Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

    5. б̣аалаваг̇г̇о

    5. Bālavaggo

    1. ан̃н̃ад̇арабурисавад̇т̇у

    1. Aññatarapurisavatthu

    д̣̇ийгхаа ж̇ааг̇арад̇о рад̇д̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о басзнад̣̇игосалан̃жзва ан̃н̃ад̇аран̃жа бурисам̣ аараб̣бха гат̇зси.

    Dīghājāgarato rattīti imaṃ dhammadesanaṃ satthā jetavane viharanto pasenadikosalañceva aññatarañca purisaṃ ārabbha kathesi.

    рааж̇аа гира басзнад̣̇и госало згасмим̣ чан̣ад̣̇ивасз алан̇гад̇абадияад̇д̇ам̣ саб̣б̣асзд̇ам̣ згам̣ бун̣д̣арийгам̣ наама хад̇т̇им̣ абхируяха маханд̇зна рааж̇аанубхаавзна наг̇арам̣ бад̣̇агкин̣ам̣ гарод̇и. уссааран̣ааяа вад̇д̇амаанааяа лзд̣д̣уд̣̇ан̣д̣аад̣̇ийхи бот̇ияамаано махааж̇ано балааяанд̇о г̇ийвам̣ бариваддзд̇вааби ологзд̇иязва. рааж̇уунам̣ гира суд̣̇иннад̣̇аанассзд̇ам̣ палам̣. ан̃н̃ад̇арассааби д̣̇уг̇г̇ад̇абурисасса бхарияаа сад̇д̇абхуумигасса баасаад̣̇асса убарид̇алз тид̇аа згам̣ ваад̇абаанагаваадам̣ виварид̇ваа рааж̇аанам̣ ологзд̇ваава абаг̇ажчи. ран̃н̃о бун̣н̣ажанд̣̇о валаахаганд̇арам̣ бавидто вияа убадтааси. со д̇ассаа бадиб̣ад̣̇д̇хажид̇д̇о хад̇т̇игканд̇хад̇о бад̇анаагаараббад̇д̇о вияа худ̇ваа киббам̣ наг̇арам̣ бад̣̇агкин̣ам̣ гад̇ваа анд̇збурам̣ бависид̇ваа згам̣ виссаасагам̣ амажжам̣ ааха – ‘‘асугадтаанз д̇з маяаа ологид̇абаасаад̣̇о д̣̇идто’’д̇и? ‘‘аама, д̣̇зваа’’д̇и. ‘‘д̇ад̇т̇згам̣ ид̇т̇им̣ ад̣̇д̣̇асаа’’д̇и? ‘‘ад̣̇д̣̇асам̣, д̣̇зваа’’д̇и. ‘‘г̇ажча, д̇ассаа сасаамигаасаамигабхаавам̣ ж̇аанаахий’’д̇и. со г̇анд̇ваа д̇ассаа сасаамигабхаавам̣ н̃ад̇ваа ааг̇анд̇ваа ран̃н̃о ‘‘сасаамигаа’’д̇и аарожзси. ат̇а ран̃н̃аа ‘‘д̇зна хи д̇ассаа саамигам̣ баггосаахий’’д̇и вуд̇д̇з со г̇анд̇ваа, ‘‘зхи, бхо, рааж̇аа д̇ам̣ баггосад̇ий’’д̇и ааха. со ‘‘бхарияам̣ мз ниссааяа бхаязна уббаннзна бхавид̇аб̣б̣а’’нд̇и жинд̇зд̇ваа ран̃н̃о аан̣ам̣ бадиб̣аахид̇ум̣ асаггонд̇о г̇анд̇ваа рааж̇аанам̣ ванд̣̇ид̇ваа адтааси. ат̇а нам̣ рааж̇аа ‘‘мам̣ ид̇о бадтааяа убадтаахий’’д̇и ааха. ‘‘алам̣, д̣̇зва, ахам̣ ад̇д̇ано гаммам̣ гад̇ваа д̇умхаагам̣ сун̇гам̣ д̣̇ад̣̇аами, гхарзязва мз ж̇ийвигаа ход̇уу’’д̇и. ‘‘д̇ава сун̇гзна маяхам̣ ад̇т̇о над̇т̇и, аж̇ж̇ад̇о бадтааяа мам̣ убадтаахий’’д̇и д̇асса палаган̃жа аавуд̇хан̃жа д̣̇аабзси. звам̣ гирасса ахоси – ‘‘ган̃жид̣̇звасса д̣̇осам̣ ааробзд̇ваа гхаад̇зд̇ваа бхарияам̣ г̇ан̣хиссаамий’’д̇и. ат̇а нам̣ со маран̣абхаяабхийд̇о аббамад̇д̇о худ̇ваа убадтааси.

    Rājā kira pasenadi kosalo ekasmiṃ chaṇadivase alaṅkatapaṭiyattaṃ sabbasetaṃ ekaṃ puṇḍarīkaṃ nāma hatthiṃ abhiruyha mahantena rājānubhāvena nagaraṃ padakkhiṇaṃ karoti. Ussāraṇāya vattamānāya leḍḍudaṇḍādīhi pothiyamāno mahājano palāyanto gīvaṃ parivaṭṭetvāpi oloketiyeva. Rājūnaṃ kira sudinnadānassetaṃ phalaṃ. Aññatarassāpi duggatapurisassa bhariyā sattabhūmikassa pāsādassa uparitale ṭhitā ekaṃ vātapānakavāṭaṃ vivaritvā rājānaṃ oloketvāva apagacchi. Rañño puṇṇacando valāhakantaraṃ paviṭṭho viya upaṭṭhāsi. So tassā paṭibaddhacitto hatthikkhandhato patanākārappatto viya hutvā khippaṃ nagaraṃ padakkhiṇaṃ katvā antepuraṃ pavisitvā ekaṃ vissāsakaṃ amaccaṃ āha – ‘‘asukaṭṭhāne te mayā olokitapāsādo diṭṭho’’ti? ‘‘Āma, devā’’ti. ‘‘Tatthekaṃ itthiṃ addasā’’ti? ‘‘Addasaṃ, devā’’ti. ‘‘Gaccha, tassā sasāmikaasāmikabhāvaṃ jānāhī’’ti. So gantvā tassā sasāmikabhāvaṃ ñatvā āgantvā rañño ‘‘sasāmikā’’ti ārocesi. Atha raññā ‘‘tena hi tassā sāmikaṃ pakkosāhī’’ti vutte so gantvā, ‘‘ehi, bho, rājā taṃ pakkosatī’’ti āha. So ‘‘bhariyaṃ me nissāya bhayena uppannena bhavitabba’’nti cintetvā rañño āṇaṃ paṭibāhituṃ asakkonto gantvā rājānaṃ vanditvā aṭṭhāsi. Atha naṃ rājā ‘‘maṃ ito paṭṭhāya upaṭṭhāhī’’ti āha. ‘‘Alaṃ, deva, ahaṃ attano kammaṃ katvā tumhākaṃ suṅkaṃ dadāmi, ghareyeva me jīvikā hotū’’ti. ‘‘Tava suṅkena mayhaṃ attho natthi, ajjato paṭṭhāya maṃ upaṭṭhāhī’’ti tassa phalakañca āvudhañca dāpesi. Evaṃ kirassa ahosi – ‘‘kañcidevassa dosaṃ āropetvā ghātetvā bhariyaṃ gaṇhissāmī’’ti. Atha naṃ so maraṇabhayabhīto appamatto hutvā upaṭṭhāsi.

    рааж̇аа д̇асса д̣̇осам̣ абассанд̇о гаамабарил̣аахз вад̣дханд̇з ‘‘згамасса д̣̇осам̣ ааробзд̇ваа рааж̇аан̣ам̣ гариссаамий’’д̇и баггосаабзд̇ваа звамааха – ‘‘амбхо ид̇о яож̇анамад̇т̇агз над̣̇ияаа асугадтаанам̣ наама г̇анд̇ваа сааяам̣ мама нхаанавзлааяа гумуд̣̇уббалаани жзва арун̣авад̇иймад̇д̇иган̃жа аахара. сажз д̇асмим̣ кан̣з нааг̇ажчаси, аан̣ам̣ д̇з гариссаамий’’д̇и. сзваго гира жад̇уухиби д̣̇аасзхи бад̇игидтад̇аро. д̇ханаггийд̇аад̣̇аяо хи д̣̇аасаа ‘‘сийсам̣ мз руж̇ж̇ад̇и, бидти мз руж̇ж̇ад̇ий’’д̇и вад̇ваа ажчид̇ум̣ лабханд̇иязва. сзвагассзд̇ам̣ над̇т̇и, аан̣ад̇д̇агаммам̣ гаад̇умзва ваддад̇и. д̇асмаа со ‘‘авассам̣ маяаа г̇анд̇аб̣б̣ам̣, гумуд̣̇уббалзхи сад̣̇д̇хим̣ арун̣авад̇иймад̇д̇игаа наама нааг̇абхаванз уббаж̇ж̇ад̇и, ахам̣ гухим̣ лабхиссаамий’’д̇и жинд̇знд̇о маран̣абхаяабхийд̇о взг̇зна г̇зхам̣ г̇анд̇ваа, ‘‘бхад̣̇д̣̇з, нидтид̇ам̣ мз бхад̇д̇а’’нд̇и ааха. ‘‘уд̣̇д̇ханамад̇т̇агз, саамий’’д̇и. со яаава бхад̇д̇ам̣ од̇арад̇и, д̇аава санд̇хаарзд̇ум̣ асаггонд̇о ул̣ун̇гзна ган̃ж̇игам̣ хараабзд̇ваа яат̇аалад̣̇д̇хзна б̣яан̃ж̇анзна сад̣̇д̇хим̣ алламзва бхад̇д̇ам̣ бажчияам̣ обийл̣зд̇ваа аад̣̇ааяа яож̇анигам̣ маг̇г̇ам̣ багканд̣̇о, д̇асса г̇ажчанд̇ассзва бхад̇д̇ам̣ баггам̣ ахоси. со анужчидтам̣ гад̇ваава т̇огам̣ бхад̇д̇ам̣ абанзд̇ваа бхун̃ж̇анд̇о згам̣ ад̣̇д̇хигам̣ д̣̇исваа маяаа абанзд̇ваа табид̇ам̣ т̇огам̣ анужчидтам̣ бхад̇д̇амзва ад̇т̇и г̇ахзд̇ваа бхун̃ж̇а саамийд̇и. со г̇ан̣хид̇ваа бхун̃ж̇и. ид̇ароби бхун̃ж̇ид̇ваа згам̣ бхад̇д̇амудтим̣ уд̣̇агз кибид̇ваа мукам̣ вигкаалзд̇ваа маханд̇зна сад̣̇д̣̇зна ‘‘имасмим̣ над̣̇ийбад̣̇зсз ад̇хивад̇т̇аа нааг̇аа субан̣н̣аа д̣̇звад̇аа жа важанам̣ мз сун̣анд̇у, рааж̇аа маяхам̣ аан̣ам̣ гаад̇угаамо ‘гумуд̣̇уббалзхи сад̣̇д̇хим̣ арун̣авад̇иймад̇д̇игам̣ аахараа’д̇и мам̣ аан̣аабзси, ад̣̇д̇хигамануссасса жа мз бхад̇д̇ам̣ д̣̇иннам̣, д̇ам̣ сахассаанисам̣сам̣, уд̣̇агз мажчаанам̣ д̣̇иннам̣, д̇ам̣ сад̇аанисам̣сам̣. зд̇д̇агам̣ бун̃н̃апалам̣ д̇умхаагам̣ бад̇д̇им̣ гад̇ваа д̣̇амми, маяхам̣ гумуд̣̇уббалзхи сад̣̇д̇хим̣ арун̣авад̇иймад̇д̇игам̣ аахарат̇аа’’д̇и д̇игкад̇д̇ум̣ ануссаавзси. д̇ад̇т̇а ад̇хивад̇т̇о нааг̇арааж̇аа д̇ам̣ сад̣̇д̣̇ам̣ суд̇ваа махаллагавзсзна д̇асса санд̇игам̣ г̇анд̇ваа ‘‘гим̣ вад̣̇зсий’’д̇и ааха. со бунаби д̇ат̇зва вад̇ваа ‘‘маяхам̣ д̇ам̣ бад̇д̇им̣ д̣̇зхий’’д̇и вуд̇д̇з, ‘‘д̣̇змий’’д̇и ааха. бунаби ‘‘д̣̇зхий’’д̇и вуд̇д̇з, ‘‘д̣̇зми, саамий’’д̇и ааха. звам̣ со д̣̇вз д̇аяо ваарз бад̇д̇им̣ аахараабзд̇ваа гумуд̣̇уббалзхи сад̣̇д̇хим̣ арун̣авад̇иймад̇д̇игам̣ ад̣̇ааси.

    Rājā tassa dosaṃ apassanto kāmapariḷāhe vaḍḍhante ‘‘ekamassa dosaṃ āropetvā rājāṇaṃ karissāmī’’ti pakkosāpetvā evamāha – ‘‘ambho ito yojanamatthake nadiyā asukaṭṭhānaṃ nāma gantvā sāyaṃ mama nhānavelāya kumuduppalāni ceva aruṇavatīmattikañca āhara. Sace tasmiṃ khaṇe nāgacchasi, āṇaṃ te karissāmī’’ti. Sevako kira catūhipi dāsehi patikiṭṭhataro. Dhanakkītādayo hi dāsā ‘‘sīsaṃ me rujjati, piṭṭhi me rujjatī’’ti vatvā acchituṃ labhantiyeva. Sevakassetaṃ natthi, āṇattakammaṃ kātumeva vaṭṭati. Tasmā so ‘‘avassaṃ mayā gantabbaṃ, kumuduppalehi saddhiṃ aruṇavatīmattikā nāma nāgabhavane uppajjati, ahaṃ kuhiṃ labhissāmī’’ti cintento maraṇabhayabhīto vegena gehaṃ gantvā, ‘‘bhadde, niṭṭhitaṃ me bhatta’’nti āha. ‘‘Uddhanamatthake, sāmī’’ti. So yāva bhattaṃ otarati, tāva sandhāretuṃ asakkonto uḷuṅkena kañjikaṃ harāpetvā yathāladdhena byañjanena saddhiṃ allameva bhattaṃ pacchiyaṃ opīḷetvā ādāya yojanikaṃ maggaṃ pakkhando, tassa gacchantasseva bhattaṃ pakkaṃ ahosi. So anucchiṭṭhaṃ katvāva thokaṃ bhattaṃ apanetvā bhuñjanto ekaṃ addhikaṃ disvā mayā apanetvā ṭhapitaṃ thokaṃ anucchiṭṭhaṃ bhattameva atthi gahetvā bhuñja sāmīti. So gaṇhitvā bhuñji. Itaropi bhuñjitvā ekaṃ bhattamuṭṭhiṃ udake khipitvā mukhaṃ vikkhāletvā mahantena saddena ‘‘imasmiṃ nadīpadese adhivatthā nāgā supaṇṇā devatā ca vacanaṃ me suṇantu, rājā mayhaṃ āṇaṃ kātukāmo ‘kumuduppalehi saddhiṃ aruṇavatīmattikaṃ āharā’ti maṃ āṇāpesi, addhikamanussassa ca me bhattaṃ dinnaṃ, taṃ sahassānisaṃsaṃ, udake macchānaṃ dinnaṃ, taṃ satānisaṃsaṃ. Ettakaṃ puññaphalaṃ tumhākaṃ pattiṃ katvā dammi, mayhaṃ kumuduppalehi saddhiṃ aruṇavatīmattikaṃ āharathā’’ti tikkhattuṃ anussāvesi. Tattha adhivattho nāgarājā taṃ saddaṃ sutvā mahallakavesena tassa santikaṃ gantvā ‘‘kiṃ vadesī’’ti āha. So punapi tatheva vatvā ‘‘mayhaṃ taṃ pattiṃ dehī’’ti vutte, ‘‘demī’’ti āha. Punapi ‘‘dehī’’ti vutte, ‘‘demi, sāmī’’ti āha. Evaṃ so dve tayo vāre pattiṃ āharāpetvā kumuduppalehi saddhiṃ aruṇavatīmattikaṃ adāsi.

    рааж̇аа бана жинд̇зси – ‘‘мануссаа наама б̣ахумааяаа, сажз со гзнажи убааязна лабхзяяа, гижжам̣ мз на нибпаж̇ж̇зяяаа’’д̇и. со гаалассзва д̣̇ваарам̣ бид̣̇ахаабзд̇ваа муд̣̇д̣̇игам̣ ад̇д̇ано санд̇игам̣ аахараабзси. ид̇ароби бурисо ран̃н̃о нхаанавзлааяамзвааг̇анд̇ваа д̣̇ваарам̣ алабханд̇о д̣̇ваарабаалам̣ баггосзд̇ваа ‘‘д̣̇ваарам̣ вивараа’’д̇и ааха. ‘‘на саггаа виварид̇ум̣, рааж̇аа гаалассзва муд̣̇д̣̇игам̣ д̣̇ад̇ваа рааж̇аг̇зхам̣ аахараабзсий’’д̇и. со ‘‘рааж̇ад̣̇ууд̇о ахам̣, д̣̇ваарам̣ вивараа’’д̇и вад̇вааби ‘‘д̣̇ваарам̣ алабханд̇о над̇т̇и мз ид̣̇аани ж̇ийвид̇ам̣. гим̣ ну ко гариссаамий’’д̇и жинд̇зд̇ваа д̣̇ваарасса убариуммаарз мад̇д̇игаабин̣д̣ам̣ кибид̇ваа д̇ассуубари бубпаани лаг̇г̇зд̇ваа махаасад̣̇д̣̇ам̣ гаронд̇о, ‘‘амбхо, наг̇араваасино ран̃н̃о маяаа аан̣ад̇д̇ияаа г̇ад̇абхаавам̣ ж̇аанаат̇а, рааж̇аа мам̣ агааран̣зна винаасзд̇угаамо’’д̇и д̇игкад̇д̇ум̣ виравид̇ваа ‘‘гад̇т̇а ну ко г̇ажчиссаамий’’д̇и жинд̇зд̇ваа ‘‘бхигкуу наама муд̣̇ухад̣̇аяаа, вихаарам̣ г̇анд̇ваа нибаж̇ж̇иссаамий’’д̇и саннидтаанамагааси. имз хи наама сад̇д̇аа сукид̇агаалз бхигкуунам̣ ад̇т̇ибхаавамби аж̇аанид̇ваа д̣̇угкаабхибхууд̇агаалз вихаарам̣ г̇анд̇угаамаа хонд̇и, д̇асмаа соби ‘‘мз ан̃н̃ам̣ д̇аан̣ам̣ над̇т̇ий’’д̇и вихаарам̣ г̇анд̇ваа згасмим̣ паасугадтаанз нибаж̇ж̇и. ат̇а ран̃н̃оби д̇ам̣ рад̇д̇им̣ нид̣̇д̣̇ам̣ алабханд̇асса д̇ам̣ ид̇т̇им̣ ануссаранд̇асса гаамабарил̣аахо уббаж̇ж̇и. со жинд̇зси – ‘‘вибхаад̇агкан̣зязва д̇ам̣ бурисам̣ гхаад̇аабзд̇ваа д̇ам̣ ид̇т̇им̣ аанзссаамий’’д̇и.

    Rājā pana cintesi – ‘‘manussā nāma bahumāyā, sace so kenaci upāyena labheyya, kiccaṃ me na nipphajjeyyā’’ti. So kālasseva dvāraṃ pidahāpetvā muddikaṃ attano santikaṃ āharāpesi. Itaropi puriso rañño nhānavelāyamevāgantvā dvāraṃ alabhanto dvārapālaṃ pakkosetvā ‘‘dvāraṃ vivarā’’ti āha. ‘‘Na sakkā vivarituṃ, rājā kālasseva muddikaṃ datvā rājagehaṃ āharāpesī’’ti. So ‘‘rājadūto ahaṃ, dvāraṃ vivarā’’ti vatvāpi ‘‘dvāraṃ alabhanto natthi me idāni jīvitaṃ. Kiṃ nu kho karissāmī’’ti cintetvā dvārassa upariummāre mattikāpiṇḍaṃ khipitvā tassūpari pupphāni laggetvā mahāsaddaṃ karonto, ‘‘ambho, nagaravāsino rañño mayā āṇattiyā gatabhāvaṃ jānātha, rājā maṃ akāraṇena vināsetukāmo’’ti tikkhattuṃ viravitvā ‘‘kattha nu kho gacchissāmī’’ti cintetvā ‘‘bhikkhū nāma muduhadayā, vihāraṃ gantvā nipajjissāmī’’ti sanniṭṭhānamakāsi. Ime hi nāma sattā sukhitakāle bhikkhūnaṃ atthibhāvampi ajānitvā dukkhābhibhūtakāle vihāraṃ gantukāmā honti, tasmā sopi ‘‘me aññaṃ tāṇaṃ natthī’’ti vihāraṃ gantvā ekasmiṃ phāsukaṭṭhāne nipajji. Atha raññopi taṃ rattiṃ niddaṃ alabhantassa taṃ itthiṃ anussarantassa kāmapariḷāho uppajji. So cintesi – ‘‘vibhātakkhaṇeyeva taṃ purisaṃ ghātāpetvā taṃ itthiṃ ānessāmī’’ti.

    д̇асмим̣ кан̣зязва садтияож̇анигааяа лохагумбхияаа ниб̣б̣ад̇д̇аа жад̇д̇ааро бурисаа баггут̇ид̇ааяа угкалияаа д̇ан̣д̣улаа вияа самбаривад̇д̇агам̣ бажжамаанаа д̇им̣сааяа вассасахассзхи хздтимад̇алам̣ бад̇ваа абарзхи д̇им̣сааяа вассасахассзхи буна мукаваддияам̣ баабун̣им̣су. д̇з сийсам̣ угкибид̇ваа ан̃н̃аман̃н̃ам̣ ологзд̇ваа згзгам̣ г̇аат̇ам̣ вад̇д̇угаамаа вад̇д̇ум̣ асаггонд̇аа згзгам̣ агкарам̣ вад̇ваа баривад̇д̇ид̇ваа лохагумбхимзва бавидтаа. рааж̇аа нид̣̇д̣̇ам̣ алабханд̇о маж̇жхимаяаамасамананд̇арз д̇ам̣ сад̣̇д̣̇ам̣ суд̇ваа бхийд̇о уд̇расд̇амаанасо ‘‘гим̣ ну ко маяхам̣ ж̇ийвид̇анд̇арааяо бхависсад̇и, уд̣̇ааху мз аг̇г̇амахзсияаа, уд̣̇ааху мз раж̇ж̇ам̣ винассиссад̇ий’’д̇и жинд̇знд̇о сагаларад̇д̇им̣ агкийни нимийлзд̇ум̣ наасагки. со арун̣уг̇г̇аманавзлааяа зва бурохид̇ам̣ баггосаабзд̇ваа, ‘‘аажарияа, маяаа маж̇жхимаяаамасамананд̇арз маханд̇аа бхзравасад̣̇д̣̇аа суд̇аа, ‘раж̇ж̇асса ваа аг̇г̇амахзсияаа ваа маяхам̣ ваа гасса анд̇арааяо бхависсад̇ий’д̇и на ж̇аанаами, д̇зна мз д̇вам̣ баггосаабид̇о’’д̇и ааха. махаарааж̇а, гим̣ д̇з сад̣̇д̣̇аа суд̇аад̇и? ‘‘аажарияа, д̣̇у-ид̇и са-ид̇и на-ид̇и со-ид̇ийд̇и имз сад̣̇д̣̇з ассосим̣, имзсам̣ нибпад̇д̇им̣ убад̇хаарзхий’’д̇и. б̣раахман̣асса махааанд̇хагаарам̣ бавидтасса вияа на гин̃жи бан̃н̃ааяад̇и, ‘‘на ж̇аанаамий’’д̇и вуд̇д̇з ‘‘бана лаабхасаггааро мз барихааяиссад̇ий’’д̇и бхааяид̇ваа ‘‘бхаарияам̣, махаарааж̇аа’’д̇и ааха. ‘‘гим̣, аажарияаа’’д̇и? ‘‘ж̇ийвид̇анд̇арааяо д̇з бан̃н̃ааяад̇ий’’д̇и. со д̣̇виг̇ун̣ам̣ бхийд̇о, ‘‘аажарияа, ад̇т̇и гин̃жи бана бадигхаад̇агааран̣а’’нд̇и ааха. ‘‘ад̇т̇и, махаарааж̇а, маа бхааяи, ахам̣ д̇аяо взд̣̇з ж̇аанаамий’’д̇и. ‘‘гим̣ бана лад̣̇д̇хум̣ ваддад̇ий’’д̇и? ‘‘саб̣б̣асад̇аяан̃н̃ам̣ яаж̇ид̇ваа ж̇ийвид̇ам̣ лабхиссаси, д̣̇зваа’’д̇и. ‘‘гим̣ лад̣̇д̇хум̣ ваддад̇ий’’д̇и? хад̇т̇исад̇ам̣ ассасад̇ам̣ усабхасад̇ам̣ д̇хзнусад̇ам̣ аж̇асад̇ам̣ ураб̣бхасад̇ам̣ гуггудасад̇ам̣ суугарасад̇ам̣ д̣̇аарагасад̇ам̣ д̣̇ааригаасад̇анд̇и звам̣ згзгам̣ баан̣аж̇аад̇им̣ сад̇ам̣ сад̇ам̣ гад̇ваа г̇ан̣хаабзнд̇о ‘‘сажз миг̇аж̇аад̇имзва г̇ан̣хаабзссаами, ‘ад̇д̇ано каад̣̇анийяамзва г̇ан̣хаабзд̇ий’д̇и вагканд̇ий’’д̇и хад̇т̇иассамануссзби г̇ан̣хаабзд̇и. рааж̇аа ‘‘мама ж̇ийвид̇амзва маяхам̣ лаабхо’’д̇и жинд̇зд̇ваа ‘‘саб̣б̣абаан̣з сийгхам̣ г̇ан̣хат̇аа’’д̇и ааха. аан̣ад̇д̇амануссаа ад̇хигад̇арам̣ г̇ан̣хим̣су. вуд̇д̇амби жзд̇ам̣ госаласам̣яуд̇д̇з –

    Tasmiṃ khaṇeyeva saṭṭhiyojanikāya lohakumbhiyā nibbattā cattāro purisā pakkuthitāya ukkhaliyā taṇḍulā viya samparivattakaṃ paccamānā tiṃsāya vassasahassehi heṭṭhimatalaṃ patvā aparehi tiṃsāya vassasahassehi puna mukhavaṭṭiyaṃ pāpuṇiṃsu. Te sīsaṃ ukkhipitvā aññamaññaṃ oloketvā ekekaṃ gāthaṃ vattukāmā vattuṃ asakkontā ekekaṃ akkharaṃ vatvā parivattitvā lohakumbhimeva paviṭṭhā. Rājā niddaṃ alabhanto majjhimayāmasamanantare taṃ saddaṃ sutvā bhīto utrastamānaso ‘‘kiṃ nu kho mayhaṃ jīvitantarāyo bhavissati, udāhu me aggamahesiyā, udāhu me rajjaṃ vinassissatī’’ti cintento sakalarattiṃ akkhīni nimīletuṃ nāsakkhi. So aruṇuggamanavelāya eva purohitaṃ pakkosāpetvā, ‘‘ācariya, mayā majjhimayāmasamanantare mahantā bheravasaddā sutā, ‘rajjassa vā aggamahesiyā vā mayhaṃ vā kassa antarāyo bhavissatī’ti na jānāmi, tena me tvaṃ pakkosāpito’’ti āha. Mahārāja, kiṃ te saddā sutāti? ‘‘Ācariya, du-iti sa-iti na-iti so-itīti ime sadde assosiṃ, imesaṃ nipphattiṃ upadhārehī’’ti. Brāhmaṇassa mahāandhakāraṃ paviṭṭhassa viya na kiñci paññāyati, ‘‘na jānāmī’’ti vutte ‘‘pana lābhasakkāro me parihāyissatī’’ti bhāyitvā ‘‘bhāriyaṃ, mahārājā’’ti āha. ‘‘Kiṃ, ācariyā’’ti? ‘‘Jīvitantarāyo te paññāyatī’’ti. So dviguṇaṃ bhīto, ‘‘ācariya, atthi kiñci pana paṭighātakāraṇa’’nti āha. ‘‘Atthi, mahārāja, mā bhāyi, ahaṃ tayo vede jānāmī’’ti. ‘‘Kiṃ pana laddhuṃ vaṭṭatī’’ti? ‘‘Sabbasatayaññaṃ yajitvā jīvitaṃ labhissasi, devā’’ti. ‘‘Kiṃ laddhuṃ vaṭṭatī’’ti? Hatthisataṃ assasataṃ usabhasataṃ dhenusataṃ ajasataṃ urabbhasataṃ kukkuṭasataṃ sūkarasataṃ dārakasataṃ dārikāsatanti evaṃ ekekaṃ pāṇajātiṃ sataṃ sataṃ katvā gaṇhāpento ‘‘sace migajātimeva gaṇhāpessāmi, ‘attano khādanīyameva gaṇhāpetī’ti vakkhantī’’ti hatthiassamanussepi gaṇhāpeti. Rājā ‘‘mama jīvitameva mayhaṃ lābho’’ti cintetvā ‘‘sabbapāṇe sīghaṃ gaṇhathā’’ti āha. Āṇattamanussā adhikataraṃ gaṇhiṃsu. Vuttampi cetaṃ kosalasaṃyutte –

    ‘‘д̇зна ко бана самаязна ран̃н̃о басзнад̣̇исса госаласса махааяан̃н̃о бажжубадтид̇о ход̇и, бан̃жа жа усабхасад̇аани бан̃жа жа важчад̇арасад̇аани бан̃жа жа важчад̇арисад̇аани бан̃жа жа аж̇асад̇аани бан̃жа жа ураб̣бхасад̇аани т̇уун̣уубанийд̇аани хонд̇и яан̃н̃ад̇т̇ааяа. язбисса д̇з хонд̇и д̣̇аасаад̇и ваа бзссаад̇и ваа гаммагараад̇и ваа, д̇зби д̣̇ан̣д̣ад̇аж̇ж̇ид̇аа бхаяад̇аж̇ж̇ид̇аа ассумукаа руд̣̇амаанаа баригаммаани гаронд̇ий’’д̇и (сам̣. ни. 1.120).

    ‘‘Tena kho pana samayena rañño pasenadissa kosalassa mahāyañño paccupaṭṭhito hoti, pañca ca usabhasatāni pañca ca vacchatarasatāni pañca ca vacchatarisatāni pañca ca ajasatāni pañca ca urabbhasatāni thūṇūpanītāni honti yaññatthāya. Yepissa te honti dāsāti vā pessāti vā kammakarāti vā, tepi daṇḍatajjitā bhayatajjitā assumukhā rudamānā parikammāni karontī’’ti (saṃ. ni. 1.120).

    махааж̇ано ад̇д̇ано ад̇д̇ано буд̇д̇ад̇хийд̇ун̃аад̇ийнам̣ ад̇т̇ааяа барид̣̇звамаано махаасад̣̇д̣̇амагааси, махаабат̇авийунд̣̇рияанасад̣̇д̣̇о вияа ахоси. ат̇а маллигаа д̣̇звий д̇ам̣ сад̣̇д̣̇ам̣ суд̇ваа ран̃н̃о санд̇игам̣ г̇анд̇ваа ‘‘гим̣ ну ко д̇з, махаарааж̇а, инд̣̇рияаани абаагад̇игаани, гиланд̇аруубаани вияа бан̃н̃ааяанд̇ий’’д̇и бужчи. ‘‘гим̣ д̇уяхам̣ , маллигз, д̇вам̣ мама ган̣н̣амуулзна аасивисамби г̇ажчанд̇ам̣ на ж̇аанаасий’’д̇и? ‘‘гим̣ банзд̇ам̣, д̣̇зваа’’д̇и? ‘‘рад̇д̇ибхааг̇з мз зваруубо наама сад̣̇д̣̇о суд̇о , сваахам̣ бурохид̇ам̣ бужчид̇ваа ж̇ийвид̇анд̇арааяо д̇з бан̃н̃ааяад̇и, саб̣б̣асад̇аяан̃н̃ам̣ яаж̇ид̇ваа ж̇ийвид̇ам̣ лабхиссасий’’д̇и суд̇ваа ‘‘мама ж̇ийвид̇амзва маяхам̣ лаабхо’’д̇и имз баан̣з г̇ан̣хаабзсинд̇и. маллигаа д̣̇звий, ‘‘анд̇хаб̣аалоси, махаарааж̇а, гин̃жааби махаабхагкоси, анзгасуубаб̣яан̃ж̇анавигад̇игам̣ д̣̇он̣абаагам̣ бхож̇анам̣ бхун̃ж̇аси, д̣̇вийсу радтзсу раж̇ж̇ам̣ гаарзси, бан̃н̃аа бана д̇з манд̣̇аа’’д̇и ааха. ‘‘гасмаа звам̣ вад̣̇зси, д̣̇звий’’д̇и? ‘‘гахам̣ д̇аяаа ан̃н̃асса маран̣зна ан̃н̃асса ж̇ийвид̇алаабхо д̣̇идтабуб̣б̣о, анд̇хаб̣ааласса б̣раахман̣асса гат̇ам̣ г̇ахзд̇ваа гасмаа махааж̇анасса убари д̣̇угкам̣ кибаси, д̇хуравихаарз сад̣̇звагасса логасса аг̇г̇абуг̇г̇ало ад̇ийд̇аад̣̇ийсу аббадихад̇ан̃аан̣о сад̇т̇аа васад̇и, д̇ам̣ бужчид̇ваа д̇ассоваад̣̇ам̣ гарохий’’д̇и вуд̇д̇з рааж̇аа саллахугзхи яаанзхи маллигааяа сад̣̇д̇хим̣ вихаарам̣ г̇анд̇ваа маран̣абхаяад̇аж̇ж̇ид̇о гин̃жи вад̇д̇ум̣ асаггонд̇о сад̇т̇аарам̣ ванд̣̇ид̇ваа згаманд̇ам̣ нисийд̣̇и.

    Mahājano attano attano puttadhītuñātīnaṃ atthāya paridevamāno mahāsaddamakāsi, mahāpathavīundriyanasaddo viya ahosi. Atha mallikā devī taṃ saddaṃ sutvā rañño santikaṃ gantvā ‘‘kiṃ nu kho te, mahārāja, indriyāni apākatikāni, kilantarūpāni viya paññāyantī’’ti pucchi. ‘‘Kiṃ tuyhaṃ , mallike, tvaṃ mama kaṇṇamūlena āsivisampi gacchantaṃ na jānāsī’’ti? ‘‘Kiṃ panetaṃ, devā’’ti? ‘‘Rattibhāge me evarūpo nāma saddo suto , svāhaṃ purohitaṃ pucchitvā jīvitantarāyo te paññāyati, sabbasatayaññaṃ yajitvā jīvitaṃ labhissasī’’ti sutvā ‘‘mama jīvitameva mayhaṃ lābho’’ti ime pāṇe gaṇhāpesinti. Mallikā devī, ‘‘andhabālosi, mahārāja, kiñcāpi mahābhakkhosi, anekasūpabyañjanavikatikaṃ doṇapākaṃ bhojanaṃ bhuñjasi, dvīsu raṭṭhesu rajjaṃ kāresi, paññā pana te mandā’’ti āha. ‘‘Kasmā evaṃ vadesi, devī’’ti? ‘‘Kahaṃ tayā aññassa maraṇena aññassa jīvitalābho diṭṭhapubbo, andhabālassa brāhmaṇassa kathaṃ gahetvā kasmā mahājanassa upari dukkhaṃ khipasi, dhuravihāre sadevakassa lokassa aggapuggalo atītādīsu appaṭihatañāṇo satthā vasati, taṃ pucchitvā tassovādaṃ karohī’’ti vutte rājā sallahukehi yānehi mallikāya saddhiṃ vihāraṃ gantvā maraṇabhayatajjito kiñci vattuṃ asakkonto satthāraṃ vanditvā ekamantaṃ nisīdi.

    ат̇а нам̣ сад̇т̇аа ‘‘ханд̣̇а гуд̇о ну д̇вам̣, махаарааж̇а, ааг̇ажчаси д̣̇иваа д̣̇ивассаа’’д̇и батамад̇арам̣ аалаби. со д̇ун̣хийязва нисийд̣̇и. д̇ад̇о маллигаа бхаг̇авад̇о аарожзси – ‘‘бханд̇з, ран̃н̃аа гира маж̇жхимаяаамасамананд̇арз сад̣̇д̣̇о суд̇о. ат̇а нам̣ бурохид̇асса аарожзси. бурохид̇о ‘ж̇ийвид̇анд̇арааяо д̇з бхависсад̇и, д̇асса бадигхаад̇ад̇т̇ааяа саб̣б̣асад̇з баан̣з г̇ахзд̇ваа д̇зсам̣ г̇алалохид̇зна яан̃н̃з яаж̇ид̇з ж̇ийвид̇ам̣ лабхиссасий’д̇и ааха. рааж̇аа баан̣з г̇ан̣хаабзси, д̇знааяам̣ маяаа ид̇хаанийд̇о’’д̇и. ‘‘звам̣ гира, махаарааж̇аа’’д̇и? ‘‘звам̣, бханд̇з’’д̇и. ‘‘гинд̇и д̇з сад̣̇д̣̇о суд̇о’’д̇и? со ад̇д̇анаа суд̇анияаамзнзва аажигки. д̇ат̇ааг̇ад̇асса д̇ам̣ суд̇ваава згобхаасо ахоси. ат̇а нам̣ сад̇д̇аа ааха – ‘‘маа бхааяи, махаарааж̇а, д̇ава анд̇арааяо над̇т̇и, баабагаммино сад̇т̇аа ад̇д̇ано д̣̇угкам̣ аавийгаронд̇аа звамаахам̣суу’’д̇и. ‘‘гим̣ бана, бханд̇з, д̇зхи гад̇а’’нд̇и? ат̇а ко бхаг̇аваа д̇зсам̣ гаммам̣ аажигкид̇ум̣ ‘‘д̇зна хи, махаарааж̇а, сун̣аахий’’д̇и вад̇ваа ад̇ийд̇ам̣ аахари –

    Atha naṃ satthā ‘‘handa kuto nu tvaṃ, mahārāja, āgacchasi divā divassā’’ti paṭhamataraṃ ālapi. So tuṇhīyeva nisīdi. Tato mallikā bhagavato ārocesi – ‘‘bhante, raññā kira majjhimayāmasamanantare saddo suto. Atha naṃ purohitassa ārocesi. Purohito ‘jīvitantarāyo te bhavissati, tassa paṭighātatthāya sabbasate pāṇe gahetvā tesaṃ galalohitena yaññe yajite jīvitaṃ labhissasī’ti āha. Rājā pāṇe gaṇhāpesi, tenāyaṃ mayā idhānīto’’ti. ‘‘Evaṃ kira, mahārājā’’ti? ‘‘Evaṃ, bhante’’ti. ‘‘Kinti te saddo suto’’ti? So attanā sutaniyāmeneva ācikkhi. Tathāgatassa taṃ sutvāva ekobhāso ahosi. Atha naṃ sattā āha – ‘‘mā bhāyi, mahārāja, tava antarāyo natthi, pāpakammino satthā attano dukkhaṃ āvīkarontā evamāhaṃsū’’ti. ‘‘Kiṃ pana, bhante, tehi kata’’nti? Atha kho bhagavā tesaṃ kammaṃ ācikkhituṃ ‘‘tena hi, mahārāja, suṇāhī’’ti vatvā atītaṃ āhari –

    ад̇ийд̇з вийсад̇ивассасахассааяугзсу мануссзсу гассабо бхаг̇аваа логз уббаж̇ж̇ид̇ваа вийсад̇ияаа кийн̣аасавасахассзхи сад̣̇д̇хим̣ жааригам̣ жарамаано б̣аараан̣асимаг̇амааси. б̣аараан̣асиваасино д̣̇взби д̇аяоби б̣ахуд̇арааби згад̇о худ̇ваа ааг̇анд̇угад̣̇аанам̣ бавад̇д̇аяим̣су. д̇ад̣̇аа б̣аараан̣асияам̣ жад̇д̇аалийсагодивибхаваа жад̇д̇ааро сздтибуд̇д̇аа сахааяагаа ахзсум̣. д̇з манд̇аяим̣су – ‘‘амхаагам̣ г̇зхз б̣ахуд̇ханам̣, д̇зна гим̣ гаромаа’’д̇и? ‘‘зваруубз б̣уд̣̇д̇хз жааригам̣ жарамаанз д̣̇аанам̣ д̣̇ассаама, сийлам̣ рагкиссаама, бууж̇ам̣ гариссаамаа’’д̇и згоби авад̇ваа д̇зсу зго д̇аава звамааха – ‘‘д̇икин̣асурам̣ биванд̇аа мад̇хурамам̣сам̣ каад̣̇анд̇аа вижариссаама, ид̣̇ам̣ амхаагам̣ ж̇ийвид̇апала’’нд̇и. абароби звамааха – ‘‘д̣̇звасигам̣ д̇ивассигаг̇анд̇хасаалибхад̇д̇ам̣ наанаг̇г̇арасзхи бхун̃ж̇анд̇аа вижариссаамаа’’д̇и. абароби звамааха – ‘‘наанаббагаарам̣ буувакаж̇ж̇агавигад̇им̣ бажаабзд̇ваа каад̣̇анд̇аа вижариссаамаа’’д̇и. абароби звамааха – ‘‘саммаа маяам̣ ан̃н̃ам̣ гин̃жи на гариссаама, ‘д̇ханам̣ д̣̇ассаамаа’д̇и вуд̇д̇з анижчамаанаа ид̇т̇ий наама над̇т̇и, д̇асмаа д̇ханзна балобхзд̇ваа баарад̣̇ааригагаммам̣ гариссаамаа’’д̇и. ‘‘саад̇ху, саад̇хуу’’д̇и саб̣б̣зва д̇асса гат̇ааяа адтам̣су.

    Atīte vīsativassasahassāyukesu manussesu kassapo bhagavā loke uppajjitvā vīsatiyā khīṇāsavasahassehi saddhiṃ cārikaṃ caramāno bārāṇasimagamāsi. Bārāṇasivāsino dvepi tayopi bahutarāpi ekato hutvā āgantukadānaṃ pavattayiṃsu. Tadā bārāṇasiyaṃ cattālīsakoṭivibhavā cattāro seṭṭhiputtā sahāyakā ahesuṃ. Te mantayiṃsu – ‘‘amhākaṃ gehe bahudhanaṃ, tena kiṃ karomā’’ti? ‘‘Evarūpe buddhe cārikaṃ caramāne dānaṃ dassāma, sīlaṃ rakkhissāma, pūjaṃ karissāmā’’ti ekopi avatvā tesu eko tāva evamāha – ‘‘tikhiṇasuraṃ pivantā madhuramaṃsaṃ khādantā vicarissāma, idaṃ amhākaṃ jīvitaphala’’nti. Aparopi evamāha – ‘‘devasikaṃ tivassikagandhasālibhattaṃ nānaggarasehi bhuñjantā vicarissāmā’’ti. Aparopi evamāha – ‘‘nānappakāraṃ pūvakhajjakavikatiṃ pacāpetvā khādantā vicarissāmā’’ti. Aparopi evamāha – ‘‘sammā mayaṃ aññaṃ kiñci na karissāma, ‘dhanaṃ dassāmā’ti vutte anicchamānā itthī nāma natthi, tasmā dhanena palobhetvā pāradārikakammaṃ karissāmā’’ti. ‘‘Sādhu, sādhū’’ti sabbeva tassa kathāya aṭṭhaṃsu.

    д̇з д̇ад̇о бадтааяа абхируубаанам̣ ид̇т̇ийнам̣ д̇ханам̣ бзсзд̇ваа вийсад̇ивассасахассаани баарад̣̇ааригагаммам̣ гад̇ваа гаалам̣ гад̇ваа авийжинираяз ниб̣б̣ад̇д̇аа. д̇з згам̣ б̣уд̣̇д̇ханд̇арам̣ нираяз бажжид̇ваа д̇ад̇т̇а гаалам̣ гад̇ваа баггаавасзсзна садтияож̇анигааяа лохагумбхияаа ниб̣б̣ад̇д̇ид̇ваа д̇им̣сааяа вассасахассзхи хздтимад̇алам̣ бад̇ваа бунаби д̇им̣сааяа вассасахассзхи лохагумбхимукам̣ бад̇ваа згзгам̣ г̇аат̇ам̣ вад̇д̇угаамаа худ̇ваа вад̇д̇ум̣ асаггонд̇аа згзгам̣ агкарам̣ вад̇ваа буна баривад̇д̇ид̇ваа, лохагумбхимзва бавидтаа. ‘‘вад̣̇зхи, махаарааж̇а, батамам̣ д̇з гим̣ сад̣̇д̣̇о наама суд̇о’’д̇и? ‘‘д̣̇у-ид̇и, бханд̇з’’д̇и. сад̇т̇аа д̇зна абарибун̣н̣ам̣ гад̇ваа вуд̇д̇ам̣ г̇аат̇ам̣ барибун̣н̣ам̣ гад̇ваа д̣̇ассзнд̇о звамааха –

    Te tato paṭṭhāya abhirūpānaṃ itthīnaṃ dhanaṃ pesetvā vīsativassasahassāni pāradārikakammaṃ katvā kālaṃ katvā avīciniraye nibbattā. Te ekaṃ buddhantaraṃ niraye paccitvā tattha kālaṃ katvā pakkāvasesena saṭṭhiyojanikāya lohakumbhiyā nibbattitvā tiṃsāya vassasahassehi heṭṭhimatalaṃ patvā punapi tiṃsāya vassasahassehi lohakumbhimukhaṃ patvā ekekaṃ gāthaṃ vattukāmā hutvā vattuṃ asakkontā ekekaṃ akkharaṃ vatvā puna parivattitvā, lohakumbhimeva paviṭṭhā. ‘‘Vadehi, mahārāja, paṭhamaṃ te kiṃ saddo nāma suto’’ti? ‘‘Du-iti, bhante’’ti. Satthā tena aparipuṇṇaṃ katvā vuttaṃ gāthaṃ paripuṇṇaṃ katvā dassento evamāha –

    ‘‘д̣̇уж̇ж̇ийвид̇амаж̇ийвимха , яз санд̇з на д̣̇ад̣̇амхасз;

    ‘‘Dujjīvitamajīvimha , ye sante na dadamhase;

    виж̇ж̇амаанзсу бхог̇зсу, д̣̇ийбам̣ наагамха ад̇д̇ано’’д̇и. (ж̇аа. 1.4.53; бз. ва. 804);

    Vijjamānesu bhogesu, dīpaṃ nākamha attano’’ti. (jā. 1.4.53; pe. va. 804);

    ат̇а ран̃н̃о имиссаа г̇аат̇ааяа ад̇т̇ам̣ багаасзд̇ваа, ‘‘гим̣ д̇з, махаарааж̇а, д̣̇уд̇ияасад̣̇д̣̇о д̇ад̇ияасад̣̇д̣̇о жад̇уд̇т̇асад̣̇д̣̇о суд̇о’’д̇и бужчид̇ваа ‘‘звам̣ наамаа’’д̇и вуд̇д̇з авасзсам̣ барибуурзнд̇о –

    Atha rañño imissā gāthāya atthaṃ pakāsetvā, ‘‘kiṃ te, mahārāja, dutiyasaddo tatiyasaddo catutthasaddo suto’’ti pucchitvā ‘‘evaṃ nāmā’’ti vutte avasesaṃ paripūrento –

    ‘‘садтивассасахассаани, барибун̣н̣аани саб̣б̣асо;

    ‘‘Saṭṭhivassasahassāni, paripuṇṇāni sabbaso;

    нираяз бажжамаанаанам̣, гад̣̇аа анд̇о бхависсад̇и.

    Niraye paccamānānaṃ, kadā anto bhavissati.

    ‘‘над̇т̇и анд̇о гуд̇о анд̇о, на анд̇о бадид̣̇иссад̇и;

    ‘‘Natthi anto kuto anto, na anto paṭidissati;

    д̇ад̣̇аа хи багад̇ам̣ баабам̣, мама д̇уяхан̃жа маарисаа.

    Tadā hi pakataṃ pāpaṃ, mama tuyhañca mārisā.

    ‘‘сохам̣ нууна ид̇о г̇анд̇ваа, яоним̣ лад̣̇д̇хаана маанусим̣;

    ‘‘Sohaṃ nūna ito gantvā, yoniṃ laddhāna mānusiṃ;

    вад̣̇ан̃н̃уу сийласамбанно, гаахаами гусалам̣ б̣аху’’нд̇и. (ж̇аа. 1.4.54-56; бз. ва. 802, 803, 805) –

    Vadaññū sīlasampanno, kāhāmi kusalaṃ bahu’’nti. (jā. 1.4.54-56; pe. va. 802, 803, 805) –

    бадибаадияаа имаа г̇аат̇аа вад̇ваа д̇аасам̣ ад̇т̇ам̣ багаасзд̇ваа ‘‘ид̇и ко, махаарааж̇а, д̇з жад̇д̇ааро ж̇анаа згзгам̣ г̇аат̇ам̣ вад̇д̇угаамааби вад̇д̇ум̣ асаггонд̇аа згагамзва агкарам̣ вад̇ваа буна лохагумбхимзва бавидтаа’’д̇и ааха.

    Paṭipāṭiyā imā gāthā vatvā tāsaṃ atthaṃ pakāsetvā ‘‘iti kho, mahārāja, te cattāro janā ekekaṃ gāthaṃ vattukāmāpi vattuṃ asakkontā ekakameva akkharaṃ vatvā puna lohakumbhimeva paviṭṭhā’’ti āha.

    ран̃н̃аа гира басзнад̣̇игосалзна д̇асса сад̣̇д̣̇асса суд̇агаалад̇о бадтааяа д̇з хздтаа бхассанд̇и зва, аж̇ж̇ааби згам̣ вассасахассам̣ наад̇иггаманд̇и. ран̃н̃о д̇ам̣ д̣̇зсанам̣ суд̇ваа махаасам̣взг̇о уббаж̇ж̇и. со ‘‘бхаарияам̣ вад̇ид̣̇ам̣ баарад̣̇ааригагаммам̣ наама, згам̣ гира б̣уд̣̇д̇ханд̇арам̣ нираяз бажжид̇ваа д̇ад̇о жуд̇аа садтияож̇анигааяа лохагумбхияаа ниб̣б̣ад̇д̇ид̇ваа д̇ад̇т̇а садтивассасахассаани бажжид̇ваа звамби нзсам̣ д̣̇угкаа мужжанагаало на бан̃н̃ааяад̇и, ахамби барад̣̇аарз синзхам̣ гад̇ваа саб̣б̣арад̇д̇им̣ нид̣̇д̣̇ам̣ на лабхим̣, ид̣̇аани ид̇о бадтааяа барад̣̇аарз маанасам̣ на б̣анд̇хиссаамий’’д̇и жинд̇зд̇ваа д̇ат̇ааг̇ад̇ам̣ ааха – ‘‘бханд̇з, аж̇ж̇а мз рад̇д̇ияаа д̣̇ийгхабхааво н̃аад̇о’’д̇и. соби бурисо д̇ад̇т̇зва нисинно д̇ам̣ гат̇ам̣ суд̇ваа ‘‘лад̣̇д̇хо мз б̣алаваббажжаяо’’д̇и сад̇т̇аарам̣ ааха – ‘‘бханд̇з, ран̃н̃аа д̇аава аж̇ж̇а рад̇д̇ияаа д̣̇ийгхабхааво н̃аад̇о, ахам̣ бана хияяо саяамзва яож̇анасса д̣̇ийгхабхаавам̣ ан̃н̃ааси’’нд̇и. сад̇т̇аа д̣̇виннамби гат̇ам̣ сам̣санд̣̇ид̇ваа ‘‘згажжасса рад̇д̇и д̣̇ийгхаа ход̇и, згажжасса яож̇анам̣ д̣̇ийгхам̣ ход̇и, б̣ааласса бана сам̣сааро д̣̇ийгхо ход̇ий’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

    Raññā kira pasenadikosalena tassa saddassa sutakālato paṭṭhāya te heṭṭhā bhassanti eva, ajjāpi ekaṃ vassasahassaṃ nātikkamanti. Rañño taṃ desanaṃ sutvā mahāsaṃvego uppajji. So ‘‘bhāriyaṃ vatidaṃ pāradārikakammaṃ nāma, ekaṃ kira buddhantaraṃ niraye paccitvā tato cutā saṭṭhiyojanikāya lohakumbhiyā nibbattitvā tattha saṭṭhivassasahassāni paccitvā evampi nesaṃ dukkhā muccanakālo na paññāyati, ahampi paradāre sinehaṃ katvā sabbarattiṃ niddaṃ na labhiṃ, idāni ito paṭṭhāya paradāre mānasaṃ na bandhissāmī’’ti cintetvā tathāgataṃ āha – ‘‘bhante, ajja me rattiyā dīghabhāvo ñāto’’ti. Sopi puriso tattheva nisinno taṃ kathaṃ sutvā ‘‘laddho me balavappaccayo’’ti satthāraṃ āha – ‘‘bhante, raññā tāva ajja rattiyā dīghabhāvo ñāto, ahaṃ pana hiyyo sayameva yojanassa dīghabhāvaṃ aññāsi’’nti. Satthā dvinnampi kathaṃ saṃsanditvā ‘‘ekaccassa ratti dīghā hoti, ekaccassa yojanaṃ dīghaṃ hoti, bālassa pana saṃsāro dīgho hotī’’ti vatvā dhammaṃ desento imaṃ gāthamāha –

    60.

    60.

    ‘‘д̣̇ийгхаа ж̇ааг̇арад̇о рад̇д̇и, д̣̇ийгхам̣ санд̇асса яож̇анам̣;

    ‘‘Dīghā jāgarato ratti, dīghaṃ santassa yojanaṃ;

    д̣̇ийгхо б̣аалаана сам̣сааро, сад̣̇д̇хаммам̣ авиж̇аанад̇а’’нд̇и.

    Dīgho bālāna saṃsāro, saddhammaṃ avijānata’’nti.

    д̇ад̇т̇а д̣̇ийгхаад̇и рад̇д̇и наамзсаа д̇ияаамамад̇д̇аава, ж̇ааг̇аранд̇асса бана д̣̇ийгхаа ход̇и, д̣̇виг̇ун̣ад̇иг̇ун̣аа вияа худ̇ваа кааяад̇и. д̇ассаа д̣̇ийгхабхаавам̣ ад̇д̇аанам̣ ман̇гун̣асан̇гхасса бхад̇д̇ам̣ гад̇ваа яаава суурияуг̇г̇аманаа самбаривад̇д̇агам̣ сзмаано махаагусийд̇оби, субхож̇анам̣ бхун̃ж̇ид̇ваа сирисаяанз саяамаано гаамабхог̇ийби на ж̇аанаад̇и, саб̣б̣арад̇д̇им̣ бана бад̇хаанам̣ бад̣̇аханд̇о яог̇ааважаро жа, д̇хаммагат̇ам̣ гат̇знд̇о д̇хаммагат̇иго жа, аасанасамийбз тад̇ваа д̇хаммам̣ сун̣анд̇о жа, сийсарог̇аад̣̇ипудто ваа хад̇т̇абаад̣̇ажчзд̣̇анаад̣̇им̣ бад̇д̇о ваа взд̣̇анаабхибхууд̇о жа, рад̇д̇им̣ маг̇г̇абадибанно ад̣̇д̇хиго жа ж̇аанаад̇и. яож̇ананд̇и яож̇анамби жад̇уг̇аавуд̇амад̇д̇амзва, санд̇асса бана гиланд̇асса д̣̇ийгхам̣ ход̇и, д̣̇виг̇ун̣ад̇иг̇ун̣ам̣ вияа кааяад̇и. сагалад̣̇ивасан̃хи маг̇г̇ам̣ г̇анд̇ваа гиланд̇о бадибат̇ам̣ ааг̇ажчанд̇ам̣ д̣̇исваа ‘‘бурад̇о г̇аамо гийвад̣̇ууро’’д̇и бужчид̇ваа ‘‘яож̇ана’’нд̇и вуд̇д̇з т̇огам̣ г̇анд̇ваа абарамби бужчид̇ваа д̇знааби ‘‘яож̇ана’’нд̇и вуд̇д̇з буна т̇огам̣ г̇анд̇ваа абарамби бужчад̇и. соби ‘‘яож̇ана’’нд̇и вад̣̇ад̇и. со бужчид̇абужчид̇аа яож̇ананд̇зва вад̣̇анд̇и, д̣̇ийгхам̣ вад̇ид̣̇ам̣ яож̇анам̣, згаяож̇анам̣ д̣̇вз д̇ийн̣и яож̇анаани вияа ман̃н̃зд̇и. б̣аалаананд̇и ид̇халогабаралогад̇т̇ам̣ бана аж̇аананд̇аанам̣ б̣аалаанам̣ сам̣саараваддасса барияанд̇ам̣ гаад̇ум̣ асаггонд̇аанам̣ яам̣ сад̇д̇ад̇им̣саб̣од̇хибагкияабхзд̣̇ам̣ сад̣̇д̇хаммам̣ н̃ад̇ваа сам̣саарасса анд̇ам̣ гаронд̇и, д̇ам̣ сад̣̇д̇хаммам̣ авиж̇аанад̇ам̣ сам̣сааро д̣̇ийгхо наама ход̇и. со хи ад̇д̇ано д̇хаммад̇ааяа зва д̣̇ийгхо наама. вуд̇д̇амби жзд̇ам̣ – ‘‘анамад̇аг̇г̇ояам̣, бхигкавз, сам̣сааро, буб̣б̣аа годи на бан̃н̃ааяад̇ий’’д̇и (сам̣. ни. 2.124). б̣аалаанам̣ бана барияанд̇ам̣ гаад̇ум̣ асаггонд̇аанам̣ ад̇ид̣̇ийгхоязваад̇и.

    Tattha dīghāti ratti nāmesā tiyāmamattāva, jāgarantassa pana dīghā hoti, dviguṇatiguṇā viya hutvā khāyati. Tassā dīghabhāvaṃ attānaṃ maṅkuṇasaṅghassa bhattaṃ katvā yāva sūriyuggamanā samparivattakaṃ semāno mahākusītopi, subhojanaṃ bhuñjitvā sirisayane sayamāno kāmabhogīpi na jānāti, sabbarattiṃ pana padhānaṃ padahanto yogāvacaro ca, dhammakathaṃ kathento dhammakathiko ca, āsanasamīpe ṭhatvā dhammaṃ suṇanto ca, sīsarogādiphuṭṭho vā hatthapādacchedanādiṃ patto vā vedanābhibhūto ca, rattiṃ maggapaṭipanno addhiko ca jānāti. Yojananti yojanampi catugāvutamattameva, santassa pana kilantassa dīghaṃ hoti, dviguṇatiguṇaṃ viya khāyati. Sakaladivasañhi maggaṃ gantvā kilanto paṭipathaṃ āgacchantaṃ disvā ‘‘purato gāmo kīvadūro’’ti pucchitvā ‘‘yojana’’nti vutte thokaṃ gantvā aparampi pucchitvā tenāpi ‘‘yojana’’nti vutte puna thokaṃ gantvā aparampi pucchati. Sopi ‘‘yojana’’nti vadati. So pucchitapucchitā yojananteva vadanti, dīghaṃ vatidaṃ yojanaṃ, ekayojanaṃ dve tīṇi yojanāni viya maññeti. Bālānanti idhalokaparalokatthaṃ pana ajānantānaṃ bālānaṃ saṃsāravaṭṭassa pariyantaṃ kātuṃ asakkontānaṃ yaṃ sattatiṃsabodhipakkhiyabhedaṃ saddhammaṃ ñatvā saṃsārassa antaṃ karonti, taṃ saddhammaṃ avijānataṃ saṃsāro dīgho nāma hoti. So hi attano dhammatāya eva dīgho nāma. Vuttampi cetaṃ – ‘‘anamataggoyaṃ, bhikkhave, saṃsāro, pubbā koṭi na paññāyatī’’ti (saṃ. ni. 2.124). Bālānaṃ pana pariyantaṃ kātuṃ asakkontānaṃ atidīghoyevāti.

    д̣̇зсанаавасаанз со бурисо сод̇аабад̇д̇ипалам̣ бад̇д̇о, ан̃н̃зби б̣ахуу сод̇аабад̇д̇ипалаад̣̇ийни бад̇д̇аа. махааж̇анасса саад̇т̇игаа д̇хаммад̣̇зсанаа ж̇аад̇аад̇и.

    Desanāvasāne so puriso sotāpattiphalaṃ patto, aññepi bahū sotāpattiphalādīni pattā. Mahājanassa sātthikā dhammadesanā jātāti.

