| Library / Tipiṭaka / តិបិដក • Tipiṭaka / បញ្ចបករណ-មូលដីកា • Pañcapakaraṇa-mūlaṭīkā |
៣. តតិយវគ្គោ
3. Tatiyavaggo
១. ពលកថាវណ្ណនា
1. Balakathāvaṇṇanā
៣៥៤. ឥន្ទ្រិយបរោបរិយត្តំ អសាធារណន្តិ យថា និទ្ទេសតោ វិត្ថារតោ សព្ពំ សព្ពាការំ ឋានាដ្ឋានាទិំ អជានន្តាបិ ‘‘អដ្ឋានមេតំ អនវកាសោ, យំ ទិដ្ឋិសម្បន្នោ បុគ្គលោ កញ្ចិ សង្ខារំ និច្ចតោ ឧបគច្ឆេយ្យា’’តិអាទិនា (អ. និ. ១.២៦៨) ឋានាដ្ឋានានិ ឧទ្ទេសតោ សង្ខេបតោ សាវកា ជានន្តិ, ន ឯវំ ‘‘អាសយំ ជានាតិ អនុសយំ ជានាតី’’តិអាទិនា (បដិ. ម. ១.១១៣) ឧទ្ទេសមត្តេនបិ ឥន្ទ្រិយបរោបរិយត្តំ ជានន្តីតិ ‘‘អសាធារណ’’ន្តិ អាហ។ ថេរេន បន សទ្ធាទីនំ ឥន្ទ្រិយានំ តិក្ខមុទុភាវជាននមត្តំ សន្ធាយ ‘‘សត្តានំ ឥន្ទ្រិយបរោបរិយត្តំ យថាភូតំ បជានាមី’’តិ (បដិ. ម. ២.៤៤) វុត្តំ, ន យថាវុត្តំ ឥន្ទ្រិយបរោបរិយត្តញាណំ តថាគតពលន្តិ អយមេត្ថ អធិប្បាយោ ទដ្ឋព្ពោ។ ‘‘ឧទ្ទេសតោ ឋានាដ្ឋានាទិមត្តជាននវសេន បដិជានាតី’’តិ វុត្តំ, ឯវំ បន បដិជានន្តេន ‘‘តថាគតពលំ សាវកសាធារណ’’ន្តិ ឥទម្បិ ឯវមេវ បដិញ្ញាតំ សិយាតិ កថមយំ ចោទេតព្ពោ សិយា។
354. Indriyaparopariyattaṃasādhāraṇanti yathā niddesato vitthārato sabbaṃ sabbākāraṃ ṭhānāṭṭhānādiṃ ajānantāpi ‘‘aṭṭhānametaṃ anavakāso, yaṃ diṭṭhisampanno puggalo kañci saṅkhāraṃ niccato upagaccheyyā’’tiādinā (a. ni. 1.268) ṭhānāṭṭhānāni uddesato saṅkhepato sāvakā jānanti, na evaṃ ‘‘āsayaṃ jānāti anusayaṃ jānātī’’tiādinā (paṭi. ma. 1.113) uddesamattenapi indriyaparopariyattaṃ jānantīti ‘‘asādhāraṇa’’nti āha. Therena pana saddhādīnaṃ indriyānaṃ tikkhamudubhāvajānanamattaṃ sandhāya ‘‘sattānaṃ indriyaparopariyattaṃ yathābhūtaṃ pajānāmī’’ti (paṭi. ma. 2.44) vuttaṃ, na yathāvuttaṃ indriyaparopariyattañāṇaṃ tathāgatabalanti ayamettha adhippāyo daṭṭhabbo. ‘‘Uddesato ṭhānāṭṭhānādimattajānanavasena paṭijānātī’’ti vuttaṃ, evaṃ pana paṭijānantena ‘‘tathāgatabalaṃ sāvakasādhāraṇa’’nti idampi evameva paṭiññātaṃ siyāti kathamayaṃ codetabbo siyā.
៣៥៦. សេសេសុ បដិក្ខេបោ សកវាទិស្ស ឋានាដ្ឋានញាណាទីនំ សាធារណាសាធារណត្តា តត្ថ សាធារណបក្ខំ សន្ធាយាតិ អធិប្បាយោ។
356. Sesesu paṭikkhepo sakavādissa ṭhānāṭṭhānañāṇādīnaṃ sādhāraṇāsādhāraṇattā tattha sādhāraṇapakkhaṃ sandhāyāti adhippāyo.
ពលកថាវណ្ណនា និដ្ឋិតា។
Balakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (២១) ១. ពលកថា • (21) 1. Balakathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១. ពលកថាវណ្ណនា • 1. Balakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១. ពលកថាវណ្ណនា • 1. Balakathāvaṇṇanā
