| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੨. ਬਲવਾਰੋ
2. Balavāro
੨੪. ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਅਸ੍ਸਦ੍ਧਿਯੇ ਨ ਕਮ੍ਪਤਿ। ਸਦ੍ਧਾਬਲਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
24. Sabbe sattā averino hontu, khemino hontu, sukhino hontūti – assaddhiye na kampati. Saddhābalaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਕੋਸਜ੍ਜੇ ਨ ਕਮ੍ਪਤਿ। વੀਰਿਯਬਲਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – kosajje na kampati. Vīriyabalaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਪਮਾਦੇ ਨ ਕਮ੍ਪਤਿ। ਸਤਿਬਲਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – pamāde na kampati. Satibalaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਉਦ੍ਧਚ੍ਚੇ ਨ ਕਮ੍ਪਤਿ। ਸਮਾਧਿਬਲਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – uddhacce na kampati. Samādhibalaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਅવਿਜ੍ਜਾਯ ਨ ਕਮ੍ਪਤਿ। ਪਞ੍ਞਾਬਲਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – avijjāya na kampati. Paññābalaparibhāvitā hoti mettācetovimutti.
ਇਮਾਨਿ ਪਞ੍ਚ ਬਲਾਨਿ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਆਸੇવਨਾ ਹੋਨ੍ਤਿ। ਇਮੇਹਿ ਪਞ੍ਚਹਿ ਬਲੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਆਸੇવੀਯਤਿ। ਇਮਾਨਿ ਪਞ੍ਚ ਬਲਾਨਿ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਭਾવਨਾ ਹੋਨ੍ਤਿ। ਇਮੇਹਿ ਪਞ੍ਚਹਿ ਬਲੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਭਾવੀਯਤਿ। ਇਮਾਨਿ ਪਞ੍ਚ ਬਲਾਨਿ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਬਹੁਲੀਕਤਾ ਹੋਨ੍ਤਿ। ਇਮੇਹਿ ਪਞ੍ਚਹਿ ਬਲੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਬਹੁਲੀਕਰੀਯਤਿ। ਇਮਾਨਿ ਪਞ੍ਚ ਬਲਾਨਿ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਅਲਙ੍ਕਾਰਾ ਹੋਨ੍ਤਿ। ਇਮੇਹਿ ਪਞ੍ਚਹਿ ਬਲੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਸ੍વਾਲਙ੍ਕਤਾ ਹੋਤਿ। ਇਮਾਨਿ ਪਞ੍ਚ ਬਲਾਨਿ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਪਰਿਕ੍ਖਾਰਾ ਹੋਨ੍ਤਿ। ਇਮੇਹਿ ਪਞ੍ਚਹਿ ਬਲੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਸੁਪਰਿਕ੍ਖਤਾ ਹੋਤਿ। ਇਮਾਨਿ ਪਞ੍ਚ ਬਲਾਨਿ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਪਰਿવਾਰਾ ਹੋਨ੍ਤਿ। ਇਮੇਹਿ ਪਞ੍ਚਹਿ ਬਲੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਸੁਪਰਿવੁਤਾ ਹੋਤਿ। ਇਮਾਨਿ ਪਞ੍ਚ ਬਲਾਨਿ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਆਸੇવਨਾ ਹੋਨ੍ਤਿ, ਭਾવਨਾ ਹੋਨ੍ਤਿ, ਬਹੁਲੀਕਤਾ ਹੋਨ੍ਤਿ, ਅਲਙ੍ਕਾਰਾ ਹੋਨ੍ਤਿ, ਪਰਿਕ੍ਖਾਰਾ ਹੋਨ੍ਤਿ, ਪਰਿવਾਰਾ ਹੋਨ੍ਤਿ, ਪਾਰਿਪੂਰੀ ਹੋਨ੍ਤਿ, ਸਹਗਤਾ ਹੋਨ੍ਤਿ, ਸਹਜਾਤਾ ਹੋਨ੍ਤਿ, ਸਂਸਟ੍ਠਾ ਹੋਨ੍ਤਿ, ਸਮ੍ਪਯੁਤ੍ਤਾ ਹੋਨ੍ਤਿ, ਪਕ੍ਖਨ੍ਦਨਾ ਹੋਨ੍ਤਿ, ਪਸੀਦਨਾ ਹੋਨ੍ਤਿ, ਸਨ੍ਤਿਟ੍ਠਨਾ ਹੋਨ੍ਤਿ, વਿਮੁਚ੍ਚਨਾ ਹੋਨ੍ਤਿ, ‘‘ਏਤਂ ਸਨ੍ਤ’’ਨ੍ਤਿ ਫਸ੍ਸਨਾ ਹੋਨ੍ਤਿ, ਯਾਨੀਕਤਾ ਹੋਨ੍ਤਿ, વਤ੍ਥੁਕਤਾ ਹੋਨ੍ਤਿ, ਅਨੁਟ੍ਠਿਤਾ ਹੋਨ੍ਤਿ, ਪਰਿਚਿਤਾ ਹੋਨ੍ਤਿ, ਸੁਸਮਾਰਦ੍ਧਾ ਹੋਨ੍ਤਿ, ਸੁਭਾવਿਤਾ ਹੋਨ੍ਤਿ, ਸ੍વਾਧਿਟ੍ਠਿਤਾ ਹੋਨ੍ਤਿ, ਸੁਸਮੁਗ੍ਗਤਾ ਹੋਨ੍ਤਿ, ਸੁવਿਮੁਤ੍ਤਾ ਹੋਨ੍ਤਿ ਨਿਬ੍ਬਤ੍ਤੇਨ੍ਤਿ ਜੋਤੇਨ੍ਤਿ ਪਤਾਪੇਨ੍ਤਿ।
Imāni pañca balāni mettāya cetovimuttiyā āsevanā honti. Imehi pañcahi balehi mettācetovimutti āsevīyati. Imāni pañca balāni mettāya cetovimuttiyā bhāvanā honti. Imehi pañcahi balehi mettācetovimutti bhāvīyati. Imāni pañca balāni mettāya cetovimuttiyā bahulīkatā honti. Imehi pañcahi balehi mettācetovimutti bahulīkarīyati. Imāni pañca balāni mettāya cetovimuttiyā alaṅkārā honti. Imehi pañcahi balehi mettācetovimutti svālaṅkatā hoti. Imāni pañca balāni mettāya cetovimuttiyā parikkhārā honti. Imehi pañcahi balehi mettācetovimutti suparikkhatā hoti. Imāni pañca balāni mettāya cetovimuttiyā parivārā honti. Imehi pañcahi balehi mettācetovimutti suparivutā hoti. Imāni pañca balāni mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpenti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੨-੪. ਬਲਾਦਿવਾਰਤ੍ਤਯવਣ੍ਣਨਾ • 2-4. Balādivārattayavaṇṇanā