    рааж̇аа сад̇т̇аарам̣ ванд̣̇ид̇ваа г̇ажчанд̇оязва д̇з сад̇д̇з б̣анд̇ханаа можзси. д̇ад̇т̇а ид̇т̇ибурисаа б̣анд̇ханаа муд̇д̇аа сийсам̣ нхад̇ваа сагаани г̇зхаани г̇ажчанд̇аа ‘‘жирам̣ ж̇ийвад̇у но, аяяаа, маллигаа д̣̇звий, д̇ам̣ ниссааяа ж̇ийвид̇ам̣ лабхимхаа’’д̇и маллигааяа г̇ун̣агат̇ам̣ гат̇аяим̣су. сааяанхасамаяз бхигкуу д̇хаммасабхааяам̣ гат̇ам̣ самудтаабзсум̣ – ‘‘ахо бан̣д̣ид̇аа вад̇ааяам̣, маллигаа, ад̇д̇ано бан̃н̃ам̣ ниссааяа зд̇д̇агасса ж̇анасса ж̇ийвид̇ад̣̇аанам̣ ад̣̇аасий’’д̇и. сад̇т̇аа г̇анд̇хагудияам̣ нисиннова д̇зсам̣ бхигкуунам̣ гат̇ам̣ суд̇ваа г̇анд̇хагудид̇о нигкамид̇ваа д̇хаммасабхам̣ бависид̇ваа бан̃н̃ад̇д̇з аасанз нисийд̣̇ид̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘на, бхигкавз, маллигаа, ид̣̇аанзва ад̇д̇ано бан̃н̃ам̣ ниссааяа махааж̇анасса ж̇ийвид̇ад̣̇аанам̣ д̣̇зд̇и, буб̣б̣зби ад̣̇аасиязваа’’д̇и вад̇ваа д̇амад̇т̇ам̣ багаасанд̇о ад̇ийд̇ам̣ аахари –

    Rājā satthāraṃ vanditvā gacchantoyeva te satte bandhanā mocesi. Tattha itthipurisā bandhanā muttā sīsaṃ nhatvā sakāni gehāni gacchantā ‘‘ciraṃ jīvatu no, ayyā, mallikā devī, taṃ nissāya jīvitaṃ labhimhā’’ti mallikāya guṇakathaṃ kathayiṃsu. Sāyanhasamaye bhikkhū dhammasabhāyaṃ kathaṃ samuṭṭhāpesuṃ – ‘‘aho paṇḍitā vatāyaṃ, mallikā, attano paññaṃ nissāya ettakassa janassa jīvitadānaṃ adāsī’’ti. Satthā gandhakuṭiyaṃ nisinnova tesaṃ bhikkhūnaṃ kathaṃ sutvā gandhakuṭito nikkhamitvā dhammasabhaṃ pavisitvā paññatte āsane nisīditvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘na, bhikkhave, mallikā, idāneva attano paññaṃ nissāya mahājanassa jīvitadānaṃ deti, pubbepi adāsiyevā’’ti vatvā tamatthaṃ pakāsanto atītaṃ āhari –

    ад̇ийд̇з б̣аараан̣асияам̣ ран̃н̃о буд̇д̇о згам̣ ниг̇род̇харугкам̣ убасан̇гамид̇ваа д̇ад̇т̇а ниб̣б̣ад̇д̇ааяа д̣̇звад̇ааяа ааяаажи – ‘‘саами д̣̇зварааж̇а, имасмим̣ ж̇амб̣уд̣̇ийбз згасад̇арааж̇аано згасад̇ааг̇г̇амахзсияо, сажаахам̣ бид̇у ажжаязна раж̇ж̇ам̣ лабхиссаамий, зд̇зсам̣ г̇алалохид̇зна б̣алим̣ гариссаамий’’д̇и. со бид̇ари гаалагад̇з раж̇ж̇ам̣ бад̇ваа ‘‘д̣̇звад̇ааяа мз аанубхаавзна раж̇ж̇ам̣ бад̇д̇ам̣, б̣алимассаа гариссаамий’’д̇и махад̇ияаа сзнааяа нигкамид̇ваа згам̣ рааж̇аанам̣ ад̇д̇ано васз вад̇д̇зд̇ваа д̇зна сад̣̇д̇хим̣ абарамби абарамбийд̇и саб̣б̣з рааж̇аано ад̇д̇ано васз гад̇ваа сад̣̇д̇хим̣ аг̇г̇амахзсийхи аад̣̇ааяа г̇ажчанд̇о уг̇г̇асзнасса наама саб̣б̣аганидтасса ран̃н̃о д̇хаммад̣̇иннаа наама аг̇г̇амахзсий г̇аруг̇аб̣бхаа, д̇ам̣ охааяа ааг̇анд̇ваа ‘‘зд̇д̇агаж̇анам̣ висабаанагам̣ бааязд̇ваа маарзссаамий’’д̇и ругкамуулам̣ сод̇хаабзси. д̣̇звад̇аа жинд̇зси – ‘‘аяам̣ рааж̇аа зд̇д̇агз рааж̇аано г̇ан̣ханд̇о ‘мам̣ ниссааяа г̇ахид̇аа имз’д̇и жинд̇зд̇ваа д̇зсам̣ г̇алалохид̇зна маяхам̣ б̣алим̣ гаад̇угаамо, сажз банааяам̣ зд̇з гхаад̇зссад̇и, ж̇амб̣уд̣̇ийбз рааж̇авам̣со убажчиж̇ж̇иссад̇и, ругкамуулзби, мз асужи бхависсад̇и, сагкиссаами ну ко зд̇ам̣ ниваарзд̇у’’нд̇и. саа убад̇хаарзнд̇ий ‘‘наахам̣ сагкиссаамий’’д̇и н̃ад̇ваа ан̃н̃амби д̣̇звад̇ам̣ убасан̇гамид̇ваа зд̇амад̇т̇ам̣ аарожзд̇ваа ‘‘д̇вам̣ сагкиссасий’’д̇и ааха. д̇ааяаби бадигкид̇д̇аа ан̃н̃амби ан̃н̃амбийд̇и звам̣ сагалажаггаваал̣ад̣̇звад̇ааяо убасан̇гамид̇ваа д̇аахиби бадигкид̇д̇аа жад̇уннам̣ махаарааж̇уунам̣ санд̇игам̣ г̇анд̇ваа ‘‘маяам̣ на саггома, амхаагам̣ бана рааж̇аа амхзхи бун̃н̃зна жа бан̃н̃ааяа жа висидто, д̇ам̣ бужчаа’’д̇и д̇зхиби бадигкид̇д̇агаалз саггам̣ убасан̇гамид̇ваа д̇амад̇т̇ам̣ аарожзд̇ваа, ‘‘д̣̇зва, д̇умхзсу аббоссуггад̇ам̣ аабаннзсу кад̇д̇ияавам̣со убажчиж̇ж̇иссад̇и, д̇асса бадисаран̣ам̣ хот̇аа’’д̇и ааха. сагго ‘‘ахамби нам̣ бадиб̣аахид̇ум̣ на сагкиссаами, убааяам̣ бана д̇з вагкаамий’’д̇и вад̇ваа убааяам̣ аажигки – ‘‘г̇ажча, д̇вам̣ ран̃н̃о бассанд̇ассзва рад̇д̇авад̇т̇ам̣ ниваасзд̇ваа ад̇д̇ано ругкад̇о нигкамид̇ваа г̇аманаагаарам̣ д̣̇ассзхи. ат̇а д̇ам̣ рааж̇аа ‘д̣̇звад̇аа г̇ажчад̇и, нивад̇д̇аабзссаами на’нд̇и наанаббагаарзна яаажиссад̇и. ат̇а нам̣ вад̣̇зяяааси ‘д̇вам̣ згасад̇арааж̇аано сад̣̇д̇хим̣ аг̇г̇амахзсийхи аанзд̇ваа д̇зсам̣ г̇алалохид̇зна б̣алим̣ гариссаамий’д̇и маяхам̣ ааяаажид̇ваа уг̇г̇асзнасса ран̃н̃о д̣̇звим̣ охааяа ааг̇ад̇о, наахам̣ д̇аад̣̇исасса мусааваад̣̇асса б̣алим̣ самбадижчаамий’’д̇и, ‘‘звам̣ гира вуд̇д̇з рааж̇аа д̇ам̣ аан̣аабзссад̇и, саа ран̃н̃о д̇хаммам̣ д̣̇зсзд̇ваа зд̇д̇агасса ж̇анасса ж̇ийвид̇ад̣̇аанам̣ д̣̇ассад̇ий’’д̇и. иминаа гааран̣зна сагго д̣̇звад̇ааяа имам̣ убааяам̣ аажигки. д̣̇звад̇аа д̇ат̇аа агааси.

    Atīte bārāṇasiyaṃ rañño putto ekaṃ nigrodharukkhaṃ upasaṅkamitvā tattha nibbattāya devatāya āyāci – ‘‘sāmi devarāja, imasmiṃ jambudīpe ekasatarājāno ekasataaggamahesiyo, sacāhaṃ pitu accayena rajjaṃ labhissāmī, etesaṃ galalohitena baliṃ karissāmī’’ti. So pitari kālakate rajjaṃ patvā ‘‘devatāya me ānubhāvena rajjaṃ pattaṃ, balimassā karissāmī’’ti mahatiyā senāya nikkhamitvā ekaṃ rājānaṃ attano vase vattetvā tena saddhiṃ aparampi aparampīti sabbe rājāno attano vase katvā saddhiṃ aggamahesīhi ādāya gacchanto uggasenassa nāma sabbakaniṭṭhassa rañño dhammadinnā nāma aggamahesī garugabbhā, taṃ ohāya āgantvā ‘‘ettakajanaṃ visapānakaṃ pāyetvā māressāmī’’ti rukkhamūlaṃ sodhāpesi. Devatā cintesi – ‘‘ayaṃ rājā ettake rājāno gaṇhanto ‘maṃ nissāya gahitā ime’ti cintetvā tesaṃ galalohitena mayhaṃ baliṃ kātukāmo, sace panāyaṃ ete ghātessati, jambudīpe rājavaṃso upacchijjissati, rukkhamūlepi, me asuci bhavissati, sakkhissāmi nu kho etaṃ nivāretu’’nti. Sā upadhārentī ‘‘nāhaṃ sakkhissāmī’’ti ñatvā aññampi devataṃ upasaṅkamitvā etamatthaṃ ārocetvā ‘‘tvaṃ sakkhissasī’’ti āha. Tāyapi paṭikkhittā aññampi aññampīti evaṃ sakalacakkavāḷadevatāyo upasaṅkamitvā tāhipi paṭikkhittā catunnaṃ mahārājūnaṃ santikaṃ gantvā ‘‘mayaṃ na sakkoma, amhākaṃ pana rājā amhehi puññena ca paññāya ca visiṭṭho, taṃ pucchā’’ti tehipi paṭikkhittakāle sakkaṃ upasaṅkamitvā tamatthaṃ ārocetvā, ‘‘deva, tumhesu appossukkataṃ āpannesu khattiyavaṃso upacchijjissati, tassa paṭisaraṇaṃ hothā’’ti āha. Sakko ‘‘ahampi naṃ paṭibāhituṃ na sakkhissāmi, upāyaṃ pana te vakkhāmī’’ti vatvā upāyaṃ ācikkhi – ‘‘gaccha, tvaṃ rañño passantasseva rattavatthaṃ nivāsetvā attano rukkhato nikkhamitvā gamanākāraṃ dassehi. Atha taṃ rājā ‘devatā gacchati, nivattāpessāmi na’nti nānappakārena yācissati. Atha naṃ vadeyyāsi ‘tvaṃ ekasatarājāno saddhiṃ aggamahesīhi ānetvā tesaṃ galalohitena baliṃ karissāmī’ti mayhaṃ āyācitvā uggasenassa rañño deviṃ ohāya āgato, nāhaṃ tādisassa musāvādassa baliṃ sampaṭicchāmī’’ti, ‘‘evaṃ kira vutte rājā taṃ āṇāpessati, sā rañño dhammaṃ desetvā ettakassa janassa jīvitadānaṃ dassatī’’ti. Iminā kāraṇena sakko devatāya imaṃ upāyaṃ ācikkhi. Devatā tathā akāsi.

    рааж̇ааби д̇ам̣ аан̣аабзси. саа ааг̇анд̇ваа д̇зсам̣ рааж̇уунам̣ барияанд̇з нисиннамби ад̇д̇ано рааж̇аанамзва ванд̣̇и. рааж̇аа ‘‘маяи саб̣б̣арааж̇аж̇здтагз тид̇з саб̣б̣аганидтам̣ ад̇д̇ано саамигам̣ ванд̣̇ад̇ий’’д̇и д̇ассаа гуж̇жхи. ат̇а нам̣ саа ааха – ‘‘гим̣ маяхам̣ д̇аяи бадиб̣ад̣̇д̇хам̣, аяам̣ бана мз саамиго иссарияасса д̣̇ааяаго, имам̣ аванд̣̇ид̇ваа гасмаа д̇ам̣ ванд̣̇иссаамий’’д̇и? ругкад̣̇звад̇аа бассанд̇ассзва махааж̇анасса ‘‘звам̣, бхад̣̇д̣̇з, звам̣, бхад̣̇д̣̇з’’д̇и вад̇ваа д̇ам̣ бубпамудтинаа бууж̇зси . буна рааж̇аа ааха – ‘‘сажз мам̣ на ванд̣̇аси, маяхам̣ раж̇ж̇асирид̣̇ааяигам̣ звам̣ махаанубхаавам̣ д̣̇звад̇ам̣ гасмаа на ванд̣̇асий’’д̇и? ‘‘махаарааж̇а, д̇аяаа ад̇д̇ано бун̃н̃з тад̇ваа рааж̇аано г̇ахид̇аа, на д̣̇звад̇ааяа г̇ахзд̇ваа д̣̇иннаа’’д̇и. бунаби д̇ам̣ д̣̇звад̇аа ‘‘звам̣, бхад̣̇д̣̇з, звам̣, бхад̣̇д̣̇з’’д̇и вад̇ваа д̇ат̇зва бууж̇зси. буна саа рааж̇аанам̣ ааха – ‘‘д̇вам̣ ‘д̣̇звад̇ааяа мз зд̇д̇агаа рааж̇аано г̇ахзд̇ваа д̣̇иннаа’д̇и вад̣̇зси, ид̣̇аани д̇з д̣̇звад̇ааяа убари ваамабассз ругко аг̇г̇инаа д̣̇ад̣дхо, саа д̇ам̣ аг̇г̇им̣ ниб̣б̣аабзд̇ум̣ гасмаа наасагки, яад̣̇и звам̣ махаанубхааваа’’д̇и. бунаби д̇ам̣ д̣̇звад̇аа ‘‘звам̣, бхад̣̇д̣̇з, звам̣, бхад̣̇д̣̇з’’д̇и вад̇ваа д̇ат̇зва бууж̇зси.

    Rājāpi taṃ āṇāpesi. Sā āgantvā tesaṃ rājūnaṃ pariyante nisinnampi attano rājānameva vandi. Rājā ‘‘mayi sabbarājajeṭṭhake ṭhite sabbakaniṭṭhaṃ attano sāmikaṃ vandatī’’ti tassā kujjhi. Atha naṃ sā āha – ‘‘kiṃ mayhaṃ tayi paṭibaddhaṃ, ayaṃ pana me sāmiko issariyassa dāyako, imaṃ avanditvā kasmā taṃ vandissāmī’’ti? Rukkhadevatā passantasseva mahājanassa ‘‘evaṃ, bhadde, evaṃ, bhadde’’ti vatvā taṃ pupphamuṭṭhinā pūjesi . Puna rājā āha – ‘‘sace maṃ na vandasi, mayhaṃ rajjasiridāyikaṃ evaṃ mahānubhāvaṃ devataṃ kasmā na vandasī’’ti? ‘‘Mahārāja, tayā attano puññe ṭhatvā rājāno gahitā, na devatāya gahetvā dinnā’’ti. Punapi taṃ devatā ‘‘evaṃ, bhadde, evaṃ, bhadde’’ti vatvā tatheva pūjesi. Puna sā rājānaṃ āha – ‘‘tvaṃ ‘devatāya me ettakā rājāno gahetvā dinnā’ti vadesi, idāni te devatāya upari vāmapasse rukkho agginā daḍḍho, sā taṃ aggiṃ nibbāpetuṃ kasmā nāsakkhi, yadi evaṃ mahānubhāvā’’ti. Punapi taṃ devatā ‘‘evaṃ, bhadde, evaṃ, bhadde’’ti vatvā tatheva pūjesi.

    саа гат̇аяамаанаа тид̇аа род̣̇и жзва хаси жа. ат̇а нам̣ рааж̇аа ‘‘гим̣ уммад̇д̇игаасий’’д̇и ааха. ‘‘гасмаа д̣̇зва звам̣ вад̣̇зси’’? ‘‘на маад̣̇исияо уммад̇д̇игаа хонд̇ий’’д̇и. ат̇а ‘‘нам̣ гим̣ гааран̣аа род̣̇аси жзва хасаси жаа’’д̇и? ‘‘сун̣аахи, махаарааж̇а, ахан̃хи ад̇ийд̇з гулад̇хийд̇аа худ̇ваа бад̇игулз васанд̇ий саамигасса сахааяагам̣ баахунагам̣ ааг̇ад̇ам̣ д̣̇исваа д̇асса бхад̇д̇ам̣ бажид̇угаамаа ‘мам̣сам̣ аахараа’д̇и д̣̇аасияаа гахаабан̣ам̣ д̣̇ад̇ваа д̇ааяа мам̣сам̣ алабхид̇ваа ааг̇ад̇ааяа ‘над̇т̇и мам̣са’нд̇и вуд̇д̇з г̇зхасса бажчимабхааг̇з саяид̇ааяа зл̣игааяа сийсам̣ чинд̣̇ид̇ваа бхад̇д̇ам̣ самбаад̣̇зсим̣. саахам̣ згиссааяа зл̣игааяа сийсам̣ чинд̣̇ид̇ваа нираяз бажжид̇ваа баггаавасзсзна д̇ассаа ломаг̇ан̣анааяа сийсажчзд̣̇ам̣ баабун̣им̣, ‘д̇вам̣ зд̇д̇агам̣ ж̇анам̣ вад̇хид̇ваа гад̣̇аа д̣̇угкаа мужжиссасий’д̇и звамахам̣ д̇ава д̣̇угкам̣ ануссаранд̇ий род̣̇и’’нд̇и вад̇ваа имам̣ г̇аат̇амааха –

    Sā kathayamānā ṭhitā rodi ceva hasi ca. Atha naṃ rājā ‘‘kiṃ ummattikāsī’’ti āha. ‘‘Kasmā deva evaṃ vadesi’’? ‘‘Na mādisiyo ummattikā hontī’’ti. Atha ‘‘naṃ kiṃ kāraṇā rodasi ceva hasasi cā’’ti? ‘‘Suṇāhi, mahārāja, ahañhi atīte kuladhītā hutvā patikule vasantī sāmikassa sahāyakaṃ pāhunakaṃ āgataṃ disvā tassa bhattaṃ pacitukāmā ‘maṃsaṃ āharā’ti dāsiyā kahāpaṇaṃ datvā tāya maṃsaṃ alabhitvā āgatāya ‘natthi maṃsa’nti vutte gehassa pacchimabhāge sayitāya eḷikāya sīsaṃ chinditvā bhattaṃ sampādesiṃ. Sāhaṃ ekissāya eḷikāya sīsaṃ chinditvā niraye paccitvā pakkāvasesena tassā lomagaṇanāya sīsacchedaṃ pāpuṇiṃ, ‘tvaṃ ettakaṃ janaṃ vadhitvā kadā dukkhā muccissasī’ti evamahaṃ tava dukkhaṃ anussarantī rodi’’nti vatvā imaṃ gāthamāha –

    ‘‘згиссаа ган̣там̣ чзд̇ваана, ломаг̇ан̣анааяа бажжисам̣;

    ‘‘Ekissā kaṇṭhaṃ chetvāna, lomagaṇanāya paccisaṃ;

    б̣ахуунам̣ ган̣тз чзд̇ваана, гат̇ам̣ гаахаси кад̇д̇ияаа’’д̇и.

    Bahūnaṃ kaṇṭhe chetvāna, kathaṃ kāhasi khattiyā’’ti.

    ат̇а ‘‘гасмаа д̇вам̣ хасасий’’д̇и? ‘‘‘зд̇асмаа д̣̇угкаа муд̇д̇аамхий’д̇и д̇уссид̇ваа, махаарааж̇аа’’д̇и . бунаби д̇ам̣ д̣̇звад̇аа ‘‘звам̣, бхад̣̇д̣̇з, звам̣, бхад̣̇д̣̇з’’д̇и вад̇ваа бубпамудтинаа бууж̇зси. рааж̇аа ‘‘ахо мз бхаарияам̣ гад̇ам̣ гаммам̣, аяам̣ гира згам̣ зл̣игам̣ вад̇хид̇ваа нираяз баггаавасзсзна д̇ассаа ломаг̇ан̣анааяа сийсажчзд̣̇ам̣ баабун̣и, ахам̣ зд̇д̇агам̣ ж̇анам̣ вад̇хид̇ваа гад̣̇аа сод̇т̇им̣ баабун̣иссаамий’’д̇и саб̣б̣з рааж̇аано можзд̇ваа ад̇д̇ано махаллагад̇арз ванд̣̇ид̇ваа д̣̇ахарад̣̇ахараанам̣ ан̃ж̇алим̣ баг̇г̇аяха саб̣б̣з камаабзд̇ваа сагасагадтаанамзва бахин̣и.

    Atha ‘‘kasmā tvaṃ hasasī’’ti? ‘‘‘Etasmā dukkhā muttāmhī’ti tussitvā, mahārājā’’ti . Punapi taṃ devatā ‘‘evaṃ, bhadde, evaṃ, bhadde’’ti vatvā pupphamuṭṭhinā pūjesi. Rājā ‘‘aho me bhāriyaṃ kataṃ kammaṃ, ayaṃ kira ekaṃ eḷikaṃ vadhitvā niraye pakkāvasesena tassā lomagaṇanāya sīsacchedaṃ pāpuṇi, ahaṃ ettakaṃ janaṃ vadhitvā kadā sotthiṃ pāpuṇissāmī’’ti sabbe rājāno mocetvā attano mahallakatare vanditvā daharadaharānaṃ añjaliṃ paggayha sabbe khamāpetvā sakasakaṭṭhānameva pahiṇi.

    сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, на ид̣̇аанзва, маллигаа д̣̇звий, ад̇д̇ано бан̃н̃ам̣ ниссааяа махааж̇анасса ж̇ийвид̇ад̣̇аанам̣ д̣̇зд̇и, буб̣б̣зби ад̣̇аасиязваа’’д̇и вад̇ваа ад̇ийд̇ам̣ самод̇хаанзси – ‘‘д̇ад̣̇аа б̣аараан̣асирааж̇аа басзнад̣̇и госало ахоси, д̇хаммад̣̇иннаа, д̣̇звий маллигаа, ругкад̣̇звад̇аа ахамзваа’’д̇и. звам̣ ад̇ийд̇ам̣ самод̇хаанзд̇ваа буна д̇хаммам̣ д̣̇зсзнд̇о, ‘‘бхигкавз, баан̣аад̇ибаад̇о наама на гад̇д̇аб̣б̣аяуд̇д̇аго. баан̣аад̇ибаад̇ино хи д̣̇ийгхарад̇д̇ам̣ сожанд̇ий’’д̇и вад̇ваа имаа г̇аат̇аа ааха –

    Satthā imaṃ dhammadesanaṃ āharitvā ‘‘evaṃ, bhikkhave, na idāneva, mallikā devī, attano paññaṃ nissāya mahājanassa jīvitadānaṃ deti, pubbepi adāsiyevā’’ti vatvā atītaṃ samodhānesi – ‘‘tadā bārāṇasirājā pasenadi kosalo ahosi, dhammadinnā, devī mallikā, rukkhadevatā ahamevā’’ti. Evaṃ atītaṃ samodhānetvā puna dhammaṃ desento, ‘‘bhikkhave, pāṇātipāto nāma na kattabbayuttako. Pāṇātipātino hi dīgharattaṃ socantī’’ti vatvā imā gāthā āha –

    ‘‘ид̇ха сожад̇и бзжжа сожад̇и,

    ‘‘Idha socati pecca socati,

    баабагаарий убхаяад̇т̇а сожад̇и;

    Pāpakārī ubhayattha socati;

    со сожад̇и со вихан̃н̃ад̇и,

    So socati so vihaññati,

    д̣̇исваа гаммагилидтамад̇д̇ано’’д̇и. (д̇ха. ба. 15);

    Disvā kammakiliṭṭhamattano’’ti. (dha. pa. 15);

    ‘‘звам̣ жз сад̇д̇аа ж̇аанзяяум̣, д̣̇угкааяам̣ ж̇аад̇исамбхаво;

    ‘‘Evaṃ ce sattā jāneyyuṃ, dukkhāyaṃ jātisambhavo;

    на баан̣о баан̣инам̣ хан̃н̃з, баан̣агхаад̇ий хи сожад̇ий’’д̇и. (ж̇аа. 1.1.18);

    Na pāṇo pāṇinaṃ haññe, pāṇaghātī hi socatī’’ti. (jā. 1.1.18);

    ан̃н̃ад̇арабурисавад̇т̇у батамам̣.

    Aññatarapurisavatthu paṭhamaṃ.

    2. махаагассабад̇т̇зрасад̣̇д̇хивихааригавад̇т̇у

    2. Mahākassapattherasaddhivihārikavatthu

    жаран̃жз наад̇хиг̇ажчзяяаад̇и имам̣ д̇хаммад̣̇зсанам̣ сад̇т̇аа саавад̇т̇ияам̣ ж̇зд̇аванз вихаранд̇о махаагассабад̇т̇зрасса сад̣̇д̇хивихааригам̣ аараб̣бха гат̇зси. д̣̇зсанаа рааж̇аг̇ахз самудтид̇аа.

    Carañcenādhigaccheyyāti imaṃ dhammadesanaṃ satthā sāvatthiyaṃ jetavane viharanto mahākassapattherassa saddhivihārikaṃ ārabbha kathesi. Desanā rājagahe samuṭṭhitā.

    т̇зрам̣ гира рааж̇аг̇ахам̣ ниссааяа биббалиг̇ухааяам̣ васанд̇ам̣ д̣̇вз сад̣̇д̇хивихааригаа убадтахим̣су. д̇зсу зго саггажжам̣ вад̇д̇ам̣ гарод̇и, зго д̇зна гад̇ам̣ гад̇ам̣ ад̇д̇анаа гад̇ам̣ вияа д̣̇ассзнд̇о мукод̣̇агад̣̇анд̇агадтаанам̣ бадияаад̣̇ид̇абхаавам̣ н̃ад̇ваа, ‘‘бханд̇з, мукод̣̇агад̣̇анд̇агадтаани мз бадияаад̣̇ид̇аани, мукам̣ д̇ховат̇аа’’д̇и вад̣̇ад̇и, баад̣̇ад̇ховананхаанаад̣̇игаалзби звамзва вад̣̇ад̇и. ид̇аро жинд̇зси – ‘‘аяам̣ нижжагаалам̣ маяаа гад̇ам̣ гад̇ам̣ ад̇д̇анаа гад̇ам̣ вияа гад̇ваа д̣̇ассзд̇и, ход̇у, гад̇д̇аб̣б̣аяуд̇д̇агамасса гариссаамий’’д̇и. д̇асса бхун̃ж̇ид̇ваа субанд̇ассзва нхаанод̣̇агам̣ д̇аабзд̇ваа згасмим̣ гхадз гад̇ваа бидтигодтагз табзси, уд̣̇агад̇аабанабхааж̇анз бана наал̣имад̇д̇ам̣ уд̣̇агам̣ сзсзд̇ваа усумам̣ мун̃жанд̇ам̣ табзси. д̇ам̣ ид̇аро сааяанхасамаяз баб̣уж̇жхид̇ваа усумам̣ нигканд̇ам̣ д̣̇исваа ‘‘уд̣̇агам̣ д̇аабзд̇ваа годтагз табид̇ам̣ бхависсад̇ий’’д̇и взг̇зна г̇анд̇ваа т̇зрам̣ ванд̣̇ид̇ваа, ‘‘бханд̇з, годтагз уд̣̇агам̣ табид̇ам̣, нхааяат̇аа’’д̇и вад̇ваа т̇зрзна сад̣̇д̇хим̣язва годтагам̣ баависи. т̇зро уд̣̇агам̣ абассанд̇о ‘‘гахам̣ уд̣̇агам̣, аавусо’’д̇и ааха. д̣̇ахаро аг̇г̇исаалам̣ г̇анд̇ваа бхааж̇анз ул̣ун̇гам̣ од̇аарзд̇ваа д̇ужчабхаавам̣ н̃ад̇ваа ‘‘бассат̇а д̣̇удтасса гаммам̣ д̇ужчабхааж̇анам̣ уд̣̇д̇ханз ааробзд̇ваа гухим̣ г̇ад̇о, ахам̣ ‘годтагз уд̣̇ага’нд̇и сан̃н̃ааяа аарожзси’’нд̇и уж̇жхааяанд̇о гхадам̣ аад̣̇ааяа д̇ид̇т̇ам̣ аг̇амааси. ид̇ароби бидтигодтагад̇о уд̣̇агам̣ аахарид̇ваа годтагз табзси.

    Theraṃ kira rājagahaṃ nissāya pippaliguhāyaṃ vasantaṃ dve saddhivihārikā upaṭṭhahiṃsu. Tesu eko sakkaccaṃ vattaṃ karoti, eko tena kataṃ kataṃ attanā kataṃ viya dassento mukhodakadantakaṭṭhānaṃ paṭiyāditabhāvaṃ ñatvā, ‘‘bhante, mukhodakadantakaṭṭhāni me paṭiyāditāni, mukhaṃ dhovathā’’ti vadati, pādadhovananhānādikālepi evameva vadati. Itaro cintesi – ‘‘ayaṃ niccakālaṃ mayā kataṃ kataṃ attanā kataṃ viya katvā dasseti, hotu, kattabbayuttakamassa karissāmī’’ti. Tassa bhuñjitvā supantasseva nhānodakaṃ tāpetvā ekasmiṃ ghaṭe katvā piṭṭhikoṭṭhake ṭhapesi, udakatāpanabhājane pana nāḷimattaṃ udakaṃ sesetvā usumaṃ muñcantaṃ ṭhapesi. Taṃ itaro sāyanhasamaye pabujjhitvā usumaṃ nikkhantaṃ disvā ‘‘udakaṃ tāpetvā koṭṭhake ṭhapitaṃ bhavissatī’’ti vegena gantvā theraṃ vanditvā, ‘‘bhante, koṭṭhake udakaṃ ṭhapitaṃ, nhāyathā’’ti vatvā therena saddhiṃyeva koṭṭhakaṃ pāvisi. Thero udakaṃ apassanto ‘‘kahaṃ udakaṃ, āvuso’’ti āha. Daharo aggisālaṃ gantvā bhājane uḷuṅkaṃ otāretvā tucchabhāvaṃ ñatvā ‘‘passatha duṭṭhassa kammaṃ tucchabhājanaṃ uddhane āropetvā kuhiṃ gato, ahaṃ ‘koṭṭhake udaka’nti saññāya ārocesi’’nti ujjhāyanto ghaṭaṃ ādāya titthaṃ agamāsi. Itaropi piṭṭhikoṭṭhakato udakaṃ āharitvā koṭṭhake ṭhapesi.

    т̇зро жинд̇зси – ‘‘аяам̣ д̣̇ахаро ‘уд̣̇агам̣ мз д̇аабзд̇ваа годтагз табид̇ам̣, зт̇а, бханд̇з, нхааяат̇аа’д̇и вад̇ваа ид̣̇аани уж̇жхааяанд̇о гхадам̣ аад̣̇ааяа д̇ид̇т̇ам̣ г̇ажчад̇и, гим̣ ну ко зд̇а’’нд̇и убад̇хаарзнд̇о ‘‘зд̇д̇агам̣ гаалам̣ зса д̣̇ахаро иминаа гад̇ам̣ вад̇д̇ам̣ ад̇д̇анаава гад̇ам̣ вияа багаасзд̇ий’’д̇и н̃ад̇ваа сааяам̣ ааг̇анд̇ваа нисиннасса оваад̣̇амад̣̇ааси, ‘‘аавусо, бхигкунаа наама ‘ад̇д̇анаа гад̇амзва гад̇а’нд̇и вад̇д̇ум̣ ваддад̇и, но агад̇ам̣, д̇вам̣ ид̣̇аанзва ‘годтагз уд̣̇агам̣ табид̇ам̣, нхааяат̇а, бханд̇з’д̇и вад̇ваа маяи бависид̇ваа тид̇з гхадам̣ аад̣̇ааяа уж̇жхааяанд̇о г̇ажчаси, баб̣б̣аж̇ид̇асса наама звам̣ гаад̇ум̣ на ваддад̇ий’’д̇и. со ‘‘бассат̇а т̇зрасса гаммам̣, уд̣̇агамад̇д̇агам̣ наама ниссааяа мам̣ звам̣ вад̣̇зсий’’д̇и гуж̇жхид̇ваа бунад̣̇ивасз т̇зрзна сад̣̇д̇хим̣ бин̣д̣ааяа на баависи. т̇зро ид̇арзна сад̣̇д̇хим̣ згам̣ бад̣̇зсам̣ аг̇амааси. со д̇асмим̣ г̇ад̇з т̇зрасса убадтаагагулам̣ г̇анд̇ваа ‘‘т̇зро гахам̣, бханд̇з’’д̇и будто ‘‘т̇зрасса апаасугам̣ ж̇аад̇ам̣, вихаарзязва нисинно’’д̇и ааха. ‘‘гим̣ бана, бханд̇з, лад̣̇д̇хум̣ ваддад̇ий’’д̇и? ‘‘зваруубам̣ гира наама аахаарам̣ д̣̇зт̇аа’’д̇и вуд̇д̇з д̇зна вуд̇д̇анияаамзнзва самбаад̣̇зд̇ваа ад̣̇ам̣су. со анд̇араамаг̇г̇зва д̇ам̣ бхад̇д̇ам̣ бхун̃ж̇ид̇ваа вихаарам̣ г̇ад̇о. т̇зроби г̇ад̇адтаанз маханд̇ам̣ сукумавад̇т̇ам̣ лабхид̇ваа ад̇д̇анаа сад̣̇д̇хим̣ г̇ад̇ад̣̇ахарасса ад̣̇ааси. со д̇ам̣ раж̇ид̇ваа ад̇д̇ано ниваасанабаарубанам̣ агааси.

    Thero cintesi – ‘‘ayaṃ daharo ‘udakaṃ me tāpetvā koṭṭhake ṭhapitaṃ, etha, bhante, nhāyathā’ti vatvā idāni ujjhāyanto ghaṭaṃ ādāya titthaṃ gacchati, kiṃ nu kho eta’’nti upadhārento ‘‘ettakaṃ kālaṃ esa daharo iminā kataṃ vattaṃ attanāva kataṃ viya pakāsetī’’ti ñatvā sāyaṃ āgantvā nisinnassa ovādamadāsi, ‘‘āvuso, bhikkhunā nāma ‘attanā katameva kata’nti vattuṃ vaṭṭati, no akataṃ, tvaṃ idāneva ‘koṭṭhake udakaṃ ṭhapitaṃ, nhāyatha, bhante’ti vatvā mayi pavisitvā ṭhite ghaṭaṃ ādāya ujjhāyanto gacchasi, pabbajitassa nāma evaṃ kātuṃ na vaṭṭatī’’ti. So ‘‘passatha therassa kammaṃ, udakamattakaṃ nāma nissāya maṃ evaṃ vadesī’’ti kujjhitvā punadivase therena saddhiṃ piṇḍāya na pāvisi. Thero itarena saddhiṃ ekaṃ padesaṃ agamāsi. So tasmiṃ gate therassa upaṭṭhākakulaṃ gantvā ‘‘thero kahaṃ, bhante’’ti puṭṭho ‘‘therassa aphāsukaṃ jātaṃ, vihāreyeva nisinno’’ti āha. ‘‘Kiṃ pana, bhante, laddhuṃ vaṭṭatī’’ti? ‘‘Evarūpaṃ kira nāma āhāraṃ dethā’’ti vutte tena vuttaniyāmeneva sampādetvā adaṃsu. So antarāmaggeva taṃ bhattaṃ bhuñjitvā vihāraṃ gato. Theropi gataṭṭhāne mahantaṃ sukhumavatthaṃ labhitvā attanā saddhiṃ gatadaharassa adāsi. So taṃ rajitvā attano nivāsanapārupanaṃ akāsi.

    т̇зро бунад̣̇ивасз д̇ам̣ убадтаагагулам̣ г̇анд̇ваа, ‘‘бханд̇з, ‘д̇умхаагам̣ гира апаасугам̣ ж̇аад̇а’нд̇и амхзхи д̣̇ахарзна вуд̇д̇анияаамзнзва бадияаад̣̇зд̇ваа аахааро бзсид̇о, барибхун̃ж̇ид̇ваа во паасугам̣ ж̇аад̇а’’нд̇и вуд̇д̇з д̇ун̣хий ахоси. вихаарам̣ бана г̇анд̇ваа д̇ам̣ д̣̇ахарам̣ ванд̣̇ид̇ваа нисиннам̣ звамааха – ‘‘аавусо, д̇аяаа гира хияяо, ид̣̇ам̣ наама гад̇ам̣, ид̣̇ам̣ баб̣б̣аж̇ид̇аанам̣ на анужчавигам̣, вин̃н̃ад̇д̇им̣ гад̇ваа бхун̃ж̇ид̇ум̣ на ваддад̇ий’’д̇и. со гуж̇жхид̇ваа т̇зрз аагхаад̇ам̣ б̣анд̇хид̇ваа ‘‘буримад̣̇ивасз уд̣̇агамад̇д̇ам̣ ниссааяа мам̣ мусааваад̣̇им̣ гад̇ваа аж̇ж̇а ад̇д̇ано убадтаагагулз бхад̇д̇амудтияаа бхуд̇д̇агааран̣аа мам̣ ‘вин̃н̃ад̇д̇им̣ гад̇ваа бхун̃ж̇ид̇ум̣ на ваддад̇ий’д̇и вад̣̇ад̇и, вад̇т̇амби д̇зна ад̇д̇ано убадтаагассзва д̣̇иннам̣, ахо т̇зрасса бхаарияам̣ гаммам̣, ж̇ааниссаамисса гад̇д̇аб̣б̣аяуд̇д̇ага’’нд̇и бунад̣̇ивасз т̇зрз г̇аамам̣ бависанд̇з саяам̣ вихаарз охийяид̇ваа д̣̇ан̣д̣ам̣ г̇ахзд̇ваа барибхог̇абхааж̇анаани бхинд̣̇ид̇ваа т̇зрасса бан̣н̣асаалааяа аг̇г̇им̣ д̣̇ад̇ваа яам̣ на жхааяад̇и, д̇ам̣ муг̇г̇арзна бахаранд̇о бхинд̣̇ид̇ваа нигкамид̇ваа балаад̇о. со гаалам̣ гад̇ваа авийжимахаанираяз ниб̣б̣ад̇д̇и.

    Thero punadivase taṃ upaṭṭhākakulaṃ gantvā, ‘‘bhante, ‘tumhākaṃ kira aphāsukaṃ jāta’nti amhehi daharena vuttaniyāmeneva paṭiyādetvā āhāro pesito, paribhuñjitvā vo phāsukaṃ jāta’’nti vutte tuṇhī ahosi. Vihāraṃ pana gantvā taṃ daharaṃ vanditvā nisinnaṃ evamāha – ‘‘āvuso, tayā kira hiyyo, idaṃ nāma kataṃ, idaṃ pabbajitānaṃ na anucchavikaṃ, viññattiṃ katvā bhuñjituṃ na vaṭṭatī’’ti. So kujjhitvā there āghātaṃ bandhitvā ‘‘purimadivase udakamattaṃ nissāya maṃ musāvādiṃ katvā ajja attano upaṭṭhākakule bhattamuṭṭhiyā bhuttakāraṇā maṃ ‘viññattiṃ katvā bhuñjituṃ na vaṭṭatī’ti vadati, vatthampi tena attano upaṭṭhākasseva dinnaṃ, aho therassa bhāriyaṃ kammaṃ, jānissāmissa kattabbayuttaka’’nti punadivase there gāmaṃ pavisante sayaṃ vihāre ohīyitvā daṇḍaṃ gahetvā paribhogabhājanāni bhinditvā therassa paṇṇasālāya aggiṃ datvā yaṃ na jhāyati, taṃ muggarena paharanto bhinditvā nikkhamitvā palāto. So kālaṃ katvā avīcimahāniraye nibbatti.

    махааж̇ано гат̇ам̣ самудтаабзси – ‘‘т̇зрасса гира сад̣̇д̇хивихаариго оваад̣̇амад̇д̇ам̣ асаханд̇о гуж̇жхид̇ваа бан̣н̣асаалам̣ жхаабзд̇ваа балаад̇о’’д̇и. ат̇зго бхигку абарабхааг̇з рааж̇аг̇ахаа нигкамид̇ваа сад̇т̇аарам̣ д̣̇адтугаамо ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа сад̇т̇аараа бадисант̇аарам̣ гад̇ваа ‘‘гуд̇о ааг̇ад̇осий’’д̇и будто ‘‘рааж̇аг̇ахад̇о, бханд̇з’’д̇и ааха. ‘‘мама буд̇д̇асса махаагассабасса каманийяа’’нд̇и? ‘‘каманийяам̣, бханд̇з, зго бана сад̣̇д̇хивихаариго оваад̣̇амад̇д̇зна гуж̇жхид̇ваа бан̣н̣асаалам̣ жхаабзд̇ваа балаад̇о’’д̇и. сад̇т̇аа ‘‘на со ид̣̇аанзва оваад̣̇ам̣ суд̇ваа гуж̇жхад̇и, буб̣б̣зби гуж̇жхиязва. на ид̣̇аанзва гудим̣ д̣̇уусзд̇и, буб̣б̣зби д̣̇уусзсиязваа’’д̇и вад̇ваа ад̇ийд̇ам̣ аахари –

    Mahājano kathaṃ samuṭṭhāpesi – ‘‘therassa kira saddhivihāriko ovādamattaṃ asahanto kujjhitvā paṇṇasālaṃ jhāpetvā palāto’’ti. Atheko bhikkhu aparabhāge rājagahā nikkhamitvā satthāraṃ daṭṭhukāmo jetavanaṃ gantvā satthāraṃ vanditvā satthārā paṭisanthāraṃ katvā ‘‘kuto āgatosī’’ti puṭṭho ‘‘rājagahato, bhante’’ti āha. ‘‘Mama puttassa mahākassapassa khamanīya’’nti? ‘‘Khamanīyaṃ, bhante, eko pana saddhivihāriko ovādamattena kujjhitvā paṇṇasālaṃ jhāpetvā palāto’’ti. Satthā ‘‘na so idāneva ovādaṃ sutvā kujjhati, pubbepi kujjhiyeva. Na idāneva kuṭiṃ dūseti, pubbepi dūsesiyevā’’ti vatvā atītaṃ āhari –

    ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з химаванд̇абад̣̇зсз зго син̇г̇иласагун̣о гулаавагам̣ гад̇ваа васи. ат̇згад̣̇ивасам̣ д̣̇звз вассанд̇з зго маггадо сийд̇зна гамбамаано д̇ам̣ бад̣̇зсам̣ аг̇амааси. син̇г̇ило д̇ам̣ д̣̇исваа г̇аат̇амааха –

    Atīte bārāṇasiyaṃ brahmadatte rajjaṃ kārente himavantapadese eko siṅgilasakuṇo kulāvakaṃ katvā vasi. Athekadivasaṃ deve vassante eko makkaṭo sītena kampamāno taṃ padesaṃ agamāsi. Siṅgilo taṃ disvā gāthamāha –

    ‘‘мануссассзва д̇з сийсам̣, хад̇т̇абаад̣̇аа жа ваанара;

    ‘‘Manussasseva te sīsaṃ, hatthapādā ca vānara;

    ат̇а гзна ну ван̣н̣зна, аг̇аарам̣ д̇з на виж̇ж̇ад̇ий’’д̇и. (ж̇аа. 1.4.81);

    Atha kena nu vaṇṇena, agāraṃ te na vijjatī’’ti. (jā. 1.4.81);

    маггадо ‘‘гин̃жааби мз хад̇т̇абаад̣̇аа ад̇т̇и, яааяа бана бан̃н̃ааяа вижаарзд̇ваа аг̇аарам̣ гарзяяам̣, саа мз бан̃н̃аа над̇т̇ий’’д̇и жинд̇зд̇ваа д̇амад̇т̇ам̣ вин̃н̃аабзд̇угаамо имам̣ г̇аат̇амааха –

    Makkaṭo ‘‘kiñcāpi me hatthapādā atthi, yāya pana paññāya vicāretvā agāraṃ kareyyaṃ, sā me paññā natthī’’ti cintetvā tamatthaṃ viññāpetukāmo imaṃ gāthamāha –

    ‘‘мануссассзва мз сийсам̣, хад̇т̇абаад̣̇аа жа син̇г̇ила;

    ‘‘Manussasseva me sīsaṃ, hatthapādā ca siṅgila;

    яааху сздтаа мануссзсу, саа мз бан̃н̃аа на виж̇ж̇ад̇ий’’д̇и. (ж̇аа. 1.4.82);

    Yāhu seṭṭhā manussesu, sā me paññā na vijjatī’’ti. (jā. 1.4.82);

    ат̇а нам̣ ‘‘зваруубасса д̇ава гат̇ам̣ гхарааваасо иж̇жхиссад̇ий’’д̇и г̇араханд̇о син̇г̇ило имам̣ г̇аат̇аад̣̇ваяамааха –

    Atha naṃ ‘‘evarūpassa tava kathaṃ gharāvāso ijjhissatī’’ti garahanto siṅgilo imaṃ gāthādvayamāha –

    ‘‘анавадтид̇ажид̇д̇асса , лахужид̇д̇асса д̣̇уб̣бхино;

    ‘‘Anavaṭṭhitacittassa , lahucittassa dubbhino;

    нижжам̣ ад̣̇д̇хувасийласса, сукабхааво на виж̇ж̇ад̇и.

    Niccaṃ addhuvasīlassa, sukhabhāvo na vijjati.

    ‘‘со гарассу аанубхаавам̣, вийд̇ивад̇д̇ассу сийлияам̣;

    ‘‘So karassu ānubhāvaṃ, vītivattassu sīliyaṃ;

    сийд̇аваад̇абарид̇д̇аан̣ам̣, гарассу гудавам̣ габий’’д̇и. (ж̇аа. 1.4.83-84);

    Sītavātaparittāṇaṃ, karassu kuṭavaṃ kapī’’ti. (jā. 1.4.83-84);

    маггадо ‘‘аяам̣ мам̣ анавадтид̇ажид̇д̇ам̣ лахужид̇д̇ам̣ мид̇д̇ад̣̇уб̣бхим̣ ад̣̇д̇хувасийлам̣ гарод̇и, ид̣̇аанисса мид̇д̇ад̣̇уб̣бхибхаавам̣ д̣̇ассзссаамий’’д̇и гулаавагам̣ вид̣̇д̇хам̣сзд̇ваа виббагири. сагун̣о д̇асмим̣ гулаавагам̣ г̇ан̣ханд̇з зва згзна бассзна нигкамид̇ваа балааяи.

    Makkaṭo ‘‘ayaṃ maṃ anavaṭṭhitacittaṃ lahucittaṃ mittadubbhiṃ addhuvasīlaṃ karoti, idānissa mittadubbhibhāvaṃ dassessāmī’’ti kulāvakaṃ viddhaṃsetvā vippakiri. Sakuṇo tasmiṃ kulāvakaṃ gaṇhante eva ekena passena nikkhamitvā palāyi.

    сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа маггадо гудид̣̇уусагабхигку ахоси, син̇г̇иласагун̣о гассабо ахосий’’д̇и . ж̇аад̇агам̣ самод̇хаанзд̇ваа ‘‘звам̣, бхигкавз, на ид̣̇аанзва, буб̣б̣зби со оваад̣̇агкан̣з гуж̇жхид̇ваа гудим̣ д̣̇уусзси, мама буд̇д̇асса гассабасса зваруубзна б̣аалзна сад̣̇д̇хим̣ васанад̇о згагассзва ниваасо сзяяо’’д̇и вад̇ваа имам̣ г̇аат̇амааха –

    Satthā imaṃ dhammadesanaṃ āharitvā jātakaṃ samodhānesi – ‘‘tadā makkaṭo kuṭidūsakabhikkhu ahosi, siṅgilasakuṇo kassapo ahosī’’ti . Jātakaṃ samodhānetvā ‘‘evaṃ, bhikkhave, na idāneva, pubbepi so ovādakkhaṇe kujjhitvā kuṭiṃ dūsesi, mama puttassa kassapassa evarūpena bālena saddhiṃ vasanato ekakasseva nivāso seyyo’’ti vatvā imaṃ gāthamāha –

    61.

    61.

    ‘‘жаран̃жз наад̇хиг̇ажчзяяа, сзяяам̣ сад̣̇исамад̇д̇ано;

    ‘‘Carañce nādhigaccheyya, seyyaṃ sadisamattano;

    згажарияам̣ д̣̇ал̣хам̣ гаяираа, над̇т̇и б̣аалз сахааяад̇аа’’д̇и.

    Ekacariyaṃ daḷhaṃ kayirā, natthi bāle sahāyatā’’ti.

    д̇ад̇т̇а жаранд̇и ирияаабат̇ажаарам̣ аг̇г̇ахзд̇ваа манасаажааро взд̣̇ид̇аб̣б̣о, галяаан̣амид̇д̇ам̣ бариязсанд̇од̇и ад̇т̇о. сзяяам̣ сад̣̇исамад̇д̇анод̇и ад̇д̇ано сийласамаад̇хибан̃н̃ааг̇ун̣зхи ад̇хигад̇арам̣ ваа сад̣̇исам̣ ваа на лабхзяяа жз. згажарияанд̇и зд̇зсу хи сзяяам̣ лабхамаано сийлаад̣̇ийхи вад̣дхад̇и, сад̣̇исам̣ лабхамаано на барихааяад̇и, хийнзна бана сад̣̇д̇хим̣ згад̇о васанд̇о згад̇о сам̣бхог̇абарибхог̇ам̣ гаронд̇о сийлаад̣̇ийхи барихааяад̇и. д̇зна вуд̇д̇ам̣ – ‘‘зваруубо буг̇г̇ало на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о ан̃н̃ад̇ра ануд̣̇д̣̇аяаа ан̃н̃ад̇ра анугамбаа’’д̇и (бу. ба. 121; а. ни. 3.26). д̇асмаа сажз гаарун̃н̃ам̣ бадижжа ‘‘аяам̣ мам̣ ниссааяа сийлаад̣̇ийхи вад̣дхиссад̇ий’’д̇и д̇амхаа буг̇г̇алаа гин̃жи абажжаасийсанд̇о д̇ам̣ сан̇г̇ан̣хид̇ум̣ саггод̇и, ижжзд̇ам̣ гусалам̣ . но жз саггод̇и, згажарияам̣ д̣̇ал̣хам̣ гаяираа згийбхаавамзва т̇ирам̣ гад̇ваа саб̣б̣аирияаабат̇зсу згагова вихарзяяа. гим̣ гааран̣аа? над̇т̇и б̣аалз сахааяад̇аад̇и сахааяад̇аа наама жуул̣асийлам̣ маж̇жхимасийлам̣ махаасийлам̣ д̣̇аса гат̇аавад̇т̇ууни д̇зраса д̇худ̇ан̇г̇аг̇ун̣аа вибассанааг̇ун̣аа жад̇д̇ааро маг̇г̇аа жад̇д̇аари палаани д̇иссо виж̇ж̇аа ча абхин̃н̃аа. аяам̣ сахааяад̇ааг̇ун̣о б̣аалам̣ ниссааяа над̇т̇ийд̇и.

    Tattha caranti iriyāpathacāraṃ aggahetvā manasācāro veditabbo, kalyāṇamittaṃ pariyesantoti attho. Seyyaṃ sadisamattanoti attano sīlasamādhipaññāguṇehi adhikataraṃ vā sadisaṃ vā na labheyya ce. Ekacariyanti etesu hi seyyaṃ labhamāno sīlādīhi vaḍḍhati, sadisaṃ labhamāno na parihāyati, hīnena pana saddhiṃ ekato vasanto ekato saṃbhogaparibhogaṃ karonto sīlādīhi parihāyati. Tena vuttaṃ – ‘‘evarūpo puggalo na sevitabbo na bhajitabbo na payirupāsitabbo aññatra anuddayā aññatra anukampā’’ti (pu. pa. 121; a. ni. 3.26). Tasmā sace kāruññaṃ paṭicca ‘‘ayaṃ maṃ nissāya sīlādīhi vaḍḍhissatī’’ti tamhā puggalā kiñci apaccāsīsanto taṃ saṅgaṇhituṃ sakkoti, iccetaṃ kusalaṃ . No ce sakkoti, ekacariyaṃ daḷhaṃ kayirā ekībhāvameva thiraṃ katvā sabbairiyāpathesu ekakova vihareyya. Kiṃ kāraṇā? Natthi bāle sahāyatāti sahāyatā nāma cūḷasīlaṃ majjhimasīlaṃ mahāsīlaṃ dasa kathāvatthūni terasa dhutaṅgaguṇā vipassanāguṇā cattāro maggā cattāri phalāni tisso vijjā cha abhiññā. Ayaṃ sahāyatāguṇo bālaṃ nissāya natthīti.

    д̣̇зсанаавасаанз ааг̇анд̇уго бхигку сод̇аабад̇д̇ипалам̣ бад̇д̇о, ан̃н̃зби б̣ахуу сод̇аабад̇д̇ипалаад̣̇ийни баабун̣им̣су, д̣̇зсанаа махааж̇анасса саад̇т̇игаа ахосийд̇и.

    Desanāvasāne āgantuko bhikkhu sotāpattiphalaṃ patto, aññepi bahū sotāpattiphalādīni pāpuṇiṃsu, desanā mahājanassa sātthikā ahosīti.

    махаагассабад̇т̇зрасад̣̇д̇хивихааригавад̇т̇у д̣̇уд̇ияам̣.

    Mahākassapattherasaddhivihārikavatthu dutiyaṃ.

    3. аананд̣̇асздтивад̇т̇у

    3. Ānandaseṭṭhivatthu

    буд̇д̇аа мад̇т̇ийд̇и имам̣ д̇хаммад̣̇зсанам̣ сад̇т̇аа саавад̇т̇ияам̣ вихаранд̇о аананд̣̇асздтим̣ аараб̣бха гат̇зси.

    Puttāmatthīti imaṃ dhammadesanaṃ satthā sāvatthiyaṃ viharanto ānandaseṭṭhiṃ ārabbha kathesi.

    саавад̇т̇ияам̣ гира аананд̣̇асздти наама жад̇д̇аалийсагодивибхаво махаамажчарий ахоси. со анвад̣дхамаасам̣ н̃аад̇агз саннибаад̇зд̇ваа буд̇д̇ам̣ мууласирим̣ наама д̇ийсу взлаасу звам̣ овад̣̇ад̇и – ‘‘ид̣̇ам̣ жад̇д̇аалийсагодид̇ханам̣ ‘б̣ахуу’’’д̇и маа сан̃н̃ам̣ гари, виж̇ж̇амаанам̣ д̇ханам̣ на д̣̇аад̇аб̣б̣ам̣, навам̣ д̇ханам̣ уббаад̣̇зд̇аб̣б̣ам̣. згзгамби хи гахаабан̣ам̣ ваяам̣ гаронд̇асса бана кийяад̇зва. д̇асмаа –

    Sāvatthiyaṃ kira ānandaseṭṭhi nāma cattālīsakoṭivibhavo mahāmaccharī ahosi. So anvaḍḍhamāsaṃ ñātake sannipātetvā puttaṃ mūlasiriṃ nāma tīsu velāsu evaṃ ovadati – ‘‘idaṃ cattālīsakoṭidhanaṃ ‘bahū’’’ti mā saññaṃ kari, vijjamānaṃ dhanaṃ na dātabbaṃ, navaṃ dhanaṃ uppādetabbaṃ. Ekekampi hi kahāpaṇaṃ vayaṃ karontassa pana khīyateva. Tasmā –

    ‘‘ан̃ж̇анаанам̣ каяам̣ д̣̇исваа, убажигаанан̃жа аажаяам̣;

    ‘‘Añjanānaṃ khayaṃ disvā, upacikānañca ācayaṃ;

    мад̇хуунан̃жа самаахаарам̣, бан̣д̣ид̇о гхарамаавасз’’д̇и.

    Madhūnañca samāhāraṃ, paṇḍito gharamāvase’’ti.

    со абарзна самаязна ад̇д̇ано бан̃жа махаанид̇хияо буд̇д̇асса анаажигкид̇ваа д̇хананиссид̇о мажчзрамаламалино гаалам̣ гад̇ваа д̇ассзва наг̇арасса згасмим̣ д̣̇ваараг̇аамагз жан̣д̣аалаанам̣ гуласахассам̣ бадивасад̇и. д̇ад̇т̇згиссаа жан̣д̣аалияаа гужчисмим̣ бадисанд̇хим̣ г̇ан̣хи. рааж̇аа д̇асса гаалагирияам̣ суд̇ваа буд̇д̇амасса мууласирим̣ баггосаабзд̇ваа сздтидтаанз табзси. д̇амби жан̣д̣аалагуласахассам̣ згад̇ова бхад̇ияаа гаммам̣ гад̇ваа ж̇ийвамаанам̣ д̇асса бадисанд̇хиг̇г̇ахан̣ад̇о бадтааяа нзва бхад̇им̣ лабхад̇и, на яаабанамад̇д̇ад̇о барам̣ бхад̇д̇абин̣д̣амби. д̇з ‘‘маяам̣ зд̇арахи гаммам̣ гаронд̇ааби бин̣д̣абхад̇д̇амби на лабхаама, амхаагам̣ анд̇арз гаал̣аган̣н̣ияаа бхавид̇аб̣б̣а’’нд̇и д̣̇вз годтаасаа худ̇ваа яаава д̇асса маад̇аабид̇аро висум̣ хонд̇и, д̇аава вибхаж̇ид̇ваа ‘‘имасмим̣ гулз гаал̣аган̣н̣ий уббаннаа’’д̇и д̇асса маад̇арам̣ нийхарим̣су.

    So aparena samayena attano pañca mahānidhiyo puttassa anācikkhitvā dhananissito maccheramalamalino kālaṃ katvā tasseva nagarassa ekasmiṃ dvāragāmake caṇḍālānaṃ kulasahassaṃ paṭivasati. Tatthekissā caṇḍāliyā kucchismiṃ paṭisandhiṃ gaṇhi. Rājā tassa kālakiriyaṃ sutvā puttamassa mūlasiriṃ pakkosāpetvā seṭṭhiṭṭhāne ṭhapesi. Tampi caṇḍālakulasahassaṃ ekatova bhatiyā kammaṃ katvā jīvamānaṃ tassa paṭisandhiggahaṇato paṭṭhāya neva bhatiṃ labhati, na yāpanamattato paraṃ bhattapiṇḍampi. Te ‘‘mayaṃ etarahi kammaṃ karontāpi piṇḍabhattampi na labhāma, amhākaṃ antare kāḷakaṇṇiyā bhavitabba’’nti dve koṭṭhāsā hutvā yāva tassa mātāpitaro visuṃ honti, tāva vibhajitvā ‘‘imasmiṃ kule kāḷakaṇṇī uppannā’’ti tassa mātaraṃ nīhariṃsu.

