| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. б̣аалабан̣д̣ид̇асуд̇д̇аван̣н̣анаа
9. Bālapaṇḍitasuttavaṇṇanā
246. зд̇зхийд̇и д̣̇ужинд̇ид̇аад̣̇ийхи. зд̇зна лагкан̣асад̣̇д̣̇асса гаран̣ад̇т̇ад̇амааха. д̇аанзваад̇и лагкан̣аани зва. д̇ассаад̇и б̣ааласса. ‘‘аяам̣ б̣аало’’д̇и нимийяад̇и сан̃жаанийяад̇и зд̇зхийд̇и б̣ааланимид̇д̇аани. абад̣̇аанам̣ вужжад̇и викяаад̇ам̣ гаммам̣. д̣̇ужинд̇ид̇аад̣̇ийни жа б̣аалз викяаад̇аани, авад̇хааран̣абхаавз ваа, д̇асмаа б̣ааласса абад̣̇аанаанийд̇и б̣аалаабад̣̇аанаани. абхиж̇жхаад̣̇ийхи д̣̇удтам̣ д̣̇уусид̇ам̣ жинд̇зд̇ийд̇и д̣̇ужинд̇ид̇ажинд̇ий. лобхаад̣̇ийхи д̣̇удтам̣ бхаасид̇ам̣ мусааваад̣̇аад̣̇им̣ бхаасад̇ийд̇и д̣̇уб̣бхаасид̇абхаасий. д̇зсам̣ д̇зсам̣язва васзна гад̇д̇аб̣б̣ад̇о д̣̇уггадагаммам̣ баан̣аад̇ибаад̇аад̣̇им̣ гарод̇ийд̇и д̣̇уггадагаммагаарий. д̇знааха ‘‘жинд̇аяанд̇о’’д̇иаад̣̇и. д̇аани убаниссааяа ж̇аад̇анд̇и д̇аж̇ж̇ам̣. д̇ад̇о зва д̇зсам̣ сааруббам̣ ануруубанд̇и д̇ассааруббам̣. д̇знааха ‘‘д̇аж̇ж̇аад̇ига’’нд̇иаад̣̇и. гажчамаанааяаад̇и гат̇ияамаанааяа.
246.Etehīti ducintitādīhi. Etena lakkhaṇasaddassa karaṇatthatamāha. Tānevāti lakkhaṇāni eva. Tassāti bālassa. ‘‘Ayaṃ bālo’’ti nimīyati sañcānīyati etehīti bālanimittāni. Apadānaṃ vuccati vikhyātaṃ kammaṃ. Ducintitādīni ca bāle vikhyātāni, avadhāraṇabhāve vā, tasmā bālassa apadānānīti bālāpadānāni. Abhijjhādīhi duṭṭhaṃ dūsitaṃ cintetīti ducintitacintī. Lobhādīhi duṭṭhaṃ bhāsitaṃ musāvādādiṃ bhāsatīti dubbhāsitabhāsī. Tesaṃ tesaṃyeva vasena kattabbato dukkaṭakammaṃ pāṇātipātādiṃ karotīti dukkaṭakammakārī. Tenāha ‘‘cintayanto’’tiādi. Tāni upanissāya jātanti tajjaṃ. Tato eva tesaṃ sāruppaṃ anurūpanti tassāruppaṃ. Tenāha ‘‘tajjātika’’ntiādi. Kacchamānāyāti kathiyamānāya.
248. яасмаа сад̇д̇аанам̣ яат̇уубажид̇аани гаммаани гад̇огаасаани д̇ад̣̇убадтаабид̇аани гамманимид̇д̇аг̇ад̇инимид̇д̇аани маран̣асса аасаннагаалз жид̇д̇асса аабаат̇ам̣ ааг̇ажчанд̇аани, д̇ад̣̇аа оламб̣анд̇аани вияа абхибхаванд̇аани вияа аж̇жход̇т̇аранд̇аани вияа убадтаханд̇и, д̇асмаа вуд̇д̇ам̣ – ‘‘оламб̣анаад̣̇иаагаарзна хи д̇аани убадтаханд̇ий’’д̇и. убадтаанаагааро зва д̇ад̣̇аа жид̇д̇асса г̇ожарабхаавам̣ г̇ажчад̇ийд̇и ааха – ‘‘д̇асмим̣ убадтаанаагаарз аабаат̇аг̇ад̇з’’д̇и.
248. Yasmā sattānaṃ yathūpacitāni kammāni katokāsāni tadupaṭṭhāpitāni kammanimittagatinimittāni maraṇassa āsannakāle cittassa āpāthaṃ āgacchantāni, tadā olambantāni viya abhibhavantāni viya ajjhottharantāni viya upaṭṭhahanti, tasmā vuttaṃ – ‘‘olambanādiākārena hi tāni upaṭṭhahantī’’ti. Upaṭṭhānākāro eva tadā cittassa gocarabhāvaṃ gacchatīti āha – ‘‘tasmiṃ upaṭṭhānākāre āpāthagate’’ti.
249. на саггаад̇и на вад̣̇ад̇ийд̇и зд̇зна д̣̇взби бадисзд̇хаа багад̇иад̇т̇аад̇и аяамад̇т̇о вуд̇д̇о ход̇и. на сугараад̇и бана иминаа д̣̇уггарабхааво д̣̇ийбид̇о, д̣̇уггаран̃жа д̇аава убааязна саггаа гаад̇унд̇и д̣̇ассзнд̇о ааха – ‘‘на сугарам̣ банаа’’д̇иаад̣̇и. д̇знаад̇и винивиж̇жхид̇ваа г̇аманзна ан̃н̃аман̃н̃ам̣ сам̣виж̇жханзна. ассаад̇и жорасса. ид̇о уд̇д̇арибийд̇и маж̇жханхигасамаяам̣ сааяанхасамаяан̃жа сад̇д̇исад̇зна.
