| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
២. ពឡិសសុត្តវណ្ណនា
2. Baḷisasuttavaṇṇanā
១៥៨. ពឡិសេន ចរតិ, តេន វា ជីវតីតិ ពាឡិសិកោ។ តេនាហ ‘‘ពឡិសំ គហេត្វា ចរមានោ’’តិ។ អាមិសគតន្តិ អាមិសូបគតំ អាមិសបតិតំ។ តេនាហ ‘‘អាមិសមក្ខិត’’ន្តិ។ ភិន្នាធិករណានម្បិ ពាហិរត្ថសមាសោ ហោតេវាតិ អាហ ‘‘អាមិសេ ចក្ខុទស្សន’’ន្តិ។ អយោ វុច្ចតិ សុខំ, តព្ពិធុរតាយ អនយោ, ទុក្ខន្តិ អាហ ‘‘ទុក្ខំ បត្តោ’’តិ។ អស្សាតិ ឯតេន។ កត្តុអត្ថេ ហិ ឯតំ សាមិវចនំ។ យថា កិលេសា វត្តន្តិ, ឯវំ បវត្តមានោ បុគ្គលោ កិលេសវិប្បយោគោ ន ហោតីតិ វុត្តំ ‘‘យថា កិលេសមារស្ស កាមោ, ឯវំ កត្តព្ពោ’’តិ។
158. Baḷisena carati, tena vā jīvatīti bāḷisiko. Tenāha ‘‘baḷisaṃ gahetvā caramāno’’ti. Āmisagatanti āmisūpagataṃ āmisapatitaṃ. Tenāha ‘‘āmisamakkhita’’nti. Bhinnādhikaraṇānampi bāhiratthasamāso hotevāti āha ‘‘āmise cakkhudassana’’nti. Ayo vuccati sukhaṃ, tabbidhuratāya anayo, dukkhanti āha ‘‘dukkhaṃ patto’’ti. Assāti etena. Kattuatthe hi etaṃ sāmivacanaṃ. Yathā kilesā vattanti, evaṃ pavattamāno puggalo kilesavippayogo na hotīti vuttaṃ ‘‘yathā kilesamārassa kāmo, evaṃ kattabbo’’ti.
ពឡិសសុត្តវណ្ណនា និដ្ឋិតា។
Baḷisasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. ពឡិសសុត្តំ • 2. Baḷisasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. ពឡិសសុត្តវណ្ណនា • 2. Baḷisasuttavaṇṇanā
