| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. б̣аалабан̣д̣ид̇асуд̇д̇аван̣н̣анаа
9. Bālapaṇḍitasuttavaṇṇanā
19. навамз авиж̇ж̇аанийваран̣ассаад̇и авиж̇ж̇ааяа ниваарид̇асса. звамаяам̣ гааяо самуд̣̇ааг̇ад̇од̇и звам̣ авиж̇ж̇ааяа ниваарид̇ад̇д̇аа д̇ан̣хааяа жа самбаяуд̇д̇ад̇д̇ааязва аяам̣ гааяо ниб̣б̣ад̇д̇о. аяан̃жзва гааяод̇и аяан̃жасса ад̇д̇ано савин̃н̃аан̣аго гааяо. б̣ахид̣̇д̇хаа жа наамаруубанд̇и б̣ахид̣̇д̇хаа жа барзсам̣ савин̃н̃аан̣аго гааяо. ад̇д̇ано жа барасса жа бан̃жахи канд̇хзхи чахи ааяад̇анзхи жааби аяам̣ ад̇т̇о д̣̇ийбзд̇аб̣б̣ова. ид̇т̇зд̇ам̣ д̣̇ваяанд̇и звамзд̇ам̣ д̣̇ваяам̣. д̣̇ваяам̣ бадижжа пассод̇и ан̃н̃ад̇т̇а жагкуруубаад̣̇ийни д̣̇ваяаани бадижжа жагкусампассаад̣̇аяо вуд̇д̇аа, ид̇ха бана аж̇жхад̇д̇игаб̣аахираани ааяад̇анаани. махаад̣̇ваяам̣ наама гирзд̇ам̣. сал̣звааяад̇анаанийд̇и сал̣зва пассааяад̇анаани пассагааран̣аани. язхи пудтод̇и язхи гааран̣абхууд̇зхи ааяад̇анзхи уббаннзна пассзна пудто. ан̃н̃ад̇арзнаад̇и зд̇т̇а барибун̣н̣авасзна ан̃н̃ад̇арад̇аа взд̣̇ид̇аб̣б̣аа. д̇ад̇раад̇и д̇асмим̣ б̣аалабан̣д̣ид̇аанам̣ гааяаниб̣б̣ад̇д̇анаад̣̇имхи. го ад̇хиббаяаасод̇и го ад̇хигабаяог̇о.
19. Navame avijjānīvaraṇassāti avijjāya nivāritassa. Evamayaṃ kāyo samudāgatoti evaṃ avijjāya nivāritattā taṇhāya ca sampayuttattāyeva ayaṃ kāyo nibbatto. Ayañceva kāyoti ayañcassa attano saviññāṇako kāyo. Bahiddhā ca nāmarūpanti bahiddhā ca paresaṃ saviññāṇako kāyo. Attano ca parassa ca pañcahi khandhehi chahi āyatanehi cāpi ayaṃ attho dīpetabbova. Itthetaṃ dvayanti evametaṃ dvayaṃ. Dvayaṃ paṭicca phassoti aññattha cakkhurūpādīni dvayāni paṭicca cakkhusamphassādayo vuttā, idha pana ajjhattikabāhirāni āyatanāni. Mahādvayaṃ nāma kiretaṃ. Saḷevāyatanānīti saḷeva phassāyatanāni phassakāraṇāni. Yehi phuṭṭhoti yehi kāraṇabhūtehi āyatanehi uppannena phassena phuṭṭho. Aññatarenāti ettha paripuṇṇavasena aññataratā veditabbā. Tatrāti tasmiṃ bālapaṇḍitānaṃ kāyanibbattanādimhi. Ko adhippayāsoti ko adhikapayogo.