249.Na sakkāti na vadatīti etena dvepi paṭisedhā pakatiatthāti ayamattho vutto hoti. Na sukarāti pana iminā dukkarabhāvo dīpito, dukkarañca tāva upāyena sakkā kātunti dassento āha – ‘‘na sukaraṃ panā’’tiādi. Tenāti vinivijjhitvā gamanena aññamaññaṃ saṃvijjhanena. Assāti corassa. Ito uttaripīti majjhanhikasamayaṃ sāyanhasamayañca sattisatena.
250. сан̇камби на убзд̇ийд̇и иминаа сан̇каад̇аб̣б̣амад̇д̇ам̣ над̇т̇ийд̇и д̣̇ийбид̇ам̣ ход̇ийд̇и ааха – ‘‘г̇ан̣анаамад̇д̇амби на г̇ажчад̇ий’’д̇и. убанигкзбанамад̇д̇амбийд̇и зд̇т̇ааби зсзва наяо. галабхааг̇анд̇и галаанам̣ сан̇г̇ан̣анагодтаасам̣. д̇знааха ‘‘сад̇имам̣ гала’’нд̇иаад̣̇и. ологид̇амад̇д̇амбийд̇и убанигкзбанавасзна ологанамад̇д̇агамби. д̇ам̣ гаммагааран̣анд̇и д̇ам̣ бан̃жавид̇хаб̣анд̇ханагаммагааран̣ам̣ жад̇уннамби бассаанам̣ васзна самбаривад̇д̇зд̇ваа гаронд̇иязва, баал̣ияам̣ бана згабассавасзна ааг̇ад̇аа. г̇зхассаад̇и махад̇о г̇зхасса. саб̣б̣ад̇од̇и саб̣б̣ааваяавад̇о. самбаж̇ж̇алид̇з згаж̇аалийбхууд̇з. субаггут̇ид̇ааяаад̇и судту нибаггааяа.
250.Saṅkhampi na upetīti iminā saṅkhātabbamattaṃ natthīti dīpitaṃ hotīti āha – ‘‘gaṇanāmattampi na gacchatī’’ti. Upanikkhepanamattampīti etthāpi eseva nayo. Kalabhāganti kalānaṃ saṅgaṇanakoṭṭhāsaṃ. Tenāha ‘‘satimaṃ kala’’ntiādi. Olokitamattampīti upanikkhepanavasena olokanamattakampi. Taṃ kammakāraṇanti taṃ pañcavidhabandhanakammakāraṇaṃ catunnampi passānaṃ vasena samparivattetvā karontiyeva, pāḷiyaṃ pana ekapassavasena āgatā. Gehassāti mahato gehassa. Sabbatoti sabbāvayavato. Sampajjalite ekajālībhūte. Supakkuthitāyāti suṭṭhu nipakkāya.
вибхад̇д̇од̇и д̇ад̇т̇а ниб̣б̣ад̇д̇агасад̇д̇аанам̣ саад̇хааран̣агаммунаа вибхад̇д̇о вияа ниб̣б̣ад̇д̇о. аяобаагаарзна барид̇о ад̇д̇о г̇ахид̇од̇и аяобаагаарабарияад̇д̇о баригкид̇д̇о.
Vibhattoti tattha nibbattakasattānaṃ sādhāraṇakammunā vibhatto viya nibbatto. Ayopākārena parito atto gahitoti ayopākārapariyatto parikkhitto.
яамагаг̇ол̣агаад̇и д̣̇аарагаанам̣ гийл̣анаяуг̇ал̣аа. звамби д̣̇угкод̇и яат̇аавуд̇д̇ауссад̣̇анираяавасзнаби сод̇а-гхаана-ж̇ивхаа-гааяа-мано-г̇ожарад̇аавасзнаби иминаа аагаарзна д̣̇угкод̇и.
Yamakagoḷakāti dārakānaṃ kīḷanayugaḷā. Evampi dukkhoti yathāvuttaussadanirayavasenapi sota-ghāna-jivhā-kāya-mano-gocaratāvasenapi iminā ākārena dukkhoti.
251. д̣̇анд̇зхи уллзхид̇ваад̇и уд̇д̇арад̣̇анд̇зхи ан̃чид̇ваа. расавасзна ад̇ид̇д̇о ассаад̣̇о расаад̣̇о. д̇знааха ‘‘расаг̇зд̇хзна барибхуд̇д̇арасо’’д̇и.
251.Dantehi ullehitvāti uttaradantehi añchitvā. Rasavasena atitto assādo rasādo. Tenāha ‘‘rasagedhena paribhuttaraso’’ti.
252. д̣̇уруубод̇и вируубо. д̣̇уд̣̇д̣̇асод̇и д̇знзва вируубабхаавзна анидтад̣̇ассано. лагун̣тагод̇и рассо. бавидтаг̇ийвод̇и канд̇ханд̇арам̣ анубавидтаг̇ийво. маход̣̇арод̇и вибулагужчи. язбхуяязна хи лагун̣дагаа сад̇д̇аа рассаг̇ийваа бут̇улагужчигаава хонд̇ийд̇и д̇ат̇аа вуд̇д̇ам̣. гаан̣о наама жагкувигалод̇и вуд̇д̇ам̣ – ‘‘згагкигаан̣о ваа убхаяагкигаан̣о ваа’’д̇и. гун̣ийд̇и хад̇т̇авигало вужжад̇ийд̇и ааха – ‘‘згахад̇т̇агун̣ий ваа убхаяахад̇т̇агун̣ий ваа’’д̇и. ваад̇аад̣̇инаа убахад̇агааяабагко ид̇ха багкахад̇од̇и ад̇хиббзд̇о, на багкихад̇од̇и ааха – ‘‘багкахад̇од̇и бийтасаббий’’д̇и. д̣̇угкаанубаб̣анд̇хад̣̇ассанад̇т̇анд̇и абараабараж̇аад̇ийсу вибаагад̣̇угкасса анубаб̣анд̇хавасзна бавад̇д̇ид̣̇ассанад̇т̇ам̣.
