| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. б̣аалаваг̇г̇аван̣н̣анаа
3. Bālavaggavaṇṇanā
22. д̇ад̇ияасса батамз ажжаяам̣ ажжаяад̇о на бассад̇ийд̇и ‘‘абараж̇жхид̇ваа абарад̣̇д̇хам̣ маяаа’’д̇и ад̇д̇ано абараад̇хам̣ на бассад̇и, абарад̣̇д̇хам̣ маяаад̇и вад̇ваа д̣̇ан̣д̣агаммам̣ аахарид̇ваа на камаабзд̇ийд̇и ад̇т̇о. ажжаяам̣ д̣̇зсзнд̇ассаад̇и звам̣ вад̇ваа д̣̇ан̣д̣агаммам̣ аахарид̇ваа камаабзнд̇асса. яат̇аад̇хаммам̣ наббадиг̇г̇ан̣хаад̇ийд̇и ‘‘буна звам̣ на гариссаами, камат̇а мз’’д̇и вужжамаано ажжаяам̣ имам̣ яат̇аад̇хаммам̣ яат̇аасабхаавам̣ на бадиг̇г̇ан̣хаад̇и. ‘‘ид̇о бадтааяа буна зваруубам̣ маа агааси, камаами д̇уяха’’нд̇и на вад̣̇ад̇и. суггабагко вуд̇д̇абадибагканаязнзва взд̣̇ид̇аб̣б̣о.
22. Tatiyassa paṭhame accayaṃ accayato na passatīti ‘‘aparajjhitvā aparaddhaṃ mayā’’ti attano aparādhaṃ na passati, aparaddhaṃ mayāti vatvā daṇḍakammaṃ āharitvā na khamāpetīti attho. Accayaṃ desentassāti evaṃ vatvā daṇḍakammaṃ āharitvā khamāpentassa. Yathādhammaṃ nappaṭiggaṇhātīti ‘‘puna evaṃ na karissāmi, khamatha me’’ti vuccamāno accayaṃ imaṃ yathādhammaṃ yathāsabhāvaṃ na paṭiggaṇhāti. ‘‘Ito paṭṭhāya puna evarūpaṃ mā akāsi, khamāmi tuyha’’nti na vadati. Sukkapakkho vuttapaṭipakkhanayeneva veditabbo.
23. д̣̇уд̇ияз аб̣бхаажигканд̇ийд̇и абхибхавид̇ваа аажигканд̇и, абхууд̇зна вад̣̇анд̇и. д̣̇осанд̇арод̇и анд̇арз бад̇ид̇ад̣̇осо. зваруубо хи ‘‘над̇т̇и саман̣асса г̇од̇амасса уд̇д̇аримануссад̇хаммо’’д̇иаад̣̇ийни вад̣̇анд̇о сунагкад̇д̇о вияа д̇ат̇ааг̇ад̇ам̣ аб̣бхаажигкад̇и. сад̣̇д̇хо ваа д̣̇уг̇г̇ахид̇знаад̇и яо хи н̃аан̣авирахид̇ааяа сад̣̇д̇хааяа ад̇исад̣̇д̇хо ход̇и муд̣̇д̇хаббасанно, соби ‘‘б̣уд̣̇д̇хо наама саб̣б̣алогуд̇д̇аро, саб̣б̣з д̇асса гзсаад̣̇аяо б̣аад̇д̇им̣са годтаасаа логуд̇д̇арааязваа’’д̇иаад̣̇инаа наязна д̣̇уг̇г̇ахид̇ам̣ г̇ан̣хид̇ваа д̇ат̇ааг̇ад̇ам̣ аб̣бхаажигкад̇и. д̇ад̇ияам̣ уд̇д̇аанад̇т̇амзваад̇и.
23. Dutiye abbhācikkhantīti abhibhavitvā ācikkhanti, abhūtena vadanti. Dosantaroti antare patitadoso. Evarūpo hi ‘‘natthi samaṇassa gotamassa uttarimanussadhammo’’tiādīni vadanto sunakkhatto viya tathāgataṃ abbhācikkhati. Saddhovā duggahitenāti yo hi ñāṇavirahitāya saddhāya atisaddho hoti muddhappasanno, sopi ‘‘buddho nāma sabbalokuttaro, sabbe tassa kesādayo bāttiṃsa koṭṭhāsā lokuttarāyevā’’tiādinā nayena duggahitaṃ gaṇhitvā tathāgataṃ abbhācikkhati. Tatiyaṃ uttānatthamevāti.