    сааби яаавассаа со гужчиг̇ад̇о, д̇аава яаабанамад̇д̇амби гижчзна лабхид̇ваа буд̇д̇ам̣ виж̇ааяи. д̇асса хад̇т̇аа жа баад̣̇аа жа агкийни жа ган̣н̣аа жа наасаа жа мукан̃жа яат̇аатаанз на ахзсум̣. со зваруубзна ан̇г̇авзгаллзна саманнааг̇ад̇о бам̣субисаажаго вияа ад̇ивируубо ахоси. звам̣ санд̇зби д̇ам̣ маад̇аа на барижжаж̇и. гужчияам̣ васид̇абуд̇д̇асмин̃хи синзхо б̣алаваа ход̇и. саа д̇ам̣ гижчзна босаяамаанаа д̇ам̣ аад̣̇ааяа г̇ад̇ад̣̇ивасз гин̃жи алабхид̇ваа г̇зхз гад̇ваа саяамзва г̇ад̇ад̣̇ивасз бхад̇им̣ лабхад̇и. ат̇а нам̣ бин̣д̣ааяа жарид̇ваа ж̇ийвид̇ум̣ самад̇т̇агаалз саа габаалагам̣ хад̇т̇з табзд̇ваа, ‘‘д̇аад̇а , маяам̣ д̇ам̣ ниссааяа махаад̣̇угкам̣ бад̇д̇аа, ид̣̇аани на саггоми д̇ам̣ босзд̇ум̣, имасмим̣ наг̇арз габан̣ад̣̇д̇хигаад̣̇ийнам̣ бадияад̇д̇абхад̇д̇аани ад̇т̇и, д̇ад̇т̇а бхигкааяа жарид̇ваа ж̇ийваахий’’д̇и д̇ам̣ виссаж̇ж̇зси. со гхарабадибаадияаа жаранд̇о аананд̣̇асздтигаалз нивуд̇д̇адтаанам̣ г̇анд̇ваа ж̇аад̇иссаро худ̇ваа ад̇д̇ано г̇зхам̣ баависи. д̇ийсу бана д̣̇ваарагодтагзсу на гожи саллагкзси. жад̇уд̇т̇з д̣̇ваарагодтагз мууласирисздтино буд̇д̇агаа д̣̇исваа уб̣б̣иг̇г̇ахад̣̇аяаа барод̣̇им̣су. ат̇а нам̣ сздтибурисаа ‘‘нигкама гаал̣аган̣н̣ий’’д̇и бот̇зд̇ваа нийхарид̇ваа сан̇гаарадтаанз кибим̣су. сад̇т̇аа аананд̣̇ад̇т̇зрзна бажчаасаман̣зна бин̣д̣ааяа жаранд̇о д̇ам̣ таанам̣ бад̇д̇о т̇зрам̣ ологзд̇ваа д̇зна будто д̇ам̣ бавад̇д̇им̣ аажигки. т̇зро мууласирим̣ баггосаабзси. ат̇а махааж̇анагааяо саннибад̇и. сад̇т̇аа мууласирим̣ ааманд̇зд̇ваа ‘‘ж̇аанааси зд̇а’’нд̇и бужчид̇ваа ‘‘на ж̇аанаамий’’д̇и вуд̇д̇з, ‘‘бид̇аа д̇з аананд̣̇асздтий’’д̇и вад̇ваа асад̣̇д̣̇аханд̇ам̣ ‘‘аананд̣̇асздти буд̇д̇асса д̇з бан̃жа махаанид̇хияо аажигкаахий’’д̇и аажигкаабзд̇ваа сад̣̇д̣̇ахаабзси. со сад̇т̇аарам̣ саран̣ам̣ аг̇амааси. д̇асса д̇хаммам̣ д̣̇зсзнд̇о имам̣ г̇аат̇амааха –

    Sāpi yāvassā so kucchigato, tāva yāpanamattampi kicchena labhitvā puttaṃ vijāyi. Tassa hatthā ca pādā ca akkhīni ca kaṇṇā ca nāsā ca mukhañca yathāṭhāne na ahesuṃ. So evarūpena aṅgavekallena samannāgato paṃsupisācako viya ativirūpo ahosi. Evaṃ santepi taṃ mātā na pariccaji. Kucchiyaṃ vasitaputtasmiñhi sineho balavā hoti. Sā taṃ kicchena posayamānā taṃ ādāya gatadivase kiñci alabhitvā gehe katvā sayameva gatadivase bhatiṃ labhati. Atha naṃ piṇḍāya caritvā jīvituṃ samatthakāle sā kapālakaṃ hatthe ṭhapetvā, ‘‘tāta , mayaṃ taṃ nissāya mahādukkhaṃ pattā, idāni na sakkomi taṃ posetuṃ, imasmiṃ nagare kapaṇaddhikādīnaṃ paṭiyattabhattāni atthi, tattha bhikkhāya caritvā jīvāhī’’ti taṃ vissajjesi. So gharapaṭipāṭiyā caranto ānandaseṭṭhikāle nivuttaṭṭhānaṃ gantvā jātissaro hutvā attano gehaṃ pāvisi. Tīsu pana dvārakoṭṭhakesu na koci sallakkhesi. Catutthe dvārakoṭṭhake mūlasiriseṭṭhino puttakā disvā ubbiggahadayā parodiṃsu. Atha naṃ seṭṭhipurisā ‘‘nikkhama kāḷakaṇṇī’’ti pothetvā nīharitvā saṅkāraṭṭhāne khipiṃsu. Satthā ānandattherena pacchāsamaṇena piṇḍāya caranto taṃ ṭhānaṃ patto theraṃ oloketvā tena puṭṭho taṃ pavattiṃ ācikkhi. Thero mūlasiriṃ pakkosāpesi. Atha mahājanakāyo sannipati. Satthā mūlasiriṃ āmantetvā ‘‘jānāsi eta’’nti pucchitvā ‘‘na jānāmī’’ti vutte, ‘‘pitā te ānandaseṭṭhī’’ti vatvā asaddahantaṃ ‘‘ānandaseṭṭhi puttassa te pañca mahānidhiyo ācikkhāhī’’ti ācikkhāpetvā saddahāpesi. So satthāraṃ saraṇaṃ agamāsi. Tassa dhammaṃ desento imaṃ gāthamāha –

    62.

    62.

    ‘‘буд̇д̇аа мад̇т̇и д̇ханаммад̇т̇и, ид̇и б̣аало вихан̃н̃ад̇и;

    ‘‘Puttā matthi dhanammatthi, iti bālo vihaññati;

    ад̇д̇аа хи ад̇д̇ано над̇т̇и, гуд̇о буд̇д̇аа гуд̇о д̇хана’’нд̇и.

    Attā hi attano natthi, kuto puttā kuto dhana’’nti.

    д̇ассад̇т̇о – буд̇д̇аа мз ад̇т̇и, д̇ханам̣ мз ад̇т̇и, ид̇и б̣аало буд̇д̇ад̇ан̣хааяа жзва д̇ханад̇ан̣хааяа жа хан̃н̃ад̇и вихан̃н̃ад̇и д̣̇угкаяад̇и, ‘‘буд̇д̇аа мз нассим̣суу’’д̇и вихан̃н̃ад̇и, ‘‘нассанд̇ий’’д̇и вихан̃н̃ад̇и, ‘‘нассиссанд̇ий’’д̇и вихан̃н̃ад̇и. д̇ханзби зсзва наяо. ид̇и чахаагаарзхи вихан̃н̃ад̇и. ‘‘буд̇д̇з босзссаамий’’д̇и рад̇д̇ин̃жа д̣̇иваа жа т̇алаж̇алабат̇аад̣̇ийсу наанаббагаарад̇о вааяаманд̇оби вихан̃н̃ад̇и, ‘‘д̇ханам̣ уббаад̣̇зссаамий’’д̇и гасиваан̣иж̇ж̇аад̣̇ийни гаронд̇оби вихан̃н̃ад̇зва. звам̣ вихан̃н̃асса жа ад̇д̇аа хи ад̇д̇ано над̇т̇и д̇зна вигхаад̇зна д̣̇угкид̇ам̣ ад̇д̇аанам̣ сукид̇ам̣ гаад̇ум̣ асаггонд̇асса бавад̇д̇ияамбисса ад̇д̇аа хи ад̇д̇ано над̇т̇и, маран̣аман̃жз нибаннасса мааран̣анд̇игаахи взд̣̇анаахи аг̇г̇иж̇аалаахи вияа барид̣аяхамаанасса чиж̇ж̇амаанзсу санд̇хиб̣анд̇ханзсу, бхиж̇ж̇амаанзсу адтисан̇гхаадзсу нимийлзд̇ваа баралогам̣ уммийлзд̇ваа ид̇халогам̣ бассанд̇ассааби д̣̇ивасз д̣̇ивасз д̣̇вигкад̇д̇ум̣ нхаабзд̇ваа д̇игкад̇д̇ум̣ бхож̇зд̇ваа г̇анд̇хамаалаад̣̇ийхи алан̇гарид̇ваа яааваж̇ийвам̣ босид̇оби сахааяабхаавзна д̣̇угкабарид̇д̇аан̣ам̣ гаад̇ум̣ асамад̇т̇ад̇ааяа ад̇д̇аа хи ад̇д̇ано над̇т̇и. гуд̇о буд̇д̇аа гуд̇о д̇ханам̣ буд̇д̇аа ваа д̇ханам̣ ваа д̇асмим̣ самаяз гимзва гариссанд̇и, аананд̣̇асздтиноби гассажи гин̃жи ад̣̇ад̇ваа буд̇д̇ассад̇т̇ааяа д̇ханам̣ сан̣табзд̇ваа буб̣б̣з ваа маран̣аман̃жз нибаннасса, ид̣̇аани ваа имам̣ д̣̇угкам̣ бад̇д̇асса гуд̇о буд̇д̇аа гуд̇о д̇ханам̣. буд̇д̇аа ваа д̇ханам̣ ваа д̇асмим̣ самаяз гим̣ д̣̇угкам̣ харим̣су, гим̣ ваа сукам̣ уббаад̣̇аяим̣сууд̇и.

    Tassattho – puttā me atthi, dhanaṃ me atthi, iti bālo puttataṇhāya ceva dhanataṇhāya ca haññati vihaññati dukkhayati, ‘‘puttā me nassiṃsū’’ti vihaññati, ‘‘nassantī’’ti vihaññati, ‘‘nassissantī’’ti vihaññati. Dhanepi eseva nayo. Iti chahākārehi vihaññati. ‘‘Putte posessāmī’’ti rattiñca divā ca thalajalapathādīsu nānappakārato vāyamantopi vihaññati, ‘‘dhanaṃ uppādessāmī’’ti kasivāṇijjādīni karontopi vihaññateva. Evaṃ vihaññassa ca attā hi attano natthi tena vighātena dukkhitaṃ attānaṃ sukhitaṃ kātuṃ asakkontassa pavattiyampissa attā hi attano natthi, maraṇamañce nipannassa māraṇantikāhi vedanāhi aggijālāhi viya pariḍayhamānassa chijjamānesu sandhibandhanesu, bhijjamānesu aṭṭhisaṅghāṭesu nimīletvā paralokaṃ ummīletvā idhalokaṃ passantassāpi divase divase dvikkhattuṃ nhāpetvā tikkhattuṃ bhojetvā gandhamālādīhi alaṅkaritvā yāvajīvaṃ positopi sahāyabhāvena dukkhaparittāṇaṃ kātuṃ asamatthatāya attā hi attano natthi. Kutoputtā kuto dhanaṃ puttā vā dhanaṃ vā tasmiṃ samaye kimeva karissanti, ānandaseṭṭhinopi kassaci kiñci adatvā puttassatthāya dhanaṃ saṇṭhapetvā pubbe vā maraṇamañce nipannassa, idāni vā imaṃ dukkhaṃ pattassa kuto puttā kuto dhanaṃ. Puttā vā dhanaṃ vā tasmiṃ samaye kiṃ dukkhaṃ hariṃsu, kiṃ vā sukhaṃ uppādayiṃsūti.

    д̣̇зсанаавасаанз жад̇ураасийд̇ияаа баан̣асахассаанам̣ д̇хаммаабхисамаяо ахоси. д̣̇зсанаа махааж̇анасса саад̇т̇игаа ахосийд̇и.

    Desanāvasāne caturāsītiyā pāṇasahassānaṃ dhammābhisamayo ahosi. Desanā mahājanassa sātthikā ahosīti.

    аананд̣̇асздтивад̇т̇у д̇ад̇ияам̣.

    Ānandaseṭṭhivatthu tatiyaṃ.

    4. г̇ан̣тибхзд̣̇агажоравад̇т̇у

    4. Gaṇṭhibhedakacoravatthu

    яо б̣аалод̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о г̇ан̣тибхзд̣̇агажорз аараб̣бха гат̇зси.

    Yo bāloti imaṃ dhammadesanaṃ satthā jetavane viharanto gaṇṭhibhedakacore ārabbha kathesi.

    д̇з гира д̣̇вз сахааяагаа д̇хаммассаванад̇т̇ааяа г̇ажчанд̇зна махааж̇анзна сад̣̇д̇хим̣ ж̇зд̇аванам̣ г̇анд̇ваа зго д̇хаммагат̇ам̣ ассоси, зго ад̇д̇ано г̇аяхуубаг̇ам̣ ологзси. д̇зсу зго д̇хаммам̣ сун̣амаано сод̇аабад̇д̇ипалам̣ баабун̣и, ид̇аро згасса д̣̇уссанд̇з б̣ад̣̇д̇хам̣ бан̃жамаасагамад̇д̇ам̣ лабхи. д̇асса д̇ам̣ г̇зхз баагабхад̇д̇ам̣ ж̇аад̇ам̣, ид̇арасса г̇зхз на бажжад̇и. ат̇а нам̣ сахааяагажоро ад̇д̇ано бхарияааяа сад̣̇д̇хим̣ уббан̣д̣аяамаано ‘‘д̇вам̣ ад̇ибан̣д̣ид̇ад̇ааяа ад̇д̇ано г̇зхз баагабхад̇д̇амууламби на нибпаад̣̇зсий’’д̇и ааха. ид̇аро бана ‘‘б̣аалабхаавзнзва вад̇ааяам̣ ад̇д̇ано бан̣д̣ид̇абхаавам̣ ман̃н̃ад̇ий’’д̇и д̇ам̣ бавад̇д̇им̣ сад̇т̇у аарожзд̇ум̣ н̃аад̇ийхи сад̣̇д̇хим̣ ж̇зд̇аванам̣ г̇анд̇ваа аарожзси. сад̇т̇аа д̇асса д̇хаммам̣ д̣̇зсзнд̇о имам̣ г̇аат̇амааха –

    Te kira dve sahāyakā dhammassavanatthāya gacchantena mahājanena saddhiṃ jetavanaṃ gantvā eko dhammakathaṃ assosi, eko attano gayhūpagaṃ olokesi. Tesu eko dhammaṃ suṇamāno sotāpattiphalaṃ pāpuṇi, itaro ekassa dussante baddhaṃ pañcamāsakamattaṃ labhi. Tassa taṃ gehe pākabhattaṃ jātaṃ, itarassa gehe na paccati. Atha naṃ sahāyakacoro attano bhariyāya saddhiṃ uppaṇḍayamāno ‘‘tvaṃ atipaṇḍitatāya attano gehe pākabhattamūlampi na nipphādesī’’ti āha. Itaro pana ‘‘bālabhāveneva vatāyaṃ attano paṇḍitabhāvaṃ maññatī’’ti taṃ pavattiṃ satthu ārocetuṃ ñātīhi saddhiṃ jetavanaṃ gantvā ārocesi. Satthā tassa dhammaṃ desento imaṃ gāthamāha –

    63.

    63.

    ‘‘яо б̣аало ман̃н̃ад̇и б̣ааляам̣, бан̣д̣ид̇о вааби д̇зна со;

    ‘‘Yo bālo maññati bālyaṃ, paṇḍito vāpi tena so;

    б̣аало жа бан̣д̣ид̇амааний, са вз ‘б̣аало’д̇и вужжад̇ий’’д̇и.

    Bālo ca paṇḍitamānī, sa ve ‘bālo’ti vuccatī’’ti.

    д̇ад̇т̇а яо б̣аалод̇и яо анд̇хаб̣аало абан̣д̣ид̇о самаано ‘‘б̣аало аха’’нд̇и ад̇д̇ано б̣ааляам̣ б̣аалабхаавам̣ ман̃н̃ад̇и ж̇аанаад̇и. д̇зна сод̇и д̇зна гааран̣зна со буг̇г̇ало бан̣д̣ид̇о вааби ход̇и бан̣д̣ид̇асад̣̇исо ваа. со хи ‘‘б̣аало аха’’нд̇и ж̇аанамаано ан̃н̃ам̣ бан̣д̣ид̇ам̣ убасан̇гаманд̇о баяирубаасанд̇о д̇зна бан̣д̣ид̇абхаавад̇т̇ааяа овад̣̇ияамаано анусаасияамаано д̇ам̣ оваад̣̇ам̣ г̇ан̣хид̇ваа бан̣д̣ид̇о ваа ход̇и бан̣д̣ид̇ад̇аро ваа. са вз б̣аалод̇и яо жа б̣аало самаано ‘‘го ан̃н̃о маяаа сад̣̇исо б̣ахуссуд̇о ваа д̇хаммагат̇иго ваа винаяад̇харо ваа д̇худ̇ан̇г̇ад̇харо ваа ад̇т̇ий’’д̇и звам̣ бан̣д̣ид̇амааний ход̇и. со ан̃н̃ам̣ бан̣д̣ид̇ам̣ анубасан̇гаманд̇о абаяирубаасанд̇о нзва барияад̇д̇им̣ уг̇г̇ан̣хаад̇и, на бадибад̇д̇им̣ буурзд̇и, зганд̇аб̣аалабхаавамзва баабун̣аад̇и. со г̇ан̣тибхзд̣̇агажоро вияа. д̇зна вуд̇д̇ам̣ ‘‘са вз ‘б̣аало’д̇и вужжад̇ий’’д̇и.

    Tattha yo bāloti yo andhabālo apaṇḍito samāno ‘‘bālo aha’’nti attano bālyaṃ bālabhāvaṃ maññati jānāti. Tena soti tena kāraṇena so puggalo paṇḍito vāpi hoti paṇḍitasadiso vā. So hi ‘‘bālo aha’’nti jānamāno aññaṃ paṇḍitaṃ upasaṅkamanto payirupāsanto tena paṇḍitabhāvatthāya ovadiyamāno anusāsiyamāno taṃ ovādaṃ gaṇhitvā paṇḍito vā hoti paṇḍitataro vā. Sa ve bāloti yo ca bālo samāno ‘‘ko añño mayā sadiso bahussuto vā dhammakathiko vā vinayadharo vā dhutaṅgadharo vā atthī’’ti evaṃ paṇḍitamānī hoti. So aññaṃ paṇḍitaṃ anupasaṅkamanto apayirupāsanto neva pariyattiṃ uggaṇhāti, na paṭipattiṃ pūreti, ekantabālabhāvameva pāpuṇāti. So gaṇṭhibhedakacoro viya. Tena vuttaṃ ‘‘sa ve ‘bālo’ti vuccatī’’ti.

    д̣̇зсанаабарияосаанз ид̇арасса н̃аад̇агзхи сад̣̇д̇хим̣ махааж̇ано сод̇аабад̇д̇ипалаад̣̇ийни баабун̣ийд̇и.

    Desanāpariyosāne itarassa ñātakehi saddhiṃ mahājano sotāpattiphalādīni pāpuṇīti.

    г̇ан̣тибхзд̣̇агажоравад̇т̇у жад̇уд̇т̇ам̣.

    Gaṇṭhibhedakacoravatthu catutthaṃ.

    5. уд̣̇ааяид̇т̇зравад̇т̇у

    5. Udāyittheravatthu

    яааваж̇ийвамби жз б̣аалод̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о уд̣̇ааяид̇т̇зрам̣ аараб̣бха гат̇зси.

    Yāvajīvampi ce bāloti imaṃ dhammadesanaṃ satthā jetavane viharanto udāyittheraṃ ārabbha kathesi.

    со гира махаат̇зрзсу бадигганд̇зсу д̇хаммасабхам̣ г̇анд̇ваа д̇хаммаасанз нисийд̣̇и. ат̇а нам̣ згад̣̇ивасам̣ ааг̇анд̇угаа бхигкуу д̣̇исваа ‘‘аяам̣ б̣ахуссуд̇о махаат̇зро бхависсад̇ий’’д̇и ман̃н̃амаанаа канд̇хаад̣̇ибадисам̣яуд̇д̇ам̣ бан̃хам̣ бужчид̇ваа гин̃жи аж̇аанамаанам̣ ‘‘го зсо, б̣уд̣̇д̇хзхи сад̣̇д̇хим̣ згавихаарз васамаано канд̇хад̇хаад̇уааяад̇анамад̇д̇амби на ж̇аанаад̇ий’’д̇и г̇арахид̇ваа д̇ам̣ бавад̇д̇им̣ д̇ат̇ааг̇ад̇асса аарожзсум̣. сад̇т̇аа д̇зсам̣ д̇хаммам̣ д̣̇зсзнд̇о имам̣ г̇аат̇амааха –

    So kira mahātheresu paṭikkantesu dhammasabhaṃ gantvā dhammāsane nisīdi. Atha naṃ ekadivasaṃ āgantukā bhikkhū disvā ‘‘ayaṃ bahussuto mahāthero bhavissatī’’ti maññamānā khandhādipaṭisaṃyuttaṃ pañhaṃ pucchitvā kiñci ajānamānaṃ ‘‘ko eso, buddhehi saddhiṃ ekavihāre vasamāno khandhadhātuāyatanamattampi na jānātī’’ti garahitvā taṃ pavattiṃ tathāgatassa ārocesuṃ. Satthā tesaṃ dhammaṃ desento imaṃ gāthamāha –

    64.

    64.

    ‘‘яааваж̇ийвамби жз б̣аало, бан̣д̣ид̇ам̣ баяирубаасад̇и;

    ‘‘Yāvajīvampi ce bālo, paṇḍitaṃ payirupāsati;

    на со д̇хаммам̣ виж̇аанаад̇и, д̣̇аб̣б̣ий суубарасам̣ яат̇аа’’д̇и.

    Na so dhammaṃ vijānāti, dabbī sūparasaṃ yathā’’ti.

    д̇ассад̇т̇о – б̣аало наамзса яааваж̇ийвамби бан̣д̣ид̇ам̣ убасан̇гаманд̇о баяирубаасанд̇о ‘‘ид̣̇ам̣ б̣уд̣̇д̇хаважанам̣, зд̇д̇агам̣ б̣уд̣̇д̇хаважана’’нд̇и звам̣ барияад̇д̇ид̇хаммам̣ ваа ‘‘аяам̣ жааро, аяам̣ вихааро, аяам̣ аажааро, аяам̣ г̇ожаро, ид̣̇ам̣ сааваж̇ж̇ам̣, ид̣̇ам̣ анаваж̇ж̇ам̣, ид̣̇ам̣ сзвид̇аб̣б̣ам̣, ид̣̇ам̣ на сзвид̇аб̣б̣ам̣, ид̣̇ам̣ бадивиж̇жхид̇аб̣б̣ам̣, ид̣̇ам̣ сажчигаад̇аб̣б̣а’’нд̇и звам̣ бадибад̇д̇ибадивзд̇хад̇хаммам̣ ваа на ж̇аанаад̇и. яат̇аа гим̣? д̣̇аб̣б̣ий суубарасам̣ яат̇аад̇и. яат̇аа хи д̣̇аб̣б̣ий яаава баригкаяаа наанаббагаарааяа суубавигад̇ияаа самбаривад̇д̇амаанааби ‘‘ид̣̇ам̣ лон̣игам̣, ид̣̇ам̣ алон̣игам̣, ид̣̇ам̣ д̇ид̇д̇агам̣, ид̣̇ам̣ кааригам̣, ид̣̇ам̣ гадугам̣, ид̣̇ам̣ амб̣илам̣, ид̣̇ам̣ анамб̣илам̣, ид̣̇ам̣ гасаава’’нд̇и суубарасам̣ на ж̇аанаад̇и, звамзва б̣аало яааваж̇ийвамби бан̣д̣ид̇ам̣ баяирубаасамаано вуд̇д̇аббагаарам̣ д̇хаммам̣ на ж̇аанаад̇ийд̇и.

    Tassattho – bālo nāmesa yāvajīvampi paṇḍitaṃ upasaṅkamanto payirupāsanto ‘‘idaṃ buddhavacanaṃ, ettakaṃ buddhavacana’’nti evaṃ pariyattidhammaṃ vā ‘‘ayaṃ cāro, ayaṃ vihāro, ayaṃ ācāro, ayaṃ gocaro, idaṃ sāvajjaṃ, idaṃ anavajjaṃ, idaṃ sevitabbaṃ, idaṃ na sevitabbaṃ, idaṃ paṭivijjhitabbaṃ, idaṃ sacchikātabba’’nti evaṃ paṭipattipaṭivedhadhammaṃ vā na jānāti. Yathā kiṃ? Dabbī sūparasaṃ yathāti. Yathā hi dabbī yāva parikkhayā nānappakārāya sūpavikatiyā samparivattamānāpi ‘‘idaṃ loṇikaṃ, idaṃ aloṇikaṃ, idaṃ tittakaṃ, idaṃ khārikaṃ, idaṃ kaṭukaṃ, idaṃ ambilaṃ, idaṃ anambilaṃ, idaṃ kasāva’’nti sūparasaṃ na jānāti, evameva bālo yāvajīvampi paṇḍitaṃ payirupāsamāno vuttappakāraṃ dhammaṃ na jānātīti.

    д̣̇зсанаавасаанз ааг̇анд̇угаа бхигкуу аасавзхи жид̇д̇аани вимужжим̣сууд̇и.

    Desanāvasāne āgantukā bhikkhū āsavehi cittāni vimucciṃsūti.

    уд̣̇ааяид̇т̇зравад̇т̇у бан̃жамам̣.

    Udāyittheravatthu pañcamaṃ.

    6. д̇им̣самад̇д̇абаавзяяагабхигкувад̇т̇у

    6. Tiṃsamattapāveyyakabhikkhuvatthu

    мухуд̇д̇амаби жз вин̃н̃ууд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̇им̣самад̇д̇з баавзяяагз бхигкуу аараб̣бха гат̇зси.

    Muhuttamapi ce viññūti imaṃ dhammadesanaṃ satthā jetavane viharanto tiṃsamatte pāveyyake bhikkhū ārabbha kathesi.

    д̇зсан̃хи бхаг̇аваа ид̇т̇им̣ бариязсанд̇аанам̣ габбаасигаванасан̣д̣з батамам̣ д̇хаммам̣ д̣̇зсзси. д̇ад̣̇аа д̇з саб̣б̣зва зхибхигкубхаавам̣ бад̇ваа ид̣̇д̇химаяабад̇д̇ажийварад̇хараа худ̇ваа д̇зраса д̇худ̇ан̇г̇аани самаад̣̇ааяа вад̇д̇амаанаа бунаби д̣̇ийгхасса ад̣̇д̇хуно ажжаязна сад̇т̇аарам̣ убасан̇гамид̇ваа анамад̇аг̇г̇ад̇хаммад̣̇зсанам̣ суд̇ваа д̇асмим̣язва аасанз арахад̇д̇ам̣ баабун̣им̣су. бхигкуу ‘‘ахо вад̇имзхи бхигкуухи киббамзва д̇хаммо вин̃н̃аад̇о’’д̇и д̇хаммасабхааяам̣ гат̇ам̣ самудтаабзсум̣. сад̇т̇аа д̇ам̣ суд̇ваа ‘‘на, бхигкавз, ид̣̇аанзва, буб̣б̣зби имз д̇им̣самад̇д̇аа сахааяагаа д̇худ̇д̇аа худ̇ваа д̇ун̣д̣илаж̇аад̇агз (ж̇аа. 1.6.88 аад̣̇аяо) махаад̇ун̣д̣иласса д̇хаммад̣̇зсанам̣ суд̇вааби киббамзва д̇хаммам̣ вин̃н̃ааяа бан̃жа сийлаани самаад̣̇ияим̣су, д̇з д̇знзва убаниссаязна зд̇арахи нисиннаасанзязва арахад̇д̇ам̣ бад̇д̇аа’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

    Tesañhi bhagavā itthiṃ pariyesantānaṃ kappāsikavanasaṇḍe paṭhamaṃ dhammaṃ desesi. Tadā te sabbeva ehibhikkhubhāvaṃ patvā iddhimayapattacīvaradharā hutvā terasa dhutaṅgāni samādāya vattamānā punapi dīghassa addhuno accayena satthāraṃ upasaṅkamitvā anamataggadhammadesanaṃ sutvā tasmiṃyeva āsane arahattaṃ pāpuṇiṃsu. Bhikkhū ‘‘aho vatimehi bhikkhūhi khippameva dhammo viññāto’’ti dhammasabhāyaṃ kathaṃ samuṭṭhāpesuṃ. Satthā taṃ sutvā ‘‘na, bhikkhave, idāneva, pubbepi ime tiṃsamattā sahāyakā dhuttā hutvā tuṇḍilajātake (jā. 1.6.88 ādayo) mahātuṇḍilassa dhammadesanaṃ sutvāpi khippameva dhammaṃ viññāya pañca sīlāni samādiyiṃsu, te teneva upanissayena etarahi nisinnāsaneyeva arahattaṃ pattā’’ti vatvā dhammaṃ desento imaṃ gāthamāha –

    65.

    65.

    ‘‘мухуд̇д̇амаби жз вин̃н̃уу, бан̣д̣ид̇ам̣ баяирубаасад̇и;

    ‘‘Muhuttamapi ce viññū, paṇḍitaṃ payirupāsati;

    киббам̣ д̇хаммам̣ виж̇аанаад̇и, ж̇ивхаа суубарасам̣ яат̇аа’’д̇и.

    Khippaṃ dhammaṃ vijānāti, jivhā sūparasaṃ yathā’’ti.

    д̇ассад̇т̇о – вин̃н̃уу бан̣д̣ид̇абурисо мухуд̇д̇амаби жз ан̃н̃ам̣ бан̣д̣ид̇ам̣ баяирубаасад̇и, со д̇асса санд̇игз уг̇г̇ан̣ханд̇о барибужчанд̇о киббамзва барияад̇д̇ид̇хаммам̣ виж̇аанаад̇и. д̇ад̇о гаммадтаанам̣ гат̇аабзд̇ваа бадибад̇д̇ияам̣ гхадзнд̇о вааяаманд̇о яат̇аа наама анубахад̇аж̇ивхаабасаад̣̇о бурисо расавиж̇аананад̇т̇ам̣ ж̇ивхаг̇г̇з табзд̇ваа зва лон̣игаад̣̇ибхзд̣̇ам̣ расам̣ виж̇аанаад̇и, звам̣ бан̣д̣ид̇о киббамзва логуд̇д̇арад̇хаммамби виж̇аанаад̇ийд̇и.

    Tassattho – viññū paṇḍitapuriso muhuttamapi ce aññaṃ paṇḍitaṃ payirupāsati, so tassa santike uggaṇhanto paripucchanto khippameva pariyattidhammaṃ vijānāti. Tato kammaṭṭhānaṃ kathāpetvā paṭipattiyaṃ ghaṭento vāyamanto yathā nāma anupahatajivhāpasādo puriso rasavijānanatthaṃ jivhagge ṭhapetvā eva loṇikādibhedaṃ rasaṃ vijānāti, evaṃ paṇḍito khippameva lokuttaradhammampi vijānātīti.

    д̣̇зсанаавасаанз б̣ахуу бхигкуу арахад̇д̇ам̣ баабун̣им̣сууд̇и.

    Desanāvasāne bahū bhikkhū arahattaṃ pāpuṇiṃsūti.

    д̇им̣самад̇д̇абаавзяяагабхигкувад̇т̇у чадтам̣.

    Tiṃsamattapāveyyakabhikkhuvatthu chaṭṭhaṃ.

    7. суббаб̣уд̣̇д̇хагудтивад̇т̇у

    7. Suppabuddhakuṭṭhivatthu

    жаранд̇и б̣аалаа д̣̇уммзд̇хаад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о суббаб̣уд̣̇д̇хагудтим̣ аараб̣бха гат̇зси. суббаб̣уд̣̇д̇хагудтивад̇т̇у уд̣̇аанз (уд̣̇аа. 43) ааг̇ад̇амзва.

    Caranti bālā dummedhāti imaṃ dhammadesanaṃ satthā veḷuvane viharanto suppabuddhakuṭṭhiṃ ārabbha kathesi. Suppabuddhakuṭṭhivatthu udāne (udā. 43) āgatameva.

    д̇ад̣̇аа хи суббаб̣уд̣̇д̇хагудти барисабарияанд̇з нисинно бхаг̇авад̇о д̇хаммад̣̇зсанам̣ суд̇ваа сод̇аабад̇д̇ипалам̣ бад̇ваа ад̇д̇анаа бадилад̣̇д̇хаг̇ун̣ам̣ сад̇т̇у аарожзд̇угаамо барисамаж̇жхз ог̇аахид̇ум̣ ависаханд̇о махааж̇анасса сад̇т̇аарам̣ ванд̣̇ид̇ваа ануг̇анд̇ваа нивад̇д̇анагаалз вихаарам̣ аг̇амааси. д̇асмим̣ кан̣з сагго д̣̇зварааж̇аа ‘‘аяам̣ суббаб̣уд̣̇д̇хагудти ад̇д̇ано сад̇т̇у саасанз бадилад̣̇д̇хаг̇ун̣ам̣ баагадам̣ гаад̇угаамо’’д̇и н̃ад̇ваа ‘‘виймам̣сиссаами на’’нд̇и г̇анд̇ваа аагаасз тид̇ова зд̇ад̣̇авожа – ‘‘суббаб̣уд̣̇д̇ха, д̇вам̣ мануссад̣̇алид̣̇д̣̇о мануссаварааго, ахам̣ д̇з абарияанд̇ам̣ д̇ханам̣ д̣̇ассаами, ‘б̣уд̣̇д̇хо на б̣уд̣̇д̇хо, д̇хаммо на д̇хаммо, сан̇гхо на сан̇гхо, алам̣ мз б̣уд̣̇д̇хзна, алам̣ мз д̇хаммзна, алам̣ мз сан̇гхзнаа’д̇и вад̣̇зхий’’д̇и. ат̇а нам̣ со ааха – ‘‘госи д̇ва’’нд̇и? ‘‘ахам̣ сагго’’д̇и. анд̇хаб̣аала, ахирига д̇вам̣ маяаа сад̣̇д̇хим̣ гат̇зд̇ум̣ на яуд̇д̇аруубо, д̇вам̣ мам̣ ‘‘д̣̇уг̇г̇ад̇о д̣̇алид̣̇д̣̇о габан̣о’’д̇и вад̣̇зси, нзваахам̣ д̣̇уг̇г̇ад̇о, на д̣̇алид̣̇д̣̇о, сукаббад̇д̇о ахамасми махад̣̇д̇хано –

    Tadā hi suppabuddhakuṭṭhi parisapariyante nisinno bhagavato dhammadesanaṃ sutvā sotāpattiphalaṃ patvā attanā paṭiladdhaguṇaṃ satthu ārocetukāmo parisamajjhe ogāhituṃ avisahanto mahājanassa satthāraṃ vanditvā anugantvā nivattanakāle vihāraṃ agamāsi. Tasmiṃ khaṇe sakko devarājā ‘‘ayaṃ suppabuddhakuṭṭhi attano satthu sāsane paṭiladdhaguṇaṃ pākaṭaṃ kātukāmo’’ti ñatvā ‘‘vīmaṃsissāmi na’’nti gantvā ākāse ṭhitova etadavoca – ‘‘suppabuddha, tvaṃ manussadaliddo manussavarāko, ahaṃ te apariyantaṃ dhanaṃ dassāmi, ‘buddho na buddho, dhammo na dhammo, saṅgho na saṅgho, alaṃ me buddhena, alaṃ me dhammena, alaṃ me saṅghenā’ti vadehī’’ti. Atha naṃ so āha – ‘‘kosi tva’’nti? ‘‘Ahaṃ sakko’’ti. Andhabāla, ahirika tvaṃ mayā saddhiṃ kathetuṃ na yuttarūpo, tvaṃ maṃ ‘‘duggato daliddo kapaṇo’’ti vadesi, nevāhaṃ duggato, na daliddo, sukhappatto ahamasmi mahaddhano –

    ‘‘сад̣̇д̇хаад̇ханам̣ сийлад̇ханам̣, хирий од̇д̇аббияам̣ д̇ханам̣;

    ‘‘Saddhādhanaṃ sīladhanaṃ, hirī ottappiyaṃ dhanaṃ;

    суд̇ад̇ханан̃жа жааг̇о жа, бан̃н̃аа вз сад̇д̇амам̣ д̇ханам̣.

    Sutadhanañca cāgo ca, paññā ve sattamaṃ dhanaṃ.

    ‘‘яасса зд̇з д̇ханаа ад̇т̇и, ид̇т̇ияаа бурисасса ваа;

    ‘‘Yassa ete dhanā atthi, itthiyā purisassa vā;

    ‘ад̣̇алид̣̇д̣̇о’д̇и д̇ам̣ ааху, амогхам̣ д̇асса ж̇ийвид̇а’’нд̇и. (а. ни. 7.5-6) –

    ‘Adaliddo’ti taṃ āhu, amoghaṃ tassa jīvita’’nti. (a. ni. 7.5-6) –

    имаани мз сад̇д̇авид̇хаарияад̇ханаани санд̇и, язсан̃хи имаани сад̇д̇а д̇ханаани санд̇и, на д̇з б̣уд̣̇д̇хзхи ваа бажжзгаб̣уд̣̇д̇хзхи ваа ‘‘д̣̇алид̣̇д̣̇аа’’д̇и вужжанд̇ийд̇и. сагго д̇асса гат̇ам̣ суд̇ваа д̇ам̣ анд̇араамаг̇г̇з охааяа сад̇т̇у санд̇игам̣ г̇анд̇ваа саб̣б̣ам̣ д̇ам̣ важанабадиважанам̣ аарожзси. ат̇а нам̣ бхаг̇аваа ааха – ‘‘на ко, сагга, саггаа д̇аад̣̇исаанам̣ сад̇знаби сахассзнаби суббаб̣уд̣̇д̇хагудтим̣ ‘б̣уд̣̇д̇хо на б̣уд̣̇д̇хо’д̇и ваа, ‘д̇хаммо на д̇хаммо’д̇и ваа, ‘сан̇гхо на сан̇гхо’д̇и ваа гат̇аабзд̇у’’нд̇и. суббаб̣уд̣̇д̇хоби ко гудти сад̇т̇у санд̇игам̣ г̇анд̇ваа сад̇т̇аараа гад̇абадисант̇ааро саммод̣̇амаано ад̇д̇анаа бадилад̣̇д̇хаг̇ун̣ам̣ аарожзд̇ваа вудтааяаасанаа баггаами. ат̇а нам̣ ажирабагганд̇ам̣ г̇аавий д̇арун̣аважчаа ж̇ийвид̇аа воробзси.

    Imāni me sattavidhaariyadhanāni santi, yesañhi imāni satta dhanāni santi, na te buddhehi vā paccekabuddhehi vā ‘‘daliddā’’ti vuccantīti. Sakko tassa kathaṃ sutvā taṃ antarāmagge ohāya satthu santikaṃ gantvā sabbaṃ taṃ vacanapaṭivacanaṃ ārocesi. Atha naṃ bhagavā āha – ‘‘na kho, sakka, sakkā tādisānaṃ satenapi sahassenapi suppabuddhakuṭṭhiṃ ‘buddho na buddho’ti vā, ‘dhammo na dhammo’ti vā, ‘saṅgho na saṅgho’ti vā kathāpetu’’nti. Suppabuddhopi kho kuṭṭhi satthu santikaṃ gantvā satthārā katapaṭisanthāro sammodamāno attanā paṭiladdhaguṇaṃ ārocetvā vuṭṭhāyāsanā pakkāmi. Atha naṃ acirapakkantaṃ gāvī taruṇavacchā jīvitā voropesi.

    саа гира згаа яагкиний буггусаад̇игулабуд̇д̇ам̣, б̣аахияам̣ д̣̇ааружийрияам̣, д̇амб̣ад̣̇аатигажорагхаад̇агам̣, суббаб̣уд̣̇д̇хагудтинд̇и имзсам̣ жад̇уннам̣ ж̇анаанам̣ анзгасад̇з ад̇д̇абхаавз г̇аавий худ̇ваа ж̇ийвид̇аа воробзси. д̇з гира ад̇ийд̇з жад̇д̇ааро сздтибуд̇д̇аа худ̇ваа згам̣ наг̇арасобхиним̣ г̇ан̣игам̣ уяяаанам̣ нзд̇ваа д̣̇ивасам̣ самбад̇д̇им̣ анубхавид̇ваа сааяанхасамаяз звам̣ самманд̇аяим̣су – ‘‘имасмим̣ таанз ан̃н̃о над̇т̇и, имиссаа амхзхи д̣̇иннам̣ гахаабан̣асахассан̃жа саб̣б̣ан̃жа басаад̇ханабхан̣д̣ам̣ г̇ахзд̇ваа имам̣ маарзд̇ваа г̇ажчаамаа’’д̇и. саа д̇зсам̣ гат̇ам̣ суд̇ваа ‘‘имз ниллаж̇ж̇аа, маяаа сад̣̇д̇хим̣ абхирамид̇ваа ид̣̇аани мам̣ маарзд̇угаамаа, ж̇ааниссаами нзсам̣ гад̇д̇аб̣б̣аяуд̇д̇ага’’нд̇и д̇зхи маарияамаанаа ‘‘ахам̣ яагкиний худ̇ваа яат̇аа мам̣ зд̇з маарзнд̇и, звамзва д̇з маарзд̇ум̣ самад̇т̇аа бхавзяяа’’нд̇и бад̇т̇анам̣ агааси. д̇асса ниссанд̣̇зна имз маарзси. самб̣ахулаа бхигкуу д̇асса гаалагирияам̣ бхаг̇авад̇о аарожзд̇ваа ‘‘д̇асса гаа г̇ад̇и, гзна жа гааран̣зна гудтибхаавам̣ бад̇д̇о’’д̇и бужчим̣су. сад̇т̇аа сод̇аабад̇д̇ипалам̣ бад̇ваа д̇асса д̇аавад̇им̣сабхаванз уббаннабхааван̃жа д̇аг̇арасикибажжзгаб̣уд̣̇д̇хам̣ д̣̇исваа нидтубхид̇ваа абасаб̣яам̣ гад̇ваа д̣̇ийгхарад̇д̇ам̣ нираяз бажжид̇ваа вибаагаавасзсзна ид̣̇аани гудтибхааваббад̇д̇ин̃жа б̣яаагарид̇ваа, ‘‘бхигкавз, имз сад̇д̇аа ад̇д̇анаава ад̇д̇ано гадугавибаагагаммам̣ гаронд̇аа вижаранд̇ий’’д̇и вад̇ваа анусанд̇хим̣ гхадзд̇ваа уд̇д̇ари д̇хаммам̣ д̣̇зсзнд̇о имам̣ г̇аат̇амааха –

    Sā kira ekā yakkhinī pukkusātikulaputtaṃ, bāhiyaṃ dārucīriyaṃ, tambadāṭhikacoraghātakaṃ, suppabuddhakuṭṭhinti imesaṃ catunnaṃ janānaṃ anekasate attabhāve gāvī hutvā jīvitā voropesi. Te kira atīte cattāro seṭṭhiputtā hutvā ekaṃ nagarasobhiniṃ gaṇikaṃ uyyānaṃ netvā divasaṃ sampattiṃ anubhavitvā sāyanhasamaye evaṃ sammantayiṃsu – ‘‘imasmiṃ ṭhāne añño natthi, imissā amhehi dinnaṃ kahāpaṇasahassañca sabbañca pasādhanabhaṇḍaṃ gahetvā imaṃ māretvā gacchāmā’’ti. Sā tesaṃ kathaṃ sutvā ‘‘ime nillajjā, mayā saddhiṃ abhiramitvā idāni maṃ māretukāmā, jānissāmi nesaṃ kattabbayuttaka’’nti tehi māriyamānā ‘‘ahaṃ yakkhinī hutvā yathā maṃ ete mārenti, evameva te māretuṃ samatthā bhaveyya’’nti patthanaṃ akāsi. Tassa nissandena ime māresi. Sambahulā bhikkhū tassa kālakiriyaṃ bhagavato ārocetvā ‘‘tassa kā gati, kena ca kāraṇena kuṭṭhibhāvaṃ patto’’ti pucchiṃsu. Satthā sotāpattiphalaṃ patvā tassa tāvatiṃsabhavane uppannabhāvañca tagarasikhipaccekabuddhaṃ disvā niṭṭhubhitvā apasabyaṃ katvā dīgharattaṃ niraye paccitvā vipākāvasesena idāni kuṭṭhibhāvappattiñca byākaritvā, ‘‘bhikkhave, ime sattā attanāva attano kaṭukavipākakammaṃ karontā vicarantī’’ti vatvā anusandhiṃ ghaṭetvā uttari dhammaṃ desento imaṃ gāthamāha –

    66.

    66.

    ‘‘жаранд̇и б̣аалаа д̣̇уммзд̇хаа, амид̇д̇знзва ад̇д̇анаа;

    ‘‘Caranti bālā dummedhā, amitteneva attanā;

    гаронд̇аа баабагам̣ гаммам̣, яам̣ ход̇и гадугабпала’’нд̇и.

    Karontā pāpakaṃ kammaṃ, yaṃ hoti kaṭukapphala’’nti.

    д̇ад̇т̇а жаранд̇ийд̇и жад̇уухи ирияаабат̇зхи агусаламзва гаронд̇аа вижаранд̇и. б̣аалаад̇и ид̇халогад̇т̇ан̃жа баралогад̇т̇ан̃жа аж̇аананд̇аа ид̇ха б̣аалаа наама. д̣̇уммзд̇хаад̇и д̣̇уббан̃н̃аа. амид̇д̇знзва ад̇д̇анаад̇и ад̇д̇анаа амид̇д̇абхууд̇зна вияа взринаа худ̇ваа. гадугабпаланд̇и д̇икин̣апалам̣ д̣̇угкапаланд̇и.

    Tattha carantīti catūhi iriyāpathehi akusalameva karontā vicaranti. Bālāti idhalokatthañca paralokatthañca ajānantā idha bālā nāma. Dummedhāti duppaññā. Amittenevaattanāti attanā amittabhūtena viya verinā hutvā. Kaṭukapphalanti tikhiṇaphalaṃ dukkhaphalanti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    суббаб̣уд̣̇д̇хагудтивад̇т̇у сад̇д̇амам̣.

    Suppabuddhakuṭṭhivatthu sattamaṃ.

    8. гассагавад̇т̇у

    8. Kassakavatthu

    на д̇ам̣ гаммам̣ гад̇ам̣ саад̇хууд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ гассагам̣ аараб̣бха гат̇зси.

    Na taṃ kammaṃ kataṃ sādhūti imaṃ dhammadesanaṃ satthā jetavane viharanto ekaṃ kassakaṃ ārabbha kathesi.

    со гира саавад̇т̇ид̇о авид̣̇уурз згам̣ кзд̇д̇ам̣ гасад̇и. жораа уд̣̇аганид̣̇д̇хаманзна наг̇арам̣ бависид̇ваа згасмим̣ ад̣дхагулз уман̇г̇ам̣ бхинд̣̇ид̇ваа б̣ахум̣ хиран̃н̃асуван̣н̣ам̣ г̇ахзд̇ваа уд̣̇аганид̣̇д̇хаманзнзва нигкамим̣су. зго жоро д̇з ван̃жзд̇ваа згам̣ сахассад̇т̇авигам̣ оваддигааяа гад̇ваа д̇ам̣ кзд̇д̇ам̣ г̇анд̇ваа д̇зхи сад̣̇д̇хим̣ бхан̣д̣ам̣ бхааж̇зд̇ваа аад̣̇ааяа г̇ажчанд̇о оваддигад̇о бад̇амаанам̣ сахассад̇т̇авигам̣ на саллагкзси. д̇ам̣ д̣̇ивасам̣ сад̇т̇аа бажжуусасамаяз логам̣ вологзнд̇о д̇ам̣ гассагам̣ ад̇д̇ано н̃аан̣аж̇ааласса анд̇обавидтам̣ д̣̇исваа ‘‘гим̣ ну ко бхависсад̇ий’’д̇и убад̇хаараяамаано ид̣̇ам̣ ад̣̇д̣̇аса – ‘‘аяам̣ гассаго баад̇ова гасид̇ум̣ г̇амиссад̇и, бхан̣д̣асаамигаа жораанам̣ анубад̣̇ам̣ г̇анд̇ваа оваддигад̇о бад̇амаанам̣ сахассад̇т̇авигам̣ д̣̇исваа зд̇ам̣ г̇ан̣хиссанд̇и, мам̣ табзд̇ваа д̇асса ан̃н̃о сагкий наама на бхависсад̇и, сод̇аабад̇д̇имаг̇г̇асса убаниссаяобисса ад̇т̇и, д̇ад̇т̇а маяаа г̇анд̇ум̣ ваддад̇ий’’д̇и. соби гассаго баад̇ова гасид̇ум̣ г̇ад̇о. сад̇т̇аа аананд̣̇ад̇т̇зрзна бажчаасаман̣зна д̇ад̇т̇а аг̇амааси. гассаго сад̇т̇аарам̣ д̣̇исваа г̇анд̇ваа бхаг̇аванд̇ам̣ ванд̣̇ид̇ваа буна гасид̇ум̣ аарабхи. сад̇т̇аа д̇зна сад̣̇д̇хим̣ гин̃жи авад̇ваава сахассад̇т̇авигааяа бад̇ид̇адтаанам̣ г̇анд̇ваа д̇ам̣ д̣̇исваа аананд̣̇ад̇т̇зрам̣ ааха – ‘‘басса, аананд̣̇а, аасийвисо’’д̇и. ‘‘бассаами, бханд̇з, гхорависо’’д̇и.

    So kira sāvatthito avidūre ekaṃ khettaṃ kasati. Corā udakaniddhamanena nagaraṃ pavisitvā ekasmiṃ aḍḍhakule umaṅgaṃ bhinditvā bahuṃ hiraññasuvaṇṇaṃ gahetvā udakaniddhamaneneva nikkhamiṃsu. Eko coro te vañcetvā ekaṃ sahassatthavikaṃ ovaṭṭikāya katvā taṃ khettaṃ gantvā tehi saddhiṃ bhaṇḍaṃ bhājetvā ādāya gacchanto ovaṭṭikato patamānaṃ sahassatthavikaṃ na sallakkhesi. Taṃ divasaṃ satthā paccūsasamaye lokaṃ volokento taṃ kassakaṃ attano ñāṇajālassa antopaviṭṭhaṃ disvā ‘‘kiṃ nu kho bhavissatī’’ti upadhārayamāno idaṃ addasa – ‘‘ayaṃ kassako pātova kasituṃ gamissati, bhaṇḍasāmikā corānaṃ anupadaṃ gantvā ovaṭṭikato patamānaṃ sahassatthavikaṃ disvā etaṃ gaṇhissanti, maṃ ṭhapetvā tassa añño sakkhī nāma na bhavissati, sotāpattimaggassa upanissayopissa atthi, tattha mayā gantuṃ vaṭṭatī’’ti. Sopi kassako pātova kasituṃ gato. Satthā ānandattherena pacchāsamaṇena tattha agamāsi. Kassako satthāraṃ disvā gantvā bhagavantaṃ vanditvā puna kasituṃ ārabhi. Satthā tena saddhiṃ kiñci avatvāva sahassatthavikāya patitaṭṭhānaṃ gantvā taṃ disvā ānandattheraṃ āha – ‘‘passa, ānanda, āsīviso’’ti. ‘‘Passāmi, bhante, ghoraviso’’ti.

    гассаго д̇ам̣ гат̇ам̣ суд̇ваа ‘‘мама взлааяа ваа авзлааяа ваа вижаран̣адтаанамзд̇ам̣, аасийвисо гирзд̇т̇а ад̇т̇ий’’д̇и жинд̇зд̇ваа сад̇т̇ари зд̇д̇агам̣ вад̇ваа багганд̇з ‘‘маарзссаами на’’нд̇и бад̇од̣̇аладтим̣ аад̣̇ааяа г̇ад̇о сахассабхан̣д̣игам̣ д̣̇исваа ‘‘имам̣ санд̇хааяа сад̇т̇аараа гат̇ид̇ам̣ бхависсад̇ий’’д̇и д̇ам̣ аад̣̇ааяа нивад̇д̇о, аб̣яад̇д̇ад̇ааяа згаманд̇з табзд̇ваа бам̣сунаа бадижчаад̣̇зд̇ваа буна гасид̇ум̣ аарабхи. мануссаа жа вибхаад̇ааяа рад̇д̇ияаа г̇зхз жорзхи гад̇агаммам̣ д̣̇исваа бад̣̇аанубад̣̇ам̣ г̇ажчанд̇аа д̇ам̣ кзд̇д̇ам̣ г̇анд̇ваа д̇ад̇т̇а жорзхи бхан̣д̣асса бхааж̇ид̇адтаанам̣ д̣̇исваа гассагасса бад̣̇авалан̃ж̇ам̣ ад̣̇д̣̇асам̣су. д̇з д̇асса бад̣̇аанусаарзна г̇анд̇ваа т̇авигааяа табид̇адтаанам̣ д̣̇исваа бам̣сум̣ вияуухид̇ваа т̇авигам̣ аад̣̇ааяа ‘‘д̇вам̣ г̇зхам̣ вилумбид̇ваа кзд̇д̇ам̣ гасамаано вияа вижарасий’’д̇и д̇аж̇ж̇зд̇ваа бот̇зд̇ваа нзд̇ваа ран̃н̃о д̣̇ассаяим̣су. рааж̇аа д̇ам̣ бавад̇д̇им̣ суд̇ваа д̇асса вад̇хам̣ аан̣аабзси. рааж̇абурисаа д̇ам̣ бажчааб̣аахам̣ б̣анд̇хид̇ваа гасаахи д̇аал̣знд̇аа аагхаад̇анам̣ наяим̣су. со гасаахи д̇аал̣ияамаано ан̃н̃ам̣ гин̃жи авад̇ваа ‘‘бассаананд̣̇а, аасийвисод̇и, бассаами бхаг̇аваа гхорависо’’д̇и вад̣̇анд̇о г̇ажчад̇и. ат̇а нам̣ рааж̇абурисаа ‘‘д̇вам̣ сад̇т̇у жзва аананд̣̇ад̇т̇зрасса жа гат̇ам̣ гат̇зси, гим̣ наамзд̇а’’нд̇и бужчид̇ваа – ‘‘рааж̇аанам̣ д̣̇адтум̣ лабхамаано гат̇зссаамий’’д̇и вуд̇д̇з ран̃н̃о санд̇игам̣ нзд̇ваа ран̃н̃о д̇ам̣ бавад̇д̇им̣ гат̇аяим̣су. ат̇а нам̣ рааж̇аа ‘‘гасмаа звам̣ гат̇зсий’’д̇и бужчи. со ‘‘наахам̣, д̣̇зва, жоро’’д̇и вад̇ваа гасанад̇т̇ааяа нигканд̇агаалад̇о бадтааяа саб̣б̣ам̣ д̇ам̣ бавад̇д̇им̣ ран̃н̃о аажигки. рааж̇аа д̇асса гат̇ам̣ суд̇ваа ‘‘аяам̣ бхан̣з логз аг̇г̇абуг̇г̇алам̣ сад̇т̇аарам̣ сагким̣ абад̣̇исад̇и, на яуд̇д̇ам̣ зд̇асса д̣̇осам̣ ааробзд̇ум̣, ахамзд̇т̇а гад̇д̇аб̣б̣ам̣ ж̇ааниссаамий’’д̇и д̇ам̣ аад̣̇ааяа сааяанхасамаяз сад̇т̇у санд̇игам̣ г̇анд̇ваа сад̇т̇аарам̣ бужчи – ‘‘бхаг̇аваа гажжи д̇умхз аананд̣̇ад̇т̇зрзна сад̣̇д̇хим̣ зд̇асса гассагасса гасанадтаанам̣ г̇ад̇аа’’д̇и? ‘‘аама, махаарааж̇аа’’д̇и. ‘‘гим̣ во д̇ад̇т̇а д̣̇идта’’нд̇и? ‘‘сахассад̇т̇авигаа, махаарааж̇аа’’д̇и. ‘‘д̣̇исваа гим̣ авожуд̇т̇аа’’д̇и? ‘‘ид̣̇ам̣ наама, махаарааж̇аа’’д̇и. ‘‘бханд̇з, сажааяам̣ бурисо д̇умхаад̣̇исам̣ абад̣̇исам̣ наагарисса, на ж̇ийвид̇ам̣ алабхисса, д̇умхзхи бана гат̇ид̇агат̇ам̣ гат̇зд̇ваа д̇зна ж̇ийвид̇ам̣ лад̣̇д̇ха’’нд̇и. д̇ам̣ суд̇ваа сад̇т̇аа ‘‘аама, махаарааж̇а, ахамби зд̇д̇агамзва вад̇ваа г̇ад̇о, бан̣д̣ид̇зна наама яам̣ гаммам̣ гад̇ваа бажчаануд̇аббам̣ ход̇и, д̇ам̣ на гад̇д̇аб̣б̣а’’нд̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Kassako taṃ kathaṃ sutvā ‘‘mama velāya vā avelāya vā vicaraṇaṭṭhānametaṃ, āsīviso kirettha atthī’’ti cintetvā satthari ettakaṃ vatvā pakkante ‘‘māressāmi na’’nti patodalaṭṭhiṃ ādāya gato sahassabhaṇḍikaṃ disvā ‘‘imaṃ sandhāya satthārā kathitaṃ bhavissatī’’ti taṃ ādāya nivatto, abyattatāya ekamante ṭhapetvā paṃsunā paṭicchādetvā puna kasituṃ ārabhi. Manussā ca vibhātāya rattiyā gehe corehi katakammaṃ disvā padānupadaṃ gacchantā taṃ khettaṃ gantvā tattha corehi bhaṇḍassa bhājitaṭṭhānaṃ disvā kassakassa padavalañjaṃ addasaṃsu. Te tassa padānusārena gantvā thavikāya ṭhapitaṭṭhānaṃ disvā paṃsuṃ viyūhitvā thavikaṃ ādāya ‘‘tvaṃ gehaṃ vilumpitvā khettaṃ kasamāno viya vicarasī’’ti tajjetvā pothetvā netvā rañño dassayiṃsu. Rājā taṃ pavattiṃ sutvā tassa vadhaṃ āṇāpesi. Rājapurisā taṃ pacchābāhaṃ bandhitvā kasāhi tāḷentā āghātanaṃ nayiṃsu. So kasāhi tāḷiyamāno aññaṃ kiñci avatvā ‘‘passānanda, āsīvisoti, passāmi bhagavā ghoraviso’’ti vadanto gacchati. Atha naṃ rājapurisā ‘‘tvaṃ satthu ceva ānandattherassa ca kathaṃ kathesi, kiṃ nāmeta’’nti pucchitvā – ‘‘rājānaṃ daṭṭhuṃ labhamāno kathessāmī’’ti vutte rañño santikaṃ netvā rañño taṃ pavattiṃ kathayiṃsu. Atha naṃ rājā ‘‘kasmā evaṃ kathesī’’ti pucchi. So ‘‘nāhaṃ, deva, coro’’ti vatvā kasanatthāya nikkhantakālato paṭṭhāya sabbaṃ taṃ pavattiṃ rañño ācikkhi. Rājā tassa kathaṃ sutvā ‘‘ayaṃ bhaṇe loke aggapuggalaṃ satthāraṃ sakkhiṃ apadisati, na yuttaṃ etassa dosaṃ āropetuṃ, ahamettha kattabbaṃ jānissāmī’’ti taṃ ādāya sāyanhasamaye satthu santikaṃ gantvā satthāraṃ pucchi – ‘‘bhagavā kacci tumhe ānandattherena saddhiṃ etassa kassakassa kasanaṭṭhānaṃ gatā’’ti? ‘‘Āma, mahārājā’’ti. ‘‘Kiṃ vo tattha diṭṭha’’nti? ‘‘Sahassatthavikā, mahārājā’’ti. ‘‘Disvā kiṃ avocutthā’’ti? ‘‘Idaṃ nāma, mahārājā’’ti. ‘‘Bhante, sacāyaṃ puriso tumhādisaṃ apadisaṃ nākarissa, na jīvitaṃ alabhissa, tumhehi pana kathitakathaṃ kathetvā tena jīvitaṃ laddha’’nti. Taṃ sutvā satthā ‘‘āma, mahārāja, ahampi ettakameva vatvā gato, paṇḍitena nāma yaṃ kammaṃ katvā pacchānutappaṃ hoti, taṃ na kattabba’’nti vatvā anusandhiṃ ghaṭetvā dhammaṃ desento imaṃ gāthamāha –

    67.

    67.

    ‘‘на д̇ам̣ гаммам̣ гад̇ам̣ саад̇ху, яам̣ гад̇ваа ануд̇аббад̇и;

    ‘‘Na taṃ kammaṃ kataṃ sādhu, yaṃ katvā anutappati;

    яасса ассумуко род̣̇ам̣, вибаагам̣ бадисзвад̇ий’’д̇и.

    Yassa assumukho rodaṃ, vipākaṃ paṭisevatī’’ti.

    д̇ад̇т̇а на д̇ам̣ гамманд̇и яам̣ нираяаад̣̇ийсу ниб̣б̣ад̇д̇анасамад̇т̇ам̣ д̣̇угкуд̣̇раяам̣ гаммам̣ гад̇ваа ануссаранд̇о ануссарид̇аануссарид̇агкан̣з ануд̇аббад̇и анусожад̇и, д̇ам̣ гад̇ам̣ на саад̇ху на сунд̣̇арам̣ нирад̇т̇агам̣. яасса ассумукод̇и яасса ассуухи д̇инд̇амуко род̣̇анд̇о вибаагам̣ анубход̇ийд̇и.

    Tattha na taṃ kammanti yaṃ nirayādīsu nibbattanasamatthaṃ dukkhudrayaṃ kammaṃ katvā anussaranto anussaritānussaritakkhaṇe anutappati anusocati, taṃ kataṃ na sādhu na sundaraṃ niratthakaṃ. Yassa assumukhoti yassa assūhi tintamukho rodanto vipākaṃ anubhotīti.

    д̣̇зсанаавасаанз гассаго убаасаго сод̇аабад̇д̇ипалам̣ бад̇д̇о, самбад̇д̇абхигкууби сод̇аабад̇д̇ипалаад̣̇ийни баабун̣им̣сууд̇и.

    Desanāvasāne kassako upāsako sotāpattiphalaṃ patto, sampattabhikkhūpi sotāpattiphalādīni pāpuṇiṃsūti.

    гассагавад̇т̇у адтамам̣.

    Kassakavatthu aṭṭhamaṃ.

    9. суманамаалаагааравад̇т̇у

    9. Sumanamālākāravatthu

    д̇ан̃жа гаммам̣ гад̇ам̣ саад̇хууд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о суманам̣ наама маалаагаарам̣ аараб̣бха гат̇зси.