252.Durūpoti virūpo. Duddasoti teneva virūpabhāvena aniṭṭhadassano. Lakuṇṭhakoti rasso. Paviṭṭhagīvoti khandhantaraṃ anupaviṭṭhagīvo. Mahodaroti vipulakucchi. Yebhuyyena hi lakuṇṭakā sattā rassagīvā puthulakucchikāva hontīti tathā vuttaṃ. Kāṇo nāma cakkhuvikaloti vuttaṃ – ‘‘ekakkhikāṇo vā ubhayakkhikāṇo vā’’ti. Kuṇīti hatthavikalo vuccatīti āha – ‘‘ekahatthakuṇī vā ubhayahatthakuṇī vā’’ti. Vātādinā upahatakāyapakkho idha pakkhahatoti adhippeto, na pakkhihatoti āha – ‘‘pakkhahatoti pīṭhasappī’’ti. Dukkhānupabandhadassanatthanti aparāparajātīsu vipākadukkhassa anupabandhavasena pavattidassanatthaṃ.
галийяад̇и калийяад̇и аббахийяад̇и саасанам̣ зд̇знаад̇и гали, ж̇уд̇абарааж̇аяо. со зва г̇ахасад̣̇исад̇ааяа ‘‘галиг̇г̇ахо’’д̇и вуд̇д̇о. ад̇хиб̣анд̇ханд̇и гудумб̣асса ад̇хивуд̇т̇асса муулабхууд̇асса ад̇д̇ано б̣анд̇хид̇аб̣б̣ад̇ам̣. д̇знааха ‘‘ад̇д̇анааби б̣анд̇хам̣ ниг̇ажчзяяаа’’д̇и. б̣аалабхуумияаа б̣аалабхаавасса мад̇т̇агаббад̇д̇и нираяаг̇аамигаммагаарид̇аад̇и ‘‘нираяз ниб̣б̣ад̇д̇ад̇и’’жжзва вуд̇д̇ам̣. д̇аг̇г̇ахан̣знзва бана д̇ад̇о муд̣̇умуд̣̇уд̇араад̣̇игаммавасзна сзсаабааязсу абараабараниб̣б̣ад̇д̇аад̣̇иб̣аалабхууми вибхаавид̇аа ход̇ийд̇и.
Kalīyati khalīyati appahīyati sāsanaṃ etenāti kali, jutaparājayo. So eva gahasadisatāya ‘‘kaliggaho’’ti vutto. Adhibandhanti kuṭumbassa adhivutthassa mūlabhūtassa attano bandhitabbataṃ. Tenāha ‘‘attanāpi bandhaṃ nigaccheyyā’’ti. Bālabhūmiyā bālabhāvassa matthakappatti nirayagāmikammakāritāti ‘‘niraye nibbattati’’cceva vuttaṃ. Taggahaṇeneva pana tato mudumudutarādikammavasena sesāpāyesu aparāparanibbattādibālabhūmi vibhāvitā hotīti.
253. вуд̇д̇аанусаарзнаад̇и ‘‘б̣аало аяа’’нд̇иаад̣̇инаа вуд̇д̇асса ад̇т̇аважанасса ‘‘бан̣д̣ид̇о аяа’’нд̇и зд̇зхи лагкийяад̇ийд̇иаад̣̇инаа анусаарзна. маносужарид̇аад̣̇ийнам̣ васзнаад̇и жинд̇знд̇о анабхиж̇жхаа-аб̣яаабаад̣̇а-саммаад̣̇ассанам̣ сужинд̇ид̇амзва жинд̇зд̇ийд̇иаад̣̇инаа маносужарид̇аанам̣ д̇ин̣н̣ам̣ сужарид̇аанам̣ васзна яож̇зд̇аб̣б̣аани.
253.Vuttānusārenāti ‘‘bālo aya’’ntiādinā vuttassa atthavacanassa ‘‘paṇḍito aya’’nti etehi lakkhīyatītiādinā anusārena. Manosucaritādīnaṃ vasenāti cintento anabhijjhā-abyāpāda-sammādassanaṃ sucintitameva cintetītiādinā manosucaritānaṃ tiṇṇaṃ sucaritānaṃ vasena yojetabbāni.
жаггарад̇анаван̣н̣анаа
Cakkaratanavaṇṇanā
256. убосат̇ам̣ (д̣̇ий. ни. дий. 2.243) вужжад̇и адтан̇г̇асаманнааг̇ад̇ам̣ саб̣б̣ад̣̇ивасзсу г̇ахадтзхи рагкид̇аб̣б̣асийлам̣, самаад̣̇аанавасзна д̇ам̣ зд̇асса ад̇т̇ийд̇и убосат̇иго, д̇асса. д̇знааха ‘‘самаад̣̇иннаубосат̇ан̇г̇ассаа’’д̇и. д̇ад̣̇аад̇и д̇асмим̣ гаалз, яасмим̣ бана гаалз жаггавад̇д̇ибхаавасам̣вад̇д̇анияа-д̣̇аана-сийлаад̣̇и-бун̃н̃асамбхаарасамуд̣̇ааг̇амасамбанно буурид̇ажаггавад̇д̇ивад̇д̇о гаад̣̇ийбад̣̇зсависзсабажжааж̇аад̇ияаа жзва гуларуубабхог̇аад̇хибад̇зяяаад̣̇иг̇ун̣ависзсасамбад̇д̇ияаа жа д̇ад̣̇ануруубз ад̇д̇абхаавз тид̇о ход̇и, д̇асмим̣ гаалз. д̇аад̣̇исз хи гаалз жаггавад̇д̇ибхаавий бурисуд̇д̇амо яат̇аавуд̇д̇аг̇ун̣асаманнааг̇ад̇о рааж̇аа кад̇д̇ияо худ̇ваа муд̣̇д̇хаавасид̇д̇о висуд̣̇д̇хасийло анубосат̇ам̣ сад̇асахассависсаж̇ж̇анаад̣̇инаа саммаабадибад̇д̇им̣ бадибаж̇ж̇ад̇и, на яад̣̇аа жаггарад̇анам̣ уббаж̇ж̇ад̇и, д̇ад̣̇аа зва. д̇знааха – ‘‘баад̇о…бз… д̇хаммад̇аа’’д̇и. (д̇ад̇т̇а д̣̇амо инд̣̇рияасам̣варо, сам̣яамо сийласам̣варо.)
