| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. б̣аалабан̣д̣ид̇асуд̇д̇аван̣н̣анаа
9. Bālapaṇḍitasuttavaṇṇanā
19. авиж̇ж̇аа нийваран̣аа бхаваад̣̇и-аад̣̇ийнавасса ниваарид̇абадижчаад̣̇игаа зд̇ассаад̇и авиж̇ж̇аанийваран̣о, авиж̇ж̇ааяа нивуд̇од̇и ааха ‘‘авиж̇ж̇ааяа ниваарид̇ассаа’’д̇и. аяам̣ гааяод̇и б̣ааласса аббахийнагилзсасса бажжуббаннам̣ ад̇д̇абхаавам̣ рагкам̣ гад̇ваа авиж̇ж̇ааяа бадижчаад̣̇ид̇аад̣̇ийнавз аяаат̇аавад̣̇ассанавасзна д̇ан̣хааяа бадилад̣̇д̇хажид̇д̇асса д̇ам̣д̇ам̣бхавуубаг̇аа сан̇каараа сан̇карийяанд̇и. д̇зхи жа ад̇д̇абхаавасса абхиниб̣б̣ад̇д̇и, д̇асмаа аяан̃жа авиж̇ж̇ааяа гааяо ниб̣б̣ад̇д̇од̇и. ассаад̇и б̣ааласса. аяам̣ ад̇т̇од̇и ‘‘аяам̣ гааяо наамаруубанд̇и жа вуд̇д̇о’’д̇и ад̇т̇о д̣̇ийбзд̇аб̣б̣о убаад̣̇аанагканд̇хасал̣ааяад̇анасан̇г̇ахад̇о д̇зсам̣ д̇хаммаанам̣. звамзд̇ам̣ д̣̇ваяанд̇и звам̣ авиж̇ж̇ааяа ниваарид̇ад̇д̇аа, д̇ан̣хааяа жа сам̣яуд̇д̇ад̇д̇аа звам̣ сабарасанд̇аанаг̇ад̇асавин̃н̃аан̣агагааяасан̇каад̇ам̣ д̣̇ваяам̣ ход̇и. ан̃н̃ад̇т̇аад̇и суд̇д̇анд̇арзсу. ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо’’д̇иаад̣̇инаа (ма. ни. 1.204, 400; 3.421, 425-426; сам̣. ни. 2.43-45; 4.60-61; гат̇аа. 465, 467) аж̇жхад̇д̇игаб̣аахирааяад̇анаани бхинд̣̇ид̇ваа жагкуруубаад̣̇ид̣̇ваяаани бадижжа жагкусампассаад̣̇аяо вуд̇д̇аа, ид̇ха бана абхинд̣̇ид̇ваа ча аж̇жхад̇д̇игаб̣аахирааяад̇анаани бадижжа жагкусампассаад̣̇аяо вуд̇д̇аа ‘‘д̣̇ваяам̣ бадижжа пассо’’д̇и, д̇асмаа махаад̣̇ваяам̣ наама гирзд̇ам̣ анавасзсад̇о аж̇жхад̇д̇игаб̣аахирааяад̇анаанам̣ г̇ахид̇ад̇д̇аа. аж̇жхад̇д̇игаб̣аахираани ааяад̇анаанийд̇и зд̇т̇ааби хи сал̣ааяад̇анаани сан̇г̇ахид̇аанзва. пассагааран̣аанийд̇и пассабавад̇д̇ияаа бажжаяаани. язхийд̇и хзд̇уд̣̇ассанамад̇д̇анд̇и ааха ‘‘язхи гааран̣абхууд̇зхий’’д̇и. пассо зва пусанагижжо, на пассааяад̇анаанийд̇и вуд̇д̇ам̣ ‘‘пассзна пудто’’д̇и. барибун̣н̣авасзнаад̇и авзгаллавасзна. абарибун̣н̣ааяад̇анаанам̣ хийнаани пассасса гааран̣аани хонд̇и, д̇зсам̣ вияаад̇и ‘‘зд̇зсам̣ ваа ан̃н̃ад̇арзнаа’’д̇и вуд̇д̇ам̣. гааяаниб̣б̣ад̇д̇анаад̣̇имхийд̇и савин̃н̃аан̣агасса гааяасса ниб̣б̣ад̇д̇анам̣ гааяаниб̣б̣ад̇д̇анам̣, гааяо ваа ниб̣б̣ад̇д̇ад̇и зд̇знаад̇и гааяаниб̣б̣ад̇д̇анам̣, гилзсаабхисан̇каараа. аад̣̇исад̣̇д̣̇зна пассасал̣ааяад̇анаад̣̇исан̇г̇ахо. ад̇хигам̣ баяасад̇и баяун̃ж̇ад̇и зд̇знаад̇и ад̇хиббаяаасо, висзсагааран̣анд̇и ааха ‘‘ад̇хигабаяог̇о’’д̇и.
