| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
(10) 5. பா³லவக்³க³வண்ணனா
(10) 5. Bālavaggavaṇṇanā
99. பஞ்சமஸ்ஸ பட²மே அனாக³தங் பா⁴ரங் வஹதீதி ‘‘ஸம்மஜ்ஜனீ பதீ³போ ச, உத³கங் ஆஸனேன ச, ச²ந்த³பாரிஸுத்³தி⁴உதுக்கா²னங், பி⁴க்கு²க³ணனா ச ஓவாதோ³, பாதிமொக்க²ங் தே²ரபா⁴ரோதி வுச்சதீ’’தி இமங் த³ஸவித⁴ங் தே²ரபா⁴ரங் நவகோ ஹுத்வா தே²ரேன அனஜ்ஜி²ட்டோ² கரொந்தோ அனாக³தங் பா⁴ரங் வஹதி நாம. ஆக³தங் பா⁴ரங் ந வஹதீதி தே²ரோ ஸமானோ தமேவ த³ஸவித⁴ங் பா⁴ரங் அத்தனா வா அகரொந்தோ பரங் வா அஸமாத³பெந்தோ ஆக³தங் பா⁴ரங் ந வஹதி நாம. து³தியஸுத்தேபி இமினாவ நயேன அத்தோ² வேதி³தப்³போ³.
99. Pañcamassa paṭhame anāgataṃ bhāraṃ vahatīti ‘‘sammajjanī padīpo ca, udakaṃ āsanena ca, chandapārisuddhiutukkhānaṃ, bhikkhugaṇanā ca ovādo, pātimokkhaṃ therabhāroti vuccatī’’ti imaṃ dasavidhaṃ therabhāraṃ navako hutvā therena anajjhiṭṭho karonto anāgataṃ bhāraṃ vahati nāma. Āgataṃ bhāraṃ na vahatīti thero samāno tameva dasavidhaṃ bhāraṃ attanā vā akaronto paraṃ vā asamādapento āgataṃ bhāraṃ na vahati nāma. Dutiyasuttepi imināva nayena attho veditabbo.
101. ததியே அகப்பியே கப்பியஸஞ்ஞீதி அகப்பியே ஸீஹமங்ஸாதி³ம்ஹி ‘‘கப்பியங் இத³’’ந்தி ஏவங்ஸஞ்ஞீ. கப்பியே அகப்பியஸஞ்ஞீதி கும்பீ⁴லமங்ஸபி³ளாரமங்ஸாதி³ம்ஹி கப்பியே ‘‘அகப்பியங் இத³’’ந்தி ஏவங்ஸஞ்ஞீ. சதுத்த²ங் வுத்தனயேனேவ வேதி³தப்³ப³ங்.
101. Tatiye akappiye kappiyasaññīti akappiye sīhamaṃsādimhi ‘‘kappiyaṃ ida’’nti evaṃsaññī. Kappiye akappiyasaññīti kumbhīlamaṃsabiḷāramaṃsādimhi kappiye ‘‘akappiyaṃ ida’’nti evaṃsaññī. Catutthaṃ vuttanayeneva veditabbaṃ.
103. பஞ்சமே அனாபத்தியா ஆபத்திஸஞ்ஞீதி ஆபுச்சி²த்வா ப⁴ண்ட³கங் தோ⁴வந்தஸ்ஸ, பத்தங் பசந்தஸ்ஸ, கேஸே சி²ந்த³ந்தஸ்ஸ, கா³மங் பவிஸந்தஸ்ஸாதிஆதீ³ஸு அனாபத்தி, தத்த² ‘‘ஆபத்தி அய’’ந்தி ஏவங்ஸஞ்ஞீ. ஆபத்தியா அனாபத்திஸஞ்ஞீதி தேஸஞ்ஞேவ வத்தூ²னங் அனாபுச்சா²கரணே ஆபத்தி, தத்த² ‘‘அனாபத்தீ’’தி ஏவங்ஸஞ்ஞீ. ச²ட்டே²பி வுத்தனயேனேவ அத்தோ² வேதி³தப்³போ³. ஸத்தமாதீ³னி உத்தானத்தா²னேவ.
103. Pañcame anāpattiyā āpattisaññīti āpucchitvā bhaṇḍakaṃ dhovantassa, pattaṃ pacantassa, kese chindantassa, gāmaṃ pavisantassātiādīsu anāpatti, tattha ‘‘āpatti aya’’nti evaṃsaññī. Āpattiyā anāpattisaññīti tesaññeva vatthūnaṃ anāpucchākaraṇe āpatti, tattha ‘‘anāpattī’’ti evaṃsaññī. Chaṭṭhepi vuttanayeneva attho veditabbo. Sattamādīni uttānatthāneva.
109. ஏகாத³ஸமே ஆஸவாதி கிலேஸா. ந குக்குச்சாயிதப்³ப³ந்தி ஸங்க⁴போ⁴க³ஸ்ஸ அபட்ட²பனங் அவிசாரணங் ந குக்குச்சாயிதப்³ப³ங் நாம, தங் குக்குச்சாயதி. குக்குச்சாயிதப்³ப³ந்தி தஸ்ஸேவ பட்ட²பனங் விசாரணங், தங் ந குக்குச்சாயதி. த்³வாத³ஸமாதீ³னி ஹெட்டா² வுத்தனயேனேவ வேதி³தப்³பா³னீதி.
109. Ekādasame āsavāti kilesā. Na kukkuccāyitabbanti saṅghabhogassa apaṭṭhapanaṃ avicāraṇaṃ na kukkuccāyitabbaṃ nāma, taṃ kukkuccāyati. Kukkuccāyitabbanti tasseva paṭṭhapanaṃ vicāraṇaṃ, taṃ na kukkuccāyati. Dvādasamādīni heṭṭhā vuttanayeneva veditabbānīti.
பா³லவக்³கோ³ பஞ்சமோ.
Bālavaggo pañcamo.
து³தியபண்ணாஸகங் நிட்டி²தங்.
Dutiyapaṇṇāsakaṃ niṭṭhitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / (10) 5. பா³லவக்³கோ³ • (10) 5. Bālavaggo
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / (10) 5. பா³லவக்³க³வண்ணனா • (10) 5. Bālavaggavaṇṇanā