256. Uposathaṃ (dī. ni. ṭī. 2.243) vuccati aṭṭhaṅgasamannāgataṃ sabbadivasesu gahaṭṭhehi rakkhitabbasīlaṃ, samādānavasena taṃ etassa atthīti uposathiko, tassa. Tenāha ‘‘samādinnauposathaṅgassā’’ti. Tadāti tasmiṃ kāle, yasmiṃ pana kāle cakkavattibhāvasaṃvattaniya-dāna-sīlādi-puññasambhārasamudāgamasampanno pūritacakkavattivatto kādīpadesavisesapaccājātiyā ceva kularūpabhogādhipateyyādiguṇavisesasampattiyā ca tadanurūpe attabhāve ṭhito hoti, tasmiṃ kāle. Tādise hi kāle cakkavattibhāvī purisuttamo yathāvuttaguṇasamannāgato rājā khattiyo hutvā muddhāvasitto visuddhasīlo anuposathaṃ satasahassavissajjanādinā sammāpaṭipattiṃ paṭipajjati, na yadā cakkaratanaṃ uppajjati, tadā eva. Tenāha – ‘‘pāto…pe… dhammatā’’ti. (Tattha damo indriyasaṃvaro, saṃyamo sīlasaṃvaro.)
вуд̇д̇аббагаарабун̃н̃агаммабажжаяанд̇и жаггавад̇д̇ибхааваавахад̣̇аанад̣̇амасам̣яамаад̣̇ибун̃н̃агаммахзд̇угам̣. нийламан̣исан̇гхаадасад̣̇исанд̇и инд̣̇анийламан̣исан̃жаяасамаанам̣. д̣̇иб̣б̣аанубхааваяуд̇д̇ад̇д̇аад̇и д̣̇ассанийяад̇аа манун̃н̃агхосад̇аа аагаасаг̇аамид̇аа обхаасависсаж̇ж̇анаа аббадигхаад̇ад̇аа ран̃н̃о ижчид̇ад̇т̇анибпад̇д̇игааран̣ад̇аад̇и звамаад̣̇ийхи д̣̇иб̣б̣асад̣̇исзхи аанубхаавзхи саманнааг̇ад̇ад̇д̇аа. саб̣б̣зхи аагаарзхийд̇и саб̣б̣зхи сунд̣̇арзхи аагаарзхи. барибууранд̇и барибун̣н̣ам̣. саа жасса баарибуури ид̣̇аанзва вид̇т̇аарийяад̇и.
Vuttappakārapuññakammapaccayanti cakkavattibhāvāvahadānadamasaṃyamādipuññakammahetukaṃ. Nīlamaṇisaṅghāṭasadisanti indanīlamaṇisañcayasamānaṃ. Dibbānubhāvayuttattāti dassanīyatā manuññaghosatā ākāsagāmitā obhāsavissajjanā appaṭighātatā rañño icchitatthanipphattikāraṇatāti evamādīhi dibbasadisehi ānubhāvehi samannāgatattā. Sabbehi ākārehīti sabbehi sundarehi ākārehi. Paripūranti paripuṇṇaṃ. Sā cassa pāripūri idāneva vitthārīyati.
банаал̣ийд̇и чид̣̇д̣̇ам̣. суд̣̇д̇хасинид̣̇д̇хад̣̇анд̇абанд̇ияаа ниб̣б̣иварааяаад̇и ад̇хиббааяо. наабхибанаал̣и баригкзбабаддзсууд̇и наабхибаригкзбабаддз жзва наабхияаа банаал̣ибаригкзбабаддз жа. сувибхад̇д̇ааваад̇и ан̃н̃аман̃н̃ам̣ асам̣гин̣н̣ад̇д̇аа судту вибхад̇д̇аа. барижчзд̣̇алзканд̇арзсу ман̣игаа сувибхад̇д̇аа худ̇ваа бан̃н̃ааяанд̇ийд̇и вад̣̇анд̇и.
Panāḷīti chiddaṃ. Suddhasiniddhadantapantiyā nibbivarāyāti adhippāyo. Nābhipanāḷi parikkhepapaṭṭesūti nābhiparikkhepapaṭṭe ceva nābhiyā panāḷiparikkhepapaṭṭe ca. Suvibhattāvāti aññamaññaṃ asaṃkiṇṇattā suṭṭhu vibhattā. Paricchedalekhantaresu maṇikā suvibhattā hutvā paññāyantīti vadanti.
барижчзд̣̇алзкаад̣̇ийнийд̇и аад̣̇и-сад̣̇д̣̇зна маалаагаммаад̣̇им̣ сан̇г̇ан̣хаад̇и. сурад̇д̇аад̇иаад̣̇ийсу сурад̇д̇аг̇г̇ахан̣зна махаанаамаван̣н̣ад̇ам̣ бадигкибад̇и, суд̣̇д̇хаг̇г̇ахан̣зна сам̣гилидтад̇ам̣, синид̣̇д̇хаг̇г̇ахан̣зна луукад̇ам̣. гаамам̣ д̇асса жаггарад̇анасса нзмиман̣д̣алам̣ асанд̇хигам̣ва ниб̣б̣ад̇д̇ам̣, саб̣б̣ад̇т̇агамзва бана гзвалам̣ баваал̣аван̣н̣ова на собхад̇ийд̇и багад̇ижаггасса санд̇хияуд̇д̇зсу таанзсу рад̇д̇аж̇амб̣унад̣̇абаригкад̇ам̣ ахоси, д̇ам̣ санд̇хааяа вуд̇д̇ам̣ ‘‘санд̇хийсу банассаа’’д̇иаад̣̇и.
