| Library / Tipiṭaka / तिपिटक • Tipiṭaka / धम्मपदपाळि • Dhammapadapāḷi |
५. बालवग्गो
5. Bālavaggo
६०.
60.
दीघा जागरतो रत्ति, दीघं सन्तस्स योजनं।
Dīghā jāgarato ratti, dīghaṃ santassa yojanaṃ;
दीघो बालानं संसारो, सद्धम्मं अविजानतं॥
Dīgho bālānaṃ saṃsāro, saddhammaṃ avijānataṃ.
६१.
61.
चरञ्चे नाधिगच्छेय्य, सेय्यं सदिसमत्तनो।
Carañce nādhigaccheyya, seyyaṃ sadisamattano;
६२.
62.
६३.
63.
यो बालो मञ्ञति बाल्यं, पण्डितो वापि तेन सो।
Yo bālo maññati bālyaṃ, paṇḍito vāpi tena so;
बालो च पण्डितमानी, स वे ‘‘बालो’’ति वुच्चति॥
Bālo ca paṇḍitamānī, sa ve ‘‘bālo’’ti vuccati.
६४.
64.
यावजीवम्पि चे बालो, पण्डितं पयिरुपासति।
Yāvajīvampi ce bālo, paṇḍitaṃ payirupāsati;
न सो धम्मं विजानाति, दब्बी सूपरसं यथा॥
Na so dhammaṃ vijānāti, dabbī sūparasaṃ yathā.
६५.
65.
मुहुत्तमपि चे विञ्ञू, पण्डितं पयिरुपासति।
Muhuttamapi ce viññū, paṇḍitaṃ payirupāsati;
खिप्पं धम्मं विजानाति, जिव्हा सूपरसं यथा॥
Khippaṃ dhammaṃ vijānāti, jivhā sūparasaṃ yathā.
६६.
66.
चरन्ति बाला दुम्मेधा, अमित्तेनेव अत्तना।
Caranti bālā dummedhā, amitteneva attanā;
करोन्ता पापकं कम्मं, यं होति कटुकप्फलं॥
Karontā pāpakaṃ kammaṃ, yaṃ hoti kaṭukapphalaṃ.
६७.
67.
न तं कम्मं कतं साधु, यं कत्वा अनुतप्पति।
Na taṃ kammaṃ kataṃ sādhu, yaṃ katvā anutappati;
यस्स अस्सुमुखो रोदं, विपाकं पटिसेवति॥
Yassa assumukho rodaṃ, vipākaṃ paṭisevati.
६८.
68.
तञ्च कम्मं कतं साधु, यं कत्वा नानुतप्पति।
Tañca kammaṃ kataṃ sādhu, yaṃ katvā nānutappati;
यस्स पतीतो सुमनो, विपाकं पटिसेवति॥
Yassa patīto sumano, vipākaṃ paṭisevati.
६९.
69.
७०.
70.
मासे मासे कुसग्गेन, बालो भुञ्जेय्य भोजनं।
Māse māse kusaggena, bālo bhuñjeyya bhojanaṃ;
७१.
71.
न हि पापं कतं कम्मं, सज्जु खीरंव मुच्चति।
Na hi pāpaṃ kataṃ kammaṃ, sajju khīraṃva muccati;
७२.
72.
हन्ति बालस्स सुक्कंसं, मुद्धमस्स विपातयं॥
Hanti bālassa sukkaṃsaṃ, muddhamassa vipātayaṃ.
७३.
73.
असन्तं भावनमिच्छेय्य 17, पुरेक्खारञ्च भिक्खुसु।
Asantaṃ bhāvanamiccheyya 18, purekkhārañca bhikkhusu;
आवासेसु च इस्सरियं, पूजा परकुलेसु च॥
Āvāsesu ca issariyaṃ, pūjā parakulesu ca.
७४.
74.
ममेव कत मञ्ञन्तु, गिहीपब्बजिता उभो।
Mameva kata maññantu, gihīpabbajitā ubho;
ममेवातिवसा अस्सु, किच्चाकिच्चेसु किस्मिचि।
Mamevātivasā assu, kiccākiccesu kismici;
इति बालस्स सङ्कप्पो, इच्छा मानो च वड्ढति॥
Iti bālassa saṅkappo, icchā māno ca vaḍḍhati.
७५.
75.
अञ्ञा हि लाभूपनिसा, अञ्ञा निब्बानगामिनी।
Aññā hi lābhūpanisā, aññā nibbānagāminī;
एवमेतं अभिञ्ञाय, भिक्खु बुद्धस्स सावको।
Evametaṃ abhiññāya, bhikkhu buddhassa sāvako;
सक्कारं नाभिनन्देय्य, विवेकमनुब्रूहये॥
Sakkāraṃ nābhinandeyya, vivekamanubrūhaye.
बालवग्गो पञ्चमो निट्ठितो।
Bālavaggo pañcamo niṭṭhito.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / धम्मपद-अट्ठकथा • Dhammapada-aṭṭhakathā / ५. बालवग्गो • 5. Bālavaggo