    Tañca kammaṃ kataṃ sādhūti imaṃ dhammadesanaṃ satthā veḷuvane viharanto sumanaṃ nāma mālākāraṃ ārabbha kathesi.

    со гира д̣̇звасигам̣ б̣имб̣исаарарааж̇аанам̣ баад̇ова адтахи суманабубпанаал̣ийхи убадтаханд̇о адта гахаабан̣з лабхад̇и. ат̇згад̣̇ивасам̣ д̇асмим̣ бубпаани г̇ахзд̇ваа наг̇арам̣ бавидтамад̇д̇з бхаг̇аваа махаабхигкусан̇гхабаривуд̇о чаб̣б̣ан̣н̣арам̣сияо виссаж̇ж̇зд̇ваа махад̇аа б̣уд̣̇д̇хаанубхаавзна махад̇ияаа б̣уд̣̇д̇халийл̣ааяа наг̇арам̣ бин̣д̣ааяа баависи. бхаг̇аваа хи згад̣̇аа чаб̣б̣ан̣н̣арам̣сияо жийварзна бадижчаад̣̇зд̇ваа ан̃н̃ад̇аро бин̣д̣абаад̇иго вияа жарад̇и д̇им̣саяож̇анамаг̇г̇ам̣ ан̇г̇улимааласса бажжуг̇г̇аманам̣ г̇ажчанд̇о вияа, згад̣̇аа чаб̣б̣ан̣н̣арам̣сияо виссаж̇ж̇зд̇ваа габилавад̇т̇уббавзсанаад̣̇ийсу вияа. д̇асмимби д̣̇ивасз сарийрад̇о чаб̣б̣ан̣н̣арам̣сияо виссаж̇ж̇знд̇о маханд̇зна б̣уд̣̇д̇хаанубхаавзна махад̇ияаа б̣уд̣̇д̇халийл̣ааяа рааж̇аг̇ахам̣ баависи. маалаагааро бхаг̇авад̇о рад̇анаг̇гхияасад̣̇исам̣ ад̇д̇абхаавам̣ д̣̇исваа д̣̇вад̇д̇им̣самахаабурисалагкан̣аасийд̇аануб̣яан̃ж̇анасарийрасобхаг̇г̇ам̣ ологзд̇ваа басаннажид̇д̇о ‘‘гим̣ ну ко сад̇т̇у ад̇хигаарам̣ гаромий’’д̇и жинд̇зд̇ваа ан̃н̃ам̣ абассанд̇о ‘‘имзхи бубпзхи бхаг̇аванд̇ам̣ бууж̇зссаамий’’д̇и жинд̇зд̇ваа буна жинд̇зси – ‘‘имаани ран̃н̃о ниб̣ад̣̇д̇хам̣ убадтаанабубпаани, рааж̇аа имаани алабханд̇о мам̣ б̣анд̇хаабзяяа ваа гхаад̇аабзяяа ваа радтад̇о ваа баб̣б̣ааж̇зяяа, гим̣ ну ко гаромий’’д̇и? ат̇асса зд̇ад̣̇ахоси ‘‘рааж̇аа мам̣ гхаад̇зд̇у ваа б̣анд̇хаабзд̇у ваа радтад̇о баб̣б̣ааж̇зд̇у ваа, со хи маяхам̣ д̣̇ад̣̇амааноби имасмим̣ ад̇д̇абхаавз ж̇ийвид̇амад̇д̇ам̣ д̇ханам̣ д̣̇ад̣̇зяяа, сад̇т̇убууж̇аа бана мз анзгаасу габбагодийсу алам̣ хид̇ааяа жзва сукааяа жаа’’д̇и ад̇д̇ано ж̇ийвид̇ам̣ д̇ат̇ааг̇ад̇асса барижжаж̇и.

    So kira devasikaṃ bimbisārarājānaṃ pātova aṭṭhahi sumanapupphanāḷīhi upaṭṭhahanto aṭṭha kahāpaṇe labhati. Athekadivasaṃ tasmiṃ pupphāni gahetvā nagaraṃ paviṭṭhamatte bhagavā mahābhikkhusaṅghaparivuto chabbaṇṇaraṃsiyo vissajjetvā mahatā buddhānubhāvena mahatiyā buddhalīḷāya nagaraṃ piṇḍāya pāvisi. Bhagavā hi ekadā chabbaṇṇaraṃsiyo cīvarena paṭicchādetvā aññataro piṇḍapātiko viya carati tiṃsayojanamaggaṃ aṅgulimālassa paccuggamanaṃ gacchanto viya, ekadā chabbaṇṇaraṃsiyo vissajjetvā kapilavatthuppavesanādīsu viya. Tasmimpi divase sarīrato chabbaṇṇaraṃsiyo vissajjento mahantena buddhānubhāvena mahatiyā buddhalīḷāya rājagahaṃ pāvisi. Mālākāro bhagavato ratanagghiyasadisaṃ attabhāvaṃ disvā dvattiṃsamahāpurisalakkhaṇaasītānubyañjanasarīrasobhaggaṃ oloketvā pasannacitto ‘‘kiṃ nu kho satthu adhikāraṃ karomī’’ti cintetvā aññaṃ apassanto ‘‘imehi pupphehi bhagavantaṃ pūjessāmī’’ti cintetvā puna cintesi – ‘‘imāni rañño nibaddhaṃ upaṭṭhānapupphāni, rājā imāni alabhanto maṃ bandhāpeyya vā ghātāpeyya vā raṭṭhato vā pabbājeyya, kiṃ nu kho karomī’’ti? Athassa etadahosi ‘‘rājā maṃ ghātetu vā bandhāpetu vā raṭṭhato pabbājetu vā, so hi mayhaṃ dadamānopi imasmiṃ attabhāve jīvitamattaṃ dhanaṃ dadeyya, satthupūjā pana me anekāsu kappakoṭīsu alaṃ hitāya ceva sukhāya cā’’ti attano jīvitaṃ tathāgatassa pariccaji.

    со ‘‘яаава мз басаннам̣ жид̇д̇ам̣ на бад̇игудад̇и, д̇ам̣ д̇аавад̣̇зва бууж̇ам̣ гариссаамий’’д̇и хадтад̇удто уд̣̇аг̇г̇уд̣̇аг̇г̇о сад̇т̇аарам̣ бууж̇зси. гат̇ам̣? батамам̣ д̇аава д̣̇взва бубпамудтияо д̇ат̇ааг̇ад̇асса убари киби, д̇аа убаримад̇т̇агз вид̇аанам̣ худ̇ваа адтам̣су. абараа д̣̇вз мудтияо киби, д̇аа д̣̇агкин̣ахад̇т̇абассзна маалаабадажчаннзна од̇арид̇ваа адтам̣су. абараа д̣̇вз мудтияо киби, д̇аа бидтибассзна од̇арид̇ваа д̇ат̇зва адтам̣су. абараа д̣̇вз мудтияо киби, д̇аа ваамахад̇т̇абассзна од̇арид̇ваа д̇ат̇зва адтам̣су. звам̣ адта наал̣ияо адта мудтияо худ̇ваа жад̇уусу таанзсу д̇ат̇ааг̇ад̇ам̣ баригкибим̣су. бурад̇о г̇аманад̣̇ваарамад̇д̇амзва ахоси. бубпаанам̣ ван̣даани анд̇о ахзсум̣, бад̇д̇аани б̣ахимукаани. бхаг̇аваа раж̇ад̇абад̇д̇абаригкид̇д̇о вияа худ̇ваа бааяааси. бубпаани ажид̇д̇агааниби сажид̇д̇агам̣ ниссааяа сажид̇д̇агаани вияа абхиж̇ж̇ид̇ваа абад̇ид̇ваа сад̇т̇аараа сад̣̇д̇хим̣язва г̇ажчанд̇и, тид̇атид̇адтаанз д̇идтанд̇и. сад̇т̇у сарийрад̇о сад̇асахассавиж̇ж̇улад̇аа вияа рам̣сияо нигкамим̣су. бурад̇о жа бажчад̇о жа д̣̇агкин̣ад̇о жа ваамад̇о жа сийсамад̇т̇агад̇о жа ниранд̇арам̣ нигканд̇арам̣сийсу згааби саммукасаммукадтаанзнзва абалааяид̇ваа саб̣б̣ааби сад̇т̇аарам̣ д̇игкад̇д̇ум̣ бад̣̇агкин̣ам̣ гад̇ваа д̇арун̣ад̇аалагканд̇хаббамаан̣аа худ̇ваа бурад̇о зва д̇хааванд̇и. сагаланаг̇арам̣ сан̇кубхи. анд̇онаг̇арз нава годияо, б̣ахинаг̇арз нава годияод̇и адтаарасасу годийсу згоби бурисо ваа ид̇т̇ий ваа бхигкам̣ г̇ахзд̇ваа анигканд̇о наама над̇т̇и. махааж̇ано сийханаад̣̇ам̣ над̣̇анд̇о жзлугкзбасахассаани гаронд̇о сад̇т̇у бурад̇ова г̇ажчад̇и. сад̇т̇ааби маалаагаарасса г̇ун̣ам̣ баагадам̣ гаад̇ум̣ д̇иг̇аавуд̇аббамаан̣з наг̇арз бхзрижаран̣амаг̇г̇знзва ажари. маалаагаарасса сагаласарийрам̣ бан̃жаван̣н̣ааяа бийд̇ияаа барибуури.

    So ‘‘yāva me pasannaṃ cittaṃ na patikuṭati, taṃ tāvadeva pūjaṃ karissāmī’’ti haṭṭhatuṭṭho udaggudaggo satthāraṃ pūjesi. Kathaṃ? Paṭhamaṃ tāva dveva pupphamuṭṭhiyo tathāgatassa upari khipi, tā uparimatthake vitānaṃ hutvā aṭṭhaṃsu. Aparā dve muṭṭhiyo khipi, tā dakkhiṇahatthapassena mālāpaṭacchannena otaritvā aṭṭhaṃsu. Aparā dve muṭṭhiyo khipi, tā piṭṭhipassena otaritvā tatheva aṭṭhaṃsu. Aparā dve muṭṭhiyo khipi, tā vāmahatthapassena otaritvā tatheva aṭṭhaṃsu. Evaṃ aṭṭha nāḷiyo aṭṭha muṭṭhiyo hutvā catūsu ṭhānesu tathāgataṃ parikkhipiṃsu. Purato gamanadvāramattameva ahosi. Pupphānaṃ vaṇṭāni anto ahesuṃ, pattāni bahimukhāni. Bhagavā rajatapattaparikkhitto viya hutvā pāyāsi. Pupphāni acittakānipi sacittakaṃ nissāya sacittakāni viya abhijjitvā apatitvā satthārā saddhiṃyeva gacchanti, ṭhitaṭhitaṭṭhāne tiṭṭhanti. Satthu sarīrato satasahassavijjulatā viya raṃsiyo nikkhamiṃsu. Purato ca pacchato ca dakkhiṇato ca vāmato ca sīsamatthakato ca nirantaraṃ nikkhantaraṃsīsu ekāpi sammukhasammukhaṭṭhāneneva apalāyitvā sabbāpi satthāraṃ tikkhattuṃ padakkhiṇaṃ katvā taruṇatālakkhandhappamāṇā hutvā purato eva dhāvanti. Sakalanagaraṃ saṅkhubhi. Antonagare nava koṭiyo, bahinagare nava koṭiyoti aṭṭhārasasu koṭīsu ekopi puriso vā itthī vā bhikkhaṃ gahetvā anikkhanto nāma natthi. Mahājano sīhanādaṃ nadanto celukkhepasahassāni karonto satthu puratova gacchati. Satthāpi mālākārassa guṇaṃ pākaṭaṃ kātuṃ tigāvutappamāṇe nagare bhericaraṇamaggeneva acari. Mālākārassa sakalasarīraṃ pañcavaṇṇāya pītiyā paripūri.

    со т̇оган̃н̃зва д̇ат̇ааг̇ад̇зна сад̣̇д̇хим̣ жарид̇ваа маносилаарасз нимуг̇г̇о вияа б̣уд̣̇д̇харасмийнам̣ анд̇о бавидто сад̇т̇аарам̣ т̇омзд̇ваа ванд̣̇ид̇ваа д̇ужчабажчимзва г̇ахзд̇ваа г̇зхам̣ аг̇амааси. ат̇а нам̣ бхарияаа бужчи ‘‘гахам̣ бубпааний’’д̇и? ‘‘сад̇т̇аа мз бууж̇ид̇о’’д̇и. ‘‘ран̃н̃о д̣̇аани гим̣ гариссасий’’д̇и? ‘‘рааж̇аа мам̣ гхаад̇зд̇у ваа радтад̇о ваа нийхарад̇у, ахам̣ ж̇ийвид̇ам̣ барижжаж̇ид̇ваа сад̇т̇аарам̣ бууж̇зсим̣, саб̣б̣абубпаани адта мудтияова ахзсум̣, зваруубаа наама бууж̇аа ж̇аад̇аа. махааж̇ано уггудтисахассаани гаронд̇о сад̇т̇аараа сад̣̇д̇хим̣ жарад̇и, яо зса махааж̇анасса уггудтисад̣̇д̣̇о, д̇асмим̣ таанз зсо’’д̇и. ат̇асса бхарияаа анд̇хаб̣аалад̇ааяа зваруубз баадихаарияз басаад̣̇ам̣ наама аж̇анзд̇ваа д̇ам̣ аггосид̇ваа барибхаасид̇ваа ‘‘рааж̇аано наама жан̣д̣аа, сагим̣ гуд̣̇д̇хаа хад̇т̇абаад̣̇аад̣̇ижчзд̣̇анзна б̣ахумби анад̇т̇ам̣ гаронд̇и, д̇аяаа гад̇агаммзна маяхамби анад̇т̇о сияаа’’д̇и буд̇д̇з аад̣̇ааяа рааж̇агулам̣ г̇анд̇ваа ран̃н̃аа баггосид̇ваа ‘‘гим̣ зд̇а’’нд̇и бужчид̇аа ааха – ‘‘мама саамиго д̇умхаагам̣ убадтаанабубпзхи сад̇т̇аарам̣ бууж̇зд̇ваа д̇ужчахад̇т̇о гхарам̣ ааг̇анд̇ваа ‘гахам̣ бубпааний’д̇и маяаа будто ид̣̇ам̣ наама вад̣̇зси, ахам̣ д̇ам̣ барибхаасид̇ваа ‘рааж̇аано наама жан̣д̣аа, сагим̣ гуд̣̇д̇хаа хад̇т̇абаад̣̇аад̣̇ижчзд̣̇анзна б̣ахумби анад̇т̇ам̣ гаронд̇и, д̇аяаа гад̇агаммзна маяхамби анад̇т̇о сияаа’д̇и д̇ам̣ чад̣д̣зд̇ваа ид̇хааг̇ад̇аа, д̇зна гад̇ам̣ гаммам̣ сугад̇ам̣ ваа ход̇у, д̣̇уггадам̣ ваа, д̇ассзвзд̇ам̣, маяаа д̇асса чад̣д̣ид̇абхаавам̣ ж̇аанаахи, д̣̇зваа’’д̇и. рааж̇аа батамад̣̇ассанзнзва сод̇аабад̇д̇ипалам̣ бад̇д̇о сад̣̇д̇хо басанно арияасааваго жинд̇зси – ‘‘ахо аяам̣ ид̇т̇ий анд̇хаб̣аалаа, зваруубз г̇ун̣з басаад̣̇ам̣ на уббаад̣̇зсий’’д̇и. со гуд̣̇д̇хо вияа худ̇ваа, ‘‘амма, гим̣ вад̣̇зси, маяхам̣ убадтаанабубпзхи д̇зна бууж̇аа гад̇аа’’д̇и? ‘‘аама, д̣̇зваа’’д̇и. ‘‘бхад̣̇д̣̇агам̣ д̇з гад̇ам̣ д̇ам̣ чад̣д̣знд̇ияаа, мама бубпзхи бууж̇аагаарасса ахам̣ гад̇д̇аб̣б̣аяуд̇д̇агам̣ ж̇ааниссаамий’’д̇и д̇ам̣ уяяож̇зд̇ваа взг̇зна сад̇т̇у санд̇игам̣ г̇анд̇ваа ванд̣̇ид̇ваа сад̇т̇аараа сад̣̇д̇хим̣язва вижари.

    So thokaññeva tathāgatena saddhiṃ caritvā manosilārase nimuggo viya buddharasmīnaṃ anto paviṭṭho satthāraṃ thometvā vanditvā tucchapacchimeva gahetvā gehaṃ agamāsi. Atha naṃ bhariyā pucchi ‘‘kahaṃ pupphānī’’ti? ‘‘Satthā me pūjito’’ti. ‘‘Rañño dāni kiṃ karissasī’’ti? ‘‘Rājā maṃ ghātetu vā raṭṭhato vā nīharatu, ahaṃ jīvitaṃ pariccajitvā satthāraṃ pūjesiṃ, sabbapupphāni aṭṭha muṭṭhiyova ahesuṃ, evarūpā nāma pūjā jātā. Mahājano ukkuṭṭhisahassāni karonto satthārā saddhiṃ carati, yo esa mahājanassa ukkuṭṭhisaddo, tasmiṃ ṭhāne eso’’ti. Athassa bhariyā andhabālatāya evarūpe pāṭihāriye pasādaṃ nāma ajanetvā taṃ akkositvā paribhāsitvā ‘‘rājāno nāma caṇḍā, sakiṃ kuddhā hatthapādādicchedanena bahumpi anatthaṃ karonti, tayā katakammena mayhampi anattho siyā’’ti putte ādāya rājakulaṃ gantvā raññā pakkositvā ‘‘kiṃ eta’’nti pucchitā āha – ‘‘mama sāmiko tumhākaṃ upaṭṭhānapupphehi satthāraṃ pūjetvā tucchahattho gharaṃ āgantvā ‘kahaṃ pupphānī’ti mayā puṭṭho idaṃ nāma vadesi, ahaṃ taṃ paribhāsitvā ‘rājāno nāma caṇḍā, sakiṃ kuddhā hatthapādādicchedanena bahumpi anatthaṃ karonti, tayā katakammena mayhampi anattho siyā’ti taṃ chaḍḍetvā idhāgatā, tena kataṃ kammaṃ sukataṃ vā hotu, dukkaṭaṃ vā, tassevetaṃ, mayā tassa chaḍḍitabhāvaṃ jānāhi, devā’’ti. Rājā paṭhamadassaneneva sotāpattiphalaṃ patto saddho pasanno ariyasāvako cintesi – ‘‘aho ayaṃ itthī andhabālā, evarūpe guṇe pasādaṃ na uppādesī’’ti. So kuddho viya hutvā, ‘‘amma, kiṃ vadesi, mayhaṃ upaṭṭhānapupphehi tena pūjā katā’’ti? ‘‘Āma, devā’’ti. ‘‘Bhaddakaṃ te kataṃ taṃ chaḍḍentiyā, mama pupphehi pūjākārassa ahaṃ kattabbayuttakaṃ jānissāmī’’ti taṃ uyyojetvā vegena satthu santikaṃ gantvā vanditvā satthārā saddhiṃyeva vicari.

    сад̇т̇аа ран̃н̃о жид̇д̇аббасаад̣̇ам̣ н̃ад̇ваа бхзрижаран̣авийт̇ияаа наг̇арам̣ жарид̇ваа ран̃н̃о гхарад̣̇ваарам̣ аг̇амааси. рааж̇аа бад̇д̇ам̣ г̇ахзд̇ваа сад̇т̇аарам̣ г̇зхам̣ бавзсзд̇угаамо ахоси. сад̇т̇аа бана рааж̇ан̇г̇ан̣зязва нисийд̣̇анаагаарам̣ д̣̇ассзси . рааж̇аа д̇ам̣ н̃ад̇ваа ‘‘сийгхам̣ ман̣д̣абам̣ гарот̇аа’’д̇и д̇ан̇кан̣ан̃н̃зва ман̣д̣абам̣ гаараабзси. нисийд̣̇и сад̇т̇аа сад̣̇д̇хим̣ бхигкусан̇гхзна. гасмаа бана сад̇т̇аа рааж̇аг̇зхам̣ на баависи?

    Satthā rañño cittappasādaṃ ñatvā bhericaraṇavīthiyā nagaraṃ caritvā rañño gharadvāraṃ agamāsi. Rājā pattaṃ gahetvā satthāraṃ gehaṃ pavesetukāmo ahosi. Satthā pana rājaṅgaṇeyeva nisīdanākāraṃ dassesi . Rājā taṃ ñatvā ‘‘sīghaṃ maṇḍapaṃ karothā’’ti taṅkhaṇaññeva maṇḍapaṃ kārāpesi. Nisīdi satthā saddhiṃ bhikkhusaṅghena. Kasmā pana satthā rājagehaṃ na pāvisi?

    звам̣ гирасса ахоси – ‘‘сажаахам̣ анд̇о бависид̇ваа нисийд̣̇зяяам̣, махааж̇ано мам̣ д̣̇адтум̣ на лабхзяяа, маалаагаарасса г̇ун̣о баагадо на бхавзяяа, рааж̇ан̇г̇ан̣з бана мам̣ нисиннам̣ махааж̇ано д̣̇адтум̣ лабхиссад̇и, маалаагаарасса г̇ун̣о баагадо бхависсад̇ий’’д̇и. г̇ун̣аванд̇аанан̃хи г̇ун̣ам̣ б̣уд̣̇д̇хаа зва баагадам̣ гаад̇ум̣ саггонд̇и, авасзсаж̇ано г̇ун̣аванд̇аанам̣ г̇ун̣ам̣ гат̇знд̇о мажчарааяад̇и. жад̇д̇ааро бубпабадаа жад̇уд̣̇д̣̇исам̣ адтам̣су. махааж̇ано сад̇т̇аарам̣ бариваарзси. рааж̇аа б̣уд̣̇д̇хаббамукам̣ бхигкусан̇гхам̣ бан̣ийд̇знаахаарзна баривиси. сад̇т̇аа бхад̇д̇агижжаавасаанз анумод̣̇анам̣ гад̇ваа буриманаязнзва жад̇уухи бубпабадзхи баригкид̇д̇о сийханаад̣̇ам̣ над̣̇анд̇о махааж̇анзна баривуд̇о вихаарам̣ аг̇амааси. рааж̇аа сад̇т̇аарам̣ ануг̇анд̇ваа нивад̇д̇о маалаагаарам̣ баггосаабзд̇ваа ‘‘мама аахарид̇абубпзхи гинд̇и гад̇ваа сад̇т̇аарам̣ бууж̇зсий’’д̇и бужчи. маалаагааро ‘‘рааж̇аа мам̣ гхаад̇зд̇у ваа радтад̇о ваа баб̣б̣ааж̇зд̇ууд̇и ж̇ийвид̇ам̣ барижжаж̇ид̇ваа бууж̇зсим̣ д̣̇зваа’’д̇и ааха. рааж̇аа ‘‘д̇вам̣ махаабурисо наамаа’’д̇и вад̇ваа адта хад̇т̇ий жа ассз жа д̣̇аасз жа д̣̇аасияо жа махаабасаад̇ханаани жа адта гахаабан̣асахассаани жа рааж̇агулад̇о нийхарид̇ваа саб̣б̣аалан̇гаараббадиман̣д̣ид̇аа адта наарияо жа адта г̇аамаварз жаад̇и ид̣̇ам̣ саб̣б̣адтагам̣ наама д̣̇аанам̣ ад̣̇ааси.

    Evaṃ kirassa ahosi – ‘‘sacāhaṃ anto pavisitvā nisīdeyyaṃ, mahājano maṃ daṭṭhuṃ na labheyya, mālākārassa guṇo pākaṭo na bhaveyya, rājaṅgaṇe pana maṃ nisinnaṃ mahājano daṭṭhuṃ labhissati, mālākārassa guṇo pākaṭo bhavissatī’’ti. Guṇavantānañhi guṇaṃ buddhā eva pākaṭaṃ kātuṃ sakkonti, avasesajano guṇavantānaṃ guṇaṃ kathento maccharāyati. Cattāro pupphapaṭā catuddisaṃ aṭṭhaṃsu. Mahājano satthāraṃ parivāresi. Rājā buddhappamukhaṃ bhikkhusaṅghaṃ paṇītenāhārena parivisi. Satthā bhattakiccāvasāne anumodanaṃ katvā purimanayeneva catūhi pupphapaṭehi parikkhitto sīhanādaṃ nadanto mahājanena parivuto vihāraṃ agamāsi. Rājā satthāraṃ anugantvā nivatto mālākāraṃ pakkosāpetvā ‘‘mama āharitapupphehi kinti katvā satthāraṃ pūjesī’’ti pucchi. Mālākāro ‘‘rājā maṃ ghātetu vā raṭṭhato vā pabbājetūti jīvitaṃ pariccajitvā pūjesiṃ devā’’ti āha. Rājā ‘‘tvaṃ mahāpuriso nāmā’’ti vatvā aṭṭha hatthī ca asse ca dāse ca dāsiyo ca mahāpasādhanāni ca aṭṭha kahāpaṇasahassāni ca rājakulato nīharitvā sabbālaṅkārappaṭimaṇḍitā aṭṭha nāriyo ca aṭṭha gāmavare cāti idaṃ sabbaṭṭhakaṃ nāma dānaṃ adāsi.

    аананд̣̇ад̇т̇зро жинд̇зси – ‘‘аж̇ж̇а баад̇ова бадтааяа сийханаад̣̇асахассаани жзва жзлугкзбасахассаани жа бавад̇д̇анд̇и, го ну ко маалаагаарасса вибааго’’д̇и? со сад̇т̇аарам̣ бужчи. ат̇а нам̣ сад̇т̇аа ааха – ‘‘аананд̣̇а, иминаа маалаагаарзна аббамад̇д̇агам̣ гаммам̣ гад̇а’’нд̇и маа саллагкзси, аяан̃хи маяхам̣ ж̇ийвид̇ам̣ барижжаж̇ид̇ваа бууж̇ам̣ агааси. со звам̣ маяи жид̇д̇ам̣ басаад̣̇зд̇ваа –

    Ānandatthero cintesi – ‘‘ajja pātova paṭṭhāya sīhanādasahassāni ceva celukkhepasahassāni ca pavattanti, ko nu kho mālākārassa vipāko’’ti? So satthāraṃ pucchi. Atha naṃ satthā āha – ‘‘ānanda, iminā mālākārena appamattakaṃ kammaṃ kata’’nti mā sallakkhesi, ayañhi mayhaṃ jīvitaṃ pariccajitvā pūjaṃ akāsi. So evaṃ mayi cittaṃ pasādetvā –

    ‘‘габбаанам̣ сад̇асахассам̣, д̣̇уг̇г̇ад̇им̣ на г̇амиссад̇и;

    ‘‘Kappānaṃ satasahassaṃ, duggatiṃ na gamissati;

    тад̇ваа д̣̇звамануссзсу, палам̣ зд̇асса гаммуно;

    Ṭhatvā devamanussesu, phalaṃ etassa kammuno;

    бажчаа бажжзгасамб̣уд̣̇д̇хо, сумано наама бхависсад̇ий’’д̇и. –

    Pacchā paccekasambuddho, sumano nāma bhavissatī’’ti. –

    ааха. сад̇т̇у бана вихаарам̣ г̇анд̇ваа г̇анд̇хагудибависанагаалз д̇аани бубпаани д̣̇ваарагодтагз бад̇им̣су. сааяанхасамаяз бхигкуу д̇хаммасабхааяам̣ гат̇ам̣ самудтаабзсум̣ – ‘‘ахо ажчарияам̣ маалаагаарасса гаммам̣, д̇харамаанагаб̣уд̣̇д̇хасса ж̇ийвид̇ам̣ барижжаж̇ид̇ваа бубпабууж̇ам̣ гад̇ваа д̇ан̇кан̣ан̃н̃зва саб̣б̣адтагам̣ наама лабхад̇ий’’д̇и. сад̇т̇аа г̇анд̇хагудид̇о нигкамид̇ваа д̇ин̣н̣ам̣ г̇аманаанам̣ ан̃н̃ад̇арзна г̇аманзна д̇хаммасабхам̣ г̇анд̇ваа б̣уд̣̇д̇хаасанз нисийд̣̇ид̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘аама, бхигкавз, яасса гаммасса гад̇ад̇д̇аа бажчаануд̇аббам̣ на ход̇и, ануссарид̇аануссарид̇агкан̣з соманассамзва уббаж̇ж̇ад̇и, зваруубам̣ гаммам̣ гад̇д̇аб̣б̣амзваа’’д̇и анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Āha. Satthu pana vihāraṃ gantvā gandhakuṭipavisanakāle tāni pupphāni dvārakoṭṭhake patiṃsu. Sāyanhasamaye bhikkhū dhammasabhāyaṃ kathaṃ samuṭṭhāpesuṃ – ‘‘aho acchariyaṃ mālākārassa kammaṃ, dharamānakabuddhassa jīvitaṃ pariccajitvā pupphapūjaṃ katvā taṅkhaṇaññeva sabbaṭṭhakaṃ nāma labhatī’’ti. Satthā gandhakuṭito nikkhamitvā tiṇṇaṃ gamanānaṃ aññatarena gamanena dhammasabhaṃ gantvā buddhāsane nisīditvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘āma, bhikkhave, yassa kammassa katattā pacchānutappaṃ na hoti, anussaritānussaritakkhaṇe somanassameva uppajjati, evarūpaṃ kammaṃ kattabbamevā’’ti anusandhiṃ ghaṭetvā dhammaṃ desento imaṃ gāthamāha –

    68.

    68.

    ‘‘д̇ан̃жа гаммам̣ гад̇ам̣ саад̇ху, яам̣ гад̇ваа наануд̇аббад̇и;

    ‘‘Tañca kammaṃ kataṃ sādhu, yaṃ katvā nānutappati;

    яасса бад̇ийд̇о сумано, вибаагам̣ бадисзвад̇ий’’д̇и.

    Yassa patīto sumano, vipākaṃ paṭisevatī’’ti.

    д̇ад̇т̇а яам̣ гад̇ваад̇и яам̣ д̣̇звамануссасамбад̇д̇ийнан̃жзва ниб̣б̣аанасамбад̇д̇ияаа жа ниб̣б̣ад̇д̇анасамад̇т̇ам̣ сукуд̣̇раяам̣ гаммам̣ гад̇ваа наануд̇аббад̇и, ат̇а ко д̣̇идтад̇хаммзязва ануссарид̇аануссарид̇агкан̣зязва бийд̇ивзг̇зна бад̇ийд̇о соманассавзг̇зна жа сумано худ̇ваа ааяад̇им̣ бийд̇исоманассаж̇аад̇о худ̇ваа вибаагам̣ бадисзвад̇и, д̇ам̣ гаммам̣ гад̇ам̣ саад̇ху бхад̣̇д̣̇аганд̇и.

    Tattha yaṃ katvāti yaṃ devamanussasampattīnañceva nibbānasampattiyā ca nibbattanasamatthaṃ sukhudrayaṃ kammaṃ katvā nānutappati, atha kho diṭṭhadhammeyeva anussaritānussaritakkhaṇeyeva pītivegena patīto somanassavegena ca sumano hutvā āyatiṃ pītisomanassajāto hutvā vipākaṃ paṭisevati, taṃ kammaṃ kataṃ sādhu bhaddakanti.

    д̣̇зсанаавасаанз жад̇ураасийд̇ияаа баан̣асахассаанам̣ д̇хаммаабхисамаяо ахосийд̇и.

    Desanāvasāne caturāsītiyā pāṇasahassānaṃ dhammābhisamayo ahosīti.

    суманамаалаагааравад̇т̇у навамам̣.

    Sumanamālākāravatthu navamaṃ.

    10. уббалаван̣н̣ад̇т̇зрийвад̇т̇у

    10. Uppalavaṇṇattherīvatthu

    мад̇хуваа ман̃н̃ад̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о уббалаван̣н̣ад̇т̇зрим̣ аараб̣бха гат̇зси.

    Madhuvāmaññatīti imaṃ dhammadesanaṃ satthā jetavane viharanto uppalavaṇṇattheriṃ ārabbha kathesi.

    саа гира бад̣̇умуд̇д̇араб̣уд̣̇д̇хасса баад̣̇амуулз бад̇т̇анам̣ бадтабзд̇ваа габбасад̇асахассам̣ бун̃н̃аани гурумаанаа д̣̇звзсу жа мануссзсу жа сам̣саранд̇ий имасмим̣ б̣уд̣̇д̇хуббаад̣̇з д̣̇звалогад̇о жавид̇ваа саавад̇т̇ияам̣ сздтигулз бадисанд̇хим̣ г̇ан̣хи. нийлуббалаг̇аб̣бхасамаанаван̣н̣ад̇ааяа жассаа уббалаван̣н̣аад̇взва наамам̣ агам̣су. ат̇ассаа ваяаббад̇д̇агаалз сагалаж̇амб̣уд̣̇ийбз рааж̇аано жа сздтино жа сздтисса санд̇игам̣ саасанам̣ бахин̣им̣су – ‘‘д̇хийд̇арам̣ амхаагам̣ д̣̇зд̇уу’’д̇и . абахин̣анд̇о наама наахоси. д̇ад̇о сздти жинд̇зси – ‘‘ахам̣ саб̣б̣зсам̣ манам̣ г̇ахзд̇ум̣ на сагкиссаами, убааяам̣ банзгам̣ гариссаамий’’д̇и д̇хийд̇арам̣ баггосаабзд̇ваа, ‘‘амма, баб̣б̣аж̇ид̇ум̣ сагкиссасий’’д̇и ааха. д̇ассаа бажчимабхавигад̇д̇аа д̇ам̣ важанам̣ сийсз аасид̇д̇ам̣ сад̇абаагад̇злам̣ вияа ахоси. д̇асмаа бид̇арам̣ ‘‘баб̣б̣аж̇иссаами, д̇аад̇аа’’д̇и ааха. со д̇ассаа маханд̇ам̣ саггаарам̣ гад̇ваа бхигкунийубассаяам̣ нзд̇ваа баб̣б̣ааж̇зси . д̇ассаа ажирабаб̣б̣аж̇ид̇ааяа зва убосат̇ааг̇аарз гаалавааро баабун̣и. саа д̣̇ийбам̣ ж̇аалзд̇ваа убосат̇ааг̇аарам̣ саммаж̇ж̇ид̇ваа д̣̇ийбасикааяа нимид̇д̇ам̣ г̇ан̣хид̇ваа тид̇аава бунаббунам̣ ологаяамаанаа д̇зж̇огасин̣аарамман̣ам̣ жхаанам̣ ниб̣б̣ад̇д̇зд̇ваа д̇амзва баад̣̇агам̣ гад̇ваа арахад̇д̇ам̣ баабун̣и сад̣̇д̇хим̣ бадисамбхид̣̇аахи жзва абхин̃н̃аахи жа.

    Sā kira padumuttarabuddhassa pādamūle patthanaṃ paṭṭhapetvā kappasatasahassaṃ puññāni kurumānā devesu ca manussesu ca saṃsarantī imasmiṃ buddhuppāde devalokato cavitvā sāvatthiyaṃ seṭṭhikule paṭisandhiṃ gaṇhi. Nīluppalagabbhasamānavaṇṇatāya cassā uppalavaṇṇātveva nāmaṃ akaṃsu. Athassā vayappattakāle sakalajambudīpe rājāno ca seṭṭhino ca seṭṭhissa santikaṃ sāsanaṃ pahiṇiṃsu – ‘‘dhītaraṃ amhākaṃ detū’’ti . Apahiṇanto nāma nāhosi. Tato seṭṭhi cintesi – ‘‘ahaṃ sabbesaṃ manaṃ gahetuṃ na sakkhissāmi, upāyaṃ panekaṃ karissāmī’’ti dhītaraṃ pakkosāpetvā, ‘‘amma, pabbajituṃ sakkhissasī’’ti āha. Tassā pacchimabhavikattā taṃ vacanaṃ sīse āsittaṃ satapākatelaṃ viya ahosi. Tasmā pitaraṃ ‘‘pabbajissāmi, tātā’’ti āha. So tassā mahantaṃ sakkāraṃ katvā bhikkhunīupassayaṃ netvā pabbājesi . Tassā acirapabbajitāya eva uposathāgāre kālavāro pāpuṇi. Sā dīpaṃ jāletvā uposathāgāraṃ sammajjitvā dīpasikhāya nimittaṃ gaṇhitvā ṭhitāva punappunaṃ olokayamānā tejokasiṇārammaṇaṃ jhānaṃ nibbattetvā tameva pādakaṃ katvā arahattaṃ pāpuṇi saddhiṃ paṭisambhidāhi ceva abhiññāhi ca.

    саа абарзна самаязна ж̇анабад̣̇ажааригам̣ жарид̇ваа бажжааг̇анд̇ваа анд̇хаванам̣ баависи. д̇ад̣̇аа бхигкунийнам̣ аран̃н̃аваасо аббадигкид̇д̇о ход̇и. ат̇ассаа д̇ад̇т̇а гудигам̣ гад̇ваа ман̃жагам̣ бан̃н̃аабзд̇ваа саан̣ияаа баригкибим̣су. саа саавад̇т̇ияам̣ бин̣д̣ааяа бависид̇ваа нигками. маад̇улабуд̇д̇о банассаа нанд̣̇амаан̣аво наама г̇ихигаалад̇о бадтааяа бадиб̣ад̣̇д̇хажид̇д̇о. со д̇ассаа ааг̇ад̇абхаавам̣ суд̇ваа т̇зрияаа ааг̇аманад̇о бурзд̇арамзва анд̇хаванам̣ г̇анд̇ваа д̇ам̣ гудигам̣ бависид̇ваа хздтааман̃жагз нилийно т̇зрияаа ааг̇анд̇ваа гудигам̣ бависид̇ваа д̣̇ваарам̣ бид̇хааяа ман̃жагз нисиннамад̇д̇ааяа б̣ахи аад̇абад̇о ааг̇ад̇ад̇д̇аа жагкубат̇з анд̇хагаарз авиг̇ад̇зязва хздтааман̃жагад̇о нигкамид̇ваа ман̃жагам̣ абхируяха ‘‘маа насси б̣аала, маа насси б̣аалаа’’д̇и т̇зрияаа ваарияамааноязва абхибхавид̇ваа ад̇д̇анаа бад̇т̇ид̇агаммам̣ гад̇ваа бааяааси. ат̇асса аг̇ун̣ам̣ д̇хаарзд̇ум̣ асаггонд̇ий вияа махаабат̇авий д̣̇взд̇хаа бхиж̇ж̇и. со бат̇авим̣ бавидто г̇анд̇ваа махааавийжимхи зва ниб̣б̣ад̇д̇и. т̇зрийби д̇амад̇т̇ам̣ бхигкунийнам̣ аарожзси. бхигкунияо бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о аарожаяим̣су. д̇ам̣ суд̇ваа сад̇т̇аа бхигкуу ааманд̇зд̇ваа, ‘‘бхигкавз, бхигкубхигкууний убаасагаубаасигаасу яо гожи б̣аало баабагаммам̣ гаронд̇о мад̇хусагкараад̣̇ийсу гин̃жи д̣̇зва мад̇хурарасам̣ каад̣̇амаано бурисо вияа д̇удтахадто уд̣̇аг̇г̇уд̣̇аг̇г̇о вияа гарод̇ий’’д̇и анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Sā aparena samayena janapadacārikaṃ caritvā paccāgantvā andhavanaṃ pāvisi. Tadā bhikkhunīnaṃ araññavāso appaṭikkhitto hoti. Athassā tattha kuṭikaṃ katvā mañcakaṃ paññāpetvā sāṇiyā parikkhipiṃsu. Sā sāvatthiyaṃ piṇḍāya pavisitvā nikkhami. Mātulaputto panassā nandamāṇavo nāma gihikālato paṭṭhāya paṭibaddhacitto. So tassā āgatabhāvaṃ sutvā theriyā āgamanato puretarameva andhavanaṃ gantvā taṃ kuṭikaṃ pavisitvā heṭṭhāmañcake nilīno theriyā āgantvā kuṭikaṃ pavisitvā dvāraṃ pidhāya mañcake nisinnamattāya bahi ātapato āgatattā cakkhupathe andhakāre avigateyeva heṭṭhāmañcakato nikkhamitvā mañcakaṃ abhiruyha ‘‘mā nassi bāla, mā nassi bālā’’ti theriyā vāriyamānoyeva abhibhavitvā attanā patthitakammaṃ katvā pāyāsi. Athassa aguṇaṃ dhāretuṃ asakkontī viya mahāpathavī dvedhā bhijji. So pathaviṃ paviṭṭho gantvā mahāavīcimhi eva nibbatti. Therīpi tamatthaṃ bhikkhunīnaṃ ārocesi. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato ārocayiṃsu. Taṃ sutvā satthā bhikkhū āmantetvā, ‘‘bhikkhave, bhikkhubhikkhūnī upāsakaupāsikāsu yo koci bālo pāpakammaṃ karonto madhusakkharādīsu kiñci deva madhurarasaṃ khādamāno puriso viya tuṭṭhahaṭṭho udaggudaggo viya karotī’’ti anusandhiṃ ghaṭetvā dhammaṃ desento imaṃ gāthamāha –

    69.

    69.

    ‘‘мад̇хуваа ман̃н̃ад̇и б̣аало, яаава баабам̣ на бажжад̇и;

    ‘‘Madhuvā maññati bālo, yāva pāpaṃ na paccati;

    яад̣̇аа жа бажжад̇и баабам̣, б̣аало д̣̇угкам̣ ниг̇ажчад̇ий’’д̇и.

    Yadā ca paccati pāpaṃ, bālo dukkhaṃ nigacchatī’’ti.

    д̇ад̇т̇а мад̇хуваад̇и б̣ааласса хи баабам̣ агусалагаммам̣ гаронд̇асса д̇ам̣ гаммам̣ мад̇ху вияа мад̇хурарасам̣ вияа идтам̣ ганд̇ам̣ манаабам̣ вияа убадтаад̇и. ид̇и нам̣ со мад̇хум̣ва ман̃н̃ад̇и. яааваад̇и яад̇д̇агам̣ гаалам̣. баабам̣ на бажжад̇ийд̇и д̣̇идтад̇хаммз ваа самбарааяз ваа вибаагам̣ на д̣̇зд̇и, д̇аава нам̣ звам̣ ман̃н̃ад̇и. яад̣̇аа жаад̇и яад̣̇аа банасса д̣̇идтад̇хаммз ваа вивид̇хаа гаммагааран̣аа гаяирамаанасса, самбарааяз ваа нираяаад̣̇ийсу махаад̣̇угкам̣ анубхаванд̇асса д̇ам̣ баабам̣ бажжад̇и, ат̇а со б̣аало д̣̇угкам̣ ниг̇ажчад̇и винд̣̇ад̇и бадилабхад̇ийд̇и.

    Tattha madhuvāti bālassa hi pāpaṃ akusalakammaṃ karontassa taṃ kammaṃ madhu viya madhurarasaṃ viya iṭṭhaṃ kantaṃ manāpaṃ viya upaṭṭhāti. Iti naṃ so madhuṃva maññati. Yāvāti yattakaṃ kālaṃ. Pāpaṃ na paccatīti diṭṭhadhamme vā samparāye vā vipākaṃ na deti, tāva naṃ evaṃ maññati. Yadā cāti yadā panassa diṭṭhadhamme vā vividhā kammakāraṇā kayiramānassa, samparāye vā nirayādīsu mahādukkhaṃ anubhavantassa taṃ pāpaṃ paccati, atha so bālo dukkhaṃ nigacchati vindati paṭilabhatīti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣су.

    Desanāvasāne bahū sotāpattiphalādīni pāpuṇiṃsu.

    абарзна бана самаязна д̇хаммасабхааяам̣ махааж̇ано гат̇ам̣ самудтаабзси ‘‘кийн̣аасавааби ман̃н̃з гаамасукам̣ саад̣̇ияанд̇и, гаамам̣ сзванд̇и, гим̣ на сзвиссанд̇и, на хи зд̇з гол̣аабаругкаа, на жа ваммигаа алламам̣сасарийраава, д̇асмаа зд̇зби гаамасукам̣ саад̣̇ияанд̇и, гаамам̣ сзванд̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘на, бхигкавз, кийн̣аасаваа гаамасукам̣ саад̣̇ияанд̇и, на гаамам̣ сзванд̇и. яат̇аа хи бад̣̇умабад̇д̇з бад̇ид̇ам̣ уд̣̇агаб̣инд̣̇у, на вилимбад̇и, на сан̣таад̇и, винивад̇д̇зд̇ваа бад̇ад̇зва, яат̇аа жа аараг̇г̇з саасабо на вилимбад̇и, на сан̣таад̇и, винивад̇д̇зд̇ваа бад̇ад̇зва, звам̣ кийн̣аасавасса жид̇д̇з д̣̇увид̇хоби гаамо на вилимбад̇и, на сан̣таад̇ий’’д̇и анусанд̇хим̣ гхадзд̇ваа д̇хаммам̣ д̣̇зсзнд̇о имам̣ б̣раахман̣аваг̇г̇з г̇аат̇амааха –

    Aparena pana samayena dhammasabhāyaṃ mahājano kathaṃ samuṭṭhāpesi ‘‘khīṇāsavāpi maññe kāmasukhaṃ sādiyanti, kāmaṃ sevanti, kiṃ na sevissanti, na hi ete koḷāparukkhā, na ca vammikā allamaṃsasarīrāva, tasmā etepi kāmasukhaṃ sādiyanti, kāmaṃ sevantī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘na, bhikkhave, khīṇāsavā kāmasukhaṃ sādiyanti, na kāmaṃ sevanti. Yathā hi padumapatte patitaṃ udakabindu, na vilimpati, na saṇṭhāti, vinivattetvā patateva, yathā ca āragge sāsapo na vilimpati, na saṇṭhāti, vinivattetvā patateva, evaṃ khīṇāsavassa citte duvidhopi kāmo na vilimpati, na saṇṭhātī’’ti anusandhiṃ ghaṭetvā dhammaṃ desento imaṃ brāhmaṇavagge gāthamāha –

    ‘‘ваари богкарабад̇д̇зва, аараг̇г̇зрива саасабо;

    ‘‘Vāri pokkharapatteva, āraggeriva sāsapo;

    яо на лимбад̇и гаамзсу, д̇амахам̣ б̣рууми б̣раахман̣а’’нд̇и. (д̇ха. ба. 401);

    Yo na limpati kāmesu, tamahaṃ brūmi brāhmaṇa’’nti. (dha. pa. 401);

    имиссаа ад̇т̇о б̣раахман̣аваг̇г̇зязва аави бхависсад̇и. сад̇т̇аа бана рааж̇аанам̣ басзнад̣̇игосалам̣ баггосаабзд̇ваа, ‘‘махаарааж̇а, имасмим̣ саасанз яат̇зва гулабуд̇д̇аа, звам̣ гулад̇хийд̇ароби маханд̇ам̣ н̃аад̇иг̇ан̣ан̃жа бхог̇агканд̇хан̃жа бахааяа баб̣б̣аж̇ид̇ваа аран̃н̃з вихаранд̇и. д̇аа звам̣ вихарамаанаа рааг̇арад̇д̇аа баабабуг̇г̇алаа омаанаад̇имаанавасзна вихзтзнд̇иби, б̣рахмажарияанд̇арааяамби баабзнд̇и, д̇асмаа бхигкунисан̇гхасса анд̇онаг̇арз васанадтаанам̣ гаад̇ум̣ ваддад̇ий’’д̇и. рааж̇аа ‘‘саад̇хуу’’д̇и самбадижчид̇ваа наг̇арасса згабассз бхигкунисан̇гхасса васанадтаанам̣ гаараабзси. д̇ад̇о бадтааяа бхигкунияо анд̇ог̇аамзязва васанд̇ийд̇и.

    Imissā attho brāhmaṇavaggeyeva āvi bhavissati. Satthā pana rājānaṃ pasenadikosalaṃ pakkosāpetvā, ‘‘mahārāja, imasmiṃ sāsane yatheva kulaputtā, evaṃ kuladhītaropi mahantaṃ ñātigaṇañca bhogakkhandhañca pahāya pabbajitvā araññe viharanti. Tā evaṃ viharamānā rāgarattā pāpapuggalā omānātimānavasena viheṭhentipi, brahmacariyantarāyampi pāpenti, tasmā bhikkhunisaṅghassa antonagare vasanaṭṭhānaṃ kātuṃ vaṭṭatī’’ti. Rājā ‘‘sādhū’’ti sampaṭicchitvā nagarassa ekapasse bhikkhunisaṅghassa vasanaṭṭhānaṃ kārāpesi. Tato paṭṭhāya bhikkhuniyo antogāmeyeva vasantīti.

    уббалаван̣н̣ад̇т̇зрийвад̇т̇у д̣̇асамам̣.

    Uppalavaṇṇattherīvatthu dasamaṃ.

    11. ж̇амб̣угад̇т̇зравад̇т̇у

    11. Jambukattheravatthu

    маасз маасзд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о ж̇амб̣угам̣ ааж̇ийвагам̣ аараб̣бха гат̇зси.

    Māse māseti imaṃ dhammadesanaṃ satthā veḷuvane viharanto jambukaṃ ājīvakaṃ ārabbha kathesi.

    ад̇ийд̇з гира гассабасаммаасамб̣уд̣̇д̇хагаалз г̇аамаваасий зго гудумб̣иго згасса т̇зрасса вихаарам̣ гад̇ваа д̇ам̣ д̇ад̇т̇а вихаранд̇ам̣ жад̇уухи бажжаязхи убадтахи. т̇зро д̇асса г̇зхз ниб̣ад̣̇д̇хам̣ бхун̃ж̇ад̇и. ат̇зго кийн̣аасаво бхигку д̣̇иваа бин̣д̣ааяа жаранд̇о д̇асса г̇зхад̣̇ваарам̣ баабун̣и. гудумб̣иго д̇ам̣ д̣̇исваа д̇асса ирияаабат̇з басанно г̇зхам̣ бавзсзд̇ваа саггажжам̣ бан̣ийд̇зна бхож̇анзна баривисид̇ваа, ‘‘бханд̇з, имам̣ саадагам̣ раж̇ид̇ваа ниваасзяяаат̇аа’’д̇и маханд̇ам̣ саадагам̣ д̣̇ад̇ваа, ‘‘бханд̇з, гзсаа во д̣̇ийгхаа, д̇умхаагам̣ гзсоробанад̇т̇ааяа нхаабид̇ам̣ аанзссаами, саяанад̇т̇ааяа жа во ман̃жагам̣ г̇аахаабзд̇ваа ааг̇амиссаамий’’д̇и ааха. ниб̣ад̣̇д̇хам̣ г̇зхз бхун̃ж̇анд̇о гулуубаго бхигку д̇ам̣ д̇асса саггаарам̣ д̣̇исваа жид̇д̇ам̣ басаад̣̇зд̇ум̣ наасагки, ‘‘аяам̣ д̇ам̣ мухуд̇д̇ам̣ д̣̇идтагасса зваруубам̣ саггаарам̣ гарод̇и, ниб̣ад̣̇д̇хам̣ г̇зхз бхун̃ж̇анд̇асса бана маяхам̣ на гарод̇ий’’д̇и жинд̇зд̇ваа вихаарам̣ аг̇амааси. ид̇ароби д̇знзва сад̣̇д̇хим̣ г̇анд̇ваа гудумб̣игзна д̣̇иннасаадагам̣ раж̇ид̇ваа ниваасзси. гудамб̣игоби нхаабид̇ам̣ аад̣̇ааяа г̇анд̇ваа т̇зрасса гзсз охаараабзд̇ваа ман̃жагам̣ ад̇т̇араабзд̇ваа, ‘‘бханд̇з, имасмим̣язва ман̃жагз саяат̇аа’’д̇и вад̇ваа д̣̇взби т̇зрз сваад̇анааяа ниманд̇зд̇ваа баггаами.

    Atīte kira kassapasammāsambuddhakāle gāmavāsī eko kuṭumbiko ekassa therassa vihāraṃ katvā taṃ tattha viharantaṃ catūhi paccayehi upaṭṭhahi. Thero tassa gehe nibaddhaṃ bhuñjati. Atheko khīṇāsavo bhikkhu divā piṇḍāya caranto tassa gehadvāraṃ pāpuṇi. Kuṭumbiko taṃ disvā tassa iriyāpathe pasanno gehaṃ pavesetvā sakkaccaṃ paṇītena bhojanena parivisitvā, ‘‘bhante, imaṃ sāṭakaṃ rajitvā nivāseyyāthā’’ti mahantaṃ sāṭakaṃ datvā, ‘‘bhante, kesā vo dīghā, tumhākaṃ kesoropanatthāya nhāpitaṃ ānessāmi, sayanatthāya ca vo mañcakaṃ gāhāpetvā āgamissāmī’’ti āha. Nibaddhaṃ gehe bhuñjanto kulūpako bhikkhu taṃ tassa sakkāraṃ disvā cittaṃ pasādetuṃ nāsakkhi, ‘‘ayaṃ taṃ muhuttaṃ diṭṭhakassa evarūpaṃ sakkāraṃ karoti, nibaddhaṃ gehe bhuñjantassa pana mayhaṃ na karotī’’ti cintetvā vihāraṃ agamāsi. Itaropi teneva saddhiṃ gantvā kuṭumbikena dinnasāṭakaṃ rajitvā nivāsesi. Kuṭambikopi nhāpitaṃ ādāya gantvā therassa kese ohārāpetvā mañcakaṃ attharāpetvā, ‘‘bhante, imasmiṃyeva mañcake sayathā’’ti vatvā dvepi there svātanāya nimantetvā pakkāmi.

    нзваасиго д̇асса д̇ам̣ саггаарам̣ гаяирамаанам̣ ад̇хиваасзд̇ум̣ наасагки. ат̇асса со сааяам̣ т̇зрасса нибаннадтаанам̣ г̇анд̇ваа жад̇уухаагаарзхи т̇зрам̣ аггоси, ‘‘аавусо, ааг̇анд̇уга гудумб̣игасса д̇з г̇зхз бхад̇д̇ам̣ бхун̃ж̇анад̇о варад̇арам̣ мийл̣хам̣ каад̣̇ид̇ум̣, гудумб̣игзна аанийд̇анхаабид̇зна гзсохаараабанад̇о варад̇арам̣ д̇ааладтигзна гзсз лун̃жаабзд̇ум̣. гудумб̣игзна д̣̇иннасаадаганиваасанад̇о варад̇арам̣ наг̇г̇зна вижарид̇ум̣, гудумб̣игзна аабхад̇аман̃жагз нибаж̇ж̇анад̇о варад̇арам̣ бхуумияам̣ нибаж̇ж̇ид̇у’’нд̇и. т̇зроби ‘‘маа зса б̣аало мам̣ ниссааяа нассий’’д̇и ниманд̇анам̣ анаад̣̇ияид̇ваа баад̇ова удтааяа яат̇аасукам̣ аг̇амааси . нзваасигоби баад̇ова вихаарз гад̇д̇аб̣б̣авад̇д̇ам̣ гад̇ваа бхигкаажааравзлааяа ‘‘ид̣̇ааниби ааг̇анд̇уго нид̣̇д̣̇ааяад̇и, гхан̣д̣игасад̣̇д̣̇зна баб̣уж̇жхзяяаа’’д̇и сан̃н̃ааяа накабидтзнзва гхан̣д̣им̣ бахарид̇ваа г̇аамам̣ бин̣д̣ааяа баависи. гудумб̣игоби саггаарам̣ гад̇ваа т̇зраанам̣ ааг̇аманамаг̇г̇ам̣ ологзнд̇о нзваасигам̣ д̣̇исваа, ‘‘бханд̇з, т̇зро гухи’’нд̇и бужчи. ат̇а нам̣ нзваасиго ‘‘маа, аавусо, гин̃жи аважа, д̇уяхам̣ гулуубаго хияяо, д̇ава нигканд̇авзлааяа оварагам̣ бависид̇ваа нид̣̇д̣̇ам̣ огганд̇о баад̇ова удтааяа мама вихаарасаммаж̇ж̇анасад̣̇д̣̇амби баанийяагхадабарибхож̇анийяагхадзсу уд̣̇агасин̃жанасад̣̇д̣̇амби гхан̣д̣игасад̣̇д̣̇амби гаронд̇асса на ж̇аанаад̇ий’’д̇и ааха. гудумб̣иго жинд̇зси – ‘‘д̇аад̣̇исааяа ирияаабат̇асамбад̇д̇ияаа саманнааг̇ад̇асса мз аяяасса яаава имамхаа гаалаа нид̣̇д̣̇ааяанам̣ наама над̇т̇и, мам̣ бана д̇асса саггаарам̣ гаронд̇ам̣ д̣̇исваа ад̣̇д̇хаа иминаа бхад̣̇анд̇зна гин̃жи вуд̇д̇ам̣ бхависсад̇ий’’д̇и. со ад̇д̇ано бан̣д̣ид̇абхаавзна д̇ам̣ саггажжам̣ бхож̇зд̇ваа д̇асса бад̇д̇ам̣ саад̇хугам̣ д̇ховид̇ваа наанаг̇г̇арасабхож̇анасса буурзд̇ваа, ‘‘бханд̇з, сажз мз аяяам̣ бассзяяаат̇а, имамасса бин̣д̣абаад̇ам̣ д̣̇ад̣̇зяяаат̇аа’’д̇и ааха.

    Nevāsiko tassa taṃ sakkāraṃ kayiramānaṃ adhivāsetuṃ nāsakkhi. Athassa so sāyaṃ therassa nipannaṭṭhānaṃ gantvā catūhākārehi theraṃ akkosi, ‘‘āvuso, āgantuka kuṭumbikassa te gehe bhattaṃ bhuñjanato varataraṃ mīḷhaṃ khādituṃ, kuṭumbikena ānītanhāpitena kesohārāpanato varataraṃ tālaṭṭhikena kese luñcāpetuṃ. Kuṭumbikena dinnasāṭakanivāsanato varataraṃ naggena vicarituṃ, kuṭumbikena ābhatamañcake nipajjanato varataraṃ bhūmiyaṃ nipajjitu’’nti. Theropi ‘‘mā esa bālo maṃ nissāya nassī’’ti nimantanaṃ anādiyitvā pātova uṭṭhāya yathāsukhaṃ agamāsi . Nevāsikopi pātova vihāre kattabbavattaṃ katvā bhikkhācāravelāya ‘‘idānipi āgantuko niddāyati, ghaṇḍikasaddena pabujjheyyā’’ti saññāya nakhapiṭṭheneva ghaṇḍiṃ paharitvā gāmaṃ piṇḍāya pāvisi. Kuṭumbikopi sakkāraṃ katvā therānaṃ āgamanamaggaṃ olokento nevāsikaṃ disvā, ‘‘bhante, thero kuhi’’nti pucchi. Atha naṃ nevāsiko ‘‘mā, āvuso, kiñci avaca, tuyhaṃ kulūpako hiyyo, tava nikkhantavelāya ovarakaṃ pavisitvā niddaṃ okkanto pātova uṭṭhāya mama vihārasammajjanasaddampi pānīyaghaṭaparibhojanīyaghaṭesu udakasiñcanasaddampi ghaṇḍikasaddampi karontassa na jānātī’’ti āha. Kuṭumbiko cintesi – ‘‘tādisāya iriyāpathasampattiyā samannāgatassa me ayyassa yāva imamhā kālā niddāyanaṃ nāma natthi, maṃ pana tassa sakkāraṃ karontaṃ disvā addhā iminā bhadantena kiñci vuttaṃ bhavissatī’’ti. So attano paṇḍitabhāvena taṃ sakkaccaṃ bhojetvā tassa pattaṃ sādhukaṃ dhovitvā nānaggarasabhojanassa pūretvā, ‘‘bhante, sace me ayyaṃ passeyyātha, imamassa piṇḍapātaṃ dadeyyāthā’’ti āha.

    ид̇аро д̇ам̣ г̇ахзд̇ваава жинд̇зси – ‘‘сажз со зваруубам̣ бин̣д̣абаад̇ам̣ бхун̃ж̇иссад̇и, имасмим̣язва таанз балуд̣̇д̇хо бхависсад̇ий’’д̇и анд̇араамаг̇г̇з д̇ам̣ бин̣д̣абаад̇ам̣ чад̣д̣зд̇ваа т̇зрасса васанадтаанам̣ г̇анд̇ваа д̇ам̣ д̇ад̇т̇а ологзнд̇о на ад̣̇д̣̇аса. ат̇а нам̣ зд̇д̇агасса гаммасса гад̇ад̇д̇аа вийсад̇ивассасахассаани гад̇оби саман̣ад̇хаммо рагкид̇ум̣ наасагки. ааяубарияосаанз бана гаалам̣ гад̇ваа авийжимхи ниб̣б̣ад̇д̇ид̇ваа згам̣ б̣уд̣̇д̇ханд̇арам̣ махаад̣̇угкам̣ анубхавид̇ваа имасмим̣ б̣уд̣̇д̇хуббаад̣̇з рааж̇аг̇аханаг̇арз згасмим̣ б̣ахваннабаанз гулагхарз ниб̣б̣ад̇д̇и. со бад̣̇асаа г̇аманагаалад̇о бадтааяа нзва саяанз саяид̇ум̣, на бхад̇д̇ам̣ бхун̃ж̇ид̇ум̣ ижчад̇и, ад̇д̇ано сарийравалан̃ж̇амзва каад̣̇ад̇и. ‘‘б̣аалад̇ааяа аж̇аананд̇о гарод̇ий’’д̇и д̇ам̣ босаяим̣су. махаллагагаалзби вад̇т̇ам̣ ниваасзд̇ум̣ на ижчад̇и, наг̇г̇ова вижарад̇и, бхуумияам̣ саяад̇и, ад̇д̇ано сарийравалан̃ж̇амзва каад̣̇ад̇и. ат̇асса маад̇аабид̇аро ‘‘нааяам̣ гулагхарасса анужчавиго, гзвалам̣ алаж̇ж̇анаго ааж̇ийвагаанам̣ зса анужчавиго’’д̇и д̇зсам̣ санд̇игам̣ нзд̇ваа ‘‘имам̣ д̣̇аарагам̣ баб̣б̣ааж̇зт̇аа’’д̇и ад̣̇ам̣су. ат̇а нам̣ д̇з баб̣б̣ааж̇зсум̣. баб̣б̣ааж̇знд̇аа жа бана г̇алаббамаан̣з ааваадз табзд̇ваа д̣̇виннам̣ ам̣сагуудаанам̣ убарим̣ бад̣̇араани д̣̇ад̇ваа д̇зсам̣ убари нисийд̣̇ид̇ваа д̇ааладтикан̣д̣зна гзсз лун̃жим̣су. ат̇а нз д̇асса маад̇аабид̇аро сваад̇анааяа ниманд̇зд̇ваа баггамим̣су.

