| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੧੦) ੫. ਬਾਲવਗ੍ਗવਣ੍ਣਨਾ
(10) 5. Bālavaggavaṇṇanā
੯੯. ਪਞ੍ਚਮਸ੍ਸ ਪਠਮੇ ਅਨਾਗਤਂ ਭਾਰਂ વਹਤੀਤਿ ‘‘ਸਮ੍ਮਜ੍ਜਨੀ ਪਦੀਪੋ ਚ, ਉਦਕਂ ਆਸਨੇਨ ਚ, ਛਨ੍ਦਪਾਰਿਸੁਦ੍ਧਿਉਤੁਕ੍ਖਾਨਂ, ਭਿਕ੍ਖੁਗਣਨਾ ਚ ਓવਾਦੋ, ਪਾਤਿਮੋਕ੍ਖਂ ਥੇਰਭਾਰੋਤਿ વੁਚ੍ਚਤੀ’’ਤਿ ਇਮਂ ਦਸવਿਧਂ ਥੇਰਭਾਰਂ ਨવਕੋ ਹੁਤ੍વਾ ਥੇਰੇਨ ਅਨਜ੍ਝਿਟ੍ਠੋ ਕਰੋਨ੍ਤੋ ਅਨਾਗਤਂ ਭਾਰਂ વਹਤਿ ਨਾਮ। ਆਗਤਂ ਭਾਰਂ ਨ વਹਤੀਤਿ ਥੇਰੋ ਸਮਾਨੋ ਤਮੇવ ਦਸવਿਧਂ ਭਾਰਂ ਅਤ੍ਤਨਾ વਾ ਅਕਰੋਨ੍ਤੋ ਪਰਂ વਾ ਅਸਮਾਦਪੇਨ੍ਤੋ ਆਗਤਂ ਭਾਰਂ ਨ વਹਤਿ ਨਾਮ। ਦੁਤਿਯਸੁਤ੍ਤੇਪਿ ਇਮਿਨਾવ ਨਯੇਨ ਅਤ੍ਥੋ વੇਦਿਤਬ੍ਬੋ।
99. Pañcamassa paṭhame anāgataṃ bhāraṃ vahatīti ‘‘sammajjanī padīpo ca, udakaṃ āsanena ca, chandapārisuddhiutukkhānaṃ, bhikkhugaṇanā ca ovādo, pātimokkhaṃ therabhāroti vuccatī’’ti imaṃ dasavidhaṃ therabhāraṃ navako hutvā therena anajjhiṭṭho karonto anāgataṃ bhāraṃ vahati nāma. Āgataṃ bhāraṃ na vahatīti thero samāno tameva dasavidhaṃ bhāraṃ attanā vā akaronto paraṃ vā asamādapento āgataṃ bhāraṃ na vahati nāma. Dutiyasuttepi imināva nayena attho veditabbo.
੧੦੧. ਤਤਿਯੇ ਅਕਪ੍ਪਿਯੇ ਕਪ੍ਪਿਯਸਞ੍ਞੀਤਿ ਅਕਪ੍ਪਿਯੇ ਸੀਹਮਂਸਾਦਿਮ੍ਹਿ ‘‘ਕਪ੍ਪਿਯਂ ਇਦ’’ਨ੍ਤਿ ਏવਂਸਞ੍ਞੀ। ਕਪ੍ਪਿਯੇ ਅਕਪ੍ਪਿਯਸਞ੍ਞੀਤਿ ਕੁਮ੍ਭੀਲਮਂਸਬਿਲ਼ਾਰਮਂਸਾਦਿਮ੍ਹਿ ਕਪ੍ਪਿਯੇ ‘‘ਅਕਪ੍ਪਿਯਂ ਇਦ’’ਨ੍ਤਿ ਏવਂਸਞ੍ਞੀ। ਚਤੁਤ੍ਥਂ વੁਤ੍ਤਨਯੇਨੇવ વੇਦਿਤਬ੍ਬਂ।
101. Tatiye akappiye kappiyasaññīti akappiye sīhamaṃsādimhi ‘‘kappiyaṃ ida’’nti evaṃsaññī. Kappiye akappiyasaññīti kumbhīlamaṃsabiḷāramaṃsādimhi kappiye ‘‘akappiyaṃ ida’’nti evaṃsaññī. Catutthaṃ vuttanayeneva veditabbaṃ.
