| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
২. বল়িসসুত্তৰণ্ণনা
2. Baḷisasuttavaṇṇanā
১৫৮. দুতিযে বাল়িসিকোতি বল়িসং গহেত্ৰা চরমানো মচ্ছঘাতকো। আমিসগতন্তি আমিসমক্খিতং। আমিসচক্খূতি আমিসে চক্খু দস্সনং অস্সাতি আমিসচক্খু। গিলবল়িসোতি গিলিতবল়িসো। অনযং আপন্নোতি দুক্খং পত্তো। ব্যসনং আপন্নোতি ৰিনাসং পত্তো। যথাকামকরণীযোতি যথাকামেন যথারুচিযা যথেৰ নং বাল়িসিকো ইচ্ছতি, তথেৰস্স কত্তব্বোতি অত্থো। যথাকামকরণীযো পাপিমতোতি যথা কিলেসমারস্স কামো, এৰং কত্তব্বো, নিরযং ৰা তিরচ্ছানযোনিং ৰা পেত্তিৰিসযং ৰা পাপেতব্বো। দুতিযং।
158. Dutiye bāḷisikoti baḷisaṃ gahetvā caramāno macchaghātako. Āmisagatanti āmisamakkhitaṃ. Āmisacakkhūti āmise cakkhu dassanaṃ assāti āmisacakkhu. Gilabaḷisoti gilitabaḷiso. Anayaṃ āpannoti dukkhaṃ patto. Byasanaṃ āpannoti vināsaṃ patto. Yathākāmakaraṇīyoti yathākāmena yathāruciyā yatheva naṃ bāḷisiko icchati, tathevassa kattabboti attho. Yathākāmakaraṇīyo pāpimatoti yathā kilesamārassa kāmo, evaṃ kattabbo, nirayaṃ vā tiracchānayoniṃ vā pettivisayaṃ vā pāpetabbo. Dutiyaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. বল়িসসুত্তং • 2. Baḷisasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২. বল়িসসুত্তৰণ্ণনা • 2. Baḷisasuttavaṇṇanā