    Itaro taṃ gahetvāva cintesi – ‘‘sace so evarūpaṃ piṇḍapātaṃ bhuñjissati, imasmiṃyeva ṭhāne paluddho bhavissatī’’ti antarāmagge taṃ piṇḍapātaṃ chaḍḍetvā therassa vasanaṭṭhānaṃ gantvā taṃ tattha olokento na addasa. Atha naṃ ettakassa kammassa katattā vīsativassasahassāni katopi samaṇadhammo rakkhituṃ nāsakkhi. Āyupariyosāne pana kālaṃ katvā avīcimhi nibbattitvā ekaṃ buddhantaraṃ mahādukkhaṃ anubhavitvā imasmiṃ buddhuppāde rājagahanagare ekasmiṃ bahvannapāne kulaghare nibbatti. So padasā gamanakālato paṭṭhāya neva sayane sayituṃ, na bhattaṃ bhuñjituṃ icchati, attano sarīravalañjameva khādati. ‘‘Bālatāya ajānanto karotī’’ti taṃ posayiṃsu. Mahallakakālepi vatthaṃ nivāsetuṃ na icchati, naggova vicarati, bhūmiyaṃ sayati, attano sarīravalañjameva khādati. Athassa mātāpitaro ‘‘nāyaṃ kulagharassa anucchaviko, kevalaṃ alajjanako ājīvakānaṃ esa anucchaviko’’ti tesaṃ santikaṃ netvā ‘‘imaṃ dārakaṃ pabbājethā’’ti adaṃsu. Atha naṃ te pabbājesuṃ. Pabbājentā ca pana galappamāṇe āvāṭe ṭhapetvā dvinnaṃ aṃsakūṭānaṃ upariṃ padarāni datvā tesaṃ upari nisīditvā tālaṭṭhikhaṇḍena kese luñciṃsu. Atha ne tassa mātāpitaro svātanāya nimantetvā pakkamiṃsu.

    бунад̣̇ивасз ааж̇ийвагаа ‘‘зхи, г̇аамам̣ бависиссаамаа’’д̇и д̇ам̣ вад̣̇им̣су. со ‘‘г̇ажчат̇а д̇умхз, ахам̣ ид̇хзва бхависсаамий’’д̇и на ижчи. ат̇а нам̣ бунаббунам̣ вад̇ваа анижчамаанам̣ охааяа аг̇амам̣су. соби д̇зсам̣ г̇ад̇абхаавам̣ н̃ад̇ваа важжагудияаа бад̣̇арам̣ виварид̇ваа оруяха убхохи хад̇т̇зхи аалобам̣ аалобам̣ гад̇ваа г̇уут̇ам̣ каад̣̇и . ааж̇ийвагаа д̇асса анд̇ог̇аамад̇о аахаарам̣ бахин̣им̣су. д̇амби на ижчи. бунаббунам̣ вужжамааноби ‘‘на мз иминаа ад̇т̇о. лад̣̇д̇хо мз аахааро’’д̇и ааха. ‘‘гахам̣ лад̣̇д̇хо’’д̇и? ‘‘ид̇хзва лад̣̇д̇хо’’д̇и. звам̣ д̣̇уд̇ияз д̇ад̇ияз жад̇уд̇т̇зби д̣̇ивасз д̇зхи б̣ахумби вужжамаано ‘‘ахам̣ ид̇хзва бхависсаамий’’д̇и г̇аамам̣ г̇анд̇ум̣ на ижчи. ааж̇ийвагаа ‘‘аяам̣ д̣̇ивасз д̣̇ивасз нзва г̇аамам̣ бависид̇ум̣ ижчад̇и, на амхзхи бахид̇аахаарам̣ аахарид̇ум̣ ижчад̇и, ‘ид̇хзва мз лад̣̇д̇хо’д̇и вад̣̇ад̇и, гим̣ ну ко гарод̇и, бариг̇г̇ан̣хиссаама на’’нд̇и г̇аамам̣ бависанд̇аа згам̣ д̣̇вз ж̇анз д̇асса бариг̇г̇ан̣ханад̇т̇ам̣ охааяа г̇амим̣су. д̇з бажчад̇о г̇ажчанд̇аа вияа худ̇ваа нилийяим̣су. соби д̇зсам̣ г̇ад̇абхаавам̣ н̃ад̇ваа буриманаязнзва важжагудим̣ оруяха г̇уут̇ам̣ каад̣̇и.

    Punadivase ājīvakā ‘‘ehi, gāmaṃ pavisissāmā’’ti taṃ vadiṃsu. So ‘‘gacchatha tumhe, ahaṃ idheva bhavissāmī’’ti na icchi. Atha naṃ punappunaṃ vatvā anicchamānaṃ ohāya agamaṃsu. Sopi tesaṃ gatabhāvaṃ ñatvā vaccakuṭiyā padaraṃ vivaritvā oruyha ubhohi hatthehi ālopaṃ ālopaṃ katvā gūthaṃ khādi . Ājīvakā tassa antogāmato āhāraṃ pahiṇiṃsu. Tampi na icchi. Punappunaṃ vuccamānopi ‘‘na me iminā attho. Laddho me āhāro’’ti āha. ‘‘Kahaṃ laddho’’ti? ‘‘Idheva laddho’’ti. Evaṃ dutiye tatiye catutthepi divase tehi bahumpi vuccamāno ‘‘ahaṃ idheva bhavissāmī’’ti gāmaṃ gantuṃ na icchi. Ājīvakā ‘‘ayaṃ divase divase neva gāmaṃ pavisituṃ icchati, na amhehi pahitāhāraṃ āharituṃ icchati, ‘idheva me laddho’ti vadati, kiṃ nu kho karoti, pariggaṇhissāma na’’nti gāmaṃ pavisantā ekaṃ dve jane tassa pariggaṇhanatthaṃ ohāya gamiṃsu. Te pacchato gacchantā viya hutvā nilīyiṃsu. Sopi tesaṃ gatabhāvaṃ ñatvā purimanayeneva vaccakuṭiṃ oruyha gūthaṃ khādi.

    ид̇арз д̇асса гирияам̣ д̣̇исваа ааж̇ийвагаанам̣ аарожаяим̣су. д̇ам̣ суд̇ваа ааж̇ийвагаа ‘‘ахо бхаарияам̣ гаммам̣, сажз саман̣асса г̇од̇амасса саавагаа ж̇аанзяяум̣, ‘ааж̇ийвагаа г̇уут̇ам̣ каад̣̇амаанаа вижаранд̇ий’д̇и амхаагам̣ агид̇д̇им̣ багаасзяяум̣, нааяам̣ амхаагам̣ анужчавиго’’д̇и д̇ам̣ ад̇д̇ано санд̇игаа нийхарим̣су. со д̇зхи нийхарид̇о махааж̇анасса ужжаарагаран̣адтаанз бад̇т̇арид̇о зго бидтибаасаан̣о ад̇т̇и. д̇асмим̣ маханд̇ам̣ сон̣д̣и, бидтибаасаан̣ам̣ ниссааяа махааж̇анасса ужжаарагаран̣адтаанам̣. со д̇ад̇т̇а г̇анд̇ваа рад̇д̇им̣ г̇уут̇ам̣ каад̣̇ид̇ваа махааж̇анасса сарийравалан̃ж̇анад̇т̇ааяа ааг̇аманагаалз згзна хад̇т̇зна баасаан̣асса згам̣ анд̇ам̣ олуб̣бха згам̣ баад̣̇ам̣ угкибид̇ваа ж̇ан̣н̣угз табзд̇ваа уд̣̇д̇хам̣ваад̇аабхимуко мукам̣ виварид̇ваа д̇идтад̇и. махааж̇ано д̇ам̣ д̣̇исваа убасан̇гамид̇ваа ванд̣̇ид̇ваа, ‘‘бханд̇з, гасмаа аяяо мукам̣ виварид̇ваа тид̇о’’д̇и бужчад̇и. ‘‘ахам̣ ваад̇абхагко, ан̃н̃о мз аахааро над̇т̇ий’’д̇и. ат̇а ‘‘гасмаа згам̣ баад̣̇ам̣ ж̇ан̣н̣угз гад̇ваа тид̇оси, бханд̇з’’д̇и? ‘‘ахам̣ уг̇г̇ад̇або гхорад̇або, маяаа д̣̇вийхи баад̣̇зхи агганд̇аа бат̇авий гамбад̇и, д̇асмаа згам̣ баад̣̇ам̣ угкибид̇ваа ж̇ан̣н̣угз табзд̇ваа тид̇омхи. ахан̃хи рад̇д̇инд̣̇ивам̣ тид̇агова вийд̇инаамзми, на нисийд̣̇аами, на нибаж̇ж̇аамий’’д̇и. мануссаа наама язбхуяязна важанамад̇д̇амзва сад̣̇д̣̇аханд̇и, д̇асмаа ‘‘ахо ажчарияам̣, зваруубааби наама д̇абассино хонд̇и, на но зваруубаа д̣̇идтабуб̣б̣аа’’д̇и язбхуяязна ан̇г̇амаг̇ад̇хаваасино сан̇кубхид̇ваа убасан̇гамид̇ваа маасз маасз маханд̇ам̣ саггаарам̣ абхихаранд̇и. со ‘‘ахам̣ ваад̇амзва бхагкаами, на ан̃н̃ам̣ аахаарам̣. ан̃н̃ан̃хи мз каад̣̇анд̇асса д̇або нассад̇ий’’д̇и д̇зхи абхихадам̣ на гин̃жи ижчад̇и. мануссаа ‘‘маа но, бханд̇з, наасзт̇а, д̇умхаад̣̇исзна гхорад̇абзна барибхог̇з гад̇з амхаагам̣ д̣̇ийгхарад̇д̇ам̣ хид̇ааяа сукааяа сам̣вад̇д̇ад̇ий’’д̇и бунаббунам̣ яаажанд̇и. д̇асса ан̃н̃о аахааро на ружжад̇и. махааж̇анасса бана яаажанааяа бийл̣ид̇о д̇зхи аабхад̇аани саббипаан̣ид̇аад̣̇ийни гусаг̇г̇зна ж̇ивхаг̇г̇з табзд̇ваа ‘‘г̇ажчат̇а, алам̣ во зд̇д̇агам̣ хид̇ааяа сукааяа жаа’’д̇и уяяож̇зси. звам̣ со бан̃жабан̃н̃ааса вассаани наг̇г̇о г̇уут̇ам̣ каад̣̇анд̇о гзсз лун̃жанд̇о бхуумияам̣ саяамаано вийд̇инаамзси.

    Itare tassa kiriyaṃ disvā ājīvakānaṃ ārocayiṃsu. Taṃ sutvā ājīvakā ‘‘aho bhāriyaṃ kammaṃ, sace samaṇassa gotamassa sāvakā jāneyyuṃ, ‘ājīvakā gūthaṃ khādamānā vicarantī’ti amhākaṃ akittiṃ pakāseyyuṃ, nāyaṃ amhākaṃ anucchaviko’’ti taṃ attano santikā nīhariṃsu. So tehi nīharito mahājanassa uccārakaraṇaṭṭhāne pattharito eko piṭṭhipāsāṇo atthi. Tasmiṃ mahantaṃ soṇḍi, piṭṭhipāsāṇaṃ nissāya mahājanassa uccārakaraṇaṭṭhānaṃ. So tattha gantvā rattiṃ gūthaṃ khāditvā mahājanassa sarīravalañjanatthāya āgamanakāle ekena hatthena pāsāṇassa ekaṃ antaṃ olubbha ekaṃ pādaṃ ukkhipitvā jaṇṇuke ṭhapetvā uddhaṃvātābhimukho mukhaṃ vivaritvā tiṭṭhati. Mahājano taṃ disvā upasaṅkamitvā vanditvā, ‘‘bhante, kasmā ayyo mukhaṃ vivaritvā ṭhito’’ti pucchati. ‘‘Ahaṃ vātabhakkho, añño me āhāro natthī’’ti. Atha ‘‘kasmā ekaṃ pādaṃ jaṇṇuke katvā ṭhitosi, bhante’’ti? ‘‘Ahaṃ uggatapo ghoratapo, mayā dvīhi pādehi akkantā pathavī kampati, tasmā ekaṃ pādaṃ ukkhipitvā jaṇṇuke ṭhapetvā ṭhitomhi. Ahañhi rattindivaṃ ṭhitakova vītināmemi, na nisīdāmi, na nipajjāmī’’ti. Manussā nāma yebhuyyena vacanamattameva saddahanti, tasmā ‘‘aho acchariyaṃ, evarūpāpi nāma tapassino honti, na no evarūpā diṭṭhapubbā’’ti yebhuyyena aṅgamagadhavāsino saṅkhubhitvā upasaṅkamitvā māse māse mahantaṃ sakkāraṃ abhiharanti. So ‘‘ahaṃ vātameva bhakkhāmi, na aññaṃ āhāraṃ. Aññañhi me khādantassa tapo nassatī’’ti tehi abhihaṭaṃ na kiñci icchati. Manussā ‘‘mā no, bhante, nāsetha, tumhādisena ghoratapena paribhoge kate amhākaṃ dīgharattaṃ hitāya sukhāya saṃvattatī’’ti punappunaṃ yācanti. Tassa añño āhāro na ruccati. Mahājanassa pana yācanāya pīḷito tehi ābhatāni sappiphāṇitādīni kusaggena jivhagge ṭhapetvā ‘‘gacchatha, alaṃ vo ettakaṃ hitāya sukhāya cā’’ti uyyojesi. Evaṃ so pañcapaññāsa vassāni naggo gūthaṃ khādanto kese luñcanto bhūmiyaṃ sayamāno vītināmesi.

    б̣уд̣̇д̇хаанамби ко бажжуусагаалз логавологанам̣ авиж̇ахид̇амзва ход̇и. д̇асмаа згад̣̇ивасам̣ бхаг̇авад̇о бажжуусасамаяз логам̣ вологзнд̇асса аяам̣ ж̇амб̣угааж̇ийваго н̃аан̣аж̇ааласса анд̇о бан̃н̃ааяи. сад̇т̇аа ‘‘гим̣ ну ко бхависсад̇ий’’д̇и ааваж̇ж̇зд̇ваа д̇асса саха бадисамбхид̣̇аахи арахад̇д̇ассуубаниссаяам̣ д̣̇исваа ‘‘ахам̣ зд̇ам̣ аад̣̇им̣ гад̇ваа згам̣ г̇аат̇ам̣ бхаасиссаами, г̇аат̇аавасаанз жад̇ураасийд̇ияаа баан̣асахассаанам̣ д̇хаммаабхисамаяо бхависсад̇и. имам̣ гулабуд̇д̇ам̣ ниссааяа махааж̇ано сод̇т̇ибхаавам̣ баабун̣иссад̇ий’’д̇и н̃ад̇ваа бунад̣̇ивасз рааж̇аг̇ахз бин̣д̣ааяа жарид̇ваа бин̣д̣абаад̇абадигганд̇о аананд̣̇ад̇т̇зрам̣ ааманд̇зси – ‘‘аананд̣̇а, ж̇амб̣угааж̇ийвагасса санд̇игам̣ г̇амиссаамий’’д̇и. ‘‘бханд̇з, гим̣ д̇умхзязва г̇амиссат̇аа’’д̇и? ‘‘аама, ахамзваа’’д̇и звам̣ вад̇ваа сад̇т̇аа вад̣дхамаанагажчааяааяа д̇асса санд̇игам̣ бааяааси.

    Buddhānampi kho paccūsakāle lokavolokanaṃ avijahitameva hoti. Tasmā ekadivasaṃ bhagavato paccūsasamaye lokaṃ volokentassa ayaṃ jambukājīvako ñāṇajālassa anto paññāyi. Satthā ‘‘kiṃ nu kho bhavissatī’’ti āvajjetvā tassa saha paṭisambhidāhi arahattassūpanissayaṃ disvā ‘‘ahaṃ etaṃ ādiṃ katvā ekaṃ gāthaṃ bhāsissāmi, gāthāvasāne caturāsītiyā pāṇasahassānaṃ dhammābhisamayo bhavissati. Imaṃ kulaputtaṃ nissāya mahājano sotthibhāvaṃ pāpuṇissatī’’ti ñatvā punadivase rājagahe piṇḍāya caritvā piṇḍapātapaṭikkanto ānandattheraṃ āmantesi – ‘‘ānanda, jambukājīvakassa santikaṃ gamissāmī’’ti. ‘‘Bhante, kiṃ tumheyeva gamissathā’’ti? ‘‘Āma, ahamevā’’ti evaṃ vatvā satthā vaḍḍhamānakacchāyāya tassa santikaṃ pāyāsi.

    д̣̇звад̇аа жинд̇аяим̣су – ‘‘сад̇т̇аа сааяам̣ ж̇амб̣угааж̇ийвагасса санд̇игам̣ г̇ажчад̇и, со жа ж̇зг̇ужчз ужжаарабассаавад̣̇анд̇агадтагилидтз бидтибаасаан̣з васад̇и, д̣̇звам̣ вассаабзд̇ум̣ ваддад̇ий’’д̇и ад̇д̇ано аанубхаавзна д̇ам̣ мухуд̇д̇ам̣язва д̣̇звам̣ вассаабзсум̣. бидтибаасаан̣о сужи ниммало ахоси. ат̇асса убари бан̃жаван̣н̣ам̣ бубпавассам̣ вассаабзсум̣. сад̇т̇аа сааяам̣ ж̇амб̣угааж̇ийвагасса санд̇игам̣ г̇анд̇ваа ‘‘ж̇амб̣угаа’’д̇и сад̣̇д̣̇амагааси. ж̇амб̣уго ‘‘го ну ко зса, д̣̇уж̇ж̇ано мам̣ ж̇амб̣угаваад̣̇зна вад̣̇ад̇ий’’д̇и жинд̇зд̇ваа ‘‘го зсо’’д̇и ааха. ‘‘ахам̣ саман̣о’’д̇и. ‘‘гим̣ махаасаман̣аа’’д̇и? ‘‘аж̇ж̇а мз згарад̇д̇им̣ ид̇ха васанадтаанам̣ д̣̇зхий’’д̇и. ‘‘над̇т̇и, махаасаман̣а, имасмим̣ таанз васанадтаана’’нд̇и . ‘‘ж̇амб̣уга, маа звам̣ гари, згарад̇д̇им̣ мз васанадтаанам̣ д̣̇зхи, баб̣б̣аж̇ид̇аа наама баб̣б̣аж̇ид̇ам̣ бад̇т̇знд̇и, мануссаа мануссам̣, басаво басава’’нд̇и. ‘‘гим̣ бана д̇вам̣ баб̣б̣аж̇ид̇о’’д̇и? ‘‘аама, баб̣б̣аж̇ид̇омхий’’д̇и. ‘‘сажз д̇вам̣ баб̣б̣аж̇ид̇о, гахам̣ д̇з лааб̣угам̣, гахам̣ д̇хуумагадажчуго, гахам̣ яан̃н̃асуд̇д̇ага’’нд̇и? ‘‘‘ад̇т̇зд̇ам̣ маяхам̣, висум̣ висум̣ бана г̇ахзд̇ваа вижаран̣ам̣ д̣̇угка’нд̇и аб̣бханд̇арзнзва г̇ахзд̇ваа жараамий’’д̇и. со ‘‘жариссаси д̇вам̣ зд̇ам̣ аг̇г̇ан̣хид̇ваа’’д̇и гуж̇жхи. ат̇а нам̣ сад̇т̇аа ааха – ‘‘ход̇у, ж̇амб̣уга, маа гуж̇жха, васанадтаанам̣ мз аажигкаа’’д̇и. ‘‘над̇т̇и, махаасаман̣а, зд̇т̇а васанадтаана’’нд̇и.

    Devatā cintayiṃsu – ‘‘satthā sāyaṃ jambukājīvakassa santikaṃ gacchati, so ca jegucche uccārapassāvadantakaṭṭhakiliṭṭhe piṭṭhipāsāṇe vasati, devaṃ vassāpetuṃ vaṭṭatī’’ti attano ānubhāvena taṃ muhuttaṃyeva devaṃ vassāpesuṃ. Piṭṭhipāsāṇo suci nimmalo ahosi. Athassa upari pañcavaṇṇaṃ pupphavassaṃ vassāpesuṃ. Satthā sāyaṃ jambukājīvakassa santikaṃ gantvā ‘‘jambukā’’ti saddamakāsi. Jambuko ‘‘ko nu kho esa, dujjano maṃ jambukavādena vadatī’’ti cintetvā ‘‘ko eso’’ti āha. ‘‘Ahaṃ samaṇo’’ti. ‘‘Kiṃ mahāsamaṇā’’ti? ‘‘Ajja me ekarattiṃ idha vasanaṭṭhānaṃ dehī’’ti. ‘‘Natthi, mahāsamaṇa, imasmiṃ ṭhāne vasanaṭṭhāna’’nti . ‘‘Jambuka, mā evaṃ kari, ekarattiṃ me vasanaṭṭhānaṃ dehi, pabbajitā nāma pabbajitaṃ patthenti, manussā manussaṃ, pasavo pasava’’nti. ‘‘Kiṃ pana tvaṃ pabbajito’’ti? ‘‘Āma, pabbajitomhī’’ti. ‘‘Sace tvaṃ pabbajito, kahaṃ te lābukaṃ, kahaṃ dhūmakaṭacchuko, kahaṃ yaññasuttaka’’nti? ‘‘‘Atthetaṃ mayhaṃ, visuṃ visuṃ pana gahetvā vicaraṇaṃ dukkha’nti abbhantareneva gahetvā carāmī’’ti. So ‘‘carissasi tvaṃ etaṃ aggaṇhitvā’’ti kujjhi. Atha naṃ satthā āha – ‘‘hotu, jambuka, mā kujjha, vasanaṭṭhānaṃ me ācikkhā’’ti. ‘‘Natthi, mahāsamaṇa, ettha vasanaṭṭhāna’’nti.

    сад̇т̇аа д̇асса васанадтаанад̇о авид̣̇уурз згам̣ баб̣бхаарам̣ ад̇т̇и, д̇ам̣ нид̣̇д̣̇исанд̇о ‘‘зд̇асмим̣ баб̣бхаарз го васад̇ий’’д̇и ааха. ‘‘над̇т̇и гожи, махаасаман̣аа’’д̇и. ‘‘д̇зна хи зд̇ам̣ маяхам̣ д̣̇зхий’’д̇и . ‘‘д̇ван̃н̃зва ж̇аана, махаасаман̣аа’’д̇и. сад̇т̇аа баб̣бхаарз нисийд̣̇анам̣ бан̃н̃аабзд̇ваа нисийд̣̇и. батамаяаамз жад̇д̇ааро махаарааж̇аано жад̇уд̣̇д̣̇исам̣ згобхаасам̣ гаронд̇аа сад̇т̇у убадтаанам̣ ааг̇амим̣су. ж̇амб̣уго обхаасам̣ д̣̇исваа ‘‘го обхаасо наамзсо’’д̇и жинд̇зси. маж̇жхимаяаамз сагго д̣̇зварааж̇аа ааг̇ами. ж̇амб̣уго д̇амби д̣̇исваа ‘‘го наамзсо’’д̇и жинд̇зси. бажчимаяаамз згааяа ан̇г̇улияаа згам̣, д̣̇вийхи д̣̇вз, д̣̇асахи д̣̇аса жаггаваал̣аани обхаасзд̇ум̣ самад̇т̇о махааб̣рахмаа сагалам̣ аран̃н̃ам̣ згобхаасам̣ гаронд̇о ааг̇ами. ж̇амб̣уго д̇амби д̣̇исваа ‘‘го ну ко зсо’’д̇и жинд̇зд̇ваа баад̇ова сад̇т̇у санд̇игам̣ г̇анд̇ваа бадисант̇аарам̣ гад̇ваа згаманд̇ам̣ тид̇о сад̇т̇аарам̣ бужчи – ‘‘махаасаман̣а, д̇умхаагам̣ санд̇игам̣ жад̇ассо д̣̇исаа обхаасзнд̇о гз ааг̇ад̇аа’’д̇и? ‘‘жад̇д̇ааро махаарааж̇аано’’д̇и. ‘‘гим̣ гааран̣аа’’д̇и? ‘‘мам̣ убадтаад̇у’’нд̇и. ‘‘гим̣ бана д̇вам̣ жад̇уухи махаарааж̇зхи уд̇д̇арид̇аро’’д̇и? ‘‘аама, ж̇амб̣уга, махаарааж̇уунамби ад̇ирааж̇аа’’д̇и. ‘‘маж̇жхимаяаамз бана го ааг̇ад̇о’’д̇и? ‘‘сагго д̣̇зварааж̇аа, ж̇амб̣угаа’’д̇и . ‘‘гим̣ гааран̣аа’’д̇и? ‘‘мам̣ убадтаад̇умзваа’’д̇и. ‘‘гим̣ бана д̇вам̣ саггад̣̇зварааж̇ад̇оби уд̇д̇арид̇аро’’д̇и? ‘‘аама, ж̇амб̣уга, саггад̇оби уд̇д̇арид̇аромхи, зсо бана маяхам̣ г̇илаанубадтааго габбияагаарагасааман̣зрасад̣̇исо’’д̇и. ‘‘бажчимаяаамз сагалам̣ аран̃н̃ам̣ обхаасзд̇ваа го ааг̇ад̇о’’д̇и? ‘‘яам̣ логз б̣раахман̣аад̣̇аяо кибид̇ваа багкалид̇ваа ‘намо махааб̣рахмуно’д̇и вад̣̇анд̇и, со зва махааб̣рахмаа’’д̇и. ‘‘гим̣ бана д̇вам̣ махааб̣рахмад̇оби уд̇д̇арид̇аро’’д̇и? ‘‘аама, ж̇амб̣уга, ахан̃хи б̣рахмунааби ад̇иб̣рахмаа’’д̇и. ‘‘ажчарияоси д̇вам̣, махаасаман̣а, маяхам̣ бана бан̃жа бан̃н̃ааса вассаани ид̇ха васанд̇асса зд̇зсу згоби мам̣ убадтаад̇ум̣ нааг̇ад̇абуб̣б̣о. ахан̃хи зд̇д̇агам̣ ад̣̇д̇хаанам̣ ваад̇абхагко худ̇ваа тид̇агова вийд̇инаамзсим̣, на д̇аава д̇з маяхам̣ убадтаанам̣ ааг̇ад̇абуб̣б̣аа’’д̇и.

    Satthā tassa vasanaṭṭhānato avidūre ekaṃ pabbhāraṃ atthi, taṃ niddisanto ‘‘etasmiṃ pabbhāre ko vasatī’’ti āha. ‘‘Natthi koci, mahāsamaṇā’’ti. ‘‘Tena hi etaṃ mayhaṃ dehī’’ti . ‘‘Tvaññeva jāna, mahāsamaṇā’’ti. Satthā pabbhāre nisīdanaṃ paññāpetvā nisīdi. Paṭhamayāme cattāro mahārājāno catuddisaṃ ekobhāsaṃ karontā satthu upaṭṭhānaṃ āgamiṃsu. Jambuko obhāsaṃ disvā ‘‘ko obhāso nāmeso’’ti cintesi. Majjhimayāme sakko devarājā āgami. Jambuko tampi disvā ‘‘ko nāmeso’’ti cintesi. Pacchimayāme ekāya aṅguliyā ekaṃ, dvīhi dve, dasahi dasa cakkavāḷāni obhāsetuṃ samattho mahābrahmā sakalaṃ araññaṃ ekobhāsaṃ karonto āgami. Jambuko tampi disvā ‘‘ko nu kho eso’’ti cintetvā pātova satthu santikaṃ gantvā paṭisanthāraṃ katvā ekamantaṃ ṭhito satthāraṃ pucchi – ‘‘mahāsamaṇa, tumhākaṃ santikaṃ catasso disā obhāsento ke āgatā’’ti? ‘‘Cattāro mahārājāno’’ti. ‘‘Kiṃ kāraṇā’’ti? ‘‘Maṃ upaṭṭhātu’’nti. ‘‘Kiṃ pana tvaṃ catūhi mahārājehi uttaritaro’’ti? ‘‘Āma, jambuka, mahārājūnampi atirājā’’ti. ‘‘Majjhimayāme pana ko āgato’’ti? ‘‘Sakko devarājā, jambukā’’ti . ‘‘Kiṃ kāraṇā’’ti? ‘‘Maṃ upaṭṭhātumevā’’ti. ‘‘Kiṃ pana tvaṃ sakkadevarājatopi uttaritaro’’ti? ‘‘Āma, jambuka, sakkatopi uttaritaromhi, eso pana mayhaṃ gilānupaṭṭhāko kappiyakārakasāmaṇerasadiso’’ti. ‘‘Pacchimayāme sakalaṃ araññaṃ obhāsetvā ko āgato’’ti? ‘‘Yaṃ loke brāhmaṇādayo khipitvā pakkhalitvā ‘namo mahābrahmuno’ti vadanti, so eva mahābrahmā’’ti. ‘‘Kiṃ pana tvaṃ mahābrahmatopi uttaritaro’’ti? ‘‘Āma, jambuka, ahañhi brahmunāpi atibrahmā’’ti. ‘‘Acchariyosi tvaṃ, mahāsamaṇa, mayhaṃ pana pañca paññāsa vassāni idha vasantassa etesu ekopi maṃ upaṭṭhātuṃ nāgatapubbo. Ahañhi ettakaṃ addhānaṃ vātabhakkho hutvā ṭhitakova vītināmesiṃ, na tāva te mayhaṃ upaṭṭhānaṃ āgatapubbā’’ti.

    ат̇а нам̣ сад̇т̇аа ааха – ж̇амб̣уга, д̇вам̣ логасмим̣ анд̇хаб̣аалам̣ махааж̇анам̣ ван̃жаяамаано мамби ван̃жзд̇угаамо ж̇аад̇о, нану д̇вам̣ бан̃жабан̃н̃ааса вассаани г̇уут̇амзва каад̣̇и, бхуумияам̣язва нибаж̇ж̇и, наг̇г̇о худ̇ваа вижари, д̇ааладтикан̣д̣зна гзсз лун̃жи. ат̇а жа бана логам̣ ван̃жзнд̇о ‘‘ахам̣ ваад̇абхагко, згабаад̣̇зна д̇идтаами, на нисийд̣̇аами, на нибаж̇ж̇аамий’’д̇и вад̣̇зси, ‘‘мамамби ван̃жзд̇угаамоси буб̣б̣зби д̇вам̣ баабигам̣ лаамигам̣ д̣̇идтим̣ ниссааяа зд̇д̇агам̣ гаалам̣ г̇уут̇абхагко бхуумисаяо наг̇г̇о вижаранд̇о д̇ааладтикан̣д̣зна гзсалун̃жанам̣ бад̇д̇о, ид̣̇ааниби баабигам̣ лаамигам̣ д̣̇идтимзва г̇ан̣хаасий’’д̇и. ‘‘гим̣ бана маяаа гад̇ам̣, махаасаман̣аа’’д̇и? ат̇асса сад̇т̇аа буб̣б̣з гад̇агаммам̣ аажигки. д̇асса сад̇т̇ари гат̇знд̇зязва сам̣взг̇о уббаж̇ж̇и, хирод̇д̇аббам̣ убадтид̇ам̣, со уггудиго нисийд̣̇и. ат̇асса сад̇т̇аа уд̣̇агасаадигам̣ кибид̇ваа ад̣̇ааси. со д̇ам̣ ниваасзд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. сад̇т̇аабисса анубуб̣б̣им̣ гат̇ам̣ гат̇зд̇ваа д̇хаммам̣ д̣̇зсзси. со д̣̇зсанаавасаанз саха бадисамбхид̣̇аахи арахад̇д̇ам̣ бад̇ваа сад̇т̇аарам̣ ванд̣̇ид̇ваа удтааяаасанаа баб̣б̣аж̇ж̇ан̃жа убасамбад̣̇ан̃жа яаажи. зд̇д̇аавад̇аа д̇асса буримагаммам̣ баригкийн̣ам̣. аяан̃хи кийн̣аасавамахаат̇зрам̣ жад̇уухи аггосзхи аггосид̇ваа яаавааяам̣ махаабат̇авий д̇иг̇аавуд̇аад̇хигам̣ яож̇анам̣ уссаннаа, д̇аава авийжимхи бажжид̇ваа д̇ад̇т̇а баггаавасзсзна бан̃жабан̃н̃ааса вассаани имам̣ виббагаарам̣ бад̇д̇о. д̇знасса д̇ам̣ гаммам̣ кийн̣ам̣. вийсад̇и бана вассасахассаани иминаа гад̇асса саман̣ад̇хаммасса палам̣ наасзд̇ум̣ на саггаа. д̇асмаа сад̇т̇аа д̣̇агкин̣ахад̇т̇ам̣ басаарзд̇ваа ‘‘зхи, бхигку, жара б̣рахмажарияам̣ саммаа д̣̇угкасса анд̇агирияааяаа’’д̇и ааха. д̇аавад̣̇звасса г̇ихилин̇г̇ам̣ анд̇арад̇хааяи адтабаригкаарад̇харо садтивассигамахаат̇зро вияа ахоси.

    Atha naṃ satthā āha – jambuka, tvaṃ lokasmiṃ andhabālaṃ mahājanaṃ vañcayamāno mampi vañcetukāmo jāto, nanu tvaṃ pañcapaññāsa vassāni gūthameva khādi, bhūmiyaṃyeva nipajji, naggo hutvā vicari, tālaṭṭhikhaṇḍena kese luñci. Atha ca pana lokaṃ vañcento ‘‘ahaṃ vātabhakkho, ekapādena tiṭṭhāmi, na nisīdāmi, na nipajjāmī’’ti vadesi, ‘‘mamampi vañcetukāmosi pubbepi tvaṃ pāpikaṃ lāmikaṃ diṭṭhiṃ nissāya ettakaṃ kālaṃ gūthabhakkho bhūmisayo naggo vicaranto tālaṭṭhikhaṇḍena kesaluñcanaṃ patto, idānipi pāpikaṃ lāmikaṃ diṭṭhimeva gaṇhāsī’’ti. ‘‘Kiṃ pana mayā kataṃ, mahāsamaṇā’’ti? Athassa satthā pubbe katakammaṃ ācikkhi. Tassa satthari kathenteyeva saṃvego uppajji, hirottappaṃ upaṭṭhitaṃ, so ukkuṭiko nisīdi. Athassa satthā udakasāṭikaṃ khipitvā adāsi. So taṃ nivāsetvā satthāraṃ vanditvā ekamantaṃ nisīdi. Satthāpissa anupubbiṃ kathaṃ kathetvā dhammaṃ desesi. So desanāvasāne saha paṭisambhidāhi arahattaṃ patvā satthāraṃ vanditvā uṭṭhāyāsanā pabbajjañca upasampadañca yāci. Ettāvatā tassa purimakammaṃ parikkhīṇaṃ. Ayañhi khīṇāsavamahātheraṃ catūhi akkosehi akkositvā yāvāyaṃ mahāpathavī tigāvutādhikaṃ yojanaṃ ussannā, tāva avīcimhi paccitvā tattha pakkāvasesena pañcapaññāsa vassāni imaṃ vippakāraṃ patto. Tenassa taṃ kammaṃ khīṇaṃ. Vīsati pana vassasahassāni iminā katassa samaṇadhammassa phalaṃ nāsetuṃ na sakkā. Tasmā satthā dakkhiṇahatthaṃ pasāretvā ‘‘ehi, bhikkhu, cara brahmacariyaṃ sammā dukkhassa antakiriyāyā’’ti āha. Tāvadevassa gihiliṅgaṃ antaradhāyi aṭṭhaparikkhāradharo saṭṭhivassikamahāthero viya ahosi.

    ан̇г̇амаг̇ад̇хаваасийнам̣ д̇асса саггаарам̣ г̇ахзд̇ваа ааг̇ад̇ад̣̇ивасо гирзса, д̇асмаа убхаяарадтаваасино саггаарам̣ г̇ахзд̇ваа ааг̇ад̇аа д̇ат̇ааг̇ад̇ам̣ д̣̇исваа ‘‘гим̣ ну ко амхаагам̣ аяяо ж̇амб̣уго махаа, уд̣̇ааху саман̣о г̇од̇амо’’д̇и жинд̇зд̇ваа ‘‘сажз саман̣о г̇од̇амо махаа бхавзяяа, аяам̣ саман̣асса г̇од̇амасса санд̇игам̣ г̇ажчзяяа, ж̇амб̣угааж̇ийвагасса бана маханд̇ад̇ааяа саман̣о г̇од̇амо имасса санд̇игам̣ ааг̇ад̇о’’д̇и жинд̇аяим̣су. сад̇т̇аа махааж̇анасса баривид̇аггам̣ н̃ад̇ваа, ‘‘ж̇амб̣уга, д̇ава убадтаагаанам̣ ган̇кам̣ чинд̣̇аахий’’д̇и ааха, со ‘‘ахамби, бханд̇з, зд̇д̇агамзва бажжаасийсаамий’’д̇и вад̇ваа жад̇уд̇т̇аж̇жхаанам̣ самаабаж̇ж̇ид̇ваа удтааяа д̇аалаббамаан̣ам̣ взхаасам̣ аб̣бхуг̇г̇анд̇ваа ‘‘сад̇т̇аа мз, бханд̇з бхаг̇аваа, саавагохамасмий’’д̇и вад̇ваа оруяха ванд̣̇ид̇ваа буна д̣̇вид̇ааламад̇д̇ам̣ д̇ид̇ааламад̇д̇анд̇и звам̣ сад̇д̇ад̇ааламад̇д̇ам̣ взхаасам̣ аб̣бхуг̇г̇анд̇ваа оруяха ад̇д̇ано саавагабхаавам̣ ж̇аанаабзси. д̇ам̣ д̣̇исваа махааж̇ано ‘‘ахо б̣уд̣̇д̇хаа наама ажчарияаа анобамаг̇ун̣аа’’д̇и жинд̇зси. сад̇т̇аа махааж̇анзна сад̣̇д̇хим̣ гат̇знд̇о звамааха – ‘‘аяам̣ зд̇д̇агам̣ гаалам̣ д̇умхзхи аабхад̇ам̣ саггаарам̣ гусаг̇г̇зна ж̇ивхаг̇г̇з табзд̇ваа ‘д̇абажаран̣ам̣ буурзмий’д̇и ид̇ха нивудто, сажзби иминаа убааязна вассасад̇ам̣ д̇абажаран̣ам̣ буурзяяа, яаа жасса ид̣̇аани гаалам̣ ваа бхад̇д̇ам̣ ваа гуггужжааяид̇ваа абхун̃ж̇анд̇асса бхад̇д̇ажчзд̣̇анагусалажзд̇анаа, д̇ассаа д̇ам̣ д̇абажаран̣ам̣ сол̣асим̣ галамби на аг̇гхад̇ий’’д̇и анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Aṅgamagadhavāsīnaṃ tassa sakkāraṃ gahetvā āgatadivaso kiresa, tasmā ubhayaraṭṭhavāsino sakkāraṃ gahetvā āgatā tathāgataṃ disvā ‘‘kiṃ nu kho amhākaṃ ayyo jambuko mahā, udāhu samaṇo gotamo’’ti cintetvā ‘‘sace samaṇo gotamo mahā bhaveyya, ayaṃ samaṇassa gotamassa santikaṃ gaccheyya, jambukājīvakassa pana mahantatāya samaṇo gotamo imassa santikaṃ āgato’’ti cintayiṃsu. Satthā mahājanassa parivitakkaṃ ñatvā, ‘‘jambuka, tava upaṭṭhākānaṃ kaṅkhaṃ chindāhī’’ti āha, so ‘‘ahampi, bhante, ettakameva paccāsīsāmī’’ti vatvā catutthajjhānaṃ samāpajjitvā uṭṭhāya tālappamāṇaṃ vehāsaṃ abbhuggantvā ‘‘satthā me, bhante bhagavā, sāvakohamasmī’’ti vatvā oruyha vanditvā puna dvitālamattaṃ titālamattanti evaṃ sattatālamattaṃ vehāsaṃ abbhuggantvā oruyha attano sāvakabhāvaṃ jānāpesi. Taṃ disvā mahājano ‘‘aho buddhā nāma acchariyā anopamaguṇā’’ti cintesi. Satthā mahājanena saddhiṃ kathento evamāha – ‘‘ayaṃ ettakaṃ kālaṃ tumhehi ābhataṃ sakkāraṃ kusaggena jivhagge ṭhapetvā ‘tapacaraṇaṃ pūremī’ti idha nivuṭṭho, sacepi iminā upāyena vassasataṃ tapacaraṇaṃ pūreyya, yā cassa idāni kālaṃ vā bhattaṃ vā kukkuccāyitvā abhuñjantassa bhattacchedanakusalacetanā, tassā taṃ tapacaraṇaṃ soḷasiṃ kalampi na agghatī’’ti anusandhiṃ ghaṭetvā dhammaṃ desento imaṃ gāthamāha –

    70.

    70.

    ‘‘маасз маасз гусаг̇г̇зна, б̣аало бхун̃ж̇зяяа бхож̇анам̣;

    ‘‘Māse māse kusaggena, bālo bhuñjeyya bhojanaṃ;

    на со сан̇каад̇ад̇хаммаанам̣, галам̣ аг̇гхад̇и сол̣аси’’нд̇и.

    Na so saṅkhātadhammānaṃ, kalaṃ agghati soḷasi’’nti.

    д̇ассад̇т̇о – сажз б̣аало абарин̃н̃аад̇ад̇хаммо сийлаад̣̇иг̇ун̣аа бариб̣аахиро д̇ид̇т̇ааяад̇анз баб̣б̣аж̇ид̇о ‘‘д̇абажаран̣ам̣ буурзссаамий’’д̇и маасз маасз бад̇д̇з гусаг̇г̇зна бхож̇анам̣ бхун̃ж̇анд̇о вассасад̇ам̣ бхун̃ж̇зяяа бхож̇анам̣. на со сан̇каад̇ад̇хаммаанам̣, галам̣ аг̇гхад̇и сол̣асинд̇и сан̇каад̇ад̇хаммаа вужжанд̇и н̃аад̇ад̇хаммаа д̇улид̇ад̇хаммаа. д̇зсу хздтимагодияаа сод̇аабанно сан̇каад̇ад̇хаммо, убаримагодияаа кийн̣аасаво. имзсам̣ сан̇каад̇ад̇хаммаанам̣ со б̣аало галам̣ на аг̇гхад̇и сол̣асинд̇и буг̇г̇алаад̇хидтаанаа д̣̇зсанаа. аяам̣ банзд̇т̇а ад̇т̇о – яаа жасса д̇ат̇аа д̇абажаран̣ам̣ буурзнд̇асса вассасад̇ам̣ жзд̇анаа яаа жа сан̇каад̇ад̇хаммаанам̣ гаалам̣ ваа бхад̇д̇ам̣ ваа гуггужжааяид̇ваа абхун̃ж̇анд̇аанам̣ згаа бхад̇д̇ажчзд̣̇анагусалажзд̇анаа, д̇ассаа жзд̇анааяа саа д̇аава д̣̇ийгхарад̇д̇ам̣ бавад̇д̇ажзд̇анаа сол̣асим̣ галам̣ на аг̇гхад̇и. ид̣̇ам̣ вуд̇д̇ам̣ ход̇и – яам̣ д̇ассаа сан̇каад̇ад̇хаммаанам̣ жзд̇анааяа палам̣, д̇ам̣ сол̣аса годтаасз гад̇ваа д̇ад̇о згзгам̣ буна сол̣аса сол̣аса годтаасз гад̇ваа д̇ад̇о згасса годтаасасса яам̣ палам̣, д̇ад̣̇зва д̇асса б̣ааласса д̇абажаран̣ад̇о махабпалад̇аранд̇и.

    Tassattho – sace bālo apariññātadhammo sīlādiguṇā paribāhiro titthāyatane pabbajito ‘‘tapacaraṇaṃ pūressāmī’’ti māse māse patte kusaggena bhojanaṃ bhuñjanto vassasataṃ bhuñjeyya bhojanaṃ. Na so saṅkhātadhammānaṃ, kalaṃ agghati soḷasinti saṅkhātadhammā vuccanti ñātadhammā tulitadhammā. Tesu heṭṭhimakoṭiyā sotāpanno saṅkhātadhammo, uparimakoṭiyā khīṇāsavo. Imesaṃ saṅkhātadhammānaṃ so bālo kalaṃ na agghati soḷasinti puggalādhiṭṭhānā desanā. Ayaṃ panettha attho – yā cassa tathā tapacaraṇaṃ pūrentassa vassasataṃ cetanā yā ca saṅkhātadhammānaṃ kālaṃ vā bhattaṃ vā kukkuccāyitvā abhuñjantānaṃ ekā bhattacchedanakusalacetanā, tassā cetanāya sā tāva dīgharattaṃ pavattacetanā soḷasiṃ kalaṃ na agghati. Idaṃ vuttaṃ hoti – yaṃ tassā saṅkhātadhammānaṃ cetanāya phalaṃ, taṃ soḷasa koṭṭhāse katvā tato ekekaṃ puna soḷasa soḷasa koṭṭhāse katvā tato ekassa koṭṭhāsassa yaṃ phalaṃ, tadeva tassa bālassa tapacaraṇato mahapphalataranti.

    д̣̇зсанаавасаанз жад̇ураасийд̇ияаа баан̣асахассаанам̣ д̇хаммаабхисамаяо ахосийд̇и.

    Desanāvasāne caturāsītiyā pāṇasahassānaṃ dhammābhisamayo ahosīti.

    ж̇амб̣угад̇т̇зравад̇т̇у згаад̣̇асамам̣.

    Jambukattheravatthu ekādasamaṃ.

    12. ахибзд̇авад̇т̇у

    12. Ahipetavatthu

    на хи баабам̣ гад̇ам̣ гамманд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о ан̃н̃ад̇арам̣ ахибзд̇ам̣ аараб̣бха гат̇зси.

    Na hi pāpaṃ kataṃ kammanti imaṃ dhammadesanaṃ satthā veḷuvane viharanto aññataraṃ ahipetaṃ ārabbha kathesi.

    згасмин̃хи д̣̇ивасз ж̇адиласахассасса аб̣бханд̇аро ааяасмаа лагкан̣ад̇т̇зро жа махаамог̇г̇аллаанад̇т̇зро жа ‘‘рааж̇аг̇ахз бин̣д̣ааяа жариссаамаа’’д̇и г̇иж̇жхагуудад̇о од̇аранд̇и. д̇зсу ааяасмаа махаамог̇г̇аллаанад̇т̇зро згам̣ ахибзд̇ам̣ д̣̇исваа сид̇ам̣ баад̇ваагааси. ат̇а нам̣ лагкан̣ад̇т̇зро ‘‘гасмаа, аавусо, сид̇ам̣ баад̇угаросий’’д̇и сид̇агааран̣ам̣ бужчи. ‘‘агаало, аавусо лагкан̣а, имасса бан̃хасса, бхаг̇авад̇о санд̇игз мам̣ бужчзяяаасий’’д̇и т̇зро ааха. д̇зсу рааж̇аг̇ахз бин̣д̣ааяа жарид̇ваа бхаг̇авад̇о санд̇игам̣ г̇анд̇ваа нисиннзсу лагкан̣ад̇т̇зро бужчи, ‘‘аавусо, мог̇г̇аллаанам̣ д̇вам̣ г̇иж̇жхагуудаа од̇аранд̇о сид̇ам̣ баад̇угарид̇ваа маяаа сид̇агааран̣ам̣ будто ‘бхаг̇авад̇о санд̇игз мам̣ бужчзяяаасий’д̇и аважа, гат̇зхи ид̣̇аани д̇ам̣ гааран̣а’’нд̇и. т̇зро ааха – ‘‘ахам̣, аавусо, згам̣ бзд̇ам̣ д̣̇исваа сид̇ам̣ баад̇ваагаасим̣. д̇асса зваруубо ад̇д̇абхааво – мануссасийсам̣ вияа асса сийсам̣, ахисса вияа сзсо ад̇д̇абхааво, ахибзд̇о наамзса бамаан̣ад̇о бан̃жавийсад̇ияож̇аниго, д̇асса сийсад̇о удтид̇аа аг̇г̇иж̇аалаа яаава нан̇г̇удтаа г̇ажчанд̇и, нан̇г̇удтад̇о удтид̇аа аг̇г̇иж̇аалаа яаава сийсаа, маж̇жхзсийсад̇о удтид̇аа д̣̇вз бассаани г̇ажчанд̇и, д̣̇вийхи бассзхи удтид̇аа маж̇жхз од̇аранд̇ий’’д̇и . д̣̇виннам̣язва гира бзд̇аанам̣ ад̇д̇абхааво бан̃жавийсад̇ияож̇аниго, авасзсаанам̣ д̇иг̇аавуд̇аббамаан̣о. имасса жзва ахибзд̇асса гаагабзд̇асса жа бан̃жавийсад̇ияож̇аниго. д̇зсу аяам̣ д̇аава ахибзд̇о. гаагабзд̇амби махаамог̇г̇аллаано г̇иж̇жхагуудамад̇т̇агз бажжамаанам̣ д̣̇исваа д̇асса буб̣б̣агаммам̣ бужчанд̇о имам̣ г̇аат̇амааха –

    Ekasmiñhi divase jaṭilasahassassa abbhantaro āyasmā lakkhaṇatthero ca mahāmoggallānatthero ca ‘‘rājagahe piṇḍāya carissāmā’’ti gijjhakūṭato otaranti. Tesu āyasmā mahāmoggallānatthero ekaṃ ahipetaṃ disvā sitaṃ pātvākāsi. Atha naṃ lakkhaṇatthero ‘‘kasmā, āvuso, sitaṃ pātukarosī’’ti sitakāraṇaṃ pucchi. ‘‘Akālo, āvuso lakkhaṇa, imassa pañhassa, bhagavato santike maṃ puccheyyāsī’’ti thero āha. Tesu rājagahe piṇḍāya caritvā bhagavato santikaṃ gantvā nisinnesu lakkhaṇatthero pucchi, ‘‘āvuso, moggallānaṃ tvaṃ gijjhakūṭā otaranto sitaṃ pātukaritvā mayā sitakāraṇaṃ puṭṭho ‘bhagavato santike maṃ puccheyyāsī’ti avaca, kathehi idāni taṃ kāraṇa’’nti. Thero āha – ‘‘ahaṃ, āvuso, ekaṃ petaṃ disvā sitaṃ pātvākāsiṃ. Tassa evarūpo attabhāvo – manussasīsaṃ viya assa sīsaṃ, ahissa viya seso attabhāvo, ahipeto nāmesa pamāṇato pañcavīsatiyojaniko, tassa sīsato uṭṭhitā aggijālā yāva naṅguṭṭhā gacchanti, naṅguṭṭhato uṭṭhitā aggijālā yāva sīsā, majjhesīsato uṭṭhitā dve passāni gacchanti, dvīhi passehi uṭṭhitā majjhe otarantī’’ti . Dvinnaṃyeva kira petānaṃ attabhāvo pañcavīsatiyojaniko, avasesānaṃ tigāvutappamāṇo. Imassa ceva ahipetassa kākapetassa ca pañcavīsatiyojaniko. Tesu ayaṃ tāva ahipeto. Kākapetampi mahāmoggallāno gijjhakūṭamatthake paccamānaṃ disvā tassa pubbakammaṃ pucchanto imaṃ gāthamāha –

    ‘‘бан̃жаяож̇анигаа ж̇ивхаа, сийсам̣ д̇з наваяож̇анам̣;

    ‘‘Pañcayojanikā jivhā, sīsaṃ te navayojanaṃ;

    гааяо ажжуг̇г̇ад̇о д̇уяхам̣, бан̃жавийсад̇ияож̇анам̣;

    Kāyo accuggato tuyhaṃ, pañcavīsatiyojanaṃ;

    гим̣ ну гаммам̣ гарид̇ваана, бад̇д̇оси д̣̇угкамийд̣̇иса’’нд̇и.

    Kiṃ nu kammaṃ karitvāna, pattosi dukkhamīdisa’’nti.

    ат̇асса бзд̇о аажигканд̇о –

    Athassa peto ācikkhanto –

    ‘‘ахам̣ бханд̇з мог̇г̇аллаана, гассабасса махзсино;

    ‘‘Ahaṃ bhante moggallāna, kassapassa mahesino;

    сан̇гхасса аабхад̇ам̣ бхад̇д̇ам̣, аахаарзсим̣ яад̣̇ижчага’’нд̇и. –

    Saṅghassa ābhataṃ bhattaṃ, āhāresiṃ yadicchaka’’nti. –

    г̇аат̇ам̣ вад̇ваа ааха – ‘‘бханд̇з, гассабаб̣уд̣̇д̇хагаалз самб̣ахулаа бхигкуу г̇аамам̣ бин̣д̣ааяа бависим̣су,. мануссаа т̇зрз д̣̇исваа самбияааяамаанаа аасанасаалааяам̣ нисийд̣̇аабзд̇ваа баад̣̇з д̇ховид̇ваа д̇злам̣ магкзд̇ваа яааг̇ум̣ бааязд̇ваа каж̇ж̇агам̣ д̣̇ад̇ваа бин̣д̣абаад̇агаалам̣ ааг̇амаяамаанаа д̇хаммам̣ сун̣анд̇аа нисийд̣̇им̣су. д̇хаммагат̇аавасаанз т̇зраанам̣ бад̇д̇з аад̣̇ааяа ад̇д̇ано ад̇д̇ано г̇зхаа наанаг̇г̇арасабхож̇анасса буурзд̇ваа аахарим̣су. д̇ад̣̇аа ахам̣ гааго худ̇ваа аасанасаалааяа чад̣̇анабидтз нилийно д̇ам̣ д̣̇исваа згзна г̇ахид̇абад̇д̇ад̇о д̇игкад̇д̇ум̣ мукам̣ буурзнд̇о д̇аяо габ̣ал̣з аг̇г̇ахзсим̣. д̇ам̣ бана бхад̇д̇ам̣ нзва сан̇гхасса санд̇агам̣, на сан̇гхасса нияамзд̇ваа д̣̇иннам̣, на бхигкуухи г̇ахид̇аавасзсагам̣. ад̇д̇ано ад̇д̇ано г̇зхам̣ нзд̇ваа мануссзхи бхун̃ж̇ид̇аб̣б̣агам̣, гзвалам̣ сан̇гхам̣ уд̣̇д̣̇исса абхихадамад̇д̇амзва. д̇ад̇о маяаа д̇аяо габ̣ал̣аа г̇ахид̇аа, зд̇д̇агам̣ мз буб̣б̣агаммам̣. сваахам̣ гаалам̣ гад̇ваа д̇асса гаммасса вибаагзна авийжимхи бажжид̇ваа д̇ад̇т̇а баггаавасзсзна ид̣̇аани г̇иж̇жхагуудз гаагабзд̇о худ̇ваа ниб̣б̣ад̇д̇о имам̣ д̣̇угкам̣ бажжаанубхомий’’д̇и. ид̣̇ам̣ гаагабзд̇асса вад̇т̇у.

    Gāthaṃ vatvā āha – ‘‘bhante, kassapabuddhakāle sambahulā bhikkhū gāmaṃ piṇḍāya pavisiṃsu,. Manussā there disvā sampiyāyamānā āsanasālāyaṃ nisīdāpetvā pāde dhovitvā telaṃ makkhetvā yāguṃ pāyetvā khajjakaṃ datvā piṇḍapātakālaṃ āgamayamānā dhammaṃ suṇantā nisīdiṃsu. Dhammakathāvasāne therānaṃ patte ādāya attano attano gehā nānaggarasabhojanassa pūretvā āhariṃsu. Tadā ahaṃ kāko hutvā āsanasālāya chadanapiṭṭhe nilīno taṃ disvā ekena gahitapattato tikkhattuṃ mukhaṃ pūrento tayo kabaḷe aggahesiṃ. Taṃ pana bhattaṃ neva saṅghassa santakaṃ, na saṅghassa niyametvā dinnaṃ, na bhikkhūhi gahitāvasesakaṃ. Attano attano gehaṃ netvā manussehi bhuñjitabbakaṃ, kevalaṃ saṅghaṃ uddissa abhihaṭamattameva. Tato mayā tayo kabaḷā gahitā, ettakaṃ me pubbakammaṃ. Svāhaṃ kālaṃ katvā tassa kammassa vipākena avīcimhi paccitvā tattha pakkāvasesena idāni gijjhakūṭe kākapeto hutvā nibbatto imaṃ dukkhaṃ paccānubhomī’’ti. Idaṃ kākapetassa vatthu.

