| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
б̣алараасиван̣н̣анаа
Balarāsivaṇṇanā
сад̣̇д̇хааб̣алаад̣̇ийсуби сад̣̇д̇хаад̣̇ийни вуд̇д̇ад̇т̇аанзва. агамбияадтзна бана б̣аланд̇и взд̣̇ид̇аб̣б̣ам̣. звамзд̇зсу ассад̣̇д̇хияз на гамбад̇ийд̇и сад̣̇д̇хааб̣алам̣. госаж̇ж̇з на гамбад̇ийд̇и вийрияаб̣алам̣. мудтассажжз на гамбад̇ийд̇и сад̇иб̣алам̣. уд̣̇д̇хажжз на гамбад̇ийд̇и самаад̇хиб̣алам̣. авиж̇ж̇ааяа на гамбад̇ийд̇и бан̃н̃ааб̣алам̣. ахиригз на гамбад̇ийд̇и хириб̣алам̣ . анод̇д̇аббз на гамбад̇ийд̇и од̇д̇аббаб̣аланд̇и. аяам̣ убхаяабад̣̇авасзна ад̇т̇аван̣н̣анаа ход̇и.
Saddhābalādīsupi saddhādīni vuttatthāneva. Akampiyaṭṭhena pana balanti veditabbaṃ. Evametesu assaddhiye na kampatīti saddhābalaṃ. Kosajje na kampatīti vīriyabalaṃ. Muṭṭhassacce na kampatīti satibalaṃ. Uddhacce na kampatīti samādhibalaṃ. Avijjāya na kampatīti paññābalaṃ. Ahirike na kampatīti hiribalaṃ. Anottappe na kampatīti ottappabalanti. Ayaṃ ubhayapadavasena atthavaṇṇanā hoti.
д̇ад̇т̇а буримаани бан̃жа хздтаа лагкан̣аад̣̇ийхи багаасид̇аанзва. бажчимад̣̇ваяз гааяад̣̇ужжарид̇аад̣̇ийхи хирияад̇ийд̇и хирий; лаж̇ж̇ааязд̇ам̣ ад̇хиважанам̣. д̇зхи зва од̇д̇аббад̇ийд̇и од̇д̇аббам̣; баабад̇о уб̣б̣зг̇ассзд̇ам̣ ад̇хиважанам̣. д̇зсам̣ наанаагаран̣ад̣̇ийбанад̇т̇ам̣ ‘самудтаанам̣ ад̇хибад̇и лаж̇ж̇аа бхаяалагкан̣зна жаа’д̇и имам̣ маад̇игам̣ табзд̇ваа аяам̣ вид̇т̇аарагат̇аа вуд̇д̇аа.
Tattha purimāni pañca heṭṭhā lakkhaṇādīhi pakāsitāneva. Pacchimadvaye kāyaduccaritādīhi hiriyatīti hirī; lajjāyetaṃ adhivacanaṃ. Tehi eva ottappatīti ottappaṃ; pāpato ubbegassetaṃ adhivacanaṃ. Tesaṃ nānākaraṇadīpanatthaṃ ‘samuṭṭhānaṃ adhipati lajjā bhayalakkhaṇena cā’ti imaṃ mātikaṃ ṭhapetvā ayaṃ vitthārakathā vuttā.
аж̇жхад̇д̇асамудтаанаа хирий наама; б̣ахид̣̇д̇хаасамудтаанам̣ од̇д̇аббам̣ наама. ад̇д̇аад̇хибад̇и хирий наама; логаад̇хибад̇и од̇д̇аббам̣ наама. лаж̇ж̇аасабхаавасан̣тид̇аа хирий наама; бхаяасабхаавасан̣тид̇ам̣ од̇д̇аббам̣ наама. саббад̇иссавалагкан̣аа хирий наама; важ̇ж̇абхийругабхаяад̣̇ассаавилагкан̣ам̣ од̇д̇аббам̣ наама.
Ajjhattasamuṭṭhānā hirī nāma; bahiddhāsamuṭṭhānaṃ ottappaṃ nāma. Attādhipati hirī nāma; lokādhipati ottappaṃ nāma. Lajjāsabhāvasaṇṭhitā hirī nāma; bhayasabhāvasaṇṭhitaṃ ottappaṃ nāma. Sappatissavalakkhaṇā hirī nāma; vajjabhīrukabhayadassāvilakkhaṇaṃ ottappaṃ nāma.
