| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(10) 5. б̣аалаваг̇г̇аван̣н̣анаа
(10) 5. Bālavaggavaṇṇanā
99. бан̃жамасса батамз анааг̇ад̇ам̣ бхаарам̣ вахад̇ийд̇и ад̇д̇ано асамбад̇д̇ам̣ бхаарам̣ вахад̇и. ат̇зрова самаано т̇зрзхи вахид̇аб̣б̣ам̣ б̣ийж̇анаг̇г̇аахад̇хаммаж̇жхзсанаад̣̇ибхаарам̣ вахад̇ийд̇и звамзд̇т̇а ад̇т̇о д̣̇адтаб̣б̣о. адтагат̇ааяам̣ (махаава. адта. 159-160) бана яасмаа саммаж̇ж̇анаад̣̇инававид̇хам̣ буб̣б̣агижжам̣ аан̣ад̇д̇знзва гаад̇аб̣б̣ам̣, баад̇имогкан̃жа аан̣ад̇д̇знзва уд̣̇д̣̇исид̇аб̣б̣ам̣, д̇асмаа д̇ам̣ саб̣б̣ам̣ винаа аан̣ад̇д̇ияаа гаронд̇о анааг̇ад̇ам̣ бхаарам̣ вахад̇и наамаад̇и д̣̇ассзд̇ум̣ ‘‘саммаж̇ж̇аний бад̣̇ийбо’’д̇иаад̣̇и вуд̇д̇ам̣. яан̃хи ‘‘ануж̇аанаами, бхигкавз, убосат̇ааг̇аарам̣ саммаж̇ж̇ид̇у’’нд̇иаад̣̇инаа наязна баал̣ияам̣ ааг̇ад̇ам̣. адтагат̇аасу жа –
99. Pañcamassa paṭhame anāgataṃ bhāraṃ vahatīti attano asampattaṃ bhāraṃ vahati. Atherova samāno therehi vahitabbaṃ bījanaggāhadhammajjhesanādibhāraṃ vahatīti evamettha attho daṭṭhabbo. Aṭṭhakathāyaṃ (mahāva. aṭṭha. 159-160) pana yasmā sammajjanādinavavidhaṃ pubbakiccaṃ āṇatteneva kātabbaṃ, pātimokkhañca āṇatteneva uddisitabbaṃ, tasmā taṃ sabbaṃ vinā āṇattiyā karonto anāgataṃ bhāraṃ vahati nāmāti dassetuṃ ‘‘sammajjanī padīpo’’tiādi vuttaṃ. Yañhi ‘‘anujānāmi, bhikkhave, uposathāgāraṃ sammajjitu’’ntiādinā nayena pāḷiyaṃ āgataṃ. Aṭṭhakathāsu ca –
‘‘саммаж̇ж̇аний бад̣̇ийбо жа, уд̣̇агам̣ аасанзна жа;
‘‘Sammajjanī padīpo ca, udakaṃ āsanena ca;
убосат̇асса зд̇аани, ‘буб̣б̣агаран̣а’нд̇и вужжад̇и.
Uposathassa etāni, ‘pubbakaraṇa’nti vuccati.
‘‘чанд̣̇абаарисуд̣̇д̇хиуд̇угкаанам̣, бхигкуг̇ан̣анаа жа оваад̣̇о;
‘‘Chandapārisuddhiutukkhānaṃ, bhikkhugaṇanā ca ovādo;
убосат̇асса зд̇аани, ‘буб̣б̣агижжа’нд̇и вужжад̇ий’’д̇и. (махаава. адта 168) –
Uposathassa etāni, ‘pubbakicca’nti vuccatī’’ti. (mahāva. aṭṭha 168) –
звам̣ д̣̇вийхи наамзхи нававид̇хам̣ буб̣б̣агижжам̣ д̣̇ассид̇ам̣, д̇ам̣ агад̇ваа убосат̇ам̣ гаад̇ум̣ на ваддад̇и. д̇асмаа ‘‘ануж̇аанаами, бхигкавз, т̇зрзна бхигкунаа навам̣ бхигкум̣ аан̣аабзд̇у’’нд̇и важанад̇о т̇зрзна аан̣ад̇д̇зна аг̇илаанзна бхигкунаа убосат̇ааг̇аарам̣ саммаж̇ж̇ид̇аб̣б̣ам̣, баанийяам̣ барибхож̇анийяам̣ убадтабзд̇аб̣б̣ам̣, аасанам̣ бан̃н̃аабзд̇аб̣б̣ам̣, бад̣̇ийбо гаад̇аб̣б̣о, агаронд̇о д̣̇уггадам̣ аабаж̇ж̇ад̇и.
