| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. б̣аалаваг̇г̇аван̣н̣анаа
3. Bālavaggavaṇṇanā
22-24. д̇ад̇ияасса батамад̣̇уд̇ияад̇ад̇ияаани уд̇д̇аанад̇т̇аанзва.
22-24. Tatiyassa paṭhamadutiyatatiyāni uttānatthāneva.
25. жад̇уд̇т̇з нзд̇аб̣б̣од̇и ан̃н̃ад̇о аахарид̇ваа б̣од̇хзд̇аб̣б̣о, н̃аабзд̇аб̣б̣од̇и ад̇т̇о.
25. Catutthe netabboti aññato āharitvā bodhetabbo, ñāpetabboti attho.
27. чадтз но жзби бадижчаад̣̇зд̇ваа гаронд̇ийд̇и баан̣аад̇ибаад̇аад̣̇ийни гаронд̇о сажзби аббадижчаад̣̇зд̇ваа гаронд̇и. бадижчаннамзваад̇и вин̃н̃уухи г̇арахид̇аб̣б̣абхаавад̇о бадижчаад̣̇анаарахад̇д̇аа бадижчаннамзваад̇и вужжад̇и. авийжиаад̣̇аяо бад̣̇зсависзсаа д̇ад̇т̇уубабаннаа сад̇д̇аа жа нираяаг̇г̇ахан̣зна г̇ахид̇аад̇и ааха ‘‘нираяод̇и сахогаасагаа канд̇хаа’’д̇и. д̇иражчаанаяони наама висум̣ бад̣̇зсависзсо над̇т̇ийд̇и ааха ‘‘д̇иражчаанаяонияам̣ канд̇хаава лаб̣бханд̇ий’’д̇и.
27. Chaṭṭhe no cepi paṭicchādetvā karontīti pāṇātipātādīni karonto sacepi appaṭicchādetvā karonti. Paṭicchannamevāti viññūhi garahitabbabhāvato paṭicchādanārahattā paṭicchannamevāti vuccati. Avīciādayo padesavisesā tatthūpapannā sattā ca nirayaggahaṇena gahitāti āha ‘‘nirayoti sahokāsakā khandhā’’ti. Tiracchānayoni nāma visuṃ padesaviseso natthīti āha ‘‘tiracchānayoniyaṃ khandhāva labbhantī’’ti.
31. д̣̇асамз ад̇т̇о палам̣ д̇ад̣̇ад̇хийнавуд̇д̇ид̇ааяа васо зд̇ассаад̇и ад̇т̇авасо, хзд̇ууд̇и ааха ‘‘ад̇т̇авасзд̇и гааран̣ааний’’д̇и. аран̃н̃аванабад̇т̇аанийд̇и аран̃н̃алагкан̣аббад̇д̇аани ванабад̇т̇аани. ванабад̇т̇а-сад̣̇д̣̇о хи сан̣д̣абхууд̇з ругкасамуухзби вад̇д̇ад̇ийд̇и аран̃н̃аг̇г̇ахан̣ам̣. ванийяад̇и вивзгагаамзхи бхаж̇ийяад̇и, вануд̇з ваа д̇з ад̇д̇асамбад̇д̇ияаа васанад̇т̇ааяа яаажанд̇о вияа ход̇ийд̇и ванам̣, бад̇идтаханд̇и зд̇т̇а вивзгагаамаа яат̇аад̇хиббзд̇ависзсаад̇хиг̇амзнаад̇и бад̇т̇ам̣, ванзсу бад̇т̇ам̣ г̇аханадтаанз сзнаасанам̣ ванабад̇т̇ам̣. гин̃жаабийд̇и ануж̇аананасамбхааванад̇т̇з нибаад̇о. гим̣ ануж̇аанаад̇и? ниббарияааяад̇о аран̃н̃абхаавам̣ г̇аамад̇о б̣ахи аран̃н̃анд̇и. д̇знааха ‘‘ниббарияааязнаа’’д̇иаад̣̇и. гим̣ самбхаавзд̇и? ааран̃н̃аган̇г̇анибпаад̣̇агад̇д̇ам̣. яан̃хи ааран̃н̃аган̇г̇анибпаад̣̇агам̣, д̇ам̣ висзсад̇о аран̃н̃анд̇и вад̇д̇аб̣б̣анд̇и. д̇знааха ‘‘яам̣ д̇ам̣ бан̃жад̇ханусад̇ига’’нд̇иаад̣̇и. нигкамид̇ваа б̣ахи инд̣̇акийлаад̇и инд̣̇акийлад̇о б̣ахи нигкамид̇ваа, д̇ад̇о б̣ахи бадтааяаад̇и ад̇т̇о. б̣ахи инд̣̇акийлаад̇и ваа яад̇т̇а д̣̇вз д̇ийн̣и инд̣̇акийлаани, д̇ад̇т̇а б̣ахид̣̇д̇хаа инд̣̇акийлад̇о бадтааяа. яад̇т̇а д̇ам̣ над̇т̇и, д̇ад̣̇арахадтаанад̇о бадтааяаад̇и вад̣̇анд̇и. г̇ааманд̇анд̇и г̇аамасамийбам̣. анубажаарадтаананд̇и нижжагижжавасзна на убажарид̇аб̣б̣адтаанам̣. д̇знааха ‘‘яад̇т̇а на гасийяад̇и на вабийяад̇ий’’д̇и.
