| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. б̣ал̣исасуд̇д̇ам̣
2. Baḷisasuttaṃ
158. саавад̇т̇ияам̣ вихарад̇и…бз… ‘‘д̣̇аарун̣о, бхигкавз, лаабхасаггаарасилого гадуго парусо анд̇арааяиго ануд̇д̇арасса яог̇агкзмасса ад̇хиг̇амааяа. сзяяат̇ааби, бхигкавз, б̣аал̣исиго аамисаг̇ад̇ам̣ б̣ал̣исам̣ г̇амбхийрз уд̣̇агарахад̣̇з багкибзяяа. д̇амзнам̣ ан̃н̃ад̇аро аамисажагку мажчо г̇илзяяа. зван̃хи со, бхигкавз, мажчо г̇илаб̣ал̣исо б̣аал̣исигасса анаяам̣ аабанно б̣яасанам̣ аабанно яат̇аагаамагаран̣ийяо б̣аал̣исигасса’’.
158. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko kaṭuko pharuso antarāyiko anuttarassa yogakkhemassa adhigamāya. Seyyathāpi, bhikkhave, bāḷisiko āmisagataṃ baḷisaṃ gambhīre udakarahade pakkhipeyya. Tamenaṃ aññataro āmisacakkhu maccho gileyya. Evañhi so, bhikkhave, maccho gilabaḷiso bāḷisikassa anayaṃ āpanno byasanaṃ āpanno yathākāmakaraṇīyo bāḷisikassa’’.
‘‘б̣аал̣исигод̇и ко, бхигкавз, маарассзд̇ам̣ баабимад̇о ад̇хиважанам̣. б̣ал̣исанд̇и ко, бхигкавз , лаабхасаггаарасилогассзд̇ам̣ ад̇хиважанам̣. яо хи гожи , бхигкавз, бхигку уббаннам̣ лаабхасаггаарасилогам̣ ассаад̣̇зд̇и нигаамзд̇и, аяам̣ вужжад̇и, бхигкавз, бхигку г̇илаб̣ал̣исо маарасса анаяам̣ аабанно б̣яасанам̣ аабанно яат̇аагаамагаран̣ийяо баабимад̇о. звам̣ д̣̇аарун̣о ко, бхигкавз , лаабхасаггаарасилого гадуго парусо анд̇арааяиго ануд̇д̇арасса яог̇агкзмасса ад̇хиг̇амааяа. д̇асмаад̇иха, бхигкавз, звам̣ сигкид̇аб̣б̣ам̣ – ‘уббаннам̣ лаабхасаггаарасилогам̣ баж̇ахиссаама, на жа но уббанно лаабхасаггаарасилого жид̇д̇ам̣ барияаад̣̇ааяа тассад̇ий’д̇и. зван̃хи во, бхигкавз, сигкид̇аб̣б̣а’’нд̇и. д̣̇уд̇ияам̣.
‘‘Bāḷisikoti kho, bhikkhave, mārassetaṃ pāpimato adhivacanaṃ. Baḷisanti kho, bhikkhave , lābhasakkārasilokassetaṃ adhivacanaṃ. Yo hi koci , bhikkhave, bhikkhu uppannaṃ lābhasakkārasilokaṃ assādeti nikāmeti, ayaṃ vuccati, bhikkhave, bhikkhu gilabaḷiso mārassa anayaṃ āpanno byasanaṃ āpanno yathākāmakaraṇīyo pāpimato. Evaṃ dāruṇo kho, bhikkhave , lābhasakkārasiloko kaṭuko pharuso antarāyiko anuttarassa yogakkhemassa adhigamāya. Tasmātiha, bhikkhave, evaṃ sikkhitabbaṃ – ‘uppannaṃ lābhasakkārasilokaṃ pajahissāma, na ca no uppanno lābhasakkārasiloko cittaṃ pariyādāya ṭhassatī’ti. Evañhi vo, bhikkhave, sikkhitabba’’nti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. б̣ал̣исасуд̇д̇аван̣н̣анаа • 2. Baḷisasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. б̣ал̣исасуд̇д̇аван̣н̣анаа • 2. Baḷisasuttavaṇṇanā