25. жад̇уд̇т̇з нзяяад̇т̇ам̣ суд̇д̇анд̇анд̇и яасса ад̇т̇о нзд̇аб̣б̣о, д̇ам̣ нзд̇аб̣б̣ад̇т̇ам̣ суд̇д̇анд̇ам̣. нийд̇ад̇т̇о суд̇д̇анд̇од̇и д̣̇ийбзд̇ийд̇и гат̇ид̇ад̇т̇о аяам̣ суд̇д̇анд̇од̇и вад̣̇ад̇и. д̇ад̇т̇а ‘‘згабуг̇г̇ало, бхигкавз, д̣̇взмз, бхигкавз, буг̇г̇алаа, д̇аяомз, бхигкавз, буг̇г̇алаа, жад̇д̇ааромз, бхигкавз, буг̇г̇алаа’’д̇и зваруубо суд̇д̇анд̇о нзяяад̇т̇о наама. зд̇т̇а хи гин̃жааби саммаасамб̣уд̣̇д̇хзна ‘‘згабуг̇г̇ало, бхигкавз’’д̇иаад̣̇и вуд̇д̇ам̣, барамад̇т̇ад̇о бана буг̇г̇ало наама над̇т̇ийд̇и звамасса ад̇т̇о нзд̇аб̣б̣ова ход̇и. аяам̣ бана ад̇д̇ано б̣аалад̇ааяа нийд̇ад̇т̇о аяам̣ суд̇д̇анд̇од̇и д̣̇ийбзд̇и. барамад̇т̇ад̇о хи буг̇г̇алз асад̇и на д̇ат̇ааг̇ад̇о ‘‘згабуг̇г̇ало, бхигкавз’’д̇иаад̣̇ийни вад̣̇зяяа. яасмаа бана д̇зна вуд̇д̇ам̣, д̇асмаа барамад̇т̇ад̇о ад̇т̇и буг̇г̇алод̇и г̇ан̣ханд̇о д̇ам̣ нзяяад̇т̇ам̣ суд̇д̇анд̇ам̣ нийд̇ад̇т̇о суд̇д̇анд̇од̇и д̣̇ийбзд̇и. нийд̇ад̇т̇анд̇и анижжам̣ д̣̇угкам̣ анад̇д̇аад̇и звам̣ гат̇ид̇ад̇т̇ам̣. зд̇т̇а хи анижжамзва д̣̇угкамзва анад̇д̇ааязваад̇и ад̇т̇о. аяам̣ бана ад̇д̇ано б̣аалад̇ааяа ‘‘нзяяад̇т̇о аяам̣ суд̇д̇анд̇о, ад̇т̇амасса аахариссаамий’’д̇и ‘‘нижжам̣ наама ад̇т̇и, сукам̣ наама ад̇т̇и, ад̇д̇аа наама ад̇т̇ий’’д̇и г̇ан̣ханд̇о нийд̇ад̇т̇ам̣ суд̇д̇анд̇ам̣ нзяяад̇т̇о суд̇д̇анд̇од̇и д̣̇ийбзд̇и наама. бан̃жамам̣ уд̇д̇аанад̇т̇амзваад̇и.
25. Catutthe neyyatthaṃ suttantanti yassa attho netabbo, taṃ netabbatthaṃ suttantaṃ. Nītattho suttantoti dīpetīti kathitattho ayaṃ suttantoti vadati. Tattha ‘‘ekapuggalo, bhikkhave, dveme, bhikkhave, puggalā, tayome, bhikkhave, puggalā, cattārome, bhikkhave, puggalā’’ti evarūpo suttanto neyyattho nāma. Ettha hi kiñcāpi sammāsambuddhena ‘‘ekapuggalo, bhikkhave’’tiādi vuttaṃ, paramatthato pana puggalo nāma natthīti evamassa attho netabbova hoti. Ayaṃ pana attano bālatāya nītattho ayaṃ suttantoti dīpeti. Paramatthato hi puggale asati na tathāgato ‘‘ekapuggalo, bhikkhave’’tiādīni vadeyya. Yasmā pana tena vuttaṃ, tasmā paramatthato atthi puggaloti gaṇhanto taṃ neyyatthaṃ suttantaṃ nītattho suttantoti dīpeti. Nītatthanti aniccaṃ dukkhaṃ anattāti evaṃ kathitatthaṃ. Ettha hi aniccameva dukkhameva anattāyevāti attho. Ayaṃ pana attano bālatāya ‘‘neyyattho ayaṃ suttanto, atthamassa āharissāmī’’ti ‘‘niccaṃ nāma atthi, sukhaṃ nāma atthi, attā nāma atthī’’ti gaṇhanto nītatthaṃ suttantaṃ neyyattho suttantoti dīpeti nāma. Pañcamaṃ uttānatthamevāti.
