| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২. বল়িসসুত্তৰণ্ণনা
2. Baḷisasuttavaṇṇanā
১৫৮. বল়িসেন চরতি, তেন ৰা জীৰতীতি বাল়িসিকো। তেনাহ ‘‘বল়িসং গহেত্ৰা চরমানো’’তি। আমিসগতন্তি আমিসূপগতং আমিসপতিতং। তেনাহ ‘‘আমিসমক্খিত’’ন্তি। ভিন্নাধিকরণানম্পি বাহিরত্থসমাসো হোতেৰাতি আহ ‘‘আমিসে চক্খুদস্সন’’ন্তি। অযো ৰুচ্চতি সুখং, তব্বিধুরতায অনযো, দুক্খন্তি আহ ‘‘দুক্খং পত্তো’’তি। অস্সাতি এতেন। কত্তুঅত্থে হি এতং সামিৰচনং। যথা কিলেসা ৰত্তন্তি, এৰং পৰত্তমানো পুগ্গলো কিলেসৰিপ্পযোগো ন হোতীতি ৰুত্তং ‘‘যথা কিলেসমারস্স কামো, এৰং কত্তব্বো’’তি।
158. Baḷisena carati, tena vā jīvatīti bāḷisiko. Tenāha ‘‘baḷisaṃ gahetvā caramāno’’ti. Āmisagatanti āmisūpagataṃ āmisapatitaṃ. Tenāha ‘‘āmisamakkhita’’nti. Bhinnādhikaraṇānampi bāhiratthasamāso hotevāti āha ‘‘āmise cakkhudassana’’nti. Ayo vuccati sukhaṃ, tabbidhuratāya anayo, dukkhanti āha ‘‘dukkhaṃ patto’’ti. Assāti etena. Kattuatthe hi etaṃ sāmivacanaṃ. Yathā kilesā vattanti, evaṃ pavattamāno puggalo kilesavippayogo na hotīti vuttaṃ ‘‘yathā kilesamārassa kāmo, evaṃ kattabbo’’ti.
বল়িসসুত্তৰণ্ণনা নিট্ঠিতা।
Baḷisasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. বল়িসসুত্তং • 2. Baḷisasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. বল়িসসুত্তৰণ্ণনা • 2. Baḷisasuttavaṇṇanā