19. Avijjā nīvaraṇā bhavādi-ādīnavassa nivāritapaṭicchādikā etassāti avijjānīvaraṇo, avijjāya nivutoti āha ‘‘avijjāya nivāritassā’’ti. Ayaṃ kāyoti bālassa appahīnakilesassa paccuppannaṃ attabhāvaṃ rakkhaṃ katvā avijjāya paṭicchāditādīnave ayāthāvadassanavasena taṇhāya paṭiladdhacittassa taṃtaṃbhavūpagā saṅkhārā saṅkharīyanti. Tehi ca attabhāvassa abhinibbatti, tasmā ayañca avijjāya kāyo nibbattoti. Assāti bālassa. Ayaṃ atthoti ‘‘ayaṃ kāyo nāmarūpanti ca vutto’’ti attho dīpetabbo upādānakkhandhasaḷāyatanasaṅgahato tesaṃ dhammānaṃ. Evametaṃ dvayanti evaṃ avijjāya nivāritattā, taṇhāya ca saṃyuttattā evaṃ saparasantānagatasaviññāṇakakāyasaṅkhātaṃ dvayaṃ hoti. Aññatthāti suttantaresu. ‘‘Cakkhuñca paṭicca rūpe ca uppajjati cakkhuviññāṇaṃ, tiṇṇaṃ saṅgati phasso’’tiādinā (ma. ni. 1.204, 400; 3.421, 425-426; saṃ. ni. 2.43-45; 4.60-61; kathā. 465, 467) ajjhattikabāhirāyatanāni bhinditvā cakkhurūpādidvayāni paṭicca cakkhusamphassādayo vuttā, idha pana abhinditvā cha ajjhattikabāhirāyatanāni paṭicca cakkhusamphassādayo vuttā ‘‘dvayaṃ paṭicca phasso’’ti, tasmā mahādvayaṃ nāma kiretaṃ anavasesato ajjhattikabāhirāyatanānaṃ gahitattā. Ajjhattikabāhirāni āyatanānīti etthāpi hi saḷāyatanāni saṅgahitāneva. Phassakāraṇānīti phassapavattiyā paccayāni. Yehīti hetudassanamattanti āha ‘‘yehi kāraṇabhūtehī’’ti. Phasso eva phusanakicco, na phassāyatanānīti vuttaṃ ‘‘phassena phuṭṭho’’ti. Paripuṇṇavasenāti avekallavasena. Aparipuṇṇāyatanānaṃ hīnāni phassassa kāraṇāni honti, tesaṃ viyāti ‘‘etesaṃ vā aññatarenā’’ti vuttaṃ. Kāyanibbattanādimhīti saviññāṇakassa kāyassa nibbattanaṃ kāyanibbattanaṃ, kāyo vā nibbattati etenāti kāyanibbattanaṃ, kilesābhisaṅkhārā. Ādisaddena phassasaḷāyatanādisaṅgaho. Adhikaṃ payasati payuñjati etenāti adhippayāso, visesakāraṇanti āha ‘‘adhikapayogo’’ti.