27. чадтз бадижчаннагамманд̇ассаад̇и баабагаммасса. баабам̣ хи бадижчаад̣̇зд̇ваа гаронд̇и. но жзби бадижчаад̣̇зд̇ваа гаронд̇и, баабагаммам̣ бадижчаннамзваад̇и вужжад̇и. нираяод̇и сахогаасагаа канд̇хаа. д̇иражчаанаяонияам̣ канд̇хаава лаб̣бханд̇и. сад̇д̇амадтамаани уд̇д̇аанад̇т̇аанзва.
27. Chaṭṭhe paṭicchannakammantassāti pāpakammassa. Pāpaṃ hi paṭicchādetvā karonti. No cepi paṭicchādetvā karonti, pāpakammaṃ paṭicchannamevāti vuccati. Nirayoti sahokāsakā khandhā. Tiracchānayoniyaṃ khandhāva labbhanti. Sattamaṭṭhamāni uttānatthāneva.
30. навамз бадиг̇г̇аахаад̇и бадиг̇г̇аахагаа, д̣̇уссийлам̣ буг̇г̇алам̣ д̣̇вз таанаани бадиг̇г̇ан̣ханд̇ийд̇и ад̇т̇о.
30. Navame paṭiggāhāti paṭiggāhakā, dussīlaṃ puggalaṃ dve ṭhānāni paṭiggaṇhantīti attho.
31. д̣̇асамз ад̇т̇авасзд̇и гааран̣аани. аран̃н̃аванабад̇т̇аанийд̇и аран̃н̃аани жа ванабад̇т̇аани жа. д̇ад̇т̇а гин̃жааби абхид̇хаммз ниббарияааязна ‘‘нигкамид̇ваа б̣ахи инд̣̇акийлаа, саб̣б̣амзд̇ам̣ аран̃н̃а’’нд̇и (вибха. 529) вуд̇д̇ам̣, д̇ат̇ааби яам̣ д̇ам̣ ‘‘бан̃жад̇ханусад̇игам̣ бажчима’’нд̇и (баараа. 654) ааран̃н̃аган̇г̇анибпаад̣̇агам̣ сзнаасанам̣ вуд̇д̇ам̣, д̇ад̣̇зва ад̇хиббзд̇анд̇и взд̣̇ид̇аб̣б̣ам̣. ванабад̇т̇анд̇и г̇ааманд̇ам̣ ад̇иггамид̇ваа мануссаанам̣ анубажаарадтаанам̣, яад̇т̇а на гасийяад̇и на вабийяад̇и. банд̇аанийд̇и барияанд̇аани ад̇ид̣̇уураани, д̣̇идтад̇хаммасукавихааранд̇и логияалогуд̇д̇арам̣ паасувихаарам̣. бажчиман̃жа ж̇анад̇ам̣ анугамбамаанод̇и бажчимз мама саавагз анугамбанд̇о.
31. Dasame atthavaseti kāraṇāni. Araññavanapatthānīti araññāni ca vanapatthāni ca. Tattha kiñcāpi abhidhamme nippariyāyena ‘‘nikkhamitvā bahi indakhīlā, sabbametaṃ arañña’’nti (vibha. 529) vuttaṃ, tathāpi yaṃ taṃ ‘‘pañcadhanusatikaṃ pacchima’’nti (pārā. 654) āraññakaṅganipphādakaṃ senāsanaṃ vuttaṃ, tadeva adhippetanti veditabbaṃ. Vanapatthanti gāmantaṃ atikkamitvā manussānaṃ anupacāraṭṭhānaṃ, yattha na kasīyati na vapīyati. Pantānīti pariyantāni atidūrāni, diṭṭhadhammasukhavihāranti lokiyalokuttaraṃ phāsuvihāraṃ. Pacchimañca janataṃ anukampamānoti pacchime mama sāvake anukampanto.