    ид̇ха бана т̇зро ‘‘ахибзд̇ам̣ д̣̇исваа сид̇ам̣ баад̇ваагааси’’нд̇и ааха. ат̇асса сад̇т̇аа сагкий худ̇вааби удтааяа ‘‘сажжам̣, бхигкавз, мог̇г̇аллаано ааха. маяаабзса самб̣од̇хибад̇д̇ад̣̇ивасзязва д̣̇идто, абижаахам̣ ‘яз мз важанам̣ на сад̣̇д̣̇ахзяяум̣, д̇зсам̣ ахид̇ааяа бхавзяяаа’д̇и бараануд̣̇д̣̇аяааяа на гат̇зси’’нд̇и ааха. лагкан̣асам̣яуд̇д̇зби (сам̣. ни. 2.202 аад̣̇аяо) хи махаамог̇г̇аллаанзна д̣̇идтагаалзязва сад̇т̇аа д̇асса сагкий худ̇ваа винийд̇авад̇т̇ууни гат̇зси, ид̣̇амби д̇зна д̇ат̇зва гат̇ид̇ам̣. д̇ам̣ суд̇ваа бхигкуу д̇асса буб̣б̣агаммам̣ бужчим̣су. сад̇т̇ааби д̇зсам̣ гат̇зси –

    Idha pana thero ‘‘ahipetaṃ disvā sitaṃ pātvākāsi’’nti āha. Athassa satthā sakkhī hutvāpi uṭṭhāya ‘‘saccaṃ, bhikkhave, moggallāno āha. Mayāpesa sambodhipattadivaseyeva diṭṭho, apicāhaṃ ‘ye me vacanaṃ na saddaheyyuṃ, tesaṃ ahitāya bhaveyyā’ti parānuddayāya na kathesi’’nti āha. Lakkhaṇasaṃyuttepi (saṃ. ni. 2.202 ādayo) hi mahāmoggallānena diṭṭhakāleyeva satthā tassa sakkhī hutvā vinītavatthūni kathesi, idampi tena tatheva kathitaṃ. Taṃ sutvā bhikkhū tassa pubbakammaṃ pucchiṃsu. Satthāpi tesaṃ kathesi –

    ад̇ийд̇з гира б̣аараан̣асим̣ ниссааяа над̣̇ийд̇ийрз бажжзгаб̣уд̣̇д̇хасса бан̣н̣асаалам̣ гарим̣су. со д̇ад̇т̇а вихаранд̇о ниб̣ад̣̇д̇хам̣ наг̇арз бин̣д̣ааяа жарад̇и. нааг̇арааби сааяам̣баад̇ам̣ г̇анд̇хабубпаад̣̇ихад̇т̇аа бажжзгаб̣уд̣̇д̇хассуубадтаанам̣ г̇ажчанд̇и. зго б̣аараан̣асиваасий бурисо д̇ам̣ маг̇г̇ам̣ ниссааяа кзд̇д̇ам̣ гаси. махааж̇ано сааяам̣баад̇ам̣ бажжзгаб̣уд̣̇д̇хассуубадтаанам̣ г̇ажчанд̇о д̇ам̣ кзд̇д̇ам̣ мад̣̇д̣̇анд̇о г̇ажчад̇и. гассаго жа ‘‘маа мз кзд̇д̇ам̣ мад̣̇д̣̇ат̇аа’’д̇и ваарзнд̇оби ваарзд̇ум̣ наасагки. ат̇асса зд̇ад̣̇ахоси – ‘‘сажз имасмим̣ таанз бажжзгаб̣уд̣̇д̇хасса бан̣н̣асаалаа на бхавзяяа, на мз кзд̇д̇ам̣ мад̣̇д̣̇зяяу’’нд̇и. со бажжзгаб̣уд̣̇д̇хасса бин̣д̣ааяа бавидтагаалз барибхог̇абхааж̇анаани бхинд̣̇ид̇ваа бан̣н̣асаалам̣ жхаабзси. бажжзгаб̣уд̣̇д̇хо д̇ам̣ жхаамам̣ д̣̇исваа яат̇аасукам̣ баггаами. махааж̇ано г̇анд̇хамаалам̣ аад̣̇ааяа ааг̇ад̇о жхаамабан̣н̣асаалам̣ д̣̇исваа ‘‘гахам̣ ну ко но аяяо г̇ад̇о’’д̇и ааха. соби махааж̇анзнзва сад̣̇д̇хим̣ г̇ад̇о махааж̇анамаж̇жхз тид̇агова звамааха – ‘‘маяаа д̇асса бан̣н̣асаалаа жхаабид̇аа’’д̇и. ат̇а нам̣ ‘‘г̇ан̣хат̇а, имам̣ баабимам̣ ниссааяа маяам̣ бажжзгаб̣уд̣̇д̇хам̣ д̣̇адтум̣ на лабхимхаа’’д̇и д̣̇ан̣д̣аад̣̇ийхи бот̇зд̇ваа ж̇ийвид̇агкаяам̣ баабзсум̣. со авийжимхи ниб̣б̣ад̇д̇ид̇ваа яаавааяам̣ махаабат̇авий яож̇анамад̇д̇ам̣ уссаннаа, д̇аава нираяз бажжид̇ваа баггаавасзсзна г̇иж̇жхагуудз ахибзд̇о худ̇ваа ниб̣б̣ад̇д̇и. сад̇т̇аа ид̣̇ам̣ д̇асса буб̣б̣агаммам̣ гат̇зд̇ваа, ‘‘бхигкавз, баабагаммам̣ наамзд̇ам̣ кийрасад̣̇исам̣, яат̇аа кийрам̣ д̣̇уяхамаанамзва на барин̣амад̇и. д̇ат̇аа гаммам̣ гаяирамаанамзва на вибажжад̇и. яад̣̇аа бана вибажжад̇и, д̇ад̣̇аа зваруубзна д̣̇угкзна сожад̇ий’’д̇и анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Atīte kira bārāṇasiṃ nissāya nadītīre paccekabuddhassa paṇṇasālaṃ kariṃsu. So tattha viharanto nibaddhaṃ nagare piṇḍāya carati. Nāgarāpi sāyaṃpātaṃ gandhapupphādihatthā paccekabuddhassūpaṭṭhānaṃ gacchanti. Eko bārāṇasivāsī puriso taṃ maggaṃ nissāya khettaṃ kasi. Mahājano sāyaṃpātaṃ paccekabuddhassūpaṭṭhānaṃ gacchanto taṃ khettaṃ maddanto gacchati. Kassako ca ‘‘mā me khettaṃ maddathā’’ti vārentopi vāretuṃ nāsakkhi. Athassa etadahosi – ‘‘sace imasmiṃ ṭhāne paccekabuddhassa paṇṇasālā na bhaveyya, na me khettaṃ maddeyyu’’nti. So paccekabuddhassa piṇḍāya paviṭṭhakāle paribhogabhājanāni bhinditvā paṇṇasālaṃ jhāpesi. Paccekabuddho taṃ jhāmaṃ disvā yathāsukhaṃ pakkāmi. Mahājano gandhamālaṃ ādāya āgato jhāmapaṇṇasālaṃ disvā ‘‘kahaṃ nu kho no ayyo gato’’ti āha. Sopi mahājaneneva saddhiṃ gato mahājanamajjhe ṭhitakova evamāha – ‘‘mayā tassa paṇṇasālā jhāpitā’’ti. Atha naṃ ‘‘gaṇhatha, imaṃ pāpimaṃ nissāya mayaṃ paccekabuddhaṃ daṭṭhuṃ na labhimhā’’ti daṇḍādīhi pothetvā jīvitakkhayaṃ pāpesuṃ. So avīcimhi nibbattitvā yāvāyaṃ mahāpathavī yojanamattaṃ ussannā, tāva niraye paccitvā pakkāvasesena gijjhakūṭe ahipeto hutvā nibbatti. Satthā idaṃ tassa pubbakammaṃ kathetvā, ‘‘bhikkhave, pāpakammaṃ nāmetaṃ khīrasadisaṃ, yathā khīraṃ duyhamānameva na pariṇamati. Tathā kammaṃ kayiramānameva na vipaccati. Yadā pana vipaccati, tadā evarūpena dukkhena socatī’’ti anusandhiṃ ghaṭetvā dhammaṃ desento imaṃ gāthamāha –

    71.

    71.

    ‘‘на хи баабам̣ гад̇ам̣ гаммам̣, саж̇ж̇укийрам̣ва мужжад̇и;

    ‘‘Na hi pāpaṃ kataṃ kammaṃ, sajjukhīraṃva muccati;

    д̣аханд̇ам̣ б̣ааламанвзд̇и, бхасмажчаннова бааваго’’д̇и.

    Ḍahantaṃ bālamanveti, bhasmacchannova pāvako’’ti.

    д̇ад̇т̇а саж̇ж̇укийрам̣ ваад̇и д̇ам̣ кан̣ам̣язва д̇хзнуяаа т̇анзхи нигканд̇ам̣ аб̣бхун̣хам̣ кийрам̣ на мужжад̇и на барин̣амад̇и. ид̣̇ам̣ вуд̇д̇ам̣ ход̇и – яат̇аа ид̣̇ам̣ саж̇ж̇укийрам̣ д̇ам̣ кан̣ан̃н̃зва на мужжад̇и на барин̣амад̇и на багад̇им̣ виж̇ахад̇и. яасмим̣ бана бхааж̇анз д̣̇ухид̇ваа г̇ахид̇ам̣ яаава д̇ад̇т̇а д̇аггаад̣̇иамб̣илам̣ на багкибад̇и, яаава д̣̇ад̇хибхааж̇анаад̣̇игам̣ амб̣илабхааж̇анам̣ на баабун̣аад̇и, д̇аава багад̇им̣ авиж̇ахид̇ваа бажчаа ж̇ахад̇и, звамзва баабагаммамби гарияамаанамзва на вибажжад̇и. яад̣̇и вибажжзяяа, на гожи баабагаммам̣ гаад̇ум̣ висахзяяа. яаава бана гусалаабхиниб̣б̣ад̇д̇аа канд̇хаа д̇харанд̇и, д̇аава нам̣ д̇з рагканд̇и. д̇зсам̣ бхзд̣̇аа абааяз ниб̣б̣ад̇д̇агканд̇хзсу вибажжад̇и, вибажжамаанан̃жа д̣аханд̇ам̣ б̣ааламанвзд̇и.‘‘гим̣ вияаа’’д̇и? ‘‘бхасмажчаннова бааваго’’д̇и. яат̇аа хи чааригааяа бадижчанно вийд̇ажжид̇ан̇г̇ааро агганд̇оби чааригааяа бадижчаннад̇д̇аа на д̇аава д̣ахад̇и, чааригам̣ бана д̇аабзд̇ваа жаммаад̣̇ийнам̣ д̣аханавасзна яаава мад̇т̇алун̇г̇аа д̣аханд̇о г̇ажчад̇и, звамзва баабагаммамби язна гад̇ам̣ ход̇и, д̇ам̣ б̣аалам̣ д̣̇уд̇ияз ваа д̇ад̇ияз ваа ад̇д̇абхаавз нираяаад̣̇ийсу ниб̣б̣ад̇д̇ам̣ д̣аханд̇ам̣ ануг̇ажчад̇ийд̇и.

    Tattha sajjukhīraṃ vāti taṃ khaṇaṃyeva dhenuyā thanehi nikkhantaṃ abbhuṇhaṃ khīraṃ na muccati na pariṇamati. Idaṃ vuttaṃ hoti – yathā idaṃ sajjukhīraṃ taṃ khaṇaññeva na muccati na pariṇamati na pakatiṃ vijahati. Yasmiṃ pana bhājane duhitvā gahitaṃ yāva tattha takkādiambilaṃ na pakkhipati, yāva dadhibhājanādikaṃ ambilabhājanaṃ na pāpuṇāti, tāva pakatiṃ avijahitvā pacchā jahati, evameva pāpakammampi kariyamānameva na vipaccati. Yadi vipacceyya, na koci pāpakammaṃ kātuṃ visaheyya. Yāva pana kusalābhinibbattā khandhā dharanti, tāva naṃ te rakkhanti. Tesaṃ bhedā apāye nibbattakkhandhesu vipaccati, vipaccamānañca ḍahantaṃ bālamanveti.‘‘Kiṃ viyā’’ti? ‘‘Bhasmacchannova pāvako’’ti. Yathā hi chārikāya paṭicchanno vītaccitaṅgāro akkantopi chārikāya paṭicchannattā na tāva ḍahati, chārikaṃ pana tāpetvā cammādīnaṃ ḍahanavasena yāva matthaluṅgā ḍahanto gacchati, evameva pāpakammampi yena kataṃ hoti, taṃ bālaṃ dutiye vā tatiye vā attabhāve nirayādīsu nibbattaṃ ḍahantaṃ anugacchatīti.

    д̣̇зсанаавасаанз б̣ахуу сод̇аабаннаад̣̇аяо ахзсунд̇и.

    Desanāvasāne bahū sotāpannādayo ahesunti.

    ахибзд̇авад̇т̇у д̣̇ваад̣̇асамам̣.

    Ahipetavatthu dvādasamaṃ.

    13. садтигуудабзд̇авад̇т̇у

    13. Saṭṭhikūṭapetavatthu

    яаавад̣̇зва анад̇т̇ааяаад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о садтигуудабзд̇ам̣ аараб̣бха гат̇зси.

    Yāvadeva anatthāyāti imaṃ dhammadesanaṃ satthā veḷuvane viharanto saṭṭhikūṭapetaṃ ārabbha kathesi.

    буриманаязнзва хи махаамог̇г̇аллаанад̇т̇зро лагкан̣ад̇т̇зрзна сад̣̇д̇хим̣ г̇иж̇жхагуудаа ороханд̇о ан̃н̃ад̇арасмим̣ бад̣̇зсз сид̇ам̣ баад̇ваагааси. т̇зрзна сид̇агааран̣ам̣ будто ‘‘бхаг̇авад̇о санд̇игз мам̣ бужчзяяаасий’’д̇и вад̇ваа бин̣д̣ааяа жарид̇ваа сад̇т̇аарам̣ убасан̇гамид̇ваа ванд̣̇ид̇ваа нисиннагаалз буна будто ааха – ‘‘ахам̣, аавусо, згам̣ бзд̇ам̣ ад̣̇д̣̇асам̣ д̇иг̇аавуд̇аббамаан̣зна ад̇д̇абхаавзна, д̇асса садти аяагуудасахассаани аад̣̇ид̇д̇аани самбаж̇ж̇алид̇аани убаримад̇т̇агз бад̇ид̇ваа бад̇ид̇ваа удтаханд̇и сийсам̣ бхинд̣̇анд̇и, бхиннам̣ бхиннам̣ буна самудтахад̇и , иминаа ад̇д̇абхаавзна маяаа зваруубо ад̇д̇абхааво на д̣̇идтабуб̣б̣о, ахам̣ д̇ам̣ д̣̇исваа сид̇ам̣ баад̇ваагааси’’нд̇и. бзд̇авад̇т̇усмин̃хи –

    Purimanayeneva hi mahāmoggallānatthero lakkhaṇattherena saddhiṃ gijjhakūṭā orohanto aññatarasmiṃ padese sitaṃ pātvākāsi. Therena sitakāraṇaṃ puṭṭho ‘‘bhagavato santike maṃ puccheyyāsī’’ti vatvā piṇḍāya caritvā satthāraṃ upasaṅkamitvā vanditvā nisinnakāle puna puṭṭho āha – ‘‘ahaṃ, āvuso, ekaṃ petaṃ addasaṃ tigāvutappamāṇena attabhāvena, tassa saṭṭhi ayakūṭasahassāni ādittāni sampajjalitāni uparimatthake patitvā patitvā uṭṭhahanti sīsaṃ bhindanti, bhinnaṃ bhinnaṃ puna samuṭṭhahati , iminā attabhāvena mayā evarūpo attabhāvo na diṭṭhapubbo, ahaṃ taṃ disvā sitaṃ pātvākāsi’’nti. Petavatthusmiñhi –

    ‘‘садти гуудасахассаани, барибун̣н̣аани саб̣б̣асо;

    ‘‘Saṭṭhi kūṭasahassāni, paripuṇṇāni sabbaso;

    сийсз д̇уяхам̣ нибад̇анд̇и, вобхинд̣̇анд̇зва мад̇т̇ага’’нд̇и. (бз. ва. 808, 810, 813) аад̣̇и –

    Sīse tuyhaṃ nipatanti, vobhindanteva matthaka’’nti. (pe. va. 808, 810, 813) ādi –

    имамзва бзд̇ам̣ санд̇хааяа вуд̇д̇ам̣. сад̇т̇аа т̇зрасса гат̇ам̣ суд̇ваава, ‘‘бхигкавз, маяаабзса сад̇д̇о б̣од̇химан̣д̣з нисиннзнзва д̣̇идто ‘яз жа бана мз важанам̣ на сад̣̇д̣̇ахзяяум̣, д̇зсам̣ ахид̇ааяа бхавзяяаа’д̇и барзсам̣ анугамбааяа на гат̇зсим̣, ид̣̇аани бана мог̇г̇аллаанасса сагкий худ̇ваа гат̇змий’’д̇и ааха. д̇ам̣ суд̇ваа бхигкуу д̇асса буб̣б̣агаммам̣ бужчим̣су. сад̇т̇ааби нзсам̣ гат̇зси –

    Imameva petaṃ sandhāya vuttaṃ. Satthā therassa kathaṃ sutvāva, ‘‘bhikkhave, mayāpesa satto bodhimaṇḍe nisinneneva diṭṭho ‘ye ca pana me vacanaṃ na saddaheyyuṃ, tesaṃ ahitāya bhaveyyā’ti paresaṃ anukampāya na kathesiṃ, idāni pana moggallānassa sakkhī hutvā kathemī’’ti āha. Taṃ sutvā bhikkhū tassa pubbakammaṃ pucchiṃsu. Satthāpi nesaṃ kathesi –

    ад̇ийд̇з гира б̣аараан̣асияам̣ саал̣ид̇д̇агасиббз нибпад̇д̇им̣ бад̇д̇о зго бийтасабби ахоси. со наг̇арад̣̇ваарз згасса вадаругкасса хздтаа нисинно сагкараани кибид̇ваа д̇асса бан̣н̣аани чинд̣̇анд̇о ‘‘хад̇т̇ируубагам̣ но д̣̇ассзхи, ассаруубагам̣ но д̣̇ассзхий’’д̇и г̇аамад̣̇аарагзхи вужжамаано ижчид̇ижчид̇аани руубаани д̣̇ассзд̇ваа д̇зсам̣ санд̇игаа каад̣̇анийяаад̣̇ийни лабхад̇и. ат̇згад̣̇ивасам̣ рааж̇аа уяяаанам̣ г̇ажчанд̇о д̇ам̣ бад̣̇зсам̣ баабун̣и. д̣̇аарагаа бийтасаббим̣ баароханд̇арз гад̇ваа балааяим̣су. ран̃н̃о тид̇амаж̇жханхигз ругкамуулам̣ бавидтасса чид̣̇д̣̇аавачид̣̇д̣̇ажчааяаа сарийрам̣ пари. со ‘‘гим̣ ну ко зд̇а’’нд̇и уд̣̇д̇хам̣ ологзнд̇о ругкабан̣н̣зсу хад̇т̇ируубагаад̣̇ийни д̣̇исваа ‘‘гассзд̇ам̣ гамма’’нд̇и бужчид̇ваа ‘‘бийтасаббино’’д̇и суд̇ваа д̇ам̣ баггосаабзд̇ваа ааха – ‘‘маяхам̣ бурохид̇о ад̇имукаро аббамад̇д̇агзби вуд̇д̇з б̣ахум̣ бхан̣анд̇о мам̣ убад̣̇д̣̇авзд̇и, сагкиссаси д̇асса мукз наал̣имад̇д̇аа аж̇алан̣д̣игаа кибид̇у’’нд̇и? ‘‘сагкиссаами, д̣̇зва. аж̇алан̣д̣игаа аахараабзд̇ваа бурохид̇зна сад̣̇д̇хим̣ д̇умхз анд̇осаан̣ияам̣ нисийд̣̇ат̇а, ахамзд̇т̇а гад̇д̇аб̣б̣ам̣ ж̇ааниссаамий’’д̇и. ат̇а рааж̇аа д̇ат̇аа гаарзси. ид̇аро гад̇д̇арияаг̇г̇зна саан̣ияаа чид̣̇д̣̇ам̣ гад̇ваа бурохид̇асса ран̃н̃аа сад̣̇д̇хим̣ гат̇знд̇асса мукз вивадамад̇д̇з згзгам̣ аж̇алан̣д̣игам̣ киби. бурохид̇о мукам̣ бавидтам̣ бавидтам̣ г̇или. бийтасаббий кийн̣аасу аж̇алан̣д̣игаасу саан̣им̣ жаалзси. рааж̇аа д̇ааяа сан̃н̃ааяа аж̇алан̣д̣игаанам̣ кийн̣абхаавам̣ н̃ад̇ваа ааха – ‘‘аажарияа, ахам̣ д̇умхзхи сад̣̇д̇хим̣ гат̇знд̇о гат̇ам̣ нид̇т̇арид̇ум̣ на сагкиссаами, д̇умхз ад̇имукарад̇ааяа наал̣имад̇д̇аа аж̇алан̣д̣игаа г̇иланд̇ааби д̇ун̣хийбхаавам̣ наабаж̇ж̇ат̇аа’’д̇и. б̣раахман̣о ман̇г̇уубхаавам̣ аабаж̇ж̇ид̇ваа д̇ад̇о бадтааяа мукам̣ виварид̇ваа ран̃н̃аа сад̣̇д̇хим̣ саллабид̇ум̣ насагки. рааж̇аа бийтасаббиг̇ун̣ам̣ ануссарид̇ваа д̇ам̣ баггосаабзд̇ваа ‘‘д̇ам̣ ниссааяа мз сукам̣ лад̣̇д̇ха’’нд̇и д̇удто д̇асса саб̣б̣адтагам̣ наама д̇ханам̣ д̣̇ад̇ваа наг̇арасса жад̇уусу д̣̇исаасу жад̇д̇ааро вараг̇аамз ад̣̇ааси. д̇амад̇т̇ам̣ вид̣̇ид̇ваа ран̃н̃о ад̇т̇ад̇хаммаанусаасаго амажжо имам̣ г̇аат̇амааха –

    Atīte kira bārāṇasiyaṃ sāḷittakasippe nipphattiṃ patto eko pīṭhasappi ahosi. So nagaradvāre ekassa vaṭarukkhassa heṭṭhā nisinno sakkharāni khipitvā tassa paṇṇāni chindanto ‘‘hatthirūpakaṃ no dassehi, assarūpakaṃ no dassehī’’ti gāmadārakehi vuccamāno icchiticchitāni rūpāni dassetvā tesaṃ santikā khādanīyādīni labhati. Athekadivasaṃ rājā uyyānaṃ gacchanto taṃ padesaṃ pāpuṇi. Dārakā pīṭhasappiṃ pārohantare katvā palāyiṃsu. Rañño ṭhitamajjhanhike rukkhamūlaṃ paviṭṭhassa chiddāvachiddacchāyā sarīraṃ phari. So ‘‘kiṃ nu kho eta’’nti uddhaṃ olokento rukkhapaṇṇesu hatthirūpakādīni disvā ‘‘kassetaṃ kamma’’nti pucchitvā ‘‘pīṭhasappino’’ti sutvā taṃ pakkosāpetvā āha – ‘‘mayhaṃ purohito atimukharo appamattakepi vutte bahuṃ bhaṇanto maṃ upaddaveti, sakkhissasi tassa mukhe nāḷimattā ajalaṇḍikā khipitu’’nti? ‘‘Sakkhissāmi, deva. Ajalaṇḍikā āharāpetvā purohitena saddhiṃ tumhe antosāṇiyaṃ nisīdatha, ahamettha kattabbaṃ jānissāmī’’ti. Atha rājā tathā kāresi. Itaro kattariyaggena sāṇiyā chiddaṃ katvā purohitassa raññā saddhiṃ kathentassa mukhe vivaṭamatte ekekaṃ ajalaṇḍikaṃ khipi. Purohito mukhaṃ paviṭṭhaṃ paviṭṭhaṃ gili. Pīṭhasappī khīṇāsu ajalaṇḍikāsu sāṇiṃ cālesi. Rājā tāya saññāya ajalaṇḍikānaṃ khīṇabhāvaṃ ñatvā āha – ‘‘ācariya, ahaṃ tumhehi saddhiṃ kathento kathaṃ nittharituṃ na sakkhissāmi, tumhe atimukharatāya nāḷimattā ajalaṇḍikā gilantāpi tuṇhībhāvaṃ nāpajjathā’’ti. Brāhmaṇo maṅguubhāvaṃ āpajjitvā tato paṭṭhāya mukhaṃ vivaritvā raññā saddhiṃ sallapituṃ nasakkhi. Rājā pīṭhasappiguṇaṃ anussaritvā taṃ pakkosāpetvā ‘‘taṃ nissāya me sukhaṃ laddha’’nti tuṭṭho tassa sabbaṭṭhakaṃ nāma dhanaṃ datvā nagarassa catūsu disāsu cattāro varagāme adāsi. Tamatthaṃ viditvā rañño atthadhammānusāsako amacco imaṃ gāthamāha –

    ‘‘саад̇ху ко сиббагам̣ наама, аби яаад̣̇иса гийд̣̇исам̣;

    ‘‘Sādhu kho sippakaṃ nāma, api yādisa kīdisaṃ;

    басса кан̃ж̇аббахаарзна, лад̣̇д̇хаа г̇аамаа жад̇уд̣̇д̣̇исаа’’д̇и. (ж̇аа. 1.1.107);

    Passa khañjappahārena, laddhā gāmā catuddisā’’ti. (jā. 1.1.107);

    со бана амажжо д̇зна самаязна аяамзва бхаг̇аваа ахоси. ат̇зго бурисо бийтасаббинаа лад̣̇д̇хасамбад̇д̇им̣ д̣̇исваа жинд̇зси – ‘‘аяам̣ наама бийтасаббий худ̇ваа имам̣ сиббам̣ ниссааяа махаасамбад̇д̇им̣ бад̇д̇о, маяаабзд̇ам̣ сигкид̇ум̣ ваддад̇ий’’д̇и. со д̇ам̣ убасан̇гамид̇ваа ванд̣̇ид̇ваа ‘‘ид̣̇ам̣ мз , аажарияа, сиббам̣ д̣̇зт̇аа’’д̇и ааха. ‘‘на саггаа, д̇аад̇а, д̣̇аад̇у’’нд̇и. со д̇зна бадигкид̇д̇о ‘‘ход̇у, аараад̇хзссаами на’’нд̇и д̇асса хад̇т̇абаад̣̇абаригаммаад̣̇ийни гаронд̇о жирассам̣ д̇ам̣ аараад̇хзд̇ваа бунаббунам̣ яаажи, бийтасаббий ‘‘аяам̣ мз ад̇ивияа убагааро’’д̇и д̇ам̣ бадиб̣аахид̇ум̣ асаггонд̇о сиббам̣ сигкаабзд̇ваа ‘‘нибпаннам̣ д̇з, д̇аад̇а, сиббам̣, ид̣̇аани гим̣ гариссасий’’д̇и ааха. ‘‘б̣ахи г̇анд̇ваа сиббам̣ виймам̣сиссаамий’’д̇и. ‘‘гим̣ гариссасий’’д̇и? ‘‘г̇аавим̣ ваа мануссам̣ ваа бахарид̇ваа маарзссаамий’’д̇и. ‘‘д̇аад̇аа, г̇аавим̣ маарзнд̇асса сад̇ам̣ д̣̇ан̣д̣о ход̇и мануссам̣ маарзнд̇асса сахассам̣, д̇вам̣ сабуд̇д̇ад̣̇аароби д̇ам̣ нид̇т̇арид̇ум̣ на сагкиссаси, маа винасса, яамхи бахадз д̣̇ан̣д̣о над̇т̇и, д̇аад̣̇исам̣ нимаад̇аабид̇игам̣ ган̃жи убад̇хаарзхий’’д̇и. со ‘‘саад̇хуу’’д̇и сагкараа ужчан̇г̇з гад̇ваа д̇аад̣̇исам̣ убад̇хаараяамаано вижаранд̇о г̇аавим̣ д̣̇исваа ‘‘аяам̣ сасаамигаа’’д̇и бахарид̇ум̣ на висахи, мануссам̣ д̣̇исваа ‘‘аяам̣ самаад̇аабид̇иго’’д̇и бахарид̇ум̣ на висад̇и.

    So pana amacco tena samayena ayameva bhagavā ahosi. Atheko puriso pīṭhasappinā laddhasampattiṃ disvā cintesi – ‘‘ayaṃ nāma pīṭhasappī hutvā imaṃ sippaṃ nissāya mahāsampattiṃ patto, mayāpetaṃ sikkhituṃ vaṭṭatī’’ti. So taṃ upasaṅkamitvā vanditvā ‘‘idaṃ me , ācariya, sippaṃ dethā’’ti āha. ‘‘Na sakkā, tāta, dātu’’nti. So tena paṭikkhitto ‘‘hotu, ārādhessāmi na’’nti tassa hatthapādaparikammādīni karonto cirassaṃ taṃ ārādhetvā punappunaṃ yāci, pīṭhasappī ‘‘ayaṃ me ativiya upakāro’’ti taṃ paṭibāhituṃ asakkonto sippaṃ sikkhāpetvā ‘‘nipphannaṃ te, tāta, sippaṃ, idāni kiṃ karissasī’’ti āha. ‘‘Bahi gantvā sippaṃ vīmaṃsissāmī’’ti. ‘‘Kiṃ karissasī’’ti? ‘‘Gāviṃ vā manussaṃ vā paharitvā māressāmī’’ti. ‘‘Tātā, gāviṃ mārentassa sataṃ daṇḍo hoti manussaṃ mārentassa sahassaṃ, tvaṃ saputtadāropi taṃ nittharituṃ na sakkhissasi, mā vinassa, yamhi pahaṭe daṇḍo natthi, tādisaṃ nimātāpitikaṃ kañci upadhārehī’’ti. So ‘‘sādhū’’ti sakkharā ucchaṅge katvā tādisaṃ upadhārayamāno vicaranto gāviṃ disvā ‘‘ayaṃ sasāmikā’’ti paharituṃ na visahi, manussaṃ disvā ‘‘ayaṃ samātāpitiko’’ti paharituṃ na visati.

    д̇зна самаязна сунзд̇д̇о наама бажжзгаб̣уд̣̇д̇хо д̇ам̣ наг̇арам̣ ниссааяа бан̣н̣асаалааяа вихарад̇и. со д̇ам̣ бин̣д̣ааяа бависанд̇ам̣ наг̇арад̣̇вааранд̇арз д̣̇исваа ‘‘аяам̣ нимаад̇аабид̇иго, имасмим̣ бахадз д̣̇ан̣д̣о над̇т̇и, имам̣ бахарид̇ваа сиббам̣ виймам̣сиссаамий’’д̇и бажжзгаб̣уд̣̇д̇хасса д̣̇агкин̣аган̣н̣асод̇ам̣ санд̇хааяа сагкарам̣ киби. саа д̣̇агкин̣аган̣н̣асод̇зна бависид̇ваа ваамзна нигками, д̣̇угкаа взд̣̇анаа уббаж̇ж̇и. бажжзгаб̣уд̣̇д̇хо бхигкааяа жарид̇ум̣ наасагки, аагаасзна бан̣н̣асаалам̣ г̇анд̇ваа бариниб̣б̣ааяи. мануссаа бажжзгаб̣уд̣̇д̇хз анааг̇ажчанд̇з ‘‘гин̃жи апаасугам̣ бхависсад̇ий’’д̇и жинд̇зд̇ваа д̇ад̇т̇а г̇анд̇ваа д̇ам̣ бариниб̣б̣уд̇ам̣ д̣̇исваа род̣̇им̣су барид̣̇звим̣су. соби махааж̇анам̣ г̇ажчанд̇ам̣ д̣̇исваа д̇ад̇т̇а г̇анд̇ваа бажжзгаб̣уд̣̇д̇хам̣ сан̃ж̇аанид̇ваа ‘‘аяам̣ бин̣д̣ааяа бависанд̇о д̣̇вааранд̇арз мама саммукийбхууд̇о, ахам̣ ад̇д̇ано сиббам̣ виймам̣санд̇о имам̣ бахари’’нд̇и ааха. мануссаа ‘‘иминаа гира баабагзна бажжзгаб̣уд̣̇д̇хо бахадо, г̇ан̣хат̇а г̇ан̣хат̇аа’’д̇и бот̇зд̇ваа д̇ад̇т̇зва нам̣ ж̇ийвид̇агкаяам̣ баабзсум̣. со авийжимхи ниб̣б̣ад̇д̇ид̇ваа яаавааяам̣ махаабат̇авий яож̇анамад̇д̇ам̣ уссаннаа, д̇аава бажжид̇ваа вибаагаавасзсзна г̇иж̇жхагуудамад̇т̇агз садтигуудабзд̇о худ̇ваа ниб̣б̣ад̇д̇и. сад̇т̇аа д̇асса имам̣ буб̣б̣агаммам̣ гат̇зд̇ваа, ‘‘бхигкавз, б̣ааласса наама сиббам̣ ваа иссарияам̣ ваа уббаж̇ж̇амаанам̣ анад̇т̇ааяа уббаж̇ж̇ад̇и. б̣аало хи сиббам̣ ваа иссарияам̣ ваа лабхид̇ваа ад̇д̇ано анад̇т̇амзва гарод̇ий’’д̇и анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха.

    Tena samayena sunetto nāma paccekabuddho taṃ nagaraṃ nissāya paṇṇasālāya viharati. So taṃ piṇḍāya pavisantaṃ nagaradvārantare disvā ‘‘ayaṃ nimātāpitiko, imasmiṃ pahaṭe daṇḍo natthi, imaṃ paharitvā sippaṃ vīmaṃsissāmī’’ti paccekabuddhassa dakkhiṇakaṇṇasotaṃ sandhāya sakkharaṃ khipi. Sā dakkhiṇakaṇṇasotena pavisitvā vāmena nikkhami, dukkhā vedanā uppajji. Paccekabuddho bhikkhāya carituṃ nāsakkhi, ākāsena paṇṇasālaṃ gantvā parinibbāyi. Manussā paccekabuddhe anāgacchante ‘‘kiñci aphāsukaṃ bhavissatī’’ti cintetvā tattha gantvā taṃ parinibbutaṃ disvā rodiṃsu parideviṃsu. Sopi mahājanaṃ gacchantaṃ disvā tattha gantvā paccekabuddhaṃ sañjānitvā ‘‘ayaṃ piṇḍāya pavisanto dvārantare mama sammukhībhūto, ahaṃ attano sippaṃ vīmaṃsanto imaṃ pahari’’nti āha. Manussā ‘‘iminā kira pāpakena paccekabuddho pahaṭo, gaṇhatha gaṇhathā’’ti pothetvā tattheva naṃ jīvitakkhayaṃ pāpesuṃ. So avīcimhi nibbattitvā yāvāyaṃ mahāpathavī yojanamattaṃ ussannā, tāva paccitvā vipākāvasesena gijjhakūṭamatthake saṭṭhikūṭapeto hutvā nibbatti. Satthā tassa imaṃ pubbakammaṃ kathetvā, ‘‘bhikkhave, bālassa nāma sippaṃ vā issariyaṃ vā uppajjamānaṃ anatthāya uppajjati. Bālo hi sippaṃ vā issariyaṃ vā labhitvā attano anatthameva karotī’’ti anusandhiṃ ghaṭetvā dhammaṃ desento imaṃ gāthamāha.

    72.

    72.

    ‘‘яаавад̣̇зва анад̇т̇ааяа, н̃ад̇д̇ам̣ б̣ааласса ж̇ааяад̇и;

    ‘‘Yāvadeva anatthāya, ñattaṃ bālassa jāyati;

    ханд̇и б̣ааласса суггам̣сам̣, муд̣̇д̇хамасса вибаад̇аяа’’нд̇и.

    Hanti bālassa sukkaṃsaṃ, muddhamassa vipātaya’’nti.

    д̇ад̇т̇а яаавад̣̇зваад̇и авад̇хибарижчзд̣̇анад̇т̇з нибаад̇о. н̃ад̇д̇анд̇и ж̇аананасабхааво. яам̣ сиббам̣ ж̇аанаад̇и , яамхи ваа иссарияз яасз самбад̇д̇ияан̃жа тид̇о ж̇анзна н̃ааяад̇и, баагадо бан̃н̃аад̇о ход̇и, д̇ассзд̇ам̣ наамам̣. сиббам̣ ваа хи иссарияаад̣̇ибхааво ваа б̣ааласса анад̇т̇ааязва ж̇ааяад̇и. д̇ам̣ ниссааяа со ад̇д̇ано анад̇т̇амзва гарод̇и. ханд̇ийд̇и винаасзд̇и. суггам̣санд̇и гусалагодтаасам̣, б̣ааласса хи сиббам̣ ваа иссарияам̣ ваа уббаж̇ж̇амаанам̣ гусалагодтаасам̣ гхаад̇знд̇амзва уббаж̇ж̇ад̇и. муд̣̇д̇ханд̇и бан̃н̃ааязд̇ам̣ наамам̣. вибаад̇аяанд̇и вид̣̇д̇хам̣саяамаанам̣. д̇асса хи д̇ам̣ суггам̣сам̣ хананд̇ам̣ бан̃н̃аасан̇каад̇ам̣ муд̣̇д̇хам̣ вибаад̇знд̇ам̣ вид̣̇д̇хам̣сзнд̇амзва ханд̇ийд̇и.

    Tattha yāvadevāti avadhiparicchedanatthe nipāto. Ñattanti jānanasabhāvo. Yaṃ sippaṃ jānāti , yamhi vā issariye yase sampattiyañca ṭhito janena ñāyati, pākaṭo paññāto hoti, tassetaṃ nāmaṃ. Sippaṃ vā hi issariyādibhāvo vā bālassa anatthāyeva jāyati. Taṃ nissāya so attano anatthameva karoti. Hantīti vināseti. Sukkaṃsanti kusalakoṭṭhāsaṃ, bālassa hi sippaṃ vā issariyaṃ vā uppajjamānaṃ kusalakoṭṭhāsaṃ ghātentameva uppajjati. Muddhanti paññāyetaṃ nāmaṃ. Vipātayanti viddhaṃsayamānaṃ. Tassa hi taṃ sukkaṃsaṃ hanantaṃ paññāsaṅkhātaṃ muddhaṃ vipātentaṃ viddhaṃsentameva hantīti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣су.

    Desanāvasāne bahū sotāpattiphalādīni pāpuṇiṃsu.

    садтигуудабзд̇авад̇т̇у д̇зрасамам̣.

    Saṭṭhikūṭapetavatthu terasamaṃ.

    14. жид̇д̇аг̇ахабад̇ивад̇т̇у

    14. Cittagahapativatthu

    асанд̇ам̣ бхааванамижчзяяаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о суд̇хаммад̇т̇зрам̣ аараб̣бха гат̇зси. д̣̇зсанаа мажчигаасан̣д̣з самудтааяа саавад̇т̇ияам̣ нидтид̇аа.

    Asantaṃbhāvanamiccheyyāti imaṃ dhammadesanaṃ satthā jetavane viharanto sudhammattheraṃ ārabbha kathesi. Desanā macchikāsaṇḍe samuṭṭhāya sāvatthiyaṃ niṭṭhitā.

    мажчигаасан̣д̣анаг̇арасмин̃хи жид̇д̇о наама г̇ахабад̇и бан̃жаваг̇г̇ияаанам̣ аб̣бханд̇арам̣ махаанаамад̇т̇зрам̣ наама бин̣д̣ааяа жарамаанам̣ д̣̇исваа д̇асса ирияаабат̇з басийд̣̇ид̇ваа бад̇д̇ам̣ аад̣̇ааяа г̇зхам̣ бавзсзд̇ваа бхож̇зд̇ваа бхад̇д̇агижжаавасаанз д̇хаммагат̇ам̣ сун̣анд̇о сод̇аабад̇д̇ипалам̣ бад̇ваа ажаласад̣̇д̇хо худ̇ваа амб̣аадагаванам̣ наама ад̇д̇ано уяяаанам̣ сан̇гхаараамам̣ гад̇д̇угаамо т̇зрасса хад̇т̇з уд̣̇агам̣ баад̇зд̇ваа нияяаад̣̇зси. д̇асмим̣ кан̣з ‘‘бад̇идтид̇ам̣ б̣уд̣̇д̇хасаасана’’нд̇и уд̣̇агабарияанд̇ам̣ гад̇ваа махаабат̇авий гамби. махаасздти уяяаанз махаавихаарам̣ гаарзд̇ваа саб̣б̣ад̣̇исаахи ааг̇ад̇аанам̣ бхигкуунам̣ вивадад̣̇вааро ахоси. мажчигаасан̣д̣з суд̇хаммад̇т̇зро наама нзваасиго ахоси.

    Macchikāsaṇḍanagarasmiñhi citto nāma gahapati pañcavaggiyānaṃ abbhantaraṃ mahānāmattheraṃ nāma piṇḍāya caramānaṃ disvā tassa iriyāpathe pasīditvā pattaṃ ādāya gehaṃ pavesetvā bhojetvā bhattakiccāvasāne dhammakathaṃ suṇanto sotāpattiphalaṃ patvā acalasaddho hutvā ambāṭakavanaṃ nāma attano uyyānaṃ saṅghārāmaṃ kattukāmo therassa hatthe udakaṃ pātetvā niyyādesi. Tasmiṃ khaṇe ‘‘patiṭṭhitaṃ buddhasāsana’’nti udakapariyantaṃ katvā mahāpathavī kampi. Mahāseṭṭhi uyyāne mahāvihāraṃ kāretvā sabbadisāhi āgatānaṃ bhikkhūnaṃ vivaṭadvāro ahosi. Macchikāsaṇḍe sudhammatthero nāma nevāsiko ahosi.

    абарзна самаязна жид̇д̇асса г̇ун̣агат̇ам̣ суд̇ваа д̣̇вз аг̇г̇асаавагаа д̇асса сан̇г̇ахам̣ гад̇д̇угаамаа мажчигаасан̣д̣ам̣ аг̇амам̣су. жид̇д̇о г̇ахабад̇и д̇зсам̣ ааг̇аманам̣ суд̇ваа ад̣дхаяож̇анамаг̇г̇ам̣ бажжуг̇г̇анд̇ваа д̇з аад̣̇ааяа ад̇д̇ано вихаарам̣ бавзсзд̇ваа ааг̇анд̇угавад̇д̇ам̣ гад̇ваа, ‘‘бханд̇з, т̇огам̣ д̇хаммагат̇ам̣ сод̇угаамомхий’’д̇и д̇хаммасзнаабад̇им̣ яаажи. ат̇а нам̣ т̇зро, ‘‘убаасага, ад̣̇д̇хаанзна ааг̇ад̇аамхаа гиланд̇аруубаа. абижа т̇огам̣ сун̣аахий’’д̇и д̇асса д̇хаммам̣ гат̇зси. со т̇зрасса д̇хаммам̣ сун̣анд̇ова анааг̇аамипалам̣ баабун̣и. со д̣̇вз аг̇г̇асаавагз ванд̣̇ид̇ваа, ‘‘бханд̇з, свз бхигкусахассзна сад̣̇д̇хим̣ мама г̇зхз бхигкам̣ г̇ан̣хат̇аа’’д̇и ниманд̇зд̇ваа бажчаа нзваасигам̣ суд̇хаммад̇т̇зрам̣ ‘‘д̇умхзби, бханд̇з, свз т̇зрзхи сад̣̇д̇хим̣ ааг̇ажчзяяаат̇аа’’д̇и ниманд̇зси. со ‘‘аяам̣ мам̣ бажчаа ниманд̇зд̇ий’’д̇и гуд̣̇д̇хо бадигкибид̇ваа бунаббунам̣ яаажияамааноби бадигкиби зва. убаасаго ‘‘бан̃н̃ааяиссат̇а, бханд̇з’’д̇и баггамид̇ваа бунад̣̇ивасз ад̇д̇ано нивзсанз махаад̣̇аанам̣ саж̇ж̇зси. суд̇хаммад̇т̇зроби бажжуусагаалзязва ‘‘гийд̣̇исо ну ко г̇ахабад̇инаа аг̇г̇асаавагаанам̣ саггааро саж̇ж̇ид̇о, свз г̇анд̇ваа бассиссаамий’’д̇и жинд̇зд̇ваа баад̇ова бад̇д̇ажийварам̣ аад̣̇ааяа д̇асса г̇зхам̣ аг̇амааси.

    Aparena samayena cittassa guṇakathaṃ sutvā dve aggasāvakā tassa saṅgahaṃ kattukāmā macchikāsaṇḍaṃ agamaṃsu. Citto gahapati tesaṃ āgamanaṃ sutvā aḍḍhayojanamaggaṃ paccuggantvā te ādāya attano vihāraṃ pavesetvā āgantukavattaṃ katvā, ‘‘bhante, thokaṃ dhammakathaṃ sotukāmomhī’’ti dhammasenāpatiṃ yāci. Atha naṃ thero, ‘‘upāsaka, addhānena āgatāmhā kilantarūpā. Apica thokaṃ suṇāhī’’ti tassa dhammaṃ kathesi. So therassa dhammaṃ suṇantova anāgāmiphalaṃ pāpuṇi. So dve aggasāvake vanditvā, ‘‘bhante, sve bhikkhusahassena saddhiṃ mama gehe bhikkhaṃ gaṇhathā’’ti nimantetvā pacchā nevāsikaṃ sudhammattheraṃ ‘‘tumhepi, bhante, sve therehi saddhiṃ āgaccheyyāthā’’ti nimantesi. So ‘‘ayaṃ maṃ pacchā nimantetī’’ti kuddho paṭikkhipitvā punappunaṃ yāciyamānopi paṭikkhipi eva. Upāsako ‘‘paññāyissatha, bhante’’ti pakkamitvā punadivase attano nivesane mahādānaṃ sajjesi. Sudhammattheropi paccūsakāleyeva ‘‘kīdiso nu kho gahapatinā aggasāvakānaṃ sakkāro sajjito, sve gantvā passissāmī’’ti cintetvā pātova pattacīvaraṃ ādāya tassa gehaṃ agamāsi.

    со г̇ахабад̇инаа ‘‘нисийд̣̇ат̇а, бханд̇з’’д̇и вужжамааноби ‘‘наахам̣ нисийд̣̇аами, бин̣д̣ааяа жариссаамий’’д̇и вад̇ваа аг̇г̇асаавагаанам̣ бадияаад̣̇ид̇ам̣ саггаарам̣ ологзд̇ваа г̇ахабад̇им̣ ж̇аад̇ияаа гхаддзд̇угаамо ‘‘ул̣ааро д̇з, г̇ахабад̇и, саггааро, абижзд̇т̇а зган̃н̃зва над̇т̇ий’’д̇и ааха. ‘‘гим̣, бханд̇з’’д̇и? ‘‘д̇иласам̣г̇ул̣игаа, г̇ахабад̇ий’’д̇и вад̇ваа г̇ахабад̇инаа гаагобамааяа абасаад̣̇ид̇о гуж̇жхид̇ваа ‘‘зсо д̇з, г̇ахабад̇и, ааваасо, баггамиссаамаха’’нд̇и вад̇ваа яаавад̇ад̇ияам̣ ваарияамааноби баггамид̇ваа сад̇т̇у санд̇игам̣ г̇анд̇ваа жид̇д̇зна жа ад̇д̇анаа жа вуд̇д̇аважанам̣ аарожзси. сад̇т̇аа ‘‘д̇аяаа убаасаго сад̣̇д̇хо басанно хийнзна кум̣сид̇о’’д̇и д̇ассзва д̣̇осам̣ ааробзд̇ваа бадисааран̣ийяагаммам̣ гаараабзд̇ваа ‘‘г̇ажча, жид̇д̇аг̇ахабад̇им̣ камаабзхий’’д̇и бзсзси. со д̇ад̇т̇а г̇анд̇ваа, ‘‘г̇ахабад̇и, маяхамзва со д̣̇осо, камаахи мз’’д̇и вад̇вааби ‘‘наахам̣ камаамий’’д̇и д̇зна бадигкид̇д̇о ман̇губхууд̇о д̇ам̣ камаабзд̇ум̣ наасагки. бунад̣̇зва сад̇т̇у санд̇игам̣ бажжааг̇амааси. сад̇т̇аа ‘‘наасса убаасаго камиссад̇ий’’д̇и ж̇аананд̇оби ‘‘маанат̇ад̣̇д̇хо зса, д̇им̣саяож̇анам̣ д̇аава маг̇г̇ам̣ г̇анд̇ваа бажжааг̇ажчад̇уу’’д̇и камануубааяам̣ анаажигкид̇ваава уяяож̇зси. ат̇асса бунааг̇ад̇агаалз нихад̇амаанасса ануд̣̇ууд̇ам̣ д̣̇ад̇ваа ‘‘г̇ажча, иминаа сад̣̇д̇хим̣ г̇анд̇ваа убаасагам̣ камаабзхий’’д̇и вад̇ваа ‘‘саман̣зна наама ‘маяхам̣ вихааро, маяхам̣ ниваасадтаанам̣, маяхам̣ убаасаго, маяхам̣ убаасигаа’д̇и маанам̣ ваа иссам̣ ваа гаад̇ум̣ на ваддад̇и. звам̣ гаронд̇асса хи ижчаамаанаад̣̇аяо гилзсаа вад̣дханд̇ий’’д̇и анусанд̇хим̣ гхаддзд̇ваа д̇хаммам̣ д̣̇зсзнд̇о имаа г̇аат̇аа абхааси –

    So gahapatinā ‘‘nisīdatha, bhante’’ti vuccamānopi ‘‘nāhaṃ nisīdāmi, piṇḍāya carissāmī’’ti vatvā aggasāvakānaṃ paṭiyāditaṃ sakkāraṃ oloketvā gahapatiṃ jātiyā ghaṭṭetukāmo ‘‘uḷāro te, gahapati, sakkāro, apicettha ekaññeva natthī’’ti āha. ‘‘Kiṃ, bhante’’ti? ‘‘Tilasaṃguḷikā, gahapatī’’ti vatvā gahapatinā kākopamāya apasādito kujjhitvā ‘‘eso te, gahapati, āvāso, pakkamissāmaha’’nti vatvā yāvatatiyaṃ vāriyamānopi pakkamitvā satthu santikaṃ gantvā cittena ca attanā ca vuttavacanaṃ ārocesi. Satthā ‘‘tayā upāsako saddho pasanno hīnena khuṃsito’’ti tasseva dosaṃ āropetvā paṭisāraṇīyakammaṃ kārāpetvā ‘‘gaccha, cittagahapatiṃ khamāpehī’’ti pesesi. So tattha gantvā, ‘‘gahapati, mayhameva so doso, khamāhi me’’ti vatvāpi ‘‘nāhaṃ khamāmī’’ti tena paṭikkhitto maṅkubhūto taṃ khamāpetuṃ nāsakkhi. Punadeva satthu santikaṃ paccāgamāsi. Satthā ‘‘nāssa upāsako khamissatī’’ti jānantopi ‘‘mānathaddho esa, tiṃsayojanaṃ tāva maggaṃ gantvā paccāgacchatū’’ti khamanūpāyaṃ anācikkhitvāva uyyojesi. Athassa punāgatakāle nihatamānassa anudūtaṃ datvā ‘‘gaccha, iminā saddhiṃ gantvā upāsakaṃ khamāpehī’’ti vatvā ‘‘samaṇena nāma ‘mayhaṃ vihāro, mayhaṃ nivāsaṭṭhānaṃ, mayhaṃ upāsako, mayhaṃ upāsikā’ti mānaṃ vā issaṃ vā kātuṃ na vaṭṭati. Evaṃ karontassa hi icchāmānādayo kilesā vaḍḍhantī’’ti anusandhiṃ ghaṭṭetvā dhammaṃ desento imā gāthā abhāsi –

    73.

    73.

    ‘‘асанд̇ам̣ бхааванамижчзяяа, бурзгкааран̃жа бхигкусу;

    ‘‘Asantaṃ bhāvanamiccheyya, purekkhārañca bhikkhusu;

    ааваасзсу иссарияам̣, бууж̇аа барагулзсу жа.

    Āvāsesu issariyaṃ, pūjā parakulesu ca.

    74.

    74.

    ‘‘мамзва гад̇а ман̃н̃анд̇у, г̇ихий баб̣б̣аж̇ид̇аа убхо.

    ‘‘Mameva kata maññantu, gihī pabbajitā ubho.

    мамзваад̇ивасаа ассу, гижжаагижжзсу гисмижи;

    Mamevātivasā assu, kiccākiccesu kismici;

    ид̇и б̣ааласса сан̇габбо, ижчаа маано жа вад̣дхад̇ий’’д̇и.

    Iti bālassa saṅkappo, icchā māno ca vaḍḍhatī’’ti.

    д̇ад̇т̇а асанд̇анд̇и яо б̣аало бхигку авиж̇ж̇амаанам̣ самбхааванам̣ ижчзяяа, ‘‘ассад̣̇д̇хова самаано ‘сад̣̇д̇ход̇и мам̣ ж̇ано ж̇аанаад̇уу’д̇и ижчад̇ий’’д̇и. баабижчад̇аанид̣̇д̣̇зсз (вибха. 851) вуд̇д̇анаязнзва б̣аало ‘‘асад̣̇д̇хо д̣̇уссийло аббассуд̇о аббавивид̇д̇о гусийд̇о анубадтид̇ассад̇и асамаахид̇о д̣̇уббан̃н̃о акийн̣аасавова самаано ‘ахо вад̇а мам̣ ж̇ано аяам̣ сад̣̇д̇хо, сийлаваа, б̣ахуссуд̇о, бавивид̇д̇о, аарад̣̇д̇хавийрияо, убадтид̇ассад̇и, самаахид̇о, бан̃н̃аваа , кийн̣аасаво’д̇и ж̇аанзяяаа’’д̇и ид̣̇ам̣ асанд̇асамбхааванам̣ ижчад̇и. бурзгкааранд̇и бариваарам̣. ‘‘ахо вад̇а мам̣ сагалавихаарз бхигкуу бариваарзд̇ваа бан̃хам̣ бужчанд̇аа вихарзяяу’’нд̇и звам̣ ижчаажаарз тад̇ваа бурзгкааран̃жа бхигкуусу ижчад̇и. ааваасзсууд̇и сан̇гхигзсу жа ааваасзсу яаани вихаарамаж̇жхз бан̣ийд̇асзнаасанаани, д̇аани ад̇д̇ано санд̣̇идтасамбхад̇д̇аад̣̇ийнам̣ бхигкуунам̣ ‘‘д̇умхз ид̇ха васат̇аа’’д̇и вижаарзнд̇о саяамби варад̇арам̣ сзнаасанам̣ балиб̣од̇хзнд̇о, сзсаанам̣ ааг̇анд̇угабхигкуунам̣ бажжанд̇имаани лаамагасзнаасанаани жзва амануссабариг̇г̇ахид̇аани жа ‘‘д̇умхз ид̇ха васат̇аа’’д̇и вижаарзнд̇о ааваасзсу иссарияам̣ ижчад̇и. бууж̇аа барагулзсу жаад̇и нзва маад̇аабид̇уунам̣ на н̃аад̇агаанам̣ барзсуязва гулзсу ‘‘ахо вад̇имз маяхамзва д̣̇ад̣̇зяяум̣, на ан̃н̃зса’’нд̇и звам̣ жад̇уббажжаязхи бууж̇ам̣ ижчад̇и.

    Tattha asantanti yo bālo bhikkhu avijjamānaṃ sambhāvanaṃ iccheyya, ‘‘assaddhova samāno ‘saddhoti maṃ jano jānātū’ti icchatī’’ti. Pāpicchatāniddese (vibha. 851) vuttanayeneva bālo ‘‘asaddho dussīlo appassuto appavivitto kusīto anupaṭṭhitassati asamāhito duppañño akhīṇāsavova samāno ‘aho vata maṃ jano ayaṃ saddho, sīlavā, bahussuto, pavivitto, āraddhavīriyo, upaṭṭhitassati, samāhito, paññavā , khīṇāsavo’ti jāneyyā’’ti idaṃ asantasambhāvanaṃ icchati. Purekkhāranti parivāraṃ. ‘‘Aho vata maṃ sakalavihāre bhikkhū parivāretvā pañhaṃ pucchantā vihareyyu’’nti evaṃ icchācāre ṭhatvā purekkhārañca bhikkhūsu icchati. Āvāsesūti saṅghikesu ca āvāsesu yāni vihāramajjhe paṇītasenāsanāni, tāni attano sandiṭṭhasambhattādīnaṃ bhikkhūnaṃ ‘‘tumhe idha vasathā’’ti vicārento sayampi varataraṃ senāsanaṃ palibodhento, sesānaṃ āgantukabhikkhūnaṃ paccantimāni lāmakasenāsanāni ceva amanussapariggahitāni ca ‘‘tumhe idha vasathā’’ti vicārento āvāsesu issariyaṃ icchati. Pūjā parakulesu cāti neva mātāpitūnaṃ na ñātakānaṃ paresuyeva kulesu ‘‘aho vatime mayhameva dadeyyuṃ, na aññesa’’nti evaṃ catuppaccayehi pūjaṃ icchati.

    мамзва гад̇а ман̃н̃анд̇ууд̇и яасса жа б̣ааласса ‘‘яам̣гин̃жи вихаарз убосат̇ааг̇аараад̣̇игаран̣авасзна гад̇ам̣ навагаммам̣, д̇ам̣ саб̣б̣ам̣ амхаагам̣ т̇зрзна гад̇анд̇и звам̣ г̇ихий жа баб̣б̣аж̇ид̇аа жа убхоби мамзва ниссааяа гад̇ам̣ баригаммам̣ нидтид̇ам̣ ман̃н̃анд̇уу’’д̇и сан̇габбо уббаж̇ж̇ад̇и. мамзваад̇ивасаа ассууд̇и ‘‘г̇ихий жа баб̣б̣аж̇ид̇аа жа саб̣б̣зби мамзва васз вад̇д̇анд̇у, сагадаг̇он̣аваасипарасуаад̣̇ийни ваа лад̣̇д̇хаб̣б̣аани хонд̇у, анд̇амасо яааг̇умад̇д̇амби д̇аабзд̇ваа биванаад̣̇ийни ваа, зваруубзсу гижжаагижжзсу куд̣̇д̣̇агамаханд̇зсу гаран̣ийязсу гисмин̃жи згагижжзби мамзва васз вад̇д̇анд̇у, мамзва аабужчид̇ваа гаронд̇уу’’д̇и сан̇габбо уббаж̇ж̇ад̇и. ид̇и б̣аалассаад̇и яасса б̣ааласса саа жа ижчаа аяан̃жа зваруубо сан̇габбо уббаж̇ж̇ад̇и, д̇асса нзва вибассанаа, на маг̇г̇апалаани вад̣дханд̇и. гзвалам̣ банасса жанд̣̇од̣̇аяз самуд̣̇д̣̇асса уд̣̇агам̣ вияа часу д̣̇ваарзсу уббаж̇ж̇амаанаа д̇ан̣хаа жзва нававид̇хамаано жа вад̣дхад̇ийд̇и.

    Mameva kata maññantūti yassa ca bālassa ‘‘yaṃkiñci vihāre uposathāgārādikaraṇavasena kataṃ navakammaṃ, taṃ sabbaṃ amhākaṃ therena katanti evaṃ gihī ca pabbajitā ca ubhopi mameva nissāya kataṃ parikammaṃ niṭṭhitaṃ maññantū’’ti saṅkappo uppajjati. Mamevātivasā assūti ‘‘gihī ca pabbajitā ca sabbepi mameva vase vattantu, sakaṭagoṇavāsipharasuādīni vā laddhabbāni hontu, antamaso yāgumattampi tāpetvā pivanādīni vā, evarūpesu kiccākiccesu khuddakamahantesu karaṇīyesu kismiñci ekakiccepi mameva vase vattantu, mameva āpucchitvā karontū’’ti saṅkappo uppajjati. Iti bālassāti yassa bālassa sā ca icchā ayañca evarūpo saṅkappo uppajjati, tassa neva vipassanā, na maggaphalāni vaḍḍhanti. Kevalaṃ panassa candodaye samuddassa udakaṃ viya chasu dvāresu uppajjamānā taṇhā ceva navavidhamāno ca vaḍḍhatīti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    суд̇хаммад̇т̇зроби имам̣ оваад̣̇ам̣ суд̇ваа сад̇т̇аарам̣ ванд̣̇ид̇ваа удтааяаасанаа бад̣̇агкин̣ам̣ гад̇ваа д̇зна ануд̣̇ууд̇зна бхигкунаа сад̣̇д̇хим̣ г̇анд̇ваа убаасагасса жагкубат̇з аабад̇д̇им̣ бадигарид̇ваа убаасагам̣ камаабзси. со убаасагзна ‘‘камаамахам̣, бханд̇з, сажз маяхам̣ д̣̇осо ад̇т̇и, камат̇а мз’’д̇и бадикамаабид̇о сад̇т̇аараа д̣̇иннз оваад̣̇з тад̇ваа гад̇ибаахзнзва саха бадисамбхид̣̇аахи арахад̇д̇ам̣ баабун̣и. убаасагоби жинд̇зси – ‘‘маяаа сад̇т̇аарам̣ ад̣̇исваава сод̇аабад̇д̇ипалам̣ бад̇д̇ам̣, ад̣̇исваа зва анааг̇аамипалз бад̇идтид̇о, сад̇т̇аарам̣ мз д̣̇адтум̣ ваддад̇ий’’д̇и. со д̇илад̇ан̣д̣уласаббипаан̣ид̇авад̇т̇ажчаад̣̇анаад̣̇ийхи барибуураани бан̃жа сагадасад̇аани яож̇аабзд̇ваа ‘‘сад̇т̇аарам̣ д̣̇адтугаамаа ааг̇ажчанд̇у, бин̣д̣абаад̇аад̣̇ийхи на гиламиссанд̇ий’’д̇и бхигкусан̇гхасса аарожаабзд̇ваа бхигкунийсан̇гхассааби убаасагаанамби убаасигаанамби аарожаабзси. д̇зна сад̣̇д̇хим̣ бан̃жасад̇аа бан̃жасад̇аа бхигкуу жа бхигкунияо жа убаасагаа жа убаасигааяо жа нигкамим̣су. со д̇зсан̃жзва ад̇д̇ано барисааяа жаад̇и д̇ин̣н̣ам̣ ж̇анасахассаанам̣ яат̇аа д̇им̣саяож̇анз маг̇г̇з яааг̇убхад̇д̇аад̣̇ийхи гин̃жи взгаллам̣ на ход̇и, д̇ат̇аа сам̣вид̣̇ахи. д̇асса бана нигканд̇абхаавам̣ н̃ад̇ваа яож̇анз яож̇анз д̣̇звад̇аа канд̇хааваарам̣ б̣анд̇хид̇ваа д̣̇иб̣б̣зхи яааг̇укаж̇ж̇агабхад̇д̇абаанагаад̣̇ийхи д̇ам̣ махааж̇анам̣ убадтахим̣су, гассажи гзнажи взгаллам̣ на ход̇и. звам̣ д̣̇звад̇аахи убадтияамаано д̣̇звасигам̣ яож̇анам̣ г̇ажчанд̇о маасзна саавад̇т̇им̣ баабун̣и, бан̃жа сагадасад̇аани яат̇аабуурид̇аанзва ахзсум̣. д̣̇звад̇аахи жзва мануссзхи жа абхихадам̣ бан̣н̣аагаарам̣ виссаж̇ж̇знд̇ова аг̇амааси.