31. Dasame attho phalaṃ tadadhīnavuttitāya vaso etassāti atthavaso, hetūti āha ‘‘atthavaseti kāraṇānī’’ti. Araññavanapatthānīti araññalakkhaṇappattāni vanapatthāni. Vanapattha-saddo hi saṇḍabhūte rukkhasamūhepi vattatīti araññaggahaṇaṃ. Vanīyati vivekakāmehi bhajīyati, vanute vā te attasampattiyā vasanatthāya yācanto viya hotīti vanaṃ, patiṭṭhahanti ettha vivekakāmā yathādhippetavisesādhigamenāti patthaṃ, vanesu patthaṃ gahanaṭṭhāne senāsanaṃ vanapatthaṃ. Kiñcāpīti anujānanasambhāvanatthe nipāto. Kiṃ anujānāti? Nippariyāyato araññabhāvaṃ gāmato bahi araññanti. Tenāha ‘‘nippariyāyenā’’tiādi. Kiṃ sambhāveti? Āraññakaṅganipphādakattaṃ. Yañhi āraññakaṅganipphādakaṃ, taṃ visesato araññanti vattabbanti. Tenāha ‘‘yaṃ taṃ pañcadhanusatika’’ntiādi. Nikkhamitvā bahi indakhīlāti indakhīlato bahi nikkhamitvā, tato bahi paṭṭhāyāti attho. Bahi indakhīlāti vā yattha dve tīṇi indakhīlāni, tattha bahiddhā indakhīlato paṭṭhāya. Yattha taṃ natthi, tadarahaṭṭhānato paṭṭhāyāti vadanti. Gāmantanti gāmasamīpaṃ. Anupacāraṭṭhānanti niccakiccavasena na upacaritabbaṭṭhānaṃ. Tenāha ‘‘yattha na kasīyati na vapīyatī’’ti.
ад̇д̇ано жа д̣̇идтад̇хаммасукавихааранд̇и зд̇зна сад̇т̇аа ад̇д̇ано вивзгаабхирад̇им̣ багаасзд̇и. д̇ад̇т̇а д̣̇идтад̇хаммо наама аяам̣ бажжагко ад̇д̇абхааво, сукавихааро наама жад̇уннам̣ ирияаабат̇авихаараанам̣ паасуд̇аа. згагасса хи аран̃н̃з анд̇амасо ужжааравассаавагижжам̣ убаад̣̇ааяа саб̣б̣з ирияаабат̇аа паасугаа хонд̇и, д̇асмаа д̣̇идтад̇хаммз сукавихаарам̣ д̣̇идтад̇хаммасукавихааранд̇и звам̣ ваа зд̇т̇а ад̇т̇о д̣̇адтаб̣б̣о.
Attano ca diṭṭhadhammasukhavihāranti etena satthā attano vivekābhiratiṃ pakāseti. Tattha diṭṭhadhammo nāma ayaṃ paccakkho attabhāvo, sukhavihāro nāma catunnaṃ iriyāpathavihārānaṃ phāsutā. Ekakassa hi araññe antamaso uccāravassāvakiccaṃ upādāya sabbe iriyāpathā phāsukā honti, tasmā diṭṭhadhamme sukhavihāraṃ diṭṭhadhammasukhavihāranti evaṃ vā ettha attho daṭṭhabbo.