Paricchedalekhādīnīti ādi-saddena mālākammādiṃ saṅgaṇhāti. Surattātiādīsu surattaggahaṇena mahānāmavaṇṇataṃ paṭikkhipati, suddhaggahaṇena saṃkiliṭṭhataṃ, siniddhaggahaṇena lūkhataṃ. Kāmaṃ tassa cakkaratanassa nemimaṇḍalaṃ asandhikaṃva nibbattaṃ, sabbatthakameva pana kevalaṃ pavāḷavaṇṇova na sobhatīti pakaticakkassa sandhiyuttesu ṭhānesu rattajambunadaparikkhataṃ ahosi, taṃ sandhāya vuttaṃ ‘‘sandhīsu panassā’’tiādi.
нзмиман̣д̣алабидтияанд̇и нзмиман̣д̣аласса бидтибад̣̇зсз. д̣̇асаннам̣ д̣̇асаннам̣ араанаманд̇арзд̇и д̣̇асаннам̣ д̣̇асаннам̣ араанам̣ анд̇арасамийбз бад̣̇зсз. чид̣̇д̣̇аман̣д̣алажид̇д̇од̇и ман̣д̣аласан̣тааначид̣̇д̣̇авижид̇д̇о. сугусаласаманнаахад̇ассаад̇и судту гусалзна сиббинаа бахад̇асса, ваад̣̇ид̇ассаад̇и ад̇т̇о. ваг̇г̇ууд̇и манорамо раж̇анийяод̇и сун̣анд̇аанам̣ рааг̇уббаад̣̇аго. гаманийяод̇и ганд̇о. самосарид̇агусумад̣̇аамаад̇и оламб̣ид̇асуг̇анд̇хагусумад̣̇аамаа. нзмибаригкзбассаад̇и нзмибарияанд̇абаригкзбасса. наабхибанаал̣ияаа д̣̇виннам̣ бассаанам̣ васзна ‘‘д̣̇виннамби наабхибанаал̣ийна’’нд̇и вуд̇д̇ам̣. згаа зва хи саа банаал̣и. язхийд̇и язхи д̣̇вийхи сийхамукзхи. буна язхийд̇и муд̇д̇аагалаабзхи.
Nemimaṇḍalapiṭṭhiyanti nemimaṇḍalassa piṭṭhipadese. Dasannaṃ dasannaṃ arānamantareti dasannaṃ dasannaṃ arānaṃ antarasamīpe padese. Chiddamaṇḍalacittoti maṇḍalasaṇṭhānachiddavicitto. Sukusalasamannāhatassāti suṭṭhu kusalena sippinā pahatassa, vāditassāti attho. Vaggūti manoramo rajanīyoti suṇantānaṃ rāguppādako. Kamanīyoti kanto. Samosaritakusumadāmāti olambitasugandhakusumadāmā. Nemiparikkhepassāti nemipariyantaparikkhepassa. Nābhipanāḷiyā dvinnaṃ passānaṃ vasena ‘‘dvinnampi nābhipanāḷīna’’nti vuttaṃ. Ekā eva hi sā panāḷi. Yehīti yehi dvīhi sīhamukhehi. Puna yehīti muttākalāpehi.
од̇хаабаяамаананд̇и сод̇ум̣ авахид̇аани гурумаанам̣. жанд̣̇о бурад̇о, жаггарад̇анам̣ бажчаад̇и звам̣ буб̣б̣аабариязна буб̣б̣аабарабхааг̇зна.
Odhāpayamānanti sotuṃ avahitāni kurumānaṃ. Cando purato, cakkaratanaṃ pacchāti evaṃ pubbāpariyena pubbāparabhāgena.
анд̇з бурассаад̇и анураад̇хабурз ран̃н̃о анд̇збурасса уд̇д̇арасийхабан̃ж̇арааасаннз д̇ад̣̇аа ран̃н̃о баасаад̣̇з д̇аад̣̇исасса уд̇д̇арад̣̇исааяа сийхабан̃ж̇арасса лаб̣бхамаанад̇д̇аа вуд̇д̇ам̣. сукзна саггаад̇и гин̃жи анаарухид̇ваа сарийран̃жа ануллан̇гхид̇ваа яат̇аатид̇знзва хад̇т̇зна бубпамудтияо кибид̇ваа сукзна саггаа ход̇и бууж̇зд̇ум̣.
Ante purassāti anurādhapure rañño antepurassa uttarasīhapañjaraāsanne tadā rañño pāsāde tādisassa uttaradisāya sīhapañjarassa labbhamānattā vuttaṃ. Sukhena sakkāti kiñci anāruhitvā sarīrañca anullaṅghitvā yathāṭhiteneva hatthena pupphamuṭṭhiyo khipitvā sukhena sakkā hoti pūjetuṃ.
наанаавирааг̇арад̇анаббабхаасамуж̇ж̇аланд̇и наанаавид̇хажид̇д̇аван̣н̣арад̇анобхаасабабхассарам̣. аагаасам̣ аб̣бхуг̇г̇анд̇ваа бавад̇д̇зд̇и. ааг̇анд̇ваа тид̇адтаанад̇о убари аагаасам̣ аб̣бхуг̇г̇анд̇ваа бавад̇д̇з.
Nānāvirāgaratanappabhāsamujjalanti nānāvidhacittavaṇṇaratanobhāsapabhassaraṃ. Ākāsaṃ abbhuggantvā pavatteti. Āgantvā ṭhitaṭṭhānato upari ākāsaṃ abbhuggantvā pavatte.
саннивзсагкамод̇и канд̇хаваарасаннивзсаяог̇яо. сулабхаахааруубагаран̣од̇и сукзнзва лад̣̇д̇хаб̣б̣ад̇хан̃н̃аг̇орасад̣̇ааруд̇ин̣аад̣̇ибхож̇анасаад̇хано. баражагганд̇и барасса ран̃н̃о сзнаа, аан̣аа ваа.