бхаг̇аваа амхаагам̣ уббаад̣̇агабхаавзна муулабхаавзна бхаг̇авам̣муулагаа. имз д̇хаммаад̇и имз гааран̣ад̇хаммаа. язхи маяам̣ б̣аалабан̣д̣ид̇аанам̣ самаанзби гааяаниб̣б̣ад̇д̇анаад̣̇имхи висзсам̣ ж̇аанзяяаама, д̇знааха ‘‘буб̣б̣з гассабасаммаасамб̣уд̣̇д̇хзна уббаад̣̇ид̇аа’’д̇иаад̣̇и. ааж̇аанаамаад̇и абхимукам̣ бажжагкад̇о ж̇аанаама. бадивиж̇жхаамаад̇и д̇ассзва взважанам̣, ад̇хиг̇ажчаамаад̇и ад̇т̇о. нзд̇аад̇и амхаагам̣ санд̇аанз баабзд̇аа. винзд̇аад̇и яат̇аа аламарияан̃аан̣ад̣̇ассанависзсо ход̇и, звам̣ висзсад̇о нзд̇аа, д̇ад̣̇ан̇г̇авинаяаад̣̇ивасзна ваа винзд̇аа. анунзд̇аад̇и ануруубам̣ нзд̇аа. анд̇аранд̇араа яат̇аад̇хаммабан̃н̃ад̇д̇ияаа бан̃н̃аабид̇аанам̣ д̇хаммаанам̣ ануруубад̇о д̣̇ассанам̣ ход̇ийд̇и ааха ‘‘яат̇аасабхаавад̇о …бз… д̣̇ассзд̇аа’’д̇и. аабаат̇ам̣ убаг̇ажчанд̇аанам̣ бхаг̇аваа бадисаран̣ам̣ самосаран̣адтаананд̇и бхаг̇авам̣бадисаран̣аа д̇хаммаа. д̇знааха ‘‘жад̇убхуумагад̇хаммаа’’д̇иаад̣̇и. бадисарад̇и бадивиж̇жхад̇ийд̇и бадисаран̣ам̣, д̇асмаа бадивиж̇жханавасзна бхаг̇аваа бадисаран̣ам̣ зд̇зсанд̇и бхаг̇авам̣бадисаран̣аа. д̇знааха ‘‘аби жаа’’д̇иаад̣̇и. пассо ааг̇ажчад̇ийд̇и бадивиж̇жханагавасзна пассо н̃аан̣асса аабаат̇ам̣ ааг̇ажчад̇и, аабаат̇ам̣ ааг̇ажчанд̇оязва со ад̇т̇ад̇о ‘‘ахам̣ гиннаамо’’д̇и наамам̣ бужчанд̇о вияа, бхаг̇аваа жасса наамам̣ гаронд̇о вияа ход̇ийд̇и вуд̇д̇ам̣ ‘‘ахам̣ бхаг̇аваа’’д̇иаад̣̇и. убадтаад̇ууд̇и н̃аан̣асса бажжубадтаад̇у. бхаг̇аванд̇ам̣язва бадибхаад̇ууд̇и бхаг̇авад̇о зва бхааг̇о ход̇у, бхаг̇аваава нам̣ ад̇д̇ано бхааг̇ам̣ гад̇ваа виссаж̇ж̇зд̇ууд̇и ад̇т̇о, бхаг̇авад̇о бхааг̇о яад̣̇ид̣̇ам̣ д̇хаммасса агкаанам̣, амхаагам̣ бана саванам̣ бхааг̇од̇и аяамзд̇т̇а ад̇хиббааяо. зван̃хи сад̣̇д̣̇алагкан̣зна самзд̇и. гзжи бана бадибхаад̇ууд̇и ад̇т̇ам̣ вад̣̇анд̇и н̃аан̣зна д̣̇иссад̇у д̣̇зсийяад̇ууд̇и ваа ад̇т̇о. д̇знааха ‘‘д̇умхзязва но гат̇зд̇ваа д̣̇зт̇аад̇и ад̇т̇о’’д̇и.