д̇ад̇т̇а аж̇жхад̇д̇асамудтаанам̣ хирим̣ жад̇уухи гааран̣зхи самудтаабзд̇и – ж̇аад̇им̣ бажжавзгкид̇ваа, ваяам̣ бажжавзгкид̇ваа, суурабхаавам̣ бажжавзгкид̇ваа, б̣аахусажжам̣ бажжавзгкид̇ваа. гат̇ам̣? ‘баабагаран̣ам̣ наамзд̇ам̣ на ж̇аад̇исамбаннаанам̣ гаммам̣, хийнаж̇ажжаанам̣ гзваддаад̣̇ийнам̣ ид̣̇ам̣ гаммам̣. маад̣̇исасса ж̇аад̇исамбаннасса ид̣̇ам̣ гаммам̣ гаад̇ум̣ на яуд̇д̇а’нд̇и, звам̣ д̇аава ж̇аад̇им̣ бажжавзгкид̇ваа баан̣аад̇ибаад̇аад̣̇ибаабам̣ агаронд̇о хирим̣ самудтаабзд̇и. д̇ат̇аа ‘баабагаран̣ам̣ наамзд̇ам̣ д̣̇ахарзхи гад̇д̇аб̣б̣ам̣ гаммам̣, маад̣̇исасса ваяз тид̇асса ид̣̇ам̣ гаммам̣ гаад̇ум̣ на яуд̇д̇а’нд̇и, звам̣ ваяам̣ бажжавзгкид̇ваа баан̣аад̇ибаад̇аад̣̇ибаабам̣ агаронд̇о хирим̣ самудтаабзд̇и. д̇ат̇аа ‘баабагаммам̣ наамзд̇ам̣ д̣̇уб̣б̣алаж̇аад̇игаанам̣ гаммам̣, на суурабхааваанам̣. маад̣̇исасса суурабхаавасамбаннасса ид̣̇ам̣ гаммам̣ гаад̇ум̣ на яуд̇д̇а’нд̇и, звам̣ суурабхаавам̣ бажжавзгкид̇ваа баан̣аад̇ибаад̇аад̣̇ибаабам̣ агаронд̇о хирим̣ самудтаабзд̇и. д̇ат̇аа ‘баабагаммам̣ наамзд̇ам̣ анд̇хаб̣аалаанам̣ гаммам̣, на бан̣д̣ид̇аанам̣. маад̣̇исасса бан̣д̣ид̇асса б̣ахуссуд̇асса ид̣̇ам̣ гаммам̣ гаад̇ум̣ на яуд̇д̇а’нд̇и, звам̣ б̣аахусажжам̣ бажжавзгкид̇ваа баан̣аад̇ибаад̇аад̣̇ибаабам̣ агаронд̇о хирим̣ самудтаабзд̇и. звам̣ аж̇жхад̇д̇асамудтаанахирим̣ жад̇уухи гааран̣зхи самудтаабзд̇и. самудтаабзд̇ваа жа бана ад̇д̇ано жид̇д̇з хирим̣ бавзсзд̇ваа баабагаммам̣ на гарод̇и. звам̣ аж̇жхад̇д̇асамудтаанаа хирий наама ход̇и.
Tattha ajjhattasamuṭṭhānaṃ hiriṃ catūhi kāraṇehi samuṭṭhāpeti – jātiṃ paccavekkhitvā, vayaṃ paccavekkhitvā, sūrabhāvaṃ paccavekkhitvā, bāhusaccaṃ paccavekkhitvā. Kathaṃ? ‘Pāpakaraṇaṃ nāmetaṃ na jātisampannānaṃ kammaṃ, hīnajaccānaṃ kevaṭṭādīnaṃ idaṃ kammaṃ. Mādisassa jātisampannassa idaṃ kammaṃ kātuṃ na yutta’nti, evaṃ tāva jātiṃ paccavekkhitvā pāṇātipātādipāpaṃ akaronto hiriṃ samuṭṭhāpeti. Tathā ‘pāpakaraṇaṃ nāmetaṃ daharehi kattabbaṃ kammaṃ, mādisassa vaye ṭhitassa idaṃ kammaṃ kātuṃ na yutta’nti, evaṃ vayaṃ paccavekkhitvā pāṇātipātādipāpaṃ akaronto hiriṃ samuṭṭhāpeti. Tathā ‘pāpakammaṃ nāmetaṃ dubbalajātikānaṃ kammaṃ, na sūrabhāvānaṃ. Mādisassa sūrabhāvasampannassa idaṃ kammaṃ kātuṃ na yutta’nti, evaṃ sūrabhāvaṃ paccavekkhitvā pāṇātipātādipāpaṃ akaronto hiriṃ samuṭṭhāpeti. Tathā ‘pāpakammaṃ nāmetaṃ andhabālānaṃ kammaṃ, na paṇḍitānaṃ. Mādisassa paṇḍitassa bahussutassa idaṃ kammaṃ kātuṃ na yutta’nti, evaṃ bāhusaccaṃ paccavekkhitvā pāṇātipātādipāpaṃ akaronto hiriṃ samuṭṭhāpeti. Evaṃ ajjhattasamuṭṭhānahiriṃ catūhi kāraṇehi samuṭṭhāpeti. Samuṭṭhāpetvā ca pana attano citte hiriṃ pavesetvā pāpakammaṃ na karoti. Evaṃ ajjhattasamuṭṭhānā hirī nāma hoti.