32. згаад̣̇асамз виж̇ж̇аабхааг̇ияаад̇и виж̇ж̇аагодтаасигаа. самат̇од̇и жид̇д̇згаг̇г̇ад̇аа. вибассанаад̇и сан̇каарабариг̇г̇аахаган̃аан̣ам̣. гамад̇т̇аманубход̇ийд̇и гад̇амам̣ ад̇т̇ам̣ аараад̇хзд̇и самбаад̣̇зд̇и барибуурзд̇и. жид̇д̇ам̣ бхаавийяад̇ийд̇и маг̇г̇ажид̇д̇ам̣ бхаавийяад̇и б̣руухийяад̇и вад̣дхийяад̇и. яо рааг̇о, со бахийяад̇ийд̇и яо раж̇ж̇анагавасзна рааг̇о, со бахийяад̇и. рааг̇о хи маг̇г̇ажид̇д̇асса бажжанийго, маг̇г̇ажид̇д̇ам̣ рааг̇асса жа. рааг̇агкан̣з маг̇г̇ажид̇д̇ам̣ над̇т̇и, маг̇г̇ажид̇д̇агкан̣з рааг̇о над̇т̇и. яад̣̇аа бана рааг̇о уббаж̇ж̇ад̇и, д̇ад̣̇аа маг̇г̇ажид̇д̇асса уббад̇д̇им̣ ниваарзд̇и, бад̣̇ам̣ бажчинд̣̇ад̇и. яад̣̇аа бана маг̇г̇ажид̇д̇ам̣ уббаж̇ж̇ад̇и, д̇ад̣̇аа рааг̇ам̣ самуулагам̣ уб̣б̣аддзд̇ваа самуг̇гхаад̇знд̇амзва уббаж̇ж̇ад̇и. д̇зна вуд̇д̇ам̣ – ‘‘рааг̇о бахийяад̇ий’’д̇и.
32. Ekādasame vijjābhāgiyāti vijjākoṭṭhāsikā. Samathoti cittekaggatā. Vipassanāti saṅkhārapariggāhakañāṇaṃ. Kamatthamanubhotīti katamaṃ atthaṃ ārādheti sampādeti paripūreti. Cittaṃ bhāvīyatīti maggacittaṃ bhāvīyati brūhīyati vaḍḍhīyati. Yo rāgo, so pahīyatīti yo rajjanakavasena rāgo, so pahīyati. Rāgo hi maggacittassa paccanīko, maggacittaṃ rāgassa ca. Rāgakkhaṇe maggacittaṃ natthi, maggacittakkhaṇe rāgo natthi. Yadā pana rāgo uppajjati, tadā maggacittassa uppattiṃ nivāreti, padaṃ pacchindati. Yadā pana maggacittaṃ uppajjati, tadā rāgaṃ samūlakaṃ ubbaṭṭetvā samugghātentameva uppajjati. Tena vuttaṃ – ‘‘rāgo pahīyatī’’ti.
вибассанаа, бхигкавз, бхаавид̇аад̇и вибассанаан̃аан̣ам̣ б̣руухид̇ам̣ вад̣дхид̇ам̣. бан̃н̃аа бхаавийяад̇ийд̇и маг̇г̇абан̃н̃аа бхаавийяад̇и б̣руухийяад̇и вад̣дхийяад̇и. яаа авиж̇ж̇аа, саа бахийяад̇ийд̇и адтасу таанзсу ваддамуулигаа махааавиж̇ж̇аа бахийяад̇и. авиж̇ж̇аа хи маг̇г̇абан̃н̃ааяа бажжанийгаа, маг̇г̇абан̃н̃аа авиж̇ж̇ааяа. авиж̇ж̇аагкан̣з маг̇г̇абан̃н̃аа над̇т̇и , маг̇г̇абан̃н̃аагкан̣з авиж̇ж̇аа над̇т̇и. яад̣̇аа бана авиж̇ж̇аа уббаж̇ж̇ад̇и, д̇ад̣̇аа маг̇г̇абан̃н̃ааяа уббад̇д̇им̣ ниваарзд̇и, бад̣̇ам̣ бажчинд̣̇ад̇и. яад̣̇аа маг̇г̇абан̃н̃аа уббаж̇ж̇ад̇и, д̇ад̣̇аа авиж̇ж̇ам̣ самуулигам̣ уб̣б̣аддзд̇ваа самуг̇гхаад̇аяамаанаава уббаж̇ж̇ад̇и. д̇зна вуд̇д̇ам̣ – ‘‘авиж̇ж̇аа бахийяад̇ий’’д̇и. ид̇и маг̇г̇ажид̇д̇ам̣ маг̇г̇абан̃н̃аад̇и д̣̇взби сахаж̇аад̇ад̇хаммаава гат̇ид̇аа.