Bhagavā amhākaṃ uppādakabhāvena mūlabhāvena bhagavaṃmūlakā. Ime dhammāti ime kāraṇadhammā. Yehi mayaṃ bālapaṇḍitānaṃ samānepi kāyanibbattanādimhi visesaṃ jāneyyāma, tenāha ‘‘pubbe kassapasammāsambuddhena uppāditā’’tiādi. Ājānāmāti abhimukhaṃ paccakkhato jānāma. Paṭivijjhāmāti tasseva vevacanaṃ, adhigacchāmāti attho. Netāti amhākaṃ santāne pāpetā. Vinetāti yathā alamariyañāṇadassanaviseso hoti, evaṃ visesato netā, tadaṅgavinayādivasena vā vinetā. Anunetāti anurūpaṃ netā. Antarantarā yathādhammapaññattiyā paññāpitānaṃ dhammānaṃ anurūpato dassanaṃ hotīti āha ‘‘yathāsabhāvato…pe… dassetā’’ti. Āpāthaṃ upagacchantānaṃ bhagavā paṭisaraṇaṃ samosaraṇaṭṭhānanti bhagavaṃpaṭisaraṇā dhammā. Tenāha ‘‘catubhūmakadhammā’’tiādi. Paṭisarati paṭivijjhatīti paṭisaraṇaṃ, tasmā paṭivijjhanavasena bhagavā paṭisaraṇaṃ etesanti bhagavaṃpaṭisaraṇā. Tenāha ‘‘api cā’’tiādi. Phasso āgacchatīti paṭivijjhanakavasena phasso ñāṇassa āpāthaṃ āgacchati, āpāthaṃ āgacchantoyeva so atthato ‘‘ahaṃ kinnāmo’’ti nāmaṃ pucchanto viya, bhagavā cassa nāmaṃ karonto viya hotīti vuttaṃ ‘‘ahaṃ bhagavā’’tiādi. Upaṭṭhātūti ñāṇassa paccupaṭṭhātu. Bhagavantaṃyeva paṭibhātūti bhagavato eva bhāgo hotu, bhagavāva naṃ attano bhāgaṃ katvā vissajjetūti attho, bhagavato bhāgo yadidaṃ dhammassa akkhānaṃ, amhākaṃ pana savanaṃ bhāgoti ayamettha adhippāyo. Evañhi saddalakkhaṇena sameti. Keci pana paṭibhātūti atthaṃ vadanti ñāṇena dissatu desīyatūti vā attho. Tenāha ‘‘tumheyeva no kathetvā dethāti attho’’ti.
б̣ааласса бан̣д̣ид̇асса жа гааяасса ниб̣б̣ад̇д̇ияаа бажжаяабхууд̇аа авиж̇ж̇аа жа д̇ан̣хаа жа. д̇знааха ‘‘гаммам̣…бз… нируд̣̇д̇хаа’’д̇и. ж̇аваабзд̇ваад̇и г̇ахид̇аж̇аванам̣ гад̇ваа, яат̇аа бадисанд̇хим̣ аагад̣дхид̇ум̣ самад̇т̇ам̣ ход̇и, звам̣ гад̇ваа. яад̣̇и нируд̣̇д̇хаа, гат̇ам̣ аббахийнаад̇и вуд̇д̇анд̇и ааха ‘‘яат̇аа банаа’’д̇иаад̣̇и. бхавад̇и хи д̇ам̣сад̣̇исзби д̇аб̣б̣охааро яат̇аа ‘‘саа зва д̇ид̇д̇ирий, д̇аанзва осад̇хаани, д̇ассзва гаммасса вибаагаавасзсзнаа’’д̇и жа. д̣̇угкагкаяааяаад̇и д̇ад̣̇ад̇т̇ависзсанад̇т̇анд̇и ааха ‘‘каяад̇т̇ааяаа’’д̇и. бадисанд̇хигааяанд̇и бадисанд̇хиг̇ахан̣абуб̣б̣агам̣ гааяам̣. баал̣ияам̣ ‘‘б̣аалзнаа’’д̇и гаран̣аважанам̣ ниссаггзд̇и ааха ‘‘б̣аалад̇о’’д̇и. бхаавинаа саха бадисанд̇хинаа саббадисанд̇хиго. яо бана зганд̇ад̇о д̇знад̇д̇абхаавзна арахад̇д̇ам̣ бад̇д̇ум̣ бхаб̣б̣о, со бхаавинаа бадисанд̇хинаа ‘‘аббадисанд̇хиго’’д̇и, д̇ад̇о висзсанад̇т̇ам̣ ‘‘саббадисанд̇хиго’’д̇и вуд̇д̇ам̣. гин̃жааби вуд̇д̇ам̣, со жа яаава арияабхуумим̣ на оггамад̇и, д̇аава б̣аалад̇хаммасаман̇г̇ий зваад̇и гад̇ваа ‘‘саб̣б̣оби бут̇уж̇ж̇ано б̣аало’’д̇и вуд̇д̇ам̣. д̇ат̇аа хи ‘‘аббадисанд̇хиго кийн̣аасаво бан̣д̣ид̇о’’д̇и кийн̣аасава-сад̣̇д̣̇зна аббадисанд̇хиго висзсид̇о. яад̣̇и звам̣ сзгкаа гат̇анд̇и ааха ‘‘сод̇аабаннаа’’д̇иаад̣̇и. д̇з хи сикаабад̇д̇абан̣д̣ижжабхаавалагкан̣аабхаавад̇о бан̣д̣ид̇аад̇и на вад̇д̇аб̣б̣аа кийн̣аасаваа вияа, б̣алавад̇араанам̣ бана б̣аалад̇хаммаанам̣ бахийнад̇д̇аа б̣аалаад̇иби на вад̇д̇аб̣б̣аа бут̇уж̇ж̇анаа вияа. бхаж̇ияамаанаа бана жад̇усажжасамбадивзд̇хам̣ убаад̣̇ааяа бан̣д̣ид̇абагкам̣ бхаж̇анд̇и, на б̣аалабагкам̣ вуд̇д̇агааран̣знаад̇и.
Bālassa paṇḍitassa ca kāyassa nibbattiyā paccayabhūtā avijjā ca taṇhā ca. Tenāha ‘‘kammaṃ…pe… niruddhā’’ti. Javāpetvāti gahitajavanaṃ katvā, yathā paṭisandhiṃ ākaḍḍhituṃ samatthaṃ hoti, evaṃ katvā. Yadi niruddhā, kathaṃ appahīnāti vuttanti āha ‘‘yathā panā’’tiādi. Bhavati hi taṃsadisepi tabbohāro yathā ‘‘sā eva tittirī, tāneva osadhāni, tasseva kammassa vipākāvasesenā’’ti ca. Dukkhakkhayāyāti tadatthavisesanatthanti āha ‘‘khayatthāyā’’ti. Paṭisandhikāyanti paṭisandhigahaṇapubbakaṃ kāyaṃ. Pāḷiyaṃ ‘‘bālenā’’ti karaṇavacanaṃ nissakketi āha ‘‘bālato’’ti. Bhāvinā saha paṭisandhinā sappaṭisandhiko. Yo pana ekantato tenattabhāvena arahattaṃ pattuṃ bhabbo, so bhāvinā paṭisandhinā ‘‘appaṭisandhiko’’ti, tato visesanatthaṃ ‘‘sappaṭisandhiko’’ti vuttaṃ. Kiñcāpi vuttaṃ, so ca yāva ariyabhūmiṃ na okkamati, tāva bāladhammasamaṅgī evāti katvā ‘‘sabbopi puthujjano bālo’’ti vuttaṃ. Tathā hi ‘‘appaṭisandhiko khīṇāsavo paṇḍito’’ti khīṇāsava-saddena appaṭisandhiko visesito. Yadi evaṃ sekkhā kathanti āha ‘‘sotāpannā’’tiādi. Te hi sikhāpattapaṇḍiccabhāvalakkhaṇābhāvato paṇḍitāti na vattabbā khīṇāsavā viya, balavatarānaṃ pana bāladhammānaṃ pahīnattā bālātipi na vattabbā puthujjanā viya. Bhajiyamānā pana catusaccasampaṭivedhaṃ upādāya paṇḍitapakkhaṃ bhajanti, na bālapakkhaṃ vuttakāraṇenāti.
б̣аалабан̣д̣ид̇асуд̇д̇аван̣н̣анаа нидтид̇аа.
Bālapaṇḍitasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. б̣аалабан̣д̣ид̇асуд̇д̇ам̣ • 9. Bālapaṇḍitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. б̣аалабан̣д̣ид̇асуд̇д̇аван̣н̣анаа • 9. Bālapaṇḍitasuttavaṇṇanā
