| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. বাল়্হগিলানসুত্তং
10. Bāḷhagilānasuttaṃ
৯০৮. একং সমযং আযস্মা অনুরুদ্ধো সাৰত্থিযং ৰিহরতি অন্ধৰনস্মিং আবাধিকো দুক্খিতো বাল়্হগিলানো। অথ খো সম্বহুলা ভিক্খূ যেনাযস্মা অনুরুদ্ধো তেনুপসঙ্কমিংসু; উপসঙ্কমিত্ৰা আযস্মন্তং অনুরুদ্ধং এতদৰোচুং –
908. Ekaṃ samayaṃ āyasmā anuruddho sāvatthiyaṃ viharati andhavanasmiṃ ābādhiko dukkhito bāḷhagilāno. Atha kho sambahulā bhikkhū yenāyasmā anuruddho tenupasaṅkamiṃsu; upasaṅkamitvā āyasmantaṃ anuruddhaṃ etadavocuṃ –
‘‘কতমেনাযস্মতো অনুরুদ্ধস্স ৰিহারেন ৰিহরতো উপ্পন্না সারীরিকা দুক্খা ৰেদনা চিত্তং ন পরিযাদায তিট্ঠন্তী’’তি? ‘‘চতূসু খো মে, আৰুসো, সতিপট্ঠানেসু সুপ্পতিট্ঠিতচিত্তস্স ৰিহরতো উপ্পন্না সারীরিকা দুক্খা ৰেদনা চিত্তং ন পরিযাদায তিট্ঠন্তি। কতমেসু চতূসু? ইধাহং, আৰুসো, কাযে কাযানুপস্সী ৰিহরামি…পে॰… ৰেদনাসু…পে॰… চিত্তে…পে॰… ধম্মেসু ধম্মানুপস্সী ৰিহরামি আতাপী সম্পজানো সতিমা, ৰিনেয্য লোকে অভিজ্ঝাদোমনস্সং – ইমেসু খো মে, আৰুসো, চতূসু সতিপট্ঠানেসু সুপ্পতিট্ঠিতচিত্তস্স ৰিহরতো উপ্পন্না সারীরিকা দুক্খা ৰেদনা চিত্তং ন পরিযাদায তিট্ঠন্তী’’তি। দসমং।
‘‘Katamenāyasmato anuruddhassa vihārena viharato uppannā sārīrikā dukkhā vedanā cittaṃ na pariyādāya tiṭṭhantī’’ti? ‘‘Catūsu kho me, āvuso, satipaṭṭhānesu suppatiṭṭhitacittassa viharato uppannā sārīrikā dukkhā vedanā cittaṃ na pariyādāya tiṭṭhanti. Katamesu catūsu? Idhāhaṃ, āvuso, kāye kāyānupassī viharāmi…pe… vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ – imesu kho me, āvuso, catūsu satipaṭṭhānesu suppatiṭṭhitacittassa viharato uppannā sārīrikā dukkhā vedanā cittaṃ na pariyādāya tiṭṭhantī’’ti. Dasamaṃ.
রহোগতৰগ্গো পঠমো।
Rahogatavaggo paṭhamo.
তস্সুদ্দানং –
Tassuddānaṃ –
রহোগতেন দ্ৰে ৰুত্তা, সুতনু কণ্ডকী তযো।
Rahogatena dve vuttā, sutanu kaṇḍakī tayo;
তণ্হক্খযসলল়াগারং, অম্বপালি চ গিলানন্তি॥
Taṇhakkhayasalaḷāgāraṃ, ambapāli ca gilānanti.