Sannivesakkhamoti khandhavārasannivesayogyo. Sulabhāhārūpakaraṇoti sukheneva laddhabbadhaññagorasadārutiṇādibhojanasādhano. Paracakkanti parassa rañño senā, āṇā vā.
ааг̇ад̇ананд̣̇анод̇и ааг̇ад̇о худ̇ваа нанд̣̇иж̇анано. ааг̇ад̇ам̣ ваа ааг̇аманам̣, д̇зна нанд̣̇ад̇ийд̇и ааг̇ад̇ананд̣̇ано. г̇аманзна сожзд̇ийд̇и г̇аманасожано. убагаббзт̇аад̇и убаруубари габбзт̇а сам̣вид̣̇ахат̇а, убанзт̇аад̇и ад̇т̇о. убабаригкид̇ваад̇и хзд̇уд̇оби сабхаавад̇оби палад̇оби д̣̇идтад̇хаммигасамбарааяигааад̣̇ийнавад̇оби виймам̣сид̇ваа.
Āgatanandanoti āgato hutvā nandijanano. Āgataṃ vā āgamanaṃ, tena nandatīti āgatanandano. Gamanena socetīti gamanasocano. Upakappethāti uparūpari kappetha saṃvidahatha, upanethāti attho. Upaparikkhitvāti hetutopi sabhāvatopi phalatopi diṭṭhadhammikasamparāyikaādīnavatopi vīmaṃsitvā.
вибхаавзнд̇и бан̃н̃ааяа ад̇т̇ам̣ вибхууд̇ам̣ гаронд̇ийд̇и вибхаавино, бан̃н̃аванд̇о. ануяанд̇аад̇и анувад̇д̇агаа. ог̇ажчамаананд̇и осийд̣̇анд̇ам̣. яож̇анамад̇д̇анд̇и вид̇т̇аарад̇о яож̇анамад̇д̇ам̣ бад̣̇зсам̣. г̇амбхийрабхаавзна бана яат̇аа бхууми д̣̇иссад̇и, звам̣ ог̇ажчад̇и. д̇знааха ‘‘махаасамуд̣̇д̣̇ад̇ала’’нд̇иаад̣̇и. анд̇з жаггарад̇анам̣ уд̣̇агзна сзнааяа анаж̇жход̇т̇аран̣ад̇т̇ам̣.
Vibhāventi paññāya atthaṃ vibhūtaṃ karontīti vibhāvino, paññavanto. Anuyantāti anuvattakā. Ogacchamānanti osīdantaṃ. Yojanamattanti vitthārato yojanamattaṃ padesaṃ. Gambhīrabhāvena pana yathā bhūmi dissati, evaṃ ogacchati. Tenāha ‘‘mahāsamuddatala’’ntiādi. Ante cakkaratanaṃ udakena senāya anajjhottharaṇatthaṃ.
257. бурад̇т̇имо самуд̣̇д̣̇о барияанд̇о ассаад̇и бурад̇т̇имасамуд̣̇д̣̇абарияанд̇о, бурад̇т̇имасамуд̣̇д̣̇ам̣ барияанд̇ам̣ гад̇ваа. жаад̇уранд̇ааяаад̇и жаад̇усамуд̣̇д̣̇анд̇ааяа буб̣б̣авид̣̇зхаад̣̇ижад̇угодтаасанд̇ааяа.
257. Puratthimo samuddo pariyanto assāti puratthimasamuddapariyanto, puratthimasamuddaṃ pariyantaṃ katvā. Cāturantāyāti cātusamuddantāya pubbavidehādicatukoṭṭhāsantāya.
хад̇т̇ирад̇анаван̣н̣анаа
Hatthiratanavaṇṇanā
258. харижанд̣̇анаад̣̇ийхийд̇и аад̣̇и-сад̣̇д̣̇зна жад̇уж̇ж̇аад̇ияаг̇анд̇хаад̣̇им̣ сан̇г̇ан̣хаад̇и. ааг̇аманам̣ жинд̇зт̇аад̇и вад̣̇анд̇и жаггавад̇д̇ивад̇д̇асса буурид̇ад̇ааяа барижид̇ад̇д̇аа. бхуумипусанагзхи ваалад̇хи, варан̇г̇ам̣ хад̇т̇од̇и имзхи жа д̇ийхи, жад̇уухи баад̣̇зхи жаад̇и сад̇д̇ахи аваяавзхи тид̇ад̇д̇аа сад̇д̇абад̇идто. ид̇арзсам̣ амажжаад̣̇ийнам̣ жинд̇аяанд̇аанам̣ на ааг̇ажчад̇и. абанзд̇ваад̇и ад̇д̇ано аанубхаавзна абанзд̇ваа. г̇анд̇хамзва хи д̇асса ид̇арз хад̇т̇ино на саханд̇и.
258.Haricandanādīhīti ādi-saddena catujjātiyagandhādiṃ saṅgaṇhāti. Āgamanaṃ cintethāti vadanti cakkavattivattassa pūritatāya paricitattā. Bhūmiphusanakehi vāladhi, varaṅgaṃ hatthoti imehi ca tīhi, catūhi pādehi cāti sattahi avayavehi ṭhitattā sattapatiṭṭho. Itaresaṃ amaccādīnaṃ cintayantānaṃ na āgacchati. Apanetvāti attano ānubhāvena apanetvā. Gandhameva hi tassa itare hatthino na sahanti.
ассарад̇анаван̣н̣анаа
Assaratanavaṇṇanā
синд̇хавагулад̇од̇и синд̇хавассааж̇аанийяагулад̇о.
Sindhavakulatoti sindhavassājānīyakulato.
