| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਬਾਲ਼੍ਹਗਿਲਾਨਸੁਤ੍ਤਂ
10. Bāḷhagilānasuttaṃ
੯੦੮. ਏਕਂ ਸਮਯਂ ਆਯਸ੍ਮਾ ਅਨੁਰੁਦ੍ਧੋ ਸਾવਤ੍ਥਿਯਂ વਿਹਰਤਿ ਅਨ੍ਧવਨਸ੍ਮਿਂ ਆਬਾਧਿਕੋ ਦੁਕ੍ਖਿਤੋ ਬਾਲ਼੍ਹਗਿਲਾਨੋ। ਅਥ ਖੋ ਸਮ੍ਬਹੁਲਾ ਭਿਕ੍ਖੂ ਯੇਨਾਯਸ੍ਮਾ ਅਨੁਰੁਦ੍ਧੋ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਅਨੁਰੁਦ੍ਧਂ ਏਤਦવੋਚੁਂ –
908. Ekaṃ samayaṃ āyasmā anuruddho sāvatthiyaṃ viharati andhavanasmiṃ ābādhiko dukkhito bāḷhagilāno. Atha kho sambahulā bhikkhū yenāyasmā anuruddho tenupasaṅkamiṃsu; upasaṅkamitvā āyasmantaṃ anuruddhaṃ etadavocuṃ –
‘‘ਕਤਮੇਨਾਯਸ੍ਮਤੋ ਅਨੁਰੁਦ੍ਧਸ੍ਸ વਿਹਾਰੇਨ વਿਹਰਤੋ ਉਪ੍ਪਨ੍ਨਾ ਸਾਰੀਰਿਕਾ ਦੁਕ੍ਖਾ વੇਦਨਾ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਨ੍ਤੀ’’ਤਿ? ‘‘ਚਤੂਸੁ ਖੋ ਮੇ, ਆવੁਸੋ, ਸਤਿਪਟ੍ਠਾਨੇਸੁ ਸੁਪ੍ਪਤਿਟ੍ਠਿਤਚਿਤ੍ਤਸ੍ਸ વਿਹਰਤੋ ਉਪ੍ਪਨ੍ਨਾ ਸਾਰੀਰਿਕਾ ਦੁਕ੍ਖਾ વੇਦਨਾ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਨ੍ਤਿ। ਕਤਮੇਸੁ ਚਤੂਸੁ? ਇਧਾਹਂ, ਆવੁਸੋ, ਕਾਯੇ ਕਾਯਾਨੁਪਸ੍ਸੀ વਿਹਰਾਮਿ…ਪੇ॰… વੇਦਨਾਸੁ…ਪੇ॰… ਚਿਤ੍ਤੇ…ਪੇ॰… ਧਮ੍ਮੇਸੁ ਧਮ੍ਮਾਨੁਪਸ੍ਸੀ વਿਹਰਾਮਿ ਆਤਾਪੀ ਸਮ੍ਪਜਾਨੋ ਸਤਿਮਾ, વਿਨੇਯ੍ਯ ਲੋਕੇ ਅਭਿਜ੍ਝਾਦੋਮਨਸ੍ਸਂ – ਇਮੇਸੁ ਖੋ ਮੇ, ਆવੁਸੋ, ਚਤੂਸੁ ਸਤਿਪਟ੍ਠਾਨੇਸੁ ਸੁਪ੍ਪਤਿਟ੍ਠਿਤਚਿਤ੍ਤਸ੍ਸ વਿਹਰਤੋ ਉਪ੍ਪਨ੍ਨਾ ਸਾਰੀਰਿਕਾ ਦੁਕ੍ਖਾ વੇਦਨਾ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਨ੍ਤੀ’’ਤਿ। ਦਸਮਂ।
‘‘Katamenāyasmato anuruddhassa vihārena viharato uppannā sārīrikā dukkhā vedanā cittaṃ na pariyādāya tiṭṭhantī’’ti? ‘‘Catūsu kho me, āvuso, satipaṭṭhānesu suppatiṭṭhitacittassa viharato uppannā sārīrikā dukkhā vedanā cittaṃ na pariyādāya tiṭṭhanti. Katamesu catūsu? Idhāhaṃ, āvuso, kāye kāyānupassī viharāmi…pe… vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ – imesu kho me, āvuso, catūsu satipaṭṭhānesu suppatiṭṭhitacittassa viharato uppannā sārīrikā dukkhā vedanā cittaṃ na pariyādāya tiṭṭhantī’’ti. Dasamaṃ.
ਰਹੋਗਤવਗ੍ਗੋ ਪਠਮੋ।
Rahogatavaggo paṭhamo.
ਤਸ੍ਸੁਦ੍ਦਾਨਂ –
Tassuddānaṃ –
ਰਹੋਗਤੇਨ ਦ੍વੇ વੁਤ੍ਤਾ, ਸੁਤਨੁ ਕਣ੍ਡਕੀ ਤਯੋ।
Rahogatena dve vuttā, sutanu kaṇḍakī tayo;
ਤਣ੍ਹਕ੍ਖਯਸਲਲ਼ਾਗਾਰਂ, ਅਮ੍ਬਪਾਲਿ ਚ ਗਿਲਾਨਨ੍ਤਿ॥
Taṇhakkhayasalaḷāgāraṃ, ambapāli ca gilānanti.