Evaṃ dvīhi nāmehi navavidhaṃ pubbakiccaṃ dassitaṃ, taṃ akatvā uposathaṃ kātuṃ na vaṭṭati. Tasmā ‘‘anujānāmi, bhikkhave, therena bhikkhunā navaṃ bhikkhuṃ āṇāpetu’’nti vacanato therena āṇattena agilānena bhikkhunā uposathāgāraṃ sammajjitabbaṃ, pānīyaṃ paribhojanīyaṃ upaṭṭhapetabbaṃ, āsanaṃ paññāpetabbaṃ, padīpo kātabbo, akaronto dukkaṭaṃ āpajjati.
т̇зрзнаби бад̇ируубам̣ н̃ад̇ваа аан̣аабзд̇аб̣б̣ам̣, аан̣аабзнд̇знаби яам̣ гин̃жи гаммам̣ гаронд̇о ваа сад̣̇аа гааламзва зго ваа бхааранид̇т̇аран̣аго ваа сарабхаан̣агад̇хаммагат̇игаад̣̇ийсу ваа ан̃н̃ад̇аро на убосат̇ааг̇аарасаммаж̇ж̇анад̇т̇ам̣ аан̣аабзд̇аб̣б̣о, авасзсаа бана ваарзна аан̣аабзд̇аб̣б̣аа. сажз аан̣ад̇д̇о саммаж̇ж̇аним̣ д̇аавагаалигамби на лабхад̇и, саакаабхан̇г̇ам̣ габбияам̣ гаарзд̇ваа саммаж̇ж̇ид̇аб̣б̣ам̣, д̇амби алабханд̇асса лад̣̇д̇хагаббияам̣ ход̇и. бад̣̇ийбагаран̣зби вуд̇д̇анаязнзва аан̣аабзд̇аб̣б̣о, аан̣аабзнд̇зна жа ‘‘амугасмим̣ наама огаасз д̇злам̣ ваа габаллигаа ваа ад̇т̇и, д̇ам̣ г̇ахзд̇ваа гарохий’’д̇и вад̇д̇аб̣б̣о. сажз д̇злаад̣̇ийни над̇т̇и, бариязсид̇аб̣б̣аани. бариязсид̇ваа алабханд̇асса лад̣̇д̇хагаббияам̣ ход̇и. аби жа габаалз аг̇г̇и ж̇аалзд̇аб̣б̣о. аасанабан̃н̃аабанаан̣ад̇д̇ияамби вуд̇д̇анаязнзва аан̣аабзд̇аб̣б̣о, аан̣ад̇д̇зна жа сажз убосат̇ааг̇аарз аасанаани над̇т̇и, сан̇гхигааваасад̇о аахарид̇ваа бан̃н̃аабзд̇ваа буна аахарид̇аб̣б̣аани, аасанзсу асад̇и гадасаарагзби д̇аддигааяоби бан̃н̃аабзд̇ум̣ ваддад̇и, д̇аасуби асад̇и саакаабхан̇г̇аани габбияам̣ гаарзд̇ваа бан̃н̃аабзд̇аб̣б̣аани. габбияагаарагам̣ алабханд̇асса лад̣̇д̇хагаббияам̣ ход̇и.