ман̣ирад̇анаван̣н̣анаа
Maṇiratanavaṇṇanā
сагаданаабхисамаббамаан̣анд̇и барин̣аахад̇о махаасагадасса наабхияаа самаббамаан̣ам̣. убхосу анд̇зсууд̇и хздтаа убари жаад̇и д̣̇вийсу анд̇зсу. ган̣н̣игабарияанд̇ад̇од̇и д̣̇виннам̣ ган̃жанабад̣̇умаанам̣ ган̣н̣игааяа барияанд̇ад̇о. муд̇д̇ааж̇аалагз табзд̇ваад̇и сувисуд̣̇д̇хз муд̇д̇аамаяз ж̇аалагз бад̇идтабзд̇ваа.
Sakaṭanābhisamappamāṇanti pariṇāhato mahāsakaṭassa nābhiyā samappamāṇaṃ. Ubhosu antesūti heṭṭhā upari cāti dvīsu antesu. Kaṇṇikapariyantatoti dvinnaṃ kañcanapadumānaṃ kaṇṇikāya pariyantato. Muttājālake ṭhapetvāti suvisuddhe muttāmaye jālake patiṭṭhapetvā.
ид̇т̇ирад̇анаван̣н̣анаа
Itthiratanavaṇṇanā
‘‘ид̇т̇ирад̇анам̣ баад̇убхавад̇ий’’д̇и вад̇ваа асса баад̇убхаванаагаарам̣ д̣̇ассзд̇ум̣, ‘‘мад̣̇д̣̇арааж̇агулад̇о ваа’’д̇иаад̣̇и вуд̇д̇ам̣. мад̣̇д̣̇арадтам̣ гира абхируубаанам̣ ид̇т̇ийнам̣ уббад̇д̇идтаанам̣. сан̣таанабаарибуурияаад̇и хад̇т̇абаад̣̇аад̣̇исарийрааваяаваанам̣ сусан̣тид̇ад̇ааяа. аваяавабаарибуурияаа хи самуд̣̇ааяабаарибуурисид̣̇д̇хи. руубанд̇и сарийрам̣. д̣̇ассанийяаад̇и суруубабхаавзна бассид̇аб̣б̣аяуд̇д̇аа. соманассавасзна жид̇д̇ам̣ басаад̣̇зд̇и яонисо жинд̇знд̇аанам̣ гаммапаласад̣̇д̇хааяа васзна. басаад̣̇аавахад̇д̇аад̇и гааран̣аважанзна яат̇аа баасаад̣̇игад̇ааяа ван̣н̣абогкарад̇аасид̣̇д̇хи вуд̇д̇аа, звам̣ д̣̇ассанийяад̇ааяа баасаад̣̇игад̇аасид̣̇д̇хи, абхируубад̇ааяа жа д̣̇ассанийяад̇аасид̣̇д̇хи вад̇д̇аб̣б̣аад̇и наяам̣ д̣̇ассзд̇и. бадиломад̇о ваа ван̣н̣абогкарад̇ааяа баасаад̣̇игад̇аасид̣̇д̇хи, баасаад̣̇игад̇ааяа д̣̇ассанийяад̇аасид̣̇д̇хи, д̣̇ассанийяад̇ааяа абхируубад̇аасид̣̇д̇хи яож̇зд̇аб̣б̣аа. звам̣ сарийрасамбад̇д̇ивасзна абхируубад̇аад̣̇игз д̣̇ассзд̇ваа ид̣̇аани сарийрз д̣̇осаабхаававасзнаби д̇з д̣̇ассзд̇ум̣, ‘‘абхируубаа ваа’’д̇иаад̣̇и вуд̇д̇ам̣. д̇ад̇т̇а яат̇аа бамаан̣аяуд̇д̇аа, звам̣ аарохабарин̣аахаяог̇ад̇о жа баасаад̣̇игаа наад̇ид̣̇ийгхад̇аад̣̇аяо. звам̣ мануссаанам̣ д̣̇иб̣б̣аруубад̇аасамбад̇д̇ибийд̇и ‘‘аббад̇д̇аа д̣̇иб̣б̣аван̣н̣а’’нд̇и вуд̇д̇ам̣. гааяавибад̇д̇ияаад̇и сарийрад̣̇осасса. абхаавод̇и ажжанд̇амзва д̣̇уурийбхааво.
‘‘Itthiratanaṃpātubhavatī’’ti vatvā assa pātubhavanākāraṃ dassetuṃ, ‘‘maddarājakulato vā’’tiādi vuttaṃ. Maddaraṭṭhaṃ kira abhirūpānaṃ itthīnaṃ uppattiṭṭhānaṃ. Saṇṭhānapāripūriyāti hatthapādādisarīrāvayavānaṃ susaṇṭhitatāya. Avayavapāripūriyā hi samudāyapāripūrisiddhi. Rūpanti sarīraṃ. Dassanīyāti surūpabhāvena passitabbayuttā. Somanassavasena cittaṃ pasādeti yoniso cintentānaṃ kammaphalasaddhāya vasena. Pasādāvahattāti kāraṇavacanena yathā pāsādikatāya vaṇṇapokkharatāsiddhi vuttā, evaṃ dassanīyatāya pāsādikatāsiddhi, abhirūpatāya ca dassanīyatāsiddhi vattabbāti nayaṃ dasseti. Paṭilomato vā vaṇṇapokkharatāya pāsādikatāsiddhi, pāsādikatāya dassanīyatāsiddhi, dassanīyatāya abhirūpatāsiddhi yojetabbā. Evaṃ sarīrasampattivasena abhirūpatādike dassetvā idāni sarīre dosābhāvavasenapi te dassetuṃ, ‘‘abhirūpā vā’’tiādi vuttaṃ. Tattha yathā pamāṇayuttā, evaṃ ārohapariṇāhayogato ca pāsādikā nātidīghatādayo. Evaṃ manussānaṃ dibbarūpatāsampattipīti ‘‘appattā dibbavaṇṇa’’nti vuttaṃ. Kāyavipattiyāti sarīradosassa. Abhāvoti accantameva dūrībhāvo.