бажчиман̃жа ж̇анад̇ам̣ анугамбамаанод̇и гат̇ам̣ аран̃н̃аваасзна бажчимаа ж̇анад̇аа анугамбид̇аа ход̇и? сад̣̇д̇хаабаб̣б̣аж̇ид̇аа хи гулабуд̇д̇аа бхаг̇авад̇о аран̃н̃аваасам̣ д̣̇исваа ‘‘бхаг̇авааби наама аран̃н̃асзнаасанаани на мун̃жад̇и, яасса нзвад̇т̇и барин̃н̃аад̇аб̣б̣ам̣ на бахаад̇аб̣б̣ам̣ на бхаавзд̇аб̣б̣ам̣ на сажчигаад̇аб̣б̣ам̣, гиман̇г̇ам̣ бана маяа’’нд̇и жинд̇зд̇ваа д̇ад̇т̇а васид̇аб̣б̣амзва ман̃н̃иссанд̇и, звам̣ киббамзва д̣̇угкассанд̇агараа бхависсанд̇и. звам̣ бажчимаа ж̇анад̇аа анугамбид̇аа ход̇и. зд̇амад̇т̇ам̣ д̣̇ассзнд̇о ааха ‘‘бажчимз мама саавагз анугамбанд̇о’’д̇и.
Pacchimañca janataṃ anukampamānoti kathaṃ araññavāsena pacchimā janatā anukampitā hoti? Saddhāpabbajitā hi kulaputtā bhagavato araññavāsaṃ disvā ‘‘bhagavāpi nāma araññasenāsanāni na muñcati, yassa nevatthi pariññātabbaṃ na pahātabbaṃ na bhāvetabbaṃ na sacchikātabbaṃ, kimaṅgaṃ pana maya’’nti cintetvā tattha vasitabbameva maññissanti, evaṃ khippameva dukkhassantakarā bhavissanti. Evaṃ pacchimā janatā anukampitā hoti. Etamatthaṃ dassento āha ‘‘pacchime mama sāvake anukampanto’’ti.
32. згаад̣̇асамз виж̇ж̇ам̣ бхаж̇анд̇ийд̇и виж̇ж̇аабхааг̇ияаа, виж̇ж̇аабхааг̇з виж̇ж̇аагодтаасз вад̇д̇анд̇ийд̇иби виж̇ж̇аабхааг̇ияаа. бад̣̇ам̣ бажчинд̣̇ад̇ийд̇и маг̇г̇ажид̇д̇асса бад̇идтам̣ убажчинд̣̇ад̇и, маг̇г̇ажид̇д̇ам̣ бад̇идтаабзд̇ум̣ на д̣̇зд̇ийд̇и ад̇т̇о. уб̣б̣аддзд̇ваад̇и самужчзд̣̇авасзна самуулам̣ уд̣̇д̇харид̇ваа. адтасу таанзсууд̇и б̣уд̣̇д̇хаад̣̇ийсу адтасу таанзсу. рааг̇асса каяавирааг̇знаад̇и рааг̇асса каяасан̇каад̇зна вирааг̇зна, рааг̇асса ануббад̇д̇ид̇хаммад̇аабаад̣̇анзнаад̇и вуд̇д̇ам̣ ход̇и.
32. Ekādasame vijjaṃ bhajantīti vijjābhāgiyā, vijjābhāge vijjākoṭṭhāse vattantītipi vijjābhāgiyā. Padaṃ pacchindatīti maggacittassa patiṭṭhaṃ upacchindati, maggacittaṃ patiṭṭhāpetuṃ na detīti attho. Ubbaṭṭetvāti samucchedavasena samūlaṃ uddharitvā. Aṭṭhasu ṭhānesūti buddhādīsu aṭṭhasu ṭhānesu. Rāgassa khayavirāgenāti rāgassa khayasaṅkhātena virāgena, rāgassa anuppattidhammatāpādanenāti vuttaṃ hoti.
б̣аалаваг̇г̇аван̣н̣анаа нидтид̇аа.
Bālavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. б̣аалаваг̇г̇о • 3. Bālavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. б̣аалаваг̇г̇аван̣н̣анаа • 3. Bālavaggavaṇṇanā