    Sudhammattheropi imaṃ ovādaṃ sutvā satthāraṃ vanditvā uṭṭhāyāsanā padakkhiṇaṃ katvā tena anudūtena bhikkhunā saddhiṃ gantvā upāsakassa cakkhupathe āpattiṃ paṭikaritvā upāsakaṃ khamāpesi. So upāsakena ‘‘khamāmahaṃ, bhante, sace mayhaṃ doso atthi, khamatha me’’ti paṭikhamāpito satthārā dinne ovāde ṭhatvā katipāheneva saha paṭisambhidāhi arahattaṃ pāpuṇi. Upāsakopi cintesi – ‘‘mayā satthāraṃ adisvāva sotāpattiphalaṃ pattaṃ, adisvā eva anāgāmiphale patiṭṭhito, satthāraṃ me daṭṭhuṃ vaṭṭatī’’ti. So tilataṇḍulasappiphāṇitavatthacchādanādīhi paripūrāni pañca sakaṭasatāni yojāpetvā ‘‘satthāraṃ daṭṭhukāmā āgacchantu, piṇḍapātādīhi na kilamissantī’’ti bhikkhusaṅghassa ārocāpetvā bhikkhunīsaṅghassāpi upāsakānampi upāsikānampi ārocāpesi. Tena saddhiṃ pañcasatā pañcasatā bhikkhū ca bhikkhuniyo ca upāsakā ca upāsikāyo ca nikkhamiṃsu. So tesañceva attano parisāya cāti tiṇṇaṃ janasahassānaṃ yathā tiṃsayojane magge yāgubhattādīhi kiñci vekallaṃ na hoti, tathā saṃvidahi. Tassa pana nikkhantabhāvaṃ ñatvā yojane yojane devatā khandhāvāraṃ bandhitvā dibbehi yāgukhajjakabhattapānakādīhi taṃ mahājanaṃ upaṭṭhahiṃsu, kassaci kenaci vekallaṃ na hoti. Evaṃ devatāhi upaṭṭhiyamāno devasikaṃ yojanaṃ gacchanto māsena sāvatthiṃ pāpuṇi, pañca sakaṭasatāni yathāpūritāneva ahesuṃ. Devatāhi ceva manussehi ca abhihaṭaṃ paṇṇākāraṃ vissajjentova agamāsi.

    сад̇т̇аа аананд̣̇ад̇т̇зрам̣ ааха – ‘‘аананд̣̇а, аж̇ж̇а вад̣дхамаанагажчааяааяа жид̇д̇о г̇ахабад̇и бан̃жахи убаасагасад̇зхи баривуд̇о ааг̇анд̇ваа мам̣ ванд̣̇иссад̇ий’’д̇и. ‘‘гим̣ бана, бханд̇з, д̇асса д̇умхаагам̣ ванд̣̇анагаалз гин̃жи баадихаарияам̣ бхависсад̇ий’’д̇и? ‘‘бхависсад̇и, аананд̣̇аа’’д̇и. ‘‘гим̣, бханд̇з’’д̇и? д̇асса ааг̇анд̇ваа ‘‘мам̣ ванд̣̇анагаалз рааж̇амаанзна адтагарийсамад̇д̇з бад̣̇зсз ж̇ан̣н̣угамад̇д̇зна од̇хинаа бан̃жаван̣н̣аанам̣ д̣̇иб̣б̣абубпаанам̣ гханавассам̣ вассиссад̇ий’’д̇и. д̇ам̣ гат̇ам̣ суд̇ваа наг̇араваасино ‘‘звам̣ махаабун̃н̃о гира жид̇д̇о наама г̇ахабад̇и ааг̇анд̇ваа аж̇ж̇а сад̇т̇аарам̣ ванд̣̇иссад̇и, зваруубам̣ гира баадихаарияам̣ бхависсад̇и, маяамби д̇ам̣ махаабун̃н̃ам̣ д̣̇адтум̣ лабхиссаамаа’’д̇и бан̣н̣аагаарам̣ аад̣̇ааяа маг̇г̇асса убхосу бассзсу адтам̣су. вихаарасамийбз ааг̇ад̇агаалз бан̃жа бхигкусад̇аани батамам̣ ааг̇амим̣су. жид̇д̇о г̇ахабад̇и, ‘‘аммаа, д̇умхз бажчад̇о ааг̇ажчат̇аа’’д̇и махааубаасигааяо табзд̇ваа бан̃жахи убаасагасад̇зхи баривуд̇о сад̇т̇у санд̇игам̣ аг̇амааси. б̣уд̣̇д̇хаанам̣ саммукадтаанз бана тид̇аа ваа нисиннаа ваа ид̇о ваа зд̇д̇о ваа на хонд̇и, б̣уд̣̇д̇хавийт̇ияаа д̣̇вийсу бассзсу нижжалаава д̇идтанд̇и. жид̇д̇о г̇ахабад̇и маханд̇ам̣ б̣уд̣̇д̇хавийт̇им̣ оггами. д̇ийн̣и палаани бад̇д̇зна арияасаавагзна ологид̇ологид̇адтаанам̣ гамби. ‘‘зсо гира жид̇д̇о г̇ахабад̇ий’’д̇и махааж̇ано ологзси . со сад̇т̇аарам̣ убасан̇гамид̇ваа чаб̣б̣ан̣н̣аанам̣ б̣уд̣̇д̇харасмийнам̣ анд̇о бависид̇ваа д̣̇вийсу г̇обпагзсу сад̇т̇у баад̣̇з г̇ахзд̇ваа ванд̣̇и. д̇ам̣ кан̣ан̃н̃зва вуд̇д̇аббагаарам̣ бубпавассам̣ васси, саад̇хугаарасахассаани бавад̇д̇аяим̣су. со згамаасам̣ сад̇т̇у санд̇игз васи, васамаано жа сагалам̣ б̣уд̣̇д̇хаббамукам̣ бхигкусан̇гхам̣ вихаарзязва нисийд̣̇аабзд̇ваа махаад̣̇аанам̣ ад̣̇ааси, ад̇д̇анаа сад̣̇д̇хим̣ ааг̇ад̇зби анд̇овихаарзязва гад̇ваа бадиж̇аг̇г̇и. згад̣̇ивасамби ад̇д̇ано сагадзсу гин̃жи г̇ахзд̇аб̣б̣ам̣ наахоси, д̣̇звамануссзхи аабхад̇абан̣н̣аагаарзнзва д̣̇аанам̣ ад̣̇ааси, саб̣б̣агижжаани агааси. со сад̇т̇аарам̣ ванд̣̇ид̇ваа ааха – ‘‘бханд̇з, ахам̣ ‘д̇умхаагам̣ д̣̇аанам̣ д̣̇ассаамий’д̇и ааг̇ажчанд̇о маасам̣ анд̇араамаг̇г̇з ахосим̣. ид̇хзва мз маасо вийд̇ивад̇д̇о, маяаа аабхад̇ам̣ бан̣н̣аагаарам̣ гин̃жи г̇ахзд̇ум̣ на лабхаами, зд̇д̇агам̣ гаалам̣ д̣̇звамануссзхи аабхад̇абан̣н̣аагаарзнзва д̣̇аанам̣ ад̣̇аасим̣, сохам̣ сажзби ид̇ха сам̣важчарам̣ васиссаами, нзва мама д̣̇зяяад̇хаммам̣ д̣̇аад̇ум̣ лабхиссаами. ахам̣ сагадаани од̇аарзд̇ваа г̇анд̇ум̣ ижчаами, бадисааманадтаанам̣ мз аарожаабзт̇аа’’д̇и.

    Satthā ānandattheraṃ āha – ‘‘ānanda, ajja vaḍḍhamānakacchāyāya citto gahapati pañcahi upāsakasatehi parivuto āgantvā maṃ vandissatī’’ti. ‘‘Kiṃ pana, bhante, tassa tumhākaṃ vandanakāle kiñci pāṭihāriyaṃ bhavissatī’’ti? ‘‘Bhavissati, ānandā’’ti. ‘‘Kiṃ, bhante’’ti? Tassa āgantvā ‘‘maṃ vandanakāle rājamānena aṭṭhakarīsamatte padese jaṇṇukamattena odhinā pañcavaṇṇānaṃ dibbapupphānaṃ ghanavassaṃ vassissatī’’ti. Taṃ kathaṃ sutvā nagaravāsino ‘‘evaṃ mahāpuñño kira citto nāma gahapati āgantvā ajja satthāraṃ vandissati, evarūpaṃ kira pāṭihāriyaṃ bhavissati, mayampi taṃ mahāpuññaṃ daṭṭhuṃ labhissāmā’’ti paṇṇākāraṃ ādāya maggassa ubhosu passesu aṭṭhaṃsu. Vihārasamīpe āgatakāle pañca bhikkhusatāni paṭhamaṃ āgamiṃsu. Citto gahapati, ‘‘ammā, tumhe pacchato āgacchathā’’ti mahāupāsikāyo ṭhapetvā pañcahi upāsakasatehi parivuto satthu santikaṃ agamāsi. Buddhānaṃ sammukhaṭṭhāne pana ṭhitā vā nisinnā vā ito vā etto vā na honti, buddhavīthiyā dvīsu passesu niccalāva tiṭṭhanti. Citto gahapati mahantaṃ buddhavīthiṃ okkami. Tīṇi phalāni pattena ariyasāvakena olokitolokitaṭṭhānaṃ kampi. ‘‘Eso kira citto gahapatī’’ti mahājano olokesi . So satthāraṃ upasaṅkamitvā chabbaṇṇānaṃ buddharasmīnaṃ anto pavisitvā dvīsu gopphakesu satthu pāde gahetvā vandi. Taṃ khaṇaññeva vuttappakāraṃ pupphavassaṃ vassi, sādhukārasahassāni pavattayiṃsu. So ekamāsaṃ satthu santike vasi, vasamāno ca sakalaṃ buddhappamukhaṃ bhikkhusaṅghaṃ vihāreyeva nisīdāpetvā mahādānaṃ adāsi, attanā saddhiṃ āgatepi antovihāreyeva katvā paṭijaggi. Ekadivasampi attano sakaṭesu kiñci gahetabbaṃ nāhosi, devamanussehi ābhatapaṇṇākāreneva dānaṃ adāsi, sabbakiccāni akāsi. So satthāraṃ vanditvā āha – ‘‘bhante, ahaṃ ‘tumhākaṃ dānaṃ dassāmī’ti āgacchanto māsaṃ antarāmagge ahosiṃ. Idheva me māso vītivatto, mayā ābhataṃ paṇṇākāraṃ kiñci gahetuṃ na labhāmi, ettakaṃ kālaṃ devamanussehi ābhatapaṇṇākāreneva dānaṃ adāsiṃ, sohaṃ sacepi idha saṃvaccharaṃ vasissāmi, neva mama deyyadhammaṃ dātuṃ labhissāmi. Ahaṃ sakaṭāni otāretvā gantuṃ icchāmi, paṭisāmanaṭṭhānaṃ me ārocāpethā’’ti.

    сад̇т̇аа аананд̣̇ад̇т̇зрам̣ ааха – ‘‘аананд̣̇а, убаасагасса згам̣ бад̣̇зсам̣ д̇ужчам̣ гаарзд̇ваа д̣̇зхий’’д̇и. т̇зро д̇ат̇аа агааси. габбияабхууми (махаава. 295) гира жид̇д̇асса г̇ахабад̇ино анун̃н̃аад̇аа. убаасагоби ад̇д̇анаа сад̣̇д̇хим̣ ааг̇ад̇зхи д̇ийхи ж̇анасахассзхи сад̣̇д̇хим̣ д̇ужчасагадзхи буна маг̇г̇ам̣ бадибаж̇ж̇и. д̣̇звамануссаа удтааяа, ‘‘аяяа, д̇аяаа д̇ужчасагадзхи г̇аманагаммам̣ гад̇а’’нд̇и сад̇д̇ахи рад̇анзхи сагадаани буураяим̣су. со ад̇д̇ано аабхад̇абан̣н̣аагаарзнзва махааж̇анам̣ бадиж̇аг̇г̇анд̇о аг̇амааси. аананд̣̇ад̇т̇зро сад̇т̇аарам̣ ванд̣̇ид̇ваа ааха – ‘‘бханд̇з, д̇умхаагам̣ санд̇игам̣ ааг̇ажчанд̇оби маасзна ааг̇ад̇о, ид̇хааби маасамзва вудто, зд̇д̇агам̣ гаалам̣ д̣̇звамануссзхи абхихадабан̣н̣аагаарзнзва махаавад̣̇аанам̣ ад̣̇ааси, ид̣̇аани бан̃жа сагадасад̇аани д̇ужчаани гад̇ваа маасзнзва гира г̇амиссад̇и, д̣̇звамануссаа банасса удтааяа, ‘аяяа , д̇аяаа д̇ужчасагадзхи г̇аманагаммам̣ гад̇а’нд̇и бан̃жа сагадасад̇аани сад̇д̇арад̇анзхи буураяим̣су. со буна ад̇д̇ано аабхад̇абан̣н̣аагаарзнзва гира махааж̇анам̣ бадиж̇аг̇г̇анд̇о г̇амиссад̇ий’’д̇и. ‘‘гим̣ бана, бханд̇з, зд̇асса д̇умхаагам̣ санд̇игам̣ ааг̇ажчанд̇ассзвааяам̣ саггааро уббаж̇ж̇ад̇и, уд̣̇ааху ан̃н̃ад̇т̇а г̇ажчанд̇ассааби уббаж̇ж̇ад̇ий’’д̇и? ‘‘аананд̣̇а, мама санд̇игам̣ ааг̇ажчанд̇ассааби ан̃н̃ад̇т̇а г̇ажчанд̇ассааби зд̇асса уббаж̇ж̇ад̇зва. аяан̃хи убаасаго сад̣̇д̇хо басанно самбаннасийло, зваруубо буг̇г̇ало яам̣ яам̣ бад̣̇зсам̣ бхаж̇ад̇и, д̇ад̇т̇а д̇ад̇т̇звасса лаабхасаггааро ниб̣б̣ад̇д̇ад̇ий’’д̇и вад̇ваа сад̇т̇аа имам̣ багин̣н̣агаваг̇г̇з г̇аат̇амааха –

    Satthā ānandattheraṃ āha – ‘‘ānanda, upāsakassa ekaṃ padesaṃ tucchaṃ kāretvā dehī’’ti. Thero tathā akāsi. Kappiyabhūmi (mahāva. 295) kira cittassa gahapatino anuññātā. Upāsakopi attanā saddhiṃ āgatehi tīhi janasahassehi saddhiṃ tucchasakaṭehi puna maggaṃ paṭipajji. Devamanussā uṭṭhāya, ‘‘ayya, tayā tucchasakaṭehi gamanakammaṃ kata’’nti sattahi ratanehi sakaṭāni pūrayiṃsu. So attano ābhatapaṇṇākāreneva mahājanaṃ paṭijagganto agamāsi. Ānandatthero satthāraṃ vanditvā āha – ‘‘bhante, tumhākaṃ santikaṃ āgacchantopi māsena āgato, idhāpi māsameva vuṭṭho, ettakaṃ kālaṃ devamanussehi abhihaṭapaṇṇākāreneva mahāvadānaṃ adāsi, idāni pañca sakaṭasatāni tucchāni katvā māseneva kira gamissati, devamanussā panassa uṭṭhāya, ‘ayya , tayā tucchasakaṭehi gamanakammaṃ kata’nti pañca sakaṭasatāni sattaratanehi pūrayiṃsu. So puna attano ābhatapaṇṇākāreneva kira mahājanaṃ paṭijagganto gamissatī’’ti. ‘‘Kiṃ pana, bhante, etassa tumhākaṃ santikaṃ āgacchantassevāyaṃ sakkāro uppajjati, udāhu aññattha gacchantassāpi uppajjatī’’ti? ‘‘Ānanda, mama santikaṃ āgacchantassāpi aññattha gacchantassāpi etassa uppajjateva. Ayañhi upāsako saddho pasanno sampannasīlo, evarūpo puggalo yaṃ yaṃ padesaṃ bhajati, tattha tatthevassa lābhasakkāro nibbattatī’’ti vatvā satthā imaṃ pakiṇṇakavagge gāthamāha –

    ‘‘сад̣̇д̇хо сийлзна самбанно, яасо бхог̇асамаббид̇о;

    ‘‘Saddho sīlena sampanno, yaso bhogasamappito;

    яам̣ яам̣ бад̣̇зсам̣ бхаж̇ад̇и, д̇ад̇т̇а д̇ад̇т̇зва бууж̇ид̇о’’д̇и. (д̇ха. ба. 303);

    Yaṃ yaṃ padesaṃ bhajati, tattha tattheva pūjito’’ti. (dha. pa. 303);

    ад̇т̇о банассаа д̇ад̇т̇зва аавибхависсад̇и.

    Attho panassā tattheva āvibhavissati.

    звам̣ вуд̇д̇з аананд̣̇ад̇т̇зро жид̇д̇асса буб̣б̣агаммам̣ бужчи. ат̇асса сад̇т̇аа аажигканд̇о ааха –

    Evaṃ vutte ānandatthero cittassa pubbakammaṃ pucchi. Athassa satthā ācikkhanto āha –

    аананд̣̇а, аяам̣ бад̣̇умуд̇д̇арасса бхаг̇авад̇о баад̣̇амуулз гад̇аабхинийхааро габбасад̇асахассам̣ д̣̇звамануссзсу сам̣сарид̇ваа гассабаб̣уд̣̇д̇хагаалз миг̇алуд̣̇д̣̇агагулз ниб̣б̣ад̇д̇о вуд̣̇д̇химанвааяа згад̣̇ивасам̣ д̣̇звз вассанд̇з миг̇аанам̣ мааран̣ад̇д̇ааяа сад̇д̇им̣ аад̣̇ааяа аран̃н̃ам̣ г̇анд̇ваа миг̇з ологзнд̇о згасмим̣ агадабаб̣бхаарз сасийсам̣ баарубид̇ваа згам̣ бхигкум̣ нисиннам̣ д̣̇исваа ‘‘зго, аяяо, саман̣ад̇хаммам̣ гаронд̇о нисинно бхависсад̇и, бхад̇д̇амасса аахариссаамий’’д̇и взг̇зна г̇зхам̣ г̇анд̇ваа згасмим̣ уд̣̇д̇ханз хияяо, аабхад̇амам̣сам̣, згасмим̣ бхад̇д̇ам̣ бажаабзд̇ваа ан̃н̃з бин̣д̣абаад̇ажааригз бхигкуу д̣̇исваа д̇зсамби бад̇д̇з аад̣̇ааяа бан̃н̃ад̇д̇аасанз нисийд̣̇аабзд̇ваа бхигкам̣ самбаад̣̇зд̇ваа, ‘‘аяяз, баривисат̇аа’’д̇и ан̃н̃ам̣ аан̣аабзд̇ваа д̇ам̣ бхад̇д̇ам̣ будагз багкибид̇ваа аад̣̇ааяа г̇ажчанд̇о анд̇араамаг̇г̇з наанаабубпаани ожинид̇ваа бад̇д̇абудз гад̇ваа т̇зрасса нисиннадтаанам̣ г̇анд̇ваа ‘‘маяхам̣, бханд̇з, сан̇г̇ахам̣ гарот̇аа’’д̇и вад̇ваа бад̇д̇ам̣ аад̣̇ааяа буурзд̇ваа т̇зрасса хад̇т̇з табзд̇ваа д̇зхи бубпзхи бууж̇ам̣ гад̇ваа ‘‘яат̇аа мз аяам̣ расабин̣д̣абаад̇о бубпабууж̇ааяа сад̣̇д̇хим̣ жид̇д̇ам̣ д̇осзси, звам̣ ниб̣б̣ад̇д̇аниб̣б̣ад̇д̇адтаанз бан̣н̣аагаарасахассаани аад̣̇ааяа ааг̇анд̇ваа маяхам̣ жид̇д̇ам̣ д̇осзнд̇у, бан̃жаван̣н̣агусумавассан̃жа вассад̇уу’’д̇и бад̇т̇анам̣ бадтабзси. со яааваж̇ийвам̣ гусалам̣ гад̇ваа д̣̇звалогз ниб̣б̣ад̇д̇и, ниб̣б̣ад̇д̇адтаанз ж̇ан̣н̣угамад̇д̇зна од̇хинаа д̣̇иб̣б̣абубпавассам̣ васси. ид̣̇аанибисса ж̇аад̇ад̣̇ивасз жзва ид̇ха жа ааг̇ад̇асса бубпавассавассанан̃жа бан̣н̣аагаараабхихааро жа сад̇д̇ахи рад̇анзхи сагадабууран̣ан̃жа д̇ассзва гаммасса ниссанд̣̇од̇и.

    Ānanda, ayaṃ padumuttarassa bhagavato pādamūle katābhinīhāro kappasatasahassaṃ devamanussesu saṃsaritvā kassapabuddhakāle migaluddakakule nibbatto vuddhimanvāya ekadivasaṃ deve vassante migānaṃ māraṇattāya sattiṃ ādāya araññaṃ gantvā mige olokento ekasmiṃ akaṭapabbhāre sasīsaṃ pārupitvā ekaṃ bhikkhuṃ nisinnaṃ disvā ‘‘eko, ayyo, samaṇadhammaṃ karonto nisinno bhavissati, bhattamassa āharissāmī’’ti vegena gehaṃ gantvā ekasmiṃ uddhane hiyyo, ābhatamaṃsaṃ, ekasmiṃ bhattaṃ pacāpetvā aññe piṇḍapātacārike bhikkhū disvā tesampi patte ādāya paññattāsane nisīdāpetvā bhikkhaṃ sampādetvā, ‘‘ayye, parivisathā’’ti aññaṃ āṇāpetvā taṃ bhattaṃ puṭake pakkhipitvā ādāya gacchanto antarāmagge nānāpupphāni ocinitvā pattapuṭe katvā therassa nisinnaṭṭhānaṃ gantvā ‘‘mayhaṃ, bhante, saṅgahaṃ karothā’’ti vatvā pattaṃ ādāya pūretvā therassa hatthe ṭhapetvā tehi pupphehi pūjaṃ katvā ‘‘yathā me ayaṃ rasapiṇḍapāto pupphapūjāya saddhiṃ cittaṃ tosesi, evaṃ nibbattanibbattaṭṭhāne paṇṇākārasahassāni ādāya āgantvā mayhaṃ cittaṃ tosentu, pañcavaṇṇakusumavassañca vassatū’’ti patthanaṃ paṭṭhapesi. So yāvajīvaṃ kusalaṃ katvā devaloke nibbatti, nibbattaṭṭhāne jaṇṇukamattena odhinā dibbapupphavassaṃ vassi. Idānipissa jātadivase ceva idha ca āgatassa pupphavassavassanañca paṇṇākārābhihāro ca sattahi ratanehi sakaṭapūraṇañca tasseva kammassa nissandoti.

    жид̇д̇аг̇ахабад̇ивад̇т̇у жуд̣̇д̣̇асамам̣.

    Cittagahapativatthu cuddasamaṃ.

    15. ванаваасийд̇иссасааман̣зравад̇т̇у

    15. Vanavāsītissasāmaṇeravatthu

    ан̃н̃аа хи лаабхуубанисаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ванаваасигад̇иссад̇т̇зрам̣ аараб̣бха гат̇зси. д̣̇зсанаа рааж̇аг̇ахз самудтид̇аа.

    Aññāhi lābhūpanisāti imaṃ dhammadesanaṃ satthā jetavane viharanto vanavāsikatissattheraṃ ārabbha kathesi. Desanā rājagahe samuṭṭhitā.

    саарибуд̇д̇ад̇т̇зраса гира бид̇у ван̇г̇анд̇аб̣раахман̣асса сахааяаго махаасзнаб̣раахман̣о наама рааж̇аг̇ахз васад̇и. саарибуд̇д̇ад̇т̇зро згад̣̇ивасам̣ бин̣д̣ааяа жаранд̇о д̇асмим̣ анугамбааяа д̇асса г̇зхад̣̇ваарам̣ аг̇амааси. со бана баригкийн̣авибхаво д̣̇алид̣̇д̣̇о. со ‘‘мама буд̇д̇о маяхам̣ г̇зхад̣̇ваарам̣ бин̣д̣ааяа жарид̇ум̣ ааг̇ад̇о бхависсад̇и, ахан̃жамхи д̣̇уг̇г̇ад̇о, маяхам̣ д̣̇уг̇г̇ад̇абхаавам̣ на ж̇аанаад̇и ман̃н̃з, над̇т̇и мз гожи д̣̇зяяад̇хаммо’’д̇и т̇зрасса саммукаа бхавид̇ум̣ асаггонд̇о нилийяи. т̇зро абарамби д̣̇ивасам̣ аг̇амааси, б̣раахман̣о д̇ат̇зва нилийяи. ‘‘гин̃жид̣̇зва лабхид̇ваа д̣̇ассаамий’’д̇и жинд̇знд̇оби наалабхи. ат̇згад̣̇ивасам̣ згасмим̣ б̣раахман̣аваажагз т̇ууласаадагзна сад̣̇д̇хим̣ бааяасабаад̇им̣ лабхид̇ваа аад̣̇ааяа г̇зхам̣ г̇анд̇ваава т̇зрам̣ ануссари, ‘‘имам̣ бин̣д̣абаад̇ам̣ маяаа т̇зрасса д̣̇аад̇ум̣ ваддад̇ий’’д̇и. т̇зроби д̇ам̣ кан̣ам̣ жхаанам̣ самаабаж̇ж̇ид̇ваа самаабад̇д̇ид̇о вудтааяа д̇ам̣ б̣раахман̣ам̣ д̣̇исваа ‘‘б̣раахман̣о д̣̇зяяад̇хаммам̣ лабхид̇ваа мама ааг̇аманам̣ бажжаасийсад̇и, маяаа д̇ад̇т̇а г̇анд̇ум̣ ваддад̇ий’’д̇и сан̇гхаадим̣ баарубид̇ваа бад̇д̇ам̣ аад̣̇ааяа д̇асса г̇зхад̣̇ваарз тид̇амзва ад̇д̇аанам̣ д̣̇ассзси.

    Sāriputtattherasa kira pitu vaṅgantabrāhmaṇassa sahāyako mahāsenabrāhmaṇo nāma rājagahe vasati. Sāriputtatthero ekadivasaṃ piṇḍāya caranto tasmiṃ anukampāya tassa gehadvāraṃ agamāsi. So pana parikkhīṇavibhavo daliddo. So ‘‘mama putto mayhaṃ gehadvāraṃ piṇḍāya carituṃ āgato bhavissati, ahañcamhi duggato, mayhaṃ duggatabhāvaṃ na jānāti maññe, natthi me koci deyyadhammo’’ti therassa sammukhā bhavituṃ asakkonto nilīyi. Thero aparampi divasaṃ agamāsi, brāhmaṇo tatheva nilīyi. ‘‘Kiñcideva labhitvā dassāmī’’ti cintentopi nālabhi. Athekadivasaṃ ekasmiṃ brāhmaṇavācake thūlasāṭakena saddhiṃ pāyasapātiṃ labhitvā ādāya gehaṃ gantvāva theraṃ anussari, ‘‘imaṃ piṇḍapātaṃ mayā therassa dātuṃ vaṭṭatī’’ti. Theropi taṃ khaṇaṃ jhānaṃ samāpajjitvā samāpattito vuṭṭhāya taṃ brāhmaṇaṃ disvā ‘‘brāhmaṇo deyyadhammaṃ labhitvā mama āgamanaṃ paccāsīsati, mayā tattha gantuṃ vaṭṭatī’’ti saṅghāṭiṃ pārupitvā pattaṃ ādāya tassa gehadvāre ṭhitameva attānaṃ dassesi.

    б̣раахман̣о т̇зрам̣ д̣̇исваава жид̇д̇ам̣ басийд̣̇и. ат̇а нам̣ убасан̇гамид̇ваа ванд̣̇ид̇ваа бадисант̇аарам̣ гад̇ваа анд̇ог̇зхз нисийд̣̇аабзд̇ваа бааяасабаад̇им̣ г̇ахзд̇ваа т̇зрасса бад̇д̇з аагири . т̇зро убад̣дхам̣ самбадижчид̇ваа хад̇т̇зна бад̇д̇ам̣ бид̣̇ахи. ат̇а нам̣ б̣раахман̣о ааха – ‘‘бханд̇з, згабадивийсамад̇д̇ова аяам̣ бааяасо, баралогасан̇г̇ахам̣ мз гарот̇а, маа ид̇халогасан̇г̇ахам̣, ниравасзсамзва д̣̇аад̇угаамомхий’’д̇и саб̣б̣ам̣ аагири. т̇зро д̇ад̇т̇зва барибхун̃ж̇и. ат̇асса бхад̇д̇агижжабарияосаанз д̇амби саадагам̣ д̣̇ад̇ваа ванд̣̇ид̇ваа звамааха – ‘‘бханд̇з, ахамби д̇умхзхи д̣̇идтад̇хаммамзва баабун̣зяяа’’нд̇и. т̇зро ‘‘звам̣ ход̇у б̣раахман̣аа’’д̇и д̇асса анумод̣̇анам̣ гад̇ваа удтааяаасанаа баггаманд̇о анубуб̣б̣зна жааригам̣ жаранд̇о ж̇зд̇аванам̣ аг̇амааси. ‘‘д̣̇уг̇г̇ад̇агаалз д̣̇иннад̣̇аанам̣ бана ад̇ивияа д̇осзд̇ий’’д̇и б̣раахман̣оби д̇ам̣ д̣̇аанам̣ д̣̇ад̇ваа басаннажид̇д̇о соманассаж̇аад̇о т̇зрз ад̇химад̇д̇ам̣ синзхамагааси. со т̇зрз синзхзнзва гаалам̣ гад̇ваа саавад̇т̇ияам̣ т̇зрассуубадтаагагулз бадисанд̇хим̣ г̇ан̣хи . д̇ам̣кан̣зязва банасса маад̇аа ‘‘гужчияам̣ мз г̇аб̣бхо бад̇идтид̇о’’д̇и н̃ад̇ваа саамигасса аарожзси. со д̇ассаа г̇аб̣бхабарихаарам̣ ад̣̇ааси.

    Brāhmaṇo theraṃ disvāva cittaṃ pasīdi. Atha naṃ upasaṅkamitvā vanditvā paṭisanthāraṃ katvā antogehe nisīdāpetvā pāyasapātiṃ gahetvā therassa patte ākiri . Thero upaḍḍhaṃ sampaṭicchitvā hatthena pattaṃ pidahi. Atha naṃ brāhmaṇo āha – ‘‘bhante, ekapaṭivīsamattova ayaṃ pāyaso, paralokasaṅgahaṃ me karotha, mā idhalokasaṅgahaṃ, niravasesameva dātukāmomhī’’ti sabbaṃ ākiri. Thero tattheva paribhuñji. Athassa bhattakiccapariyosāne tampi sāṭakaṃ datvā vanditvā evamāha – ‘‘bhante, ahampi tumhehi diṭṭhadhammameva pāpuṇeyya’’nti. Thero ‘‘evaṃ hotu brāhmaṇā’’ti tassa anumodanaṃ katvā uṭṭhāyāsanā pakkamanto anupubbena cārikaṃ caranto jetavanaṃ agamāsi. ‘‘Duggatakāle dinnadānaṃ pana ativiya tosetī’’ti brāhmaṇopi taṃ dānaṃ datvā pasannacitto somanassajāto there adhimattaṃ sinehamakāsi. So there sineheneva kālaṃ katvā sāvatthiyaṃ therassūpaṭṭhākakule paṭisandhiṃ gaṇhi . Taṃkhaṇeyeva panassa mātā ‘‘kucchiyaṃ me gabbho patiṭṭhito’’ti ñatvā sāmikassa ārocesi. So tassā gabbhaparihāraṃ adāsi.

    д̇ассаа ажжун̣хаад̇исийд̇аад̇иамб̣илаад̣̇ибарибхог̇ам̣ важ̇ж̇зд̇ваа сукзна г̇аб̣бхам̣ барихарияамаанааяа зваруубо д̣̇охал̣о уббаж̇ж̇и ‘‘ахо вад̇аахам̣ саарибуд̇д̇ад̇т̇зраббамукаани бан̃жа бхигкусад̇аани ниманд̇зд̇ваа г̇зхз нисийд̣̇аабзд̇ваа асамбхиннакийрабааяасам̣ д̣̇ад̇ваа саяамби гаасааяавад̇т̇аани барид̣̇ахид̇ваа суван̣н̣асарагам̣ аад̣̇ааяа аасанабарияанд̇з нисийд̣̇ид̇ваа зд̇д̇агаанам̣ бхигкуунам̣ ужчидтабааяасам̣ барибхун̃ж̇зяяа’’нд̇и. д̇ассаа гира со гаасааяавад̇т̇абарид̣̇аханз д̣̇охал̣о гужчияам̣ буд̇д̇асса б̣уд̣̇д̇хасаасанз баб̣б̣аж̇ж̇ааяа буб̣б̣анимид̇д̇ам̣ ахоси. ат̇ассаа н̃аад̇агаа ‘‘д̇хаммиго но д̇хийд̇ааяа д̣̇охал̣о’’д̇и саарибуд̇д̇ад̇т̇зрам̣ сан̇гхад̇т̇зрам̣ гад̇ваа бан̃жаннам̣ бхигкусад̇аанам̣ асамбхиннакийрабааяасам̣ ад̣̇ам̣су. сааби згам̣ гаасаавам̣ ниваасзд̇ваа згам̣ баарубид̇ваа суван̣н̣асарагам̣ г̇ахзд̇ваа аасанабарияанд̇з нисиннаа ужчидтабааяасам̣ барибхун̃ж̇и, д̣̇охал̣о бадиббассамбхи. д̇ассаа яаава г̇аб̣бхавудтаанаа анд̇аранд̇араа гад̇аман̇г̇алзсуби, д̣̇асамаасажжаязна буд̇д̇ам̣ виж̇аад̇ааяа гад̇аман̇г̇алзсуби саарибуд̇д̇ад̇т̇зраббамукаанам̣ бан̃жаннам̣ бхигкусад̇аанам̣ аббод̣̇агамад̇хубааяасамзва ад̣̇ам̣су. буб̣б̣з гирзса д̣̇аарагзна б̣раахман̣агаалз д̣̇иннабааяасасса ниссанд̣̇о.

    Tassā accuṇhaatisītaatiambilādiparibhogaṃ vajjetvā sukhena gabbhaṃ parihariyamānāya evarūpo dohaḷo uppajji ‘‘aho vatāhaṃ sāriputtattherappamukhāni pañca bhikkhusatāni nimantetvā gehe nisīdāpetvā asambhinnakhīrapāyasaṃ datvā sayampi kāsāyavatthāni paridahitvā suvaṇṇasarakaṃ ādāya āsanapariyante nisīditvā ettakānaṃ bhikkhūnaṃ ucchiṭṭhapāyasaṃ paribhuñjeyya’’nti. Tassā kira so kāsāyavatthaparidahane dohaḷo kucchiyaṃ puttassa buddhasāsane pabbajjāya pubbanimittaṃ ahosi. Athassā ñātakā ‘‘dhammiko no dhītāya dohaḷo’’ti sāriputtattheraṃ saṅghattheraṃ katvā pañcannaṃ bhikkhusatānaṃ asambhinnakhīrapāyasaṃ adaṃsu. Sāpi ekaṃ kāsāvaṃ nivāsetvā ekaṃ pārupitvā suvaṇṇasarakaṃ gahetvā āsanapariyante nisinnā ucchiṭṭhapāyasaṃ paribhuñji, dohaḷo paṭippassambhi. Tassā yāva gabbhavuṭṭhānā antarantarā katamaṅgalesupi, dasamāsaccayena puttaṃ vijātāya katamaṅgalesupi sāriputtattherappamukhānaṃ pañcannaṃ bhikkhusatānaṃ appodakamadhupāyasameva adaṃsu. Pubbe kiresa dārakena brāhmaṇakāle dinnapāyasassa nissando.

    ж̇аад̇аман̇г̇алад̣̇ивасз бана д̇ам̣ д̣̇аарагам̣ баад̇ова нхаабзд̇ваа ман̣д̣зд̇ваа сирисаяанз сад̇асахассаг̇гханигасса гамб̣аласса убари нибаж̇ж̇аабзсум̣. со д̇ад̇т̇а нибаннагова т̇зрам̣ ологзд̇ваа ‘‘аяам̣ мз буб̣б̣аажарияо, маяаа т̇зрам̣ ниссааяа аяам̣ самбад̇д̇и лад̣̇д̇хаа, маяаа имасса згам̣ барижжааг̇ам̣ гаад̇ум̣ ваддад̇ий’’д̇и сигкаабад̣̇аг̇ахан̣ад̇т̇ааяа аанийяамаано д̇ам̣ гамб̣алам̣ жуул̣ан̇г̇улияаа взтзд̇ваа аг̇г̇ахзси. ат̇асса ‘‘ан̇г̇улияам̣ гамб̣ало лаг̇г̇о’’д̇и д̇з д̇ам̣ харид̇ум̣ аарабхим̣су. со барод̣̇и. н̃аад̇агаа ‘‘абзт̇а, маа д̣̇аарагам̣ род̣̇аабзт̇аа’’д̇и гамб̣алзнзва сад̣̇д̇хим̣ аанаяим̣су. со т̇зрам̣ ванд̣̇анагаалз гамб̣алад̇о ан̇г̇улим̣ абагад̣дхид̇ваа гамб̣алам̣ т̇зрасса баад̣̇амуулз баад̇зси. н̃аад̇агаа ‘‘д̣̇ахарагумаарзна аж̇аанид̇ваа гад̇а’’нд̇и авад̇ваа ‘‘буд̇д̇зна но д̣̇иннам̣, барижжад̇д̇амзва ход̇у, бханд̇з’’д̇и вад̇ваа, ‘‘бханд̇з, сад̇асахассаг̇гханигзна гамб̣алзна бууж̇аагаарагасса д̇умхаагам̣ д̣̇аасасса сигкаабад̣̇аани д̣̇зт̇аа’’д̇и аахам̣су. ‘‘го наамо аяам̣ д̣̇аараго’’д̇и? ‘‘бханд̇з, аяязна самаананаамаго , д̇иссо наамзса бхависсад̇ий’’д̇и. т̇зро гира г̇ихигаалз убад̇иссамаан̣аво наама ахоси. маад̇аабисса жинд̇зси – ‘‘на маяаа буд̇д̇асса аж̇жхаасаяо бхинд̣̇ид̇аб̣б̣о’’д̇и. звам̣ д̣̇аарагасса наамагаран̣аман̇г̇алам̣ гад̇ваа буна д̇асса аахаарабарибхог̇аман̇г̇алзби буна д̇асса ган̣н̣авиж̇жханаман̇г̇алзби д̣̇уссаг̇ахан̣аман̇г̇алзби жуул̣аагаббанаман̇г̇алзби саарибуд̇д̇ад̇т̇зраббамукаанам̣ бан̃жаннам̣ бхигкусад̇аанам̣ аббод̣̇агамад̇хубааяасамзва ад̣̇ам̣су.

    Jātamaṅgaladivase pana taṃ dārakaṃ pātova nhāpetvā maṇḍetvā sirisayane satasahassagghanikassa kambalassa upari nipajjāpesuṃ. So tattha nipannakova theraṃ oloketvā ‘‘ayaṃ me pubbācariyo, mayā theraṃ nissāya ayaṃ sampatti laddhā, mayā imassa ekaṃ pariccāgaṃ kātuṃ vaṭṭatī’’ti sikkhāpadagahaṇatthāya ānīyamāno taṃ kambalaṃ cūḷaṅguliyā veṭhetvā aggahesi. Athassa ‘‘aṅguliyaṃ kambalo laggo’’ti te taṃ harituṃ ārabhiṃsu. So parodi. Ñātakā ‘‘apetha, mā dārakaṃ rodāpethā’’ti kambaleneva saddhiṃ ānayiṃsu. So theraṃ vandanakāle kambalato aṅguliṃ apakaḍḍhitvā kambalaṃ therassa pādamūle pātesi. Ñātakā ‘‘daharakumārena ajānitvā kata’’nti avatvā ‘‘puttena no dinnaṃ, pariccattameva hotu, bhante’’ti vatvā, ‘‘bhante, satasahassagghanikena kambalena pūjākārakassa tumhākaṃ dāsassa sikkhāpadāni dethā’’ti āhaṃsu. ‘‘Ko nāmo ayaṃ dārako’’ti? ‘‘Bhante, ayyena samānanāmako , tisso nāmesa bhavissatī’’ti. Thero kira gihikāle upatissamāṇavo nāma ahosi. Mātāpissa cintesi – ‘‘na mayā puttassa ajjhāsayo bhinditabbo’’ti. Evaṃ dārakassa nāmakaraṇamaṅgalaṃ katvā puna tassa āhāraparibhogamaṅgalepi puna tassa kaṇṇavijjhanamaṅgalepi dussagahaṇamaṅgalepi cūḷākappanamaṅgalepi sāriputtattherappamukhānaṃ pañcannaṃ bhikkhusatānaṃ appodakamadhupāyasameva adaṃsu.

    д̣̇аараго вуд̣̇д̇химанвааяа сад̇д̇авассигагаалз маад̇арам̣ ааха – ‘‘амма, т̇зрасса санд̇игз баб̣б̣аж̇иссаамий’’д̇и. ‘‘саад̇ху, д̇аад̇а, буб̣б̣зваахам̣ ‘на маяаа буд̇д̇асса аж̇жхаасаяо бхинд̣̇ид̇аб̣б̣о’д̇и манам̣ агаасим̣, баб̣б̣аж̇а, буд̇д̇аа’’д̇и т̇зрам̣ ниманд̇аабзд̇ваа д̇асса ааг̇ад̇асса бхигкан̃жа д̣̇ад̇ваа, ‘‘бханд̇з, д̇умхаагам̣ д̣̇аасо ‘баб̣б̣аж̇иссаамий’д̇и вад̣̇ад̇и, имам̣ аад̣̇ааяа сааяам̣ вихаарам̣ ааг̇амиссаамаа’’д̇и т̇зрам̣ уяяож̇зд̇ваа сааяанхасамаяз маханд̇зна саггаарасаммаанзна буд̇д̇ам̣ аад̣̇ааяа вихаарам̣ г̇анд̇ваа т̇зрасса нияяаад̣̇зси. т̇зро д̇зна сад̣̇д̇хим̣ гат̇зси – ‘‘д̇исса, баб̣б̣аж̇ж̇аа наама д̣̇уггараа, ун̣хзна ад̇т̇з сад̇и сийд̇ам̣ лабхад̇и, сийд̇зна ад̇т̇з сад̇и ун̣хам̣ лабхад̇и, баб̣б̣аж̇ид̇аа гижчзна ж̇ийванд̇и, д̇ван̃жа сукзд̇хид̇о’’д̇и. ‘‘бханд̇з, ахам̣ д̇умхзхи вуд̇д̇анияаамзнзва саб̣б̣ам̣ гаад̇ум̣ сагкиссаамий’’д̇и. т̇зро ‘‘саад̇хуу’’д̇и вад̇ваа д̇асса бадигууламанасигааравасзна д̇ажабан̃жагагаммадтаанам̣ аажигкид̇ваа д̇ам̣ баб̣б̣ааж̇зси. сагаламби хи д̣̇вад̇д̇им̣саагаарам̣ гат̇зд̇ум̣ ваддад̇иязва. саб̣б̣ам̣ гат̇зд̇ум̣ асаггонд̇зна бана д̇ажабан̃жагагаммадтаанам̣ гат̇зд̇аб̣б̣амзва. ид̣̇ан̃хи гаммадтаанам̣ саб̣б̣аб̣уд̣̇д̇хаанам̣ авиж̇ахид̇амзва. гзсаад̣̇ийсу згзгагодтаасзсу арахад̇д̇ам̣ бад̇д̇аанам̣ бхигкуунамби бхигкунийнамби убаасагаанамби убаасигаанамби барижчзд̣̇о над̇т̇и. аб̣яад̇д̇аа бхигкуу бана баб̣б̣аж̇знд̇аа арахад̇д̇ассуубаниссаяам̣ наасзнд̇и. д̇асмаа т̇зро гаммадтаанам̣ аажигкид̇ваа баб̣б̣ааж̇зд̇ваа д̣̇асасу сийлзсу бад̇идтаабзси.

    Dārako vuddhimanvāya sattavassikakāle mātaraṃ āha – ‘‘amma, therassa santike pabbajissāmī’’ti. ‘‘Sādhu, tāta, pubbevāhaṃ ‘na mayā puttassa ajjhāsayo bhinditabbo’ti manaṃ akāsiṃ, pabbaja, puttā’’ti theraṃ nimantāpetvā tassa āgatassa bhikkhañca datvā, ‘‘bhante, tumhākaṃ dāso ‘pabbajissāmī’ti vadati, imaṃ ādāya sāyaṃ vihāraṃ āgamissāmā’’ti theraṃ uyyojetvā sāyanhasamaye mahantena sakkārasammānena puttaṃ ādāya vihāraṃ gantvā therassa niyyādesi. Thero tena saddhiṃ kathesi – ‘‘tissa, pabbajjā nāma dukkarā, uṇhena atthe sati sītaṃ labhati, sītena atthe sati uṇhaṃ labhati, pabbajitā kicchena jīvanti, tvañca sukhedhito’’ti. ‘‘Bhante, ahaṃ tumhehi vuttaniyāmeneva sabbaṃ kātuṃ sakkhissāmī’’ti. Thero ‘‘sādhū’’ti vatvā tassa paṭikūlamanasikāravasena tacapañcakakammaṭṭhānaṃ ācikkhitvā taṃ pabbājesi. Sakalampi hi dvattiṃsākāraṃ kathetuṃ vaṭṭatiyeva. Sabbaṃ kathetuṃ asakkontena pana tacapañcakakammaṭṭhānaṃ kathetabbameva. Idañhi kammaṭṭhānaṃ sabbabuddhānaṃ avijahitameva. Kesādīsu ekekakoṭṭhāsesu arahattaṃ pattānaṃ bhikkhūnampi bhikkhunīnampi upāsakānampi upāsikānampi paricchedo natthi. Abyattā bhikkhū pana pabbajentā arahattassūpanissayaṃ nāsenti. Tasmā thero kammaṭṭhānaṃ ācikkhitvā pabbājetvā dasasu sīlesu patiṭṭhāpesi.

    маад̇аабид̇аро буд̇д̇асса баб̣б̣аж̇ид̇асаггаарам̣ гаронд̇аа сад̇д̇аахам̣ вихаарзязва б̣уд̣̇д̇хаббамукасса бхигкусан̇гхасса аббод̣̇агамад̇хубааяасамзва ад̣̇ам̣су. бхигкууби ‘‘ниб̣ад̣̇д̇хам̣ аббод̣̇агамад̇хубааяасам̣ барибхун̃ж̇ид̇ум̣ на саггомаа’’д̇и уж̇жхааяим̣су. д̇ассаби маад̇аабид̇аро сад̇д̇амз д̣̇ивасз сааяам̣ г̇зхам̣ аг̇амам̣су. сааман̣зро адтамз д̣̇ивасз бхигкуухи сад̣̇д̇хим̣ бин̣д̣ааяа баависи. саавад̇т̇иваасино ‘‘сааман̣зро гира аж̇ж̇а бин̣д̣ааяа бависиссад̇и, саггаарамасса гариссаамаа’’д̇и бан̃жахи саадагасад̇зхи жумб̣адагаани гад̇ваа бан̃жа бин̣д̣абаад̇асад̇аани саж̇ж̇зд̇ваа аад̣̇ааяа бадибат̇з тад̇ваа ад̣̇ам̣су, бунад̣̇ивасз вихаарасса убаванам̣ ааг̇анд̇ваа ад̣̇ам̣су. звам̣ сааман̣зро д̣̇вийхзва д̣̇ивасзхи саадагасахассзхи сад̣̇д̇хим̣ бин̣д̣абаад̇асахассам̣ лабхид̇ваа бхигкусан̇гхасса д̣̇аабзси. б̣раахман̣агаалз д̣̇иннат̇ууласаадагасса гирзса ниссанд̣̇о. ат̇асса бхигкуу ‘‘бин̣д̣абаад̇ад̣̇ааяагад̇иссо’’д̇и наамам̣ гарим̣су.

    Mātāpitaro puttassa pabbajitasakkāraṃ karontā sattāhaṃ vihāreyeva buddhappamukhassa bhikkhusaṅghassa appodakamadhupāyasameva adaṃsu. Bhikkhūpi ‘‘nibaddhaṃ appodakamadhupāyasaṃ paribhuñjituṃ na sakkomā’’ti ujjhāyiṃsu. Tassapi mātāpitaro sattame divase sāyaṃ gehaṃ agamaṃsu. Sāmaṇero aṭṭhame divase bhikkhūhi saddhiṃ piṇḍāya pāvisi. Sāvatthivāsino ‘‘sāmaṇero kira ajja piṇḍāya pavisissati, sakkāramassa karissāmā’’ti pañcahi sāṭakasatehi cumbaṭakāni katvā pañca piṇḍapātasatāni sajjetvā ādāya paṭipathe ṭhatvā adaṃsu, punadivase vihārassa upavanaṃ āgantvā adaṃsu. Evaṃ sāmaṇero dvīheva divasehi sāṭakasahassehi saddhiṃ piṇḍapātasahassaṃ labhitvā bhikkhusaṅghassa dāpesi. Brāhmaṇakāle dinnathūlasāṭakassa kiresa nissando. Athassa bhikkhū ‘‘piṇḍapātadāyakatisso’’ti nāmaṃ kariṃsu.

    бунзгад̣̇ивасам̣ сааман̣зро сийд̇агаалз вихааражааригам̣ жаранд̇о бхигкуу д̇ад̇т̇а д̇ад̇т̇а аг̇г̇исаалаад̣̇ийсу висиб̣б̣знд̇з д̣̇исваа ааха – ‘‘гим̣, бханд̇з, висиб̣б̣знд̇аа нисиннаад̇т̇аа’’д̇и? ‘‘сийд̇ам̣ но бийл̣зд̇и сааман̣зро’’д̇и. ‘‘бханд̇з, сийд̇агаалз наама гамб̣алам̣ баарубид̇ум̣ ваддад̇и. со хи сийд̇ам̣ бадиб̣аахид̇ум̣ самад̇т̇о’’д̇и. сааман̣зра ‘‘д̇вам̣ махаабун̃н̃о гамб̣алам̣ лабхзяяааси, амхаагам̣ гуд̇о гамб̣ало’’д̇и. ‘‘д̇зна хи, бханд̇з, гамб̣алад̇т̇игаа маяаа сад̣̇д̇хим̣ ааг̇ажчанд̇уу’’д̇и сагалавихаарз аарожаабзси. ат̇а бхигкуу ‘‘сааман̣зрзна сад̣̇д̇хим̣ г̇анд̇ваа гамб̣алам̣ аахариссаамаа’’д̇и сад̇д̇авассигасааман̣зрам̣ ниссааяа сахассамад̇д̇аа бхигкуу нигкамим̣су. со ‘‘зд̇д̇агаанам̣ бхигкуунам̣ гуд̇о гамб̣алам̣ лабхиссаамий’’д̇и жид̇д̇амби ануббаад̣̇зд̇ваа д̇з аад̣̇ааяа наг̇араабхимуко бааяааси. суд̣̇иннасса хи д̣̇аанасса зваруубо аанубхааво ход̇и. со б̣ахинаг̇арзязва гхарабадибаадияаа жаранд̇о бан̃жа гамб̣аласад̇аани лабхид̇ваа анд̇онаг̇арам̣ баависи. мануссаа ид̇о жид̇о жа гамб̣алз аахаранд̇и.

    Punekadivasaṃ sāmaṇero sītakāle vihāracārikaṃ caranto bhikkhū tattha tattha aggisālādīsu visibbente disvā āha – ‘‘kiṃ, bhante, visibbentā nisinnātthā’’ti? ‘‘Sītaṃ no pīḷeti sāmaṇero’’ti. ‘‘Bhante, sītakāle nāma kambalaṃ pārupituṃ vaṭṭati. So hi sītaṃ paṭibāhituṃ samattho’’ti. Sāmaṇera ‘‘tvaṃ mahāpuñño kambalaṃ labheyyāsi, amhākaṃ kuto kambalo’’ti. ‘‘Tena hi, bhante, kambalatthikā mayā saddhiṃ āgacchantū’’ti sakalavihāre ārocāpesi. Atha bhikkhū ‘‘sāmaṇerena saddhiṃ gantvā kambalaṃ āharissāmā’’ti sattavassikasāmaṇeraṃ nissāya sahassamattā bhikkhū nikkhamiṃsu. So ‘‘ettakānaṃ bhikkhūnaṃ kuto kambalaṃ labhissāmī’’ti cittampi anuppādetvā te ādāya nagarābhimukho pāyāsi. Sudinnassa hi dānassa evarūpo ānubhāvo hoti. So bahinagareyeva gharapaṭipāṭiyā caranto pañca kambalasatāni labhitvā antonagaraṃ pāvisi. Manussā ito cito ca kambale āharanti.

    зго бана бурисо аабан̣ад̣̇ваарзна ааг̇ажчанд̇о бан̃жа гамб̣аласад̇аани басаарзд̇ваа нисиннам̣ згам̣ аабан̣игам̣ д̣̇исваа ааха – ‘‘амбхо, зго сааман̣зро гамб̣алз сам̣харанд̇о ааг̇ажчад̇и, д̇ава гамб̣алз бадижчаад̣̇зхий’’д̇и? ‘‘гим̣ бана со д̣̇иннагз г̇ан̣хаад̇и, уд̣̇ааху ад̣̇иннагз’’д̇и? ‘‘д̣̇иннагз г̇ан̣хаад̇ий’’д̇и . ‘‘звам̣ санд̇з сажз ижчаами, д̣̇ассаами, но жз, на д̣̇ассаами, г̇ажча д̇ва’’нд̇и уяяож̇зси. мажчарино хи анд̇хаб̣аалаа зваруубзсу д̣̇аанам̣ д̣̇ад̣̇амаанзсу мажчарааяид̇ваа асад̣̇исад̣̇аанам̣ д̣̇исваа мажчарааяанд̇о гаал̣о (д̇ха. ба. 177) вияа нираяз ниб̣б̣ад̇д̇анд̇и. аабан̣иго жинд̇зси – ‘‘аяам̣ бурисо ад̇д̇ано д̇хаммад̇ааяа ааг̇ажчамаано ‘д̇ава гамб̣алз бадижчаад̣̇зхий’д̇и мам̣ ааха. ‘сажзби со д̣̇иннагам̣ г̇ан̣хаа’д̇и, ахам̣ бана ‘мама санд̇агам̣ сажз ижчаами, д̣̇ассаами, но жз, на д̣̇ассаамий’д̇и аважам̣, д̣̇идтагам̣ бана ад̣̇знд̇асса лаж̇ж̇аа уббаж̇ж̇ад̇и, ад̇д̇ано санд̇агам̣ бадижчаад̣̇знд̇асса д̣̇осо над̇т̇и, имзсу бан̃жагамб̣аласад̇зсу д̣̇вз гамб̣алаани сад̇асахассаг̇гханигаани, имаанзва бадижчаад̣̇зд̇ум̣ ваддад̇ий’’д̇и. д̣̇взби гамб̣алз д̣̇асааяа д̣̇асам̣ самб̣анд̇хид̇ваа д̇зсам̣ анд̇арз багкибид̇ваа бадижчаад̣̇зси. сааман̣зроби бхигкусахассзна сад̣̇д̇хим̣ д̇ам̣ бад̣̇зсам̣ баабун̣и. аабан̣игасса сааман̣зрам̣ д̣̇исваава буд̇д̇асинзхо уббаж̇ж̇и, сагаласарийрам̣ синзхзна барибун̣н̣ам̣ ахоси. со жинд̇зси – ‘‘д̇идтад̇у гамб̣алаани, имам̣ д̣̇исваа хад̣̇аяамам̣самби д̣̇аад̇ум̣ яуд̇д̇а’’нд̇и. д̇з д̣̇взби гамб̣алз нийхарид̇ваа сааман̣зрасса баад̣̇амуулз табзд̇ваа ванд̣̇ид̇ваа, ‘‘бханд̇з, д̇аяаа д̣̇идтад̇хаммасса бхааг̇ий асса’’нд̇и аважа. собисса ‘‘звам̣ ход̇уу’’д̇и анумод̣̇анам̣ агааси.

    Eko pana puriso āpaṇadvārena āgacchanto pañca kambalasatāni pasāretvā nisinnaṃ ekaṃ āpaṇikaṃ disvā āha – ‘‘ambho, eko sāmaṇero kambale saṃharanto āgacchati, tava kambale paṭicchādehī’’ti? ‘‘Kiṃ pana so dinnake gaṇhāti, udāhu adinnake’’ti? ‘‘Dinnake gaṇhātī’’ti . ‘‘Evaṃ sante sace icchāmi, dassāmi, no ce, na dassāmi, gaccha tva’’nti uyyojesi. Maccharino hi andhabālā evarūpesu dānaṃ dadamānesu maccharāyitvā asadisadānaṃ disvā maccharāyanto kāḷo (dha. pa. 177) viya niraye nibbattanti. Āpaṇiko cintesi – ‘‘ayaṃ puriso attano dhammatāya āgacchamāno ‘tava kambale paṭicchādehī’ti maṃ āha. ‘Sacepi so dinnakaṃ gaṇhā’ti, ahaṃ pana ‘mama santakaṃ sace icchāmi, dassāmi, no ce, na dassāmī’ti avacaṃ, diṭṭhakaṃ pana adentassa lajjā uppajjati, attano santakaṃ paṭicchādentassa doso natthi, imesu pañcakambalasatesu dve kambalāni satasahassagghanikāni, imāneva paṭicchādetuṃ vaṭṭatī’’ti. Dvepi kambale dasāya dasaṃ sambandhitvā tesaṃ antare pakkhipitvā paṭicchādesi. Sāmaṇeropi bhikkhusahassena saddhiṃ taṃ padesaṃ pāpuṇi. Āpaṇikassa sāmaṇeraṃ disvāva puttasineho uppajji, sakalasarīraṃ sinehena paripuṇṇaṃ ahosi. So cintesi – ‘‘tiṭṭhatu kambalāni, imaṃ disvā hadayamaṃsampi dātuṃ yutta’’nti. Te dvepi kambale nīharitvā sāmaṇerassa pādamūle ṭhapetvā vanditvā, ‘‘bhante, tayā diṭṭhadhammassa bhāgī assa’’nti avaca. Sopissa ‘‘evaṃ hotū’’ti anumodanaṃ akāsi.

    сааман̣зро анд̇онаг̇арзби бан̃жа гамб̣аласад̇аани лабхи. звам̣ згад̣̇ивасам̣язва гамб̣аласахассам̣ лабхид̇ваа бхигкусахассасса ад̣̇ааси. ат̇асса гамб̣алад̣̇ааяагад̇иссад̇т̇зрод̇и наамам̣ гарим̣су. звам̣ наамагаран̣ад̣̇ивасз д̣̇иннагамб̣ало сад̇д̇авассигагаалз гамб̣аласахассабхаавам̣ баабун̣и. б̣уд̣̇д̇хасаасанан̃хи табзд̇ваа над̇т̇ан̃н̃ам̣ д̇ам̣ таанам̣, яад̇т̇а аббам̣ д̣̇иннам̣ б̣ахум̣ ход̇и, б̣ахум̣ д̣̇иннам̣ б̣ахуд̇арам̣. д̇знааха бхаг̇аваа –

    Sāmaṇero antonagarepi pañca kambalasatāni labhi. Evaṃ ekadivasaṃyeva kambalasahassaṃ labhitvā bhikkhusahassassa adāsi. Athassa kambaladāyakatissattheroti nāmaṃ kariṃsu. Evaṃ nāmakaraṇadivase dinnakambalo sattavassikakāle kambalasahassabhāvaṃ pāpuṇi. Buddhasāsanañhi ṭhapetvā natthaññaṃ taṃ ṭhānaṃ, yattha appaṃ dinnaṃ bahuṃ hoti, bahuṃ dinnaṃ bahutaraṃ. Tenāha bhagavā –

    ‘‘д̇ат̇ааруубояам̣, бхигкавз, бхигкусан̇гхо, яат̇ааруубз бхигкусан̇гхз аббам̣ д̣̇иннам̣ б̣ахум̣ ход̇и, б̣ахум̣ д̣̇иннам̣ б̣ахуд̇ара’’нд̇и (ма. ни. 3.146) –

    ‘‘Tathārūpoyaṃ, bhikkhave, bhikkhusaṅgho, yathārūpe bhikkhusaṅghe appaṃ dinnaṃ bahuṃ hoti, bahuṃ dinnaṃ bahutara’’nti (ma. ni. 3.146) –

    звам̣ сааман̣зро згагамб̣аласса ниссанд̣̇зна сад̇д̇авассигова гамб̣аласахассам̣ лабхи. д̇асса ж̇зд̇аванз вихаранд̇асса абхигкан̣ам̣ н̃аад̇ид̣̇ааяагаа санд̇игам̣ ааг̇анд̇ваа гат̇аасаллаабам̣ гаронд̇и. со жинд̇зси – ‘‘маяаа ид̇ха васанд̇зна н̃аад̇ид̣̇ааяагзсу ааг̇анд̇ваа гат̇знд̇зсу агат̇зд̇умби на саггаа, зд̇зхи сад̣̇д̇хим̣ гат̇аабабан̃жзна ад̇д̇ано бад̇идтам̣ гаад̇ум̣ на саггаа, яам̣нуунаахам̣ сад̇т̇у санд̇игз гаммадтаанам̣ уг̇г̇ан̣хид̇ваа аран̃н̃ам̣ бависзяяа’’нд̇и. со сад̇т̇аарам̣ убасан̇гамид̇ваа ванд̣̇ид̇ваа яаава арахад̇д̇аа гаммадтаанам̣ гат̇аабзд̇ваа убаж̇жхааяам̣ ванд̣̇ид̇ваа бад̇д̇ажийварамаад̣̇ааяа вихаараа нигкамид̇ваа ‘‘сажз аасаннадтаанз васиссаами, н̃аад̇агаа мам̣ баггосиссанд̇ий’’д̇и вийсад̇и яож̇анасад̇ам̣ маг̇г̇ам̣ аг̇амааси. ат̇згзна г̇аамад̣̇ваарзна г̇ажчанд̇о згам̣ махаллагабурисам̣ д̣̇исваа бужчи – ‘‘гим̣ ну ко, махааубаасага , имасмим̣ бад̣̇зсз васанд̇аанам̣ ааран̃н̃агавихааро ад̇т̇ий’’д̇и? ‘‘ад̇т̇и, бханд̇з’’д̇и. ‘‘д̇зна хи мз маг̇г̇ам̣ аажигкаахий’’д̇и. махаллагаубаасагасса бана д̇ам̣ д̣̇исваава буд̇д̇асинзхо уд̣̇абаад̣̇и. ат̇асса д̇ад̇т̇зва тид̇о анаажигкид̇ваа ‘‘зхи, бханд̇з, аажигкиссаами д̇з’’д̇и г̇ахзд̇ваа аг̇амааси. сааман̣зро д̇зна сад̣̇д̇хим̣ г̇ажчанд̇о анд̇араамаг̇г̇з наанаабубпапалабадиман̣д̣ид̇з ругкабаб̣б̣ад̇абад̣̇зсз д̣̇исваа ‘‘аяам̣, убаасага, гим̣ бад̣̇зсо наама, аяам̣ убаасага гим̣ бад̣̇зсо наамаа’’д̇и бужчи. собисса д̇зсам̣ наамаани аажигканд̇о ааран̃н̃агавихаарам̣ бад̇ваа ‘‘ид̣̇ам̣, бханд̇з, паасугадтаанам̣, ид̇хзва васаахий’’д̇и вад̇ваа, ‘‘бханд̇з, го наамо д̇ва’’нд̇и наамам̣ бужчид̇ваа ‘‘ахам̣ ванаваасийд̇иссо наама убаасагаа’’д̇и вуд̇д̇з, ‘‘свз амхаагам̣ г̇аамз бхигкааяа жарид̇ум̣ ваддад̇ий’’д̇и вад̇ваа нивад̇д̇ид̇ваа анд̇ог̇аамамзва г̇ад̇о. ‘‘ванаваасийд̇иссо наама вихаарам̣ ааг̇ад̇о, д̇асса яааг̇убхад̇д̇аад̣̇ийни бадияаад̣̇зт̇аа’’д̇и мануссаанам̣ аарожзси.