бхаг̇авам̣муулагаад̇и бхаг̇аваа муулам̣ зд̇зсанд̇и бхаг̇авам̣муулагаа. ид̣̇ам̣ вуд̇д̇ам̣ ход̇и – имз, бханд̇з, амхаагам̣ д̇хаммаа буб̣б̣з гассабасаммаасамб̣уд̣̇д̇хзна уббаад̣̇ид̇аа, д̇асмим̣ бариниб̣б̣уд̇з згам̣ б̣уд̣̇д̇ханд̇арам̣ ан̃н̃о саман̣о ваа б̣раахман̣о ваа имз д̇хаммз уббаад̣̇зд̇ум̣ самад̇т̇о наама наахоси, бхаг̇авад̇аа бана но имз д̇хаммаа уббаад̣̇ид̇аа. бхаг̇аванд̇ан̃хи ниссааяа маяам̣ имз д̇хаммз ааж̇аанаама бадивиж̇жхаамаад̇и звам̣ бхаг̇авам̣муулагаа но, бханд̇з, д̇хаммаад̇и. бхаг̇авам̣нзд̇д̇игаад̇и бхаг̇аваа хи д̇хаммаанам̣ нзд̇аа винзд̇аа анунзд̇аа, яат̇аасабхаавад̇о баадиязггам̣ баадиязггам̣ наамам̣ г̇ахзд̇ваа д̣̇ассзд̇аад̇и д̇хаммаа бхаг̇авам̣нзд̇д̇игаа наама хонд̇и. бхаг̇авам̣бадисаран̣аад̇и жад̇убхуумагад̇хаммаа саб̣б̣ан̃н̃уд̇ан̃н̃аан̣асса аабаат̇ам̣ ааг̇ажчамаанаа бхаг̇авад̇и бадисаранд̇и наамаад̇и бхаг̇авам̣бадисаран̣аа. бадисаранд̇ийд̇и самосаранд̇и. абижа махааб̣од̇химан̣д̣з нисиннасса бхаг̇авад̇о бадивзд̇хавасзна пассо ааг̇ажчад̇и ‘‘ахам̣ бхаг̇аваа гиннаамо’’д̇и? д̇вам̣ пусанадтзна пассо наама. взд̣̇анаа, сан̃н̃аа, сан̇каараа, вин̃н̃аан̣ам̣ ааг̇ажчад̇и ‘‘ахам̣ бхаг̇аваа гиннаама’’нд̇и, д̇вам̣ виж̇аананадтзна вин̃н̃аан̣ам̣ наамаад̇и звам̣ жад̇убхуумагад̇хаммаанам̣ яат̇аасабхаавад̇о баадиязггам̣ баадиязггам̣ наамам̣ г̇ан̣ханд̇о бхаг̇аваа д̇хаммз бадисарад̇ийд̇и бхаг̇авам̣бадисаран̣аа. бхаг̇аванд̇ам̣язва бадибхаад̇ууд̇и бхаг̇авад̇ова зд̇асса бхаасид̇асса ад̇т̇о убадтаад̇у, д̇умхзязва но гат̇зд̇ваа д̣̇зт̇аад̇и ад̇т̇о.
Bhagavaṃmūlakāti bhagavā mūlaṃ etesanti bhagavaṃmūlakā. Idaṃ vuttaṃ hoti – ime, bhante, amhākaṃ dhammā pubbe kassapasammāsambuddhena uppāditā, tasmiṃ parinibbute ekaṃ buddhantaraṃ añño samaṇo vā brāhmaṇo vā ime dhamme uppādetuṃ samattho nāma nāhosi, bhagavatā pana no ime dhammā uppāditā. Bhagavantañhi nissāya mayaṃ ime dhamme ājānāma paṭivijjhāmāti evaṃ bhagavaṃmūlakā no, bhante, dhammāti. Bhagavaṃnettikāti bhagavā hi dhammānaṃ netā vinetā anunetā, yathāsabhāvato pāṭiyekkaṃ pāṭiyekkaṃ nāmaṃ gahetvā dassetāti dhammā bhagavaṃnettikā nāma honti. Bhagavaṃpaṭisaraṇāti catubhūmakadhammā sabbaññutaññāṇassa āpāthaṃ āgacchamānā bhagavati paṭisaranti nāmāti bhagavaṃpaṭisaraṇā. Paṭisarantīti samosaranti. Apica mahābodhimaṇḍe nisinnassa bhagavato paṭivedhavasena phasso āgacchati ‘‘ahaṃ bhagavā kinnāmo’’ti? Tvaṃ phusanaṭṭhena phasso nāma. Vedanā, saññā, saṅkhārā, viññāṇaṃ āgacchati ‘‘ahaṃ bhagavā kinnāma’’nti, tvaṃ vijānanaṭṭhena viññāṇaṃ nāmāti evaṃ catubhūmakadhammānaṃ yathāsabhāvato pāṭiyekkaṃ pāṭiyekkaṃ nāmaṃ gaṇhanto bhagavā dhamme paṭisaratīti bhagavaṃpaṭisaraṇā. Bhagavantaṃyeva paṭibhātūti bhagavatova etassa bhāsitassa attho upaṭṭhātu, tumheyeva no kathetvā dethāti attho.
