| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
២. ពឡិសសុត្តវណ្ណនា
2. Baḷisasuttavaṇṇanā
១៥៨. ទុតិយេ ពាឡិសិកោតិ ពឡិសំ គហេត្វា ចរមានោ មច្ឆឃាតកោ។ អាមិសគតន្តិ អាមិសមក្ខិតំ។ អាមិសចក្ខូតិ អាមិសេ ចក្ខុ ទស្សនំ អស្សាតិ អាមិសចក្ខុ។ គិលពឡិសោតិ គិលិតពឡិសោ។ អនយំ អាបន្នោតិ ទុក្ខំ បត្តោ។ ព្យសនំ អាបន្នោតិ វិនាសំ បត្តោ។ យថាកាមករណីយោតិ យថាកាមេន យថារុចិយា យថេវ នំ ពាឡិសិកោ ឥច្ឆតិ, តថេវស្ស កត្តព្ពោតិ អត្ថោ។ យថាកាមករណីយោ បាបិមតោតិ យថា កិលេសមារស្ស កាមោ, ឯវំ កត្តព្ពោ, និរយំ វា តិរច្ឆានយោនិំ វា បេត្តិវិសយំ វា បាបេតព្ពោ។ ទុតិយំ។
158. Dutiye bāḷisikoti baḷisaṃ gahetvā caramāno macchaghātako. Āmisagatanti āmisamakkhitaṃ. Āmisacakkhūti āmise cakkhu dassanaṃ assāti āmisacakkhu. Gilabaḷisoti gilitabaḷiso. Anayaṃ āpannoti dukkhaṃ patto. Byasanaṃ āpannoti vināsaṃ patto. Yathākāmakaraṇīyoti yathākāmena yathāruciyā yatheva naṃ bāḷisiko icchati, tathevassa kattabboti attho. Yathākāmakaraṇīyo pāpimatoti yathā kilesamārassa kāmo, evaṃ kattabbo, nirayaṃ vā tiracchānayoniṃ vā pettivisayaṃ vā pāpetabbo. Dutiyaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. ពឡិសសុត្តំ • 2. Baḷisasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២. ពឡិសសុត្តវណ្ណនា • 2. Baḷisasuttavaṇṇanā