    Evaṃ sāmaṇero ekakambalassa nissandena sattavassikova kambalasahassaṃ labhi. Tassa jetavane viharantassa abhikkhaṇaṃ ñātidāyakā santikaṃ āgantvā kathāsallāpaṃ karonti. So cintesi – ‘‘mayā idha vasantena ñātidāyakesu āgantvā kathentesu akathetumpi na sakkā, etehi saddhiṃ kathāpapañcena attano patiṭṭhaṃ kātuṃ na sakkā, yaṃnūnāhaṃ satthu santike kammaṭṭhānaṃ uggaṇhitvā araññaṃ paviseyya’’nti. So satthāraṃ upasaṅkamitvā vanditvā yāva arahattā kammaṭṭhānaṃ kathāpetvā upajjhāyaṃ vanditvā pattacīvaramādāya vihārā nikkhamitvā ‘‘sace āsannaṭṭhāne vasissāmi, ñātakā maṃ pakkosissantī’’ti vīsati yojanasataṃ maggaṃ agamāsi. Athekena gāmadvārena gacchanto ekaṃ mahallakapurisaṃ disvā pucchi – ‘‘kiṃ nu kho, mahāupāsaka , imasmiṃ padese vasantānaṃ āraññakavihāro atthī’’ti? ‘‘Atthi, bhante’’ti. ‘‘Tena hi me maggaṃ ācikkhāhī’’ti. Mahallakaupāsakassa pana taṃ disvāva puttasineho udapādi. Athassa tattheva ṭhito anācikkhitvā ‘‘ehi, bhante, ācikkhissāmi te’’ti gahetvā agamāsi. Sāmaṇero tena saddhiṃ gacchanto antarāmagge nānāpupphaphalapaṭimaṇḍite rukkhapabbatapadese disvā ‘‘ayaṃ, upāsaka, kiṃ padeso nāma, ayaṃ upāsaka kiṃ padeso nāmā’’ti pucchi. Sopissa tesaṃ nāmāni ācikkhanto āraññakavihāraṃ patvā ‘‘idaṃ, bhante, phāsukaṭṭhānaṃ, idheva vasāhī’’ti vatvā, ‘‘bhante, ko nāmo tva’’nti nāmaṃ pucchitvā ‘‘ahaṃ vanavāsītisso nāma upāsakā’’ti vutte, ‘‘sve amhākaṃ gāme bhikkhāya carituṃ vaṭṭatī’’ti vatvā nivattitvā antogāmameva gato. ‘‘Vanavāsītisso nāma vihāraṃ āgato, tassa yāgubhattādīni paṭiyādethā’’ti manussānaṃ ārocesi.

    сааман̣зро батамамзва д̇иссо наама худ̇ваа д̇ад̇о бин̣д̣абаад̇ад̣̇ааяагад̇иссо гамб̣алад̣̇ааяагад̇иссо ванаваасийд̇иссод̇и д̇ийн̣и наамаани лабхид̇ваа сад̇д̇авассаб̣бханд̇арз жад̇д̇аари наамаани лабхи. со бунад̣̇ивасз баад̇ова д̇ам̣ г̇аамам̣ бин̣д̣ааяа баависи. мануссаа бхигкам̣ д̣̇ад̇ваа ванд̣̇им̣су. сааман̣зро ‘‘сукид̇аа хот̇а, д̣̇угкаа мужжат̇аа’’д̇и ааха. згамануссоби д̇асса бхигкам̣ д̣̇ад̇ваа буна г̇зхам̣ г̇анд̇ум̣ наасагки, саб̣б̣зва ологзнд̇аа адтам̣су. соби ад̇д̇ано яаабанамад̇д̇амзва г̇ан̣хи. сагалаг̇аамаваасино д̇асса баад̣̇амуулз урзна нибаж̇ж̇ид̇ваа, ‘‘бханд̇з, д̇умхзсу имам̣ д̇змаасам̣ ид̇ха васанд̇зсу маяам̣ д̇ийн̣и саран̣аани г̇ахзд̇ваа бан̃жасу сийлзсу бад̇идтааяа маасасса адта убосат̇агаммаани убавасиссаама, ид̇ха васанад̇т̇ааяа но бадин̃н̃ам̣ д̣̇зт̇аа’’д̇и. со убагаарам̣ саллагкзд̇ваа д̇зсам̣ бадин̃н̃ам̣ д̣̇ад̇ваа ниб̣ад̣̇д̇хам̣ д̇ад̇т̇зва бин̣д̣абаад̇ажаарам̣ жари. ванд̣̇ид̇аванд̣̇ид̇агкан̣з жа ‘‘сукид̇аа хот̇а, д̣̇угкаа мужжат̇аа’’д̇и бад̣̇ад̣̇ваяамзва гат̇зд̇ваа баггаами. со д̇ад̇т̇звабатамамаасан̃жа д̣̇уд̇ияамаасан̃жа вийд̇инаамзд̇ваа д̇ад̇ияамаасз г̇ажчанд̇з саха бадисамбхид̣̇аахи арахад̇д̇ам̣ баабун̣и.

    Sāmaṇero paṭhamameva tisso nāma hutvā tato piṇḍapātadāyakatisso kambaladāyakatisso vanavāsītissoti tīṇi nāmāni labhitvā sattavassabbhantare cattāri nāmāni labhi. So punadivase pātova taṃ gāmaṃ piṇḍāya pāvisi. Manussā bhikkhaṃ datvā vandiṃsu. Sāmaṇero ‘‘sukhitā hotha, dukkhā muccathā’’ti āha. Ekamanussopi tassa bhikkhaṃ datvā puna gehaṃ gantuṃ nāsakkhi, sabbeva olokentā aṭṭhaṃsu. Sopi attano yāpanamattameva gaṇhi. Sakalagāmavāsino tassa pādamūle urena nipajjitvā, ‘‘bhante, tumhesu imaṃ temāsaṃ idha vasantesu mayaṃ tīṇi saraṇāni gahetvā pañcasu sīlesu patiṭṭhāya māsassa aṭṭha uposathakammāni upavasissāma, idha vasanatthāya no paṭiññaṃ dethā’’ti. So upakāraṃ sallakkhetvā tesaṃ paṭiññaṃ datvā nibaddhaṃ tattheva piṇḍapātacāraṃ cari. Vanditavanditakkhaṇe ca ‘‘sukhitā hotha, dukkhā muccathā’’ti padadvayameva kathetvā pakkāmi. So tatthevapaṭhamamāsañca dutiyamāsañca vītināmetvā tatiyamāse gacchante saha paṭisambhidāhi arahattaṃ pāpuṇi.

    ат̇асса баваарзд̇ваа вудтавассагаалз убаж̇жхааяо сад̇т̇аарам̣ убасан̇гамид̇ваа ванд̣̇ид̇ваа ааха – ‘‘ахам̣, бханд̇з, д̇иссасааман̣зрасса санд̇игам̣ г̇ажчаамий’’д̇и. ‘‘г̇ажча, саарибуд̇д̇аа’’д̇и. со ад̇д̇ано бариваарз бан̃жасад̇з бхигкуу аад̣̇ааяа багганд̇о, ‘‘аавусо мог̇г̇аллаана, ахам̣ д̇иссасааман̣зрасса санд̇игам̣ г̇ажчаамий’’д̇и ааха. махаамог̇г̇аллаанад̇т̇зро ‘‘ахамби, аавусо, г̇ажчаамий’’д̇и бан̃жахи бхигкусад̇зхи сад̣̇д̇хим̣ нигками. зд̇знубааязна махаагассабад̇т̇зро ануруд̣̇д̇хад̇т̇зро убаалид̇т̇зро бун̣н̣ад̇т̇зрод̇и саб̣б̣з махаасаавагаа бан̃жахи бан̃жахи бхигкусад̇зхи сад̣̇д̇хим̣ нигкамим̣су. саб̣б̣зби махаасаавагаанам̣ бариваараа жад̇д̇аалийса бхигкусахассаани ахзсум̣. д̇з вийсад̇ияож̇анасад̇ам̣ маг̇г̇ам̣ г̇анд̇ваа г̇ожараг̇аамам̣ самбад̇д̇аа. сааман̣зрасса ниб̣ад̣̇д̇хуубадтааго убаасаго д̣̇ваарзязва д̣̇исваа бажжуг̇г̇анд̇ваа ванд̣̇и.

    Athassa pavāretvā vuṭṭhavassakāle upajjhāyo satthāraṃ upasaṅkamitvā vanditvā āha – ‘‘ahaṃ, bhante, tissasāmaṇerassa santikaṃ gacchāmī’’ti. ‘‘Gaccha, sāriputtā’’ti. So attano parivāre pañcasate bhikkhū ādāya pakkanto, ‘‘āvuso moggallāna, ahaṃ tissasāmaṇerassa santikaṃ gacchāmī’’ti āha. Mahāmoggallānatthero ‘‘ahampi, āvuso, gacchāmī’’ti pañcahi bhikkhusatehi saddhiṃ nikkhami. Etenupāyena mahākassapatthero anuruddhatthero upālitthero puṇṇattheroti sabbe mahāsāvakā pañcahi pañcahi bhikkhusatehi saddhiṃ nikkhamiṃsu. Sabbepi mahāsāvakānaṃ parivārā cattālīsa bhikkhusahassāni ahesuṃ. Te vīsatiyojanasataṃ maggaṃ gantvā gocaragāmaṃ sampattā. Sāmaṇerassa nibaddhūpaṭṭhāko upāsako dvāreyeva disvā paccuggantvā vandi.

    ат̇а нам̣ саарибуд̇д̇ад̇т̇зро бужчи – ‘‘ад̇т̇и ну ко, убаасага, имасмим̣ бад̣̇зсз ааран̃н̃агавихааро’’д̇и? ‘‘ад̇т̇и, бханд̇з’’д̇и. ‘‘сабхигкуго, абхигкуго’’д̇и? ‘‘сабхигкуго, бханд̇з’’д̇и. ‘‘го наамо д̇ад̇т̇а васад̇ий’’д̇и? ‘‘ванаваасийд̇иссо, бханд̇з’’д̇и. ‘‘д̇зна хи маг̇г̇ам̣ но аажигкаа’’д̇и. ‘‘гз д̇умхз, бханд̇з’’д̇и? ‘‘маяам̣ сааман̣зрасса санд̇игам̣ ааг̇ад̇аа’’д̇и. убаасаго ологзд̇ваа д̇хаммасзнаабад̇им̣ аад̣̇им̣ гад̇ваа саб̣б̣зби махаасаавагз сан̃ж̇аанид̇ваа ниранд̇арам̣ бийд̇ияаа пудтасарийро худ̇ваа ‘‘д̇идтат̇а д̇аава, бханд̇з’’д̇и взг̇зна г̇аамам̣ бависид̇ваа ‘‘зд̇з, аяяаа, саарибуд̇д̇ад̇т̇зрам̣ аад̣̇им̣ гад̇ваа асийд̇и махаасаавагаа ад̇д̇ано ад̇д̇ано бариваарзхи сад̣̇д̇хим̣ сааман̣зрасса санд̇игам̣ ааг̇ад̇аа, ман̃жабийтабажжад̇т̇аран̣ад̣̇ийбад̇злаад̣̇ийни г̇ахзд̇ваа взг̇зна нигкамат̇аа’’д̇и уг̇гхосзси. мануссаа ‘‘д̇аавад̣̇зва ман̃жаад̣̇ийни г̇ахзд̇ваа т̇зраанам̣ бад̣̇аанубад̣̇игаа худ̇ваа т̇зрзхи сад̣̇д̇хим̣язва вихаарам̣ бависим̣су. сааман̣зро бхигкусан̇гхам̣ сан̃ж̇аанид̇ваа гад̇ибаяаанам̣ махаат̇зраанам̣ бад̇д̇ажийвараани бадиг̇г̇ахзд̇ваа вад̇д̇амагааси. д̇асса т̇зраанам̣ васанадтаанам̣ сам̣вид̣̇аханд̇асса бад̇д̇ажийварам̣ бадисаамзнд̇ассзва анд̇хагааро ж̇аад̇аа’’д̇и. саарибуд̇д̇ад̇т̇зро убаасагз ааха – ‘‘г̇ажчат̇а, убаасагаа, д̇умхаагам̣ анд̇хагааро ж̇аад̇о’’д̇и. ‘‘бханд̇з, аж̇ж̇а д̇хаммассаванад̣̇ивасо, на маяам̣ г̇амиссаама, д̇хаммам̣ сун̣иссаама, ид̇о буб̣б̣з д̇хаммассаванамби над̇т̇ий’’д̇и. ‘‘д̇зна хи, сааман̣зра, д̣̇ийбам̣ ж̇аалзд̇ваа д̇хаммассаванасса гаалам̣ гхосзхий’’д̇и. со д̇ат̇аа агааси. ат̇а нам̣ т̇зро ааха – ‘‘д̇исса д̇ава убадтаагаа ‘д̇хаммам̣ сод̇угаамаамхаа’д̇и вад̣̇анд̇и , гат̇зхи д̇зсам̣ д̇хамма’’нд̇и. убаасагаа згаббахаарзнзва удтааяа, ‘‘бханд̇з, амхаагам̣ аяяо ‘сукид̇аа хот̇а, д̣̇угкаа мужжат̇аа’д̇и имаани д̣̇вз бад̣̇аани табзд̇ваа ан̃н̃ам̣ д̇хаммагат̇ам̣ на ж̇аанаад̇и , амхаагам̣ ан̃н̃ам̣ д̇хаммагат̇игам̣ д̣̇зт̇аа’’д̇и вад̣̇им̣су. ‘‘сааман̣зро бана арахад̇д̇ам̣ бад̇вааби нзва д̇зсам̣ д̇хаммагат̇ам̣ гат̇зсий’’д̇и.

    Atha naṃ sāriputtatthero pucchi – ‘‘atthi nu kho, upāsaka, imasmiṃ padese āraññakavihāro’’ti? ‘‘Atthi, bhante’’ti. ‘‘Sabhikkhuko, abhikkhuko’’ti? ‘‘Sabhikkhuko, bhante’’ti. ‘‘Ko nāmo tattha vasatī’’ti? ‘‘Vanavāsītisso, bhante’’ti. ‘‘Tena hi maggaṃ no ācikkhā’’ti. ‘‘Ke tumhe, bhante’’ti? ‘‘Mayaṃ sāmaṇerassa santikaṃ āgatā’’ti. Upāsako oloketvā dhammasenāpatiṃ ādiṃ katvā sabbepi mahāsāvake sañjānitvā nirantaraṃ pītiyā phuṭṭhasarīro hutvā ‘‘tiṭṭhatha tāva, bhante’’ti vegena gāmaṃ pavisitvā ‘‘ete, ayyā, sāriputtattheraṃ ādiṃ katvā asīti mahāsāvakā attano attano parivārehi saddhiṃ sāmaṇerassa santikaṃ āgatā, mañcapīṭhapaccattharaṇadīpatelādīni gahetvā vegena nikkhamathā’’ti ugghosesi. Manussā ‘‘tāvadeva mañcādīni gahetvā therānaṃ padānupadikā hutvā therehi saddhiṃyeva vihāraṃ pavisiṃsu. Sāmaṇero bhikkhusaṅghaṃ sañjānitvā katipayānaṃ mahātherānaṃ pattacīvarāni paṭiggahetvā vattamakāsi. Tassa therānaṃ vasanaṭṭhānaṃ saṃvidahantassa pattacīvaraṃ paṭisāmentasseva andhakāro jātā’’ti. Sāriputtatthero upāsake āha – ‘‘gacchatha, upāsakā, tumhākaṃ andhakāro jāto’’ti. ‘‘Bhante, ajja dhammassavanadivaso, na mayaṃ gamissāma, dhammaṃ suṇissāma, ito pubbe dhammassavanampi natthī’’ti. ‘‘Tena hi, sāmaṇera, dīpaṃ jāletvā dhammassavanassa kālaṃ ghosehī’’ti. So tathā akāsi. Atha naṃ thero āha – ‘‘tissa tava upaṭṭhākā ‘dhammaṃ sotukāmāmhā’ti vadanti , kathehi tesaṃ dhamma’’nti. Upāsakā ekappahāreneva uṭṭhāya, ‘‘bhante, amhākaṃ ayyo ‘sukhitā hotha, dukkhā muccathā’ti imāni dve padāni ṭhapetvā aññaṃ dhammakathaṃ na jānāti , amhākaṃ aññaṃ dhammakathikaṃ dethā’’ti vadiṃsu. ‘‘Sāmaṇero pana arahattaṃ patvāpi neva tesaṃ dhammakathaṃ kathesī’’ti.

    д̇ад̣̇аа бана нам̣ убаж̇жхааяо, ‘‘сааман̣зра, гат̇ам̣ бана сукид̇аа хонд̇и, ‘гат̇ам̣ бана д̣̇угкаа мужжанд̇ий’д̇и имзсам̣ но д̣̇виннам̣ бад̣̇аанам̣ ад̇т̇ам̣ гат̇зхий’’д̇и ааха. со ‘‘саад̇ху, бханд̇з’’д̇и жид̇д̇аб̣ийж̇аним̣ г̇ахзд̇ваа д̇хаммаасанам̣ ааруяха бан̃жахи нигааязхи ад̇т̇ан̃жа гааран̣ан̃жа аагад̣дхид̇ваа гханавассам̣ вассанд̇о жаад̇уд̣̇д̣̇ийбагамахаамзгхо вияа канд̇хад̇хаад̇уааяад̇анаб̣од̇хибагкияад̇хаммз вибхаж̇анд̇о арахад̇д̇агуудзна д̇хаммагат̇ам̣ гат̇зд̇ваа, ‘‘бханд̇з, звам̣ арахад̇д̇аббад̇д̇асса сукам̣ ход̇и, арахад̇д̇ам̣ бад̇д̇оязва д̣̇угкаа мужжад̇и, сзсаж̇анаа ж̇аад̇ид̣̇угкаад̣̇ийхи жзва нираяад̣̇угкаад̣̇ийхи жа на баримужжанд̇ий’’д̇и ааха. ‘‘саад̇ху, сааман̣зра, сугат̇ид̇о д̇з бадибхаан̣о, ид̣̇аани сарабхан̃н̃ам̣ бхан̣аахий’’д̇и. со сарабхан̃н̃амби бхан̣и. арун̣з уг̇г̇ажчанд̇з сааман̣зрасса убадтаагамануссаа д̣̇вз бхааг̇аа ахзсум̣. згажжз ‘‘на вад̇а но ид̇о буб̣б̣з зваруубо гагкал̣о д̣̇идтабуб̣б̣о. гат̇ан̃хи наама зваруубам̣ д̇хаммагат̇ам̣ ж̇аананд̇о зд̇д̇агам̣ гаалам̣ маад̇аабид̇удтаанз тад̇ваа убадтаханд̇аанам̣ мануссаанам̣ згамби д̇хаммабад̣̇ам̣ на гат̇зсий’’д̇и гуж̇жхим̣су. згажжз ‘‘лаабхаа вад̇а но, яз маяам̣ зваруубам̣ бхад̣̇анд̇ам̣ г̇ун̣ам̣ ваа аг̇ун̣ам̣ ваа аж̇аананд̇ааби убадтахимха , ид̣̇аани жа банасса санд̇игз д̇хаммам̣ сод̇ум̣ лабхимхаа’’д̇и д̇уссим̣су.

    Tadā pana naṃ upajjhāyo, ‘‘sāmaṇera, kathaṃ pana sukhitā honti, ‘kathaṃ pana dukkhā muccantī’ti imesaṃ no dvinnaṃ padānaṃ atthaṃ kathehī’’ti āha. So ‘‘sādhu, bhante’’ti cittabījaniṃ gahetvā dhammāsanaṃ āruyha pañcahi nikāyehi atthañca kāraṇañca ākaḍḍhitvā ghanavassaṃ vassanto cātuddīpakamahāmegho viya khandhadhātuāyatanabodhipakkhiyadhamme vibhajanto arahattakūṭena dhammakathaṃ kathetvā, ‘‘bhante, evaṃ arahattappattassa sukhaṃ hoti, arahattaṃ pattoyeva dukkhā muccati, sesajanā jātidukkhādīhi ceva nirayadukkhādīhi ca na parimuccantī’’ti āha. ‘‘Sādhu, sāmaṇera, sukathito te paṭibhāṇo, idāni sarabhaññaṃ bhaṇāhī’’ti. So sarabhaññampi bhaṇi. Aruṇe uggacchante sāmaṇerassa upaṭṭhākamanussā dve bhāgā ahesuṃ. Ekacce ‘‘na vata no ito pubbe evarūpo kakkhaḷo diṭṭhapubbo. Kathañhi nāma evarūpaṃ dhammakathaṃ jānanto ettakaṃ kālaṃ mātāpituṭṭhāne ṭhatvā upaṭṭhahantānaṃ manussānaṃ ekampi dhammapadaṃ na kathesī’’ti kujjhiṃsu. Ekacce ‘‘lābhā vata no, ye mayaṃ evarūpaṃ bhadantaṃ guṇaṃ vā aguṇaṃ vā ajānantāpi upaṭṭhahimha , idāni ca panassa santike dhammaṃ sotuṃ labhimhā’’ti tussiṃsu.

    саммаасамб̣уд̣̇д̇хоби д̇ам̣ д̣̇ивасам̣ бажжуусасамаяз логам̣ вологзнд̇о ванаваасийд̇иссасса убадтаагз ад̇д̇ано н̃аан̣аж̇ааласса анд̇о бавидтз д̣̇исваа ‘‘гим̣ ну ко бхависсад̇ий’’д̇и ааваж̇ж̇знд̇о имамад̇т̇ам̣ убад̇хаарзси ‘‘ванаваасийд̇иссасааман̣зрасса убадтаагаа згажжз д̇удтаа, згажжз гуд̣̇д̇хаа, маяхам̣ буд̇д̇асса бана сааман̣зрасса гуд̣̇д̇хаа нираяабхааг̇ино бхависсанд̇и, г̇анд̇аб̣б̣амзва д̇ад̇т̇а маяаа, маяи г̇ад̇з саб̣б̣зби д̇з сааман̣зрз мзд̇д̇ажид̇д̇ам̣ гад̇ваа д̣̇угкаа мужжиссанд̇ий’’д̇и. д̇зби мануссаа бхигкусан̇гхам̣ ниманд̇зд̇ваа г̇аамам̣ г̇анд̇ваа ман̣д̣абам̣ гаарзд̇ваа яааг̇убхад̇д̇аад̣̇ийни самбаад̣̇зд̇ваа аасанаани бан̃н̃аабзд̇ваа сан̇гхасса ааг̇аманамаг̇г̇ам̣ ологзнд̇аа нисийд̣̇им̣су. бхигкууби сарийрабадиж̇аг̇г̇анам̣ гад̇ваа бхигкаажааравзлааяа г̇аамам̣ бин̣д̣ааяа бависанд̇аа сааман̣зрам̣ бужчим̣су – ‘‘гим̣, д̇исса, д̇вам̣ амхзхи сад̣̇д̇хим̣ г̇амиссаси, уд̣̇ааху бажчаа’’д̇и? ‘‘мама г̇аманавзлааяамзва г̇амиссаами, г̇ажчат̇а д̇умхз, бханд̇з’’д̇и. бхигкуу бад̇д̇ажийварамаад̣̇ааяа бависим̣су.

    Sammāsambuddhopi taṃ divasaṃ paccūsasamaye lokaṃ volokento vanavāsītissassa upaṭṭhāke attano ñāṇajālassa anto paviṭṭhe disvā ‘‘kiṃ nu kho bhavissatī’’ti āvajjento imamatthaṃ upadhāresi ‘‘vanavāsītissasāmaṇerassa upaṭṭhākā ekacce tuṭṭhā, ekacce kuddhā, mayhaṃ puttassa pana sāmaṇerassa kuddhā nirayabhāgino bhavissanti, gantabbameva tattha mayā, mayi gate sabbepi te sāmaṇere mettacittaṃ katvā dukkhā muccissantī’’ti. Tepi manussā bhikkhusaṅghaṃ nimantetvā gāmaṃ gantvā maṇḍapaṃ kāretvā yāgubhattādīni sampādetvā āsanāni paññāpetvā saṅghassa āgamanamaggaṃ olokentā nisīdiṃsu. Bhikkhūpi sarīrapaṭijagganaṃ katvā bhikkhācāravelāya gāmaṃ piṇḍāya pavisantā sāmaṇeraṃ pucchiṃsu – ‘‘kiṃ, tissa, tvaṃ amhehi saddhiṃ gamissasi, udāhu pacchā’’ti? ‘‘Mama gamanavelāyameva gamissāmi, gacchatha tumhe, bhante’’ti. Bhikkhū pattacīvaramādāya pavisiṃsu.

    сад̇т̇аа ж̇зд̇аванасмим̣язва жийварам̣ баарубид̇ваа бад̇д̇амаад̣̇ааяа згажид̇д̇агкан̣знзва г̇анд̇ваа бхигкуунам̣ бурад̇о тид̇амзва ад̇д̇аанам̣ д̣̇ассзси. ‘‘саммаасамб̣уд̣̇д̇хо ааг̇ад̇о’’д̇и сагалаг̇аамо сан̇кубхид̇ваа згаголаахало ахоси. мануссаа уд̣̇аг̇г̇ажид̇д̇аа б̣уд̣̇д̇хаббамукам̣ бхигкусан̇гхам̣ нисийд̣̇аабзд̇ваа яааг̇ум̣ д̣̇ад̇ваа каж̇ж̇агам̣ ад̣̇ам̣су. сааман̣зро бхад̇д̇з анидтид̇зязва анд̇ог̇аамам̣ баависи. г̇аамаваасино нийхарид̇ваа д̇асса саггажжам̣ бхигкам̣ ад̣̇ам̣су. со яаабанамад̇д̇ам̣ г̇ахзд̇ваа сад̇т̇у санд̇игам̣ г̇анд̇ваа бад̇д̇ам̣ убанаамзси. сад̇т̇аа ‘‘аахара, д̇иссаа’’д̇и хад̇т̇ам̣ басаарзд̇ваа бад̇д̇ам̣ г̇ахзд̇ваа ‘‘басса, саарибуд̇д̇а, д̇ава сааман̣зрасса бад̇д̇а’’нд̇и т̇зрасса д̣̇ассзси. т̇зро сад̇т̇у хад̇т̇ад̇о бад̇д̇ам̣ г̇ахзд̇ваа сааман̣зрасса д̣̇ад̇ваа ‘‘г̇ажча, ад̇д̇ано бад̇д̇адтаанз нисийд̣̇ид̇ваа бхад̇д̇агижжам̣ гарохий’’д̇и ааха.

    Satthā jetavanasmiṃyeva cīvaraṃ pārupitvā pattamādāya ekacittakkhaṇeneva gantvā bhikkhūnaṃ purato ṭhitameva attānaṃ dassesi. ‘‘Sammāsambuddho āgato’’ti sakalagāmo saṅkhubhitvā ekakolāhalo ahosi. Manussā udaggacittā buddhappamukhaṃ bhikkhusaṅghaṃ nisīdāpetvā yāguṃ datvā khajjakaṃ adaṃsu. Sāmaṇero bhatte aniṭṭhiteyeva antogāmaṃ pāvisi. Gāmavāsino nīharitvā tassa sakkaccaṃ bhikkhaṃ adaṃsu. So yāpanamattaṃ gahetvā satthu santikaṃ gantvā pattaṃ upanāmesi. Satthā ‘‘āhara, tissā’’ti hatthaṃ pasāretvā pattaṃ gahetvā ‘‘passa, sāriputta, tava sāmaṇerassa patta’’nti therassa dassesi. Thero satthu hatthato pattaṃ gahetvā sāmaṇerassa datvā ‘‘gaccha, attano pattaṭṭhāne nisīditvā bhattakiccaṃ karohī’’ti āha.

    г̇аамаваасино б̣уд̣̇д̇хаббамукам̣ бхигкусан̇гхам̣ баривисид̇ваа сад̇т̇аарам̣ ванд̣̇ид̇ваа анумод̣̇анам̣ яаажим̣су. сад̇т̇аа анумод̣̇анам̣ гаронд̇о звамааха – ‘‘лаабхаа вад̇а во убаасагаа, яз д̇умхз ад̇д̇ано гулуубагам̣ сааман̣зрам̣ ниссааяа саарибуд̇д̇ам̣ мог̇г̇аллаанам̣ гассабам̣ ануруд̣̇д̇ханд̇и асийд̇имахаасаавагз д̣̇ассанааяа лабхат̇а, ахамби д̇умхаагам̣ гулуубагамзва ниссааяа ааг̇ад̇о, б̣уд̣̇д̇хад̣̇ассанамби во имам̣ ниссааязва лад̣̇д̇хам̣, лаабхаа во, сулад̣̇д̇хам̣ во’’д̇и. мануссаа жинд̇аяим̣су – ‘‘ахо амхаагам̣ лаабхаа, б̣уд̣̇д̇хаанан̃жзва бхигкусан̇гхасса жа аараад̇ханасамад̇т̇ам̣ амхаагам̣ аяяам̣ д̣̇ассанааяа лабхаама, д̣̇зяяад̇хамман̃жасса д̣̇аад̇ум̣ лабхаамаа’’д̇и сааман̣зрасса гуд̣̇д̇хаа мануссаа д̇уссим̣су. д̇удтаа мануссаа бхияяосомад̇д̇ааяа басийд̣̇им̣су. анумод̣̇анаавасаанз б̣ахуу сод̇аабад̇д̇ипалаад̣̇ийни баабун̣им̣су. сад̇т̇аа удтааяаасанаа баггаами. мануссаа сад̇т̇аарам̣ ануг̇анд̇ваа ванд̣̇ид̇ваа нивад̇д̇им̣су. сад̇т̇аа сааман̣зрзна сад̣̇д̇хим̣ самад̇хурзна г̇ажчанд̇о , ‘‘сааман̣зра, аяам̣ бад̣̇зсо гонаамо, аяам̣ бад̣̇зсо гонаамо’’д̇и буб̣б̣з д̇асса убаасагзна д̣̇ассид̇абад̣̇зсз бужчанд̇о аг̇амааси. сааман̣зроби, ‘‘бханд̇з, аяам̣ ид̇т̇аннаамо, аяам̣ ид̇т̇аннаамо’’д̇и аажигкамаанова аг̇амааси. сад̇т̇аа д̇асса васанадтаанам̣ г̇анд̇ваа баб̣б̣ад̇амад̇т̇агам̣ абхирухи. д̇ад̇т̇а тид̇аанам̣ бана махаасамуд̣̇д̣̇о бан̃н̃ааяад̇и. сад̇т̇аа сааман̣зрам̣ бужчи – ‘‘д̇исса, баб̣б̣ад̇амад̇т̇агз тид̇о ид̇о жид̇о жа ологзд̇ваа гим̣ бассасий’’д̇и? ‘‘махаасамуд̣̇д̣̇ам̣, бханд̇з’’д̇и. ‘‘махаасамуд̣̇д̣̇ам̣ д̣̇исваа гим̣ жинд̇зсий’’д̇и? ‘‘мама д̣̇угкид̇агаалз род̣̇анд̇асса жад̇уухи махаасамуд̣̇д̣̇зхи ад̇ирзгад̇арзна ассунаа бхавид̇аб̣б̣анд̇и ид̣̇ам̣, бханд̇з, жинд̇зси’’нд̇и. ‘‘саад̇ху саад̇ху, д̇исса, звамзд̇ам̣. згзгасса хи сад̇д̇асса д̣̇угкид̇агаалз баг̇гхарид̇аассууни жад̇уухи махаасамуд̣̇д̣̇зхи ад̇ирзгад̇араанзваа’’д̇и. ид̣̇ан̃жа бана вад̇ваа имам̣ г̇аат̇амааха –

    Gāmavāsino buddhappamukhaṃ bhikkhusaṅghaṃ parivisitvā satthāraṃ vanditvā anumodanaṃ yāciṃsu. Satthā anumodanaṃ karonto evamāha – ‘‘lābhā vata vo upāsakā, ye tumhe attano kulūpakaṃ sāmaṇeraṃ nissāya sāriputtaṃ moggallānaṃ kassapaṃ anuruddhanti asītimahāsāvake dassanāya labhatha, ahampi tumhākaṃ kulūpakameva nissāya āgato, buddhadassanampi vo imaṃ nissāyeva laddhaṃ, lābhā vo, suladdhaṃ vo’’ti. Manussā cintayiṃsu – ‘‘aho amhākaṃ lābhā, buddhānañceva bhikkhusaṅghassa ca ārādhanasamatthaṃ amhākaṃ ayyaṃ dassanāya labhāma, deyyadhammañcassa dātuṃ labhāmā’’ti sāmaṇerassa kuddhā manussā tussiṃsu. Tuṭṭhā manussā bhiyyosomattāya pasīdiṃsu. Anumodanāvasāne bahū sotāpattiphalādīni pāpuṇiṃsu. Satthā uṭṭhāyāsanā pakkāmi. Manussā satthāraṃ anugantvā vanditvā nivattiṃsu. Satthā sāmaṇerena saddhiṃ samadhurena gacchanto , ‘‘sāmaṇera, ayaṃ padeso konāmo, ayaṃ padeso konāmo’’ti pubbe tassa upāsakena dassitapadese pucchanto agamāsi. Sāmaṇeropi, ‘‘bhante, ayaṃ itthannāmo, ayaṃ itthannāmo’’ti ācikkhamānova agamāsi. Satthā tassa vasanaṭṭhānaṃ gantvā pabbatamatthakaṃ abhiruhi. Tattha ṭhitānaṃ pana mahāsamuddo paññāyati. Satthā sāmaṇeraṃ pucchi – ‘‘tissa, pabbatamatthake ṭhito ito cito ca oloketvā kiṃ passasī’’ti? ‘‘Mahāsamuddaṃ, bhante’’ti. ‘‘Mahāsamuddaṃ disvā kiṃ cintesī’’ti? ‘‘Mama dukkhitakāle rodantassa catūhi mahāsamuddehi atirekatarena assunā bhavitabbanti idaṃ, bhante, cintesi’’nti. ‘‘Sādhu sādhu, tissa, evametaṃ. Ekekassa hi sattassa dukkhitakāle paggharitaassūni catūhi mahāsamuddehi atirekatarānevā’’ti. Idañca pana vatvā imaṃ gāthamāha –

    ‘‘жад̇уусу самуд̣̇д̣̇зсу ж̇алам̣ барид̇д̇агам̣,

    ‘‘Catūsu samuddesu jalaṃ parittakaṃ,

    д̇ад̇о б̣ахум̣ ассуж̇алам̣ анаббагам̣;

    Tato bahuṃ assujalaṃ anappakaṃ;

    д̣̇угкзна пудтасса нарасса сожанаа,

    Dukkhena phuṭṭhassa narassa socanā,

    гим̣гааран̣аа самма д̇увам̣ бамаж̇ж̇асий’’д̇и.

    Kiṃkāraṇā samma tuvaṃ pamajjasī’’ti.

    ат̇а нам̣ буна бужчи – ‘‘д̇исса, гахам̣ васасий’’д̇и? ‘‘имасмим̣ баб̣бхаарз, бханд̇з’’д̇и. ‘‘д̇ад̇т̇а бана васанд̇о гим̣ жинд̇зсий’’д̇и? ‘‘маяаа маранд̇зна имасмим̣ таанз гад̇асса сарийранигкзбасса барижчзд̣̇о ‘над̇т̇ий’д̇и жинд̇зсим̣, бханд̇з’’д̇и. ‘‘саад̇ху саад̇ху, д̇исса, звамзд̇ам̣. имзсан̃хи сад̇д̇аанам̣ бат̇авияам̣ нибаж̇ж̇ид̇ваа амад̇адтаанам̣ наама над̇т̇ий’’д̇и вад̇ваа –

    Atha naṃ puna pucchi – ‘‘tissa, kahaṃ vasasī’’ti? ‘‘Imasmiṃ pabbhāre, bhante’’ti. ‘‘Tattha pana vasanto kiṃ cintesī’’ti? ‘‘Mayā marantena imasmiṃ ṭhāne katassa sarīranikkhepassa paricchedo ‘natthī’ti cintesiṃ, bhante’’ti. ‘‘Sādhu sādhu, tissa, evametaṃ. Imesañhi sattānaṃ pathaviyaṃ nipajjitvā amataṭṭhānaṃ nāma natthī’’ti vatvā –

    ‘‘убасаал̣аганаамаани, сахассаани жад̇уд̣̇д̣̇аса;

    ‘‘Upasāḷakanāmāni, sahassāni catuddasa;

    асмим̣ бад̣̇зсз д̣̇ад̣дхаани, над̇т̇и логз анаамад̇ам̣.

    Asmiṃ padese daḍḍhāni, natthi loke anāmataṃ.

    ‘‘яамхи сажжан̃жа д̇хаммо жа, ахим̣саа сам̣яамо д̣̇амо;

    ‘‘Yamhi saccañca dhammo ca, ahiṃsā saṃyamo damo;

    зд̇ам̣ арияаа сзванд̇и, зд̇ам̣ логз анаамад̇а’’нд̇и. (ж̇аа.1.2.31-32) –

    Etaṃ ariyā sevanti, etaṃ loke anāmata’’nti. (jā.1.2.31-32) –

    имам̣ д̣̇уганибаад̇з убасаал̣агаж̇аад̇агам̣ гат̇зси. ид̇и бат̇авияам̣ сарийранигкзбам̣ гад̇ваа маранд̇зсу сад̇д̇зсу амад̇абуб̣б̣абад̣̇зсз маранд̇аа наама над̇т̇и, аананд̣̇ад̇т̇зрасад̣̇исаа бана амад̇абуб̣б̣абад̣̇зсз бариниб̣б̣ааяанд̇и.

    Imaṃ dukanipāte upasāḷakajātakaṃ kathesi. Iti pathaviyaṃ sarīranikkhepaṃ katvā marantesu sattesu amatapubbapadese marantā nāma natthi, ānandattherasadisā pana amatapubbapadese parinibbāyanti.

    аананд̣̇ад̇т̇зро гира вийсавассасад̇игагаалз ааяусан̇каарам̣ ологзнд̇о баригкийн̣абхаавам̣ н̃ад̇ваа ‘‘ид̇о сад̇д̇амз д̣̇ивасз бариниб̣б̣ааяиссаамий’’д̇и аарожзси. д̇ам̣ бавад̇д̇им̣ суд̇ваа рохин̣ийнад̣̇ияаа убхаяад̇ийраваасигзсу мануссзсу оримад̇ийраваасигаа ‘‘маяам̣ т̇зрасса б̣ахуубагаараа, амхаагам̣ санд̇игз бариниб̣б̣ааяиссад̇ий’’д̇и вад̣̇им̣су. барад̇ийраваасигааби ‘‘маяам̣ т̇зрасса б̣ахуубагаараа, амхаагам̣ санд̇игз бариниб̣б̣ааяиссад̇ий’’д̇и вад̣̇им̣су. т̇зро д̇зсам̣ важанам̣ суд̇ваа ‘‘убхаяад̇ийраваасино маяхам̣ убагаараа, имз наама анубагаараад̇и на саггаа вад̇д̇ум̣, сажаахам̣ оримад̇ийрз бариниб̣б̣ааяиссаами, барад̇ийраваасино д̇хаад̇уг̇ахан̣ад̇т̇ам̣ д̇зхи сад̣̇д̇хим̣ галахам̣ гариссанд̇и. сажз барад̇ийрз бариниб̣б̣ааяиссаами, оримад̇ийраваасиноби д̇ат̇аа гариссанд̇и, галахо уббаж̇ж̇амааноби мам̣ ниссааязва уббаж̇ж̇иссад̇и, вуубасамамааноби мам̣ ниссааязва вуубасамиссад̇ий’’д̇и жинд̇зд̇ваа ‘‘оримад̇ийраваасиноби маяхам̣ убагаараа, барад̇ийраваасиноби маяхам̣ убагаараа, анубагаарааби наама над̇т̇и, оримад̇ийраваасино оримад̇ийрзязва саннибад̇анд̇у, барад̇ийраваасиноби барад̇ийрзязваа’’д̇и ааха. д̇ад̇о сад̇д̇амз д̣̇ивасз маж̇жхзнад̣̇ияаа сад̇д̇ад̇аалаббамаан̣з аагаасз баллан̇гзна нисийд̣̇ид̇ваа махааж̇анасса д̇хаммам̣ гат̇зд̇ваа ‘‘мама сарийрам̣ маж̇жхз бхиж̇ж̇ид̇ваа зго бхааг̇о оримад̇ийрз бад̇ад̇у, зго бхааг̇о барад̇ийрз’’д̇и ад̇хидтааяа яат̇аанисиннова д̇зж̇од̇хаад̇ум̣ самаабаж̇ж̇и, ж̇аалаа удтахим̣су. сарийрам̣ маж̇жхз бхиж̇ж̇ид̇ваа зго бхааг̇о оримад̇ийрз бад̇и, зго бхааг̇о барад̇ийрз. д̇ад̇о махааж̇ано барид̣̇зви, бат̇авиунд̣̇рияанасад̣̇д̣̇о вияа аарод̣̇анасад̣̇д̣̇о ахоси. сад̇т̇у бариниб̣б̣аанз аарод̣̇анасад̣̇д̣̇ад̇оби гаарун̃н̃ад̇аро ахоси. мануссаа жад̇д̇ааро маасз род̣̇анд̇аа барид̣̇званд̇аа ‘‘сад̇т̇у бад̇д̇ажийвараг̇г̇аахагз д̇идтанд̇з сад̇т̇у тид̇агаало вияа но ахоси, ид̣̇аани но сад̇т̇аа бариниб̣б̣уд̇о’’д̇и виббалабанд̇аа вираванд̇аа вижарим̣сууд̇и.

    Ānandatthero kira vīsavassasatikakāle āyusaṅkhāraṃ olokento parikkhīṇabhāvaṃ ñatvā ‘‘ito sattame divase parinibbāyissāmī’’ti ārocesi. Taṃ pavattiṃ sutvā rohiṇīnadiyā ubhayatīravāsikesu manussesu orimatīravāsikā ‘‘mayaṃ therassa bahūpakārā, amhākaṃ santike parinibbāyissatī’’ti vadiṃsu. Paratīravāsikāpi ‘‘mayaṃ therassa bahūpakārā, amhākaṃ santike parinibbāyissatī’’ti vadiṃsu. Thero tesaṃ vacanaṃ sutvā ‘‘ubhayatīravāsino mayhaṃ upakārā, ime nāma anupakārāti na sakkā vattuṃ, sacāhaṃ orimatīre parinibbāyissāmi, paratīravāsino dhātugahaṇatthaṃ tehi saddhiṃ kalahaṃ karissanti. Sace paratīre parinibbāyissāmi, orimatīravāsinopi tathā karissanti, kalaho uppajjamānopi maṃ nissāyeva uppajjissati, vūpasamamānopi maṃ nissāyeva vūpasamissatī’’ti cintetvā ‘‘orimatīravāsinopi mayhaṃ upakārā, paratīravāsinopi mayhaṃ upakārā, anupakārāpi nāma natthi, orimatīravāsino orimatīreyeva sannipatantu, paratīravāsinopi paratīreyevā’’ti āha. Tato sattame divase majjhenadiyā sattatālappamāṇe ākāse pallaṅkena nisīditvā mahājanassa dhammaṃ kathetvā ‘‘mama sarīraṃ majjhe bhijjitvā eko bhāgo orimatīre patatu, eko bhāgo paratīre’’ti adhiṭṭhāya yathānisinnova tejodhātuṃ samāpajji, jālā uṭṭhahiṃsu. Sarīraṃ majjhe bhijjitvā eko bhāgo orimatīre pati, eko bhāgo paratīre. Tato mahājano paridevi, pathaviundriyanasaddo viya ārodanasaddo ahosi. Satthu parinibbāne ārodanasaddatopi kāruññataro ahosi. Manussā cattāro māse rodantā paridevantā ‘‘satthu pattacīvaraggāhake tiṭṭhante satthu ṭhitakālo viya no ahosi, idāni no satthā parinibbuto’’ti vippalapantā viravantā vicariṃsūti.

    буна сад̇т̇аа сааман̣зрам̣ бужчи – ‘‘д̇исса, имасмим̣ ванасан̣д̣з д̣̇ийбиаад̣̇ийнам̣ сад̣̇д̣̇зна бхааяаси, на бхааяасий’’д̇и? ‘‘на бхааяаами бхаг̇аваа, абижа ко бана мз зд̇зсам̣ сад̣̇д̣̇ам̣ суд̇ваа ванарад̇и наама уббаж̇ж̇ад̇ий’’д̇и вад̇ваа садтимад̇д̇аахи г̇аат̇аахи ванаван̣н̣анам̣ наама гат̇зси. ат̇а нам̣ сад̇т̇аа ‘‘д̇иссаа’’д̇и ааманд̇зси. ‘‘гим̣, бханд̇з’’д̇и? ‘‘маяам̣ г̇ажчаама, д̇вам̣ г̇амиссаси, нивад̇д̇иссасий’’д̇и. ‘‘маяхам̣ убаж̇жхааяз мам̣ аад̣̇ааяа г̇ажчанд̇з г̇амиссаами, нивад̇д̇знд̇з нивад̇д̇иссаами , бханд̇з’’д̇и . сад̇т̇аа бхигкусан̇гхзна сад̣̇д̇хим̣ баггаами. сааман̣зрасса бана нивад̇д̇ид̇умзва аж̇жхаасаяо, т̇зро д̇ам̣ н̃ад̇ваа ‘‘д̇исса, сажз нивад̇д̇ид̇угаамо, нивад̇д̇аа’’д̇и ааха. со сад̇т̇ааран̃жа бхигкусан̇гхан̃жа ванд̣̇ид̇ваа нивад̇д̇и. сад̇т̇аа ж̇зд̇аванамзва аг̇амааси.

    Puna satthā sāmaṇeraṃ pucchi – ‘‘tissa, imasmiṃ vanasaṇḍe dīpiādīnaṃ saddena bhāyasi, na bhāyasī’’ti? ‘‘Na bhāyāmi bhagavā, apica kho pana me etesaṃ saddaṃ sutvā vanarati nāma uppajjatī’’ti vatvā saṭṭhimattāhi gāthāhi vanavaṇṇanaṃ nāma kathesi. Atha naṃ satthā ‘‘tissā’’ti āmantesi. ‘‘Kiṃ, bhante’’ti? ‘‘Mayaṃ gacchāma, tvaṃ gamissasi, nivattissasī’’ti. ‘‘Mayhaṃ upajjhāye maṃ ādāya gacchante gamissāmi, nivattente nivattissāmi , bhante’’ti . Satthā bhikkhusaṅghena saddhiṃ pakkāmi. Sāmaṇerassa pana nivattitumeva ajjhāsayo, thero taṃ ñatvā ‘‘tissa, sace nivattitukāmo, nivattā’’ti āha. So satthārañca bhikkhusaṅghañca vanditvā nivatti. Satthā jetavanameva agamāsi.

    бхигкуунам̣ д̇хаммасабхааяам̣ гат̇аа уд̣̇абаад̣̇и – ‘‘ахо вад̇а ванаваасийд̇иссасааман̣зро д̣̇уггарам̣ гарод̇и, бадисанд̇хиг̇г̇ахан̣ад̇о бадтааяасса н̃аад̇агаа сад̇д̇асу ман̇г̇алзсу бан̃жаннам̣ бхигкусад̇аанам̣ аббод̣̇агамад̇хубааяасамзва ад̣̇ам̣су, баб̣б̣аж̇ид̇агаалз анд̇овихаарз б̣уд̣̇д̇хаббамукасса бхигкусан̇гхасса сад̇д̇а д̣̇ивасаани аббод̣̇агамад̇хубааяасамзва ад̣̇ам̣су. баб̣б̣аж̇ид̇ваа адтамз д̣̇ивасз анд̇ог̇аамам̣ бависанд̇о д̣̇вийхзва д̣̇ивасзхи саадагасахассзна сад̣̇д̇хим̣ бин̣д̣абаад̇асахассам̣ лабхи, бунзгад̣̇ивасам̣ гамб̣аласахассам̣ лабхи. ид̇исса ид̇ха васанагаалз махаалаабхасаггааро уббаж̇ж̇и, ид̣̇аани зваруубам̣ лаабхасаггаарам̣ чад̣д̣зд̇ваа аран̃н̃ам̣ бависид̇ваа миссагаахаарзна яаабзд̇и, д̣̇уггарагаараго вад̇а д̇иссасааман̣зро’’д̇и. сад̇т̇аа ааг̇анд̇ваа, ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘аама, бхигкавз, лаабхуубанисаа наамзсаа ан̃н̃аа, ниб̣б̣аанаг̇ааминий бадибад̣̇аа ан̃н̃аа. ‘звам̣ лаабхам̣ лабхиссаамий’д̇и хи ааран̃н̃игаад̣̇ид̇худ̇ан̇г̇асамаад̣̇аанавасзна лаабхуубанисам̣ рагканд̇асса бхигкуно жад̇д̇ааро абааяаа вивадад̣̇ваараа зва д̇идтанд̇и, ниб̣б̣аанаг̇ааминияаа бана бадибад̣̇ааяа уббаннам̣ лаабхасаггаарам̣ бахааяа аран̃н̃ам̣ бависид̇ваа гхадзнд̇о вааяаманд̇о арахад̇д̇ам̣ г̇ан̣хаад̇ий’’д̇и анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Bhikkhūnaṃ dhammasabhāyaṃ kathā udapādi – ‘‘aho vata vanavāsītissasāmaṇero dukkaraṃ karoti, paṭisandhiggahaṇato paṭṭhāyassa ñātakā sattasu maṅgalesu pañcannaṃ bhikkhusatānaṃ appodakamadhupāyasameva adaṃsu, pabbajitakāle antovihāre buddhappamukhassa bhikkhusaṅghassa satta divasāni appodakamadhupāyasameva adaṃsu. Pabbajitvā aṭṭhame divase antogāmaṃ pavisanto dvīheva divasehi sāṭakasahassena saddhiṃ piṇḍapātasahassaṃ labhi, punekadivasaṃ kambalasahassaṃ labhi. Itissa idha vasanakāle mahālābhasakkāro uppajji, idāni evarūpaṃ lābhasakkāraṃ chaḍḍetvā araññaṃ pavisitvā missakāhārena yāpeti, dukkarakārako vata tissasāmaṇero’’ti. Satthā āgantvā, ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘āma, bhikkhave, lābhūpanisā nāmesā aññā, nibbānagāminī paṭipadā aññā. ‘Evaṃ lābhaṃ labhissāmī’ti hi āraññikādidhutaṅgasamādānavasena lābhūpanisaṃ rakkhantassa bhikkhuno cattāro apāyā vivaṭadvārā eva tiṭṭhanti, nibbānagāminiyā pana paṭipadāya uppannaṃ lābhasakkāraṃ pahāya araññaṃ pavisitvā ghaṭento vāyamanto arahattaṃ gaṇhātī’’ti anusandhiṃ ghaṭetvā dhammaṃ desento imaṃ gāthamāha –

    75.

    75.

    ‘‘ан̃н̃аа хи лаабхуубанисаа, ан̃н̃аа ниб̣б̣аанаг̇ааминий;

    ‘‘Aññā hi lābhūpanisā, aññā nibbānagāminī;

    звамзд̇ам̣ абхин̃н̃ааяа, бхигку б̣уд̣̇д̇хасса сааваго;

    Evametaṃ abhiññāya, bhikkhu buddhassa sāvako;

    саггаарам̣ наабхинанд̣̇зяяа, вивзгамануб̣руухаяз’’д̇и.

    Sakkāraṃ nābhinandeyya, vivekamanubrūhaye’’ti.

    д̇ад̇т̇а ан̃н̃аа хи лаабхуубанисаа, ан̃н̃аа ниб̣б̣аанаг̇ааминийд̇и лаабхуубанисаа наамзсаа ан̃н̃аа зва, ан̃н̃аа ниб̣б̣аанаг̇ааминий бадибад̣̇аа. лаабхуббаад̣̇агзна хи бхигкунаа т̇огам̣ агусалагаммам̣ гаад̇ум̣ ваддад̇и, гааяаван̇гаад̣̇ийни гаад̇аб̣б̣аани хонд̇и. яасмин̃хи гаалз гааяаван̇гаад̣̇ийсу гин̃жи гарод̇и, д̇ад̣̇аа лаабхо уббаж̇ж̇ад̇и. бааяасабаад̇ияан̃хи ван̇гам̣ агад̇ваа уж̇угамзва хад̇т̇ам̣ од̇аарзд̇ваа угкибанд̇асса хад̇т̇о магкид̇амад̇д̇агова ход̇и, ван̇гам̣ гад̇ваа од̇аарзд̇ваа угкибанд̇асса бана бааяасабин̣д̣ам̣ уд̣̇д̇харанд̇ова нигкамад̇и, звам̣ гааяаван̇гаад̣̇ийни гаран̣агаалзязва лаабхо уббаж̇ж̇ад̇и. аяам̣ ад̇хаммигаа лаабхуубаниссаа наама. убад̇хисамбад̣̇аа жийварад̇хааран̣ам̣ б̣аахусажжам̣ баривааро аран̃н̃аваасод̇и зваруубзхи бана гааран̣зхи уббанно лаабхо д̇хаммиго наама ход̇и. ниб̣б̣аанаг̇ааминим̣ бадибад̣̇ам̣ буурзнд̇зна бана бхигкунаа гааяаван̇гаад̣̇ийни бахаад̇аб̣б̣аани. ананд̇хзнзва анд̇хзна вияа, амууг̇знзва мууг̇зна вияа, аб̣ад̇хирзнзва б̣ад̇хирзна вияа бхавид̇ум̣ ваддад̇и. асатзна амааязна бхавид̇ум̣ ваддад̇и. звамзд̇анд̇и зд̇ам̣ лаабхуббаад̣̇анам̣ бадибад̣̇ан̃жа ниб̣б̣аанаг̇ааминим̣ бадибад̣̇ан̃жа звам̣ н̃ад̇ваа саб̣б̣зсам̣ сан̇кад̇аасан̇кад̇ад̇хаммаанам̣ б̣уж̇жханадтзна б̣уд̣̇д̇хасса савананд̇з ж̇аад̇адтзна оваад̣̇аанусаасаним̣ ваа саванадтзна сааваго бхигку ад̇хаммигам̣ жад̇убажжаяасаггаарам̣ наабхинанд̣̇зяяа, на жзва д̇хаммигам̣ бадиггосзяяа, гааяавивзгаад̣̇игам̣ вивзгам̣ ануб̣руухаяз. д̇ад̇т̇а гааяавивзгод̇и гааяасса згийбхааво. жид̇д̇авивзгод̇и адта самаабад̇д̇ияо. убад̇хививзгод̇и ниб̣б̣аанам̣. д̇зсу гааяавивзго г̇ан̣асан̇г̇ан̣игам̣ винод̣̇зд̇и, жид̇д̇авивзго гилзсасан̇г̇ан̣игам̣ винод̣̇зд̇и, убад̇хививзго сан̇каарасан̇г̇ан̣игам̣ винод̣̇зд̇и. гааяавивзго жид̇д̇авивзгасса бажжаяо ход̇и, жид̇д̇авивзго убад̇хививзгасса бажжаяо ход̇и. вуд̇д̇амбихзд̇ам̣ –

    Tattha aññā hi lābhūpanisā, aññā nibbānagāminīti lābhūpanisā nāmesā aññā eva, aññā nibbānagāminī paṭipadā. Lābhuppādakena hi bhikkhunā thokaṃ akusalakammaṃ kātuṃ vaṭṭati, kāyavaṅkādīni kātabbāni honti. Yasmiñhi kāle kāyavaṅkādīsu kiñci karoti, tadā lābho uppajjati. Pāyasapātiyañhi vaṅkaṃ akatvā ujukameva hatthaṃ otāretvā ukkhipantassa hattho makkhitamattakova hoti, vaṅkaṃ katvā otāretvā ukkhipantassa pana pāyasapiṇḍaṃ uddharantova nikkhamati, evaṃ kāyavaṅkādīni karaṇakāleyeva lābho uppajjati. Ayaṃ adhammikā lābhūpanissā nāma. Upadhisampadā cīvaradhāraṇaṃ bāhusaccaṃ parivāro araññavāsoti evarūpehi pana kāraṇehi uppanno lābho dhammiko nāma hoti. Nibbānagāminiṃ paṭipadaṃ pūrentena pana bhikkhunā kāyavaṅkādīni pahātabbāni. Anandheneva andhena viya, amūgeneva mūgena viya, abadhireneva badhirena viya bhavituṃ vaṭṭati. Asaṭhena amāyena bhavituṃ vaṭṭati. Evametanti etaṃ lābhuppādanaṃ paṭipadañca nibbānagāminiṃ paṭipadañca evaṃ ñatvā sabbesaṃ saṅkhatāsaṅkhatadhammānaṃ bujjhanaṭṭhena buddhassa savanante jātaṭṭhena ovādānusāsaniṃ vā savanaṭṭhena sāvako bhikkhu adhammikaṃ catupaccayasakkāraṃ nābhinandeyya, na ceva dhammikaṃ paṭikkoseyya, kāyavivekādikaṃ vivekaṃ anubrūhaye. Tattha kāyavivekoti kāyassa ekībhāvo. Cittavivekoti aṭṭha samāpattiyo. Upadhivivekoti nibbānaṃ. Tesu kāyaviveko gaṇasaṅgaṇikaṃ vinodeti, cittaviveko kilesasaṅgaṇikaṃ vinodeti, upadhiviveko saṅkhārasaṅgaṇikaṃ vinodeti. Kāyaviveko cittavivekassa paccayo hoti, cittaviveko upadhivivekassa paccayo hoti. Vuttampihetaṃ –

    ‘‘гааяавивзго жа вивзгадтагааяаанам̣ нзгкаммаабхирад̇аанам̣, жид̇д̇авивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣, убад̇хививзго жа нирубад̇хийнам̣ буг̇г̇алаанам̣ висан̇каараг̇ад̇аана’’нд̇и (махаани. 150). –

    ‘‘Kāyaviveko ca vivekaṭṭhakāyānaṃ nekkhammābhiratānaṃ, cittaviveko ca parisuddhacittānaṃ paramavodānappattānaṃ, upadhiviveko ca nirupadhīnaṃ puggalānaṃ visaṅkhāragatāna’’nti (mahāni. 150). –

    имам̣ д̇ивид̇хамби вивзгам̣ б̣руухзяяа вад̣дхзяяа, убасамбаж̇ж̇а вихарзяяаад̇и ад̇т̇о.

    Imaṃ tividhampi vivekaṃ brūheyya vaḍḍheyya, upasampajja vihareyyāti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    ванаваасийд̇иссасааман̣зравад̇т̇у баннарасамам̣.

    Vanavāsītissasāmaṇeravatthu pannarasamaṃ.

    б̣аалаваг̇г̇аван̣н̣анаа нидтид̇аа.

    Bālavaggavaṇṇanā niṭṭhitā.

    бан̃жамо ваг̇г̇о.

    Pañcamo vaggo.




    Next: 6. бан̣д̣ид̇аваг̇г̇о • 6. Paṇḍitavaggo




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 5. б̣аалаваг̇г̇о • 5. Bālavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact