, рааг̇авирааг̇аа жзд̇овимуд̇д̇и авиж̇ж̇аавирааг̇аа бан̃н̃аавимуд̇д̇ий’’д̇и (сам̣. ни. 5.516; 520). абижзд̇т̇а самат̇аб̣алам̣ жзд̇овимуд̇д̇и, вибассанааб̣алам̣ бан̃н̃аавимуд̇д̇ийд̇и взд̣̇ид̇аб̣б̣ам̣. д̣̇идтзва д̇хаммзд̇и имасмим̣язва ад̇д̇абхаавз. саяам̣ абхин̃н̃аа сажчигад̇ваад̇и ад̇хигааяа бан̃н̃ааяа ад̇д̇анааязва бажжагкам̣ гад̇ваа, абараббажжаязна н̃ад̇ваад̇и ад̇т̇о. убасамбаж̇ж̇аад̇и ад̇хиг̇анд̇ваа, нибпаад̣̇зд̇ваа ваа. имзсам̣ бана д̣̇асаннам̣ д̣̇асаб̣алан̃аан̣аанам̣ вид̇т̇ааро абхид̇хаммз (вибха. 809 аад̣̇аяо) вуд̇д̇анаязна взд̣̇ид̇аб̣б̣о.
Tattha āsavānaṃ khayāti arahattamaggena sabbakilesānaṃ khayā. Anāsavanti āsavavirahitaṃ. Cetovimuttiṃ paññāvimuttinti ettha cetovacanena arahattaphalasampayutto samādhi, paññāvacanena taṃsampayuttā ca paññā vuttā. Tattha ca samādhi rāgato vimuttattā cetovimutti, paññā avijjāya vimuttattā paññāvimuttīti veditabbā. Vuttañhetaṃ bhagavatā – ‘‘yo hissa, bhikkhave, samādhi, tadassa samādhindriyaṃ. Yā hissa, bhikkhave, paññā, tadassa paññindriyaṃ. Iti kho, bhikkhave, rāgavirāgā cetovimutti avijjāvirāgā paññāvimuttī’’ti (saṃ. ni. 5.516; 520). Apicettha samathabalaṃ cetovimutti, vipassanābalaṃ paññāvimuttīti veditabbaṃ. Diṭṭheva dhammeti imasmiṃyeva attabhāve. Sayaṃ abhiññā sacchikatvāti adhikāya paññāya attanāyeva paccakkhaṃ katvā, aparappaccayena ñatvāti attho. Upasampajjāti adhigantvā, nipphādetvā vā. Imesaṃ pana dasannaṃ dasabalañāṇānaṃ vitthāro abhidhamme (vibha. 809 ādayo) vuttanayena veditabbo.
д̇ад̇т̇а бараваад̣̇игат̇аа ход̇и – д̣̇асаб̣алан̃аан̣ам̣ наама баадиязггам̣ н̃аан̣ам̣ над̇т̇и, саб̣б̣ан̃н̃уд̇ан̃н̃аан̣ассзвааяам̣ бабхзд̣̇од̇и. на д̇ам̣ д̇ат̇аа д̣̇адтаб̣б̣ам̣. ан̃н̃амзва хи д̣̇асаб̣алан̃аан̣ам̣, ан̃н̃ам̣ саб̣б̣ан̃н̃уд̇ан̃н̃аан̣ам̣. д̣̇асаб̣алан̃аан̣ан̃хи сагасагагижжамзва ж̇аанаад̇и, саб̣б̣ан̃н̃уд̇ан̃н̃аан̣ам̣ д̇амби, д̇ад̇о авасзсамби ж̇аанаад̇и. д̣̇асаб̣алан̃аан̣зсу хи батамам̣ гааран̣аагааран̣амзва ж̇аанаад̇и, д̣̇уд̇ияам̣ гамманд̇аравибааганд̇арамзва, д̇ад̇ияам̣ гаммабарижчзд̣̇амзва, жад̇уд̇т̇ам̣ д̇хаад̇унаанад̇д̇агааран̣амзва, бан̃жамам̣ сад̇д̇аанам̣ аж̇жхаасаяаад̇химуд̇д̇имзва, чадтам̣ инд̣̇рияаанам̣ д̇игкамуд̣̇убхаавамзва, сад̇д̇амам̣ жхаанаад̣̇ийхи сад̣̇д̇хим̣ д̇зсам̣ сам̣гилзсаад̣̇имзва, адтамам̣ буб̣б̣знивуд̇т̇аканд̇хасанд̇ад̇имзва, навамам̣ сад̇д̇аанам̣ жуд̇ибадисанд̇химзва, д̣̇асамам̣ сажжабарижчзд̣̇амзва. саб̣б̣ан̃н̃уд̇ан̃н̃аан̣ам̣ бана зд̇зхи ж̇аанид̇аб̣б̣ан̃жа, д̇ад̇о уд̇д̇арин̃жа баж̇аанаад̇и. зд̇зсам̣ бана гижжам̣ на саб̣б̣ам̣ гарод̇и. д̇ан̃хи жхаанам̣ худ̇ваа аббзд̇ум̣ на саггод̇и, ид̣̇д̇хи худ̇ваа вигуб̣б̣ид̇ум̣ на саггод̇и, маг̇г̇о худ̇ваа гилзсз кзбзд̇ум̣ на саггод̇и.
Tattha paravādikathā hoti – dasabalañāṇaṃ nāma pāṭiyekkaṃ ñāṇaṃ natthi, sabbaññutaññāṇassevāyaṃ pabhedoti. Na taṃ tathā daṭṭhabbaṃ. Aññameva hi dasabalañāṇaṃ, aññaṃ sabbaññutaññāṇaṃ. Dasabalañāṇañhi sakasakakiccameva jānāti, sabbaññutaññāṇaṃ tampi, tato avasesampi jānāti. Dasabalañāṇesu hi paṭhamaṃ kāraṇākāraṇameva jānāti, dutiyaṃ kammantaravipākantarameva, tatiyaṃ kammaparicchedameva, catutthaṃ dhātunānattakāraṇameva, pañcamaṃ sattānaṃ ajjhāsayādhimuttimeva, chaṭṭhaṃ indriyānaṃ tikkhamudubhāvameva, sattamaṃ jhānādīhi saddhiṃ tesaṃ saṃkilesādimeva, aṭṭhamaṃ pubbenivutthakhandhasantatimeva, navamaṃ sattānaṃ cutipaṭisandhimeva, dasamaṃ saccaparicchedameva. Sabbaññutaññāṇaṃ pana etehi jānitabbañca, tato uttariñca pajānāti. Etesaṃ pana kiccaṃ na sabbaṃ karoti. Tañhi jhānaṃ hutvā appetuṃ na sakkoti, iddhi hutvā vikubbituṃ na sakkoti, maggo hutvā kilese khepetuṃ na sakkoti.
абижа бараваад̣̇ий звам̣ бужчид̇аб̣б̣о ‘‘д̣̇асаб̣алан̃аан̣ам̣ наамзд̇ам̣ савид̇аггасавижаарам̣ авид̇аггавижаарамад̇д̇ам̣ авид̇аггаавижаарам̣ гаамааважарам̣ руубааважарам̣ аруубааважарам̣ логияам̣ логуд̇д̇ара’’нд̇и. ж̇аананд̇о ‘‘бадибаадияаа сад̇д̇а н̃аан̣аани савид̇аггасавижаарааний’’д̇и вагкад̇и. ‘‘д̇ад̇о бараани д̣̇вз авид̇аггаавижаарааний’’д̇и вагкад̇и. ‘‘аасавагкаяан̃аан̣ам̣ сияаа савид̇аггасавижаарам̣, сияаа авид̇аггавижаарамад̇д̇ам̣, сияаа авид̇аггаавижаара’’нд̇и вагкад̇и. д̇ат̇аа ‘‘бадибаадияаа сад̇д̇а гаамааважараани, д̇ад̇о бараани д̣̇вз руубааважараани, д̇ад̇о авасаанз згам̣ логуд̇д̇ара’’нд̇и вагкад̇и. ‘‘саб̣б̣ан̃н̃уд̇ан̃н̃аан̣ам̣ бана савид̇аггасавижаарамзва гаамааважарамзва логияамзваа’’д̇и вагкад̇и.
Apica paravādī evaṃ pucchitabbo ‘‘dasabalañāṇaṃ nāmetaṃ savitakkasavicāraṃ avitakkavicāramattaṃ avitakkāvicāraṃ kāmāvacaraṃ rūpāvacaraṃ arūpāvacaraṃ lokiyaṃ lokuttara’’nti. Jānanto ‘‘paṭipāṭiyā satta ñāṇāni savitakkasavicārānī’’ti vakkhati. ‘‘Tato parāni dve avitakkaavicārānī’’ti vakkhati. ‘‘Āsavakkhayañāṇaṃ siyā savitakkasavicāraṃ, siyā avitakkavicāramattaṃ, siyā avitakkaavicāra’’nti vakkhati. Tathā ‘‘paṭipāṭiyā satta kāmāvacarāni, tato parāni dve rūpāvacarāni, tato avasāne ekaṃ lokuttara’’nti vakkhati. ‘‘Sabbaññutaññāṇaṃ pana savitakkasavicārameva kāmāvacarameva lokiyamevā’’ti vakkhati.
звамзд̇т̇а абуб̣б̣ад̇т̇аануван̣н̣анам̣ н̃ад̇ваа ид̣̇аани яасмаа д̇ат̇ааг̇ад̇о батамам̣язва таанаадтаанан̃аан̣зна взнзяяасад̇д̇аанам̣ аасавагкаяаад̇хиг̇амасса жзва анад̇хиг̇амасса жа таанаадтаанабхууд̇ам̣ гилзсааваран̣аабхаавам̣ бассад̇и логияасаммаад̣̇идтидтаанад̣̇ассанад̇о нияад̇амижчаад̣̇идтидтаанаабхаавад̣̇ассанад̇о жа. ат̇а нзсам̣ гаммавибааган̃аан̣зна вибаагааваран̣аабхаавам̣ бассад̇и д̇ихзд̇угабадисанд̇хид̣̇ассанад̇о. саб̣б̣ад̇т̇аг̇ааминибадибад̣̇аан̃аан̣зна гаммааваран̣аабхаавам̣ бассад̇и аананд̇аригагаммаабхаавад̣̇ассанад̇о. звам̣ анааваран̣аанам̣ анзгад̇хаад̇унаанаад̇хаад̇ун̃аан̣зна анугуулад̇хаммад̣̇зсанад̇т̇ам̣ жарияаависзсам̣ бассад̇и д̇хаад̇увзмад̇д̇ад̣̇ассанад̇о. ат̇а нзсам̣ наанаад̇химуд̇д̇игад̇аан̃аан̣зна ад̇химуд̇д̇им̣ бассад̇и баяог̇ам̣ анаад̣̇ияид̇вааби ад̇химуд̇д̇ивасзна д̇хаммад̣̇зсанад̇т̇ам̣ . ат̇звам̣ д̣̇идтаад̇химуд̇д̇ийнам̣ яат̇аасад̇д̇и яат̇ааб̣алам̣ д̇хаммам̣ д̣̇зсзд̇ум̣ инд̣̇рияабаробарияад̇д̇ан̃аан̣зна инд̣̇рияабаробарияад̇д̇ам̣ бассад̇и сад̣̇д̇хаад̣̇ийнам̣ д̇игкамуд̣̇убхаавад̣̇ассанад̇о. звам̣ барин̃н̃аад̇инд̣̇рияабаробарияад̇д̇ааби банзд̇з сажз д̣̇уурз хонд̇и, ат̇а жхаанаад̣̇ин̃аан̣зна жхаанаад̣̇ийсу васийбхууд̇ад̇д̇аа ид̣̇д̇хивисзсзна киббам̣ убаг̇ажчад̇и. убаг̇анд̇ваа жа нзсам̣ буб̣б̣зниваасаануссад̇ин̃аан̣зна буб̣б̣аж̇аад̇ивибхааванам̣ д̣̇иб̣б̣ажагкаанубхаавад̇о бад̇д̇аб̣б̣зна жзд̇обарияан̃аан̣зна самбад̇и жид̇д̇ависзсам̣ бассанд̇о аасавагкаяан̃аан̣аанубхаавзна аасавагкаяаг̇ааминияаа бадибад̣̇ааяа виг̇ад̇асаммохад̇д̇аа аасавагкаяааяа д̇хаммам̣ д̣̇зсзд̇и. д̇асмаа иминаануггамзна имаани д̣̇аса б̣алаани вуд̇д̇аанийд̇и взд̣̇ид̇аб̣б̣аанийд̇и.
Evamettha apubbatthānuvaṇṇanaṃ ñatvā idāni yasmā tathāgato paṭhamaṃyeva ṭhānāṭṭhānañāṇena veneyyasattānaṃ āsavakkhayādhigamassa ceva anadhigamassa ca ṭhānāṭṭhānabhūtaṃ kilesāvaraṇābhāvaṃ passati lokiyasammādiṭṭhiṭṭhānadassanato niyatamicchādiṭṭhiṭṭhānābhāvadassanato ca. Atha nesaṃ kammavipākañāṇena vipākāvaraṇābhāvaṃ passati tihetukapaṭisandhidassanato. Sabbatthagāminipaṭipadāñāṇena kammāvaraṇābhāvaṃ passati ānantarikakammābhāvadassanato. Evaṃ anāvaraṇānaṃ anekadhātunānādhātuñāṇena anukūladhammadesanatthaṃ cariyāvisesaṃ passati dhātuvemattadassanato. Atha nesaṃ nānādhimuttikatāñāṇena adhimuttiṃ passati payogaṃ anādiyitvāpi adhimuttivasena dhammadesanatthaṃ . Athevaṃ diṭṭhaadhimuttīnaṃ yathāsatti yathābalaṃ dhammaṃ desetuṃ indriyaparopariyattañāṇena indriyaparopariyattaṃ passati saddhādīnaṃ tikkhamudubhāvadassanato. Evaṃ pariññātindriyaparopariyattāpi panete sace dūre honti, atha jhānādiñāṇena jhānādīsu vasībhūtattā iddhivisesena khippaṃ upagacchati. Upagantvā ca nesaṃ pubbenivāsānussatiñāṇena pubbajātivibhāvanaṃ dibbacakkhānubhāvato pattabbena cetopariyañāṇena sampati cittavisesaṃ passanto āsavakkhayañāṇānubhāvena āsavakkhayagāminiyā paṭipadāya vigatasammohattā āsavakkhayāya dhammaṃ deseti. Tasmā iminānukkamena imāni dasa balāni vuttānīti veditabbānīti.
45. ид̣̇аани саб̣б̣аб̣алаани лагкан̣ад̇о нид̣̇д̣̇исид̇угаамо гзнадтзна сад̣̇д̇хааб̣аланд̇иаад̣̇инаа наязна бужчам̣ гад̇ваа ассад̣̇д̇хияз агамбияадтзнаад̇иаад̣̇инаа наязна виссаж̇ж̇анам̣ агааси. д̇ад̇т̇а хирийяад̇ийд̇иаад̣̇и буг̇г̇алаад̇хидтаанаа д̣̇зсанаа. бхааванааб̣алаад̣̇ийсу ад̇хидтаанаб̣алабарияанд̇зсу ‘‘д̇ад̇т̇аа’’д̇и жа, ‘‘д̇знаа’’д̇и жа, ‘‘д̇а’’нд̇и жа нзгкаммаад̣̇игамзва санд̇хааяа вуд̇д̇анд̇и взд̣̇ид̇аб̣б̣ам̣. д̇зна жид̇д̇ам̣ згаг̇г̇анд̇и д̇зна самаад̇хинаа жид̇д̇ам̣ згаг̇г̇ам̣ ход̇ийд̇и вуд̇д̇ам̣ ход̇и. д̇ад̇т̇а ж̇аад̇зд̇и д̇ад̇т̇а самат̇з самбаяог̇авасзна ж̇аад̇з, д̇асмим̣ ваа вибассанаарамман̣ам̣ худ̇ваа ж̇аад̇з. д̇ад̇т̇а сигкад̇ийд̇и д̇ад̇т̇а сзкаб̣алз сзко сигкад̇ийд̇и сзкаб̣аланд̇и ад̇т̇о. д̇ад̇т̇а сигкид̇ад̇д̇аад̇и д̇ад̇т̇а асзкаб̣алз асзкасса сигкид̇ад̇д̇аа асзкаб̣алам̣. д̇зна аасаваа кийн̣аад̇и д̇зна логияалогуд̇д̇арзна н̃аан̣зна аасаваа кийн̣аад̇и д̇ам̣ н̃аан̣ам̣ кийн̣аасаваб̣алам̣ . логиязнааби хи н̃аан̣зна аасаваа кийн̣аа наама вибассанааяа абхаавз логуд̇д̇арамаг̇г̇аабхаавад̇о. звам̣ кийн̣аасавасса б̣аланд̇и кийн̣аасаваб̣алам̣. д̇асса иж̇жхад̇ийд̇и ид̣̇д̇хиб̣аланд̇и д̇асса ид̣̇д̇химад̇о иж̇жхад̇ийд̇и ид̣̇д̇хиязва б̣алам̣ ид̣̇д̇хиб̣алам̣. аббамзяяадтзнаад̇и яасмаа саавагаа таанаадтаанаад̣̇ийни згад̣̇зсзна ж̇аананд̇и, саб̣б̣аагаарзна баж̇аананам̣язва санд̇хааяа ‘‘яат̇аабхууд̇ам̣ баж̇аанаад̇ий’’д̇и вуд̇д̇ам̣. гин̃жааби д̇ийсу виж̇ж̇аасу ‘‘яат̇аабхууд̇ам̣ баж̇аанаад̇ий’’д̇и на вуд̇д̇ам̣, ан̃н̃ад̇т̇а бана вуд̇д̇ад̇д̇аа д̇аасуби вуд̇д̇амзва ход̇и. ан̃н̃ад̇т̇аад̇и сзсзсу сад̇д̇асу н̃аан̣аб̣алзсу жа абхид̇хаммз (вибха. 760) жа д̣̇асасуби б̣алзсу. инд̣̇рияабаробарияад̇д̇ан̃аан̣ам̣ бана саб̣б̣ат̇ааби саавагзхи асаад̇хааран̣амзва. д̇асмаа д̣̇асаби б̣алаани саавагзхи асаад̇хааран̣аанийд̇и. ад̇химад̇д̇адтзна ад̇улияадтзна аббамзяяаани, д̇асмааязва жа ‘‘аббамзяяадтзна д̇ат̇ааг̇ад̇аб̣ала’’нд̇и вуд̇д̇анд̇и.
45. Idāni sabbabalāni lakkhaṇato niddisitukāmo kenaṭṭhena saddhābalantiādinā nayena pucchaṃ katvā assaddhiye akampiyaṭṭhenātiādinā nayena vissajjanaṃ akāsi. Tattha hirīyatītiādi puggalādhiṭṭhānā desanā. Bhāvanābalādīsu adhiṭṭhānabalapariyantesu ‘‘tatthā’’ti ca, ‘‘tenā’’ti ca, ‘‘ta’’nti ca nekkhammādikameva sandhāya vuttanti veditabbaṃ. Tena cittaṃ ekagganti tena samādhinā cittaṃ ekaggaṃ hotīti vuttaṃ hoti. Tattha jāteti tattha samathe sampayogavasena jāte, tasmiṃ vā vipassanārammaṇaṃ hutvā jāte. Tattha sikkhatīti tattha sekhabale sekho sikkhatīti sekhabalanti attho. Tattha sikkhitattāti tattha asekhabale asekhassa sikkhitattā asekhabalaṃ. Tena āsavā khīṇāti tena lokiyalokuttarena ñāṇena āsavā khīṇāti taṃ ñāṇaṃ khīṇāsavabalaṃ . Lokiyenāpi hi ñāṇena āsavā khīṇā nāma vipassanāya abhāve lokuttaramaggābhāvato. Evaṃ khīṇāsavassa balanti khīṇāsavabalaṃ. Tassa ijjhatīti iddhibalanti tassa iddhimato ijjhatīti iddhiyeva balaṃ iddhibalaṃ. Appameyyaṭṭhenāti yasmā sāvakā ṭhānāṭṭhānādīni ekadesena jānanti, sabbākārena pajānanaṃyeva sandhāya ‘‘yathābhūtaṃ pajānātī’’ti vuttaṃ. Kiñcāpi tīsu vijjāsu ‘‘yathābhūtaṃ pajānātī’’ti na vuttaṃ, aññattha pana vuttattā tāsupi vuttameva hoti. Aññatthāti sesesu sattasu ñāṇabalesu ca abhidhamme (vibha. 760) ca dasasupi balesu. Indriyaparopariyattañāṇaṃ pana sabbathāpi sāvakehi asādhāraṇameva. Tasmā dasapi balāni sāvakehi asādhāraṇānīti. Adhimattaṭṭhena atuliyaṭṭhena appameyyāni, tasmāyeva ca ‘‘appameyyaṭṭhena tathāgatabala’’nti vuttanti.
б̣алагат̇ааван̣н̣анаа нидтид̇аа.
Balakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 9. б̣алагат̇аа • 9. Balakathā