੧੦੩. ਪਞ੍ਚਮੇ ਅਨਾਪਤ੍ਤਿਯਾ ਆਪਤ੍ਤਿਸਞ੍ਞੀਤਿ ਆਪੁਚ੍ਛਿਤ੍વਾ ਭਣ੍ਡਕਂ ਧੋવਨ੍ਤਸ੍ਸ, ਪਤ੍ਤਂ ਪਚਨ੍ਤਸ੍ਸ, ਕੇਸੇ ਛਿਨ੍ਦਨ੍ਤਸ੍ਸ, ਗਾਮਂ ਪવਿਸਨ੍ਤਸ੍ਸਾਤਿਆਦੀਸੁ ਅਨਾਪਤ੍ਤਿ, ਤਤ੍ਥ ‘‘ਆਪਤ੍ਤਿ ਅਯ’’ਨ੍ਤਿ ਏવਂਸਞ੍ਞੀ। ਆਪਤ੍ਤਿਯਾ ਅਨਾਪਤ੍ਤਿਸਞ੍ਞੀਤਿ ਤੇਸਞ੍ਞੇવ વਤ੍ਥੂਨਂ ਅਨਾਪੁਚ੍ਛਾਕਰਣੇ ਆਪਤ੍ਤਿ, ਤਤ੍ਥ ‘‘ਅਨਾਪਤ੍ਤੀ’’ਤਿ ਏવਂਸਞ੍ਞੀ। ਛਟ੍ਠੇਪਿ વੁਤ੍ਤਨਯੇਨੇવ ਅਤ੍ਥੋ વੇਦਿਤਬ੍ਬੋ। ਸਤ੍ਤਮਾਦੀਨਿ ਉਤ੍ਤਾਨਤ੍ਥਾਨੇવ।
103. Pañcame anāpattiyā āpattisaññīti āpucchitvā bhaṇḍakaṃ dhovantassa, pattaṃ pacantassa, kese chindantassa, gāmaṃ pavisantassātiādīsu anāpatti, tattha ‘‘āpatti aya’’nti evaṃsaññī. Āpattiyā anāpattisaññīti tesaññeva vatthūnaṃ anāpucchākaraṇe āpatti, tattha ‘‘anāpattī’’ti evaṃsaññī. Chaṭṭhepi vuttanayeneva attho veditabbo. Sattamādīni uttānatthāneva.
੧੦੯. ਏਕਾਦਸਮੇ ਆਸવਾਤਿ ਕਿਲੇਸਾ। ਨ ਕੁਕ੍ਕੁਚ੍ਚਾਯਿਤਬ੍ਬਨ੍ਤਿ ਸਙ੍ਘਭੋਗਸ੍ਸ ਅਪਟ੍ਠਪਨਂ ਅવਿਚਾਰਣਂ ਨ ਕੁਕ੍ਕੁਚ੍ਚਾਯਿਤਬ੍ਬਂ ਨਾਮ, ਤਂ ਕੁਕ੍ਕੁਚ੍ਚਾਯਤਿ। ਕੁਕ੍ਕੁਚ੍ਚਾਯਿਤਬ੍ਬਨ੍ਤਿ ਤਸ੍ਸੇવ ਪਟ੍ਠਪਨਂ વਿਚਾਰਣਂ, ਤਂ ਨ ਕੁਕ੍ਕੁਚ੍ਚਾਯਤਿ। ਦ੍વਾਦਸਮਾਦੀਨਿ ਹੇਟ੍ਠਾ વੁਤ੍ਤਨਯੇਨੇવ વੇਦਿਤਬ੍ਬਾਨੀਤਿ।
109. Ekādasame āsavāti kilesā. Na kukkuccāyitabbanti saṅghabhogassa apaṭṭhapanaṃ avicāraṇaṃ na kukkuccāyitabbaṃ nāma, taṃ kukkuccāyati. Kukkuccāyitabbanti tasseva paṭṭhapanaṃ vicāraṇaṃ, taṃ na kukkuccāyati. Dvādasamādīni heṭṭhā vuttanayeneva veditabbānīti.
ਬਾਲવਗ੍ਗੋ ਪਞ੍ਚਮੋ।
Bālavaggo pañcamo.
ਦੁਤਿਯਪਣ੍ਣਾਸਕਂ ਨਿਟ੍ਠਿਤਂ।
Dutiyapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / (੧੦) ੫. ਬਾਲવਗ੍ਗੋ • (10) 5. Bālavaggo
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / (੧੦) ੫. ਬਾਲવਗ੍ਗવਣ੍ਣਨਾ • (10) 5. Bālavaggavaṇṇanā