саа жзва авиж̇ж̇аад̇и зд̇т̇а гин̃жааби саа авиж̇ж̇аа жа д̇ан̣хаа жа гаммам̣ ж̇аваабзд̇ваа бадисанд̇хим̣ аагад̣дхид̇ваа нируд̣̇д̇хаа, яат̇аа бана аж̇ж̇ааби яам̣ хияяо бхзсаж̇ж̇ам̣ бийд̇ам̣, д̇ад̣̇зва бхож̇анам̣ бхун̃ж̇аад̇и саригкагад̇д̇зна д̇ад̣̇зваад̇и вужжад̇и, звамид̇хааби саа жзва авиж̇ж̇аа саа жа д̇ан̣хаад̇и ид̣̇амби саригкагад̇д̇зна вуд̇д̇ам̣. б̣рахмажарияанд̇и маг̇г̇аб̣рахмажарияам̣. д̣̇угкагкаяааяаад̇и ваддад̣̇угкасса каяад̇т̇ааяа. гааяуубаг̇о ход̇ийд̇и ан̃н̃ам̣ бадисанд̇хигааяам̣ убаг̇анд̇аа ход̇и. яад̣̇ид̣̇ам̣ б̣рахмажарияаваасод̇и яо аяам̣ маг̇г̇аб̣рахмажарияаваасо, аяам̣ б̣аалад̇о бан̣д̣ид̇асса висзсод̇и д̣̇ассзд̇и. ид̇и имасмим̣ суд̇д̇з саб̣б̣оби сабадисанд̇хиго бут̇уж̇ж̇ано ‘‘б̣аало’’д̇и, аббадисанд̇хиго кийн̣аасаво ‘‘бан̣д̣ид̇о’’д̇и вуд̇д̇о. сод̇аабаннасагад̣̇ааг̇аамианааг̇аамино бана ‘‘бан̣д̣ид̇аа’’д̇и ваа ‘‘б̣аалаа’’д̇и ваа на вад̇д̇аб̣б̣аа, бхаж̇амаанаа бана бан̣д̣ид̇абагкам̣ бхаж̇анд̇и. навамам̣.
Sāceva avijjāti ettha kiñcāpi sā avijjā ca taṇhā ca kammaṃ javāpetvā paṭisandhiṃ ākaḍḍhitvā niruddhā, yathā pana ajjāpi yaṃ hiyyo bhesajjaṃ pītaṃ, tadeva bhojanaṃ bhuñjāti sarikkhakattena tadevāti vuccati, evamidhāpi sā ceva avijjā sā ca taṇhāti idampi sarikkhakattena vuttaṃ. Brahmacariyanti maggabrahmacariyaṃ. Dukkhakkhayāyāti vaṭṭadukkhassa khayatthāya. Kāyūpago hotīti aññaṃ paṭisandhikāyaṃ upagantā hoti. Yadidaṃ brahmacariyavāsoti yo ayaṃ maggabrahmacariyavāso, ayaṃ bālato paṇḍitassa visesoti dasseti. Iti imasmiṃ sutte sabbopi sapaṭisandhiko puthujjano ‘‘bālo’’ti, appaṭisandhiko khīṇāsavo ‘‘paṇḍito’’ti vutto. Sotāpannasakadāgāmianāgāmino pana ‘‘paṇḍitā’’ti vā ‘‘bālā’’ti vā na vattabbā, bhajamānā pana paṇḍitapakkhaṃ bhajanti. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. б̣аалабан̣д̣ид̇асуд̇д̇ам̣ • 9. Bālapaṇḍitasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. б̣аалабан̣д̣ид̇асуд̇д̇аван̣н̣анаа • 9. Bālapaṇḍitasuttavaṇṇanā