Therenapi patirūpaṃ ñatvā āṇāpetabbaṃ, āṇāpentenapi yaṃ kiñci kammaṃ karonto vā sadā kālameva eko vā bhāranittharaṇako vā sarabhāṇakadhammakathikādīsu vā aññataro na uposathāgārasammajjanatthaṃ āṇāpetabbo, avasesā pana vārena āṇāpetabbā. Sace āṇatto sammajjaniṃ tāvakālikampi na labhati, sākhābhaṅgaṃ kappiyaṃ kāretvā sammajjitabbaṃ, tampi alabhantassa laddhakappiyaṃ hoti. Padīpakaraṇepi vuttanayeneva āṇāpetabbo, āṇāpentena ca ‘‘amukasmiṃ nāma okāse telaṃ vā kapallikā vā atthi, taṃ gahetvā karohī’’ti vattabbo. Sace telādīni natthi, pariyesitabbāni. Pariyesitvā alabhantassa laddhakappiyaṃ hoti. Api ca kapāle aggi jāletabbo. Āsanapaññāpanāṇattiyampi vuttanayeneva āṇāpetabbo, āṇattena ca sace uposathāgāre āsanāni natthi, saṅghikāvāsato āharitvā paññāpetvā puna āharitabbāni, āsanesu asati kaṭasārakepi taṭṭikāyopi paññāpetuṃ vaṭṭati, tāsupi asati sākhābhaṅgāni kappiyaṃ kāretvā paññāpetabbāni. Kappiyakārakaṃ alabhantassa laddhakappiyaṃ hoti.
чанд̣̇абаарисуд̣̇д̇хийд̇и зд̇т̇а убосат̇агаран̣ад̇т̇ам̣ саннибад̇ид̇з сан̇гхз б̣ахи убосат̇ам̣ гад̇ваа ааг̇ад̇зна саннибаад̇адтаанам̣ г̇анд̇ваа гааяасаамаг̇г̇им̣ ад̣̇знд̇зна чанд̣̇о д̣̇аад̇аб̣б̣о. яоби г̇илаано ваа гижжаббасуд̇о ваа, д̇зна баарисуд̣̇д̇хим̣ д̣̇знд̇зна чанд̣̇о д̣̇аад̇аб̣б̣о. гат̇ам̣ д̣̇аад̇аб̣б̣о? згасса бхигкуно санд̇игз ‘‘чанд̣̇ам̣ д̣̇амми, чанд̣̇ам̣ мз хара, чанд̣̇ам̣ мз аарожзхий’’д̇и аяамад̇т̇о гааязна ваа ваажааяа ваа убхаязна ваа вин̃н̃аабзд̇аб̣б̣о. звам̣ д̣̇инно ход̇и чанд̣̇о. агад̇уубосат̇зна бана г̇илаанзна ваа гижжаббасуд̇зна ваа баарисуд̣̇д̇хи д̣̇аад̇аб̣б̣аа. гат̇ам̣ д̣̇аад̇аб̣б̣аа? згасса бхигкуно санд̇игз ‘‘баарисуд̣̇д̇хим̣ д̣̇амми, баарисуд̣̇д̇хим̣ мз хара, баарисуд̣̇д̇хим̣ мз аарожзхий’’д̇и аяамад̇т̇о гааязна ваа ваажааяа ваа убхаязна ваа вин̃н̃аабзд̇аб̣б̣о. звам̣ д̣̇иннаа ход̇и баарисуд̣̇д̇хи. д̇ам̣ бана д̣̇знд̇зна чанд̣̇оби д̣̇аад̇аб̣б̣о. вуд̇д̇ан̃хзд̇ам̣ бхаг̇авад̇аа – ‘‘ануж̇аанаами, бхигкавз, д̇ад̣̇ахубосат̇з баарисуд̣̇д̇хим̣ д̣̇знд̇зна чанд̣̇амби д̣̇аад̇ум̣, санд̇и сан̇гхасса гаран̣ийяа’’нд̇и. д̇ад̇т̇а баарисуд̣̇д̇хид̣̇аанам̣ сан̇гхассаби ад̇д̇аноби убосат̇агаран̣ам̣ самбаад̣̇зд̇и, на авасзсам̣ сан̇гхагижжам̣. чанд̣̇ад̣̇аанам̣ сан̇гхассзва убосат̇агаран̣ан̃жа сзсагижжан̃жа самбаад̣̇зд̇и, ад̇д̇ано бана убосат̇о агад̇оязва ход̇и, д̇асмаа баарисуд̣̇д̇хим̣ д̣̇знд̇зна чанд̣̇оби д̣̇аад̇аб̣б̣о.
