| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဗဠိသသုတ္တဝဏ္ဏနာ
2. Baḷisasuttavaṇṇanā
၁၅၈. ဗဠိသေန စရတိ, တေန ဝာ ဇီဝတီတိ ဗာဠိသိကော။ တေနာဟ ‘‘ဗဠိသံ ဂဟေတ္ဝာ စရမာနော’’တိ။ အာမိသဂတန္တိ အာမိသူပဂတံ အာမိသပတိတံ။ တေနာဟ ‘‘အာမိသမက္ခိတ’’န္တိ။ ဘိန္နာဓိကရဏာနမ္ပိ ဗာဟိရတ္ထသမာသော ဟောတေဝာတိ အာဟ ‘‘အာမိသေ စက္ခုဒသ္သန’’န္တိ။ အယော ဝုစ္စတိ သုခံ, တဗ္ဗိဓုရတာယ အနယော, ဒုက္ခန္တိ အာဟ ‘‘ဒုက္ခံ ပတ္တော’’တိ။ အသ္သာတိ ဧတေန။ ကတ္တုအတ္ထေ ဟိ ဧတံ သာမိဝစနံ။ ယထာ ကိလေသာ ဝတ္တန္တိ, ဧဝံ ပဝတ္တမာနော ပုဂ္ဂလော ကိလေသဝိပ္ပယောဂော န ဟောတီတိ ဝုတ္တံ ‘‘ယထာ ကိလေသမာရသ္သ ကာမော, ဧဝံ ကတ္တဗ္ဗော’’တိ။
158. Baḷisena carati, tena vā jīvatīti bāḷisiko. Tenāha ‘‘baḷisaṃ gahetvā caramāno’’ti. Āmisagatanti āmisūpagataṃ āmisapatitaṃ. Tenāha ‘‘āmisamakkhita’’nti. Bhinnādhikaraṇānampi bāhiratthasamāso hotevāti āha ‘‘āmise cakkhudassana’’nti. Ayo vuccati sukhaṃ, tabbidhuratāya anayo, dukkhanti āha ‘‘dukkhaṃ patto’’ti. Assāti etena. Kattuatthe hi etaṃ sāmivacanaṃ. Yathā kilesā vattanti, evaṃ pavattamāno puggalo kilesavippayogo na hotīti vuttaṃ ‘‘yathā kilesamārassa kāmo, evaṃ kattabbo’’ti.
ဗဠိသသုတ္တဝဏ္ဏနာ နိဋ္ဌိတာ။
Baḷisasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဗဠိသသုတ္တံ • 2. Baḷisasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ဗဠိသသုတ္တဝဏ္ဏနာ • 2. Baḷisasuttavaṇṇanā