гат̇ам̣ б̣ахид̣̇д̇хаасамудтаанам̣ од̇д̇аббам̣ наама? сажз д̇вам̣ баабагаммам̣ гариссаси жад̇уусу барисаасу г̇арахаббад̇д̇о бхависсаси.
Kathaṃ bahiddhāsamuṭṭhānaṃ ottappaṃ nāma? Sace tvaṃ pāpakammaṃ karissasi catūsu parisāsu garahappatto bhavissasi.
г̇арахиссанд̇и д̇ам̣ вин̃н̃уу, асужим̣ нааг̇ариго яат̇аа;
Garahissanti taṃ viññū, asuciṃ nāgariko yathā;
важ̇ж̇ид̇о сийлаванд̇зхи, гат̇ам̣ бхигку гариссасийд̇и.
Vajjito sīlavantehi, kathaṃ bhikkhu karissasīti.
звам̣ бажжавзгканд̇о хи б̣ахид̣̇д̇хаасамудтид̇зна од̇д̇аббзна баабагаммам̣ на гарод̇и. звам̣ б̣ахид̣̇д̇хаасамудтаанам̣ од̇д̇аббам̣ наама ход̇и.
Evaṃ paccavekkhanto hi bahiddhāsamuṭṭhitena ottappena pāpakammaṃ na karoti. Evaṃ bahiddhāsamuṭṭhānaṃ ottappaṃ nāma hoti.
гат̇ам̣ ад̇д̇аад̇хибад̇и хирий наама? ид̇хзгажжо гулабуд̇д̇о ад̇д̇аанам̣ ад̇хибад̇им̣ ж̇здтагам̣ гад̇ваа ‘маад̣̇исасса сад̣̇д̇хаабаб̣б̣аж̇ид̇асса б̣ахуссуд̇асса д̇худ̇ан̇г̇ад̇харасса на яуд̇д̇ам̣ баабагаммам̣ гаад̇у’нд̇и баабам̣ на гарод̇и. звам̣ ад̇д̇аад̇хибад̇и хирий наама ход̇и. д̇знааха бхаг̇аваа – ‘‘со ад̇д̇аанам̣язва ад̇хибад̇им̣ ж̇здтагам̣ гарид̇ваа агусалам̣ баж̇ахад̇и гусалам̣ бхаавзд̇и, сааваж̇ж̇ам̣ баж̇ахад̇и анаваж̇ж̇ам̣ бхаавзд̇и, суд̣̇д̇хамад̇д̇аанам̣ барихарад̇ий’’д̇и (а. ни. 3.40).
Kathaṃ attādhipati hirī nāma? Idhekacco kulaputto attānaṃ adhipatiṃ jeṭṭhakaṃ katvā ‘mādisassa saddhāpabbajitassa bahussutassa dhutaṅgadharassa na yuttaṃ pāpakammaṃ kātu’nti pāpaṃ na karoti. Evaṃ attādhipati hirī nāma hoti. Tenāha bhagavā – ‘‘so attānaṃyeva adhipatiṃ jeṭṭhakaṃ karitvā akusalaṃ pajahati kusalaṃ bhāveti, sāvajjaṃ pajahati anavajjaṃ bhāveti, suddhamattānaṃ pariharatī’’ti (a. ni. 3.40).