Chandapārisuddhīti ettha uposathakaraṇatthaṃ sannipatite saṅghe bahi uposathaṃ katvā āgatena sannipātaṭṭhānaṃ gantvā kāyasāmaggiṃ adentena chando dātabbo. Yopi gilāno vā kiccappasuto vā, tena pārisuddhiṃ dentena chando dātabbo. Kathaṃ dātabbo? Ekassa bhikkhuno santike ‘‘chandaṃ dammi, chandaṃ me hara, chandaṃ me ārocehī’’ti ayamattho kāyena vā vācāya vā ubhayena vā viññāpetabbo. Evaṃ dinno hoti chando. Akatūposathena pana gilānena vā kiccappasutena vā pārisuddhi dātabbā. Kathaṃ dātabbā? Ekassa bhikkhuno santike ‘‘pārisuddhiṃ dammi, pārisuddhiṃ me hara, pārisuddhiṃ me ārocehī’’ti ayamattho kāyena vā vācāya vā ubhayena vā viññāpetabbo. Evaṃ dinnā hoti pārisuddhi. Taṃ pana dentena chandopi dātabbo. Vuttañhetaṃ bhagavatā – ‘‘anujānāmi, bhikkhave, tadahuposathe pārisuddhiṃ dentena chandampi dātuṃ, santi saṅghassa karaṇīya’’nti. Tattha pārisuddhidānaṃ saṅghassapi attanopi uposathakaraṇaṃ sampādeti, na avasesaṃ saṅghakiccaṃ. Chandadānaṃ saṅghasseva uposathakaraṇañca sesakiccañca sampādeti, attano pana uposatho akatoyeva hoti, tasmā pārisuddhiṃ dentena chandopi dātabbo.
уд̇угкаананд̇и ‘‘хзманд̇аад̣̇ийнам̣ уд̇уунам̣ зд̇д̇агам̣ ад̇игганд̇ам̣, зд̇д̇агам̣ авасидта’’нд̇и звам̣ уд̇уунам̣ аажигканам̣. бхигкуг̇ан̣анаад̇и ‘‘зд̇д̇агаа бхигкуу убосат̇аг̇г̇з саннибад̇ид̇аа’’д̇и бхигкуунам̣ г̇ан̣анаа. ид̣̇амби убхаяам̣ гад̇ваава убосат̇о гаад̇аб̣б̣о. оваад̣̇од̇и бхигкуноваад̣̇о. на хи бхигкуунийхи яаажид̇ам̣ оваад̣̇ам̣ анаарожзд̇ваа убосат̇ам̣ гаад̇ум̣ ваддад̇и. бхигкунияо хи ‘‘свз убосат̇о’’д̇и ааг̇анд̇ваа ‘‘аяам̣ убосат̇о жаад̇уд̣̇д̣̇асо, баннарасо’’д̇и бужчид̇ваа буна убосат̇ад̣̇ивасз ааг̇анд̇ваа ‘‘бхигкунисан̇гхо, аяяа, бхигкусан̇гхасса баад̣̇з ванд̣̇ад̇и, оваад̣̇уубасан̇гаманан̃жа яаажад̇и, лабхад̇у гира, аяяа, бхигкунисан̇гхо оваад̣̇уубасан̇гамана’’нд̇и звам̣ оваад̣̇ам̣ яаажанд̇и. д̇ам̣ табзд̇ваа б̣аалаг̇илаанаг̇амияз ан̃н̃о сажзби ааран̃н̃аго ход̇и, аббадиг̇г̇ахзд̇ум̣ на лабхад̇и, д̇асмаа язна со бадиг̇г̇ахид̇о, д̇зна бхигкунаа убосат̇аг̇г̇з баад̇имогкуд̣̇д̣̇зсаго бхигку звам̣ вад̇д̇аб̣б̣о ‘‘бхигкунисан̇гхо, бханд̇з, бхигкусан̇гхасса баад̣̇з ванд̣̇ад̇и, оваад̣̇уубасан̇гаманан̃жа яаажад̇и, лабхад̇у гира, бханд̇з, бхигкунисан̇гхо оваад̣̇уубасан̇гамана’’нд̇и.