сад̇авихад̇ассаад̇и сад̇агкад̇д̇ум̣ вихад̇асса. сад̇авихад̇ассаад̇и жа ид̣̇ам̣ габбаасабижувасзна вуд̇д̇ам̣, д̇уулабижуно бана вихананамзва над̇т̇и. гун̇гумад̇аг̇арад̇уругкаяаванабубпаани жад̇уж̇ж̇аад̇и. д̇амаалад̇аг̇арад̇уругкаяаванабубпаанийд̇и абарз.
Satavihatassāti satakkhattuṃ vihatassa. Satavihatassāti ca idaṃ kappāsapicuvasena vuttaṃ, tūlapicuno pana vihananameva natthi. Kuṅkumatagaraturukkhayavanapupphāni catujjāti. Tamālatagaraturukkhayavanapupphānīti apare.
аг̇г̇ид̣̇ад̣дхаа вияаад̇и аасанаг̇ад̇зна аг̇г̇инаа д̣̇ад̣дхаа вияа. батамамзваад̇и ан̃н̃агижжад̇о батамамзва, д̣̇ассанасамагааламзваад̇и ад̇т̇о. д̇ам̣ д̇ам̣ ад̇д̇анаа ран̃н̃о гаад̇аб̣б̣агижжам̣ гим̣ гаромийд̇и бужчид̇аб̣б̣ад̇ааяа гим̣ гаран̣анд̇и бадиссаавзд̇ийд̇и гин̇гаарабадиссаавиний.
Aggidaḍḍhā viyāti āsanagatena agginā daḍḍhā viya. Paṭhamamevāti aññakiccato paṭhamameva, dassanasamakālamevāti attho. Taṃ taṃ attanā rañño kātabbakiccaṃ kiṃ karomīti pucchitabbatāya kiṃ karaṇanti paṭissāvetīti kiṅkārapaṭissāvinī.
маад̇уг̇аамо наама язбхуяязна сатаж̇аад̇иго, ид̇т̇ирад̇анасса бана д̇ам̣ над̇т̇ийд̇и д̣̇ассзд̇ум̣, ‘‘сваассаа’’д̇иаад̣̇и вуд̇д̇ам̣. г̇ун̣аад̇и руубаг̇ун̣аа жзва аажаараг̇ун̣аа жа. буримагаммаанубхаавзнаад̇и д̇ассаа буримагаммаанубхаавзна. ид̇т̇ирад̇анасса д̇аб̣бхаавасам̣вад̇д̇анияабуримагаммасса аанубхаавзна, жаггавад̇д̇иноби бариваарасам̣вад̇д̇анияам̣ бун̃н̃агаммам̣ д̇аад̣̇исасса палависзсасса убаниссаяо ход̇иязва. д̇знааха ‘‘жаггавад̇д̇ино бун̃н̃ам̣ убаниссааяаа’’д̇и. зд̇зна сзсарад̇анзсуби д̇зсам̣ висзсаанам̣ д̇ад̣̇убаниссаяад̇аа вибхаавид̇аа зваад̇и д̣̇адтаб̣б̣ам̣. буб̣б̣з згад̣̇зсавасзна лаб̣бхамаанабаарибуурий ран̃н̃о жаггавад̇д̇ибхаавуубаг̇аманад̇о бадтааяа саб̣б̣аагаарабаарибуураа ж̇аад̇аа.
Mātugāmo nāma yebhuyyena saṭhajātiko, itthiratanassa pana taṃ natthīti dassetuṃ, ‘‘svāssā’’tiādi vuttaṃ. Guṇāti rūpaguṇā ceva ācāraguṇā ca. Purimakammānubhāvenāti tassā purimakammānubhāvena. Itthiratanassa tabbhāvasaṃvattaniyapurimakammassa ānubhāvena, cakkavattinopi parivārasaṃvattaniyaṃ puññakammaṃ tādisassa phalavisesassa upanissayo hotiyeva. Tenāha ‘‘cakkavattino puññaṃ upanissāyā’’ti. Etena sesaratanesupi tesaṃ visesānaṃ tadupanissayatā vibhāvitā evāti daṭṭhabbaṃ. Pubbe ekadesavasena labbhamānapāripūrī rañño cakkavattibhāvūpagamanato paṭṭhāya sabbākārapāripūrā jātā.
г̇ахабад̇ирад̇анаван̣н̣анаа
Gahapatiratanavaṇṇanā
багад̇ияааваад̇и сабхаавзнзва, жаггарад̇анабаад̇убхаавад̇о буб̣б̣зби.
Pakatiyāvāti sabhāveneva, cakkaratanapātubhāvato pubbepi.
барин̣ааяагарад̇анаван̣н̣анаа
Pariṇāyakaratanavaṇṇanā
ниссааяаад̇и убаниссааяа.
Nissāyāti upanissāya.
260. гадаг̇г̇ахо вужжад̇и ж̇аяаг̇г̇ахо сагаанам̣ бан̣аанам̣ гадабхаавзна ад̇т̇асид̣̇д̇хивасзна сан̇г̇ан̣хананд̇и гад̇ваа. д̇знааха ‘‘ж̇аяаг̇г̇аахзнаа’’д̇и. згаббахаарзнзваад̇и згаббаяог̇знзва сад̇асахассаани ад̇хиг̇ажчзяяаад̇и яож̇анаа. сзсам̣ вуд̇д̇анаяад̇д̇аа сувин̃н̃зяяамзва.
260.Kaṭaggaho vuccati jayaggaho sakānaṃ paṇānaṃ kaṭabhāvena atthasiddhivasena saṅgaṇhananti katvā. Tenāha ‘‘jayaggāhenā’’ti. Ekappahārenevāti ekappayogeneva satasahassāni adhigaccheyyāti yojanā. Sesaṃ vuttanayattā suviññeyyameva.
б̣аалабан̣д̣ид̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Bālapaṇḍitasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. б̣аалабан̣д̣ид̇асуд̇д̇ам̣ • 9. Bālapaṇḍitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. б̣аалабан̣д̣ид̇асуд̇д̇аван̣н̣анаа • 9. Bālapaṇḍitasuttavaṇṇanā