Vipassanā, bhikkhave, bhāvitāti vipassanāñāṇaṃ brūhitaṃ vaḍḍhitaṃ. Paññā bhāvīyatīti maggapaññā bhāvīyati brūhīyati vaḍḍhīyati. Yā avijjā, sā pahīyatīti aṭṭhasu ṭhānesu vaṭṭamūlikā mahāavijjā pahīyati. Avijjā hi maggapaññāya paccanīkā, maggapaññā avijjāya. Avijjākkhaṇe maggapaññā natthi , maggapaññākkhaṇe avijjā natthi. Yadā pana avijjā uppajjati, tadā maggapaññāya uppattiṃ nivāreti, padaṃ pacchindati. Yadā maggapaññā uppajjati, tadā avijjaṃ samūlikaṃ ubbaṭṭetvā samugghātayamānāva uppajjati. Tena vuttaṃ – ‘‘avijjā pahīyatī’’ti. Iti maggacittaṃ maggapaññāti dvepi sahajātadhammāva kathitā.
рааг̇убаггилидтам̣ ваа, бхигкавз, жид̇д̇ам̣ на вимужжад̇ийд̇и рааг̇зна убаггилидтад̇д̇аа маг̇г̇ажид̇д̇ам̣ на вимужжад̇ийд̇и д̣̇ассзд̇и. авиж̇ж̇убаггилидтаа ваа бан̃н̃аа на бхаавийяад̇ийд̇и авиж̇ж̇ааяа убаггилидтад̇д̇аа маг̇г̇абан̃н̃аа на бхаавийяад̇ийд̇и д̣̇ассзд̇и. ид̇и ко, бхигкавзд̇и звам̣ ко, бхигкавз. рааг̇авирааг̇аа жзд̇овимуд̇д̇ийд̇и рааг̇асса каяавирааг̇зна жзд̇овимуд̇д̇и наама ход̇и. паласамаад̇хиссзд̇ам̣ наамам̣. авиж̇ж̇аавирааг̇аа бан̃н̃аавимуд̇д̇ийд̇и авиж̇ж̇ааяа каяавирааг̇зна бан̃н̃аавимуд̇д̇и наама ход̇и. имасмим̣ суд̇д̇з наанаагкан̣игаа самаад̇хивибассанаа гат̇ид̇аад̇и.
Rāgupakkiliṭṭhaṃ vā, bhikkhave, cittaṃ na vimuccatīti rāgena upakkiliṭṭhattā maggacittaṃ na vimuccatīti dasseti. Avijjupakkiliṭṭhā vā paññā na bhāvīyatīti avijjāya upakkiliṭṭhattā maggapaññā na bhāvīyatīti dasseti. Iti kho, bhikkhaveti evaṃ kho, bhikkhave. Rāgavirāgā cetovimuttīti rāgassa khayavirāgena cetovimutti nāma hoti. Phalasamādhissetaṃ nāmaṃ. Avijjāvirāgā paññāvimuttīti avijjāya khayavirāgena paññāvimutti nāma hoti. Imasmiṃ sutte nānākkhaṇikā samādhivipassanā kathitāti.
б̣аалаваг̇г̇о д̇ад̇ияо.
Bālavaggo tatiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. б̣аалаваг̇г̇о • 3. Bālavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. б̣аалаваг̇г̇аван̣н̣анаа • 3. Bālavaggavaṇṇanā