Utukkhānanti ‘‘hemantādīnaṃ utūnaṃ ettakaṃ atikkantaṃ, ettakaṃ avasiṭṭha’’nti evaṃ utūnaṃ ācikkhanaṃ. Bhikkhugaṇanāti ‘‘ettakā bhikkhū uposathagge sannipatitā’’ti bhikkhūnaṃ gaṇanā. Idampi ubhayaṃ katvāva uposatho kātabbo. Ovādoti bhikkhunovādo. Na hi bhikkhūnīhi yācitaṃ ovādaṃ anārocetvā uposathaṃ kātuṃ vaṭṭati. Bhikkhuniyo hi ‘‘sve uposatho’’ti āgantvā ‘‘ayaṃ uposatho cātuddaso, pannaraso’’ti pucchitvā puna uposathadivase āgantvā ‘‘bhikkhunisaṅgho, ayya, bhikkhusaṅghassa pāde vandati, ovādūpasaṅkamanañca yācati, labhatu kira, ayya, bhikkhunisaṅgho ovādūpasaṅkamana’’nti evaṃ ovādaṃ yācanti. Taṃ ṭhapetvā bālagilānagamiye añño sacepi āraññako hoti, appaṭiggahetuṃ na labhati, tasmā yena so paṭiggahito, tena bhikkhunā uposathagge pātimokkhuddesako bhikkhu evaṃ vattabbo ‘‘bhikkhunisaṅgho, bhante, bhikkhusaṅghassa pāde vandati, ovādūpasaṅkamanañca yācati, labhatu kira, bhante, bhikkhunisaṅgho ovādūpasaṅkamana’’nti.
баад̇имогкуд̣̇д̣̇зсагзна вад̇д̇аб̣б̣ам̣ – ‘‘ад̇т̇и гожи бхигку бхигкуноваад̣̇аго саммад̇о’’д̇и. сажз ход̇и гожи бхигку бхигкуноваад̣̇аго саммад̇о, д̇ад̇о д̇зна со вад̇д̇аб̣б̣о – ‘‘ид̇т̇аннаамаго бхигку бхигкуноваад̣̇аго саммад̇о, д̇ам̣ бхигкунисан̇гхо убасан̇гамад̇уу’’д̇и. сажз над̇т̇и, д̇ад̇о д̇зна бужчид̇аб̣б̣ам̣ – ‘‘го ааяасмаа уссахад̇и бхигкунияо овад̣̇ид̇у’’нд̇и. сажз гожи уссахад̇и, соби жа адтахи ан̇г̇зхи саманнааг̇ад̇о, д̇ам̣ д̇ад̇т̇зва самманнид̇ваа оваад̣̇аббадиг̇г̇аахаго вад̇д̇аб̣б̣о – ‘‘ид̇т̇аннаамо бхигку бхигкуноваад̣̇аго саммад̇о, д̇ам̣ бхигкунисан̇гхо убасан̇гамад̇уу’’д̇и. сажз бана на гожи уссахад̇и, баад̇имогкуд̣̇д̣̇зсагзна вад̇д̇аб̣б̣ам̣ – ‘‘над̇т̇и гожи бхигку бхигкуноваад̣̇аго саммад̇о, баасаад̣̇игзна бхигкунисан̇гхо самбаад̣̇зд̇уу’’д̇и. зд̇д̇аавад̇аа хи сигкад̇д̇аяасан̇г̇ахид̇ам̣ сагалам̣ саасанам̣ аарожид̇ам̣ ход̇и. д̇зна бхигкунаа ‘‘саад̇хуу’’д̇и самбадижчид̇ваа баадибад̣̇з бхигкунийнам̣ аарожзд̇аб̣б̣ам̣. баад̇имогкамби ‘‘на, бхигкавз, анаж̇жхидтзна баад̇имогкам̣ уд̣̇д̣̇исид̇аб̣б̣ам̣, яо уд̣̇д̣̇исзяяа, аабад̇д̇и д̣̇уггадассаа’’д̇и важанад̇о анаан̣ад̇д̇зна на уд̣̇д̣̇исид̇аб̣б̣ам̣. ‘‘т̇зраад̇хзяяам̣ баад̇имогка’’нд̇и хи важанад̇о сан̇гхад̇т̇зро ваа баад̇имогкам̣ уд̣̇д̣̇исзяяа , ‘‘ануж̇аанаами, бхигкавз, яо д̇ад̇т̇а бхигку б̣яад̇д̇о бадиб̣ало, д̇ассаад̇хзяяам̣ баад̇имогка’’нд̇и важанад̇о навагад̇аро ваа т̇зрзна аан̣ад̇д̇о. д̣̇уд̇ияаад̣̇ийни уд̇д̇аанад̇т̇аанзва.