гат̇ам̣ логаад̇хибад̇и од̇д̇аббам̣ наама? ид̇хзгажжо гулабуд̇д̇о логам̣ ад̇хибад̇им̣ ж̇здтагам̣ гад̇ваа баабагаммам̣ на гарод̇и. яат̇ааха – ‘‘махаа ко банааяам̣ логасанниваасо. маханд̇асмим̣ ко бана логасанниваасз санд̇и саман̣аб̣раахман̣аа ид̣̇д̇химанд̇о д̣̇иб̣б̣ажагкугаа баражид̇д̇авид̣̇уно, д̇з д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ баж̇аананд̇и, д̇збимам̣ звам̣ ж̇ааниссанд̇и ‘бассат̇а бхо имам̣ гулабуд̇д̇ам̣, сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и. санд̇и д̣̇звад̇аа ид̣̇д̇химанд̇инияо д̣̇иб̣б̣ажагкугаа баражид̇д̇авид̣̇унияо. д̇аа д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ баж̇аананд̇и, д̇ааби мам̣ ж̇ааниссанд̇и ‘бассат̇а бхо имам̣ гулабуд̇д̇ам̣, сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и… со логам̣язва ад̇хибад̇им̣ ж̇здтагам̣ гад̇ваа агусалам̣ баж̇ахад̇и гусалам̣ бхаавзд̇и, сааваж̇ж̇ам̣ баж̇ахад̇и анаваж̇ж̇ам̣ бхаавзд̇и, суд̣̇д̇хамад̇д̇аанам̣ барихарад̇ий’’д̇и (а. ни. 3.146). звам̣ логаад̇хибад̇и од̇д̇аббам̣ наама ход̇и.
Kathaṃ lokādhipati ottappaṃ nāma? Idhekacco kulaputto lokaṃ adhipatiṃ jeṭṭhakaṃ katvā pāpakammaṃ na karoti. Yathāha – ‘‘mahā kho panāyaṃ lokasannivāso. Mahantasmiṃ kho pana lokasannivāse santi samaṇabrāhmaṇā iddhimanto dibbacakkhukā paracittaviduno, te dūratopi passanti, āsannāpi na dissanti, cetasāpi cittaṃ pajānanti, tepimaṃ evaṃ jānissanti ‘passatha bho imaṃ kulaputtaṃ, saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti. Santi devatā iddhimantiniyo dibbacakkhukā paracittaviduniyo. Tā dūratopi passanti, āsannāpi na dissanti, cetasāpi cittaṃ pajānanti, tāpi maṃ jānissanti ‘passatha bho imaṃ kulaputtaṃ, saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti… so lokaṃyeva adhipatiṃ jeṭṭhakaṃ katvā akusalaṃ pajahati kusalaṃ bhāveti, sāvajjaṃ pajahati anavajjaṃ bhāveti, suddhamattānaṃ pariharatī’’ti (a. ni. 3.146). Evaṃ lokādhipati ottappaṃ nāma hoti.
лаж̇ж̇аасабхаавасан̣тид̇аа хирий, бхаяасабхаавасан̣тид̇ам̣ од̇д̇аббанд̇и. зд̇т̇а бана лаж̇ж̇аад̇и лаж̇ж̇анаагааро; д̇зна сабхаавзна сан̣тид̇аа хирий. бхаяанд̇и абааяабхаяам̣; д̇зна сабхаавзна сан̣тид̇ам̣ од̇д̇аббам̣. д̇ад̣̇убхаяамби баабабариваж̇ж̇анз баагадам̣ ход̇и. згажжо хи, яат̇аа наама зго гулабуд̇д̇о ужжаарабассааваад̣̇ийни гаронд̇о лаж̇ж̇ид̇аб̣б̣аяуд̇д̇агам̣ згам̣ д̣̇исваа лаж̇ж̇анаагаараббад̇д̇о бхавзяяа хийл̣ид̇о, звамзва аж̇жхад̇д̇ам̣ лаж̇ж̇ид̇хаммам̣ оггамид̇ваа баабагаммам̣ на гарод̇и. згажжо абааяабхаяабхийд̇о худ̇ваа баабагаммам̣ на гарод̇и.
Lajjāsabhāvasaṇṭhitā hirī, bhayasabhāvasaṇṭhitaṃ ottappanti. Ettha pana lajjāti lajjanākāro; tena sabhāvena saṇṭhitā hirī. Bhayanti apāyabhayaṃ; tena sabhāvena saṇṭhitaṃ ottappaṃ. Tadubhayampi pāpaparivajjane pākaṭaṃ hoti. Ekacco hi, yathā nāma eko kulaputto uccārapassāvādīni karonto lajjitabbayuttakaṃ ekaṃ disvā lajjanākārappatto bhaveyya hīḷito, evameva ajjhattaṃ lajjidhammaṃ okkamitvā pāpakammaṃ na karoti. Ekacco apāyabhayabhīto hutvā pāpakammaṃ na karoti.