Pātimokkhuddesakena vattabbaṃ – ‘‘atthi koci bhikkhu bhikkhunovādako sammato’’ti. Sace hoti koci bhikkhu bhikkhunovādako sammato, tato tena so vattabbo – ‘‘itthannāmako bhikkhu bhikkhunovādako sammato, taṃ bhikkhunisaṅgho upasaṅkamatū’’ti. Sace natthi, tato tena pucchitabbaṃ – ‘‘ko āyasmā ussahati bhikkhuniyo ovaditu’’nti. Sace koci ussahati, sopi ca aṭṭhahi aṅgehi samannāgato, taṃ tattheva sammannitvā ovādappaṭiggāhako vattabbo – ‘‘itthannāmo bhikkhu bhikkhunovādako sammato, taṃ bhikkhunisaṅgho upasaṅkamatū’’ti. Sace pana na koci ussahati, pātimokkhuddesakena vattabbaṃ – ‘‘natthi koci bhikkhu bhikkhunovādako sammato, pāsādikena bhikkhunisaṅgho sampādetū’’ti. Ettāvatā hi sikkhattayasaṅgahitaṃ sakalaṃ sāsanaṃ ārocitaṃ hoti. Tena bhikkhunā ‘‘sādhū’’ti sampaṭicchitvā pāṭipade bhikkhunīnaṃ ārocetabbaṃ. Pātimokkhampi ‘‘na, bhikkhave, anajjhiṭṭhena pātimokkhaṃ uddisitabbaṃ, yo uddiseyya, āpatti dukkaṭassā’’ti vacanato anāṇattena na uddisitabbaṃ. ‘‘Therādheyyaṃ pātimokkha’’nti hi vacanato saṅghatthero vā pātimokkhaṃ uddiseyya , ‘‘anujānāmi, bhikkhave, yo tattha bhikkhu byatto paṭibalo, tassādheyyaṃ pātimokkha’’nti vacanato navakataro vā therena āṇatto. Dutiyādīni uttānatthāneva.
109. згаад̣̇асамз на гуггужжааяид̇аб̣б̣ам̣ гуггужжааяад̇ийд̇и на гуггужжааяид̇ум̣ яуд̇д̇агам̣ гуггужжааяад̇и. суугарамам̣сам̣ лабхид̇ваа ‘‘ажчамам̣са’’нд̇и гуггужжааяад̇и, ‘‘суугарамам̣са’’нд̇и ж̇аананд̇оби ‘‘ажчамам̣са’’нд̇и гуггужжааяад̇и, на барибхун̃ж̇ад̇ийд̇и вуд̇д̇ам̣ ход̇и. звам̣ миг̇амам̣сам̣ ‘‘д̣̇ийбимам̣са’’нд̇и, гаалз санд̇зязва ‘‘гаало над̇т̇ий’’д̇и, аббаваарзд̇ваа ‘‘баваарид̇омхий’’д̇и, бад̇д̇з раж̇асмим̣ абад̇ид̇зязва ‘‘бад̇ид̇а’’нд̇и, ад̇д̇аанам̣ уд̣̇д̣̇исса мажчамам̣сз агад̇зязва ‘‘мам̣ уд̣̇д̣̇исса гад̇а’’нд̇и гуггужжааяад̇и. гуггужжааяид̇аб̣б̣ам̣ на гуггужжааяад̇ийд̇и гуггужжааяид̇ум̣ яуд̇д̇ам̣ на гуггужжааяад̇и. ажчамам̣сам̣ лабхид̇ваа ‘‘суугарамам̣са’’нд̇и на гуггужжааяад̇и, ‘‘ажчамам̣са’’нд̇и ж̇аананд̇оби ‘‘суугарамам̣са’’нд̇и на гуггужжааяад̇и, мад̣̇д̣̇ид̇ваа вийд̇иггамад̇ийд̇и вуд̇д̇ам̣ ход̇и. звам̣ д̣̇ийбимам̣сам̣ миг̇амам̣санд̇и…бз… ад̇д̇аанам̣ уд̣̇д̣̇исса мажчамам̣сз гад̇з ‘‘мам̣ уд̣̇д̣̇исса гад̇а’’нд̇и на гуггужжааяад̇ийд̇и звамзд̇т̇а ад̇т̇о д̣̇адтаб̣б̣о. адтагат̇ааяам̣ бана ‘‘на гуггужжааяид̇аб̣б̣анд̇и сан̇гхабхог̇асса абадтабанам̣ авижааран̣ам̣ на гуггужжааяид̇аб̣б̣ам̣ наама, д̇ам̣ гуггужжааяад̇и. гуггужжааяид̇аб̣б̣анд̇и д̇ассзва бадтабанам̣ вижааран̣ам̣, д̇ам̣ на гуггужжааяад̇ий’’д̇и зд̇д̇агамзва вуд̇д̇ам̣. д̇ад̇т̇а сан̇гхабхог̇ассаад̇и сан̇гхасса жад̇убажжаяабарибхог̇ад̇т̇ааяа д̣̇иннакзд̇д̇авад̇т̇уд̇ал̣аагаад̣̇игасса, д̇ад̇о уббаннад̇хан̃н̃ахиран̃н̃аад̣̇игасса жа сан̇гхасса бхог̇асса. абадтабананд̇и асам̣вид̣̇аханам̣. д̇знааха ‘‘авижааран̣а’’нд̇и. д̇ассзваад̇и яат̇аавуд̇д̇ассзва сан̇гхабхог̇асса.
109. Ekādasame na kukkuccāyitabbaṃ kukkuccāyatīti na kukkuccāyituṃ yuttakaṃ kukkuccāyati. Sūkaramaṃsaṃ labhitvā ‘‘acchamaṃsa’’nti kukkuccāyati, ‘‘sūkaramaṃsa’’nti jānantopi ‘‘acchamaṃsa’’nti kukkuccāyati, na paribhuñjatīti vuttaṃ hoti. Evaṃ migamaṃsaṃ ‘‘dīpimaṃsa’’nti, kāle santeyeva ‘‘kālo natthī’’ti, appavāretvā ‘‘pavāritomhī’’ti, patte rajasmiṃ apatiteyeva ‘‘patita’’nti, attānaṃ uddissa macchamaṃse akateyeva ‘‘maṃ uddissa kata’’nti kukkuccāyati. Kukkuccāyitabbaṃ na kukkuccāyatīti kukkuccāyituṃ yuttaṃ na kukkuccāyati. Acchamaṃsaṃ labhitvā ‘‘sūkaramaṃsa’’nti na kukkuccāyati, ‘‘acchamaṃsa’’nti jānantopi ‘‘sūkaramaṃsa’’nti na kukkuccāyati, madditvā vītikkamatīti vuttaṃ hoti. Evaṃ dīpimaṃsaṃ migamaṃsanti…pe… attānaṃ uddissa macchamaṃse kate ‘‘maṃ uddissa kata’’nti na kukkuccāyatīti evamettha attho daṭṭhabbo. Aṭṭhakathāyaṃ pana ‘‘na kukkuccāyitabbanti saṅghabhogassa apaṭṭhapanaṃ avicāraṇaṃ na kukkuccāyitabbaṃ nāma, taṃ kukkuccāyati. Kukkuccāyitabbanti tasseva paṭṭhapanaṃ vicāraṇaṃ, taṃ na kukkuccāyatī’’ti ettakameva vuttaṃ. Tattha saṅghabhogassāti saṅghassa catupaccayaparibhogatthāya dinnakhettavatthutaḷākādikassa, tato uppannadhaññahiraññādikassa ca saṅghassa bhogassa. Apaṭṭhapananti asaṃvidahanaṃ. Tenāha ‘‘avicāraṇa’’nti. Tassevāti yathāvuttasseva saṅghabhogassa.
б̣аалаваг̇г̇аван̣н̣анаа нидтид̇аа.
Bālavaggavaṇṇanā niṭṭhitā.
д̣̇уд̇ияабан̣н̣аасагам̣ нидтид̇ам̣.
Dutiyapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (10) 5. б̣аалаваг̇г̇о • (10) 5. Bālavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / (10) 5. б̣аалаваг̇г̇аван̣н̣анаа • (10) 5. Bālavaggavaṇṇanā