д̇ад̇рид̣̇ам̣ обаммам̣ – яат̇аа хи д̣̇вийсу аяог̇ул̣зсу зго сийд̇ало бхавзяяа г̇уут̇амагкид̇о, зго ун̣хо аад̣̇ид̇д̇о. д̇ад̇т̇а бан̣д̣ид̇о сийд̇алам̣ г̇уут̇амагкид̇ад̇д̇аа ж̇иг̇ужчанд̇о на г̇ан̣хаад̇и, ид̇арам̣ д̣аахабхаязна. д̇ад̇т̇а сийд̇аласса г̇уут̇амагканаж̇иг̇ужчааяа аг̇ан̣ханам̣ вияа аж̇жхад̇д̇ам̣ лаж̇ж̇ид̇хаммам̣ оггамид̇ваа баабасса агаран̣ам̣. ун̣хасса д̣аахабхаязна аг̇ан̣ханам̣ вияа абааяабхаязна баабасса агаран̣ам̣ взд̣̇ид̇аб̣б̣ам̣.
Tatridaṃ opammaṃ – yathā hi dvīsu ayoguḷesu eko sītalo bhaveyya gūthamakkhito, eko uṇho āditto. Tattha paṇḍito sītalaṃ gūthamakkhitattā jigucchanto na gaṇhāti, itaraṃ ḍāhabhayena. Tattha sītalassa gūthamakkhanajigucchāya agaṇhanaṃ viya ajjhattaṃ lajjidhammaṃ okkamitvā pāpassa akaraṇaṃ. Uṇhassa ḍāhabhayena agaṇhanaṃ viya apāyabhayena pāpassa akaraṇaṃ veditabbaṃ.
саббад̇иссавалагкан̣аа хирий, важ̇ж̇абхийругабхаяад̣̇ассаавилагкан̣ам̣ од̇д̇аббанд̇и. ид̣̇амби д̣̇ваяам̣ баабабариваж̇ж̇анз зва баагадам̣ ход̇и. згажжо хи ж̇аад̇имахад̇д̇абажжавзгкан̣аа сад̇т̇умахад̇д̇абажжавзгкан̣аа д̣̇ааяаж̇ж̇амахад̇д̇абажжавзгкан̣аа саб̣рахмажаариймахад̇д̇абажжавзгкан̣аад̇и жад̇уухи гааран̣зхи саббад̇иссавалагкан̣ам̣ хирим̣ самудтаабзд̇ваа баабам̣ на гарод̇и. згажжо ад̇д̇аануваад̣̇абхаяам̣ бараануваад̣̇абхаяам̣ д̣̇ан̣д̣абхаяам̣ д̣̇уг̇г̇ад̇ибхаяанд̇и жад̇уухи гааран̣зхи важ̇ж̇абхийругабхаяад̣̇ассаавилагкан̣ам̣ од̇д̇аббам̣ самудтаабзд̇ваа баабам̣ на гарод̇и. д̇ад̇т̇а ж̇аад̇имахад̇д̇абажжавзгкан̣аад̣̇ийни жзва ад̇д̇аануваад̣̇абхаяаад̣̇ийни жа вид̇т̇аарзд̇ваа гат̇зд̇аб̣б̣аани.
Sappatissavalakkhaṇā hirī, vajjabhīrukabhayadassāvilakkhaṇaṃ ottappanti. Idampi dvayaṃ pāpaparivajjane eva pākaṭaṃ hoti. Ekacco hi jātimahattapaccavekkhaṇā satthumahattapaccavekkhaṇā dāyajjamahattapaccavekkhaṇā sabrahmacārīmahattapaccavekkhaṇāti catūhi kāraṇehi sappatissavalakkhaṇaṃ hiriṃ samuṭṭhāpetvā pāpaṃ na karoti. Ekacco attānuvādabhayaṃ parānuvādabhayaṃ daṇḍabhayaṃ duggatibhayanti catūhi kāraṇehi vajjabhīrukabhayadassāvilakkhaṇaṃ ottappaṃ samuṭṭhāpetvā pāpaṃ na karoti. Tattha jātimahattapaccavekkhaṇādīni ceva attānuvādabhayādīni ca vitthāretvā kathetabbāni.
